ब्रेकिंग न्यूज मराठी (Breaking News Marathi) विभागात वाचा news34.in वर सर्वात जलद आणि विश्वसनीय ताज्या बातम्या. चंद्रपूर जिल्ह्यासह महाराष्ट्रातील इतर प्रमुख जिल्ह्यांमध्ये घडणाऱ्या महत्त्वाच्या राजकीय, सामाजिक, गुन्हेगारी आणि प्रशासकीय घडामोडींचे त्वरित कव्हरेज आम्ही देतो. कोणतीही मोठी बातमी तुमच्यापासून सुटू नये यासाठी हा विभाग खास तयार केला आहे. क्षणाक्षणाचे अपडेट्स मिळवा आणि आपल्या परिसरातील माहिती त्वरित जाणून घ्या.
Earthquake today चंद्रपूर : तेलंगणा राज्यातील मुलुगु येथे आज सकाळी ७ वाजून २७ मिनिटांनी भूकंप झाला आहे. याचे सौम्य धक्के चंद्रपूर जिल्ह्यात जाणवले आहे. या भूकंपची तीव्रता रिष्टर स्केल वर ५.३ अशी नोंदविण्यात आलेली आहे.
अशा प्रकारचे धक्के पुन्हा जाणवल्यास नागरिकांनी दक्षता घ्यावी व घाबरून न जाता इमारती बाहेर मोकळ्या जागेत सुरक्षित स्थळी आश्रय घ्यावा, असे आवाहन जिल्हाधिकारी श्री विनय गौडा जी सी . यांनी केले आहे. Earthquake just now
नेमकं काय घडलं?
गडचिरोली व चंद्रपूर जिल्ह्यातील काही भागात सकाळी 7 वाजून 27 मिनिटांनी घराला भूकंपाचा सौम्य धक्का बसला, नागरिकांनी पळापळ केली, काही वेळाने तो भूकंपाचा हादरा असल्याचे नागरिकांच्या लक्षात आले. Earthquake today
चंद्रपूर जिल्ह्यात आधीच कोळसा खाणी मुळे चंद्रपूर जिल्हा पोखरून निघाला आहे आणि अश्यात हे धक्के येणाऱ्या मोठ्या घटनेची चाहूल तर नाही अशी चर्चा आता नागरिकांमध्ये सुरू झाली आहे.
गडचिरोली जिल्ह्यात सुद्धा सुरजागड येथील लोह खनिजांच्या उत्खनन मुळे सुद्धा जमीन पोखरत चालली आहे. तेलंगणा राज्यातील मुलुगु हा भूकंपाचा केंद्रबिंदू असल्याचे स्पष्ट झाले आहे.
चंद्रपूर व गडचिरोली जिल्हा हा तेलंगणा राज्याला लागून असल्याने हे धक्के जाणवले, यावर जिल्हाधिकारी विनय गौडा यांनी नागरिकांना घाबरू नका असे आवाहन करीत पुन्हा असे धक्के जाणवले तर घराबाहेरील सुरक्षित ठिकाणी आश्रय घेण्याचे आवाहन केले आहे. Earthquake just now
भूकम्प आल्यास काय करावे?
छताच्या प्लास्टरिंगमधील भेगा आणि पाया दुरुस्त करा. संरचनात्मक कमतरतेची चिन्हे असल्यास, तज्ञांचा सल्ला घ्या.
Big Breaking News नामांकन अर्ज छाननीच्या दिवशी आज (दि. 30) जिल्ह्यातील सहा विधानसभा मतदारसंघातील 120 उमेदवारांचे नामांकन वैध तर 30 जणांचे नामांकन अवैध ठरले.
