My Blog

Category: चंद्रपूर शहर

चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.

  • Plastic seizure in Chandrapur | चंद्रपूर महानगरपालिकेच्या प्लास्टिकबंदी अभियानात मोठी कारवाई

    Plastic seizure in Chandrapur

    Plastic seizure in Chandrapur : चंद्रपूर महानगरपालिकेतर्फे एकदाच वापरल्या जाणाऱ्या प्लास्टिकवर कारवाई सुरू असुन उपद्रव शोध पथकाद्वारे दादमहाल वॉर्ड येथील वाशिम खान यांच्या घरून 250 किलो प्लास्टिक पन्नी जप्त करण्यात आले आहेत तसेच संबंधितांवर 5 हजार रुपयांचा दंड ठोठावण्यात आला आहे.

    वैनगंगा नदीत बुडून चंद्रपुरातील 3 सख्ख्या बहिणीचा करून अंत


        बंदी असलेल्या व एकदाच वापर करता येणाऱ्या प्लास्टिकवर कारवाई करण्यासाठी आयुक्त तथा प्रशासक विपीन पालीवाल यांच्या निर्देशानुसार 8 टीम्स बनविण्यात आल्या आहेत. या सर्व चमूंद्वारे शहरात नियमित कारवाई करण्यात येते. यावेळेस सुद्धा या दुकानासंबंधी गुप्त माहिती मनपास प्राप्त झाली होती. (Chandrapur Municipal Corporation plastic ban)

    प्लास्टीक साठा,पिशव्यांची माहीती देणाऱ्याचे नाव गुप्त ठेवण्यात येत असुन दिलेली माहीती खरी निघाल्यास 5 हजारांचे बक्षिस दिल्या जात असल्याने अनेक सुजाण व्यक्तींकडुन अवैध साठ्यासंबंधी तक्रारी मनपास प्राप्त होत आहेत. (Illegal plastic storage in Chandrapur)


         एकदाच वापरल्या जाणाऱ्या प्लास्टिकच्या वस्तूंचे उत्पादन, आयात, साठवणूक, वाहतूक, वितरण, विक्री व वापरावर राज्यात 1 जुलै 2022 पासून पूर्णपणे बंदी घालण्यात आली असुन महाराष्ट्र प्लास्टिक आणि थर्माकोल अधिसूचना 2018 नुसार पाचशे रुपये जागेवरच दंड, संस्थात्मक पातळीवर 5 हजार रुपयांपर्यंत दंड,दुसऱ्यांदा वापर केल्यास 10 हजार रुपये, तर तिसऱ्यांदा गुन्हा केला तर 25 हजार रुपये दंड आणि 3 महिन्यांच्या कारावासाची शिक्षा आहे.


         सदर कारवाई आयुक्त विपीन पालीवाल यांच्या मार्गदर्शनात अतिरिक्त आयुक्त चंदन पाटील, उपायुक्त मंगेश खवले यांच्या प्रत्यक्ष नियंत्रणात सहायक आयुक्त शुभांगी सूर्यवंशी,स्वच्छता निरीक्षक शुभम खोटे,शुभम चिंचेकर, राहुल गगपल्लिवर, प्रफुल पोतराजे,रुचिर कोरेकर यांनी केली. 

  • Eklavya Model School principal transfer | प्राचार्य संजय बोंतावार यांची बदली रद्द करा – शाळा व्यवस्थापन समितीची मागणी

    Eklavya Model School principal transfer

    Eklavya Model School principal transfer : चंद्रपूर जिल्ह्यातील देवाडा येथील एकलव्य मॉडेल निवासी शाळेचे प्रभारी प्राचार्य संजय बोंतावार यांची खोट्या तक्रारीच्या आधारावर बदली करण्यात आल्याने शाळा व्यवस्थापन समितीने नाराजी व्यक्त केली आहे. एका शिस्तप्रिय व विद्यार्थिवर प्रेम करणाऱ्या शिक्षकाची अंतर्गत राजकारणाचा बळी गेल्याची भावना समितीने पत्रकार परिषदेत मांडली. त्यांनी प्राचार्य बोंतावार यांची बदली रद्द करून त्यांना पुन्हा देवाडा शाळेत रुजू करण्याची मागणी केली आहे. Eklavya Model School Chandrapur issue

    तीन सख्ख्या बहिणी वैनगंगा नदीत बुडाल्या, चंद्रपूर हादरलं

    शिस्तप्रियतेमुळे प्राचार्यांना लक्ष्य

    एकलव्य मॉडेल निवासी शाळा ही भारत सरकारच्या आदिवासी विभागामार्फत चालवली जाणारी जिल्ह्यातील एकमेव शाळा आहे. विद्यार्थ्यांच्या एकाग्रतेसाठी शाळा व्यवस्थापन समितीने शाळेत मोबाईल वापरास बंदी घालण्याचा ठराव पालकांच्या सहमतीने मंजूर केला होता. मात्र काही विद्यार्थ्यांनी हा ठराव नाकारत मोबाईल, तंबाखू व अन्य साहित्य लपवून ठेवले. School mobile phone ban controversy

