My Blog

Category: चंद्रपूर शहर

चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.

  • Municipal water supply solutions । इरई नदीचा गाळ उपसून शहराला पाणी! आमदार जोरगेवार यांनी सुचविला उपाय

    Municipal water supply solutions

    Municipal water supply solutions : शहराच्या सर्वांगीण विकासाला चालना देण्यासाठी आमदार किशोर जोरगेवार यांच्या अध्यक्षतेखाली महापालिकेत एक बैठक पार पडली. इरई नदीतील गाळ उपसा तसेच शहरातील विविध मूलभूत सुविधा आणि पायाभूत कामांचा आढावा घेण्यासाठी आयोजित या बैठकीत पाणीपुरवठा, कचरा व्यवस्थापन, आदी विषयांवर सखोल चर्चा करण्यात आली. यावेळी आमदार किशोर जोरगेवार यांनी महत्त्वपूर्ण सूचना मनपा प्रशासनाला दिल्या.

    १ मे पासून चंद्रपूर जिल्हा परिषदेचे अभियान

    या बैठकीस मनपा आयुक्त विपिन पालिवाल, महसूल विभागाचे उपविभागीय अधिकारी संजय पवार, तहसीलदार विजय पवार, अतिरिक्त आयुक्त चंदन पाटील, उपायुक्त मंगेश खवले, स्वच्छता विभागाचे निरीक्षक डॉ. अमोल शेडकी, बांधकाम विभागाच्या अभियंता वैष्णवी रिठे, भारतीय जनता पार्टीचे माजी शहराध्यक्ष दशरथसिंग ठाकूर, तुषार सोम, माजी नगरसेवक सुभाष कासनगोट्टूवार, माजी नगरसेविका छबू वैरागडे, कल्पना बबूलकर, माजी नगरसेवक प्रदीप किरमे, श्याम कनकम, राजेंद्र अडपेवार, अरुण तिखे, वंदना हातगावकर, सुरेश तालेवार, मंजुश्री कासनगोट्टूवार, प्रज्ञा बोरगमवार, करणसिंग बैस, करण नायर, विनोद अनंतवार आदी उपस्थित होते.

    शहर व परिसरातील पाणी टंचाईच्या पार्श्वभूमीवर इरई नदीतील गाळ उपसा हे एक महत्त्वाचे काम ठरत असून, या कामाच्या प्रगतीचा व अडचणींचा सविस्तर आढावा आमदार किशोर जोरगेवार यांनी या बैठकीत घेतला. बैठकीदरम्यान त्यांनी संबंधित अधिकाऱ्यांकडून गाळ उपसण्याची सद्यस्थिती, यंत्रसामुग्रीची उपलब्धता आणि कामाचा कालावधी याबाबत सविस्तर माहिती घेतली. कामात कोणताही अडथळा येऊ नये यासाठी आवश्यक ती मदत दिली जाईल, असेही त्यांनी स्पष्ट केले. River dredging for irrigation

    शहरातील काही भागांमध्ये निर्माण झालेल्या तीव्र पाणीटंचाईच्या पार्श्वभूमीवर आमदार जोरगेवार यांनी टँकरद्वारे सातत्यपूर्ण पाणीपुरवठा सुनिश्चित करण्याचे निर्देश दिले. झोननिहाय पाणीवाटप अधिक कार्यक्षम पद्धतीने होण्यासाठी ठोस उपाययोजना राबविण्याचे आदेशही त्यांनी दिले. तसेच पाण्याच्या टाक्या आणि टँकरच्या स्थान निश्चितीचे काम तातडीने पूर्ण करावे, असे स्पष्ट निर्देश प्रशासनाला यावेळी देण्यात आले. Sustainable urban water management

    परिसरातील रस्ते व बांधकामाच्या कामांची सविस्तर समीक्षा करताना, या प्रकल्पांना गती देण्याची गरज आमदार किशोर जोरगेवार म्हणाले केली. शहराच्या स्वच्छता व्यवस्थेतील त्रुटी दूर करताना डिव्हायडर देखभाल, फुलझाडे लावणे यांसारख्या सौंदर्यीकरण च्या उपक्रमांना अधिक गती देण्यावरही भर देण्यात आला. प्रशासनाने नागरिकांच्या समस्या तातडीने आणि प्रभावीपणे सोडवाव्यात, अशा सूचना यावेळी आमदार जोरगेवार यांनी केल्यात. या बैठकीला संबधित अधिकारी आणि भारतीय जनता पार्टीच्या पदाधिकाऱ्यांची मोठ्या संख्येने उपस्थिती होती. 

  • Sardar Patel College media students । जनसंवाद चे विद्यार्थी पोहोचले चंद्रपूर आकाशवाणीवर – अनुभवली प्रसारणाची दुनिया!

    Sardar Patel College media students

    Sardar Patel College media students : चंद्रपूर – येथील सरदार पटेल महाविद्यालयाच्या जनसंवाद विभागाचे विद्यार्थांनी नुकतीच चंद्रपूर आकाशवाणी केंद्रास भेट देऊन तेथील कामकाज नेमके कसे चालते हे जाणून घेतले. दरम्यान यावेळी विद्यार्थी प्रत्यक्ष कार्यक्रमात सहभागी झाले. Chandrapur Akashvani visit

    चंद्रपूरच्या मातीत मौल्यवान वस्तूंचा खजिना

    ‘बहुजन हिताय, बहुजन सुखाय’ हे उद्दिष्ट असलेले आकाशवाणी…मनोरंजनाचे विविध पर्याय उपलब्ध झाले असले तरी आकाशवाणी मात्र श्रोत्यांच्या मनात आपली जागा कायम राखून आहे. सरदार पटेल महाविद्यालयाचे प्राचार्य डॉ. पी.एम.काटकर यांच्या मार्गदर्शनाखाली अभ्यासक्रमाचा भाग म्हणून जनसंवाद विभागाचे अंतिम वर्षाच्या विद्यार्थांनी चंद्रपूर आकाशवाणी केंद्रास भेट दिली. यावेळी जनसंवाद विभागप्रमुख डॉ. पंकज मोहरीर, प्रा. संजय रामगिरवार, प्रा.अरविंद खोब्रागडे हे प्रामुख्याने उपस्थित होते. जनसंवाद विभागाचे विद्यार्थी यावेळी सहभागी झाले होते.