अवैध नामांकनामध्ये धनराज रघुनाथ मुंगले (काँग्रेस), दांडेकर भाऊराव लक्ष्मण (काँग्रेस), राजेंद्र हरिश्चंद्र रामटेके (बहुजन समाज पार्टी) आणि ॲङ हेमंत सुखदेव उरकुडे (अपक्ष) Big Breaking News
75 – वरोरा मतदारसंघात 24 उमेदवारांचे अर्ज वैध तर 5 अवैध : वैध नामांकनामध्ये प्रवीण सुरेश काकडे (इंडियन नॅशनल काँग्रेस), विनोद कवडूजी खोब्रागडे (अपक्ष), अमोल दिलीप बावणे (अपक्ष), राजू मारोती गायकवाड (अपक्ष), जयवंत नथुजी काकडे ( बीआरएसपी ), जयंत मोरेश्वर टेमुडे ( अपक्ष), अहेते श्याम सदाकत अली (प्रहार जनशक्ती), श्रीकृष्ण धुमदेव दडमल (अपक्ष), रंजना मनोहर पारशिवे (अपक्ष), करण संजय देवतळे (भाजपा), मुकेश मनोज जीवतोडे (अपक्ष), चेतन गजानन खुटेमाटे (अपक्ष), महेश पंढरीनाथ ठेंगणे (अपक्ष), मुनेश्वर बापूराव बदखल (अपक्ष), रमेश महादेवराव राजुरकर (अपक्ष), प्रवीण धोंडूजी सुर (मनसे), प्रवीण मनोहर खैरे (अपक्ष), नरेंद्र नानाजी जीवतोडे (अपक्ष), सुभाष जगन्नाथ ठेंगणे (अपक्ष), अतुल ईश्वर वानकर (अपक्ष), अनिल नारायण धानोरकर (वंचित बहुजन आघाडी), सागर अनिल वरघणे (बहुजन समाज पक्ष), तारा महादेवराव काळे (अपक्ष), सेवकदास कवडूजी बरके (पीपल्स पार्टी ऑफ इंडिया ( डेमोक्रेटिक) यांचा समावेश आहे. Big Breaking News
अवैध नामांकनामध्ये दिनेश दादाजी चोखारे (इंडियन नॅशनल काँग्रेस व अपक्ष), रमेश कवडुजी मेश्राम (गोंडवाना गणतंत्र पार्टी व अपक्ष), नामदेव किसनाजी ढुमणे (अपक्ष), अंबर दौलत खानेकर (राष्ट्रीय समाज पक्ष) आणि सुमितकुमार नामदेव चंद्रागडे (अपक्ष) यांचा समावेश आहे.
A big blow to Mahavikas Aghadi 27 ऑक्टोबर रोजी कांग्रेसची यादी जाहीर झाली त्यामध्ये चंद्रपूर, वरोरा व बल्लारपूर विधानसभा क्षेत्रातील उमेदवारांची नावे घोषित झाल्यावर महाविकास आघाडी मधील घटक पक्ष शिवसेना ठाकरे गटाचे जिल्हाप्रमुख संदीप गिर्हे यांनी कांग्रेस उमेदवार संतोष रावत पुढे बंड करण्याचा निर्णय घेत 29 ऑक्टोबर ला अपक्ष उमेदवारी अर्ज दाखल करण्याचा निर्णय घेतला आहे.
A big blow to Mahavikas Aghadi महाविकास आघाडी साठी चंद्रपूर जिल्ह्यातून पहिला झटका मिळणार असून मागील वर्षभरापासून बल्लारपूर विधानसभा क्षेत्रात संदीप गिर्हे हे कार्यरत आहे, क्षेत्रातील शेवटच्या घटकापर्यंत संदीप गिर्हे यांनी पक्षाची मशाल पोहचविली. विशेष म्हणजे त्यांनी भाजपचे दिग्गज नेते सुधीर मुनगंटीवार यांच्यापुढे निवडणुकीत आव्हान निर्माण करीत विधानसभा क्षेत्रात जनतेच्या हिताचे काम केले.
