चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.
municipal administration protest : महानगरपालिकांमध्ये सुरू असलेल्या प्रशासक राजवटीविरोधात काँग्रेस शहर कमिटीच्या वतीने 4 मार्च रोजी कस्तुरबा चौकात आंदोलन करण्यात आले. मागील काही वर्षांपासून स्थानिक स्वराज्य संस्थांमध्ये लोकप्रतिनिधींची निवड न होता प्रशासकांमार्फत प्रशासन चालवले जात आहे. यामुळे प्रशासनाची कार्यक्षमता घसरली असून, नागरिकांना मूलभूत सुविधांसाठी संघर्ष करावा लागत आहे. Maharashtra Nagar Palika election.
काँग्रेस शहर कमिटीच्या वतीने आयोजित या आंदोलनाचे नेतृत्व काँग्रेस शहर जिल्हाध्यक्ष रितेश (रामू) तिवारी यांनी केले, तर माजी आमदार व काँग्रेस जिल्हाध्यक्ष सुभाष धोटे यांच्या मार्गदर्शनाखाली हे आंदोलन पार पडले. या आंदोलनात ज्येष्ठ नेते विनायक बांगडे, सुभाषसिंग गौर, महिला कमिटीचे शहर अध्यक्ष चंदा वैरागडे, युवक काँग्रेसचे जिल्हाध्यक्ष राजेश अडूर, माजी नगरसेवक प्रवीण पडवेकर, माजी नगरसेवक सुनीता लोढिया, माजी नगरसेवक नंदू नगरकर, माजी नगराध्यक्ष सुरेश महाकूलकर, दिनेश चौखारे, पप्पू देशमुख, मनीष तिवारी, अनुसूचित जाती आघाडीचे जिल्हाध्यक्ष सागर खोबरागडे, अश्विनी खोब्रागडे, अनुश्री देहगावकर, साकीना अन्सारी, ललित रेवल्लीवार यांचेसह
राजेश रेवल्लीवार, प्रशांत दानव, मनोरंजन रॉय, खुशबू चोधरी, नरेंद्र बोबडे, भालचंद्र दानव, नीलेश ठाकरे, खुशबू चौधरी, कुणाल चहारे, शिरीष गोगुलवार, राहुल चौधरी, अनिल नरुले, विजय पोहनकर, रतन शिलावार, शालिनी भगत, रामकृष्ण कोंड्रा, बापू अंसारी, शोभाताई वाघमारे, दुर्गेश कोडाम, अली अमजद, राजू वासेकर, पप्पू सिद्धीकी, नवशाद शेख, जावेद शेख, दौलत चालखुरे, अजय बल्की, अजय महाडोरे, युसुफ चाचा, गौस खान, गुंजन येरणे आदींसह काँग्रेसच्या युवक काँग्रेस, महिला काँग्रेस, सेवादल, एन.एस.यु.आय., इंटक आदी विविध आघाड्यांचे कार्यकर्ते मोठ्या संख्येने सहभागी झाले होते. Local government elections India
– जनविकास सेनेचे समर्थन
प्रशासक राजवटीच्या निष्क्रियतेला वाचा फोडण्यासाठी शहर काँग्रेसने पुकारलेल्या आंदोलनात सहभागी होत जनविकास सेनेने संस्थापक अध्यक्ष पप्पू देशमुख यांनी समर्थन दिले.
Property tax arrears Chandrapur : 1 लाखाच्या वर मालमत्ता कर थकीत असणाऱ्या थकबाकीदारांना करभरणा करण्यास मनपाद्वारे 8 मार्च पर्यंत मुदत देण्यात आली असुन 8 मार्चपर्यंत करभरणा न केल्यास 10 मार्च रोजी अश्या सर्व थकबाकीदारांची नावे सार्वजनिकरित्या प्रसिद्ध केली जाणार आहेत.