    चंद्रपूर आकाशवाणी केंद्राचे अभियंता चंद्रकांत मत्ते, राजन देशभ्रतार, तंत्राद्य किशोर वसाके, विकास बावणे यांनी केंद्राचे प्रसारण कसे होते हे तंत्रज्ञान विद्यार्थांना समजून सांगितले. यावेळी सहायक संचालक (तांत्रिक) संध्या किलनाके याही उपस्थित होत्या. विद्यार्थांनी आकाशवाणी कार्यक्रमाचे लेखन, नभोवाणी चर्चा, वृतांत याविषयीचीही माहिती कार्यक्रम प्रमुख व अधिकारी नंदा गजभिये यांच्यासह प्रसारण अधिकारी उमेश दुपारे उद्घोषक मंजुषा भास्करवार, हेमा बहादे,अर्चना चौधरी यांच्याकडून जाणून घेतली. यावेळी ‘फोन -इन’ अंतर्गत ‘हॅलो फर्माईश’ मध्ये विद्यार्थ्यांनी सहभाग घेतला. Akashvani Chandrapur working

    दरम्यान सर्वोदय शिक्षण मंडळाचे अध्यक्ष अरविंद सावकार पोरेड्डीवार, कार्याध्यक्ष आ. किशोर जोरगेवार, उपाध्यक्ष सुदर्शन निमकर, सगुणाताई तलांडी, सचिव प्रशांत पोटदुखे, सहसचिव डॉ. किर्तीवर्धन दीक्षित, कोषाध्यक्ष संदीप गड्डमवार, सर्वोदय शिक्षण मंडळाचे कार्यकारी सदस्य, राकेश पटेल, सुरेश पोटदुखे, चंद्रशेखर वाडेगावकर, जिनेश पटेल यांनी उपरोक्त उपक्रमाबद्दल शुभेच्छा दिल्यात.

    Contents

  • Pahalgam tourist rescue operation​ । पहलगाममध्ये अडकलेले चंद्रपूरचे पर्यटक; आमदार जोरगेवारांची तातडीने मदत

    Pahalgam tourist rescue operation​

    पहलगाम हल्ल्यानंतर चंद्रपूरच्या नागरिकांची सुरक्षितता सुनिश्चित करण्यासाठी आमदारांचा पुढाकार​

    Pahalgam tourist rescue operation​ : जम्मू-काश्मीरमधील पहलगाम येथे नुकत्याच झालेल्या दहशतवादी हल्ल्यानंतर निर्माण झालेल्या तणावपूर्ण परिस्थितीमुळे अनेक पर्यटक तिथे अडकले आहेत. अशा संकटात चंद्रपूर शहरातील तीन कुटुंबांतील सात नागरिक देखील पहलगाम येथे अडकले असून, त्यांना चंद्रपूरला परत आणण्यासाठी आमदार किशोर जोरगेवार यांच्या तत्पर प्रयत्नांमुळे हालचालींना वेग आला आहे.

    चंद्रपुरातील त्या ७ नागरिकांनी सांगितला पहलगाम मधील थरार

    दरवर्षी लाखो पर्यटक काश्मीर पर्यटनासाठी जात असतात. यंदाही काश्मीर खोऱ्यात पर्यटकांची गर्दी असताना पहलगाम येथे दहशतवादी हल्ला करण्यात आला. त्यामुळे अनेक पर्यटक तिथे अडकले आहेत. यामध्ये चंद्रपूर शहरातील तीन कुटुंबांतील सात सदस्य अडकले असल्याची माहिती मिळताच, आमदार किशोर जोरगेवार यांनी तात्काळ व्हिडिओ कॉलद्वारे संबंधित कुटुंबांशी संपर्क साधून त्यांच्या सुरक्षिततेची चौकशी केली. यावेळी आम्ही हल्ल्याच्या ठिकाणाजवळच थांबलेलो होतो. आम्हाला चंद्रपूरला परत यायचे आहे, मात्र सध्याचे वातावरण पाहता ते शक्य नाही. आम्ही घाबरलो आहोत असे त्यांनी आमदार जोरगेवार यांना सांगितले. MLA Kishor Jorgewar news

    ही बाब गांभीर्याने घेत आमदार जोरगेवार यांनी तात्काळ हालचाली सुरू केल्या. त्यांनी मदत व पुनर्वसन विभागाचे संचालक सतीशकुमार खडके आणि तसेच जम्मू-काश्मीर येथील प्रशासनाशी थेट दूरध्वनीद्वारे संपर्क साधून या  कुटुंबाच्या सुटकेसाठी आवश्यक ती सर्व मदत करण्याची विनंती केली. सदर कुटुंब थांबलेले स्थान आणि त्यांची सर्व माहिती आमदार जोरगेवार यांनी जम्मू-काश्मीर प्रशासनाला दिली. त्यानंतर स्थानिक प्रशासनाने संबंधित कुटुंबीयांशी संपर्क साधल्याची माहितीही समोर आली आहे. MLA Kishor Jorgewar news

    आमदार जोरगेवार यांच्या तत्परतेमुळे या कुटुंबांच्या सुरक्षित चंद्रपूरकडे परतीच्या हालचालींना गती मिळाली आहे. अंकीत नगराळे, शिल्पा नळे, स्पर्श नळे, प्रितेश नळे, अजय गाडीवान, वर्षा गाडीवान,  तेजस्विनी गाडीवान असे या कुटुंबियांची नावे असून ते नागीनाबग येथील रहिवासी आहेत. हे कुटुंब सुरक्षितपणे घरी परतेपर्यंत मी सातत्याने प्रशासनाशी संपर्कात राहणार असून, त्यांना आवश्यक ती प्रत्येक मदत दिली जाईल.असे आमदार किशोर जोरगेवार यांनी म्हटले आहे. 