जिल्ह्यातील 6 विधानसभा क्षेत्रापैकी 1 जागा शिवसेनेला सुटायला हवी अशी मागणी पक्ष प्रमुख उद्धव ठाकरे यांच्यापुढे करण्यात आली होती. यासाठी पूर्व विदर्भ प्रमुख आमदार भास्कर जाधव हे स्वतः विधानसभा क्षेत्राचा आढावा घेण्यासाठी बल्लारपूर येथे दाखल झाले होते: संदीप गिर्हे यांची जनतेमधील लोकप्रियता लक्षात घेत याबाबत अहवाल त्यांनी पक्षप्रमुख ठाकरे समोर सादर केला होता. A big blow to Mahavikas Aghadi
पक्षाने गिर्हे यांना तयारीला लागा असा आदेश दिला मात्र ऐनवेळी बल्लारपूर विधानसभा कांग्रेसच्या कोट्यात गेली. नेहमीप्रमाणे कांग्रेसने भाजप पुढे दुर्बल उमेदवार दिला, मात्र सदर बाब गिर्हे यांना खटकली आणि त्यांनी अपक्ष उमेदवारी अर्ज दाखल करण्याचा निर्णय घेतला आता बल्लारपूर विधानसभा निवडणुकीत खरी चुरस बघायला मिळणार हे नक्की. विशेष बाब म्हणजे विदर्भातून महाविकास आघाडी मध्ये बिघाडीची सुरुवात झाली आहे.
rotavator machine रोटाव्हेटर मध्ये अडकून मजुराचा जाग्यावर मृत्यू, शरीराचे झाले तुकडे, कोरपना तालुक्यातील लखमापूर येथील घटना
rotavator machine 16 ऑक्टोबर रोजी चंद्रपुर जिल्ह्यातील कोरपना तालुक्यात धक्कादायक घटना घडली, सकाळी चिखल साफ करण्यासाठी गेलेल्या मजुराचा रोटाव्हॅटर मशीन मध्ये अडकून मृत्यू झाला, यावेळी त्या मजुराच्या शरीराचे तुकडे झाले. 45 वर्षीय रमेश शामराव टेकाम असे मजुराचे नाव आहे.
गोठ्यात ठेवलेले ट्रॅक्टर सुरू करण्यासाठी ट्रॅक्टर चालक/मालक रवींद्र गोपळ वडस्कर व मजूर रमेश टेकाम गेले तेव्हा चालकांनी ट्रॅक्टर सुरू केलं आणि मजूर रमेश टेकाम रोटाव्हेटर मध्ये ओढला गेला आणि त्याचा जागीच मृत्यू झाला असे स्थानिककडून सांगण्यात येत आहे. गडचांदूर पोलीस घटनास्थळी दाखल झाले असून घटनेचा पंचनामा करीत आहे.
today chandrapur news राजकीय दबावातून पोलीस विभागाने हद्दपारीची नोटीस बजावल्याचा गंभीर आरोप 5 ऑक्टोबर रोजी स्थानीय विश्रामगृहात आयोजित पत्रकार परिषदेत उबाठा गटाचे जिल्हाप्रमुख संदीप गिर्हे यांनी केला आहे.
Today chandrapur news काही दिवसात विधानसभा निवडणुकीची घोषणा होणार असून त्यापूर्वीचं राजकीय द्वंद्वयुद्ध सुरू झाले असल्याचे चित्र चंद्रपूर जिल्ह्यातील राजकीय वर्तुळात बघायला मिळत आहे. शिवसेना जिल्हाप्रमुख संदीप गिर्हे यांनी बल्लारपूर विधानसभा क्षेत्रातून निवडणूक लढविण्याची तयारी मागील 2 वर्षांपूर्वी पासून सुरू केली आहे. बल्लारपूर विधानसभा क्षेत्रात वर्ष 2009 पासून सुधीर मुनगंटीवार आमदार आहे हे विशेष.
पत्रकार परिषदेत संदीप गिर्हे म्हणाले की माझ्यावर विविध कलमांतर्गत व प्रतिबंधात्मक कारवाई असे एकूण 12 गुन्हे दाखल होते, आतापर्यंत 8 गुन्ह्यात माझी निर्दोष मुक्तता झाली असून उर्वरित 4 गुन्हे हे राजकीय आंदोलनाचे आहे, असे असतानाही एका राजकीय नेत्यांच्या दबावाखाली मला हद्दपार करण्याचे षडयंत्र रचल्या जात आहे.