    राजुरा येथे वर्धा नदीत बुडून 3 मुलांचा मृत्यू

    प्राचार्य बोंतावार यांनी हे आक्षेपार्ह साहित्य शोधून काढल्यानंतर त्यांनी संबंधित विद्यार्थ्यांना जाब विचारला. मात्र, काही उद्धट विद्यार्थ्यांनी शिक्षकांनी मारहाण केल्याचा खोटा आरोप पालकांसमोर केला. या तक्रारीच्या आधारे प्रशासनाने प्राचार्य बोंतावार यांची तत्काळ बदली केली, यामुळे व्यवस्थापन समितीने संताप व्यक्त केला आहे.

    विद्यार्थ्यांमध्ये हळहळ, व्यवस्थापन समितीची मागणी

    प्राचार्य बोंतावार यांनी शाळेत रुजू झाल्यापासून शिस्तबद्ध शिक्षण पद्धती राबवून विद्यार्थ्यांना अभ्यासाची गोडी लावली होती. मात्र, अंतर्गत राजकारण व बाहेरील राजकीय हस्तक्षेपामुळे त्यांचा अवास्तव बळी गेला, अशी खंत व्यवस्थापन समितीने व्यक्त केली.

    प्राचार्य बोंतावार यांची बदली झाल्याचे कळताच विद्यार्थ्यांमध्ये हळहळ व्यक्त झाली. काही विद्यार्थ्यांनी अश्रू ढाळले व हंबरडा फोडला. त्यामुळे प्राचार्य बोंतावर यांना पुन्हा एकलव्य मॉडेल निवासी शाळेत रुजू करण्याची मागणी व्यवस्थापन समितीने केली आहे.

  • Chandrapur Lokshahi Din 2025 | “चंद्रपूर महानगरपालिकेत लोकशाही दिन: तक्रारींच्या तत्पर निवारणासाठी नागरिकांना सुवर्णसंधी!”

    Chandrapur Lokshahi Din 2025

    Chandrapur Lokshahi Din 2025 : सर्व सामान्य जनतेच्या तक्रारी आणि अडचणींची न्याय व तत्परतेने शासकिय यंत्रणेकडून सोडवणूक करण्यासाठी एक प्रभावी  उपाय योजना म्हणून ‘लोकशाही दिन’ चंद्रपूर महानगरपालिका कार्यालयात दर महिन्याच्या पहिल्या सोमवारी आयोजीत केला जातो. मार्च महीन्यातील लोकशाही दिन, सोमवार दि.3 मार्च 2025 रोजी महानगरपालिका कार्यालयात मा. आयुक्त यांचे अध्यक्षतेखाली दुपारी 1 वाजता आयोजीत करण्यात आलेला आहे.

    शबरी आदिवासी घरकुल योजनेचा नागरिकांना मिळेल असा लाभ


        ज्या नागरिकांना प्रत्यक्षरित्या उपस्थीत राहणे शक्य नाही त्यांच्यासाठी मनपाने ई-लोकशाही दिनाची सुविधा करून दिली असुन यात त्यांना आपले निवेदन   lokshahidincomplaint@gmail.com या ईमेल आयडी वर पाठविता येईल.लोकशाही दिन प्रसंगी अर्जदारांनी विहीत नमून्यातील दोन प्रतीत अर्ज सादर करावे. लोकशाही दिनाच्या १५ दिवस आधी अर्जदार अर्ज /निवेदन सादर करतील. अर्ज सादर केल्यानंतर संबंधीत विभागाकडे निवेदन कार्यवाही करीता पाठविण्यात येईल. (Chandrapur Municipal Corporation grievances)


        संबंधीत विभागप्रमुख अर्जदाराला आपल्या स्तरावर निवेदनासंबंधी केलेली कार्यवाही किंवा चालु असलेली कार्यवाही याबाबत अवगत करतील,तसे विभाग प्रमुखाकडून न झाल्यास किंवा अर्जदाराचे समाधान न झाल्यास अर्जदारांना  लोकशाही दिनामध्ये मा. आयुक्त यांचे कार्यालयात हजर राहून आपले म्हणणे सादर करता येईल. आयुक्त हे सदर अहवाल, अर्जदाराची विनंती, त्याबद्दलचे नियम, शासनाची भुमिका,तरतुदी या बाबींचा विचार करून योग्य निर्णय देतील.

  • Local body elections Maharashtra | चंद्रपूरमध्ये काँग्रेसचा विजय संकल्प; खासदार प्रतिभा धानोरकर यांची आढावा बैठक

    Local body elections Maharashtra

    Local body elections Maharashtra : लोकभेतील अभुतपूर्व यशानंतर राज्यात कॉग्रेस ला अपेक्षीत असे विधानसभेत यश मिळू शकले नाही. परंतु येणाऱ्या स्थानिक स्वराज्य संस्थेच्या निवडणूकांसाठी कार्यकर्त्यांना सज्ज होण्याचे आवाहन खासदार प्रतिभा धानोरकर यांनी कार्यकर्त्यांच्या आढावा बैठकी दरम्यान केले.

