My Blog

Category: चंद्रपूर शहर

चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.

  • Chandrapur traffic update for Mahakali Yatra । चंद्रपूर महाकाली यात्रा 2025: ट्रॅफिक प्लॅन, पार्किंग आणि पर्यायी मार्गांची संपूर्ण माहिती

    Chandrapur traffic update for Mahakali Yatra

    Chandrapur traffic update for Mahakali Yatra : चंद्रपुर शहरात माता महाकाली यात्रेला 3 एप्रिल पासून सुरुवात झाली आहे. महाकाली यात्रेमध्ये येणा-या भाविकांसाठी एकेरी मार्ग आहे. त्यामुळे यात्रेच्या कालावधीदरम्यान जटपुरा गेट येथे जास्त गर्दी होत असते. त्या अनुषंगाने शहरातील वाहतूक व्यवस्थेमध्ये बदल करण्यात आले आहे. Mahakali Yatra Chandrapur

    महाराष्ट्र पोलिस अधिनियम- 1951 च्या कलम 33-(1) ब नुसार सार्वजनिक ठिकाणी चंद्रपूर शहरातील रहदारी सुरळीत चालावी, रहदारीस कुठल्याही प्रकारचा अडथळा निमार्ण  होऊ नये व जनतेला त्रास अगर गैरसोय होऊ नये, म्हणून 3 ते 13 एप्रिल पर्यंत शहरातील वाहतूक व्यवस्थेमध्ये बदल करण्याची अधिसुचना जिल्हा पोलिस अधिक्षक मुम्मका सुदर्शन यांनी निर्गमित केली आहे.

    ताडोबा सफारी आता शहरातून सुरु होणार

    सदर कालावधीत अंचलेश्वर गेट ते बागला चौक हा मार्ग सायकल खेरीज सर्व वाहनांकरीता बंद राहील . तसेच अचंलेश्वर गेट ते बागला चौक, अचंलेश्वर गेट ते कोहीनुर तलावकडे जाणारा रोड व महाकाली मंदीर पार्कींग ते आर के. चौक हा नो पार्कींग झोन  व नो हॉकर झोन घोषित करण्यात येत आहे. महाकाली मंदीर समोरून गौतम नगरकडे जाणारा रस्ता सर्व वाहनाकरीता बंद राहणार आहे. Chandrapur traffic update

    नागरिकांसाठी पर्यायी  मार्ग : बागला नगर, महाकाली वार्ड, भिवापूर वार्ड या परिसरात राहणाऱ्या नागरिकांनी शहरात जाण्यासाठी व परत येण्यासाठी भिवापूर- हनुमान खिडकी- दादमहल वार्ड  या मार्गाचा  वापर करावा. सदरचा मार्ग हा मोटार सायकल व ऑटो यासाठीच राहील. बागला नगर, महाकाली वार्ड, भिवापूर वार्ड परिसरात राहणाऱ्या नागरिकांनी चारचाकी वाहनांने शहरात जायचे असल्यास किंवा बाहेर जायचे असल्यास लालपेठ कॉलरी-पठाणपुरा गेट- गांधी चौक या मार्गाचा वापर करावा. तसेच शहराबाहेर इतरत्र जायचे असल्यास कामगार चौक मार्गे बायपास रोडचा वापर करावा. Mahakali Yatra traffic diversion

    यात्रेकरीता येणाऱ्या वाहनाकरीता पार्कींग व्यवस्था : 1. नियोजित वाहनतळांची नावे पुढीलप्रमाणे आहे. कोहीनुर तलाव मैदान येथे जिप कार, (टॅम्पो, आईचर आणि त्यापेक्षा मेाठे जड वाहनांना या पार्कींग स्थळी प्रवेश दिला जाणार नाही.) 2. इंजिनिअरींग कॉलेज ते भिवापुर मार्केट रस्त्याच्या दोन्ही बाजुला तेलंगणा व आंध्रप्रदेशातुन येणा-या बसेसची व्यवस्था 3. डी. एङ कॉलेज मैदान (जुनी बाबुपेठ पोलिस चौकीच्या बाजुला) सर्व प्रकारचे वाहन 4. न्यु इंग्लींश हायस्कुल मैदानात राज्य परिवहनच्या बसेस करीता (विश्राम गृह समोर) 5. बैलबाजार पार्कींग क्र.1 व पार्कींग क्र.2 मध्ये सर्व प्रकारचे वाहन 6. नयरा पेट्रोल पंप (बायपास रोड, आंबेडकर चौक)  सर्व प्रकारचे वाहन

  • compassionate appointment process | आमदार सुधाकर अडबाले यांचा पुढाकार – सफाई कर्मचाऱ्यांच्या वारसांना सेवेत समाविष्ट करण्याचे निर्देश

    compassionate appointment process

    compassionate appointment process : चंद्रपूर : महानगरपालिकेतील सेवानिवृत्त झालेल्‍या व मृत्‍यू पावलेल्‍या सफाई कर्मचाऱ्यांच्या वारसांना शासन निर्णयानुसार सेवेत सामावून घेण्याचे निर्देश आमदार सुधाकर अडबाले यांनी महानगरपालिका आयुक्तांना दिले. अनुकंपा धारक व लाड-पागे समितीच्या शिफारशीनुसार सफाई कर्मचाऱ्यांच्या वारसांच्‍या प्रलंबित प्रकरणांबाबत आमदार सुधाकर अडबाले (mla sudhakar adbale) यांच्या पुढाकाराने २ एप्रिल रोजी स्‍थायी समिती सभागृहात दुपारी बैठक पार पडली. cleaning staff employment

