My Blog

Tag: News34 chandrapur

  • compassionate appointment process | आमदार सुधाकर अडबाले यांचा पुढाकार – सफाई कर्मचाऱ्यांच्या वारसांना सेवेत समाविष्ट करण्याचे निर्देश

    compassionate appointment process

    compassionate appointment process : चंद्रपूर : महानगरपालिकेतील सेवानिवृत्त झालेल्‍या व मृत्‍यू पावलेल्‍या सफाई कर्मचाऱ्यांच्या वारसांना शासन निर्णयानुसार सेवेत सामावून घेण्याचे निर्देश आमदार सुधाकर अडबाले यांनी महानगरपालिका आयुक्तांना दिले. अनुकंपा धारक व लाड-पागे समितीच्या शिफारशीनुसार सफाई कर्मचाऱ्यांच्या वारसांच्‍या प्रलंबित प्रकरणांबाबत आमदार सुधाकर अडबाले (mla sudhakar adbale) यांच्या पुढाकाराने २ एप्रिल रोजी स्‍थायी समिती सभागृहात दुपारी बैठक पार पडली. cleaning staff employment

    चंद्रपुरातील बाबुपेठ मध्ये पाणी संकट

    चंद्रपूर शहर महानगरपालिकेचा आकृतीबंध १३ फेब्रुवारी २०२३ रोजी मंजूर झालेला असून सफाई कामगारांची ४६२ पदे मंजूर आहे. मंजूर पदांपैकी सद्यास्‍थितीत ३१७ सफाई कामगार कार्यरत असून १४२ पदे रिक्‍त आहे. सामाजिक न्याय व विशेष सहाय्य विभाग शासन निर्णय दिनांक १३ ऑक्टोंबर २०२४ अन्वये शासन निर्णय दिनांक २४ फेब्रुवारी २०२३ मधिल विहित केलेल्या तरतूदी दिनांक १२/०८/१९७५ ते २३/०२/२०२३ या कालावधीतील सर्व प्रलंबित प्रकरणांना लागू असल्याने चंद्रपूर शहर महानगरपालिकेतर्फे वारसांचे अर्ज मागविण्यात आले. यात सद्यास्थितीत अनुसूचित जातीचे ५०८ तसेच इतर प्रवर्गातील ९५ अर्ज असे एकूण ६०३ अर्ज प्राप्त झालेले आहे. compassionate hiring policy

    त्‍यामुळे सर्व अर्जाची छाननी करून सेवाज्‍येष्ठतेनुसार यादी प्रकाशित करण्यात यावी. त्‍यावर हरकती मागवून १३ ऑक्टोंबर २०२४ च्‍या शासन निर्णयानुसार मनपा सेवेत सामावून घेण्याची कार्यवाही करावी. सदर शासन निर्णयानंतर नोकरी दिलेल्‍या वारसांची तपासणी करावी, अशा सूचना आमदार अडबाले यांनी दिल्‍या. यावर मनपा आयुक्‍त विपीन पालीवाल यांनी ही सर्व प्रक्रिया पार पाडण्यासाठी ९० दिवसांचा अवधी मागितला. municipal worker hiring

    सदर वारसांना शैक्षणिक पात्रतेनुसार क वर्गात रिक्‍त पदी नोकरीत सामावून घेण्यात यावे. अर्ज ६०३ आणि रिक्‍त पदे १४२ असल्‍याने वाढीव पदांना पदभरतीबाबत शासनाकडे मागणी करावी, अशा सूचना देखील आमदार अडबाले यांनी आयुक्‍तांना दिल्‍या. सदर विषयावर तीन महिन्‍यांनंतर बैठक घेण्यात येईल, असेही सांगितले. महानगरपालिकेतील सफाई कर्मचाऱ्यांनी शहर स्वच्छ ठेवण्यासाठी आपले संपूर्ण आयुष्य समर्पित केले असून, त्यांच्या कुटुंबीयांना योग्य न्याय मिळावा, अशी आमदार अडबाले यांची भूमिका असल्‍याचे त्‍यांनी यावेळी सांगितले.

    बैठकीला मनपा आयुक्‍त विपीन पालीवाल, अति. आयुक्‍त चंदन पाटील, उपायुक्‍त मंगेश खवले, विदर्भ माध्यमिक शिक्षक संघाचे चंद्रपूर महानगर अध्यक्ष दिगांबर कुरेकार, कार्यवाह सुरेंद्र अडबाले, डॉ. विजय हेलवटे, श्रीकांत पोडे, देवेंद्र बलकी, अ‍ॅड. सुजय घडसे, राज बीरीया, जीवन भगत, संतोष बोरकर, मिथुन चौहान, अजय रामटेके, संजय नगराळे व मोठ्या संख्येने सफाई कामगारांचे वारस उपस्‍थित होते. 

