My Blog

Tag: News34 chandrapur

  • Mahavitaran lucky draw winners list । महावितरणचा लकी ड्रॉ: विजेत्यांची नावे जाहीर!

    Mahavitaran lucky draw winners list

    Mahavitaran lucky draw winners list : चंद्रपूर:- महावितरणच्या लकी डिजिटल ग्राहक योजनेचा पहिला लकी ड्रा ऑनलाईन पध्दतीने दि. ७ एप्रिल २०२५ रोजी काढण्यात आला. या लकी ड्रॉतून पहिल्या क्रमांकाचे 29 तर दुसऱ्या क्रमांकासाठी 58 व तिसऱ्या क्रमांकासाठी 58 विजेते जाहिर करण्यात आले. विजेत्या ग्राहकांची यादी महावितरणच्या संकेतस्थळावर उपलब्ध करून देण्यात आली आहे. Mahavitaran lucky draw first prize winners

    चंद्रपुरात भारतीय जनता पार्टीच्या भवनासाठी एक एकर जागा देणार, आमदार जोरगेवार यांची घोषणा


    प्रत्येक उपविभाग स्तरावर एक या प्रमाणे पहिल्या क्रमांकाकरिता 29 विजेत्या ग्राहकांना स्मार्ट फोन बक्षिस म्हणून दिले जात आहे. तर प्रत्येक उपविभागात प्रत्येकी दोन प्रमाणे दुसऱ्या क्रमांकासाठी 58 विजेत्या ग्राहकांना स्मार्ट फोन व प्रत्येकी दोन प्रमाणे तिसऱ्या क्रमांकासाठी 58 विजेत्या ग्राहकांना स्मार्ट वॉच बक्षिस म्हणून दिले जात आहे. यापुढील लकी ड्रॉ मे व जून २०२५ या महिन्यात काढण्यात येईल.


    महावितरणने ऑनलाईन वीज बिल भरणाऱ्या ग्राहकांचा टक्का वाढविण्याच्या हेतूने लकी डिजिटल ग्राहक योजना सुरू केली आहे. या योजनेसाठी ऑनलाईन पध्दतीने वीज बिल भरणा करणारे सर्व लघुदाब वीज ग्राहक पात्र ठरणार आहेत. १ जानेवारी ते ३१ मे २०२५ या कालावधीत सलग तीन वा तीन पेक्षा अधिक वीज बिले ऑनलाईन पध्दतीने भरून योजनेच्या लाभाची संधी ग्राहकांना उपलब्ध करण्यात आली आहे.


    ही योजना महावितरणच्या अशा लघुदाब चालू (एल टी- लाईव्ह) वीजग्राहकांसाठी लागू असून, ज्यांनी ०१ एप्रिल २०२४ पूर्वी मागील एक वर्ष म्हणजे ०१.०४.२०२३ ते ३१.०३.२०२४ या कालावधीत ऑनलाईन वीज देयक भरणा पर्याय वापरलेला नाही. अधिक माहितीसाठी महावितरणच्या अधिकृत संकेतस्थळास www.mahadiscom.in भेट द्यावी. (How to check Mahavitaran lucky draw results)
    ग्राहक रांगेत उभे राहण्यापेक्षा वेळ, श्रम व पैशांची बचत करीत डिजिटल पध्दतीने वीज बिल भरणा करण्यास प्राधान्य देत आहेत. ग्राहकांना डिजिटल पध्दतीने वीज बिलाचा भरणा करता यावा, यासाठी महावितरणकडून संकेतस्थळ, महावितरण मोबाईल ॲपची सुविधा ग्राहकांना उपलब्ध करून दिलेली आहे. Mahavitaran lucky draw prizes

    ग्राहकांना देय रक्कमेवर ०.२५ टक्के डिजिटल वीज बिल भरणा सूट दिली जाते. परिणामी सध्या राज्यात ७० टक्के हून अधिक वीज ग्राहक ऑनलाईन पध्दतीने वीज बिलाचा भरणा करीत आहेत. हे प्रमाण वाढविण्यासाठी ग्राहकांना प्रोत्साहन देण्यासाठी लकी डिजिटल ग्राहक योजना राबविण्यात येत आहे.