    चंद्रपुरातील बाबुपेठ मध्ये पाणी संकट

    चंद्रपूर शहर महानगरपालिकेचा आकृतीबंध १३ फेब्रुवारी २०२३ रोजी मंजूर झालेला असून सफाई कामगारांची ४६२ पदे मंजूर आहे. मंजूर पदांपैकी सद्यास्‍थितीत ३१७ सफाई कामगार कार्यरत असून १४२ पदे रिक्‍त आहे. सामाजिक न्याय व विशेष सहाय्य विभाग शासन निर्णय दिनांक १३ ऑक्टोंबर २०२४ अन्वये शासन निर्णय दिनांक २४ फेब्रुवारी २०२३ मधिल विहित केलेल्या तरतूदी दिनांक १२/०८/१९७५ ते २३/०२/२०२३ या कालावधीतील सर्व प्रलंबित प्रकरणांना लागू असल्याने चंद्रपूर शहर महानगरपालिकेतर्फे वारसांचे अर्ज मागविण्यात आले. यात सद्यास्थितीत अनुसूचित जातीचे ५०८ तसेच इतर प्रवर्गातील ९५ अर्ज असे एकूण ६०३ अर्ज प्राप्त झालेले आहे. compassionate hiring policy

    त्‍यामुळे सर्व अर्जाची छाननी करून सेवाज्‍येष्ठतेनुसार यादी प्रकाशित करण्यात यावी. त्‍यावर हरकती मागवून १३ ऑक्टोंबर २०२४ च्‍या शासन निर्णयानुसार मनपा सेवेत सामावून घेण्याची कार्यवाही करावी. सदर शासन निर्णयानंतर नोकरी दिलेल्‍या वारसांची तपासणी करावी, अशा सूचना आमदार अडबाले यांनी दिल्‍या. यावर मनपा आयुक्‍त विपीन पालीवाल यांनी ही सर्व प्रक्रिया पार पाडण्यासाठी ९० दिवसांचा अवधी मागितला. municipal worker hiring

    सदर वारसांना शैक्षणिक पात्रतेनुसार क वर्गात रिक्‍त पदी नोकरीत सामावून घेण्यात यावे. अर्ज ६०३ आणि रिक्‍त पदे १४२ असल्‍याने वाढीव पदांना पदभरतीबाबत शासनाकडे मागणी करावी, अशा सूचना देखील आमदार अडबाले यांनी आयुक्‍तांना दिल्‍या. सदर विषयावर तीन महिन्‍यांनंतर बैठक घेण्यात येईल, असेही सांगितले. महानगरपालिकेतील सफाई कर्मचाऱ्यांनी शहर स्वच्छ ठेवण्यासाठी आपले संपूर्ण आयुष्य समर्पित केले असून, त्यांच्या कुटुंबीयांना योग्य न्याय मिळावा, अशी आमदार अडबाले यांची भूमिका असल्‍याचे त्‍यांनी यावेळी सांगितले.

    बैठकीला मनपा आयुक्‍त विपीन पालीवाल, अति. आयुक्‍त चंदन पाटील, उपायुक्‍त मंगेश खवले, विदर्भ माध्यमिक शिक्षक संघाचे चंद्रपूर महानगर अध्यक्ष दिगांबर कुरेकार, कार्यवाह सुरेंद्र अडबाले, डॉ. विजय हेलवटे, श्रीकांत पोडे, देवेंद्र बलकी, अ‍ॅड. सुजय घडसे, राज बीरीया, जीवन भगत, संतोष बोरकर, मिथुन चौहान, अजय रामटेके, संजय नगराळे व मोठ्या संख्येने सफाई कामगारांचे वारस उपस्‍थित होते. 

  • Chandrapur water crisis । चंद्रपूरमध्ये पाणीबाणी: बाबूपेठमधील नागरिक त्रस्त!

    Chandrapur water crisis

    Chandrapur water crisis : चंद्रपूर शहराच्या बाबूपेठ प्रभागात गेल्या काही दिवसांपासून भीषण पाणीटंचाई जाणवत आहे. नळाला अत्यंत कमी प्रमाणात आणि अनियमित वेळेत पाणी येत असल्याने नागरिकांचे हाल होत आहेत. त्यातच उन्हाळ्यामुळे ही समस्या अधिकच गंभीर झाली आहे. पिण्याचे पाणी तसेच दैनंदिन वापरासाठी पाणी मिळवणे कठीण झाले आहे. Municipal water issues

    निलेश बेलखेडे यांच्या मागणीला यश, गोंडवाना विद्यापीठात शिवरायांचा पुतळा

    • पाणीटंचाईमुळे नागरिकांचे हाल:
    • नळाला कमी प्रमाणात आणि अनियमित वेळेत पाणी येत आहे.
    • उन्हाळ्यामुळे समस्या अधिकच गंभीर झाली आहे.
    • पिण्याचे पाणी आणि दैनंदिन वापरासाठी पाणी मिळवणे कठीण झाले आहे.
    • भाजपा कार्यकर्त्यांची मागणी:
    • पाणीपुरवठा वाढवण्यासाठी किंवा नियमित करण्यासाठी तातडीने उपाययोजना कराव्यात.
    • नागरिकांना दिलासा देण्यासाठी प्रशासनाने पावले उचलावीत.

    या समस्येवर तोडगा काढण्यासाठी तातडीने उपाययोजना करण्याची मागणी भारतीय जनता पार्टीचे कार्यकर्ते रुपेश पांडे यांनी महानगरपालिका आयुक्तांना निवेदन देऊन केली. याप्रसंगी अभिलाष दुबे, प्रफुल्ल डफ, अभिनेश इम्मडी, विनोद नले, राहुल शुक्ला आदी कार्यकर्ते उपस्थित होते.


  • Chandrapur bus service | मुनगंटीवारांमुळे एसटी प्रवासाला मिळणार ‘तेजस्विनी’चा वेग!