  • Free medical camp Chandrapur 2025 । बालकांचे हृदय वाचवण्यासाठी पुढे सरसावले आमदार, मोफत शिबिरात डॉक्टरांचे मोलाचे योगदान

    Free medical camp Chandrapur 2025

    हृदय’ जिंकणारा उपक्रम! आमदार किशोर जोरगेवार यांची आरोग्यसेवेची अनोखी मोहीम

    Free medical camp Chandrapur 2025 : गरजू रुग्णांपर्यंत आरोग्य सेवा पोहोचविण्याच्या उद्देशाने आमदार किशोर जोरगेवार यांच्या पुढाकारातून आणि भारतीय जनता पक्ष, चंद्रपूर विधानसभा मतदारसंघ व मुंबई येथील ज्युपिटर हॉस्पिटल यांच्या संयुक्त विद्यमाने दोन दिवसीय मोफत हृदयविकार व श्रवण तपासणी शिबिराचे आयोजन करण्यात आले. हे शिबिर २२ व २३ एप्रिल २०२५ रोजी जिल्हा सामान्य रुग्णालय, चंद्रपूर येथे पार पडले. Free hearing screening camp Chandrapur

    पहलगाम मध्ये अडकले चंद्रपुरातील पर्यटक

    आज (बुधवार) समारोपीय कार्यक्रमात आमदार किशोर जोरगेवार यांच्या हस्ते शिबिरात सेवा देणाऱ्या मुंबई येथील ज्युपिटर हॉस्पिटल व जिल्हा सामान्य रुग्णालयातील डॉक्टरांचा सत्कार करण्यात आला.
    यावेळी जिल्हा शल्य चिकित्सक डॉ. चिंचोळे, ज्युपिटर रुग्णालयाचे डॉ. परमानंद आंदनकर, डॉ. एल. श्रीनिवास, डॉ. सोनारकर, डॉ. सोनिया कारापूरकर,  डॉ. खुशबू मेहता, रेशमा पवार, अजय जयस्वाल, तुषार सोम, भाजपचे माजी शहराध्यक्ष दशरथसिंह ठाकूर, माजी नगरसेवक सुभाष कासनगोट्टूवार, चंदू वासाडे, माजी नगरसेवक बलराम डोडाणी, नामदेव डाहुले, राहुल घोटेकर, माजी नगरसेवक प्रदीप किरमे, माजी नगरसेविका छबू वैरागडे, वंदना हातगावकर, मंजुश्री कासनगोट्टूवार, प्रज्ञा, अमोल शेंडे, राशिद हुसेन, नकुल वासमवार, करणसिंह बैस, कार्तिक बुरेवार आदी मान्यवर उपस्थित होते.

    या शिबिरात विशेषतः दुर्बळ व गरजू कुटुंबांतील १८ वर्षांखालील हजारो बालकांची अत्याधुनिक वैद्यकीय उपकरणांच्या साहाय्याने सखोल तपासणी करण्यात आली. जन्मतः हृदयरोग, गुंतागुंतीचे आजार तसेच श्रवण क्षमतेशी संबंधित अडचणी असलेल्या बालकांची तपासणी मुंबईतील ज्युपिटर डॉक्टरांनी केली. Jupiter Hospital free heart checkup

    या शिबिरादरम्यान सुमारे ४० हून अधिक बालकांमध्ये शस्त्रक्रियेची आवश्यकता असल्याचे निदान झाले असून, त्यांच्यावर लवकरच मुंबई येथील ज्युपिटर हॉस्पिटलमध्ये निशुल्क शस्त्रक्रिया करण्यात येणार आहे. तपासणी झालेल्या इतर बालकांनाही पुढील उपचारासाठी सल्ला व मार्गदर्शन देण्यात आले आहे. Free child health checkup camp India

    यावेळी बोलताना आमदार किशोर जोरगेवार म्हणाले की, भारतामध्ये अनेक गरीब व दुर्बल घटकांतील मुलांना वेळेवर निदान व उपचार न मिळाल्यामुळे गंभीर आरोग्य समस्यांचा सामना करावा लागतो. अशा शिबिरांच्या माध्यमातून तज्ज्ञ डॉक्टरांचे मार्गदर्शन, अत्याधुनिक तपासणी आणि मोफत उपचार मिळाल्याने अनेक बालकांचे जीवन वाचू शकते. विशेषतः बालहृदयरोग योग्य वेळी निदान केल्यास बरा होऊ शकतो. तसेच, ५ वर्षांच्या आत श्रवण अडचणी असलेल्या बालकांवर उपचार केल्यास ते ऐकू आणि बोलू शकतात. मात्र, या उपचारांचा खर्च जास्त असल्यामुळे अनेक गरीब कुटुंबातील नागरिक हे उपचार करू शकत नाहीत. म्हणूनच अशा उपक्रमांचे महत्त्व मोठे आहे. Free hearing screening camp Chandrapur

    Free hearing screening camp Chandrapur

    या शिबिरात वैद्यकीय तपासणीसाठी अत्याधुनिक यंत्रसामग्री, अनुभवी डॉक्टरांची टीम आणि समर्पित आरोग्य कर्मचारी कार्यरत होते. तपासणीसाठी आलेल्या प्रत्येक मुलावर अत्यंत संवेदनशीलतेने उपचार करण्यात आले. चंद्रपूर जिल्ह्यातील कोणताही गरीब बालक केवळ आर्थिक अडचणीमुळे उपचारांपासून वंचित राहू नये, हीच आमची भावना आहे, पुढेही असे शिबीर आपण आयोजित करणार असल्याचे ते यावेळी म्हणाले.