    या योजनेच्या कालावधीत ग्राहकाने नेट बँकिंग, डेबिट कार्ड, क्रेडिट कार्ड, यूपीआय, वॉलेट, कॅश कार्ड, एनएसीएच, क्यूआर कोड, एनईएफटी, आरटीजीएस इ. ऑनलाईन वीज बिल भरणा पर्याय वापरून लकी ड्रॉ महिन्याच्या अगोदर दरमहा एकप्रमाणे सलग तीन किंवा तीन पेक्षा जास्त महिने वीज बिल भरणे आवश्यक राहील. अधिक माहितीसाठी महावितरणच्या अधिकृत संकेतस्थळास www.mahadiscom.in भेट द्यावी. जनसंपर्कअधिकारी, महावितरण, चंद्रपूर

  • Pratibha Dhanorkar news । संसदेतून थेट जनतेच्या दरबारात: प्रतिभा धानोरकर यांची समस्या निवारणासाठी तत्परता!

    Pratibha Dhanorkar news

    Pratibha Dhanorkar news : लोकसभेचे अर्थसंकल्पीय अधिवेशन संपताच खासदार प्रतिभा धानोरकर या जनतेच्या समस्या सोडविण्यासाठी पुढे आल्या असून त्यांच्या माध्यमातून आज दि. 07 एप्रिल रोजी वरोरा येथे जनता दरबाराचे आयोजन करण्यात आले होते.

    चंद्रपूर बस स्थानकावर शिवाई बसने चिरडला ऑटो चालकाचा पाय

    खासदार प्रतिभा धानोरकर यांनी जनतेच्या प्रत्येक समस्या सोडविण्यासाठी कटिबध्द असल्याचे मत वरोरा येथील आयोजीत जनता दरबाराच्या वेळीस केले. अर्थ संकल्पीय अधिवेशनात आपल्या लोकसभेतील अनेक प्रश्नांचा पाढा केंद्र सरकार समोर वाचून आता त्या पुन्हा एकदा जनसेवेत रुजू झाल्या आहेत.

    वरोरा येथे आयोजित जनता दरबारात अनेक नागरिकांच्या समस्यासंदर्भात त्यांनी निराकरण केले. अनेक नागरिकांनी आज आयोजित जनता दरबारात लेखी निवेदनासह खासदार धानोरकर यांच्याकडे समस्या मांडल्या. या संदर्भात खासदार धानोरकर यांनी अनेक समस्यांच्या निराकरणासंदर्भात संबंधित अधिकाऱ्यांना फोन लावून नागरीकांच्या समस्या सोडविल्या.

    यावेळी, खासदार धानोरकरांनी प्रत्येक नागरीकांची समस्या ही माझ्याकडून सोडविण्यासाठी नेहमी प्रयत्न केले जाईल अशे आश्वासित मत व्यक्त केले. येणाऱ्या काळात प्रत्येक तालुक्यात तसेच, जिल्हा परिषद क्षेत्रात जनता दरबाराचे आयोजन करुन नागरीकांच्या समस्या सोडविण्यासाठी प्रयत्न करणार असल्याचे खासदार प्रतिभा धानोरकर यांनी सांगितले. 

  • sudhir mungantiwar on gharkul yojana sand । रेतीचा प्रश्न सोडवणार! मुनगंटीवारांचा पुढाकार; 3,528 घरकुलांची कामे मार्गी लागणार?

    sudhir mungantiwar on gharkul yojana sand

    sudhir mungantiwar on gharkul yojana sand : घरकुल योजना ही शासनाची महत्त्वाकांक्षी योजना असून, ग्रामीण व शहरी गरजू कुटुंबांना घराची सोय व्हावी यासाठी ही योजना राबवली जाते. मात्र, पोंभुर्णा तालुक्यातील अनेक घरकुल लाभार्थ्यांना रेती उपलब्ध न झाल्यामुळे घरबांधणीच्या कामात विलंब होत आहे. घरबांधणीसाठी आवश्यक असलेली रेतीची अडचण सोडविण्यासाठी मी कटिबद्ध आहे. Free sand for rural housing

    चंद्रपुरात भाजप भवनासाठी आमदार किशोर जोरगेवार देणार १ एकर जमीन

    राज्याचे महसूल मंत्री चंद्रशेखरजी बावनकुळे आणि जिल्हाधिकारी यांच्यासोबत बैठक घेऊन विस्तृत चर्चा करण्यात येईल. चर्चेतून लाभार्थ्यांना अधिक सुलभतेने रेती मिळण्याचा मार्ग मोकळा होईल आणि पोंभुर्णा तालुक्यातील रेती आणि घरकुलाचा प्रश्न लवकरच मार्गी लावण्यात येईल, अशी ग्वाही राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी व्यक्त केला. Sudhir Mungantiwar sand distribution