    येत्या काही दिवसांत स्थानिक स्वराज्य संस्थेच्या निवडणूका होणार असून त्या जिंकण्याचा काँग्रेस पक्षाने निर्धार केला असून त्यासाठी चंद्रपूर शहरातील पठाणपूरा प्रभागातून स्थानिक स्वराज्य संस्थेचा बिगुल वाजविला आहे. या प्रभागात माजी नगरसेवक नंदु नागरकर यांच्या घरी खासदार प्रतिभा धानोरकर यांच्या अध्यक्षतेखाली आढावा बैठकीचे आयोजन करण्यात आले होते.

    ओबीसी प्रवर्गात आर्य वैश्य कोमटी समाजाला समाविष्ट करण्याचा प्रयत्न, चंद्रपुरात ओबीसी महासंघाचे निषेध आंदोलन

    काँग्रेस कार्यकर्त्यांशी संवाद साधताना खासदार धानोरकर म्हणाल्या की, प्रत्येक निवडणूका या वेगवेगळ्या पध्दतीने होत असतात. एक पराभवाने खचून न जाता, पुन्हा जोमाने कामाला लागा व संघटन मजबूत करुन येणाऱ्या स्थानिक स्वराज्य संस्थांच्या निवडणूकीत यश प्राप्त करा. मी प्रत्येक प्रभागात आढावा बैठक घेणार असून त्या ठिकाणी संबंधित नागरिकांशी चर्चा करुन प्रभागातील समस्येवर महानगरपालिकेत बैठक देखील घेईल. आपण सर्वांनी एक होऊन काम केल्यास निश्चित येणाऱ्या निवडणूकांत विजय संपादन करता येईल. (Pratibha Dhanorkar speech)

    या बैठकी वेळी मंचावर माजी आमदार तथा जिल्हाध्यक्ष सुभाष धोटे, विनायक बांगडे, सुभाष गौर, चंद्रपूर शहर कॉग्रेस अध्यक्ष रामू तिवारी, चंद्रपूर विधानसभेचे कॉग्रेसचे उमेदवार प्रविण पडवेकर, माजी नगरसेवक नंदु नागरकर, प्रशांत दानव, सुनिता लोढिया यांच्या सह अनेक पदाधिकाऱ्यांची उपस्थिती होती.

  • Arya Vaishya OBC Inclusion | ओबीसी प्रवर्गात आर्य वैश्य समाज समाविष्ट करण्याच्या हालचालींना विरोध; राष्ट्रीय ओबीसी महासंघाचे आंदोलन

    Arya Vaishya OBC Inclusion

    Arya Vaishya OBC Inclusion : चंद्रपूर : मराठा समाजाला ओबीसी प्रवर्गात समाविष्ट करण्याच्या हालचालींना आक्रमक विरोध करणाऱ्या ओबीसी समाजाने आता आर्य वैश्य (कोमटी) समाजाला ओबीसी प्रवर्गात समाविष्ट करण्याच्या हालचालींविरोधात आंदोलन पुकारले आहे. या पार्श्वभूमीवर राष्ट्रीय ओबीसी महासंघाने जनता कॉलेज चौकात निदर्शने करत शासनाच्या भूमिकेचा निषेध केला.

    शिकारीच्या शोधात बिबट्या पडला विहिरीत

    राज्य शासनाने यापूर्वीच स्पष्ट केले होते की, इतर कोणत्याही समाजाला ओबीसी प्रवर्गात समाविष्ट केले जाणार नाही. यासंदर्भात शासनाने लिखित आश्वासनही दिले होते. मात्र, या आश्वासनानंतरही मागील वर्षी चंद्रपुरात अत्यंत गोपनीय पद्धतीने आर्य वैश्य समाजाचा सर्व्हे करण्यात आला होता. National OBC Federation

    राज्य मागासवर्गीय आयोगाच्या सदस्यांनी यासंदर्भात परिपत्रक जारी केले होते आणि दोन सदस्यीय टीम चंद्रपुरात येऊन हा सर्व्हे पूर्ण केला होता. त्यावेळी राष्ट्रीय ओबीसी महासंघाने याला विरोध दर्शवून निवेदन दिले होते. मात्र, त्यानंतरही आर्य वैश्य समाजाला ओबीसी प्रवर्गात समाविष्ट करण्याच्या हालचालींना वेग आल्याचे दिसून येत आहे. त्यामुळे या निर्णयाचा तीव्र निषेध करण्यासाठी ओबीसी महासंघाने पुन्हा आंदोलन छेडले आहे.