  • Chandrapur water crisis । चंद्रपूरमध्ये पाणीबाणी: बाबूपेठमधील नागरिक त्रस्त!

    Chandrapur water crisis

    Chandrapur water crisis : चंद्रपूर शहराच्या बाबूपेठ प्रभागात गेल्या काही दिवसांपासून भीषण पाणीटंचाई जाणवत आहे. नळाला अत्यंत कमी प्रमाणात आणि अनियमित वेळेत पाणी येत असल्याने नागरिकांचे हाल होत आहेत. त्यातच उन्हाळ्यामुळे ही समस्या अधिकच गंभीर झाली आहे. पिण्याचे पाणी तसेच दैनंदिन वापरासाठी पाणी मिळवणे कठीण झाले आहे. Municipal water issues

    निलेश बेलखेडे यांच्या मागणीला यश, गोंडवाना विद्यापीठात शिवरायांचा पुतळा

    • पाणीटंचाईमुळे नागरिकांचे हाल:
    • नळाला कमी प्रमाणात आणि अनियमित वेळेत पाणी येत आहे.
    • उन्हाळ्यामुळे समस्या अधिकच गंभीर झाली आहे.
    • पिण्याचे पाणी आणि दैनंदिन वापरासाठी पाणी मिळवणे कठीण झाले आहे.
    • भाजपा कार्यकर्त्यांची मागणी:
    • पाणीपुरवठा वाढवण्यासाठी किंवा नियमित करण्यासाठी तातडीने उपाययोजना कराव्यात.
    • नागरिकांना दिलासा देण्यासाठी प्रशासनाने पावले उचलावीत.

    या समस्येवर तोडगा काढण्यासाठी तातडीने उपाययोजना करण्याची मागणी भारतीय जनता पार्टीचे कार्यकर्ते रुपेश पांडे यांनी महानगरपालिका आयुक्तांना निवेदन देऊन केली. याप्रसंगी अभिलाष दुबे, प्रफुल्ल डफ, अभिनेश इम्मडी, विनोद नले, राहुल शुक्ला आदी कार्यकर्ते उपस्थित होते.


  • Gondwana University Shivaji Maharaj statue । प्रा. निलेश बेलखेडे यांच्या प्रयत्नांना यश – गोंडवाना विद्यापीठात शिवरायांचा अश्वारूढ पुतळा मंजूर!

    Gondwana University Shivaji Maharaj statue

    Gondwana University Shivaji Maharaj statue : गोंडवाना विद्यापीठ गडचिरोली सिनेट सदस्य तथा युवासेना पूर्व विदर्भ सचिव प्रा. निलेश बेलखेडे यांनी गोंडवाना विद्यापीठाच्या गडचिरोली येथील परिसरात तसेच चंद्रपूर येथे होऊ घातलेल्या विद्यापिठाच्या उपकेंद्रात छत्रपती शिवाजी महाराजांचा अश्वारूढ पुतळा उभा करावा तसेच चंद्रपूर येथील गोंडवाना उपकेंद्राच्या परिसरास छत्रपती शिवाजी महाराज परिसर असे नाव द्यावे यासाठी ठराव पाठविला होता. University campus historical statues

    चंद्रपुरात मद्य परवाना घोटाळ्याची चौकशी होणार

    परंतु विद्यापीठ प्रशासनाने चुकीचे कारण देऊन हा प्रस्ताव नामंजूर केल्या गेला आहे त्यामुळळे आपण हा ठराव अधिसभेत मांडू शकत नाही संदर्भात पत्र पाठविले त्यामुळे निलेश बेलखेडे यांनी संपर्क करून आणि आपला प्रस्ताव आणि आपण पाठविलेले खारीज पत्र यामध्ये विसंगता असून पुन्हा एकदा वाचावा आणि मला प्रस्ताव मांडू द्यावा ही विनंती केली असता विद्यापीठ प्रशासनाने कुठलेही यावर उत्तर दिलें नाही.त्यामुळे निलेश बेलखेडे यांनी पत्रकार परिषदेमध्ये कुलगुरू व प्रशासन हे महाराज विरोधात आहेत की काय असा प्रश्न उपस्थित केला होता व यापुढे ठराव न घेतल्यास आक्रमकपने भूमिका घेऊन शिवसेना च्या पद्धतीने आंदोलनाचा पवित्रा घेणार अशी भूमिका मांडली होती. Gondwana University latest updates