    पोंभूर्णा तालुक्यातील घरकुल योजनेच्या लाभार्थ्यांना रेती उपलब्ध करून देण्यासंदर्भात वनविश्रामगृह येथे बैठकीचे आयोजन करण्यात आले होते.यावेळी माजी खासदार अशोक नेते, तहसीलदार पोंभुर्णा रेखा वाणी, गट विकास अधिकारी पंचायत समिती पोंभुर्णा विवेक बेल्लारवार, भाजपा प्रदेश महामंत्री अल्काताई आत्राम, सुलभाताई पिपरे,हरिभाऊ ढवस, विनोद देशमुख,राहुल संतोषवार,रोशन ठेंगणे, रवी मरपल्लीवार,राहुल पाल,अजित मंगळगिरीवार, दर्शन गोरंटीवार, ऋषी कोटरंगे, रवी गेडाम, तुळशीराम रोहनकर, बंडु बुरांडे,विस्तार अधिकारी प्रणय गरमडे, उप अभियंता प्रदीप बाराहाते आदिंची उपस्थिती होती.

    आमदार श्री. सुधीर मुनगंटीवार म्हणाले, अर्ज केल्यानंतर 15 दिवसाच्या आत रेती उपलब्ध करून द्यायचा निर्णय केला आहे. मात्र, त्याची अंमलबजावणी वेळेत होत नाही. पोंभूर्णा तालुक्यातील 3,528 अपूर्ण घरकुल पूर्ण करण्याकरिता 17 हजार 640 ब्राॅस रेतीची आवश्यकता आहे. घरकुलांना रेती उपलब्ध करून देण्याच्या संदर्भात जिल्हाधिकाऱ्यांसमवेत चर्चा करण्यात आली असून काही अंशी रेती उपलब्ध करून देण्यात येणार आहे.

    घरकुल लाभार्थ्यांनी छोटे-छोटे घाट आरक्षित करून प्रत्येक गावातील घरकुलांना लागणारी रेती तहसीलदार आणि तलाठी यांच्या निरीक्षणात न्यायची. असा महाराष्ट्रातला पहिला प्रयोग करून आपण घरकुलांना मोफत रेती उपलब्ध करून द्यायची. रेती मिळण्यास येणाऱ्या अडचणी सोडविण्यासाठी राज्याचे महसूल मंत्री चंद्रशेखरजी बावनकुळे यांच्याशी बैठकीत सविस्तर चर्चा करण्यात येईल. पोंभुर्णा तालुक्यातील रेती आणि घरकुलाच्या प्रश्न मार्गी लावणार असल्याचेही ते म्हणाले.

    त्यासोबतच, पोंभुर्णा तालुक्यामध्ये पाणीपुरवठ्याच्या 32 योजना कार्यान्वित आहे. ज्या गावांमध्ये फ्लोराइड युक्त आणि दूषित पाणी आहे त्याची माहिती घ्यावी. पाणीटंचाईमध्ये ट्युबवेल, विहिरी, सोलर पंप लावून पाण्याच्या योजना आखण्यात येईल, असे आमदार श्री. सुधीर मुनगंटीवार म्हणाले.

  • IDFC Bank Chandrapur Marathi language issue । मनसेचा मराठीसाठी रणसंग्राम – बँकांतील इंग्रजी फलक उतरवले

    IDFC Bank Chandrapur Marathi language issue

    IDFC Bank Chandrapur Marathi language issue : बॅकेचं कामकाज मराठीतच हवं ह्यासाठी रिझर्व्ह बॅकेचं पत्रक आधी बघून आपल्या बैंकेत मराठी भाषेतून कामकाज चालवा अन्यथा महाराष्ट्र नवनिर्माण मनसे स्टाईल आंदोलन करेल असा इशारा देतं चंद्रपूर मनसे पदाधिकारी यांनी आय.डी.एफ.सी बैंकेच्या व्यवस्थापककडे निवेदन देऊन दम दिला. Chandrapur MNS bank protest Marathi language

    idfc bank chandrapur marathi language issue

    यावेळी बैंकेच्या कार्यालयात भिंतीवर असलेले इंग्रजीतील जाहिरात पत्रक काढून व बोर्डावरील इंग्रजी भाषेतील मजकूर खोदून मराठीत सर्व जाहिरात व फलक लावा असा आग्रह सुद्धा करण्यात आला यावेळी मनसे कामगार सेना जिल्हाध्यक्ष अमन अंधेवार, मनसे जिल्हा उपाध्यक्ष राजू कुकडे, वाहतूक सेना जिल्हाध्यक्ष महेश वासलवार, जनहीत कक्ष विभाग जिल्हाध्यक्ष सुनील गुढे व इतर महाराष्ट्र सैनिक उपस्थित होते. Chandrapur MNS warns banks over Marathi