    या निदर्शनांमध्ये महासंघाचे सचिव सचिन राजूरकर यांनी शासनाच्या भूमिकेवर तीव्र टीका केली. ते म्हणाले, “मराठा समाजाला ओबीसी प्रवर्गात समाविष्ट करण्याच्या हालचालींना मोठ्या प्रमाणात विरोध करून आम्ही यश मिळवले होते. मात्र, आता प्रशासन गोपनीय पद्धतीने आर्य वैश्य समाजाला ओबीसी प्रवर्गात समाविष्ट करण्याचा प्रयत्न करत आहे, हे अत्यंत चुकीचे आहे. शासनाने ओबीसी समाजाचा अंत पाहू नये.” Backward Class Reservation

    या आंदोलनाला मोठ्या संख्येने ओबीसी समाज बांधवांनी पाठिंबा दर्शवला. ओबीसी समाजाच्या अस्तित्वाचा हा प्रश्न असून, इतर कोणत्याही नव्या समाजाला ओबीसी प्रवर्गात स्थान दिल्यास मोठे आंदोलन छेडले जाईल, असा इशारा महासंघाने दिला आहे.

  • Shabari Tribal Housing Scheme Chandrapur | चंद्रपूर शहरातील नागरिकांना असा मिळेल घरकुल योजनेचा लाभ

    Shabari Tribal Housing Scheme Chandrapur

    Shabari Tribal Housing Scheme Chandrapur : चंद्रपूर महानगरपालिका हद्दीत गावठाण क्षेत्रातील अनुसूचित जमातीच्या ज्या लाभार्थ्यांकडे जमीनीची मालकी नाही अशा लाभार्थ्यांना मागील 3 वर्षाच्या मालमत्ता कर पावतीच्या (टॅक्स पावती) आधारे, मनपा कार्यालयात अर्ज करुन घरकुलाचा लाभ (रु.2.50 लक्ष अनुदान) देण्यात येत आहे.

    गडचिरोली मधील नामांकित संस्थेत काम करण्याची सुवर्णसंधी


        आदिवासी उपयोजनेंतर्गत राज्यातील अनुसूचित जमातीच्या ज्या लोकांना राहण्यासाठी स्वतःची घरे नाहीत, जे अनुसूचित जमातीचे लोक, कुडा मातीच्या घरात, झोपड्यांमध्ये किंवा तात्पुरत्या तयार केलेल्या निवाऱ्यात राहतात अशा अनुसूचितील पात्र लाभार्थ्यांना घरकुल उपलब्ध करुन देण्यासाठी वैयक्तिक लाभाची राज्य शासनाची “शबरी आदिवासी घरकुल योजना” चंद्रपूर शहर महानगरपालिका अंतर्गत राबविण्यात येत आहे. (Chandrapur Municipal Corporation Housing Scheme)


        त्याचप्रमाणे चंद्रपूर शहरात अनुसूचित जमातीतील जागा उपलब्ध नसणाऱ्या नागरिकांना गावठाण क्षेत्रांतर्गत बांधण्यात आलेल्या (बांधण्यात येणाऱ्या) सदनिकांमध्ये (फ्लॅट्स) शबरी आदिवासी घरकुल योजनेचा लाभ घेण्याकरिता मनपा कार्यालयात घरकुल मागणीसाठी रितसर अर्ज करुन रु. 2.50 लक्षचा लाभ मिळविता येईल.


       चंद्रपूर महानगरपालिका हद्दीतील सर्व नागरिकांना आवाहन करण्यात येते की, सदर योजनेबाबत आवश्यक माहिती जसे योजनेसाठी पात्रता,उत्पन्न मर्यादा,  आवश्यक कागदपत्रे इत्यादींकरिता चंद्रपूर शहर महानगरपालिका कार्यालय, सात मजली इमारत, प्रथम माळा, घरकुल विभाग येथे संपर्क साधावा.

  • Chandrapur Chhatrapati festival । चंद्रपूरात शिवरायांचा गौरव! तीन दिवस चाललेल्या छत्रपती महोत्सवाची उत्साहात सांगता

    Chandrapur Chhatrapati festival

    Chandrapur Chhatrapati festival : चंद्रपूर :- छत्रपती महोत्सव समितीच्या वतीने तीन दिवसीय छत्रपती महोत्सव 2025 मोठया जल्लोषात पार पडला. तीन दिवसीय महोत्सवमध्ये विविध सांस्कृतीक क्रीडा व प्रबोधनपर कार्यक्रमाचे आयोजन करण्यात आले होते. छत्रपती महोत्सवाचे उदघाट्न मॅरेथॉन स्पर्धेने पोलीस अधीक्षक मुम्मका सुदर्शन यांच्या हस्ते करण्यात आले, सायंकाळी सांस्कृतिक कार्यक्रमात शिवकाळावर आधारित रंगतदार नृत्यांचे सादरीकरण करण्यात आले. Chhatrapati festival 2025

