My Blog

Tag: News34 chandrapur

  • CIPET Chandrapur plastic industry courses । महाज्योतीची ओबीसी विद्यार्थ्यांसाठी मोठी संधी! २००० जणांना मिळणार मोफत प्रशिक्षण.

    CIPET Chandrapur plastic industry courses

    CIPET Chandrapur plastic industry courses :  चंद्रपुर येथील सेंट्रल इन्स्टिट्‌युट ऑफ पेट्रोकेमिकल ऍण्ड  टेक्नॉलॉजी (सिपेट) या संस्थेच्या कार्याचा राष्ट्रीय मागासवर्ग आयोगाचे अध्यक्ष हंसराज अहीर (Hansraj Ahir) यांनी दिनांक ०८ एप्रिल रोजी आढावा घेतला. वेकोलि वणी क्षेत्रातील मुख्य महाप्रबंधक कार्यालयात पार पडलेल्या या आढावा बैठकीत सिपेटचे प्रमुख अवनितकुमार जोशी, वेकोलिचे मुख्य महाप्रबंधक आभासचंद्र सिंह व सिपेट मधील प्रशिक्षित विद्यार्थी उपस्थित होते. ree skill training for OBC students

    चंद्रपुरात पोलिसांवर हल्ला


                       यावेळी हंसराज अहीर यांनी संस्थेच्या माध्यमातून राबविण्यात येणाऱ्या रोजगाराभिमुख कौशल्यविकास कार्यकमाची माहिती जाणून घेतली तसेच प्रशिक्षणानंतर निर्माण झालेल्या रोजगार व स्वयंरोजगार विषयक संधीचा  आढावा सुध्दा घेतला. सन २०२१-२२ पासून आजपर्यंत सिपेट मार्फत एकूण ७७५१ युवक-युवतींनी विविध प्रशिक्षण कार्यकम पुर्ण केलेले आहे. सोबतच प्लास्टिक उद्योग क्षेत्रात रोजगाराची संधी सुध्दा त्यांना मिळाली असल्याची संस्थेच्या माध्यमातून अहीर यांना माहिती देण्यात आली. CIPET Chandrapur placement opportunities


    हंसराज अहीर यांच्या विशेष पुढाकारातून सिपेटची चंद्रपुरात उभारणी झाली असून आजपर्यंत शेकडो विद्यार्थ्यांनी इथे प्रशिक्षण घेवून रोजगार व स्वयंरोजगार मिळविला आहे. संस्थेच्या रोजगाराभिमुख उपक्रमाबद्दल अहीर यांनी संस्थेच्या कार्याचे कौतुक केले आहे. सिपेटसोबत नुकताच पॉवर ग्रीड कॉर्पोरेशन नागपुर द्वारा सिएसआर अंतर्गत २०० सुशिक्षित युवक-युवतींसाठी सहा महिन्यांच्या अल्पकालीन प्रशिक्षण कार्यक्रमाकरीता सामंजस्य करार करण्यात आलेला आहे. यापुर्वी महाज्योती नागपुर संस्थेमार्फत विदर्भातील २००० ओबीसी विद्यार्थ्यांना निःशुल्क प्रशिक्षण देण्यासाठी मंजुरी मिळाली असल्याचेही अहीर यांना श्री जोशी यांनी सांगीतले. सदर प्रशिक्षणास लवकरच सुरुवात होणार असल्याचेही ते म्हणाले, प्रशिक्षण कालावधीत निवास, भोजन, प्रशिक्षण किट आदी बाबी मोफत देण्यात येणार असून या प्रशिक्षित विद्यार्थ्यांना सिपेट मार्फत प्लास्टीक उद्योगात रोजगाराच्या संधी उपलब्ध करण्यासाठी विशेष प्रयत्न करण्यात येतील असेही सिपेट द्वारा सांगण्यात आले.


                  यावेळी हंसराज अहीर यांनी वेकोलि प्रायोजित कौशल्य विकास कार्यक्रमातील प्रशिक्षणार्थीसोबत संवाद साधला. त्यांच्या अडचणी समजुन घेतल्या. अमित मेश्राम, सौरभ भजनकर, ऋतु दडमल या विद्यार्थ्यांनी टाकावु वस्तुपासून सायकल तयार केली. त्यांना चंद्रपुर मनपा द्वारा रु. ५०००/- चे पारितोषिक प्रदान करण्यात आले. या विद्यार्थ्यांचा अहीर व वेकोलि मुख्य महाप्रबंधकांनी प्रशस्तीपत्र देवून सम्मानित केले.


               प्रसार व जनजागृतीचे सिपेट मार्फत प्रयत्न होत असले तरी अजुनही विदर्भातील अनेक विद्यार्थ्यांना या मोफत प्रशिक्षण व रोजगार संधीब‌द्दल पुरेशी माहिती मिळत नसल्याने सिपेट ने प्रशिक्षण कार्यक्रमाचा व्यापक स्तरावर प्रचार करावा अशी सुचना हंसराज अहीर यांनी सिपेट प्रमुखांना केली. त्यांनी येथे कार्यरत सुरक्षाकर्मी व सफाई कर्मचाऱ्यांना किमान वेतन श्रेणीनुसार वेतन व भत्ते दिल्या जातात कां या विषयी चौकशी करुन शासन नियमानुसार वेतन, भत्ते देण्याची सुचना केली. स्थानिकांना प्रशिक्षणात प्राधान्य देण्याविषयी सुचित केले.

  • Attack on police officer in Chandrapur । चंद्रपूर पोलिसांवर पुन्हा हल्ला, शहरात कायदा-सुव्यवस्थेचा प्रश्न ऐरणीवर

    Attack on police officer in Chandrapur

    पोलिसांना शिवीगाळ, मारहाण आणि जीवे मारण्याची धमकी

    Attack on police officer in Chandrapur : चंद्रपूर जिल्ह्यात गुन्हेगारी ने राक्षसी रूप धारण केले असून या राक्षसी रूपाच्या विळख्यात पोलीस कर्मचारी सुद्धा पिसल्या गेले आहेत. चंद्रपूर शहर पोलीस स्टेशनच्या हद्दीत महिना भरापूर्वी पोलीस शिपायाची हत्या झाली होती. आता पुन्हा कर्तव्यावर असलेल्या पोलीस उपनिरीक्षाला मारहाण केल्याची धक्कादायक १० एप्रिल रोजी रात्री ९ वाजताच्या सुमारास उघडकीस आली आहे. Chandrapur police attack

    चैत्र नवरात्री निमित्त भाविकांच्या सुरक्षेसाठी महाकाली मंदिर परिसरात जिल्हाभरातून पोलीस कर्मचारी बंदोबस्तासाठी बोलाविण्यात आले आहे, भाविकांची सुरक्षा करतेवेळी पोलीस सुद्धा असुरक्षित झालेले आहे असे चित्र या घटनेतून पुढे आले आहे.