शहरातील नागरिकांना सुविधा उपलब्ध व्हाव्यात यासाठी विविध प्रकारची कर आकारणी करण्यात येते, परंतु सुविधांचा लाभ घेणारे अनेक जण कराचा भरणा करण्यासाठी चालढकल करीत असल्याचे निदर्शनास आले आहे. यासाठीच मनपाने थकीत कर वुसलीसाठी विशेष मोहिम राबविण्यास सुरुवात केली आहे.कर विभागातील अधिकारी कर्मचारी नागरिकांना समजावून सांगत असल्याने अनेक जणांनी कराचा भरणा केला आहे. Property tax defaulters list
1 लाखाच्या वर मालमत्ता कर थकीत असणाऱ्या मोठ्या थकबाकीदारांना मनपाच्या अधिकाऱ्यांकडून भ्रमणध्वनीद्वारे पाठपुरावा केला जात आहे.त्यांना यासाठी 8 मार्चची मुदतसुद्धा देण्यात आली आहे.मात्र याउपर करभरणा न केल्यास थकबाकीदारांची नावे विविध माध्यमातुन प्रसिद्ध केली जाणार आहे. Chandrapur municipal tax notice
नावे प्रसिद्ध झाल्यानंतर जर कुणाची मानहानी झाली तर त्याला ते स्वतः जबाबदार राहणार असल्याचे चंद्रपूर महानगरपालिकेद्वारे स्पष्ट करण्यात येत आहे. या होणाऱ्या कारवाईमुळे ज्यांना या मोहिमेची कल्पना झाली आहे ते थकीतदार ऑनलाईन अथवा ऑफलाईन माध्यमातुन आपल्या कराचा भरणा करताना दिसत आहेत.तरी अश्या संभाव्य कारवाई टाळण्यासाठी आजच मालमत्ता कराचा भरणा करण्याचे आवाहन चंद्रपूर महानगरपालिकेतर्फे करण्यात येत आहे. Chandrapur property tax payment
वीज कर्मचाऱ्यांवर हल्ला? 10 वर्षांपर्यंत तुरुंगवास
Electricity bill arrears : चंद्रपूर: मार्च महिन्यात वीज बिल थकबाकी वसुली मोहिमेला वेग येणार असून, महावितरणचे अधिकारी आणि कर्मचारी घराघरात जाऊन वसुली करतील. मात्र, मागील काही महिन्यांत वीज कर्मचाऱ्यांवरील वाढत्या हल्ल्यांच्या पार्श्वभूमीवर महावितरणने पोलीस बंदोबस्ताची मागणी केली आहे. (Electricity workers attacked)
थकबाकी न भरल्यास वीजपुरवठा नियमानुसार खंडित करण्याची कारवाई सुरू आहे. तरीही, विजेच्या पुरवठ्यासंदर्भात लोक आक्रमक होऊन वीज कर्मचाऱ्यांवर हल्ले करत आहेत, हे चिंतेचे कारण ठरत आहे. अशा प्रकारच्या घटनांवर कठोर कारवाई करण्यात येणार असून, हल्लेखोरांना दहा वर्षांपर्यंतच्या तुरुंगवासाची तरतूद असल्याचे स्पष्ट करण्यात आले आहे. Electricity Bill Payment
वीज कर्मचाऱ्यांवरील हल्ले गंभीर गुन्हा
महावितरणचे कर्मचारी हे शासकीय काम बजावत असतात. त्यामुळे त्यांच्यावर हल्ला करणे, सरकारी कार्यालयांची तोडफोड करणे, अथवा शासकीय कामात अडथळा आणणे, हे गंभीर गुन्हे आहेत. अशा प्रकरणांवर भारतीय दंड संहितेच्या विविध कलमान्वये कठोर कारवाई करण्यात येते.
कलम 353 – शासकीय कामात अडथळा आणल्यास फौजदारी कारवाई
कलम 332 आणि 333 – शासकीय कर्मचाऱ्यावर प्राणघातक हल्ल्यासाठी कठोर शिक्षा
कलम 504 आणि 506 – कर्मचाऱ्यांना धमकावणे आणि गैरवर्तन
कलम 427 – कार्यालयात जबरदस्तीने प्रवेश आणि मालमत्तेचे नुकसान
कलम 141, 143, 148 आणि 150 – अनधिकृत जमाव जमवणे व गोंधळ घालणे
या गुन्ह्यांसाठी दोन ते दहा वर्षांच्या तुरुंगवासाची शिक्षा होऊ शकते.
कोट्यवधी रुपयांची थकबाकी
चंद्रपूर जिल्ह्यात वीज ग्राहकांची कोट्यवधी रुपयांची थकबाकी असून, त्यातील मोठा वाटा शेती जोडण्यांचा आहे. सध्या शेतकऱ्यांची चालू बिले माफ झाली असली तरी, थकबाकीची वसुली महत्त्वाची आहे. Chandrapur electricity
महावितरणचे आवाहन: वेळेवर बिल भरा
महावितरणने स्पष्ट केले आहे की, थकबाकी वसुलीसाठी आलेले कर्मचारी केवळ त्यांचे कर्तव्य बजावत आहेत. ग्राहकांनी वेळेवर वीजबिल भरून वीज खंडित होण्याची वेळ येऊ नये, याची खबरदारी घ्यावी. अखंडित वीजपुरवठ्यासाठी वेळेवर बिल भरणे अत्यावश्यक आहे, असे महावितरणने सांगितले आहे.
Obstruction of Government Work : मालमत्ता व नळकर वसुली करणाऱ्या मनपा पथकास शिवीगाळ केल्या प्रकरणी राजीव गांधी नगर एकता चौक येथील संगीता किशोर भेलोंडे व इतरांवर भारतीय न्याय संहिता कलम 221 व 352 नुसार फौजदारी गुन्हा दाखल करण्याबाबत चंद्रपूर महानगरपालिकेने रामनगर पोलीस ठाण्यात तक्रार दाखल केली असुन शासकीय कामात अडथळा निर्माण करणाऱ्यांचा अश्लील शिवीगाळ करतांनाचा व्हिडीओ पुरावा म्हणुन सादर करण्यात आला आहे.
बुधवार 26 फेब्रुवारी रोजी मनपा कर वसुली पथक राजीव गांधी नगर, एकता चौक येथील संगीता किशोर भेलोंडे या थकबाकीदाराकडे कारवाई करण्यास गेले असता त्यांनी कर भरणा करण्यास नकार देऊन इतर लोकांच्या मदतीने मनपा पथकास शिवीगाळ करण्यास सुरवात केली. Chandrapur Police Complaint
कर भरणा न केल्यास 2 दिवसानंतर नळ कपात व मालमत्ता जप्त करण्याच्या सुचना त्यांना यापुर्वी देण्यात आल्या होत्या,मात्र त्यांनी याकडे दुर्लक्ष करून मनपा कर्मचाऱ्यांना खोट्या गुन्ह्यात अडकविण्याची धमकी दिली. त्यामुळे मनपातर्फे भारतीय न्याय संहिता कलम 221 व 352 नुसार गुन्हा दाखल करण्यास रामनगर पोलीस ठाण्यात तक्रार करण्यात आली आहे.