    19 फेब्रुवारी ला शिवजन्मोत्सव पालखी सोहळ्या मध्ये छत्रपती शिवाजी महाराजांच्या जिवन काळातील महत्त्वाच्या 14 प्रसंगावर तयार करण्यात आलेले देखावे आकर्षित करणारे होते. यामध्ये शिवाजी राजांच्या जन्मापासून ते राज्याभिषेक आणि शेवट महात्मा जोतिबा फुले शिवाजी महाराज यांची समाधी शोधून काढतात व पहिली शिवजयंती साजरी करतात हा देखावा होता. हे आकर्षक देखावे सिव्हिल लाईन गणेश मंडळ, हिवरपुरी बाल गणेश मंडळ, क्षत्रिय माळी समाज मंडळ, ज्युबिली हायस्कुल, पोंभुर्णा शिक्षिका ग्रुप यांनी सादर केले. Chhatrapati festival winners list

    chhatrapati festival winners list

    पालखी मिरवणुकीचे उदघाटन जिल्हाधिकारी विनय गौडा यांनी केले तर याप्रसंगी खासदार प्रतिभाताई धानोरकर, आमदार सुधाकर अडबाले, आमदार किशोर जोरगेवार आणि चंद्रपूर शहरातील अनेक गणमान्य व्यक्ती यांची प्रामुख्याने उपस्थिती होती. मिरवणूक संपल्यावर गांधी चौक मैदानात शिवव्याख्याते राजदादा घुमणार यांच्या व्याख्यानाचे आयोजन करण्यात आले होते. 20 फेब्रुवारी ला शेवटच्या दिवशी सर्व कार्यक्रमाचे बक्षीस वितरण मान्यवरांच्या हस्ते करण्यात आले.

    आरटीई मधील पहिल्या फेरीमधील यादी जाहीर

    तसेच महाराष्ट्रील सुप्रसिध्द शिवशाहीर राजेंद्र कांबळे, अकलूज, सोलापूर यांच्या पोवाडा आणि शाहिरी या कार्यक्रमाने महोत्सवाची सांगता झाली. यावेळी शिवशाहीर राजेंद्र कांबळे यांनी आपल्या पहाडी व भारदस्त आवाजात अंगावर शहारे आणणारे शिवकालीन प्रसंग व शिवरायांचे कार्य आपल्या वाणीतून प्रस्तुत केले. या महोत्सवात प्राचार्य सूर्यकांत खणके यांना या वर्षीचा चंद्रपूर गौरव पुरस्कार देऊन सन्मान करण्यात आला. (Shivshahir Rajendra Kamble performance)


    या महोत्सवाच्या यशस्वी आयोजनात छत्रपती महोत्सव आयोजन समितीचे निमंत्रक संतोष कुचनकर, अध्यक्ष आमदार सुधाकर अडबाले , कार्याध्यक्ष प्रा. डॉ. दिलीप चौधरी, सचिव हरीश ससनकर, उपाध्यक्ष राजीव कक्कड, सहसचिव बंडू धोत्रे, सहसचिव सोहेल शेख, कोषाध्यक्ष प्रा. निलेश बेलखेडे, सहकोषाध्यक्ष प्रा. वैशाली तुमराम, प्रसिद्धी प्रमुख विजय मुसळे मार्गदर्शक प्राचार्य सूर्यकांत खणके, नंदुभाऊ नागरकर, विजयराव टोंगे, समितीचे कार्यकारी सदस्य चंद्रकांत वैद्य, दिलीप रिंगणे, अँड. निमेश मानकर,

    निशिकांत देशमुख, विनोद थेरे, दीपकभाऊ जेऊरकर, ॲड. देवा पाचभाई, राजेंद्र खांडेकर, दिलीप होरे, प्रा कमलाकर धानोरकर, पायल अन्नलदेवार, दुर्गा आत्राम, विजय बोरकर, विजय हेडाऊ, बाबा सातपुते, संजय तुरीले, आशिष येडांगे, अनिकेत बोबडे, विनोद गोवरदीपे, सुधाकर आंभोरे, प्रवीण पडवेकर, गोपाल अमृतकर, नकुल, अर्चना चौधरी, लताताई होरे, सारिका कुचनकर, रुपाली धांडे, दीक्षा, रजनी जेउरकर, उषा धांडे, चंदाताई वैरागडे, मीनाक्षी धुमणे यांनी महोत्सव यशस्वी करण्यासाठी प्रयत्न केले.

  • OBC protest in Maharashtra । ओबीसी मागण्यांसाठी एकदिवसीय धरणे आंदोलन – सरकारच्या आश्वासनांवर प्रश्नचिन्ह?