    ४० हून अधिक बालकांवर होणार शस्त्रक्रिया

    सदर आरोग्य शिबिरात ४० हून अधिक बालकांना गंभीर स्वरूपाचे आजार असल्याचे निदान झाले असून, या सर्व बालकांवर पुढील तीन महिन्यांच्या आत मुंबई येथील ज्युपिटर रुग्णालयात निशुल्क शस्त्रक्रिया करण्यात येणार आहे. पहिल्या टप्प्यात ७ बालकांवर शस्त्रक्रिया केली जाणार असून, येत्या सोमवारी हे सर्व बालक मुंबईत रवाना होणार आहेत. त्यांना  उपचारांसाठी आवश्यक असलेल्या प्रवास, राहणी, भोजन व इतर सर्व खर्च आयोजकांच्या वतीने करण्यात येणार आहे.  

    १४ तासांच्या चिमुकलीवर तीन महिन्यांची होताच शस्त्रक्रिया

    हृदयात छिद्र असलेल्या अवघ्या १४ तासांच्या एका चिमुकलीची तपासणी मुंबई येथील ज्युपिटर हॉस्पिटलचे सुप्रसिद्ध हृदयतज्ज्ञ डॉ. श्रीनिवास एल. आणि डॉ. सोनिया कारापूरकर यांनी केली. ही चिमुकली तीन महिन्यांची झाल्यावर तिच्यावर मुंबईत निशुल्क शस्त्रक्रिया करण्यात येणार आहे. तोपर्यंत तिच्यावर आवश्यक उपचार व नियमित वैद्यकीय सल्लाही दिला जाणार आहे.

  • government construction sand price । “शासन वाळू किंमत २०२५ – सरकारी बांधकामांसाठी वाळूचे नवीन दर आणि शुल्क!”

    government construction sand price

    government construction sand price : चंद्रपूर २२ एप्रिल (News३४) : इरई नदीच्या पूर परिस्थितीवर प्रतिबंधात्मक उपाययोजना करण्यासाठी नदीतील गाळ काढणे व नदीचे खोलीकरण हा प्रकल्प हाती घेण्यात येत आहे.  त्या अनुषंगाने  इरई नदीच्या खोलीकरणातून निघालेल्या वाळूचे दर शासकीय बांधकामाकरिता निश्चित करण्यात आले आहे. तर शेतकरी, घरकुल लाभार्थी यांना सदर वाळू निःशुल्क उपलब्ध करून देण्यात येईल, मात्र त्यासाठी वाहनाची सोय संबंधित लाभार्थ्यांनी करायची आहे. river dredging flood prevention

    जुगार खेळायचं तर चला गडचांदूर

    जिल्हास्तरीय वाळु सनियंत्रण समिती, चंद्रपूर यांचे 8 एप्रिल 2025 रोजीचे शासनाचे वाळू निर्गती धोरण व  3 एप्रिल 2025 रोजीच्या नदी नाले यामध्ये येणारे पुराचे नियोजन संबंधी शासन निर्णयामधील प्राप्त निर्देर्श तसेच 12 एप्रिल 2025 रोजी पालकमंत्री यांनी इरई नदीतील पूर परिस्थिती संदर्भात घेतलेल्या बैठकीतील चर्चा व सुचनेच्या अनुषंगाने, खोलीकरणाद्वारे निघालेला गाळ, माती, माती मिश्रीत वाळू , वाळूचे विनियोग करण्याबाबत पुढील प्रमाणे नियोजन  करण्यात येत आहे. sand for housing project Maharashtra

    शेतकरी, घरकूल लाभार्थी/ प्रधानमंत्री आवास योजना लाभार्थी यांनी घरकूलासाठी पात्र असल्याचा पुरावा गट विकास अधिकारी मार्फत तहसीलदार कार्यालयाकडे सादर करुन स्व-खर्चाने वाहनाची सोय करून नि:शुल्क घेऊन जावा.  तर  शासकीय बांधकामा करीता पुरविण्यात येणाऱ्या वाळू करीता खालील प्रमाणे शुल्क भरणे आवश्यक राहील.

    • अ)   स्वामीत्वधन शुल्क – रुपये 600/- प्रती ब्रास (GRAS प्रणालीव्दारे)
    • आ)  जिल्हा खनिज प्रतिष्ठान शुल्क 10 % – रुपये 60/- प्रती ब्रास
    • इ)   TCS रक्कम 2 %  – रुपये 12 /- प्रती ब्रास
    • एकुण खर्च – रुपये 672 प्रती ब्रास एवढे रक्कम भरणे आवश्यक राहील, असे खनिकर्म विभागाने कळविले आहे.