    Chandrapur bus service

    Chandrapur bus service : चंद्रपूर जिल्ह्यासाठी दहा नवीन बसेस मंजूर करण्यात आल्या असून, एसटी महामंडळाच्या सेवेचा विस्तार करण्याच्या दृष्टीने महत्त्वाचे पाऊल आहे. या नव्या बसेस केवळ वाहने नसून, जनतेच्या विश्वासाचं, संवादाचं आणि सेवाभावाचं प्रतीक आहेत. प्रत्येकाचा प्रवास अधिक सोयीचा, सुरक्षित आणि सुसज्ज व्हावा, जिल्ह्यातील नागरिकांना अधिकाधिक सुविधा मिळाव्यात यासाठी मी सदैव कटिबद्ध आहे. चंद्रपूर हा महाराष्ट्राच्या शेवटच्या टोकावरील जिल्ह्यांपैकी एक असून, एसटी ही गरीब आणि मध्यमवर्गीयांची जीवनदायिनी असल्याचे मत राज्याचे माजी वने, सांस्कृतिक कार्य व मत्स्य व्यवसाय मंत्री आमदार श्री. सुधीर मुनगंटीवार (sudhir mungantiwar) यांनी व्यक्त केले. Maharashtra state transport news

    आमदार जोरगेवार यांच्या हस्ते परिवहन महामंडळाच्या नव्या बसेसचे लोकार्पण

    चंद्रपूर बसस्थानक येथे महाराष्ट्र राज्य परिवहन विभागातर्फे मंजूर झालेल्या दहा नव्या बसेसपैकी पहिल्या टप्प्यातील 5 बसेसला हिरवा झेंडा दाखवून लोकार्पण करण्यात आले. याप्रसंगी ते बोलत होते. यावेळी चंद्रपूरच्या विभाग नियंत्रक स्मिता सुतावणे, विभागीय वाहतूक अधिकारी पुरुषोत्तम व्यवहारे, आगार व्यवस्थापक अंकुश खाडिलकर, विभागीय अभियंता (स्थापत्य) ऋषिकेश होले, बसस्थानक प्रमुख हेमंत गोवर्धन, कार्यशाळा अधीक्षक मनोज डोंगरकर, वाहतूक निरीक्षक अंकित कामतवार, सहाय्यक वाहतूक निरीक्षक प्रकाश तोडकर, बंडू गौरकार आदी उपस्थित होते.

    आमदार श्री. सुधीर मुनगंटीवार म्हणाले, मी अर्थमंत्री असताना एसटी महामंडळाला सर्वाधिक निधी उपलब्ध करून दिला होता. याचे कारण म्हणजे श्रीमंत व्यक्ती स्वतःच्या वाहनाने प्रवास करू शकतो, परंतु गरीब आणि मध्यमवर्गीयांसाठी एसटी हा प्रवासाचा आधार आहे. सर्वांच्या सुखदुःखामध्ये एसटी महामंडळाने साथ दिली आहे. चंद्रपूर, बल्लारपूर आणि मुल या बस स्थानकांसह महाराष्ट्रातील विविध ठिकाणच्या बसस्थानकांच्या नूतनीकरणासाठी आवश्यक निधी उपलब्ध करून दिला. परिवहन मंत्र्यांनी निधी न मागता देखील 700 नवीन बस खरेदीसाठी निधी दिला. त्याचबरोबर ठाणे, कल्याण-डोंबिवली आणि मुंबईतील नोकरी करणाऱ्या महिलांसाठी ‘तेजस्विनी’ वातानुकूलित बसेस उपलब्ध करून दिल्यात. Public transport development India

    चंद्रपूर जिल्ह्यासाठी 200 नवीन बसेस मंजूर करण्यात आल्या होत्या, त्यापैकी 100 बसेस जिल्ह्याला मिळाल्या असून उर्वरित 100 बसेस लवकरच उपलब्ध करून देण्यासाठी प्रयत्न सुरू आहेत. यासाठी परिवहन मंत्री प्रताप सरनाईक हे चंद्रपूर जिल्ह्याला भेट देणार असून, येथील वाहन चालकांची पदे, त्यांच्या निवास व्यवस्थेबाबत बैठक घेऊन सविस्तर चर्चा करण्यात येईल. मुल येथे बस डेपो उभारण्यासाठी जागा निश्चित झाली असून, त्याच्या उभारणीसाठी आवश्यक त्या सर्व गोष्टी पूर्ण करण्यासाठीही प्रयत्न सुरू आहेत. यासंबंधी परिवहन मंत्री प्रताप सरनाईक यांना लवकरच चंद्रपूर दौऱ्यासाठी आमंत्रित करण्यात येणार असल्याचेही आमदार सुधीर मुनगंटीवार म्हणाले. एसटी महामंडळाची सेवा अधिक सक्षम व कार्यक्षम होईल आणि प्रवाशांना उत्तम सुविधा मिळतील, असा विश्वास आमदार सुधीर मुनगंटीवार यांनी लोकार्पण कार्यक्रमाप्रसंगी व्यक्त केला. Indian bus station upgrades

    यावेळी आमदार सुधीर मुनगंटीवार यांनी बस स्थानकातील विविध स्टॉलला भेटी दिल्या व शालेय विद्यार्थ्यांशी संवाद साधला.

  • Chaitra Navratri festival news । आमदार किशोर जोरगेवार यांच्या पाहणीत यात्रा व्यवस्थेतील मोठे बदल!

    Chaitra Navratri festival news

    Chaitra Navratri festival news : आजपासून महाकाली मातेच्या चैत्र नवरात्र यात्रेला सुरुवात झाली आहे. या निमित्ताने आज आमदार किशोर जोरगेवार यांनी यात्रा परिसरातील व्यवस्थेची पाहणी केली. त्यांनी दुकानदारांची भेट घेऊन त्यांच्या अडचणी जाणून घेतल्या. यावेळी दुकानदारांसाठी आरक्षित करण्यात आलेल्या जागेवर रोषणाई आणि इतर सुविधा करण्याच्या सूचना आमदार किशोर जोरगेवार (mla kishor jorgewar) यांनी मनपा प्रशासनाला दिल्या. Navratri mela arrangements

    घरकुल बांधकामासाठी क्रश सॅण्ड नवा पर्याय

    यावेळी अतिरिक्त आयुक्त चंदन पाटील, सहाय्यक आयुक्त शुभांगी सूर्यवंशी, सहाय्यक आयुक्त अक्षय गडलिंग, संतोष गडर्गेलवार, शहर अभियंता विजय बोरिकर, नगर सचिव बोबाटे, शहर स्वच्छता अधीक्षक डॉ. अमोल शेडके, शाखा अभियंता आशिष भारती, राहुल भोयर, देवतळे यांच्यासह भारतीय जनता पार्टीचे माजी महानगर अध्यक्ष दशरथसिंग ठाकूर, माजी नगरसेवक सुभाष कासनगोट्टूवार, बलराम डोडाणी, प्रकाश देवतळे, मनोज पाल, अमोल शेंडे, नकुल वासमवार, विनोद अनंतवार, संजय महाकालीवार, कुमार जुनमुलवार आदी उपस्थित होते.