    OBC protest in Maharashtra

    ओबीसींच्या मागण्या पूर्ण केल्याच नाही मग भाजपाचा DNA ओबीसी कसा? सचिन राजूरकर

    OBC protest in Maharashtra : ओबीसी समाजाच्या विविध मागण्यांसाठी राष्ट्रीय ओबीसी महासंघाने राज्यव्यापी एकदिवसीय धरणे आंदोलनाचे आयोजन केले होते.
    चंद्रपुरात 11 सप्टेंबर 2023 रोजी रविंद्र टोंगे यांनी ओबीसी समाजातील विविध मागण्या पूर्ण व्हाव्या यासाठी आमरण उपोषण सुरू केले होते, त्यावेळी उपमुख्यमंत्री देवेंद्र फडणवीस (Devendra Fadnavis OBC promise) यांनी चंद्रपुरात येत रविंद्र टोंगे यांचं आमरण उपोषण सोडवीत ओबीसींच्या मागण्या लवकरात लवकर पूर्ण करण्याचे आश्वासन दिले, मात्र फडणवीस यांचं आश्वासन फोल ठरल्याने राष्ट्रीय ओबीसी महासंघाने एकदिवसीय धरणे आंदोलन केले. (National OBC Federation rally)

    जिल्हा प्रशासनाची बदनामी खपवून घेतली जाणार नाही – पालकमंत्री अशोक उईके


    जिल्हाधिकारी कार्यालय समोर या आंदोलनाला सुरुवात झाली. यावेळी संघाचे महासचिव सचिन राजूरकर म्हणाले की सरकारने ओबीसींच्या मागण्या पूर्ण करा आणि जर भाजपाचा DNA ओबीसी समाज असेल तर सरकारने लिखित दिलेले आश्वासन पूर्ण का करत नाही असाही सवाल केला. Maharashtra OBC protest 2024

    ओबीसी समाजाच्या मागण्या काय?


    बिहारच्या धर्तीवर (Bihar-style caste census OBC) जातनिहाय सर्वे करण्यात यावा,ओबिसी, व्हीजे,एनटी & विमाप्र विद्यार्थ्याना अजूनही आधार योजनेतील रक्कम मिळाली नाही ,जिल्हा मध्यवर्ती बँकेतील मागासवर्गीयाचे आरक्षण लागू करण्यात यावे,सारथी व बार्टी प्रमाणे दि.23 सप्टेंबर 2024 च्या मंत्री मंडळ निर्णयाप्रमाणे महाज्योती अंतर्गत नोंदणी असणाऱ्या ओबीसी, भटके विमुक्त व एस.बी.सी विद्यार्थी यांना २ वर्षांपासून प्रलंबित असणारी फेलोशिप तात्काळ अदा करावी. ओबीसी, विजा, भज व विमाप्र सुशिक्षित बेरोजगारा व्याज परतावा कर्ज मर्यादा 15 लक्ष करण्यात यावी,

    ओबीसी मुलांना भारत सरकार स्कॉलरशिप 100%करण्यात यावी, अनुसूचित क्षेत्रात महामहीम राज्यपालांच्या अधिसूचनेनुसार वर्ग 3 व वर्ग 4 चे 17 संवर्गीय पदे भरताना शंभर टक्के अनुसूचित जमातीतूनच भरली जातात त्यामुळे ओबीसी सहित इतर होणारा अन्याय तात्काळ थांबविण्यात यावा. ओबीसी, विजा,भज व विमाप्र समाजातील पाल्यांना सफाई कामगारांच्या व्याख्येत बसणारे सर्व सफाई कामगांराना लाड समितीच्या शिफारशीच्या अनुषंगाने वारसा हक्काने नियुक्ती देण्यात यावी , केंद्र सरकारने जातनिहाय जनगणना करण्यात यावी, ओबीसी साठी केंद्रात स्वतंत्र मंत्रालय स्थापन करण्यात यावे, क्रिमीलेअरची उत्पन्न मर्यादा 15 लक्ष रुपये करण्यात यावी, आरक्षणाची 50% मर्यादा रद्द करण्यात यावी ,ओबीसींना लोकसंख्येच्या प्रमाणात निधी उपलब्ध करून देण्यात यावा.

    मागण्याचे निवेदन राष्ट्रपती, पंतप्रधान, गृहमंत्री, सामाजिक न्याय मंत्री, ओबीसी आयोगाचे अध्यक्ष यांना पाठविण्यात आले तर राज्य सरकारच्या मागण्याचे निवेदन, मुख्यमंत्री, दोन्ही उपमुख्यमंत्री, ओबीसी मंत्री, मुख्य सचिव, ओबीसी खात्याचे सचिव, जिल्हाचे पालकमंत्री , जिल्ह्याच्या खासदार व सर्व आमदार यांना मागण्याचे निवेदन देण्यात आले.