    छत्रपती शिवाजी महाराज हे अखिल मानव जातीची प्रेरणा म्हणून जगभर प्रसिद्ध आहे. व्यवस्थापन, नियोजन, पर्यावरण, मानवी मूल्य, युद्धनीती, राजनीति भाषा विकास कला विकास इत्यादी क्षेत्रात छत्रपती शिवाजी महाराजांचे प्रचंड मोठे कार्य असून आज देखील ते जगभरातील लोक अभ्यास करतात. महाराष्ट्रातील बहुतांश विद्यापिठात महाराजांचा पुतळा उभारला गेला असून अश्या छत्रपती शिवरायांची अखंड प्रेरणा गो़डवाना विद्यापीठातील विद्यार्थी, प्राध्यापक ,कर्मचारी व इतर सर्वच घटकांना सातत्याने मिळत राहावे म्हणून गोंडवाना विद्यापीठाच्या गडचिरोली येथील परिसरात तसेच चंद्रपूर येथे होऊ घातलेल्या उपकेंद्रात छत्रपती शिवाजी महाराजांचा अश्वारूढ पुतळा उभा करावा तसेच चंद्रपूर येथील गोंडवाना उपकेंद्राच्या परिसरास छत्रपती शिवाजी महाराज परिसर असे नाव देऊन आराध्य दैवत छत्रपती शिवाजी महाराजांचा गौरव वाढवावा याकरिता हा ठराव मांडला होता. Shivaji Maharaj legacy in Maharashtra


    यानंतर प्रा.बेलखेडे यांनी 24 मार्च 2025 च्या विद्यापीठ सिनेट च्या बैठकीमध्ये विद्यापीठ परिनियम कायदा अंतर्गत कामकाजादरम्यान सभागृहाचे नियम किंवा प्रथागत प्रक्रिया चुकीच्या पद्धतीने लागू केल्या गेल्या आहेत किंवा दुर्लक्षित केल्या गेल्या आहेत याबद्दल पॉईंट ऑफ ऑर्डर घेऊन हा विषय मांडला असता कुलगुरू यांनी परवानगी दिली आणि अधिसभेमध्ये गडचिरोली विद्यापीठ अडपेली येथील मुख्य केंद्रआणि चंद्रपूर बाबुपेठ येथील उपकेंद्र येथे छत्रपती शिवाजी महाराज यांचा आश्वारूढ पुतळा उभारण्यात येईल हा प्रस्ताव सिनेट मध्ये सर्वानुमते मान्य करण्यात आला आणि उपकेंद्र परिसराला नाव देण्याचा संदर्भात प्रस्ताव राज्य सरकार कडे पाठवण्याचा निर्णय घेण्यात आला.


    छत्रपती शिवाजी महाराज यांचा आश्वारूढ पुतळा उभारण्यात येणार या निर्णयामुळे संपूर्ण शिवप्रेमी,विद्यार्थी,युवक- युवतीनी आनंद व्यक्त करीत सर्व स्तरावरून युवासेना सचिव, सिनेट सदस्य प्रा. निलेश बेलखेडे यांचे आभार मानून अभिनंदन करत आहेत.

  • Chandrapur bus service | मुनगंटीवारांमुळे एसटी प्रवासाला मिळणार ‘तेजस्विनी’चा वेग!

    Chandrapur bus service

    Chandrapur bus service : चंद्रपूर जिल्ह्यासाठी दहा नवीन बसेस मंजूर करण्यात आल्या असून, एसटी महामंडळाच्या सेवेचा विस्तार करण्याच्या दृष्टीने महत्त्वाचे पाऊल आहे. या नव्या बसेस केवळ वाहने नसून, जनतेच्या विश्वासाचं, संवादाचं आणि सेवाभावाचं प्रतीक आहेत. प्रत्येकाचा प्रवास अधिक सोयीचा, सुरक्षित आणि सुसज्ज व्हावा, जिल्ह्यातील नागरिकांना अधिकाधिक सुविधा मिळाव्यात यासाठी मी सदैव कटिबद्ध आहे. चंद्रपूर हा महाराष्ट्राच्या शेवटच्या टोकावरील जिल्ह्यांपैकी एक असून, एसटी ही गरीब आणि मध्यमवर्गीयांची जीवनदायिनी असल्याचे मत राज्याचे माजी वने, सांस्कृतिक कार्य व मत्स्य व्यवसाय मंत्री आमदार श्री. सुधीर मुनगंटीवार (sudhir mungantiwar) यांनी व्यक्त केले. Maharashtra state transport news