    चैत्र महिन्यात दरवर्षी भरणाऱ्या यात्रेच्या पार्श्वभूमीवर आमदार किशोर जोरगेवार यांनी आज यात्रा परिसरात भेट देऊन व्यवस्थेचा आढावा घेतला. त्यांनी यात्रेत व्यवसाय करणाऱ्या दुकानदारांची भेट घेऊन त्यांच्या अडचणी जाणून घेतल्या आणि त्यावर उपाययोजना करण्याबाबत चर्चा केली. दरवर्षी यात्रेदरम्यान मोठ्या संख्येने भाविक आणि व्यापारी येथे येतात. यामुळे वाहतूक कोंडी आणि असुविधांचा सामना करावा लागतो. या पार्श्वभूमीवर यंदा अधिक नियोजनबद्ध पद्धतीने व्यवस्था करण्यात आल्याचे आमदार किशोर जोरगेवार यांनी सांगितले. Chaitra Navratri festival celebration

    ते म्हणाले की, यात्रेतील कोणत्याही भाविकाला किंवा दुकानदाराला अडचण होणार नाही, याची दक्षता घेत नियोजन करण्यात आले आहे. यात्रा परिसरातील दुकानांसाठी 850 व्यापाऱ्यांना विशेष जागा उपलब्ध करून देण्यात आली आहे. यापूर्वी मंदिर परिसरातच दुकाने लावली जात असल्याने वाहतुकीवर परिणाम होत होता. त्यामुळे भाविक आणि दुकानदारांची सोय लक्षात घेऊन यात्रा परिसरात स्वतंत्र जागा निश्चित करण्यात आली आहे. यामुळे मंदिर परिसरातील गर्दी कमी होईल आणि यात्रा अधिक सुरळीत पार पडेल, असा विश्वास आमदार किशोर जोरगेवार यांनी व्यक्त केला. fairground facilities for vendors

    यात्रेच्या यशस्वी आयोजनासाठी प्रशासन आणि स्थानिक पदाधिकाऱ्यांनी विशेष प्रयत्न केले असून, यात्रेतील सुविधांचा दर्जा वाढवण्यासाठी उपाययोजना राबविल्या जात आहेत. भाविकांना कोणत्याही गैरसोयीचा सामना करावा लागू नये यासाठी संपूर्ण यात्रा नियोजन प्रभावीपणे करण्यात आल्याचे त्यांनी सांगितले.दुकानदारांसाठी आरक्षित करण्यात आलेल्या जागेवर योग्य व्यवस्था करण्यात यावी, तेथे प्रकाश व्यवस्था आणि पिण्याच्या पाण्याची सोय असावी, प्रत्येक दुकानावर फलक लावण्यात यावेत, खानावळ दुकानदारांना मोठी जागा उपलब्ध करून द्यावी, या सर्व सोयींकडे लक्ष ठेवण्यासाठी व्यापार्यांनी ११ लोकांची समिती गठीत करावी अशा सूचनाही आमदार किशोर जोरगेवार यांनी मनपा अधिकाऱ्यांना दिल्या.

  • Chandrapur ST bus launch | चंद्रपूरमध्ये एसटी महामंडळाच्या नव्या बसेसचा लोकार्पण सोहळा – प्रवाशांसाठी आनंदाची बातमी!

    Chandrapur ST bus launch

    Chandrapur ST bus launch : सार्वजनिक वाहतुकीला चालना देण्यासाठी आणि प्रवाशांना अधिक आरामदायी प्रवास सुविधा उपलब्ध करून देण्यासाठी एसटी महामंडळाच्या नव्या बसेसचा लोकार्पण सोहळा आज श्री माता महाकाली मंदिर, चंद्रपूर येथे पार पडला.

    बियाणी पेट्रोल पंपावर कारवाई करा, आपची मागणी

    आमदार किशोर जोरगेवार यांच्या हस्ते या बसचे लोकार्पण करण्यात आले. यानंतर आमदार किशोर जोरगेवार यांनी महाकाली मंदिर ते अंचलेश्वर गेट असा प्रवास करत बसमधील सुविधांचा अनुभव घेतला. ST bus launch event

    या कार्यक्रमाला एसटी महामंडळच्या जिल्हा विभाग नियंत्रक स्मिता सुतावणे, विभागीय वाहतूक अधिकारी व्यवहारे, आगार व्यवस्थापक अंकुश खडीकर, वाहतूक अधीक्षक गोवर्धन, मनपाचे अतिरिक्त आयुक्त चंदन पाटील, बलराम डोडाणी, भारतीय जनता पार्टीचे माजी नगरसेवक सुभाष कासनगोट्टूवार, माजी महानगर अध्यक्ष दशरथसिंग ठाकूर, सुनील महाकाले, अमोल शेंडे, नकुल वासमवार, कुमार झुनमुलवार, कालिदास धामनगे, माजी नगर सेविका कल्पना बबुलकर, आदी मान्यवर उपस्थित होते.

    ST bus launch event

    नव्या बसेसच्या आगमनामुळे शहरातील तसेच ग्रामीण भागातील प्रवाशांना अधिक सोयीस्कर, सुरक्षित आणि जलद प्रवासाची सुविधा मिळणार आहे. या बसेस आधुनिक तंत्रज्ञानाने सुसज्ज असून, प्रवाशांसाठी मोबाईल चार्जिंग पॉइंट, आरामदायी आसन व्यवस्था आणि आधुनिक सुरक्षा प्रणाली उपलब्ध करून देण्यात आली आहे. त्यामुळे प्रवाशांचा प्रवास अधिक सुखद आणि सुविधाजनक होईल. latest public transport news

    एसटी महामंडळाच्या या उपक्रमामुळे चंद्रपूर शहरासह परिसरातील नागरिकांना मोठा दिलासा मिळणार आहे. सार्वजनिक वाहतूक मजबूत होणे ही जिल्ह्याच्या सर्वांगीण विकासासाठी महत्त्वाची पायरी ठरणार असल्याचे आमदार किशोर जोरगेवार यांनी यावेळी सांगितले. त्यांनी बसची पाहणी करत उपलब्ध सुविधांची माहिती घेतली. तसेच महाकाली मंदिर ते अंचलेश्वर गेट बसस्थानकापर्यंत प्रत्यक्ष प्रवास केला.यावेळी महाकाली मंदिराचे पुजारी यांच्या हस्ते विधीवत पूजा करून बसचे लोकार्पण करण्यात आले. 