    चंद्रपुरातील इरई नदी होणार स्वच्छ

    १० एप्रिल रोजी अंचलेश्वर गेट जवळ पोलीस आपलं कर्तव्य बजावीत होते, यावेळी त्याठिकाणी पोलीस उपनिरीक्षक कृष्णा दराडे, पोलीस उपनिरीक्षक दत्ता जाधव, वाहतूक पोलीस नितीन दुभे व सुधीर रणदिवे उपस्थित होते. रात्री ९.३० वाजता मालवाहू चारचाकी वाहन त्याठिकाणी आले. पोलिसांनी नियमांप्रमाणे वाहन चालकाला कुठे जायचं आहे, पास आहे का असे विचारले मात्र वाहनातील दोघांनी पोलिसांना अश्लील शब्दात शिवीगाळ करण्यास सुरुवात केली. Chandrapur law and order

    कर्तव्यावर असलेल्या पोलिसांनी त्यांचा विरोध करीत समजविण्याचा प्रयत्न केला, मात्र ते दोन्ही इसम पोलिसांवर धावून गेले त्यातील एकाने पोलीस उपनिरीक्षक दराडे यांची गच्ची पकडत मारहाण करीत शिवीगाळी केली. त्या पोलिसाला मारलं ती घटना तुम्ही विसरले काय? तुमची अवस्था तशीच करणार अशी जीवे मारण्याची धमकी त्या दोघांनी पोलीस कर्मचारी व पोउपनि यांना दिली.

    पोलिसांनी तात्काळ शहर पोलीस निरीक्षक प्रभावती एकुरके यांना संपर्क करीत घडलेला प्रकार सांगितला, पोलीस कर्मचारी त्याठिकाणी दाखल झाले व त्या दोघांना आपल्या ताब्यात घेतले. २८ वर्षीय आदिल अल्ताफ आरा, २२ वर्षीय अयान अल्ताफ आरा दोघे राहणार भावसार चौक घुटकाला यांच्यावर कलम १३२ , २२३, २९६, ३५१ (३), ११५ (२) शहर पोलीस स्टेशनमध्ये गुन्हा दाखल करण्यात आला.

    या घटनेवरून चंद्रपूर पोलिसही आता असुरक्षित आहे असे चित्र निर्माण झाले आहे.

  • Maharashtra 100-day action plan । चंद्रपूर जिल्ह्यात 100 दिवसांच्या कृती आराखड्याची यशस्वी अंमलबजावणी

    Maharashtra 100-day action plan

    Maharashtra 100-day action plan : राज्याचे मुख्यमंत्री देवेंद्र फडणवीस यांच्या संकल्पनेतून राज्य शासनाने सर्व शासकीय विभागांसाठी 100 दिवसांचा कृती आराखडा तयार केला आहे. सामान्य नागरिकांना शासकीय कार्यालयात उत्तम सेवा मिळावी, हा संकल्प कृती आराखड्यामागे असून आतापर्यंत विविध विभागामार्फत जिल्ह्यात झालेल्या अंमलबजावणीचा आढावा राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक उईके यांनी घेतला. Maharashtra government digital services

    चंद्रपुरातील इरई नदीचे होणार पुनरुज्जीवन

    वन अकादमी येथे आयोजित बैठकीला जिल्हाधिकारी विनय गौडा जी.सी., निवासी उपजिल्हाधिकारी दगडू कुंभार, महानगरपालिका आयुक्त विपिन पालीवाल, उपमुख्य कार्यकारी अधिकारी मीना साळुंखे, गिरीश धायगुडे पालिका प्रशासन अधिकारी विद्या गायकवाड, आदिवासी विकास विभागाचे प्रकल्प अधिकारी विकास राचेलवार व सर्व विभाग प्रमुख उपस्थित होते.

    maharashtra government digital services

    यावेळी बोलताना पालकमंत्री डॉ. उईके म्हणाले, जिल्हा प्रशासनाने ई-ऑफिस ही संकल्पना प्रभावीपणे राबवली असून जिल्ह्यातील सर्व उपविभागीय अधिकारी कार्यालय तसेच तहसील कार्यालय ई -ऑफिसने जोडली आहे ही अतिशय कौतुकास्पद बाब आहे. कृती आराखड्यांतर्गत सर्व शासकीय विभागांनी आपापले संकेतस्थळ अद्यावत करून नागरिकांना उत्तम सेवा मिळेल, यासाठी गांभीर्याने काम करावे. सर्व शासकीय कार्यालयांमध्ये महिला व पुरुषांसाठी स्वतंत्र शौचालय असणे आवश्यक आहे. तसेच उत्तम पिण्याच्या पाण्याची व्यवस्था, अभ्यागतांसाठी प्रतिक्षालय सुध्दा असावे.