    आमदार जोरगेवार यांच्या हस्ते परिवहन महामंडळाच्या नव्या बसेसचे लोकार्पण

    चंद्रपूर बसस्थानक येथे महाराष्ट्र राज्य परिवहन विभागातर्फे मंजूर झालेल्या दहा नव्या बसेसपैकी पहिल्या टप्प्यातील 5 बसेसला हिरवा झेंडा दाखवून लोकार्पण करण्यात आले. याप्रसंगी ते बोलत होते. यावेळी चंद्रपूरच्या विभाग नियंत्रक स्मिता सुतावणे, विभागीय वाहतूक अधिकारी पुरुषोत्तम व्यवहारे, आगार व्यवस्थापक अंकुश खाडिलकर, विभागीय अभियंता (स्थापत्य) ऋषिकेश होले, बसस्थानक प्रमुख हेमंत गोवर्धन, कार्यशाळा अधीक्षक मनोज डोंगरकर, वाहतूक निरीक्षक अंकित कामतवार, सहाय्यक वाहतूक निरीक्षक प्रकाश तोडकर, बंडू गौरकार आदी उपस्थित होते.

    आमदार श्री. सुधीर मुनगंटीवार म्हणाले, मी अर्थमंत्री असताना एसटी महामंडळाला सर्वाधिक निधी उपलब्ध करून दिला होता. याचे कारण म्हणजे श्रीमंत व्यक्ती स्वतःच्या वाहनाने प्रवास करू शकतो, परंतु गरीब आणि मध्यमवर्गीयांसाठी एसटी हा प्रवासाचा आधार आहे. सर्वांच्या सुखदुःखामध्ये एसटी महामंडळाने साथ दिली आहे. चंद्रपूर, बल्लारपूर आणि मुल या बस स्थानकांसह महाराष्ट्रातील विविध ठिकाणच्या बसस्थानकांच्या नूतनीकरणासाठी आवश्यक निधी उपलब्ध करून दिला. परिवहन मंत्र्यांनी निधी न मागता देखील 700 नवीन बस खरेदीसाठी निधी दिला. त्याचबरोबर ठाणे, कल्याण-डोंबिवली आणि मुंबईतील नोकरी करणाऱ्या महिलांसाठी ‘तेजस्विनी’ वातानुकूलित बसेस उपलब्ध करून दिल्यात. Public transport development India

    चंद्रपूर जिल्ह्यासाठी 200 नवीन बसेस मंजूर करण्यात आल्या होत्या, त्यापैकी 100 बसेस जिल्ह्याला मिळाल्या असून उर्वरित 100 बसेस लवकरच उपलब्ध करून देण्यासाठी प्रयत्न सुरू आहेत. यासाठी परिवहन मंत्री प्रताप सरनाईक हे चंद्रपूर जिल्ह्याला भेट देणार असून, येथील वाहन चालकांची पदे, त्यांच्या निवास व्यवस्थेबाबत बैठक घेऊन सविस्तर चर्चा करण्यात येईल. मुल येथे बस डेपो उभारण्यासाठी जागा निश्चित झाली असून, त्याच्या उभारणीसाठी आवश्यक त्या सर्व गोष्टी पूर्ण करण्यासाठीही प्रयत्न सुरू आहेत. यासंबंधी परिवहन मंत्री प्रताप सरनाईक यांना लवकरच चंद्रपूर दौऱ्यासाठी आमंत्रित करण्यात येणार असल्याचेही आमदार सुधीर मुनगंटीवार म्हणाले. एसटी महामंडळाची सेवा अधिक सक्षम व कार्यक्षम होईल आणि प्रवाशांना उत्तम सुविधा मिळतील, असा विश्वास आमदार सुधीर मुनगंटीवार यांनी लोकार्पण कार्यक्रमाप्रसंगी व्यक्त केला. Indian bus station upgrades

    यावेळी आमदार सुधीर मुनगंटीवार यांनी बस स्थानकातील विविध स्टॉलला भेटी दिल्या व शालेय विद्यार्थ्यांशी संवाद साधला.

  • Chandrapur ST bus launch | चंद्रपूरमध्ये एसटी महामंडळाच्या नव्या बसेसचा लोकार्पण सोहळा – प्रवाशांसाठी आनंदाची बातमी!