    Contents

  • Guru Yamunamai visit to Chandrapur । श्री गुरु यमुनामाय यांचे चंद्रपूरला आगमन; यात्रेला लाभली आध्यात्मिक ऊर्जा

    Guru Yamunamai visit to Chandrapur

    Guru Yamunamai visit to Chandrapur : शेंद्राची मानकरी श्री गुरु यमुनामाय यांनी आमदार किशोर जोरगेवार यांच्या राजमाता निवासस्थानी सदिच्छा भेट दिली. यावेळी आमदार किशोर जोरगेवार आणि त्यांच्या पत्नीने श्री गुरु यमुनामाय यांचे मनःपूर्वक स्वागत केले. अम्मा का टिफिन आणि श्री माता महाकालीची मूर्ती भेट देऊन त्यांचा सन्मान करण्यात आला. या प्रसंगी श्री माता महाकाली महोत्सव ट्रस्ट व भारतीय जनता पार्टीचे पदाधिकारी उपस्थित होते. Chanda Mahakali Yatra

    शेतकऱ्यांना मिळणार विशिष्ट ओळखपत्र

    प्रत्येक वर्षीप्रमाणे यंदाही चैत्र महिन्यात महाकाली मंदिर परिसरात आयोजित यात्रेत नांदेड जिल्ह्यातून श्री गुरु यमुनामाय यांचे अश्वारूढ होऊन आगमन झाले. यावर्षीही त्यांनी आपल्या उपस्थितीने यात्रेला आध्यात्मिक तेज प्राप्त करून दिले. राजमाता निवासस्थानी झालेल्या भेटीत श्री गुरु यमुनामाय यांनी यात्रेकरूंसाठी करण्यात आलेल्या विविध सुविधा – स्वच्छता, पोलीस बंदोबस्त, पिण्याच्या पाण्याची व्यवस्था, अन्नछत्र, आरोग्य व्यवस्था आणि संपूर्ण नियोजनाबद्दल विशेष कौतुक व्यक्त केले. Mahakali Yatra 2025

    त्यांनी आयोजकांचा सेवाभाव आणि शिस्तबद्ध आयोजनाबद्दल मनापासून प्रशंसा केली. गेल्या वर्षी झालेल्या यात्रेदरम्यान श्री गुरु यमुनामाय यांनी स्वर्गीय अम्मा यांची भेट घेतली होती. यंदा अम्मा आपल्यात नसल्याची बाब समजताच त्यांनी अम्मा यांच्या प्रतिमेला पुष्पहार अर्पण करून भावपूर्ण श्रद्धांजली वाहिली. हा क्षण उपस्थित सर्वांसाठी अत्यंत भावूक करणारा ठरला.

    chanda mahakali yatra

    यावेळी आमदार किशोर जोरगेवार म्हणाले की, महाकाली यात्रा ही केवळ धार्मिक परंपरा नसून, श्रद्धा, सेवा आणि सामाजिक ऐक्य यांचे प्रतीक आहे. श्री गुरु यमुनामाय यांचे चंद्रपूरमध्ये आगमन हे आपल्या सर्वांसाठी गौरवाचे आणि आध्यात्मिक ऊर्जा देणारे आहे. त्यांच्या साक्षात दर्शनाने यात्रेला नवी उंची मिळाली आहे.
    स्वर्गीय अम्मा यांनी आयुष्यभर सेवा, समर्पण आणि भक्तीचा आदर्श ठेवला. त्यांचे कार्य आजही सर्वांना प्रेरणा देत आहे. यंदाच्या यात्रेत त्या नसल्या तरी त्यांची आठवण प्रत्येकाच्या मनात कायम आहे. येत्या काळात ही यात्रा आणखी भव्य, सुसंघटित आणि लोकाभिमुख करण्यासाठी आपण कटिबद्ध असल्याचे ते यावेळी म्हणाले.

    श्री गुरु यमुनामाय म्हणाल्या की, पुढील वर्षी महाकाली यात्रेत भाविकांची संख्या आणखी वाढेल, असा विश्वास आहे. येथे शिस्त, सेवा आणि श्रद्धेचा संगम आहे. त्यामुळे देवतेच्या कृपेने यात्रेचा विस्तार आणि प्रभाव नक्कीच वाढेल असे त्या म्हणाल्या.

  • anti encroachment drive । पूर टाळण्यासाठी मोठा निर्णय: नाल्यावरील बेकायदेशीर बांधकामांवर चंद्रपूर मनपाची गाज

    anti encroachment drive

    anti encroachment drive : चंद्रपूर 16 एप्रिल – शहरातील तीनही झोन अंतर्गत येणाऱ्या 6 मोठे नालेसफाई स्वच्छतेचे कार्य युद्धपातळीवर हाती घेऊन 10 छोट्या नाल्यांचीही स्वच्छता जुन महिन्यापर्यंत करण्याचे निर्देश आयुक्त तथा प्रशासक विपीन पालीवाल यांनी दिले आहेत. मंगळवार 15 एप्रिल रोजी झालेल्या बैठकीत आयुक्तांनी मान्सूनपूर्व नाले स्वच्छता कामाचा आढावा घेतांना नाले स्वच्छता मोहीमेआधी नाल्यावरील अतिक्रमण काढण्यासाठी विशेष मोहीम राबविण्याचेही निर्देश त्यांनी दिले आहेत. illegal construction removal

    चंद्रपुरात जनविकास सेनेचे पैसे फेका आंदोलन

     
        नाल्यावर अतिक्रमण केल्याने पाण्याच्या प्रवाहाला अवरोध निर्माण होऊन पुरसदृश्य परिस्थिती निर्माण होऊ शकते,याशिवाय पावसाळ्यात नाला ओव्हरफ्लो झाल्यास परिसरात पाणी शिरून साधन संपत्ती व आरोग्यालाही धोका निर्माण होऊ शकतो त्यामुळे ज्या नागरिक, दुकानदारांनी नाल्यावर अतिक्रमण करून बांधकाम केले आहे त्यांनी ते त्वरित काढण्याचे आवाहन मनपातर्फे करण्यात येत आहे. नाल्यावरील अतिक्रमण हे पाणी तुंबण्याचे कारण ठरू शकत असल्याचे लक्षात घेता मनपातर्फे नाल्यावरील अतिक्रमणाचा सर्व्हे करण्यात आला होता. यात गडर लाईन कव्हर करणे,पक्के बांधकाम करणे,व्हरांडा बांधण्यासारखे अतिक्रमण केलेले आढळुन आले होते. या सर्व अतिक्रमणधारकांवर कारवाई करण्याची विशेष मोहीम आता राबविण्यात येणार आहे. municipal drain cleaning project


         शहरातील तीनही झोनअंतर्गत बहुतांश नाल्यांमध्ये गाळ आणि कचरा जमा झाला आहे. यामुळे नाल्याच्या परिसरात राहणाऱ्या नागरिकांना धोका निर्माण होतो. मुसळधार पावसामुळे पूरपरिस्थितीही निर्माण होण्याची शक्यता असते. हे सर्व टाळण्यासाठी मान्सूनपूर्व नाले स्वच्छता करण्याच्या कामाला सुरवात करण्यात येत आहे.