    राज्य शासनाने दिलेल्या कृती आराखड्यानुसारच सर्व विभागांनी कार्यवाही करावी. जिल्हा परिषदेअंतर्गत सर्व पंचायत समितीमध्ये नियमितपणे स्वच्छता, स्वतंत्र शौच्छालये असली पाहिजे. तसेच क्षेत्रीय कार्यालयांनी भेटीच्या नोंदी अद्ययावत ठेवाव्यात. जिल्हा परिषदेमध्ये नवीन शैक्षणिक धोरणाचा प्रभावी उपयोग करून विद्यार्थ्यांच्या गुणवत्ता वाढीसाठी प्रयत्न करावे. आरोग्य संस्थेत आलेल्या गोरगरिबांना चांगली सेवा द्यावी. पोलिस विभागाने नागरिकांसोबत सुसंवाद वाढवावा, यासाठी विशेष मोहीम राबविणे गरजेचे आहे. गुन्ह्यांचे प्रमाण कमी करण्यासाठी कायदेविषयक जनजागृती करावी, असे निर्देश पालकमंत्र्यांनी दिले. Infrastructure development in Chandrapur

    सादरीकरण करताना जिल्हाधिकारी विनय गौडा यांनी, सर्व क्षेत्रीय कार्यालयांनी राज्य शासनाच्या 100 दिवस कृती आराखड्याची प्रभावी अंमलबजावणी करावी, अशा सूचना केल्या. यावेळी त्यांनी संकेतस्थळ अद्यावत करणे, केंद्र शासनासोबत सुसंवाद, स्वच्छता, जनतेच्या तक्रारींचे निवारण, कार्यालयीन सोयी सुविधा, कामकाजातील सुधारणा, आर्थिक व औद्योगिक गुंतवणुकीस प्रोत्साहन, नाविन्यपूर्ण उपक्रमांतर्गत सुकर जीवनमान, ऑनलाईन शस्त्र परवाना, बळीराजा समृद्ध मार्ग, जिल्हा प्रशासनाचे व्हाट्सअप चॅटबोट, शासकीय कामकाजात अधिकारी कर्मचारी प्रशिक्षण, सेवाविषयक न्यायालयीन बाबी आणि कृत्रिम बुद्धिमत्ता तंत्रज्ञानाचा वापर, कार्यालयीन व्यवस्थापन सुधारणा, चंद्रपूर येथील फ्लाईंग क्लब आदींबाबत माहिती दिली. तसेच जिल्हास्तरावरील कार्यालयांनी पहिल्या टप्प्यात 15 एप्रिलपर्यंत तर त्यांच्या क्षेत्रीय कार्यालयांनी 30 एप्रिलपर्यंत 100 दिवस कृती आराखड्याची प्रभावी अंमलबजावणी करण्याचे निर्देश जिल्हाधिकारी श्री. गौडा यांनी दिले.

  • irai River rejuvenation in chandrapur । चंद्रपूरकरांसाठी आनंदाची बातमी – इरई नदीचे १७ किमी पात्र होणार स्वच्छ व विस्तृत!

    irai River rejuvenation in chandrapur

    17 किमी नदीपात्रात गाळ, झुडपे आणि अतिक्रमण हटविण्याची मोहीम

    irai River rejuvenation in chandrapur : इरई नदी ही चंद्रपूर शहराला 9 किलोमीटर समांतर वाहते. चंद्रपूर शहर ते वर्धा नदी संगमपर्यंतच्या 17 किमी नदीपात्रातील वाढलेली झाडे झुडपे आणि गाळ काढून नदीपात्राचे खोलीकरण व रुंदीकरण करणे तसेच इराई नदीपात्राची पूरवहन क्षमता वाढविणे यासाठी नदी पुनरुज्जीवन अभियान हाती घेण्यात आले आहे. हे अभियान लोकचळवळीच्या स्वरुपात यशस्वी करण्यासाठी सर्वांनी यात आपले योगदान द्यावे, असे आवाहन राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक उईके यांनी केले.  Flood Prevention & Management

    ४ लाखांची लाच मागणारे चंद्रपूर जिल्हा परिषदेचे कार्यकारी अभियंता यांच्या घरी मिळाली ८ लाखांची रोकड

    इरई नदीच्या पुनरुज्जीवन अभियानसंदर्भत वन अकादमी येथे आयोजित बैठकीला आमदार सुधीर मुनगंटीवार, जिल्हाधिकारी विनय गौडा जी.सी., निवासी उपजिल्हाधिकारी दगडू कुंभार, महानगरपालिका आयुक्त विपिन पालीवाल, अतिरिक्त आयुक्त चंदन पाटील उपायुक्त मंगेश खवले व इतर विभागाचे अधिकारी उपस्थित होते.

    पालकमंत्री डॉ. अशोक उईके यांच्या संकल्पनेतून इरई नदी पुनरुज्जीवन अभियान जिल्हा प्रशासनाने हाती घेतले आहे. या अभियानाचा शुभारंभ 25 एप्रिल रोजी होणार आहे. इरई नदी खोलीकरण लोक चळवळ होण्यासाठी सर्व लोकप्रतिनिधी, शासकीय अधिकारी –कर्मचारी, जिल्ह्यातील सामाजिक संघटना व सामान्य नागरिकांनी यात हिरहिरीने भाग घेऊन आपले योगदान द्यावे. हे अभियान आपले आहे, असे प्रत्येकाला वाटले पाहिजे, त्यासाठी प्रशासनाने योग्य नियोजन करावे.  नदी काठावरील जागेवर असलेल्या वस्त्यांमध्ये तसेच खाली भूखंडावर यापुढे कोणतीही बांधकाम होणार नाही, यासाठी प्रभावी धोरण आखून त्याची अंमलबजावणी करावी. तसेच सद्यस्थितीत नदीकाठावर असलेल्या अतिक्रमणबाबत योग्य उपाययोजना कराव्यात, अशा सूचना पालकमंत्री डॉ.अशोक उईके यांनी दिल्या. River desilting techniques

    flood prevention& management

    आमदार मुनगंटीवार यांनी केल्या सूचना : डब्ल्यूसीएल ने या उपक्रमात उदार होऊन साहित्य व आर्थिक स्वरूपात मदत करावी. सीटीपीएस ने सुद्धा गाळ काढण्यासाठी सहकार्य करावे. यातून निघणारा गाळ हा शहरातील खोलगट भाग असलेल्या जागेवर टाकून मैदान तयार करता येईल का, याबाबत नियोजन करावे. नदी पात्रामधील अतिक्रमणाच्या विषयाचे योग्य नियोजन करावे. 17 किलोमीटर मध्ये झुडपे आणि गाळ काढण्याचे काम टप्प्याटप्प्याने करावे. तसेच इरई नदी निरंतर वाहण्यासाठी बंधारे बांधावे. नदी पुनरुज्जीवनासाठी पाच वर्षाचा कार्यक्रम ठरवावा. Chandrapur environmental initiatives