    धरणे आंदोलनात राष्ट्रीय ओबीसी महासंघ,प्रदेश कार्याध्यक्ष दिनेश चोखारे, कर्मचारी संघटनेचे प्रदेशाध्यक्ष श्याम लेडे, ओबीसी योद्धा रवींद्र टोंगे,महिला महासंघाच्या जिल्हाध्यक्ष भावना बावनकर, महासचिव मनिषा बोबडे, दुर्गाताई चवरे, ममता डुकरे,इमदाद शेख,श्रीहरी सातपुते,अक्षय येरगुडे ,रामदास कामडी,मनोहर शेंडे, प्रदीप पावडे, देवा पाचभाई, गणेश आवारी, विपिन देऊळकर, पूजा राऊत,आतकरी सर,प्रेमा जोगी,अक्षय लांजेवार,रामराव हरडे लोहकरे सर,प्रा पिसे सर, सतीश भीवगडे , पप्पू देशमुख,अ. भा. ओबीसी संघटनेचे अध्यक्ष मा. डी. के. चौधरी , कोषाध्यक्ष मा. पी. एन. बगमारे, सहसचिव मा.एस. एस. बावनकर,संघटक मा. डी. एस. समर्थ, संघटक मा. आर. एम. मोरांडे, संघटक मा. ए. जी. समर्थ, इ.पधादिकारी, विद्यार्थी धरणे आंदोलनात सहभागी झाले.

  • Chhatrapati Shivaji Maharaj Equestrian Statue । चंद्रपूरात छत्रपती शिवाजी महाराजांचा अश्वारूढ पुतळा उभारला जाणार – आ. किशोर जोरगेवार

    Chhatrapati Shivaji Maharaj Equestrian Statue

    छत्रपती शिवाजी महाराजांचा पुतळा – महाराष्ट्राच्या अभिमानाचा नवा अध्याय

    Chhatrapati Shivaji Maharaj Equestrian Statue : छत्रपती शिवाजी महाराज चौकात छत्रपती शिवाजी महाराज यांच्या स्मारकाला माल्यार्पण करण्याचा योग लाभला आहे. पण इथेच थांबायचे नाही. याच ठिकाणी लवकरच छत्रपती शिवाजी महाराजांचा अश्वारूढ पुतळा उभारला जाणार आहे. ही केवळ एक कल्पना नव्हे, तर हा आपला संकल्प आहे. याबाबतच्या सर्व प्रक्रिया गतीशीलपणे पुढे नेण्यासाठी आमचे सातत्याने प्रयत्न सुरू आहेत, असे आमदार किशोर जोरगेवार म्हणाले.

    शिवजयंतीनिमित्त (Shivaji Maharaj Jayanti Celebration) छत्रपती शिवाजी महाराज चौक येथे आमदार किशोर जोरगेवार यांनी छत्रपती शिवाजी महाराज यांच्या स्मारकाला माल्यार्पण करून अभिवादन केले. यावेळी ते बोलत होते. याप्रसंगी भाजपचे नेते विजय राऊत, अनिल फुलझेले, दशरथसिंग ठाकूर, माजी महापौर अंजली घोटेकर, संदीप आवारी, रवी आसवानी, रघुवीर अहिर, तुषार मोहुर्ले, माजी नगरसेवीकां वंदना तिखे, वनिता डुकरे, माजी नगरसेवकर देवानंद वाढई, रवी लोणकर, प्रशांत चौधरी, विकास खटी, अरुण तिखे, शेखर शेट्टी, विनोद शेरकी, रमेश भुते, तेजा सिंग, वंदना हातगावकर, सविता दंढारे, प्रमोद शास्त्रकार, वंदना हजारे, कौसर खान, विमल कातकर, संगीता लोखंडे, प्रवीण गिलबिले, मीना गरडवा, राजू घरोटे, ईश्वर विरुटकर, आशा मोगरे, रेणू घोडेस्वार यांच्यासह भारतीय जनता पक्षाचे पदाधिकारी आणि कार्यकर्ते मोठ्या संख्येने उपस्थित होते.

    छावा चित्रपट करमुक्त करा – खासदार प्रतिभा धानोरकर यांची मागणी

    यावेळी ते म्हणाले, शिवरायांचा अश्वारूढ पुतळा हा केवळ एक स्मारक नसून, तो आपल्या अभिमानाचा आणि प्रेरणेचा स्तंभ असणार आहे. या पुतळ्याकडे पाहताच आपल्या पिढ्या शिवरायांच्या पराक्रमाची आठवण ठेवतील, त्यांचे विचार आत्मसात करतील आणि आपल्या संस्कृतीचे दर्शन घडेल. हा पुतळा म्हणजे आपल्या इतिहासाचा साक्षीदार आणि भविष्यातील प्रेरणास्थान असेल. Shivaji Maharaj Historical Landmark

    यासंबंधी सर्व प्रक्रिया वेगाने सुरू आहेत. रामकुमार अक्कापेल्लीवार या शिवप्रेमीने याबाबत जवळपास सर्व परवानग्या मिळवल्या आहेत. शेवटच्या काही परवानग्या मिळविण्याचे काम सुरू असून, नुकतीच महानगरपालिकेत बैठक घेऊन प्रशासनाला लवकरात लवकर प्रक्रिया पूर्ण करण्याचे निर्देश दिले आहेत. केवळ स्मारक उभारणे हा उद्देश नाही, तर हे स्मारक भविष्यातील पिढ्यांसाठी प्रेरणा देणारे ठरावे, यासाठी त्याचे भव्य आणि ऐतिहासिक स्वरूप असावे, यावर भर दिला जाणार असल्याचेही ते म्हणाले.