निशाणा कुणाला?
निवडणुकीच्या पार्श्वभूमीवर मला हद्दपार कारवाई करण्यासंदर्भात चाललेली धडपड म्हणजेच राजकीय विरोधक संपविण्याचा हा प्रकार आहे. Today chandrapur news
संदीप गिर्हे यांनी जिल्ह्याचे पालकमंत्री सुधीर मुनगंटीवार यांच्यावर अप्रत्यक्षपणे निशाणा साधला, जे लोक हद्दपार होते ते आज पालकमंत्री यांच्या सोबत बसतात, नुकतीच शहरात घडलेल्या कुख्यात गुंड हाजी सरवर यांच्या हत्येत भाजपचा पदाधिकारी सामील होता, अश्या लोकांना भाजप पक्षात प्रवेश चालतो मात्र कुणी विरोधक असता कामा नये अशी स्वयंघोषित विकासपुरुष यांची भूमिका दिसून येत आहे.
लोकसभेच्या निवडणुकीत दारुण पराभव त्यांच्या पचनी पडलेला नाही त्यामुळे आता विधानसभेत सुद्धा पराभव होणार अशी स्थिती निर्माण झाली, त्यामुळे माझ्यासारख्या शिवसैनिकाला निवडणुकीच्या महासंग्रामातून कस डावलता येणार याची तयारी विकासपुरुष यांनी प्रशासनामार्फत सुरू केली आहे.
शिवसेना जिल्हाप्रमुख संदीप गिर्हे यांना बल्लारपूर विधानसभा क्षेत्रात जनसामान्य नागरिकांचा प्रतिसाद मोठ्या प्रमाणात मिळत आहे, त्यामुळे राजकीय करिअर संपुष्टात आणण्यासाठी हे सर्व सुरू असल्याचा आरोप गिर्हे यांनी केला, आपण बल्लारपूर विधानसभा क्षेत्रात हजारो कोटी रुपये खर्च करून विकास केला असा गवगवा करणाऱ्या विकास पुरुषांनी माझ्यासारख्या लहान कार्यकर्त्यांला घाबरण्याचे कारण काय? असा प्रश्न यावेळी गिर्हे यांनी उपस्थित केला आहे. Shivsena ubt
निवडणुकीपूर्वी हद्दपारीच्या राजकारणाने सध्या राजकीय वातावरण गढूळ होत आहे, काही वर्षांपूर्वी निवडणुकीच्या काळात दिवंगत खासदार बाळू धानोरकर यांच्यावर सुद्धा अशीच कारवाई झाली होती, मात्र त्या कारवाई नंतर धानोरकर यांनी राजकारणात दमदार पुनरागमन करीत भाजपचे केंद्रीय गृहराज्यमंत्री अहिर यांचा पराभव केला होता.
इतक्या वर्षांनी पुन्हा त्या परिस्थितीची पुनरावृत्ती होताना दिसत आहे, यामुळे बल्लारपूर विधानसभा क्षेत्रात विविध चर्चाना पेव फुटला असून संदीप गिर्हे निवडणूकित धानोरकर सारखेच जायंट किलर म्हणून उदयास येणार आहे. Shivsena ubt
9 ऑक्टोबर सकाळी संदीप गिर्हे यांना पोलीस प्रशासन समोर जाऊन हद्दपारीच्या नोटीसीला उत्तर द्यायचे आहे.
Leopard attack वनाने वेढलेल्या चंद्रपूर जिल्ह्यात मानव वन्यजीव संघर्ष शिगेला पोहचला आहे, 20 सप्टेंबर ला घरासमोर शौच करीत असलेल्या 7 वर्षीय मुलाला बिबट्याने उचलत त्याची शिकार केली.