    यावेळी जिल्हाधिकारी विनय गौडा म्हणाले, इराई नदी पुनरुज्जीवन अभियानांतर्गत पाच लक्ष ब्रास गाळ काढण्याचे नियोजन आहे. सदर काम 45 दिवसात पूर्ण करण्याचे ध्येय प्रशासनाने ठेवले आहे. नदीच्या पात्रातून निघणारा गाळ कृषी विभागामार्फत शेतकऱ्यांना मोफत उपलब्ध करून दिला जाईल. तसेच यातून निघणारी वाळू ही घरकुल लाभार्थ्यांना देण्याचे प्रशासनाचे नियोजन आहे. डब्लूसीएल आणि औष्णिक विद्युत केंद्राने गाळ काढण्यासाठी साहित्य तसेच आर्थिक मदत करावी, सामाजिक संघटनांच्या माध्यमातून मशीन उपलब्ध करण्याचे नियोजन करण्यात आले, असे त्यांनी सांगितले.

    जिल्हा प्रशासनातर्फे आवाहन : इरई नदीचे पुनरुज्जीवन हा एक सामाजिक उपक्रम आहे. शहराला पडणारा पुराचा वेढा, यापासून मुक्ती मिळण्यासाठी सदर उपक्रम हाती घेण्यात आला आहे. विविध स्तरावरून निधीचे नियोजन करण्याचा प्रशासनाचा मानस असून सर्वात प्रथम शासकीय अधिकारी व कर्मचा-यांनी या उपक्रमासाठी आपला एक दिवसाचा पगार द्यावा, असे आवाहन जिल्हाधिकारी विनय गौडा जी.सी. यांनी केले आहे.

    प्रशासनाचे नियोजन – 45 दिवसात 5 लाख ब्रास गाळ काढण्याचे लक्ष्य

  • Shehnaz Akhtar live in Chandrapur । भक्ती आणि सूरांचे संगम: महाकाली यात्रेत शहनाज अख्तर यांच्या आवाजाची जादू!

    Shehnaz Akhtar live in Chandrapur

    महाकाली यात्रेतील भव्य भक्ती संगीत संध्या

    Shehnaz Akhtar live in Chandrapur : आमदार किशोर जोरगेवार यांच्या संकल्पनेतून भारतीय जनता पार्टी, चंद्रपूर विधानसभा तथा श्री माता महाकाली महोत्सव ट्रस्टच्या वतीने महाकाली मंदिर यात्रा परिसरात आयोजित करण्यात आलेला सुप्रसिद्ध गायिका शहनाज अख्तर यांचा भक्तिगीतांचा कार्यक्रम मोठ्या भक्तिभावात आणि उत्साहात पार पडला. कार्यक्रमाला चंद्रपूरकर भाविकांनी मोठ्या संख्येने उपस्थिती दर्शवून भक्तीरसात न्हाल्याचा अनुभव घेतला. Shehnaz Akhtar Bhajans

    चंद्रपुरात जय भीम यात्रा

      या कार्यक्रमास आमदार किशोर जोरगेवार, सत्कारमूर्ती जिल्हाधिकारी विनय गौडा, पोलीस अधीक्षक मुमक्का सुदर्शन, उपविभागीय अधिकारी संजय पवार, महानगरपालिकेचे आयुक्त विपिन पालीवाल, तहसीलदार विजय पवार, शासकीय वैद्यकीय महाविद्यालयाचे अधिष्ठाता डॉ. मिलिंद कांबळे, जिल्हा शल्य चिकित्सक डॉ. महादेव चिंचोळे, महानगरपालिकेचे अतिरिक्त आयुक्त चंदन पाटील, उपायुक्त मंगेश खेवले, शहर अभियंता विजय बोरीकर, सिटी पोलीस स्टेशनच्या निरीक्षक प्रभावती एकुरके, रामनगर पोलीस स्टेशनचे निरीक्षक आसिफ रजा, वाहतूक पोलीस निरीक्षक प्रविण पाटील, वेकोलीचे क्षेत्रीय महाप्रबंधक, 

    विद्युत वितरण कंपनीचे उपविभागीय अभियंता व सहाय्यक अभियंता, एस.टी. महामंडळाच्या विभाग नियंत्रक स्मिता सुतावणे, महानगरपालिकेचे कार्यकारी अभियंता रविंद्र हजारे, प्रभारी उप-अभियंता आशीष भारती, शहर स्वच्छता निरीक्षक डॉ. अमोल शेळके, नगर रचनाकार राहुल भोयर, सहाय्यक नगर रचनाकार प्रतीक देवतळे, सुरक्षा अधिकारी राहुल पंचबुद्धे, सहाय्यक अभियंता शुभांगी सूर्यवंशी, नगर सचिव नरेंद्र बोबाटे, यांत्रिकी विभाग प्रमुख रविंद्र कळंबे, पाणीपुरवठा विभागाचे सहाय्यक अभियंता सोनुजी थुल, विद्युत विभागाच्या उपअभियंता प्रगती भुरे, सिस्टम मॅनेजर अमोल भुते, भांडारपाल सिद्दीकी शेख, झोन क्र. ३ चे सहाय्यक आयुक्त संतोष गर्गेलवार, आणि झोन क्र. १ चे सहाय्यक आयुक्त अक्षय गडलिंग, अतिक्रमण विभागाचे मनिष शुक्ला यांची उपस्थिती होती. यात्रेत उत्तम व्यवस्था केल्याबद्दल या सर्व अधिकाऱ्यांचा आमदार किशोर जोरगेवार यांच्या हस्ते सत्कार करण्यात आला.

    shehnaz akhtar bhajans

    यावेळी आमदार जोरगेवार म्हणाले की, सांस्कृतिक कार्यक्रमांद्वारे समाजात आध्यात्मिक सकारात्मकता निर्माण होते. अशा उपक्रमांद्वारे चंद्रपूरमध्ये भक्ती आणि संस्कृती यांचे संतुलन राखले जात आहे. यंदा यात्रा परिसरात प्रशासनाच्या सहकार्याने आपण उत्तम व्यवस्था उभी करू शकलो. यात्रा परिसराचा विस्तार केल्यामुळे भाविकांना राहण्याची सोय झाली. पिण्याच्या पाण्याची, पूजा साहित्य खरेदीची, आंघोळीची, चेंजिंग रूमची व्यवस्था उत्तम प्रकारे करण्यात आली. यात्रेकरूंच्या चेहऱ्यावर समाधान दिसून आले. Bhajan Sandhya Event