कर भरणा करण्याचा शेवटचा महिना मार्च असल्याने थकबाकीदारांकडे मनपा कर वसुली पथकाद्वारे वसुली मोहीम राबविली जात आहे. करवसुली करिता महानगरपालिकेतर्फे 15 पथके नेमण्यात आली असुन प्रत्येक पथकाला दर दिवशी किमान 10 मालमत्ता धारकांवर कारवाई करण्याचे तसेच जप्तीसोबतच मालमत्तांचे नळ कनेक्शन खंडित करण्याचे निर्देश देण्यात आले आहेत. Water Tax Recovery Chandrapur
त्यानुसार आतापर्यंत 60 नळ कनेक्शन खंडित करण्यात आले असुन 106 मालमत्तांवर जप्तीची कारवाई करण्यात आली आहे. तरी जप्तीची कारवाई टाळण्यासाठी त्वरित कराचा भरणा करण्याचे आवाहन चंद्रपूर महानगरपालिकेतर्फे करण्यात येत आहे.
National Lok Adalat Chandrapur : चंद्रपूर जिल्ह्यात शनिवार दि. 22 मार्च 2025 रोजी राष्ट्रीय लोक अदालतीचे आयोजन करण्यात येत असून विधिज्ञ, पक्षकार व नागरिकांनी यामध्ये उत्स्फुर्तपणे सहभागी होऊन सुवर्ण संधीचा लाभ घ्यावा, असे आवाहन प्रमुख जिल्हा व सत्र न्यायाधीश तथा जिल्हा विधी सेवा प्राधिकरणच्या अध्यक्षा एस.एस.भीष्म यांनी केले आहे.
राष्ट्रीय विधी सेवा प्राधिकरण, सर्वोच्च न्यायालय, आणि महाराष्ट्र राज्य विधी सेवा प्राधिकरण, उच्च न्यायालय, मुंबई यांच्या निर्देशानुसार तसेच प्रमुख जिल्हा व सत्र न्यायाधीश एस.एस. भीष्म यांच्या मागदर्शनाखाली चंद्रपूर शहर व जिल्ह्यामध्ये राष्ट्रीय लोक अदालतीचे आयोजन करण्यात येत आहे. Court Case Settlement
झटपट निकाल हे लोक न्यायालयाचे वैशिष्टय आहे. लोक न्यायालयाचा महत्त्वाचा फायदा म्हणजे यामध्ये प्रलंबित न्यायालयीन प्रकरणांचा आपसी समझोत्याने व सर्वसंमतीने त्वरित समक्ष निकाल केला जातो व त्या आदेशाला दिवाणी न्यायालयाच्या हुकूमनामएवढेच महत्व असते आणि त्याची अंमलबजावणी सुध्दा करता येते. त्याद्वारे वेळ, पैसा, श्रम यांची बचत होते, वादांचा कायमचा समोपचाराने निपटारा होतो, सर्वच पक्षांना जिंकल्याचे समाधान मिळत असल्याने भविष्यकालीन वाद टाळले जातात. या कार्यवाहीसाठी वेगळा शुल्क खर्च लागत नाही.
चंद्रपूर जिल्हा मुख्यालयासह चंद्रपूर जिल्ह्यातील सर्व तालुका न्यायालयांमध्ये एकाच दिवशी घेण्यात येत असलेल्या लोकअदालततीमध्ये न्यायालयात प्रलंबित दिवाणी, फौजदारी, कलम 138 एन.आय. ॲक्ट (धनादेश न वटणे) बॅकांची कर्ज वसूली वर्ग प्रकरणे, मोटार वाहन अपघात नुकसान भरपाई प्रकरणे, जमीन अधिग्रहण अर्ज, कामगार कायद्याखालील प्रकरणे, घरमालक – भाडेकरु वाद, कौटुंबिक वाद (विवाह –विच्छेदन वगळता), इलेक्ट्रीसिटी ॲक्टचे समझोतायोग्य वाद तसेच न्यायालयात येण्याअगोदरची (प्रि-लिटीगेशन) प्रकरणे, महसुल पाणीपट्टी वीजबिल आपसी समझोत्यायोग्य करीता ठेवून ती सामंजस्याने सोडविण्याबाबतचे आवाहन एस.एस. भीष्म यांनी केले आहे. Lok adalat maharashtra.
अधिक माहितीसाठी तसेच ज्या नागरिकांना आपली प्रकरणे सदर लोक अदालतीमध्ये ठेवायची असतील त्यांनी संबंधीत न्यायालयात किंवा जिल्हा विधीसेवा प्राधिकरण, चंद्रपूर येथे स्वत: येऊन किंवा हेल्पलाईन फोन नंबर 07172-271679 कार्यालयीन मोबाईल क्र. 8591903934 वर संपर्क करावा, असे जिल्हा विधी सेवा प्राधिकरणचे सचिव सुमित जोशी यांनी कळविले आहे.