  • refusal to accept 10 rupee coin | बियाणी पेट्रोल पंपावर कारवाईची मागणी, आम आदमी पार्टी आक्रमक

    refusal to accept 10 rupee coin

    refusal to accept 10 rupee coin : चंद्रपूर – तुकूम परिसरातील बियाणी पेट्रोल पंपावरील कर्मचाऱ्यांनी ग्राहकांकडून ₹१० चे नाणे स्वीकारण्यास नकार देत त्यांच्या दुचाकीत भरलेले पेट्रोल परत काढण्याचे प्रकार समोर आले असून, याचे व्हिडिओ सोशल मीडियावर व्हायरल झाले आहेत. या प्रकाराची गंभीर दखल घेत आम आदमी पार्टीच्या वतीने जिल्हा पुरवठा अधिकाऱ्यांना निवेदन देण्यात आले. petrol pump not accepting coins

    महाकाली यात्रेची तयारी पूर्ण

    यावेळी आम आदमी पार्टीचे युवा जिल्हाध्यक्ष राजू कुडे यांनी सांगितले की, “भारतीय रिझर्व्ह बँकेने ₹१० चे नाणे वैध चलन असल्याचे जाहीर केले आहे. असे असतानाही काही पेट्रोल पंप चालक मनमानी करत ग्राहकांना त्रास देत आहेत. जिल्ह्यातील सर्व पेट्रोल पंपांची पाहणी करून अशा मुजोर पंपचालकांवर तात्काळ परवानगी रद्द करण्याची कारवाई करावी.”

    या निवेदनाच्या वेळी जिल्हाध्यक्ष मयूर राईकवार, युवा जिल्हाध्यक्ष राजू कुडे, शहर अध्यक्ष योगेश गोखरे, महिला शहर अध्यक्ष अॅड. तब्बसूम शेख, शहर संघटन मंत्री संतोष बोपचे, संघटन मंत्री मनीष राऊत, जिल्हा युवा उपाध्यक्ष अनुप तेलतुबडे आदी उपस्थित होते.

    आम आदमी पार्टीने जिल्हा प्रशासनाला आवाहन केले की, नागरिकांच्या हक्काचे भारतीय चलन स्वीकारण्यास नकार देणाऱ्या पेट्रोल पंपांवर कठोर कारवाई करण्यात यावी, अन्यथा जनआंदोलन उभारले जाईल.

    आम आदमी पार्टी, चंद्रपूर

  • Mahakali Yatra 2025 Chandrapur । “चंद्रपूरची महाकाली यात्रा: भाविकांसाठी सुविधांचा महापर्व!”

    Mahakali Yatra 2025 Chandrapur

    Mahakali Yatra 2025 Chandrapur :  देवी महाकाली यात्रेस 3 एप्रिलपासून सुरवात होत असतांना राज्याच्या विविध भागातून येणाऱ्या भाविकांच्या सुविधेच्या दृष्टीने जिल्हा प्रशासन, पोलिस प्रशासन व चंद्रपूर मनपा प्रशासनाद्वारे तयारी पुर्ण करण्यात आली असुन महाकाली मंदिर परिसराला यात्रा नगरीचे स्वरूप आले आहे. Devi Mahakali Festival Preparations

    ताडोबा सफारीसाठी आता थेट क्रुझर सेवा

       प्रशासनाद्वारे महाकाली मंदिरासमोरून बैल बाजार परिसरात जाणारा रस्ता हा अतिशय अरुंद असल्याने स्वस्तिक ग्लास फॅक्टरी जवळुन माता महाकाली नगरीपर्यंत मोठा मार्ग बनविण्यात आला आहे. बैलबाजार भागात पटांगणाची पूर्णतः सफाई व सपाटीकरण करून याच भागात भाविकांना निवासासाठी 4 मोठे मांडव उभारण्यात आले आहे तसेच मंदिर संस्थेची निवास व्यवस्था व सशुल्क निवास व्यवस्था सुद्धा यात्रा मैदानात उपलब्ध आहे. Mahakali Yatra 2025 Chandrapur

    भाविकांना पिण्यासाठी 12 ठिकाणी 2 हजार लिटरची क्षमता असलेल्या 20 पिण्याच्या पाण्याच्या टाक्या उभारण्यात आल्या असुन भूमिगत पाईप टाकुन पाण्याचे नळ उभारण्यात येऊन पाण्याचे टँकरसुद्धा सज्ज ठेवण्यात येत आहे. भाविकांना त्यांची वाहने ठेवण्यास त्यांच्या येण्याच्या मार्गापासुन जवळ असेल असे 5 वाहन तळ निश्चित करण्यात आले आहेत. Mahakali Temple Yatra Arrangements     

    यात्रा मैदान येथे व मनपा स्वच्छता झोन इमारत अश्या 2 जागी नियंत्रण कक्ष स्थापन करण्यात आले असुन यात्रा मैदान येथे 33 पक्के शौचालय तर 5 ठिकाणी फिरत्या शौचालयांची व्यवस्था करण्यात आली आहे.मनपा स्वच्छता झोन इमारत व यात्रा मैदान नियंत्रण कक्षाजवळ निःशुल्क प्रथोमपचार वैद्यकीय सेवा तसेच 24 तास रुग्णवाहिका व अग्निशमन सेवा उपलब्ध ठेवण्यात येणार आहे. संपूर्ण परिसरात विदयुत व्यवस्था उभारली गेली असुन वादळ,वारा,पाऊस अशी नैसर्गिक आपत्ती ओढावल्यास नागरीकांना स्थलांतरीत करण्याकरीता मनपाच्या शाळा व इतर ठिकाणे मिळुन 18 जागा राखीव ठेवण्यात आल्या आहेत.