    या वर्षीच्या यात्रेचे आयोजन विशेष ठरले. प्रशासनाच्या सक्रिय सहकार्यामुळे यात्रा परिसरात पूजा साहित्य विक्रीसाठी दुकाने, अन्नदान वितरण व्यवस्था, आणि भाविकांसाठी मार्गदर्शक स्वयंसेवक यामुळे संपूर्ण यात्रा शिस्तबद्ध आणि सुसंगठित झाली. ही सर्व व्यवस्था करताना जनतेच्या गरजा केंद्रस्थानी ठेवण्यात आल्या. त्यामुळे भाविकांचा चेहरा आनंदी आणि समाधानी दिसत होता, हीच आपल्या प्रयत्नांची खरी पावती असल्याचे आमदार किशोर जोरगेवार यांनी सांगितले. Bhakti Geet Program

    शहनाज अख्तर यांच्या सुमधुर आवाजात सादर झालेल्या संतवाणी, भक्तिगीते आणि भावगीतांनी संपूर्ण वातावरण भक्तीमय झाले. जिल्हाधिकारी विनय गौडा यांनी अल्पावधीत सदर व्यवस्था उभारण्यात आल्याचे सांगितले. पुढील वर्षी यापेक्षाही अधिक चांगली व्यवस्था करण्यात येईल, असेही त्यांनी नमूद केले.

    या कार्यक्रमाला मनीष महाराज, भारतीय जनता पार्टीचे माजी शहराध्यक्ष दशरथसिंग ठाकूर, माजी नगरसेवक सुभाष कासनगोट्टूवार, रघुवीर आहिर, प्रकाश देवतळे, तुषार सोम, मनोज पाल, श्री माता महाकाली महोत्सवचे सचिव अजय जयस्वाल, कोषाध्यक्ष पवन सराफ, माजी नगरसेविका छबू वैरागडे, पुष्पा उराडे, वंदना तिखे, माजी नगरसेवक बलराम डोडाणी, मोनू चौधरी, प्रदीप किरमे, राजेंद्र अडपेवार, पुरुषोत्तम राऊत, कल्पना बबूलकर, श्री माता महाकाली महोत्सव समितीचे विश्वस्त वंदना हातगावर, सविता दंढारे, श्याम धोपटे, चंदू वासाडे, अजय वैरागडे, संजय बुरघाटे, रूपेश भुते, रंजन ठाकूर आदी मान्यवर मंचावर उपस्थित होते. कार्यक्रमाचे संचालन प्रज्ञा जीवनकर यांनी केले.

    शहनाज अख्तर Live – भावगीते आणि संतवाणींचा संगम

  • Rajura coal mine local jobs । अन्याय सहन करणार नाही! मनविसेचा श्री. बुद्धा कंपनीला कठोर इशारा!

    Rajura coal mine local jobs

    ८०% चा नियम गेला कुठे? राजुराच्या खाणीत स्थानिकांवर मोठा अन्याय!

    Rajura coal mine local jobs : राजुरा: राजुरा तालुक्यातील गौरी पवनी येथील कोळसा खाणीत श्री. बुद्धा या कंपनीकडून स्थानिक बेरोजगार युवकांना डावलले जात असल्याचा आरोप महाराष्ट्र नवनिर्माण विद्यार्थी सेनेने (मनविसे) केला आहे. कंपनी व्यवस्थापन महाराष्ट्र शासनाच्या नियमांचे उल्लंघन करून मोठ्या प्रमाणात बाहेरच्या राज्यातील कामगारांना रोजगार देत असल्याचा दावा मनविसेने केला आहे. Maharashtra coal mine job quota

    चंद्रपुरात जयभीम पदयात्रा

    या संदर्भात काही स्थानिक बेरोजगार युवकांनी मनविसेचे जिल्हा उपाध्यक्ष श्री. कुलदीप चंदनखेडे यांची भेट घेऊन आपल्या व्यथा मांडल्या. यानंतर तातडीने दखल घेत श्री. चंदनखेडे यांनी थेट श्री. बुद्धा कंपनी गाठून व्यवस्थापनाला जाब विचारला. Shri Buddha company job controversy

    श्री. चंदनखेडे यांनी कंपनी व्यवस्थापनाला येत्या सात दिवसांचा अल्टिमेटम दिला आहे. त्यांनी स्पष्टपणे सांगितले की, जर या कालावधीत स्थानिक बेरोजगार युवकांना कंपनीत सामावून घेतले नाही, शासन निर्णयानुसार (जी.आर.) वेतन दिले नाही आणि मराठी भाषेला अभिजात भाषेचा दर्जा मिळाल्याने कंपनीतील कामकाज मराठी भाषेत सुरू केले नाही, तर महाराष्ट्र नवनिर्माण सेनेतर्फे तीव्र आंदोलन छेडण्यात येईल.

    मनसे पदाधिकाऱ्यांवर गुन्हे दाखल

    या आंदोलनादरम्यान कायदा व सुव्यवस्थेचा प्रश्न निर्माण झाल्यास त्याची सर्वस्वी जबाबदारी श्री. बुद्धा कंपनी व्यवस्थापनाची असेल, असा इशाराही श्री. चंदनखेडे यांनी दिला आहे.

    यावेळी मनविसेचे जिल्हा सचिव किशोर भैय्या मडगुलवार, प्रवीण शेवते, कृष्णा गुप्ता, शंकर भडके, प्रशांत रामटेके आणि इतर मनसैनिक मोठ्या संख्येने उपस्थित होते. मनविसेने घेतलेल्या या भूमिकेमुळे स्थानिक बेरोजगार युवकांना न्याय मिळण्याची आशा निर्माण झाली आहे. आता कंपनी व्यवस्थापन यावर काय भूमिका घेते, याकडे सर्वांचे लक्ष लागले आहे.