Sudhir Mungantiwar initiatives : आ. सुधीर मुनगंटीवार यांचा गोंड राजवंशाचा गौरव आणि वारसा जतनासाठी पुढाकार
चंद्रपूर : चंद्रपुरातील या यात्रेला मराठवाड्यासह संपूर्ण महाराष्ट्रातून भाविक मोठ्या श्रद्धेने हजेरी लावतात. यात्रेच्या पार्श्वभूमीवर झरपट नदीचे पवित्र तीर्थ म्हणून महत्त्व आहे, परंतु सध्या तिची अवस्था अत्यंत चिंताजनक आहे. त्यामुळे नदीचे खोलीकरण, सौंदर्यीकरण आणि पुनरुज्जीवन करणे अत्यावश्यक आहे. यातून गोंड राजवंशाचा इतिहास आणि वारसा जपण्याचा आमचा प्रयत्न आहे. झरपट नदीच्या पुनरुज्जीवनातून गोंड राजवंशाचा गौरव अधोरेखित होईल. असे प्रतिपादन राज्याचे माजी वने, सांस्कृतिक कार्य व मत्स्यव्यवसाय मंत्री तथा आमदार सुधीर मुनगंटीवार यांनी व्यक्त केले.
यावेळी आमदार श्री. सुधीर मुनगंटीवार यांनी झरपट नदीची पाहणी करुन नदी पुनरुज्जीवनासाठी ठोस उपाययोजना करण्याचे निर्देश संबंधित विभाग प्रमुखांना बैठकीत दिलेत. यावेळी, मनपा आयुक्त विपिन पालीवाल, भाजपा महानगराचे जिल्हाध्यक्ष राहुल पावडे, डाॅ.मंगेश गुलवाडे, सुरज पेद्दूलवार, प्रज्वलंत कडू, राजीव गोलीवार, किरण बुटले, सविता कांबळे, विशाल निंबाळकर,चंद्रपूर पाटबंधारे विभागाचे कार्यकारी अभियंता रवींद्र वराडे, उपअभियंता श्री. सय्यद, सार्वजनिक बांधकाम विभागाचे उपकार्यकारी अभियंता श्री. अमरशेट्टीवार, निरीचे वरिष्ठ वैज्ञानिक डाॅ.अतुल मधुरे,माजी नगरसेवक तथा पदाधिकाऱ्यांची उपस्थिती होती.
आमदार श्री. सुधीर मुनगंटीवार म्हणाले, “प्रदूषण नियंत्रण मंडळ विभागाकडून या प्रकल्पासाठी आर्थिक मदत मिळवण्यासाठी आणि प्रस्तावाला मान्यता देण्यासाठी चर्चा झाली आहे.” नदी पुनरुज्जीवनाच्या पहिल्या टप्प्यात यात्रेच्या दृष्टीने तातडीने उपाययोजना राबविण्यात येणार आहेत, तर नंतर दीर्घकालीन आणि स्थायी स्वरूपात नदीच्या पुनरुज्जीवनाची योजना आखली जाईल. गोंड राजवंशाच्या ऐतिहासिक वारसाला अधोरेखित करून, त्याचा गौरव टिकवण्यासाठी ही पुनरुज्जीवन मोहीम संपूर्ण ताकदीने आणि समर्पणाने राबवली जाईल, असेही त्यांनी स्पष्ट केले.
शासकीय विश्रामगृह चंद्रपूर येथे बैठकीदरम्यान प्रदूषण नियंत्रण मंडळ, सार्वजनिक बांधकाम विभाग, आणि इतर संबंधित यंत्रणांना आवश्यक निर्देश दिले. आमदार सुधीर मुनगंटीवार म्हणाले, 3 एप्रिल 2025 पासून ते 12 एप्रिलपर्यंत ही यात्रा चालणार आहे. त्यामुळे प्रदूषण नियंत्रण मंडळाने सर्वप्रथम नदीचे जल परीक्षण करावे. सार्वजनिक बांधकाम विभागाने येत्या दोन दिवसात यात्रे संदर्भातील सर्व रस्त्याची पाहणी करावी. Maharashtra cultural heritage preservation
सहा दिवसात रस्त्याचे अंदाजपत्रक तयार करावे. तीन दिवसात शॉर्ट टेंडर काढून 15 दिवसात रस्ते बांधून तयार करावे. वेकोलीने 15 मार्चपर्यंत पाणीपुरवठा सुरू करावा. नीरी विभागाने नदीच्या वरच्या बाजूस बंधारा बांधावा. सिंचाई विभागाने नदीचा नकाशा उपलब्ध करून द्यावा. 15.2 किलोमीटरची नदी, तिच्या उगमाविषयी माहिती घेत युद्ध पातळीवर काम सुरू करावे. Chandrapur Mahakali Yatra 2025
सर्व संबंधित अधिकाऱ्यांनी एकमेकांशी समन्वय साधून काम पूर्णत्वास न्यावे. मिशन मोडमध्ये झरपट नदीचे सौंदर्यीकरण कामाला सुरुवात करावी. इतर विभागाने संबंधित जबाबदाऱ्या पार पाडाव्यात. या ठिकाणचा बंधारा दुरावस्थेत असून पुढील वर्षी बंधाऱ्याचे नवीनतम बांधकाम करण्यात येईल. तसेच नदीचे सौंदर्यीकरणाचे कार्य देखील हाती घेण्यात येणार असल्याचे ते म्हणाले.