    Chandrapur ST bus launch

    Chandrapur ST bus launch : सार्वजनिक वाहतुकीला चालना देण्यासाठी आणि प्रवाशांना अधिक आरामदायी प्रवास सुविधा उपलब्ध करून देण्यासाठी एसटी महामंडळाच्या नव्या बसेसचा लोकार्पण सोहळा आज श्री माता महाकाली मंदिर, चंद्रपूर येथे पार पडला.

    बियाणी पेट्रोल पंपावर कारवाई करा, आपची मागणी

    आमदार किशोर जोरगेवार यांच्या हस्ते या बसचे लोकार्पण करण्यात आले. यानंतर आमदार किशोर जोरगेवार यांनी महाकाली मंदिर ते अंचलेश्वर गेट असा प्रवास करत बसमधील सुविधांचा अनुभव घेतला. ST bus launch event

    या कार्यक्रमाला एसटी महामंडळच्या जिल्हा विभाग नियंत्रक स्मिता सुतावणे, विभागीय वाहतूक अधिकारी व्यवहारे, आगार व्यवस्थापक अंकुश खडीकर, वाहतूक अधीक्षक गोवर्धन, मनपाचे अतिरिक्त आयुक्त चंदन पाटील, बलराम डोडाणी, भारतीय जनता पार्टीचे माजी नगरसेवक सुभाष कासनगोट्टूवार, माजी महानगर अध्यक्ष दशरथसिंग ठाकूर, सुनील महाकाले, अमोल शेंडे, नकुल वासमवार, कुमार झुनमुलवार, कालिदास धामनगे, माजी नगर सेविका कल्पना बबुलकर, आदी मान्यवर उपस्थित होते.

    ST bus launch event

    नव्या बसेसच्या आगमनामुळे शहरातील तसेच ग्रामीण भागातील प्रवाशांना अधिक सोयीस्कर, सुरक्षित आणि जलद प्रवासाची सुविधा मिळणार आहे. या बसेस आधुनिक तंत्रज्ञानाने सुसज्ज असून, प्रवाशांसाठी मोबाईल चार्जिंग पॉइंट, आरामदायी आसन व्यवस्था आणि आधुनिक सुरक्षा प्रणाली उपलब्ध करून देण्यात आली आहे. त्यामुळे प्रवाशांचा प्रवास अधिक सुखद आणि सुविधाजनक होईल. latest public transport news

    एसटी महामंडळाच्या या उपक्रमामुळे चंद्रपूर शहरासह परिसरातील नागरिकांना मोठा दिलासा मिळणार आहे. सार्वजनिक वाहतूक मजबूत होणे ही जिल्ह्याच्या सर्वांगीण विकासासाठी महत्त्वाची पायरी ठरणार असल्याचे आमदार किशोर जोरगेवार यांनी यावेळी सांगितले. त्यांनी बसची पाहणी करत उपलब्ध सुविधांची माहिती घेतली. तसेच महाकाली मंदिर ते अंचलेश्वर गेट बसस्थानकापर्यंत प्रत्यक्ष प्रवास केला.यावेळी महाकाली मंदिराचे पुजारी यांच्या हस्ते विधीवत पूजा करून बसचे लोकार्पण करण्यात आले. 

  • Mahakali Yatra 2025 Chandrapur । “चंद्रपूरची महाकाली यात्रा: भाविकांसाठी सुविधांचा महापर्व!”

    Mahakali Yatra 2025 Chandrapur

    Mahakali Yatra 2025 Chandrapur :  देवी महाकाली यात्रेस 3 एप्रिलपासून सुरवात होत असतांना राज्याच्या विविध भागातून येणाऱ्या भाविकांच्या सुविधेच्या दृष्टीने जिल्हा प्रशासन, पोलिस प्रशासन व चंद्रपूर मनपा प्रशासनाद्वारे तयारी पुर्ण करण्यात आली असुन महाकाली मंदिर परिसराला यात्रा नगरीचे स्वरूप आले आहे. Devi Mahakali Festival Preparations

    ताडोबा सफारीसाठी आता थेट क्रुझर सेवा

       प्रशासनाद्वारे महाकाली मंदिरासमोरून बैल बाजार परिसरात जाणारा रस्ता हा अतिशय अरुंद असल्याने स्वस्तिक ग्लास फॅक्टरी जवळुन माता महाकाली नगरीपर्यंत मोठा मार्ग बनविण्यात आला आहे. बैलबाजार भागात पटांगणाची पूर्णतः सफाई व सपाटीकरण करून याच भागात भाविकांना निवासासाठी 4 मोठे मांडव उभारण्यात आले आहे तसेच मंदिर संस्थेची निवास व्यवस्था व सशुल्क निवास व्यवस्था सुद्धा यात्रा मैदानात उपलब्ध आहे. Mahakali Yatra 2025 Chandrapur