         
        ट्रॅफीक पोलीस विभागातर्फे अंचलेश्वर दरवाजा ते बागला चौक परीसर हा नो पार्कींग झोन व नो हॉकर्स झोन घोषित करण्यात आला असल्याने येथे वाहने व दुकाने लावण्यास मनाई करण्यात आली आहे.यात्रा परीसरावर विविध ठिकाणी लागलेल्या सीसीटीव्ही कॅमेऱ्यांद्वारे पोलीस विभाग लक्ष ठेऊन असणार आहे. Mahakali Yatra Traffic Rules 2025

    mahakali temple yatra arrangements

        कपडे बदलण्यासाठी एकूण 40 खोल्यांची व्यवस्था झरपट नदी,अंचलेश्वर गेट जवळ करण्यात आली असुन जवळचे आंघोळीसाठी खोल्यांची व्यवस्थाही आहे. दुकानदार,पथविक्रेते,बर्फीविक्रेते यांच्यासाठी सुद्धा यात्रा मैदानात दुकाने निश्चित करून दिली असुन मनोरंजनाची दुकाने सुद्धा उपलब्ध असणार आहेत. तसेच चहाच्या दुकानांसाठी मैदानात मंदिर संस्थेच्या निवास व्यवस्थेजवळ जागा उपलब्ध करून देण्यात आली आहे. Chandrapur Police Yatra Security
        यात्रेकरू महिलांसाठी हिरकणी कक्ष यात्रा मैदान (नियंत्रण कक्षा लगत) उभारण्यात आले असुन मदतीसाठी दुरध्वनी क्रमांक सुद्धा जाहीर करण्यात आले आहेत. प्रशासनाद्वारे दिल्या जात असणाऱ्या या सर्व सुविधांची माहिती ही पत्रकाद्वारे देण्यात आली असुन सदर पत्रके सर्व यात्रा परिसरातील सेवा केंद्रांवर उपलब्ध आहेत. Mahakali Temple Yatra Arrangements 

    • अशी राहील पार्किंग व्यवस्था –
      1) मुल रोड कडून येण्याऱ्या यात्रेकरूंसाठी – सिद्धार्थ स्पोर्टिंग क्लब ग्राउंड, नायरा पेट्रोल पंपाजवळ, बायपास रोड
      2) बल्लारपूर रोड कडून येण्याऱ्या यात्रेकरूंसाठी – डी.एड. कॉलेज ग्राउंड, चंद्रपूर
      3) सर्व यात्रेकरूंसाठी – कोहिनूर स्टेडियम (कोनेरी तलाब ग्राउंड), दादमहाल वार्ड, जेल रोड
      4) सर्व यात्रेकरूंसाठी – यात्रा मैदान, रेल्वे लाईनजवळ, चंद्रपूर
      5) नागपूर रोडतर्फे येण्याऱ्या यात्रेकरूंसाठी – न्यू इंग्लिश स्कूल ग्राउंड, चांदा क्लब ग्राउंड समोर, वरोरा नाका. Mahakali Pilgrimage Parking 2025
      येथे असणार पिण्याच्या पाण्याची व्यवस्था –
      1) बागला चौक
      2) अंचलेश्वर गेट बस स्टैंड
      3) महाकाली गेट च्या समोर
      4) यात्रा मैदान
      5) जटपूरा गेट
      6) चांदा क्लब ग्राउंड जवळ
      7) अंचलेश्वर गेट
      8) गुरुमाउली मंदिर जवळ
      9) बागला चौक
      10) मंदिर जवळील पेट्रोल पंप जवळ
      11) कोहिनूर तलाव
      12) महाकाली टाकी खाली
      येथे असणार मदतीसाठी नियंत्रण कक्ष –
      1) यात्रा मैदान 2) मनपा सफाई झोन इमारत, माता महाकाली मंदिराच्या बाजूला
    • शौचालयांची व्यवस्था :
      1) यात्रा मैदान
      फिरते शौचालय :
      1) यात्रा मैदान
      2) अंचलेश्वर गेट
      3) कोहिनुर ग्राउंड
      4) माचीस कारखाना
      5) दानव वाडी
      आरोग्य सुविधा :
      1) मनपा सफाई झोन इमारत, माता महाकाली मंदिराच्या बाजूला
      2) यात्रा मैदान (नियंत्रण कक्षा लगत)
      आंघोळ व कपडे बदलण्याची व्यवस्था :
      1) झरपट नदी, अंचलेश्वर गेट जवळ  
      निवास व्यवस्था :
      1) मांडव क्र.१ – यात्रा मैदान
      2) मांडव क्र.२ – यात्रा मैदान
      3) मांडव क्र.३ – यात्रा मैदान
      4) मांडव क्र.४ – यात्रा मैदान
      5) मंदिर संस्थेची निवास व्यवस्था – यात्रा मैदान
      ६) सशुल्क निवास व्यव्यस्था यात्रा मैदान
    • आपत्कालीन निवास व्यवस्था (वादळ, वारे, पाऊस आल्यास) –
      1) गुरु माऊली देवस्थान, महाकाली वार्ड
      2) मार्कंडेय मंदिर, महाकाली वार्ड
      3) राजाभाऊ खोब्रागडे सभागृह, बाबुपेठ
      4) महादेव मंदिर, बाबुपेठ
      5) बालाजी मंदिर, बाबुपेठ
      6) संत रविदास हॉल, अंचलेश्वर वार्ड
      7) बागला हायस्कूल, बागला चौक भिवापूर
      8) महाकाली कन्या शाळा, महाकाली वार्ड
      9) खालसा कॉन्व्हेंट, महाकाली वार्ड
      10) पटेल हायस्कूल, गिरनार चौक चंद्रपूर
      11) संताजी सभागृह, भानापेठ वार्ड
      12) सरदार पटेल महाविद्यालय, गंजवार्ड चंद्रपूर
      13) तिरुमला हॉल, भिवापूर वॉर्ड
      14) सिटी हायस्कूल,बाबुपेठ
      15) एफईएस गर्ल्स कॉलेज अंचलेश्वर गेट जवळ
      16) सरस्वती विद्यालय,भिवापूर
      17) शहिद भगतसिंग मनपा शाळा
      18) सावित्रीबाई फुले शाळा नेताजी चौक बाबुपेठ  
    • यात्रेतील दुकाने –
      दुकानदारांसाठी दुकाने लावण्यासाठी जागा – यात्रा मैदान
      पथविक्रेतेसाठी दुकाने लावण्यासाठी जागा – यात्रा मैदान
      बर्फीच्या दुकानांसाठी जागा : यात्रा मैदान
      मनोरंजनाची दुकाने : यात्रा मैदान (पार्किंग क्र. 1 च्या बाजूला)
      यात्रेकरूकरिता सशुल्क खाद्यपदार्थ व शीतपेय व्यवस्था – यात्रा मैदान (नियंत्रण कक्षा लगत)
      चहाची दुकाने – मंदिर संस्थेची निवास व्यवस्था जवळ (यात्रा मैदान)
      हिरकणी कक्ष –
      १) यात्रेकरू महिलांसाठी हिरकणी कक्ष: यात्रा मैदान (नियंत्रण कक्षा लगत)
      अग्निशमन व रुग्णवाहिका क्षेत्र –
      1) मनपा सफाई झोन इमारत, माता महाकाली मंदिराच्या बाजूला 2)नियंत्रण कक्ष (यात्रा मैदान)
      मदतीसाठी संपर्क –
      1) मनपा व्हॉट्सअॅप चॅटबॉट क्रं – 8530006063
      2) मनपा टोल फ्री क्रं -18002574010
      3) जिल्हाधिकारी कार्यालय, हॅलो चांदा टोल फ्री क्रं.- 155 398
      4) पोलिस विभाग टोल फ्री हेल्प लाईन – 112
      5) रुग्णवाहिका- 108
      6) मनपा अग्निशमन दल – 07172 – 254614/101
      7) पोलिस नियंत्रण कक्ष – 07172-252200
      8) पोलीस स्टेशन चंद्रपूर शहर – 7887891001
      9) महिला हेल्प लाईन क्रं.- 1091
      10) चाईल्ड हेल्प लाईन क्रं.- 1098   