भाविकांसाठी सुधारित सुविधा: यात्रेदरम्यान येणाऱ्या भाविकांसाठी स्नानगृह उभारावे त्या ठिकाणी चार ट्युबवेल पंप कार्यान्वित करावे. महानगरपालिकेने बंधाऱ्याचे गेट दुरुस्ती, झरपट नदी परिसरातील कचऱ्याची साफसफाई, गायमुख दुरुस्ती, बंधारा बांधकाम, तसेच अंचलेश्वर मंदिर ते नदीपात्रा दरम्यान टाइल्स लावण्याचे कार्य हाती घ्यावे. नदीपात्र व परिसरातील साफसफाईचे अंदाजपत्रक तयार करावे. झरपट नदी परिसराचा विकास व सोयीसुविधांकरिता नाविन्यपूर्ण योजनेमधून 1 कोटी रुपयाचा निधी उपलब्ध करण्यासाठी पाठपुरावा करु असे आमदार श्री. मुनगंटीवार म्हणाले.
पाहणीदरम्यान दिलेले आवश्यक निर्देश: प्राथमिक टप्प्यामध्ये नदी परिसरातील जलपर्णी वनस्पती काढुन नदीपात्रातील साफसफाई व स्वच्छता करावी. नदीपात्रात येणारे सांडपाणी बंद करावे. 31 मार्चपर्यंत नदीचं पात्र स्वच्छ पाण्याने वाहते करावे. योग्य ठिकाणी गट्टू बसवावे. दोन टप्प्यांमध्ये काम करावे. सर्वप्रथम पहिल्या टप्प्यातील कामाला प्राधान्य द्यावे, याकरिता निधी उपलब्ध करण्यासाठी आपण पाठपुरावा करु असेही आमदार सुधीर मुनगंटीवार म्हणाले.
आ. सुधीर मुनगंटीवार यांची प्रशासनाला तातडीची कार्यवाही करण्याची सूचना
Chandrapur Sanjay Gandhi Niradhar Yojana : चंद्रपूर जिल्ह्यातील संजय गांधी निराधार आणि श्रावणबाळ योजनेअंतर्गत अनेक लाभार्थ्यांचे अनुदान अजूनही प्रलंबित आहे. विशेषतः चंद्रपूर शहरातील 1300 लाभार्थ्यांचे अर्ज निकाली निघालेले नाहीत. हे सर्व प्रलंबित अर्ज तातडीने निकाली काढा, असे निर्देश राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी जिल्हा प्रशासनाला दिले.
जिल्हाधिकारी कार्यालयातील 20 कलमी सभागृहात आयोजित बैठकीत त्यांनी ही सूचना दिली. यावेळी जिल्हाधिकारी विनय गौडा, भाजपा महामंत्री डॉ.मंगेश गुलवाडे,तहसीलदार सीमा गजभिये, छबुताई वैरागडे, शालुताई कुंदोजवार, साक्षीताई कार्लेकर, आदी उपस्थित होते.
आ. श्री. मुनगंटीवार म्हणाले, ‘राज्य शासनाने निराधार योजनेतील लाभार्थ्यांना नोव्हेंबर 2024 पर्यंत ऑफलाइन स्वरूपात अनुदान वितरित केले होते. मात्र, डिसेंबर 2024 पासून ऑनलाइन वितरणाला सुरुवात झाली आहे. चंद्रपूर जिल्ह्यात संजय गांधी निराधार योजनेचे एकूण 62 हजार 204 लाभार्थी आहेत. तर श्रावणबाळ योजनेचे 1 लक्ष 7 हजार 175 लाभार्थी आहेत.’ 1500 रुपयाच्या मागे केंद्र शासनाचे 300 रुपये चार महिन्यापासून अप्राप्त आहेत, याकडे आ. श्री. मुनगंटीवार यांनी लक्ष वेधले. Shravan Bal Yojana beneficiaries
मुल तालुक्यातील 236 लाभार्थ्यांची प्रकरणे निकाली काढण्यात आली असून फेब्रुवारी 2025 अखेरपर्यंत 178 अर्ज निकाली काढण्यात आले आहेत. बल्लारपूर येथे 204 तर चंद्रपूर शहरातील 1300 अर्ज प्रलंबित आहेत. ते अर्ज त्वरित निकाली काढण्यासाठी प्रशासनाने कार्यवाही करावी, असे निर्देश आमदार श्री. मुनगंटीवार यांनी दिले. बल्लारपूर, मुल, पोंभुर्णा आणि चंद्रपूर शहरातील निराधार आणि श्रावणबाळ योजनांच्या लाभार्थ्यांना वेळेवर अनुदान मिळावे यासाठी प्रशासनाला गतिमान कार्यवाही करण्याचे निर्देश आमदार श्री. सुधीर मुनगंटीवार यांनी दिलेत.