Leopard attack दुर्गापुरातील मसाळा गावात 20 सप्टेंबर रोजी सायंकाळी 5 वाजताच्या दरम्यान 7 वर्षीय भावेश तुराणकर हा घराच्या मागील बाजूस शौचास बसला होता, शौच झाल्यावर भावेश उठला आणि रस्त्याकडे धावत गेला तितक्यात दबा धरून बसलेल्या बिबट्याने भावेश वर झडप घेत त्याला उचलून नेले.
बराच वेळ झाल्याने भावेश घरी न परतल्याने आई-वडिलांनी त्याचा शोध घेतला, त्यानंतर काहींना परिसरात बिबट दिसला अशी माहिती दिली असता याबाबत वनविभाग व दुर्गापूर पोलिसांना माहिती देण्यात आली. दुर्गापूर पोलीस स्टेशनच्या पोलीस निरीक्षक लता वाढीवे ह्या मसाळा गावात दाखल झाल्या, पोलीस व गावकऱ्यांनी रात्रभर शोधमोहीम राबवली मात्र भावेश कुठेही आढळून आला नाही. (Leopard attack)
सकाळी तुराणकर यांच्या घरापासून 300 मीटर अंतरावरील पद्मापुर सब एरिया कार्यालय जवळील झाडावर काहींना बिबट बसलेल्या अवस्थेत दिसला, वनविभाग व पोलीस विभाग त्याठिकाणी दाखल झाला, नागरिकांची गर्दी वाढली, वनविभागाने बिबट्याला पकडण्याचा प्रयत्न केला मात्र बिबट त्याठिकाणांहून पळून गेला. पोलीस व वनविभागाची चमू ने झाडाखाली शोध घेतला असता तिथे भावेश चा छिन्न विछिन्न अवस्थेत मृतदेह आढळला.
वनविभागावर सदोष मनुष्यवधाचा गुन्हा दाखल करा
अत्यंत क्रूर पध्दतीने भावेश ला बिबट्याने खाल्ले होते. यानंतर घटनास्थळी गावकऱ्यांनी जमाव केला, भावेश चा मृतदेह बघताच कुटुंबाने टाहो फोडला, नागरिक क्रोधीत झाले, तणावाची स्थिती निर्माण झाली, पोलीस निरीक्षक लता वाढीवे यांनी परिस्थिती हाताळत भावेश चा मृतदेह उत्तरीय चाचणीसाठी रुग्णालयात पाठविला. मृतक भावेश हा पहिल्या वर्गात शिकत होता, भावेश च्या मृत्यूने कुटुंबावर दुःखाचा डोंगर कोसळला आहे.
दुर्गापूर, सीएसटीपीएस ला ताडोबा जंगलाचा भाग लागून आहे, अनेकदा त्याठिकाणी वाघ, बिबट व अस्वलांचा वावर आढळून आला आहे, मागील 3 वर्षात फक्त दुर्गापूर भागात वन्यप्राण्यांच्या हल्ल्यात जवळपास 15 नागरिकांचा मृत्यू झाला, मानव वन्यजीव संघर्षांच्या घटनेत वाढ होत असताना वनविभागाने या घटनांवर आळा बसविण्यासाठी उपाययोजना करण्याची गरज होती मात्र इतक्या वर्षात कसलीही उपाययोजना वनविभागाने केली नसल्याने आज पुन्हा अशी दुर्दैवी घटना उघडकीस आली.
या परिसरात वेकोली कार्यालय आहे, त्याचठिकानी वेकोलीचा कचरा टाकल्या जातो, म्हणून त्याठिकाणी डुक्कराचा वावर वाढला, शिकारीच्या शोधात असलेल्या वन्य प्राण्यांना या भागात अलगद शिकार उपलब्ध होते, त्यामुळे मसाळा भागात वन्यप्राणी येऊ लागले अशी सर्वत्र चर्चा आहे.
Road accident चंद्रपुरातील बाबूपेठ जवळील बायपास मार्गावर 29 ऑगस्टला सकाळच्या सुमारास ट्रक चे स्टेअरिंग लॉक झाले आणि अनियंत्रित ट्रक पुलाच्या बाजूला कोसळला.