  • cmc chandrapur । “एक क्लिकवर सर्व सेवा: चंद्रपूर मनपाचे नवे संकेतस्थळ सुरु!”

    cmc chandrapur

    “१२,०००+ तक्रारींचे निराकरण: मनपाच्या नव्या वेबसाइटची कमाल!”

    cmc chandrapur : चंद्रपूर महानगरपालिकेच्या नव्या संकेतस्थळाचे लोकार्पण आयुक्त तथा प्रशासक विपीन पालीवाल यांच्या हस्ते कळ दाबुन करण्यात आले.मनपा संगणक विभागाच्या सहकार्याने तयार करण्यात आलेले हे संकेतस्थळ सुरक्षित, सुगम्य, सुलभ असल्याबद्दल आयुक्तांनी समाधान व्यक्त केले.  Online municipal services

     
       याप्रसंगी बोलतांना आयुक्त म्हणाले की, मनपाच्या अधिकाधिक सेवा या ऑनलाईन पद्दतीने देण्यात येत असुन त्या अधिक लोकाभिमुख करण्यास प्रशासन कटिबद्ध आहे. चांदा सिटी हेल्पलाईन ॲपच्या माध्यमातुन नागरीकांनी दाखल केलेल्या १२ हजारहुन अधिक तक्रारींचे निवारण करण्यात आले आहे. तक्रारींचे निराकरण ही मोठी गोष्ट नसली तरी आपल्या तक्रारींना मनपा प्रतिसाद देते ही भावना नागरिकांमध्ये रुजली ही मोठी बाब आहे. WhatsApp chatbot services

    चंद्रपुरातील अवैध सोनोग्राफी केंद्रावर कारवाई होणार

       
       अनेक सेवा मनपाने सुरु केल्या आहेत ज्या मोठ्या महापालिकांमध्ये अजुनही सुरु झालेल्या नाही जसे व्हॉट्सअप चॅटबॉट.याद्वारे सुद्धा आपण विविध सेवा देत असतो. तंत्रज्ञान सतत वाढत जाणारे आहे त्यामुळे अद्ययावतीकरण होणे आवश्यक आहे. शासनाच्या 100 दिवसांचा कृती आराखड्यानुसार मनपाचे संकेतस्थळ हे अद्ययावत व वापरण्यास सोपे करण्यात आले आहे.      

       
         cmcchandrapur.com या नावाने सुरु झालेल्या या संकेतस्थळाचे अद्ययावतीकरण करण्यात आले असुन मनपाच्या विविध सेवा जसे मालमत्ता कर,पाणी कर,जन्म-मृत्यु प्रमाणपत्र,व्यवसाय परवाना,विवाह नोंदणी,बांधकाम परवानगी,होर्डींग परवानगी,तक्रार निवारण प्रणाली,सेवा हमी कायदा,ना हरकत प्रमाणपत्र,पाळीव प्राणी परवानगी या सर्व सेवांचा लाभ ऑनलाईन पद्धतीने नागरीकांना घेता येणार आहे.मनपाचे सर्व विभाग त्यांचे अधिकारी वर्गाचीही माहीती यात देण्यात आली आहे.

  • Reward for reporting illegal sonography । चंद्रपूर शहरात धडक मोहीम – अवैध सोनोग्राफी केंद्रे निशाण्यावर!