          शहरातील महाविदर्भ वृत्तपत्र कार्यालय ते मच्छीनाला, सावरकर नगर, बगड़खिडकी रेल्वेपटरी, बिनबा मोरी ते सटवाई, रहमत नगर , सिस्टर कॉलोनी, चांबारकुंडी, आकाशवाणी, निंबाळकर वाडी, एस.पी कॉलेज ते नगराळे दवाखाना इत्यादी मोठ्या नाल्यांची साफसफाई सुरु असून मनुष्यबळ व  जेसीबी च्या मदतीने तेथील गाळ आणि कचरा बाहेर काढण्यात येत आहे. नाल्याभोवती वाढलेली झाडेझुडपी व नाल्यातील माती दगड बाहेर काढून सांडपाण्याला वाट काढून दिली जाणार आहे. त्यामुळे सांडपाणी तुंबून न राहता पुढे वाहून जाईल, सांडपाण्याला वेग आल्याने नाल्याजवळील दुर्गंधी कमी व्हायला मदत होईल. flood prevention measures India


         नाले सफाईचे कार्य मशीनद्वारे आणि जेथे मशीनद्वारे शक्य नाही तेथे स्वच्छता कर्मचाऱ्यांतर्फे होणार आहे. सध्या स्वच्छतेच्या कामात नियमीत 315 सफाई कर्मचारी व अतिरिक्त 130 असे एकुण 445 कर्मचारी कार्यरत असणार आहेत. याशिवाय मोठ्या नाल्यांच्या सफाईकरीता 5 जेसीबी लावण्यात आल्या असून लवकरच पोकलेनद्वारे स्वच्छता सुरू करण्यात येणार आहे. अन्य नाले जेथे पोकलेन जाऊ शकत नाही अशा उर्वरीत नाल्यांची स्वच्छता मनुष्यबळाद्वारे करण्यात येत आहे.


        यापूर्वी मे महिन्यात सुरू होणारी नाला सफाई यावर्षी एप्रिल महिन्यातच सुरू करण्यात आली आहे. विविध विभागांच्या समन्वयातून स्वच्छता विभाग हे उद्दिष्ट साध्य करणार आहे. नाले स्वच्छतेची संपूर्ण जबाबदारी झोनचे सहायक आयुक्त यांच्या प्रत्यक्ष नियंत्रणात, मुख्य स्वच्छता अधिकारी, झोनचे  स्वच्छता निरिक्षक, आपत्ती व्यवस्थापन पथक सांभाळणार असुन नाला स्वच्छतेदरम्यान निघणारा गाळ हा परिसरातील सखल भागात टाकण्यात येणार आहे.

  • Dr Ambedkar flyover Babupeth । बाबूपेठला मिळालं डॉ. बाबासाहेब आंबेडकर उड्डाणपुलाचं गौरवदायक नाव!

    Dr Ambedkar flyover Babupeth

    Dr Ambedkar flyover Babupeth : महामानव भारतरत्न डॉ. बाबासाहेब आंबेडकर यांच्या जयंतीच्या दिवशी बाबूपेठ येथील नवीन उड्डाण पुलाचे डॉ. बाबासाहेब आंबेडकर उड्डाणपूल असे नामकरण करण्यात आले. या नामफलकाचे अनावरण करताना मनापासून आनंद झाला. हा नवीन उड्डाणपूल बाबूपेठवासियांसाठी चंद्रपूरशी मने जोडणारा ठरणार आहे, असा विश्वास राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी व्यक्त केला. Sudhir Mungantiwar news Chandrapur

    मानव वन्यजीव संघर्ष टोकाला, चंद्रपूर जिल्ह्यात १२ वा बळी

    पुलासाठी ६५ कोटींचा निधी

    भारतरत्न डॉ. बाबासाहेब आंबेडकर यांच्या जयंतीनिमित्त बाबूपेठ येथील उड्डाण पुलाला डॉ. बाबासाहेब आंबेडकर यांचे नाव देण्यात आले. या उड्डाण पुलाच्या नामफलकाचे अनावरण आ. श्री. मुनगंटीवार यांच्या हस्ते झाले. आ. श्री. मुनगंटीवार म्हणाले, ‘हा उड्डाण पुल व्हावा, अशी बाबूपेठ येथील नागरिकांची अनेक वर्षांपासून इच्छा होती. या पुलासाठी मी ६५ कोटी रुपये मंजूर करू शकलो, यासाठी मी भाग्यवान आहे. हा पूल बाबूपेठवासीयांची चंद्रपूरशी मने जोडणारा दुवा ठरेल, असा मला विश्वास आहे.

    मी नशीबवान – मुनगंटीवार

    भाजपा महानगरचे सर्व पदाधिकारी, कार्यकर्ते व येथे उपस्थितांना डॉ. बाबासाहेब आंबेडकर यांच्या विचारांवर चालण्याचा संकल्प करण्याचे आवाहनही आ. श्री. मुनगंटीवार यांनी केले. आ. श्री. मुनगंटीवार म्हणाले, ‘लंडनमध्ये भारतरत्न डॉ. बाबासाहेब आंबेडकर यांचे स्मारक उभारण्यासाठी निधी उपलब्ध करून देता आला, ही माझ्या आयुष्यातील एक सौभाग्यशाली घटना आहे. १९२०-२१ मध्ये डॉ.बाबासाहेब लंडनमधील ज्या निवासस्थानी मुक्कामाला होते, तेथे जाऊन जनसेवेची ऊर्जा घेऊन येता आले, यासाठी स्वतःला नशीबवान समजतो.’