सकाळच्या सुमारास MH40 CD 7991 हा ट्रक कंटेनर घेऊन बल्लारपूर च्या दिशेने जात होता, बाबूपेठ जवळील पुलावर ट्रक पोहचला असता अचानक त्याचे स्टेअरिंग लॉक झाले, वाहन चालक घाबरला आणि त्याला या दरम्यान फिट आली त्यामुळे ट्रक सरळ पुलाच्या कठड्याजवळ कोसळला अशी माहिती परिसरातील नागरिकांनी दिली.
Road accident वेळीच ट्रक कठड्याजवळ कोसळला अन्यथा पुलाच्या बाजूला असलेल्या घरात ट्रक शिरला असता त्यामुळे मोठी दुर्घटना झाली असती. या अपघातात वाहन चालक जखमी झाला असून अपघातांनंतर तो काही सांगण्याच्या मनस्थितीत नव्हता, त्यावेळी रस्त्यावर वाहतूक नव्हती अन्यथा मोठी जीवितहानी झाली असती, परिसरातील नागरिकांनी तात्काळ वाहन चालकाला रुग्णालयात नेले.
विशेष बाब म्हणजे या मार्गावरून सकाळी शाळेत जाणाऱ्या विद्यार्थ्यांची रेलचेल असते, स्कुल बस, ऑटो रिक्षा, व पालकवर्ग या मार्गावरून मुलांना शाळेत घेऊन जात असतात, जर या रेलचेल वेळी हा अपघात झाला असता तर मोठा अपघात या मार्गावर झाला असता, वाहन चालक व स्कुल बस चालक व पालकांनी या मार्गावरून प्रवास करताना काळजी घ्यायला हवी.
raj thackeray 22 ऑगस्टला मनसे प्रमुख राज ठाकरे चंद्रपुरातील ND हॉटेलमध्ये दाखल झाले होते, राज्यातील विधानसभा निवडणुकीच्या पार्श्वभूमीवर त्यांनी उमेदवारांची बैठकीत चाचपणी केली व चंद्रपूर व राजुरा विधानसभा क्षेत्रातील उमेदवारांची घोषणा राज ठाकरे यांनी यावेळी केली. राजुरा विधानसभा क्षेत्रातून स्थानिक उमेदवाराला संधी न देता बाहेरच्या उमेदवारांचे नाव जाहीर होताच बोरकर विरुद्ध भोयर समर्थक आपसात भिडले. यामुळे पदाधिकाऱ्यांना हस्तक्षेप करावा लागला.
राज्यातील विधानसभा निवडणुकीत 200 ते 225 जागा लढविणार अशी घोषणा मनसे प्रमुख ठाकरे यांनी केली होती, त्या पार्श्वभूमीवर राज ठाकरे महाराष्ट्र पिंजून काढत आहे, मराठवाडा दौरा आटोपल्यावर ठाकरे हे पूर्व विदर्भाच्या दौऱ्यावर आहे, आज राज ठाकरे चंद्रपुरात दाखल झाले होते, जिल्ह्यातील 6 विधानसभा पैकी चंद्रपूर व राजुरा विधानसभा मनसे लढविणार अशी घोषणा ठाकरे यांनी बैठकीत केली.
Raj thackeray चंद्रपूर विधानसभा क्षेत्रातून मनसे जिल्हाध्यक्ष मनदीप रोडे तर राजुरा विधानसभा क्षेत्रातून चंद्रपूर शहर मनसे अध्यक्ष सचिन भोयर यांना उमेदवारी घोषित करण्यात आली, बैठक आटोपताच राज ठाकरे बैठकीतून बाहेर पडताच भोयर समर्थक व बोरकर समर्थक आपसात भिडले.
राजुरा विधानसभा क्षेत्रातून चंद्रप्रकाश बोरकर इच्छुक होते मात्र ऐनवेळी सचिन भोयर यांनी बाजी मारली, बोरकर हे कोरपना तालुक्यातील नांदा ग्राम पंचायत चे सदस्य आहे, त्याठिकाणी बोरकर यांचे चांगले वर्चस्व आहे, त्यांनी मनसे पक्ष त्याठिकाणी वाढविला मात्र ऐनवेळी बाहेरच्या कार्यकर्त्याला उमेदवारी मिळाल्यावर कार्यकर्ते नाराज झाले.