    Reward for reporting illegal sonography

    Reward for reporting illegal sonography : चंद्रपूर 1 एप्रिल – गर्भधारणपूर्व व प्रसवपूर्व निदानतंत्राचा वापर करून बेकायदेशीररीत्या गर्भलिंग निदान करणे,गर्भपात करणे कायदान्वये गुन्हा आहे. मात्र त्यानंतरही राज्यात अश्या घटना घडत आहेत. त्यामुळे आता शासनाद्वारे कठोर पाऊले उचलण्यात येत असुन प्रसुतीपूर्व निदानतंत्र प्रतिबंध कायद्याच्या प्रभावी अंमलबजावणीसाठी शासनाच्या वतीने ‘आमची मुलगी’ ही वेबसाईट व टोल फ्री क्रमांक देण्यात आला असून यावर अवैध सोनोग्राफी केंद्राची तक्रार करता येते. अशा सोनोग्राफी केंद्राची माहिती देणाऱ्या खबरी व्यक्तीस 1 लाख रुपयांचे बक्षीस शासनातर्फे व स्टिंग ऑपरेशनसाठी तयार होणाऱ्या गर्भवती महिलेस 1 लाख शासनातर्फे तर 25 हजारांचे बक्षीस चंद्रपूर मनपातर्फे देण्यात येते. Government action against foeticide

    बल्लारपुरातील तहसीलदाराला २ लाख रुपयांच्या लाच प्रकरणी अटक


       समाजात अजूनही भ्रूणहत्या करणाऱ्या प्रवृत्तीची कमी नाही. मुलींचे प्रमाण मुलांच्या तुलनेत कमी होत आहे. परंतु त्यानंतरही सोनोग्राफी केंद्रात गर्भधारणा पूर्व व प्रसूतीपूर्व निदान तंत्रे (लिंग निवडीस प्रतिबंध) कायदा 1994 चे उल्लंघन करण्यात येत आहे. त्यामुळे असे कृत्य करण्याची जाहिरात करणाऱ्या व्यक्ती, पुस्तके, प्रकाशने, संपादक, वितरक आदींची माहिती आरोग्य विभागाच्या टोल फ्री क्र.18002334475 या क्रमांकावर नागरिकांनी नोंदवावी, असे आवाहन चंद्रपूर मनपा आरोग्य विभागाने केले आहे.  

           
       गर्भलिंग निवडीशी निगडीत सेवा पुरविणाऱ्या डॉक्टर, दवाखाना किंवा प्रयोगशाळा यांच्या विषयी माहिती मिळाली, तर त्या विषयीच्या पुराव्यांसहित मनपा आरोग्य विभागास संपर्क करून तक्रार दाखल करावी. अवैध गर्भलिंग निदान केंद्राची माहीती पुराव्यासहित दिल्यास व माहीती खरी निघाल्यास व यासंदर्भात संबंधित डॉक्टर विरोधात न्यायालयात दावा दाखल झाल्यानंतरच  तक्रारकर्त्यास 1 लाख रुपयांचे बक्षीस देण्याची नियमात तरतूद असुन अशी माहिती देणाऱ्याचे नाव गोपनीय ठेवण्यात येते त्यामुळे न घाबरता गर्भलिंग निदान करणाऱ्यांची माहीती देण्याचे आवाहन चंद्रपुर मनपा आरोग्य विभागातर्फे करण्यात येत आहे.      

    चंद्रपुर शहरात डीकॉय मोहीम –
      अवैध गर्भलिंग निदान टाळण्यासाठी मनपा आरोग्य विभागातर्फे “डीकॉय” मोहीम राबविण्यात येत आहे. याअंतर्गत एका गर्भवती महिलेला संशयित केंद्रावर पाठवले जाते. जर ते केंद्र अवैध गर्भलिंग निदान करण्यास तयार झाल्यास पुढील कायदेशीर कारवाई केली जाते.स्टिंग ऑपरेशनसाठी तयार होणाऱ्या गर्भवती महिलेचे नाव गुप्त ठेवले जाऊन संबंधित केसमध्ये पुढील कायदेशीर प्रक्रियेकरीता महिलेची उपस्थिती राहिल्यास व कायदेशीर प्रक्रिया पूर्ण होण्यास मदत झाल्यास प्रत्येक बनावट (डीकॉय) केसेसमधील उपस्थित डीकॉय महिलेला 1 लाख शासनातर्फे तर चंद्रपूर मनपातर्फे 25 हजार रुपयांचे बक्षिस देण्यात येते.  Anti-sex determination laws

    दंड आणि शिक्षा?
    गर्भलिंग निदान अथवा गर्भपात केल्यास संबंधित व्यक्तींना 3 वर्षे कारावास व 10 हजार रुपयांपर्यंत दंड होऊ शकतो. दुसऱ्यांदा गुन्हा केल्यास ५ वर्षे कारावास व ५० हजार रुपये दंड होऊ शकतो.गर्भलिंग सांगणे किंवा जाणून घेणे हा दखलपात्र गुन्हा आहे. तसेच हा अजामिनपात्र गुन्हा आहे. या गुन्ह्यात आपसात संमतीने खटला मागे घेता येत नाही.  Sex determination test punishment
    .  
    गर्भलिंग निदान कधी करता येते?
    गर्भधारणेच्या साधारण 3 महिने पूर्ण झाल्यानंतर गर्भलिंग ओळखता येतो,परंतु गर्भधारणापूर्व व प्रसुतीपूर्व निदान तंत्र कायदा 2003 कायद्यान्वये गरोदरपणापूर्वी लिंग निवड करणे किंवा गरोदरपणात गर्भलिंग जाणून घेणे कायद्यानुसार गुन्हा आहे.

    सोनोग्राफी केंद्रांची तपासणी –
    मनपा कार्यक्षेत्रात गर्भलिंग निदान प्रतिबंधक कायद्याची अंमलबजावणी काटेकोरपणे करण्यात येते. शहरात एकुण 74 सोनोग्राफी केंद्र व 43 वैद्यकीय गर्भपात केंद्रे आहेत. मनपा वैद्यकीय अधिकाऱ्यांकडून दर 3 महिन्यांनी या सर्व सोनोग्राफी केंद्र व वैद्यकीय गर्भपात केंद्रांची नियमित तपासणी करण्यात येते.मागील काही वर्षात यासंबंधी एकही तक्रार आरोग्य विभागास प्राप्त झालेली नाही – डॉ. नयना उत्तरवार (वैद्यकीय आरोग्य अधिकारी,मनपा)   

    अवैध केंद्राची माहिती कुठे द्याल? –
    1. टोल फ्री क्र. 104
    2. हेल्पलाईन क्र. 18002334475
    3. www.amchimulgimaha.in
    4. मनपा टोल फ्री क्रमांक 18002574010
    5. व्हाट्सअप क्रमांक 8530006063

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by