जानेवारी 2025 पर्यंत 88 हजार 655 लाभार्थ्यांपैकी 56 हजार 422 लाभार्थ्यांचे अनुदान त्यांच्या बँक खात्यात जमा करण्यात आले आहे. मात्र, 32 हजार 233 लाभार्थ्यांचे बँक खाते आधार संलग्न नसल्याने त्यांना अनुदान मिळू शकलेले नाही. राज्यातील संजय गांधी निराधार योजनेच्या नव्या धोरणांची आखणी करणे आवश्यक असल्याचे आमदार श्री. मुनगंटीवार म्हणाले. 100 दिवसांच्या कृती कार्यक्रमांतर्गत मार्च 2025 अखेरपर्यंत सर्व प्रलंबित अर्ज निकाली काढले जातील, असे जिल्हाधिकारी विनय गौडा यांनी आश्र्वस्त केले आहे. Pending grants in Chandrapur
निराधारांच्या पाठीशी सदैव! आ. सुधीर मुनगंटीवार यांनी आमदार असताना विधानसभेत निराधारांसाठी ठामपणे आवाज उठवला होता. अर्थमंत्री झाल्यानंतर त्यांनी निराधारांना मिळणाऱ्या 600 रुपयांच्या अनुदानात वाढ करून ते 1200 रुपये केले. पुढे राज्य सरकारने यामध्ये अधिक वाढ करत अनुदान 1500 रुपये पर्यंत केले.आ. सुधीर मुनगंटीवार हे नेहमीच निराधारांच्या पाठीशी ठामपणे उभे राहिले आहेत,हे विशेष. Sudhir Mungantiwar welfare initiatives
Marathi Bhasha Gaurav Din celebration : चंद्रपूर : सर्वोदय महिला मंडळ द्वारा संचालीत बजाज विद्या भवनमध्ये मराठी दिन मोठ्या उत्साहात साजरा करण्यात आला. या कार्यक्रमाला शाळेच्या निर्देशिका ममताजी बजाज आणि मुख्याध्यापिका रुबिना शेख मॅडम यांची प्रमुख उपस्थिती होती.
मराठी भाषा आणि तिच्या संवर्धनाचा संदेश देणाऱ्या या कार्यक्रमात विविध सांस्कृतिक आणि शैक्षणिक उपक्रमांचे आयोजन करण्यात आले. विद्यार्थ्यांनी विविध सांस्कृतिक कार्यक्रम सादर करून मराठी भाषेचे महत्व अधोरेखित केले. कार्यक्रमाची सुरुवात दीपप्रज्वलाने झाली. त्यानंतर वर्ग तिसरीचा विद्यार्थी यथार्थ ठाकरे याने मराठी भाषेचे महत्त्व सांगणारे प्रभावी भाषण दिले. Bajaj Vidya Bhavan cultural programs
कार्यक्रमाचे सूत्रसंचालन वल्लभ पांडे , रियांश नगराळे , प्रियांशी चवलढाल आणि स्पृहा गांगवे यांनी उत्कृष्ट पद्धतीने पार पाडले. विद्यार्थ्यांच्या कला आणि प्रतिभेला वाव देणाऱ्या सांस्कृतिक कार्यक्रमांतर्गत वर्ग तिसरी व चौथीच्या विद्यार्थ्यांनी मराठी भाषेचे गोडवे गाणारे सामूहिक गीत सादर केले, तर तिसरी आणि चौथीच्या विद्यार्थ्यांनी तालबद्ध आणि मनमोहक नृत्याविष्कार सादर करून महाराष्ट्राच्या समृद्ध संस्कृतीचे प्रदर्शन घडवले. Marathi Diwas activities for students
कार्यक्रमाचा मुख्य आकर्षण बिंदू म्हणजे विद्यार्थ्यांनी सादर केलेला नाट्यप्रयोग. या नाटकाद्वारे मराठीचे जतन व तिचे महत्व उत्कृष्ट पणे विद्यार्थ्यांकडून सादर करण्यात आले. व भविष्यात आपली मराठी भाषा जतन करण्याची गरज यावर प्रकाश टाकण्यात आला.
या कार्यक्रमातून विद्यार्थ्यांमध्ये मराठी भाषेचा अभिमान जागृत करणारे प्रयत्न शाळेमार्फत करण्यात आला. प्रमुख मान्यवरांनी विद्यार्थ्यांच्या कौतुक केले आणि मराठी भाषेच्या जतन व संवर्धनासाठी सर्वांनी पुढाकार घ्यावा, असा संदेश दिला. शाळेच्या शिक्षिका शीतल आभारे यांनी उपस्थितांचे आभार मानले. शाळेच्या मराठी विभागाच्या शिक्षिका भाग्यश्री आईंचवार, शितल आभारे , राजश्री हिवराळे , वैशाली नन्नावरे यांनी कार्यक्रमाच्या यशस्वीते करिता विशेष मेहनत घेतली.
चंद्रपूरचा उन्हाळा आणखी तीव्र होणार? उष्णतेपासून संरक्षणासाठी महत्त्वाच्या सूचना
Chandrapur heatwave action plan : चंद्रपूर शहर हॉट सिटी म्हणून संपूर्ण जगात ओळखले जाते.आता उन्हाळ्याच्या दिवसांना सुरवात झालेली आहे. दरवर्षी येथील सूर्याचा पारा उच्चांक गाठतो. अशा तप्त उन्हात नागरिक उष्माघाताला बळी पडू नये यासाठी चंद्रपूर शहर महानगरपालिका उष्माघात कृती आराखडा राबविणार आहे. याकरीता 27 फेब्रुवारी रोजी उष्माघात कृती आराखडा समन्वय समितीची बैठक अतिरिक्त आयुक्त चंदन पाटील यांच्या अध्यक्षतेखाली मनपा स्थायी समिती सभागृहात आयोजित करण्यात आली होती. (Chandrapur summer safety tips)
याप्रसंगी मार्गदर्शन करतांना अतिरिक्त आयुक्त चंदन पाटील यांनी सांगीतले की, कोरोना काळाचे वर्ष सोडता २०१६ पासून दर उन्हाळ्यात चंद्रपूर मनपातर्फे आरोग्य विभागातर्फे उष्माघात कृती आराखड्याची यशस्वी अंमलबजावणी करण्यात येत आहे. यावर्षी अधिक कडक उन्हाळा राहण्याची शक्यता आहे.आज समितीची प्रथम आढावा बैठक असुन १५ मार्च पर्यंत समितीच्या सर्व सभासदांनी नेमुन दिलेली कार्ये जबाबदारीने पार पाडून त्याचा लेखी अहवाल द्यावा.