    ७० रुपयांसाठी चंद्रपुरातील पेट्रोल पंपावर वाद

    मनसे अध्यक्ष राजसाहेब ठाकरे यांनी गुढी पाडवा मेळाव्यात राज्यातील सर्व बैंकेतील कामकाज मराठीतून व्हावं यासाठी महाराष्ट्र सैनिकांनी प्रत्येक बैंकेत जाऊन प्रथम बैंक अधिकाऱ्यांना समज द्यावी असे सांगितले जर ते ऐकले नाही तर मनसे स्टाईल आंदोलन करून त्यांना समज द्यावी.

    chandrapur mns warns banks over marathi

    यांनतर चंद्रपूर जिल्ह्यात सुद्धा मनसे कामगार सेने जिल्हाध्यक्ष मन अन्देवार यांच्या नेतृत्वात विविध बँकेत जाऊन बँक अधिकाऱ्यांना कार्यालयात मराठी भाषेचा वापर करावा असे सांगत बँकेतील इंग्रजी शब्दातील फलक काढण्यात आले

  • MNS demands Marathi in banks । मराठीचा अपमान खपवून घेतला जाणार नाही – मनोज तांबेकर यांचा इशारा

    MNS demands Marathi in banks

    चंद्रपूरातील सर्व बँकांना मराठीसाठी निवेदन – मनसेचा निर्णायक इशारा

    MNS demands Marathi in banks : चंद्रपूर | चंद्रपूर शहरातील सर्व बँकांमध्ये मराठी भाषा वापरणे सक्तीचे करावे, अन्यथा तीव्र आंदोलन करण्यात येईल, असा इशारा महाराष्ट्र नवनिर्माण सेनेने (मनसे) दिला आहे. मनसेच्या रोजगार व स्वयंरोजगार विभागाचे जिल्हाध्यक्ष मनोज तांबेकर यांच्या नेतृत्वाखाली मनसेच्या शिष्टमंडळाने शहरातील विविध बँकांना मराठी भाषेच्या वापराबाबत निवेदन सादर केले. Marathi language usage in banks

    चंद्रपुरात ७० रुपयांच्या पेट्रोल वरून वाद

    या निवेदनात नमूद करण्यात आले की, महाराष्ट्रात राहून मराठी भाषा न बोलणं ही मराठी जनतेचा आणि भाषेचा थेट अपमान आहे. अनेक बँकांमध्ये आजही परप्रांतीय कर्मचारी कार्यरत असून, त्यांना मराठी येऊनही ते मुद्दामहून मराठी भाषा टाळतात. याचा फटका मुख्यतः सर्वसामान्य ग्राहकांना – विशेषतः मजूर आणि ग्रामीण भागातून आलेल्या लोकांना – बसतो. अशा ग्राहकांना हिंदी येत नसल्याने त्यांना बँकिंग व्यवहार करताना मोठ्या अडचणींचा सामना करावा लागतो. काही वेळा तर बँकेचे कर्मचारी उद्धटपणे “मुझे मराठी आती नही, तुमको हिंदी आती है तो बात करो” अशा स्वरूपाचे अपमानास्पद वक्तव्य करतात.

    मनसेच्या निवेदनात म्हटले आहे की, महाराष्ट्रात कार्यरत असलेल्या प्रत्येक बँक कर्मचाऱ्याला मराठी भाषा अवगत असणे आवश्यक आहे. ज्या कर्मचाऱ्यांना मराठी येत नाही त्यांनी तात्काळ आपल्या पदाचा राजीनामा द्यावा, अशी स्पष्ट मागणीही मनसेने केली आहे. मराठी भाषेचा अवमान महाराष्ट्र नवनिर्माण सेना कधीच सहन करणार नाही, असा ठाम इशाराही यावेळी देण्यात आला. Manoj Tambekar bank language protest

    निवेदन देताना मनसेचे रोजगार व स्वयंरोजगार विभागाचे जिल्हाध्यक्ष मनोज तांबेकर यांच्यासह जिल्हा सचिव किशोर मडगुलवार, राज वर्मा, संदीप पटेल, महिला आघाडीच्या वर्षा ताई भोमले, मंदा ताई कहाडे, शिवराज चौहान आणि इतर मनसैनिक उपस्थित होते.