    दीक्षाभूमीसाठी २ कोटी

    डॉ. बाबासाहेब आंबेडकर यांनी ज्या दोन जिल्ह्यांमध्ये दीक्षा दिली, त्यात चंद्रपूरचा समावेश आहे, ही आपणा सर्वांसाठी अभिमानाची बाब आहे. मला स्वतःला मंत्री म्हणून डॉ.बाबासाहेबांच्या कार्याला, त्यांच्या विचारांना अभिवादन करण्याची संधी मिळाली. १२५व्या जयंतीनिमित्त डॉ. बाबासाहेब आंबेडकर यांच्या नावाने अनके वास्तू निर्माण करण्यासाठी निधी उपलब्ध करून देता आला. दीक्षाभूमीसाठी २ कोटी रुपयांचा निधी उपलब्ध करून देता आला. आज मला त्यांच्या नावाने उड्डाणपुलाच्या नामफलकाचे उद्घाटन करता आले. या सर्व घटना माझ्यासाठी ऊर्जा देणाऱ्या आहेत, अश्या भावनाही आ. श्री. मुनगंटीवार यांनी व्यक्त केल्या.

    sudhir mungantiwar news chandrapur

    महामानवाला सेवेतून अभिवादन
    चंद्रपूर रेल्वे स्टेशनजवळील उडिया मोहल्ला येथे डॉ. बाबासाहेब आंबेडकर जयंती उत्साहात साजरी करण्यात आली. नवबौद्ध पंचशील मंडळ व साहेब मित्रमंडळाच्या कार्याचे अभिनंदन केले. बल्लारपूर येथे अभिवादन कार्यक्रमाला आ. श्री. मुनगंटीवार उपस्थित होते. तसेच पडोली येथे पाणपोई व महाप्रसाद वाटप करण्यात आले. सेवेचं रूप, समतेचं पूजन करत दुर्गापूर, नवरत्न बुद्ध विहार येथे आ. श्री. मुनगंटीवार यांनी पुष्पांजली अर्पण केली. चंद्रपूर आंबेडकर चौक येथेही आ. मुनगंटीवार यांनी डॉ.बाबासाहेबांच्या पुतळ्याला अभिवादन केले. यावेळी पाणी व बिस्कीट वाटप उपक्रमात आ. मुनगंटीवार यांनी सहभाग घेतला.

  • Dr Babasaheb Ambedkar । शोषणाविरुद्ध संघर्षाची मूर्ती – बाबासाहेबांचा लढा आजही प्रेरणादायी – हंसराज अहिर

    Dr Babasaheb Ambedkar

    भारतीय राज्यघटनेचे शिल्पकार, सामाजिक समतेचे योद्धा आणि सत्याच्या मार्गाने लढणारे थोर विचारवंत म्हणजे Dr Babasaheb Ambedkar. त्यांनी दिलेले संविधान हे केवळ कायद्याचे दस्तावेज नसून, ते एक सामाजिक परिवर्तनाचे शक्तिशाली माध्यम ठरले आहे. Babasaheb यांचा लढा हा दलित, शोषित आणि मागासवर्गीयांसाठी equal rights, social justice आणि education empowerment मिळवण्याचा ऐतिहासिक टप्पा होता.

    आजच्या आधुनिक भारतातसुद्धा Dr Babasaheb Ambedkar यांच्या विचारांची relevance अधिक आहे. त्यांच्या विचारांमुळे आज लाखो लोकांनी शिक्षण, रोजगार, आणि सन्मानाचे जीवन मिळवले आहे. त्यांच्या स्मृती आणि कार्याचा वारसा पुढील पिढीपर्यंत पोहचवणे हे आपले सामाजिक कर्तव्य आहे.

    Dr Babasaheb Ambedkar : चंद्रपूर: भारतीय राज्यघटनेचे शिल्पकार, विश्ववंदनीय, भारतरत्न डॉ. बाबासाहेब आंबेडकर यांनी समता, न्याय व बंधुत्व वृध्दिगत करण्याकरिता आपले जीवन समर्पित केले. त्यांनी विषमतेविरूध्द दिलेला लढा हा ऐतिहासिक होता. त्यांनी या देशाला दिलेल्या संविधानामुळेच आज आपणा सर्वांना अनेक अधिकार बहाल झाले असून या घटनात्मक अधिकारांनीच बहुजन समाजाने राजकीय, सामाजिक, शैक्षणिक, आर्थिक व अन्य क्षेत्रामध्ये प्रगतीच्या दिशेने वाटचाल केली आहे. 14 april news

    चंद्रपूर महानगरपालिका झाली डिजिटल

    एवढेच नव्हे तर आपला देश सुध्दा संविधानाच्या माध्यमातून प्रगतीच्या दिशेने मार्गक्रमण करीत आहे. त्यामुळे बाबासाहेबांच्या महान विचारांचा वारसा स्विकारून सर्वांनी राष्ट्राच्या जडणघडणीत व प्रगतीमध्ये योगदान देणे हीच या महान राष्ट्रपुरूषास खरी आदरांजली ठरेल असे प्रतिपादन राष्ट्रीय मागासवर्ग आयोगाचे अध्यक्ष तथा पूर्व केंद्रीय गृह राज्यमंत्री हंसराज अहीर यांनी केले.