  • Ambedkar Jayanti 2025 Chandrapur । चंद्रपूरमध्ये जयभीम पदयात्रा: डॉ. आंबेडकर जयंतीचे भव्य आयोजन

    Ambedkar Jayanti 2025 Chandrapur

    Ambedkar Jayanti 2025 Chandrapur : डॉ. बाबासाहेब आंबेडकर यांच्या जयंतीनिमित्त राज्य शासनाच्या निर्देशानुसार जिल्हा प्रशासन, चंद्रपूर महानगरपालिका, शालेय शिक्षण व क्रीडा विभाग, जिल्हा क्रीडा अधिकारी कार्यालय यांच्या संयुक्त विद्यमाने जिल्हा कीडा संकुल येथून 13 एप्रिल 2025 रोजी ला सकाळी 6.30 वाजता जयभीम पदयात्रा निघणार आहे. Jay Bhim Padayatra 2025

    चंद्रपुर जिल्हा परिषदेत लाचलुचपत विभागाची मोठी कारवाई

                  या पदयात्रेचा मार्ग जिल्हा क्रीडा संकूल- डॉ. आंबेडकर महाविद्यालय चौक-पवनसूत दवा बाजार-पाण्याची टाकी, परत वरोरा नाका चौक-जिल्हा क्रीडा संकूल याप्रमाणे असेल. याप्रसंगी चंद्रपूर जिल्हयातील सर्व लोकप्रतिनिधी, जिल्हाधिकारी, पोलिस अधिक्षक, मुख्य कार्यकारी अधिकारी, आयुक्त चंद्रपूर शहर महानगरपालिका यांच्यासह नागरिकांची उपस्थिती राहणार आहे.

                डॉ. बाबासाहेबांनी भारताला सर्वोत्तम राज्यघटना दिली. त्यांच्या दूरदष्टीचा व कार्याचा गौरव करण्याकरीता जास्तीत जास्त नागरीक, विविध सामाजिक संघटना, क्रीडा मंडळे, शैक्षणिक संस्था, क्रीडा शिक्षक, खेळाडू व विद्यार्थ्यांनी स्वयंस्फुर्तीने या रॅलीत सहभागी व्हावे, असे आवाहन जिल्हा क्रीडा अधिकारी अविनाश पुंड यांनी केले आहे.

  • Industrial investment in Chandrapur । चंद्रपूरमध्ये औद्योगिक क्रांती! तब्बल ₹17,431 कोटींची गुंतवणूक आणि 14,100 रोजगारांची हमी

    Industrial investment in Chandrapur

    Industrial investment in Chandrapur : राज्य शासनाच्या 100 दिवसांच्या कृती कार्यक्रमाचा एक भाग असलेल्या ‘औद्योगिक गुंतवणुकीस पोषक वातावरण निर्मिती’ अंतर्गत चंद्रपूर जिल्ह्यात उद्योगांना भरारी देण्यासाठी 12 कंपन्यांसोबत सामंजस्य करार करण्यात आले. या उद्योगातून जिल्ह्यात 17431 कोटींची गुंतवणूक होणार असून त्यातून थेट 14100 रोजगार उपलब्ध होणार आहे. Chandrapur steel industry growth

    चंद्रपूर जिल्हा परिषदेत लाचलुचपत विभागाची मोठी कारवाई, ४ लाख २० हजारांची लाच स्वीकारताना तिघांना अटक

    नियोजन भवन येथे आज (दि.) जिल्हा प्रशासन व जिल्हा उद्योग केंद्राच्या वतीने डिस्ट्रीक्ट इन्व्हेस्टमेंट समीट – 2025 चे आयोजन करण्यात आले. यावेळी मंचावर आमदार सुधीर मुनगंटीवार, आमदार किशोर जोरगेवार, जिल्हाधिकारी विनय गौडा जी.सी., मुख्य कार्यकारी अधिकारी विवेक जॉन्सन, उद्योग विभागाचे सहसंचालक गजेंद्र भारती, मैत्री संस्थेचे नोडल अधिकारी पद्माकर हजारे, बांबू संशोधन व प्रशिक्षण केंद्राचे संचालक अशोक खडसे, जिल्हा उद्योग केंद्राचे महाव्यवस्थापक ऋतुराज सुर्य, विनोद ठोंबरे आदी उपस्थित होते.

    यावेळी आमदार सुधीर मुनगंटीवार म्हणाले, महाराष्ट्राच्या उद्योग क्रांतीमध्ये चंद्रपूर जिल्हा अग्रेसर असावा. आज सामंजस्य करार झालेल्या 12 उद्योगांपैकी 7 स्टील उद्योग आहेत. राज्यातील एकूण खनीज संपत्तीपैकी नागपूर विभागात 60 टक्के खनीज आहे, तर नागपूर विभागाच्या एकूण खनीजांपैकी 75 टक्के खनीज संपत्ती चंद्रपूर आणि गडचिरोली जिल्ह्यात आहे. विविध क्षेत्रातील उद्योग चंद्रपुरात यावे, यासाठी सर्वांनी एकत्रित प्रयत्न करणे गरजेचे आहे. उद्योगांसाठी जागा, पाणी, व इतर मुलभूत सोयीसुविधा चंद्रपूरमध्ये उपलब्ध असल्याचे त्यांनी सांगितले. Chandrapur investment summit 2025

    आमदार किशोर जोरगेवार म्हणाले, चंद्रपूर जिल्हा देशाच्या मध्यभागी असून उद्योगांसाठी वीज, रस्ते, पाणी आणि जमीन येथे मुबलक प्रमाणात आहे. तसेच दळणवळणाच्या उत्तम सोयीसुविधा असल्यामुळे गुंतवणूकदार येथे येतात. जिल्ह्यातील 35 हजार एकर जागा उद्योगांना द्यावी लागणार आहे. सामंजस्य करार झालेल्या उद्योजकांनी चंद्रपूरची निवड करून एक चांगले पाऊल टाकले आहे. येथील गुंतवणुकीमुळे तुमच्या उद्योगाला भरभराटी मिळेल, असा विश्वास त्यांनी व्यक्त केला.