    मनसेने स्पष्टपणे सांगितले आहे की, जर बँकांनी मराठी भाषेचा वापर वाढवला नाही, तर लवकरच तीव्र स्वरूपाचे आंदोलन छेडले जाईल.

  • pratibha dhanorkar on gondia ballarshah railway । चंद्रपूर लोकसभा क्षेत्रात रेल्वे विकासाची नवी पहाट: खासदार धानोरकर यांच्या प्रयत्नांना यश!

    pratibha dhanorkar on gondia ballarshah railway

    pratibha dhanorkar on gondia ballarshah railway : खासदार प्रतिभा धानोरकर या चंद्रपूर-वणी-आर्णी लोकसभा क्षेत्राच्या विकासासाठी सदैव कटिबद्ध असल्याचे दिसुन येत आहे. खासदार धानोरकर यांनी निवडून आल्यानंतर 18 जुलै 2024 रोजी रेल्वे मंत्री अश्विनी वैष्णव तसेच, महाप्रबंधक दक्षिण-पुर्व-मध्ये रेल्वे यांना पत्र पाठवून गोंदिया-बल्लारशहा रेल्वे मार्गाच्या दुहेरीकरणाची मागणी केली होती. त्या मागणी ला यश प्राप्त झाले असून 04 एप्रिल 2025 रोजी झालेल्या केंद्रीय मंत्रिमंडळाच्या बैठकीत सदर मार्गाच्या दुहेरीकरणासाठी 4819 कोटी रुपयांचा निधी मंजूर करण्यात आला. railway development chandrapur

    चंद्रपूर जिल्ह्यात वाघाच्या हल्लयात शेतकरी ठार

    खासदार प्रतिभा धानोरकर यांनी चंद्रपूर जिल्ह्यातील रेल्वे समस्या संदर्भात वारंवार आढावा घेऊर चंद्रपूर लोकसभा क्षेत्रातील रेल्वे समस्या दुर करण्याच्या संदर्भात रेल्वे मंत्री अश्विनी वैष्णव यांची भेट घेतली होती. खासदार म्हणून निवडून आल्यानंतर चंद्रपूर जिल्ह्यातील रेल्वे चे जाळे मजबूत करण्यासंदर्भात त्यांनी आपले मत व्यक्त केले होते.

    बल्लारशा -गोंदिया रेल्वे मार्गाच्या दुहेरीकरणासाठी देखील मा. रेल्वे मंत्री अश्विनी वैष्णव यांनी वरील प्रकल्पा संदर्भात सकारात्मक असल्याचे आश्वासन दिले होते. खासदार धानोरकर यांच्या मागणीला यश आल्याने चंद्रपूर जिल्ह्यातील रेल्वे प्रवाशांसह गडचिरोली, भंडारा, गोंदिया येथील नागरीकांना देखील याचा लाभ होणार आहे. या संदर्भात खासदार प्रतिभा धानोरकर यांनी केंद्र सरकार व रेल्वे मंत्री यांचे आभार मानले आहे. railway line doubling benefits

  • pregnancy weight monitoring । “चंद्रपूर जिल्ह्यात २५,००० कुटुंबांमध्ये होणार आरोग्याची मोहीम – ‘वेट स्टिकर’चा नवा प्रयोग”

    pregnancy weight monitoring

    pregnancy weight monitoring : जिल्ह्यातील माता मृत्यू आणि कुपोषणाचे प्रमाण कमी करण्यासाठी जिल्ह्याच्या आरोग्य विभागाने नाविन्यपूर्ण  “वेट स्टिकर “योजना उपक्रम मा. विवेक जॉनसन , मुख्य कार्यकारी अधिकारी, जि.प.चंद्रपूर यांचे विशेष मार्गदर्शनाखली व डॉ.अशोक कटारे, जिल्हा आरोग्य अधिकारी जि.प.चंद्रपूर यांचे विशेष नियोजनाखाली राबविण्यात येणार व सदर उपक्रमाचा शुभारंभ जिल्हास्तरावरुन मान्यवरांच्या शुभहस्ते दि. 7 एप्रिल 2025 रोजी जागतिक आरोग्य दिनी करण्यात येणार आहे. Chandrapur district pregnancy monitoring program

    चंद्रपुरात ७० रुपयांच्या पेट्रोलवरून वाद

     गरोदर मातांचे मृत्यू हे योग्य आहार न घेतल्याने व बाळंतपणात वजनाचे लक्ष्य साध्य न झाल्याने  होत असल्याचे निदर्शनास दिसुन आले आहे. याकरीता गरोदरपणाची नोंदणी झाल्याबरोबर उंची आणि वजन सूत्रानुसार ( बीएमआय ) गरोदर मातेच्या घरी दर्शनी भागात गरोदर मातेचे अपेक्षित असलेले वजन “वेट स्टिकर” च्या सजवलेल्या आकड्यात लावण्याचे निश्चित करण्यात आले आहे. rural pregnancy care programs