प्रत्येक वेळी स्थानिकांचा मुद्दा राज ठाकरे उपस्थित करतात मात्र आज त्यांनी स्थानिकांना डावलून बाहेरच्याला उमेदवारी दिली ही बाब कार्यकर्त्यांच्या पचनी न पडल्यामुळे आज हा राडा झाला.
सध्या चंद्रपूर जिल्ह्यात मनसेची संघटनात्मक परिस्थिती बरोबर नसली तरी मनसे प्रमुखांनी विधानसभा निवडणुकीत या निमित्ताने मोठा डाव खेळला आहे, या पूर्वी चंद्रपूर विधानसभेत मनसे उमेदवाराची अनामत रक्कम जप्त झाली होती, राजुरा विधानसभेत सुद्धा तेच हाल झाले होते, मात्र यंदा च्या निवडणुकीत काय होणार ही येणारी वेळ सांगेल. विशेष बाब म्हणजे विधानसभा निवडणुकीत चुरस बघायला मिळणार हे नक्की.
Shocking incident चिमूर –चिमूर तालुक्यातील खडसंगी पासून दोन किलोमीटर अंतरावर असलेल्या मजरा (बे) येथील बाप-लेक शेतातील कामे आटपून घरी जात असताना अचानक आलेल्या पाण्यामुळे गावाजवळील पुलावरून पाणी वाहत होते त्या पाण्यातून बाप लेक बैल जोडी घेऊन जात असताना पुलावरील पाण्याचा प्रवाह अचानक वाढला व वडिलांचा हाथ सुटल्याने एक बैल व मुलगा पाण्याच्या प्रवाहात वाहून गेला.
Shocking incident सदर घटना बुधवारी सायंकाळी चार वाजता दरम्यान मजरा भानसुली रस्त्यावरील नाल्यात घडली समीर वामन राणे वय १८ वर्ष असे पुरात वाहून गेलेल्या युवकाचे नाव आहे. चिमूर तालुक्यातील माजरा येथील रहिवासी वामन राणे व मुलगा समीर राणे शेतात रोवणीच्या कामासाठी सकाळी गेले होते दिवसभर काम करून सायंकाळी चार वाजता दरम्यान घरी जाण्यासाठी बापलेक निघाले मात्र एक तासापूर्वी झालेल्या पावसामुळे गावाजवळील नाल्याला पूर आला त्या पुरातून वडील वामन राणे व मुलगा समीर राणे बैल जोडी घेऊन जात होते अचानक पाण्याचा प्रवाह वाढला त्यातच समीरचा हाथ सुटल्याने एक बैल व समीर वडिलांच्या डोळ्यादेखत पुरात वाहून गेला बैल परतून पोहून बाहेर आला मात्र समीरचा पत्ता लागला नाही.
समीर च्या शोध मोहिमेकरिता तहसीलदार राजमाने, पोलीस प्रशासनाचे अधिकारी, भाजपचे तालुका अध्यक्ष राजूपाटील झाडे आपल्या पदाधिकारी सह हजर आहेत. घटनेची माहिती पोलिसांना होताच पोलिस घटनास्थळी दाखल झाले असून समीर राणेंचा शोध घेत आहेत.
shootout राजुरा – 23 जुलैला सायंकाळी 7.30 वाजताच्या सुमारास राजुरा शहरातील गजबजलेल्या आसिफाबाद मार्गावरील छत्रपती शिवाजी महाराज संकुलासमोर असलेल्या महाराष्ट्र बॅकेच्या एटीएम जवळ शिवजीतसिंग देवल या युवकावर मोटरसायकलने आलेल्या दोन हल्लेखोरांनी गोळीबार केला. पहिली गोळी झाडताच हा युवक तेथील ओम जनरल स्टोअर्स मधून पळून मागे मोकळ्या जागेत गेला. मात्र हल्लेखोर दोन्ही युवक त्या युवकाचे मागे धावत गेले आणि तेथे जवळून दोन गोळ्या झाडल्या. यात शिवजीतसिंग देवल, वय 28 युवक जागीच ठार झाला.