    14 april news

    डॉ. बाबासाहेबांच्या १३४ व्या जयंती पर्वावर हंसराज अहीर यांनी बाबासाहेबांच्या पुतळ्याला माल्यार्पण करून नमन केले. त्यांच्या राष्ट्रीय योगदानाचे स्मरण करून आदरांजली अर्पण केली. या अभिवादन कार्यक्रमास माजी उपमहापौर अनिल फुलझेले, विठ्ठल डुकरे, रवि गुरनुले, राजु येले, डॉ. शरद रणदिवे, राजु अडपेवार, राजु घरोटे, प्रमोद शास्त्रकार, प्रदीप किरमे, संजय खनके, हंसराज रायपुरे, पुष्पा उराडे, शितल गुरनुले, कल्पना बबुलकर, शिलाताई चव्हाण, सुप्रिया सरकार, श्रीकांत भोयर, विकास खटी, गौतम यादव, पुनम तिवारी, स्वप्निल मुन, संजय मिसलवार, रविंद्र मुन, संदीप देशपांडे, तुषार मोहुर्ले, रवि लोनकर, अतुल रायकुंडलिया, राहुल सुर्यवंशी, मधुकर राऊत, राज कुमार, सुदामा यादव यांचेसह बहुसंख्य कार्यकर्त्यांची उपस्थिती होती.

  • e office system in municipality । चंद्रपूर मनपा कार्यालयांचा डिजिटल बदल: ई-ऑफिसने दिला Positive टर्न!

    e office system in municipality

    चंद्रपूर महानगरपालिकेचा प्रशासकीय कारभार आता घेतोय एक पॉवरफुल डिजिटल वळण! पारंपरिक पेपरवर्कमधील negative points — फाईल गहाळ होणे, उशीर, टपालाची गडबड — हे आता इतिहास जमा होणार आहेत. कारण, आता सुरू झाली आहे “e office system in municipality” ची positive revolution! ही प्रणाली केवळ कागद वाचवत नाही, तर वेळ, manpower आणि resources यांचा योग्य उपयोग करत आहे. प्रत्येक तक्रारीचा digital tracking होतोय, आणि कामांची transparency आणि accountability वाढतेय.ही नवी प्रणाली म्हणजे फक्त एक tech upgrade नाही, तर smart governance कडे उचललेलं एक पॉवरफुल पाऊल आहे!

    e office system in municipality : चंद्रपूर 14 एप्रिल – प्रशासकीय कारभार गतीमान आणि पेपर लेस करण्यासाठी आता चंद्रपूर महानगरपालिकेने ‘ई-ऑफीस प्रणाली’ कार्यान्वित केली आहे. त्यामुळे आलेल्या तक्रारींचे डिजीटल ट्रॅकिंग शक्य होणार असुन मनपाचे सर्व विभाग या प्रणालीशी जोडले जाऊन आता मनुष्यबळ, वेळ आणि कागदावरील खर्चही वाचणार आहे. e governance system in municipalities

    सुधीर मुनगंटीवार यांच्यामुळे आराध्याच्या चेहऱ्यावर हास्य


       महानगरपालिकेत दररोज मोठ्या प्रमाणात टपालांची आवक जावक नोंद होते. त्यासाठी कर्मचाऱ्यांच्या हस्ते पारंपारीक पद्धत टपाल संबंधित विभागाच्या टेबलवर पोहचवले जाते. त्यामुळे अनेकदा टपाल विभागप्रमुखांपर्यंत पोहचायला उशीर लागतो तर कधी कधी टपाल गहाळ होण्याचाही धोका असतो. त्यामुळे या सर्व प्रकाराला पायबंद घालतानाच ई ऑफीस प्रणाली सुरू करण्यासाठी आयुक्त तथा प्रशासक विपीन पालीवाल हे आग्रही होते. अतिरिक्त आयुक्त चंदन पाटील उपायुक्त मंगेश खवले,उपायुक्त संदीप चिंद्रावार यांनी याकामी लक्ष केंद्रीत करत ई प्रणाली सुरू करण्यासाठी महत्वपूर्ण भुमिका बजावली.

    काय आहे ई ऑफीस प्रणाली –
      ई – ऑफिस प्रणाली म्हणजे शासकीय कामकाज कागदविरहित (पेपरलेस) करणे. सध्या शासनात फायलींचा प्रदीर्घ प्रवास होतो. त्याऐवजी संगणकावरून अधिकाधिक कामकाज करण्यात येणार. मनपाच्या आवक-जावक कक्षात आवक-जावकची ई ऑफीस प्रणालीवर स्कॅनिंग करून नोंद केली जाईल. पोहच देताना त्यावर ऑनलाईन नोंद झालेला डिजीटल क्रमांकही असेल, त्यामुळे या क्रमांकावरूनच आपल्या तक्रारीची, इतर अर्जाचे पुढे काय झाले, हे ट्रॅकिंग करणे सुलभ होणार आहे. संबंधित टपाल हे ज्या त्या विभागाकडे पाठविले जाईल तिथुन विभागप्रमुख आणि त्या पुढे आवश्यतेनुसार उपायुक्त,अतिरिक्त आयुक्त व आयुक्त यांच्याकडे संबंधित फाईल संगणकावरूनच पुढे पाठविली जाईल.

    विभागप्रमुखांसह कर्मचाऱ्यांना प्रशिक्षण
    महानगरपालिका क्षेत्रात ई-ऑफिस प्रणालीची प्रभावी अंमलबजावणी करण्यासाठी, महानगरपालिका आयुक्‍त तथा प्रशासक विपीन पालीवाल यांच्या सूचनांनुसार, मनपा स्तरावरील कार्यालयांमध्ये तैनात असलेल्या अधिकारी आणि कर्मचाऱ्यांना ई-ऑफिस प्रणालीचे प्रशिक्षण देण्यात आले आहे

    E-Office System in Municipality

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by