उन्हाळ्यात घर थंड राहण्यास नागरीकांनी कुल रूफ टेक्नोलॉजीचा (Cool roof technology) वापर करावा म्हणजेच उष्णतारोधक पेंट जर घराच्या छतावर मारले तर २ ते ३ डिग्री तापमान कमी होण्यास मदत मिळते. मागील वर्षी शहरात २१ जागी पाणपोईची व्यवस्था करण्यात आली होती.यावर्षी त्याहुन अधिक पाणपोईची व्यवस्था स्वयंसेवी संस्थां व चिल्ड वॉटर असोसिएशनतर्फे करण्यात यावी.घर बांधकामाच्या रचनेत उष्णता कमी करण्याच्या दृष्टीने बदल करणे आवश्यक आहे. (Heat stroke prevention in Chandrapur)
स्वयंसेवी संस्थांनी पुढाकार घ्यावा
बेघर आणि भिकारी यांची व्यवस्था बेघर निवाऱ्यात करणे, अनेकदा भिकारी बेघर निवाऱ्यात येत नाही तेव्हा पोलीस विभागाला सोबत घेऊन नियोजन करणे तसेच मानसीक रुग्ण यांच्यासाठीही ॲक्शन प्लॅन तयार करण्यात येईल. काही तात्पुरते व कायमचे प्रवासी निवारे मनपा व स्वयंसेवी संस्थांद्वारे तयार करण्यात यावे. स्वयंसेवी संस्था व दुकानदार यांनी जर आपल्या दुकानासमोर पाण्याच्या कॅन किंवा पाण्याची व्यवस्था करावी,व्यापारी संघटनांनी याचे नियोजन करण्याचे आवाहन त्यांनी केले आहे. (Hot city Chandrapur weather)
महाकाली यात्रेसाठी मनपाचे नियोजन महाकाली यात्रेला निवाऱ्यासाठी शेड तसेच पाण्यासाठी स्प्रिंकलर्सची व्यवस्था दरवर्षी मनपातर्फे करण्यात येते तसेच स्प्रिंकलर्स शहरात इतर कुठे लावता येईल याची निश्चिती करणे,ट्रॅफीक सिग्नल दुपारी बंद ठेवणे ,सार्वजनिक खेळांचे आयोजन दुपारी न करणे, सार्वजनिक बगीचे सुरु राहण्याच्या वेळेत वाढ करणे, १०८ रुग्णवाहिकेचा सहभाग, बांधकाम कंत्राटदाराद्वारे मजुरांच्या कामाच्या वेळेत बदल व व्यापक जनजागृती करण्याच्या सुचनाही त्यांनी दिल्या. यावेळी डॉ.नयना उत्तरवार यांनी पावर पॉईंट प्रेझेंटेशन द्वारे सदस्यांना हीट ॲक्शन प्लॅन संबंधी विस्तृत माहिती दिली.
याप्रसंगी उपायुक्त मंगेश खवले,सहायक आयुक्त अक्षय गडलिंग,शुभांगी सूर्यवंशी,संतोष गर्गेलवार,उपअभियंता रवींद्र हजारे, डॉ. जयश्री वाडे, डॉ. विजया खेरा, डॉ.अश्विनी भारत, डॉ. अमोल शेळके, डॉ. योगेश्वरी गाडगे,डॉ. शरयु गावंडे,डॉ.आरवा लाहिरी,डॉ. नरेंद्र जनबंधू,तसेच विविध शासकीय कार्यालय व संस्थांचे प्रतिनिधी उपस्थीत होते.
उष्माघाताचा विशेष धोका कुणाला – ५ वर्षापेक्षा कमी व ६५ वर्षावरील नागरीकांना तसेच उन्हात काम करणारे मजूर,प्राणी,अल्कोहोल, धूम्रपान करणारे, शुगर, डायबिटिजचे रुग्ण यांना उष्माघाताचा विशेष धोका असतो.
उष्माघाताची लक्षणे – अस्वस्थपणा, थकवा येणे, शरीर तापणे, अशक्तपणा, अंगदुखी, डोकेदुखी,अतिसार,भारी घाम येणे, मळमळणे,फिकट त्वचा,हृदयाचे ठोके जलद होतात,पोटाच्या वेदना ही लक्षणे आहेत.
संरक्षणासाठी काय करावे – उन्हाच्या उष्णतेमुळे शरीरावर होणारे दुष्परीणाम टाळण्यास भरपूर पाणी प्यावे, थंड पेये – ताक, आंब्याचे पन्हे, नारळ पाणी प्यावे, अत्यावश्यक असल्याशिवाय उन्हात जाऊ नये, सैल व फिकट रंगाचे कपडे घालावेत, थंड जागेत, वातावरणात राहावे तसेच भर उन्हात म्हणजे साधारणतः दुपारी १२ ते ४ वाजेपर्यंत उन्हात जाणे टाळावे. विना चप्पल बाहेर जाऊ नये,लहान मुलांना तसेच प्राण्यांना कारमध्ये बंद करून जाऊ नये.