    चंद्रपूर जिल्ह्यात गेल्या आर्थिक वर्षात 22 माता मृत्यूची नोंद झालेली आहे. गरोदर मातांना आपले वजन किती वाढले पाहिजे याबाबतचे लक्ष्य निर्धारित करण्यासाठी अशा पद्धतीच्या उपक्रमाची योजना आखण्यात आली आहे. गरोदर मातेचे वजन योग्य नसल्यास  वेळे आधी  प्रसुती, गर्भपात व माता बालमृत्यू ओढविण्याचा जास्त संभव असतो.  हे टाळण्यासाठी  बाळंतपणाच्या तिसऱ्या  महिन्यापासून स्थानिक  प्रा.आ. केंद्र ,आरोग्य उपकेंद्रातील  आरोग्य कर्मचारी, आशा वर्कर यांच्या मार्फत ठराविक काळात वजनाची  नोंदणी केली जाते. मात्र गरोदर मातेचे कुटुंब वजनाबाबत फारसे गंभीर नसतात. त्यांच्यात जनजागृती व्हावी असा दृष्टीकोन ठेउन व जागतिक आरोग्य दिनाचे औचित्य साधुन सदर उपक्रम राबविण्यात येत आहे. Awareness campaigns to reduce maternal deaths in Maharashtra

    यावर्षी जागतिक आरोग्य संघटनेने दिलेले घोषवाक्य “आरोग्यदायी सुरवात, आशांदायी भविष्य ” साधण्यासाठी अशा पद्धतीने वेट स्टिकर उपक्रम राबविण्याचे नियोजन आरोग्य विभाग, जि.प.चंद्रपूर यांनी केले आहे. या संपूर्ण उपक्रमात  जिल्हा आरोग्य अधिकारी, तालुका आरोग्य अधिकारी ,प्राथमिक आरोग्य केद्र व आरोग्य उपकेंद्र स्तरावरील आरोग्य विभागील  कर्मचारी  यांचा  सहभाग राहाणार आहे . यामुळेच कार्यक्रमाची  व्याप्ती  व गुणवत्ता वाढणार आहे. यावर्षी जिल्ह्यातील  25 हजार गरोदर मातांच्या घरी जाउन ,कुटुंब सभा घेउन स्टिकर लावून याबाबतचे फायदे सांगितले जाणार आहे. तरी गावातील जनतेने सहकार्य करण्याचे आवाहन जिल्हा आरोग्य प्रशासनातर्फे करण्यात येत आहे.

  • petrol pump fraud chandrapur । ’70 रुपयांच्या पेट्रोलवरून वाद!’ चंद्रपुरात पेट्रोल पंपावर ग्राहकांची फसवणूक!

    petrol pump fraud chandrapur

    petrol pump fraud chandrapur : चंद्रपूर: चंद्रपूर शहरातील वासेकर पेट्रोल पंपावर ग्राहकाची फसवणूक झाल्याचा धक्कादायक प्रकार समोर आला आहे. घुटकाला वॉर्डातील भारत मुधोळकर यांनी 70 रुपयांचे पेट्रोल टाकले, मात्र 100 मीटरवरच त्यांची दुचाकी बंद पडली. या घटनेमुळे पंपावर एकच गोंधळ उडाला. 70 rupees petrol

    चंद्रपूर जिल्ह्यात वाघाच्या हल्ल्यात ९ वा बळी

    मिळालेल्या माहितीनुसार, भारत मुधोळकर हे सकाळी रामनगर येथील सेंट मायकल शाळेत गेले होते. त्यांच्या मोपेडमध्ये (क्रमांक एमएच 34 एजे 7611) पेट्रोल कमी असल्याने त्यांनी शाळेजवळच्या वासेकर पेट्रोल पंपावर 70 रुपयांचे पेट्रोल टाकले. त्यानंतर ते घरी निघाले असता सेंट मायकल शाळेजवळच त्यांची दुचाकी बंद पडली.