गोळीबारा मृतक युवक ट्रक चालक असल्याचे कळते. या घटनेतील मृतक हा मागील वर्षी झालेल्या गोळीबारातील आरोपीचा मोठा भाऊ असल्याचे समजते. माहिती मिळताच राजुरा पोलिसांनी घटनास्थळी येऊन प्रेत राजुरा उपजिल्हा रूग्णालयात हलविले. घटना घडताच पोलिस बंदोबस्त चोख करण्यात आला असून पोलिसांनी युध्दपातळीवर आरोपींचा शोध सुरू केला आहे. सदर गोळीबार हा पूर्व वैमनस्यातून झाला अशी माहिती समोर आली आहे.
याच दिवशी झाला होता गोळीबार
मागील वर्षी 23 जुलै 2023 ला राजुरा येथे लल्ली शेरगिल याच्या मागावर काही इसम लागले होते, त्यांच्यापासून वाचण्यासाठी शहरातील सोमनाथपुर वार्डातील भाजयुमो उपाध्यक्ष सचिन डोहे यांच्या घरी लपण्यासाठी लल्ली शेरगिल आला मात्र मारेकऱ्यांनी गोळीबार केला असता एक गोळी लल्ली च्या पाठीला लागली होती, नेमकं त्याचवेळी सचिन डोहे यांच्या पत्नी पुढे आल्याने त्यांच्या छातीवर गोळी लागली, या हल्ल्यात पूर्वशा सचिन डोहे यांचा जागीच मृत्यू झाला होता.
Shootout या प्रकरणात 19 वर्षीय लवज्योतसिंह देवल व अल्पवयीन आरोपीला अटक करण्यात आली होती, जखमी लल्ली ने त्यावेळी 2 वर्षांपूर्वी आरोपी लवज्योतसिंह याच्या भावाला ला मारहाण केली होती, त्याचा राग मनात ठेवत लल्ली शेरगिल वर गोळीबार करण्यात आला होता, मात्र त्या हल्ल्यात निष्पाप पूर्वशा डोहे यांचा मृत्यू झाला.
चंद्रपूर बनतंय गँग ऑफ वासेपुर, एका महिन्यात 3 गोळीबाराच्या घटना
4 जुलैला चंद्रपूर शहरातील गजबजलेल्या रघुवंशी व्यापारी संकुलात मनसे कामगार सेना अध्यक्ष अमन अंदेवार यांच्यावर गोळीबार करण्यात आला होता, आरोपीने मागून अंदेवार यांच्यावर गोळी झाडली, गोळी पाठीला लागल्याने अंदेवार बचावले होते, पोलिसांनी या प्रकरणात 2 आरोपीना अटक केली मात्र गोळीबार करणारा आरोपी अजूनही पसार आहे. 7 जुलैला बल्लारपूर शहरातील गांधी चौक येथील मालू वस्त्र भांडार येथे 3 आरोपीनी पेट्रोल बॉम्ब टाकत गोळीबार केला होता, या प्रकरणात पोलिसांना नुकतेच यश प्राप्त झाले असून 1 आरोपीला अटक करण्यात आली आहे, 23 जुलैला राजुरा शहरात गोळीबार झाला व त्या हल्ल्यात एकाचा मृत्यू झाला. चंद्रपूर पोलीस दलातील गुप्तचर यंत्रणा ढेपाळल्या की काय असे चित्र सतत होणाऱ्या गोळीबार सत्राने निर्माण झाले आहे. पालकमंत्री मुनगंटीवार यांनी पोलीस निरीक्षकावर निष्क्रियतेचा ठपका ठेवत बदली करण्याचे निर्देश दिले आहे.