थंडगार पाण्याने अंघोळ करावी. ( डोक्यावरून गार पाण्याने अंघोळ केल्याने तापलेले शरीर थंड होण्यास मदत होते ) थंड जागेत आराम करावा, परिश्रमाचे काम करू नये, भरपूर थंड पाणी प्यावे, तसेच मनपा आरोग्य केंद्रात किंवा जिल्हा सामान्य रुग्णालयात त्वरित औषधोपचार करवून घ्यावा.
Modern study center Chandrapur : खनिज विकास निधीतून जिल्हा ग्रंथालय येथे तयार होत असलेली आधुनिक अभ्यासिका फक्त एका इमारतीपुरती मर्यादित न राहता चंद्रपूर शहराच्या शैक्षणिक प्रगतीचे प्रतीक बनली पाहिजे. ही सुविधा विद्यार्थ्यांसाठी ज्ञानार्जनाचे शक्तिशाली माध्यम बनावी असे नियोजन करत शहराच्या शैक्षणिक प्रगतीसाठी या अभ्यासिकेला मॉडेल म्हणून विकसित करा अशा सूचना आमदार किशोर जोरगेवार यांनी केल्या आहेत.
खनिज विकास निधीतून मंजूर झालेल्या 15 कोटी रुपयांच्या जिल्हा ग्रंथालय येथे उभारल्या जात असलेल्या आधुनिक अभ्यासिकेच्या कामात येणाऱ्या अडचणी समजून घेण्यासाठी आणि त्यावर उपाययोजना करण्यासाठी जिल्हा ग्रंथालय येथे आमदार किशोर जोरगेवार यांच्या अध्यक्षतेत बैठकीचे आयोजन करण्यात आले होते. यावेळी येणाऱ्या अडचणी तात्काळ सोडविण्याचे निर्देश आमदार किशोर जोरगेवार यांनी दिले आहेत. Advanced study facilities for students
या बैठकीला सार्वजनिक बांधकाम विभागाचे कार्यकारी अभियंता मुकेश तांगडे, उपविभागीय अभियंता विवेक अंकुले, जिल्हा ग्रंथालय अधिकारी नलावडे, कार्यकारी अभियंता पगारे, उपविभागीय अभियंता प्रकाश अमरशेट्टीवार, सलीम शेख, रुपेश पांडे, कुमार जुनमुलवार, संजय महाकालीवार आदींची उपस्थिती होती.
सदर बैठकीत कामाच्या सद्यस्थितीचा आढावा घेण्यात आला, तसेच अडचणींवर चर्चा करत आवश्यक सुधारणा आणि उपाययोजना सुचवण्यात आल्या. बांधकामाच्या गुणवत्तेवर विशेष लक्ष द्यावे, विद्युत व जलव्यवस्थापनाची योग्य तयारी करावी आणि अभ्यासिकेच्या सुविधांमध्ये आधुनिक तंत्रज्ञानाचा समावेश करावा. सदर अभ्यासिका विद्यार्थ्यांसाठी एक महत्त्वाचा उपक्रम असून, त्यामध्ये वाचन, स्पर्धा परीक्षांची तयारी, डिजिटल शिक्षण आणि ग्रंथसंपदेचा उत्तम उपयोग यासाठी अत्याधुनिक सुविधा उपलब्ध करून देण्याचा उद्देश आहे. Chandrapur educational progress
या उपक्रमामुळे जिल्ह्यातील विद्यार्थ्यांना आधुनिक आणि सुविधा-संपन्न अभ्यासिकेचा लाभ मिळणार आहे. सार्वजनिक बांधकाम विभाग आणि ग्रंथालय प्रशासनाने नियमित समन्वय साधत अडचणी दूर कराव्यात ही अभ्यासिका केवळ एक इमारत नसून, विद्यार्थ्यांसाठी ज्ञानसाधनेचे महत्त्वाचे केंद्र ठरणार आहे. त्यामुळे या प्रकल्पाची पूर्तता वेळेत आणि उत्कृष्ट दर्जात व्हावी, सार्वजनिक बांधकाम विभागाने बांधकामाच्या गुणवत्तेवर विशेष भर द्यावा. विद्यार्थी येथे दिवसरात्र अभ्यास करतील, त्यामुळे सुविधाजनक बैठक व्यवस्था, चांगला वाय-फाय, योग्य वायुवीजन आणि प्रकाशव्यवस्था असणे अत्यावश्यक आहे.
विद्युत आणि जलव्यवस्थापनाच्या अडचणी त्वरित सोडवल्या जाव्यात, विद्यार्थ्यांसाठी केवळ पारंपरिक वाचनालय न राहता डिजिटल अभ्यासिकेची संकल्पना राबवावी. त्यामुळे येथे ई-लायब्ररी, ऑनलाइन अभ्यास साहित्य, आणि स्पर्धा परीक्षांसाठी आवश्यक डिजिटल साधनसामग्री उपलब्ध करून द्यावी. ही अभ्यासिका केवळ बांधून थांबण्याचा प्रकल्प नाही, तर सुरक्षित आणि नियोजनबद्ध व्यवस्थापन होणे आवश्यक आहे. या ठिकाणी सीसीटीव्ही, प्रवेश नियंत्रित व्यवस्था आणि स्वच्छता यावर विशेष भर द्यावा. अशा सूचना यावेळी आमदार किशोर जोरगेवार यांनी अधिकाऱ्यांना केल्या आहेत.