    भाविकांना पिण्यासाठी 12 ठिकाणी 2 हजार लिटरची क्षमता असलेल्या 20 पिण्याच्या पाण्याच्या टाक्या उभारण्यात आल्या असुन भूमिगत पाईप टाकुन पाण्याचे नळ उभारण्यात येऊन पाण्याचे टँकरसुद्धा सज्ज ठेवण्यात येत आहे. भाविकांना त्यांची वाहने ठेवण्यास त्यांच्या येण्याच्या मार्गापासुन जवळ असेल असे 5 वाहन तळ निश्चित करण्यात आले आहेत. Mahakali Temple Yatra Arrangements     

    यात्रा मैदान येथे व मनपा स्वच्छता झोन इमारत अश्या 2 जागी नियंत्रण कक्ष स्थापन करण्यात आले असुन यात्रा मैदान येथे 33 पक्के शौचालय तर 5 ठिकाणी फिरत्या शौचालयांची व्यवस्था करण्यात आली आहे.मनपा स्वच्छता झोन इमारत व यात्रा मैदान नियंत्रण कक्षाजवळ निःशुल्क प्रथोमपचार वैद्यकीय सेवा तसेच 24 तास रुग्णवाहिका व अग्निशमन सेवा उपलब्ध ठेवण्यात येणार आहे. संपूर्ण परिसरात विदयुत व्यवस्था उभारली गेली असुन वादळ,वारा,पाऊस अशी नैसर्गिक आपत्ती ओढावल्यास नागरीकांना स्थलांतरीत करण्याकरीता मनपाच्या शाळा व इतर ठिकाणे मिळुन 18 जागा राखीव ठेवण्यात आल्या आहेत.

         
        ट्रॅफीक पोलीस विभागातर्फे अंचलेश्वर दरवाजा ते बागला चौक परीसर हा नो पार्कींग झोन व नो हॉकर्स झोन घोषित करण्यात आला असल्याने येथे वाहने व दुकाने लावण्यास मनाई करण्यात आली आहे.यात्रा परीसरावर विविध ठिकाणी लागलेल्या सीसीटीव्ही कॅमेऱ्यांद्वारे पोलीस विभाग लक्ष ठेऊन असणार आहे. Mahakali Yatra Traffic Rules 2025

    mahakali temple yatra arrangements

        कपडे बदलण्यासाठी एकूण 40 खोल्यांची व्यवस्था झरपट नदी,अंचलेश्वर गेट जवळ करण्यात आली असुन जवळचे आंघोळीसाठी खोल्यांची व्यवस्थाही आहे. दुकानदार,पथविक्रेते,बर्फीविक्रेते यांच्यासाठी सुद्धा यात्रा मैदानात दुकाने निश्चित करून दिली असुन मनोरंजनाची दुकाने सुद्धा उपलब्ध असणार आहेत. तसेच चहाच्या दुकानांसाठी मैदानात मंदिर संस्थेच्या निवास व्यवस्थेजवळ जागा उपलब्ध करून देण्यात आली आहे. Chandrapur Police Yatra Security
        यात्रेकरू महिलांसाठी हिरकणी कक्ष यात्रा मैदान (नियंत्रण कक्षा लगत) उभारण्यात आले असुन मदतीसाठी दुरध्वनी क्रमांक सुद्धा जाहीर करण्यात आले आहेत. प्रशासनाद्वारे दिल्या जात असणाऱ्या या सर्व सुविधांची माहिती ही पत्रकाद्वारे देण्यात आली असुन सदर पत्रके सर्व यात्रा परिसरातील सेवा केंद्रांवर उपलब्ध आहेत. Mahakali Temple Yatra Arrangements 