    छत्रपती शिवाजी महाराज हे सामर्थ्य, शौर्य आणि न्यायाचा आदर्श होते. (Chhatrapati Shivaji Maharaj Inspiration) त्यांच्या स्मारकाच्या उभारणीसाठी आपण सर्वांनी एकत्र येऊन कार्य केले पाहिजे. शिवराय हे केवळ एका व्यक्तीचे किंवा एका गटाचे नाहीत, तर संपूर्ण महाराष्ट्राचे, संपूर्ण भारताचे प्रेरणास्थान आहेत. शिवरायांचा पुतळा हा न्यायप्रिय राज्यकारभाराची जाणीव ठेवणारा आणि नव्या पिढीला प्रेरणा देणारा ठरेल. हा स्मारक उभारणीचा संकल्प पूर्णत्वास नेण्यासाठी आपण सर्वांनी एकत्र यावे, आणि भविष्यात ही भूमी केवळ एक स्मारक नसून, प्रेरणेचे, सन्मानाचे आणि इतिहासाच्या उज्ज्वल आठवणीचे केंद्र बनेल, यासाठी आपण सर्वजण प्रयत्नशील राहू, असेही त्यांनी यावेळी सांगितले. यावेळी शिवप्रेमींची मोठ्या संख्येने उपस्थिती होती.

    Chhatrapati Shivaji Maharaj Equestrian Statue

  • Lathi Kathi demonstration । चंद्रपुरात शिवकालीन युद्धकौशल्याचे पुनरुज्जीवन

    Lathi Kathi demonstration

    आमदार किशोर जोरगेवार यांच्या पुढाकाराने लाठीकाठी प्रशिक्षण!

    Lathi Kathi demonstration : छत्रपती शिवाजी महाराज यांच्या जयंतीनिमित्त आयोजित कार्यक्रमात आमदार किशोर जोरगेवार यांच्या पुढाकारातून लाठीकाठीचे प्रशिक्षण घेतलेल्या विद्यार्थ्यांनी प्रभावी प्रात्यक्षिके सादर केली. आपल्या युद्धकौशल्यासाठी ओळखल्या जाणाऱ्या छत्रपती शिवाजी महाराजांना लाठीकाठी च्या कौशल्याने विद्यार्थ्यांनी मानवंदना दिली. या सर्व विद्यार्थ्यांचा आमदार किशोर जोरगेवार यांनी ‘अम्माचा टिफिन’ देऊन सत्कार केला.

    चंद्रपूर मनपातर्फे मालमत्ता कारवाई

    लाठी काठी ला आमदार जोरगेवार यांचं प्रोत्साहन

    लुप्त होत चाललेल्या या क्रीडा प्रकाराला प्रोत्साहन देण्याचे कार्य भारतीय जनता पक्षाचे आमदार किशोर जोरगेवार यांच्या वतीने केले जात आहे. याच उद्देशाने त्यांनी नेहरू विद्यालय येथे लाठीकाठीचे प्रशिक्षण शिबिर आयोजित केले होते. या शिबिरात प्रशिक्षक मेघा राहुल मुधोळकर  यांनी जवळपास ३० युवक-युवतींना प्रशिक्षण दिले. पुढेही हे शिबिर सुरू राहणार असल्याचे आमदार किशोर जोरगेवार यांनी सांगितले. Lathi Kathi training program

    विद्यार्थ्यांची प्रात्यक्षिके
    lathi kathi training program

    आज शिवजयंती निमित्त छत्रपती शिवाजी महाराज चौकात या विशेष कार्यक्रमाचे आयोजन करण्यात आले होते. आमदार किशोर जोरगेवार कार्यक्रमस्थळी पोहोचताच विद्यार्थ्यांनी लाठीकाठीची प्रात्यक्षिके सादर करीत छत्रपती शिवाजी महाराजांना मानवंदना दिली. या वेळी आमदार किशोर जोरगेवार यांनी विद्यार्थ्यांचे कौतुक करत त्यांना प्रोत्साहन दिले. Shiv Jayanti event 2025

    शिवजयंती निमित्त चंद्रपुरात किल्ले सफाई अभियान

    विद्यार्थ्यांनी सादर केलेली प्रात्यक्षिके शिवकालीन युद्धतंत्राचे उत्कृष्ट दर्शन घडवणारी होती.छत्रपती शिवाजी महाराजांचे पराक्रम, त्यांचे लढाऊ तंत्र आणि शौर्य नव्या पिढीने आत्मसात करावे, यासाठी या प्रशिक्षण उपक्रमाचे आयोजन करण्यात आले आहे. या प्रशिक्षणामुळे विद्यार्थ्यांमध्ये आत्मरक्षण कौशल्ये विकसित होणार असून त्यांना आत्मविश्वास मिळेल,”असे आमदार किशोर जोरगेवार यांनी यावेळी सांगितले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by