    chandrapur steel industry growth

    यावेळी जिल्हाधिकारी विनय गौडा म्हणाले, सामंजस्य कराराची केवळ सुरूवात आहे. उद्योजकांना जिल्हा प्रशासन पूर्ण सहकार्य करेल. या उद्योगांमुळे जिल्ह्यात रोजगारनिर्मिती होण्यास मदत मिळेल. जिल्ह्यात गुंतवणूकदारांना प्रोत्साहन देणे, त्यांना मुलभूत सोयीसुविधा उपलब्ध करून देणे, जिल्ह्याचा सर्वांगीण विकास करून विकसीत भारत, विकसीत महाराष्ट्रासाठी एक संधी उपलब्ध करून देण्यासाठी या कार्यक्रमाचे आयेाजन करण्यात आले आहे. जिल्ह्यात इन्व्हेंस्टमेंट प्रमोशन कमिटी स्थापन करण्यात आली असून या माध्यमातून अडीअडचणी सोडविण्यात येत आहे, असे त्यांनी सांगितले. Chandrapur investment summit 2025

    यावेळी जिल्हाधिकारी आणि उद्योजकांचे प्रतिनिधी यांच्यात सामंजस्य करार करण्यात आले. कार्यक्रमाचे प्रास्ताविक सहसंचालक गजेंद्र भारती यांनी केले. संचालक श्याम हेडाऊ यांनी तर आभार महाव्यवस्थापक ऋतुराज सूर्य यांनी मानले.

    सर्वाधिक गुंतवणूक चंद्रपूर जिल्ह्यात : सामंजस्य करार करण्यात आलेल्या 12 कंपन्यांपैकी 7 उद्योग स्टील क्षेत्राशी संबंधित आहे. तर मायनिंग, बायोफ्यूएल, रेल्वे इन्फ्रास्ट्रक्चर, डिफेन्स मॅन्युफॅक्चरींग आणि केमिकल टेस्टींग क्षेत्राशी संबंधित प्रत्येकी एक उद्योग आहे. विशेष म्हणजे शासनाने नागपूर विभागाला 14 हजार कोटींचे लक्ष्य दिलेले असताना एकट्या चंद्रपूर जिल्ह्याने 17431 कोटींची गुंतवणूक आकर्षित केली आहे. ही गुंतवणूक यावर्षी आतापर्यंत राज्यात कोणत्याही एका जिल्ह्याने आकर्षित केलेली सर्वाधिक आहे. Chandrapur industrial projects

     अशी होणार गुंतवणूक आणि रोजगारक्षमता : 1) दिनानाथ अलॉएड स्टील प्रा. लिमिटेड 500 कोटी गुंतवणूक, 700 रोजगार निर्मिती, 2) डब्ल्यूसीएल भटाडी 729 कोटी गुंतवणूक, 425 रोजगार निर्मिती, 3)जी. आर. क्रिष्ण फेरो अलॉय प्रा. लिमि 750 कोटी गुंतवणूक, 1000 रोजगार निर्मिती, 4) भाग्यलक्ष्मी स्पाँज प्रा. लिमि  1053 कोटी गुंतवणूक, 750 रोजगार निर्मिती, 5) चमन मेटॅलिक लिमि 450 कोटी गुंतवणूक, 650 रोजगार निर्मिती, 6) गोवा स्पाँज ॲन्ड पॉवर लिमि 2000 कोटी गुंतवणूक, 1500 रोजगार निर्मिती, 7) कार्निव्हल इंडस्ट्रिज प्रा. लिमि 320 कोटी गुंतवणूक, 550 रोजगार निर्मिती, 8) पाटील रेल इन्फ्रास्ट्रक्चर प्रा. लिमि 100 कोटी गुंतवणूक, 250 रोजगार निर्मिती, 9) ग्रेटा एनर्जी लिमि 10319 कोटी गुंतवणूक, 7000 रोजगार निर्मिती, 10) डीएनडी एन्टरप्रायजेस प्रा. लिमि  100 कोटी गुंतवणूक, 250 रोजगार निर्मिती, 11) कालिका स्टील ॲन्ड पॉवर प्रा. लिमि 1100 कोटी गुंतवणूक, 1000 रोजगार निर्मिती, 12) जेपी असोसिएट्स लेबॉरटरीज 10 कोटींची गुंतवणूक आणि 25 रोजगारनिर्मिती.

  • Anti corruption raid in Chandrapur । चंद्रपूरमध्ये लाचखोरीचा भंडाफोड; अभियंता, सहाय्यक आणि परिचर रंगेहात अटकेत

    Anti corruption raid in Chandrapur

    ४.२० लाखांची लाच घेताना अधिकारी रंगेहात पकडले

    Anti corruption raid in Chandrapur : १० एप्रिल रोजी चंद्रपूर लाचलुचपत प्रतिबंधक विभागाने मोठी कारवाई करीत जिल्हा परिषद मधील ग्रामीण पाणी पुरवठा विभागात कार्यरत कार्यकारी अभियंता, वरिष्ठ सहायक ग्रामीण पाणी पुरवठा विभाग व कंत्राटी परिचर यांना ४ लाख २० हजार रुपयांची लाच घेताना रंगेहात अटक करण्यात आली आहे, लाचलुचपत विभागाच्या या कारवाईने जिल्हा परिषद वर्तुळात चांगलीच खळबळ उडाली आहे. government officer caught taking bribe

    चंद्रपूर जिल्ह्यातील ४ मनसे पदाधिकाऱ्यांवर गुन्हे दाखल

    शासनाच्या जल जीवन मिशन कार्यक्रमांतर्गत जिवती आणि राजुरा तालुक्यातील २३ गावांमध्ये पाणी पुरवठा संबंधी कामे जिवती येथील कंत्राटदाराने केले होते. १० गावातील कामांचे बिले ग्रामीण पाणी पुरवठा विभाग जिल्हा परिषद चंद्रपूर येथे मंजुरीकरिता सादर केले होते, त्यापैकी ५ गावातील कामांचे ४३ लक्ष रुपयांचे बिले कंत्राटदार यांना मिळाले. उर्वरित बिले मंजूर करण्यासाठी ग्रामीण पाणी पुरवठा विभागाचे कार्यकारी अभियंता हर्ष यशोराम बोहरे यांनी ४ लक्ष रुपयांची लाच संबंधित कंत्राटदाराला मागितली. Jal Jeevan Mission corruption

    लाचेची रक्कम वरिष्ठ सहायक सुशील गुंडावार यांच्याकडे देण्यास सांगितले. वरिष्ठ अधिकाऱ्याला ४ लक्ष रुपये मिळणार हि बाब गुंडावार यांना समजताच त्यांनी सुद्धा स्वतःसाठी २० हजार रुपयांची लाच मागितली. दोन्ही अधिकाऱ्यांचे एकूण ४ लक्ष २० हजार रुपये द्यावे लागणार असे समजताच कंत्राटदार यांनी चंद्रपूर लाचलुचपत विभागाकडे याबाबत तक्रार दिली.