    • अशी राहील पार्किंग व्यवस्था –
      1) मुल रोड कडून येण्याऱ्या यात्रेकरूंसाठी – सिद्धार्थ स्पोर्टिंग क्लब ग्राउंड, नायरा पेट्रोल पंपाजवळ, बायपास रोड
      2) बल्लारपूर रोड कडून येण्याऱ्या यात्रेकरूंसाठी – डी.एड. कॉलेज ग्राउंड, चंद्रपूर
      3) सर्व यात्रेकरूंसाठी – कोहिनूर स्टेडियम (कोनेरी तलाब ग्राउंड), दादमहाल वार्ड, जेल रोड
      4) सर्व यात्रेकरूंसाठी – यात्रा मैदान, रेल्वे लाईनजवळ, चंद्रपूर
      5) नागपूर रोडतर्फे येण्याऱ्या यात्रेकरूंसाठी – न्यू इंग्लिश स्कूल ग्राउंड, चांदा क्लब ग्राउंड समोर, वरोरा नाका. Mahakali Pilgrimage Parking 2025
      येथे असणार पिण्याच्या पाण्याची व्यवस्था –
      1) बागला चौक
      2) अंचलेश्वर गेट बस स्टैंड
      3) महाकाली गेट च्या समोर
      4) यात्रा मैदान
      5) जटपूरा गेट
      6) चांदा क्लब ग्राउंड जवळ
      7) अंचलेश्वर गेट
      8) गुरुमाउली मंदिर जवळ
      9) बागला चौक
      10) मंदिर जवळील पेट्रोल पंप जवळ
      11) कोहिनूर तलाव
      12) महाकाली टाकी खाली
      येथे असणार मदतीसाठी नियंत्रण कक्ष –
      1) यात्रा मैदान 2) मनपा सफाई झोन इमारत, माता महाकाली मंदिराच्या बाजूला
    • शौचालयांची व्यवस्था :
      1) यात्रा मैदान
      फिरते शौचालय :
      1) यात्रा मैदान
      2) अंचलेश्वर गेट
      3) कोहिनुर ग्राउंड
      4) माचीस कारखाना
      5) दानव वाडी
      आरोग्य सुविधा :
      1) मनपा सफाई झोन इमारत, माता महाकाली मंदिराच्या बाजूला
      2) यात्रा मैदान (नियंत्रण कक्षा लगत)
      आंघोळ व कपडे बदलण्याची व्यवस्था :
      1) झरपट नदी, अंचलेश्वर गेट जवळ  
      निवास व्यवस्था :
      1) मांडव क्र.१ – यात्रा मैदान
      2) मांडव क्र.२ – यात्रा मैदान
      3) मांडव क्र.३ – यात्रा मैदान
      4) मांडव क्र.४ – यात्रा मैदान
      5) मंदिर संस्थेची निवास व्यवस्था – यात्रा मैदान
      ६) सशुल्क निवास व्यव्यस्था यात्रा मैदान
    • आपत्कालीन निवास व्यवस्था (वादळ, वारे, पाऊस आल्यास) –
      1) गुरु माऊली देवस्थान, महाकाली वार्ड
      2) मार्कंडेय मंदिर, महाकाली वार्ड
      3) राजाभाऊ खोब्रागडे सभागृह, बाबुपेठ
      4) महादेव मंदिर, बाबुपेठ
      5) बालाजी मंदिर, बाबुपेठ
      6) संत रविदास हॉल, अंचलेश्वर वार्ड
      7) बागला हायस्कूल, बागला चौक भिवापूर
      8) महाकाली कन्या शाळा, महाकाली वार्ड
      9) खालसा कॉन्व्हेंट, महाकाली वार्ड
      10) पटेल हायस्कूल, गिरनार चौक चंद्रपूर
      11) संताजी सभागृह, भानापेठ वार्ड
      12) सरदार पटेल महाविद्यालय, गंजवार्ड चंद्रपूर
      13) तिरुमला हॉल, भिवापूर वॉर्ड
      14) सिटी हायस्कूल,बाबुपेठ
      15) एफईएस गर्ल्स कॉलेज अंचलेश्वर गेट जवळ
      16) सरस्वती विद्यालय,भिवापूर
      17) शहिद भगतसिंग मनपा शाळा
      18) सावित्रीबाई फुले शाळा नेताजी चौक बाबुपेठ  
    • यात्रेतील दुकाने –
      दुकानदारांसाठी दुकाने लावण्यासाठी जागा – यात्रा मैदान
      पथविक्रेतेसाठी दुकाने लावण्यासाठी जागा – यात्रा मैदान
      बर्फीच्या दुकानांसाठी जागा : यात्रा मैदान
      मनोरंजनाची दुकाने : यात्रा मैदान (पार्किंग क्र. 1 च्या बाजूला)
      यात्रेकरूकरिता सशुल्क खाद्यपदार्थ व शीतपेय व्यवस्था – यात्रा मैदान (नियंत्रण कक्षा लगत)
      चहाची दुकाने – मंदिर संस्थेची निवास व्यवस्था जवळ (यात्रा मैदान)
      हिरकणी कक्ष –
      १) यात्रेकरू महिलांसाठी हिरकणी कक्ष: यात्रा मैदान (नियंत्रण कक्षा लगत)
      अग्निशमन व रुग्णवाहिका क्षेत्र –
      1) मनपा सफाई झोन इमारत, माता महाकाली मंदिराच्या बाजूला 2)नियंत्रण कक्ष (यात्रा मैदान)
      मदतीसाठी संपर्क –
      1) मनपा व्हॉट्सअॅप चॅटबॉट क्रं – 8530006063
      2) मनपा टोल फ्री क्रं -18002574010
      3) जिल्हाधिकारी कार्यालय, हॅलो चांदा टोल फ्री क्रं.- 155 398
      4) पोलिस विभाग टोल फ्री हेल्प लाईन – 112
      5) रुग्णवाहिका- 108
      6) मनपा अग्निशमन दल – 07172 – 254614/101
      7) पोलिस नियंत्रण कक्ष – 07172-252200
      8) पोलीस स्टेशन चंद्रपूर शहर – 7887891001
      9) महिला हेल्प लाईन क्रं.- 1091
      10) चाईल्ड हेल्प लाईन क्रं.- 1098   