    भारतने दुचाकी तपासली असता त्यात पेट्रोलचा एक थेंबही नव्हता. त्यांनी तातडीने पेट्रोल पंपावर जाऊन कर्मचाऱ्यांना जाब विचारला. सुरुवातीला कर्मचाऱ्यांनी उडवाउडवीची उत्तरे दिली. नंतर कर्मचाऱ्यांनी 500 रुपयांचे पेट्रोल टाकण्याचे आमिष दाखवले, मात्र भारतने कर्मचाऱ्यांवर फसवणुकीचा आरोप केला. petrol pump customer rights

    पंपावरील कर्मचाऱ्यांनी पेट्रोल टाकल्याचे सांगितले, मात्र पेट्रोल वाहनात आले की नाही, याबाबत ते मूग गिळून बसले. यापूर्वीही वासेकर पेट्रोल पंपावर असे प्रकार घडल्याची तक्रार नागरिकांनी केली आहे. पंपावरील इलेक्ट्रॉनिक मशीनमध्येही फेरफार केल्याचा आरोप नागरिकांनी केला आहे. त्यामुळे नागरिकांनी पेट्रोल भरताना सावध राहावे, असे आवाहन करण्यात आले आहे.

  • tiger attack on farmer । उमा नदीकाठी मृत्यूचं तांडव: वाघाने घेतला युवा शेतकऱ्याचा बळी!

    tiger attack on farmer

    tiger attack on farmer : मूल: चंद्रपूर जिल्ह्यातील मूल तालुक्यातील चितेगाव येथे शनिवारी सकाळी एका युवा शेतकऱ्यावर वाघाने हल्ला करून त्याला ठार केले. शेषराज पांडुरंग नागोशे (वय 38) असे मृत शेतकऱ्याचे नाव आहे. या घटनेने परिसरात भीतीचे वातावरण निर्माण झाले आहे. farmer killed by wild animal

    वन्यजीव आता तुमच्या दारात, संरक्षण भिंत कोसळली

    मिळालेल्या माहितीनुसार, शेषराज हे त्यांच्या शेतातील भाजीपाला पिकाला पाणी देण्यासाठी गेले होते. उमा नदीच्या परिसरात असलेल्या त्यांच्या शेतात दबा धरून बसलेल्या वाघाने त्यांच्यावर अचानक हल्ला केला. यात त्यांचा जागीच मृत्यू झाला. या घटनेमुळे परिसरात एकच खळबळ उडाली आहे.

    वाघाच्या दहशतीमुळे नागरिक भयभीत:

    चितेगाव परिसरात वाघाचा वावर वाढल्याने नागरिक भयभीत झाले आहेत. गुरुवारी याच वाघाने गावात घुसून एक गाय आणि एका गोऱ्ह्याला ठार केले होते. त्यानंतर लगेच दुसऱ्या दिवशी ही प्राणघातक घटना घडली. यामुळे शेतकरी, शेतमजूर आणि गुराखी यांच्यात भीतीचे वातावरण निर्माण झाले आहे. नरभक्षक वाघाचा त्वरित बंदोबस्त करावा, अशी मागणी नागरिकांनी केली आहे. tiger attacks in Maharashtra

    2025 मध्ये वाघाच्या हल्ल्यात 9 जणांचा मृत्यू:

    या घटनेमुळे परिसरात वन्यजीव आणि मानव यांच्यातील संघर्ष पुन्हा एकदा वाढला आहे. 2025 या चालू वर्षात अवघ्या ४ महिन्यातच वाघांच्या हल्ल्यात 9 जणांचा मृत्यू झाला आहे.

    वन विभागाकडून पंचनामा:

    या घटनेची माहिती मिळताच वन विभागाचे अधिकारी आणि कर्मचारी घटनास्थळी दाखल झाले. त्यांनी पंचनामा केला असून, पुढील तपास सुरू केला आहे. या घटनेमुळे नागोशे कुटुंबावर दुःखाचा डोंगर कोसळला आहे.

  • Janvikas Sena protest Chandrapur । ‘आमच्या शहराचा विनाश थांबवा!’ – चंद्रपूरमध्ये जनविकास सेनेचं आंदोलन पेटलं

    Janvikas Sena protest Chandrapur

    Janvikas Sena protest Chandrapur : चंद्रपूर : ‘मेन रोड तो झाकी है, पुरा शहर खोदना बाकी है’, महानगरपालिकेच्या वतीने असा लक्षवेधी व खोचक नारा देऊन जनविकास सेनेने गांधी चौकातील मनपा इमारती समोर उभ्या असलेल्या आयुक्त विपिन पालीवाल यांच्या चार चाकी वाहनावर खेळण्यातील नकली नोटांची उधळण केली. जनविकास सेनेचे संस्थापक अध्यक्ष माजी नगरसेवक पप्पू देशमुख यांनी एका लाल ब्रिफकेस मध्ये आणलेल्या या नकली नोटा जनविकास सेनेच्या कार्यकर्त्यांनी आयुक्ताच्या वाहनावर उधळल्या.