    तक्रार प्राप्त झाल्यावर ७ एप्रिल ते ९ एप्रिल रोजी तक्रारीची पडताळणी करण्यात आली. १० एप्रिल रोजी चंद्रपूर लाचलुचपत विभागाने सापळा रचला असता चंद्रपूर जिल्हा परिषद परिसरात वरिष्ठ सहायक सुशील गुंडावार यांनी ४ लक्ष २० हजार रुपये पंचासमक्ष स्वीकारत, लाचेच्या रकमेतील २० हजार रुपये स्वतःसाठी काढले आणि उर्वरित ४ लक्ष रुपये परिचर मतीन शेख यांच्याकडे देत साहेबांच्या घरी नेऊन द्या असे सांगितले. शेख यांनी सदर रक्कम कार्यकारी अभियंता हर्ष बोहरे यांच्या घरी नेऊन दिली असता त्यावेळी लाचलुचपत विभागाने हर्ष बोहरे, सुशील गुंडावार व मतीन शेख यांना रंगेहात अटक केली.

    ११ एप्रिल रोजी तिन्ही लोकसेवक विरोधात रामनगर पोलीस स्टेशन चंद्रपूर मध्ये तक्रार नोंदविण्यात आला आहे. काही दिवसांपूर्वी लाचलुचपत विभागाने तहसीलदार व तलाठी यांच्यावर कारवाई केली होती, महसूल नंतर मिनी मंत्रालयातील अधिकारी लाचखोरी मध्ये अडकल्याने चंद्रपूर जिल्हा प्रशासनात चांगलीच खळबळ उडाली आहे.

    सदरची यशस्वी कारवाई पोलीस अधीक्षक दिगंबर प्रधान, अप्पर पोलीस अधीक्षक संजय पुरंदरे यांच्या मार्गदर्शनाखाली पोलीस उपअधीक्षक मंजूषा भोसले यांच्या नेतृत्वात पोलीस निरीक्षक जितेंद्र गुरनुले, पोलीस कर्मचारी शिवराज नेवारे, नरेशकुमार नन्नावरे, रोशन चांदेकर, अमोल सिडाम, प्रवीण ताडाम, वैभव गाडगे, पुष्पा काचोळे, सतीश सिडाम व संदीप कौरासे यांनी केली.

    ब्रेकिंग अपडेट – लाचखोर अभियंता हर्ष बोहरे यांच्या निवासस्थानी चंद्रपूर लाचलुचपत विभागाला 7 लाख 99 हजार 510 रुपयांची रोख रक्कम आढळली आहे. तिन्ही आरोपीना 2 दिवसांची पोलीस कोठडी सुनावण्यात आली आहे.

  • Chandrapur thermal power plant news । खासदार प्रतिभा धानोरकरांचा संताप – “कामगारांवर अन्याय करणाऱ्या अधिकार्यांवर तात्काळ कारवाई करा!”

    Chandrapur thermal power plant news

    Chandrapur thermal power plant news : चंद्रपूर शहरालगत असलेल्या आशिया खंडातील सर्वात मोठा असलेल्या चंद्रपूर महाऔष्णीक विद्युत केंद्रात काही अधिकारी कंत्राटदाराचे हित साधण्यासाठी कर्मचाऱ्यांना सावत्र वागणूक देत असल्याचा आरोप खासदार प्रतिभा धानोरकर यांनी मुख्य अभियंता, चंद्रपूर महाऔष्णीक विद्युत केंद्र यांना पाठविलेल्या पत्राद्वारे केला आहे. Firefighting staff layoffs Chandrapur

    गडचांदूरात घडली धक्कादायक घटना

    चंद्रपूर महाऔष्णीक विद्युत केंद्रातील 28 कंत्राटी अग्निशमन कर्मचाऱ्यांना मागील 3 ते 4 महिन्यांपासून कामावरुन कमी केल्याने त्यासंदर्भात सदर कंत्राटी कर्मचाऱ्याने चंद्रपूर येथील खासदार धानोरकर यांच्या जनता दरबारात आपबीती मांडली. अग्निशमन सारख्या महत्त्वाच्या ठिकाणी सेवा देऊन देखील वर्षभरातून 4 महिने काम मिळत नसल्याची खंत देखील कामगारांनी व्यक्त केली.

    कामगारांचे नुतृत्व करणाऱ्यांना कामगारांना जाणीपुर्वक डावलेले जात असल्याचा आरोप देखील यावेळी करण्यात आला. या संदर्भात खासदार धानोरकर यांनी मुख्य अभियंता यांना पत्र पाठवून सर्व कर्मचाऱ्यांना तात्काळ कामावर घेण्यासंदर्भात सांगण्यात आले. त्यासोबतच, किमान वेतन व वर्षभर काम या संदर्भात देखील पत्र व्यवहार करण्यात आला.

    तसेच, वारंवार कंत्राटदाराचे हित जोपासून कामगारांवर अन्याय करणाऱ्या अधिकाऱ्यांवर तात्काळ कार्यवाही करण्याची मागणी खासदार धानोरकर यांनी पत्राद्वारे केली. या संदर्भात लवकरच मुख्य अभियंता तसेच, महाऔष्णीक विद्युत केंद्रातील विविध कामगार संघटनांच्या प्रतिनिधींसह बैठक घेणार असल्याचे खासदार धानोरकर यांनी पत्राद्वारे सांगितले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by