    महाकाली यात्रा – चंद्रपुरातील वाहतूक व्यवस्थेत बदल

    केवळ कमिशनच्या हव्यासापोटी व मर्जीतील कंत्राटदाराच्या हितासाठी मनपातर्फे 506 कोटी रुपयांची नविन भुमिगत गटार योजना राबविण्यात येत आहे. या योजनेसाठी केवळ मुख्य रस्तेच नाही तर संपूर्ण शहरातील रस्ते पुन्हा एकदा खोदण्यात येतील असा जनविकास सेनेचा दावा आहे. Chandrapur sewage scheme controversy

    pappu deshmukh chandrapur


    नवीन गटार योजनेच्या खोदकामाला तातडीने स्थगिती देण्यात यावी व या योजनेच्या निविदा प्रक्रियेतील 50 कोटी रुपयांच्या गैर-व्यवहाराची चौकशी करण्यात यावी तसेच 15 वर्षांपूर्वी काम झालेल्या 100 कोटी रुपयांच्या जुन्या भूमिगत गटार योजनेचे काय झाले ? याची, 234 कोटी रुपयांची पहिली अमृत पाणीपुरवठा योजना व मनपातील इतर सर्व घोटाळ्यांची एसआयटी मार्फत चौकशी करण्यात यावी, अशी जनविकास सेनेची मागणी आहे. माजी नगरसेवक देशमुख यांनी मनापातील कोट्यावधी रुपयांच्या अनेक घोटाळ्यांची पुराव्यासह शासन-प्रशासनाकडे तक्रार केली. तक्रारीनंतर शासनाने अनेक निविदा रद्द केल्या परंतु दोषी अधिकाऱ्यांविरुद्ध कोणतीही कारवाई केली नाही. Pappu Deshmukh Chandrapur


    मुख्यमंत्र्यांना पाठवणार एक लक्ष्य सह्यांचे पत्र

    जनविकास सेनेने आज शहरातील गांधी चौकातून महा-स्वाक्षरी अभियानाची सुरुवात केली. या अभियानाला रस्त्याने ये-जा करणाऱ्या नागरिकांनी उत्सुर्फ प्रतिसाद दिला.गोल बाजार व मुख्य रस्त्यावरील दुकानातही स्वाक्षरी अभियान राबविण्यात आले. पहिल्या दिवशी 1000 च्या जवळपास नागरिकांनी या महा-स्वाक्षरी अभियानामध्ये सहभाग घेतला.
    राज्याचे मुख्यमंत्री देवेंद्र फडणवीस यांना शहरातील एक लक्ष नागरिकांच्या सह्यांचे पत्र पाठवण्यात येईल. पुढील काही दिवस संपूर्ण शहरात पदयात्रा व कॉर्नर सभा घेऊन एक लक्ष सह्यांचे उद्दिष्ट पूर्ण करण्यात येईल अशी माहिती यावेळी देशमुख यांनी दिली. कोणत्याही परिस्थितीत चंद्रपूरकरांच्या जीवाशी खेळ करणाऱ्या भ्रष्ट अधिकारी व लोकप्रतिनिधी यांना सोडणार नाही असा इशाराही देशमुख यांनी यावेळी दिला. Chandrapur public protests

    chandrapur sewage scheme controversy


    महा-स्वाक्षरी अभियानासाठी मनिषा बोबडे,अक्षय येरगुडे,निर्मला नगराळे, प्रफुल बैरम,इमदाद शेख, अजित दखने, दिलीप होरे, सुरेश विधाते, किशोर जामदार, अशोक दिघिकर, देवराव बोढे, अजय महाडोळे,कुशाब कायरकर, सुधाकर मत्ते, पुरषोत्तम सोयाम,रविंद्र टोंगे, नितिन बनसोड, मनोज भैसारे,पुष्पा मुळे, माया गेडेकर, किरण कांबळे, रेखा टिपले, माया गोडे, अरुणा महातळे, अरुणा मांदाळे, ललिता उपरे, कुसुम वैद्य, रेखा निकुरे, अजय लांडे, नंदू लभाने, सतिश आकनूरवार, नकुल मुसळे, अमोल पांढरे, अंकित पोईनकर, रोहित उमाटे, सुजल पाटील, संदीप कष्टी, सचिन भिलकर इत्यादींनी अथक परिश्रम घेतले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by