  • Chandrapur to Tadoba Transport । “ताडोबा सफारीसाठी चंद्रपूरहून थेट क्रूझर सेवा सुरू होणार?”

    Chandrapur to Tadoba Transport

    Chandrapur to Tadoba Transport : ताडोबा-अंधारी व्याघ्र प्रकल्प हा देशातील प्रमुख पर्यटनस्थळांपैकी एक असून, येथे दरवर्षी हजारो पर्यटक भेट देतात. मात्र, चंद्रपूर शहरातून थेट ताडोबा सफारीसाठी कोणतीही सार्वजनिक वाहतूक सेवा नसल्यामुळे स्थानिक पर्यटकांना मोठ्या अडचणींना सामोरे जावे लागते. या पार्श्वभूमीवर, चंद्रपूर शहरातून थेट ताडोबा मोहर्ली सफारी गेटपर्यंत क्रुझर सेवा सुरू करण्याची मागणी आमदार किशोर जोरगेवार यांनी मुंबई मंत्रालयात आयोजित बैठकीत वनमंत्री गणेश नाईक यांच्याकडे केली. Tadoba Safari Booking

    तहसीलदार व तलाठी अडकले लाचलुचपत विभागाच्या जाळ्यात

    आमदार किशोर जोरगेवार यांच्या मागणीनंतर बुधवारी चंद्रपूर मतदारसंघातील विविध विषयांवर चर्चा करण्यासाठी मुंबई मंत्रालयात वनमंत्री गणेश नाईक यांच्या अध्यक्षतेखाली बैठक आयोजित करण्यात आली. या बैठकीत वन विभागासंदर्भातील विविध विषयांवर सकारात्मक चर्चा झाली असून, चंद्रपूरात वन पर्यटन वाढविण्याच्या दृष्टीने सरकार प्रयत्नशील असल्याचे वनमंत्री गणेश नाईक यांनी सांगितले. Tadoba National Park Tour

    बैठकीत बोलताना आमदार जोरगेवार म्हणाले, सध्या सफारीसाठी येणाऱ्या पर्यटकांना मोहर्ली गेट पर्यंत पोहोचण्यासाठी खासगी वाहनांवर अवलंबून राहावे लागते. यामुळे वेळेचा आणि पैशाचा अपव्यय होत आहे. त्यामुळे चंद्रपूर शहरातून थेट क्रुझर सेवा सुरू झाल्यास स्थानिक आणि बाहेरून येणाऱ्या पर्यटकांना मोठी सुविधा मिळेल. शिवाय, यामुळे पर्यटनाला अधिक चालना मिळेल आणि स्थानिक अर्थव्यवस्थेवर सकारात्मक परिणाम होईल.

    तसेच, ताडोबा सफारीसाठी शनिवार आणि रविवारसाठी वाढीव शुल्क आकारले जाते, जे सामान्य पर्यटकांसाठी अडचणीचे ठरते. हे वाढीव शुल्क पूर्णपणे रद्द करून आठवड्याभरासाठी समान शुल्क ठेवण्याची मागणीही आमदार किशोर जोरगेवार यांनी केली. बुकिंग करूनही न येणाऱ्या पर्यटकांच्या ठिकाणी उपलब्ध असलेल्या पर्यटकांचे नाव बदलण्याची मुभा देण्यात यावी, तसेच चैत्र नवरात्र आणि श्री माता महाकाली महोत्सवाच्या काळात ताडोबा पर्यटकांसाठी विशेष बससेवा सुरू करावी, अशीही मागणी त्यांनी केली. Weekend Trip to Tadoba

    चंद्रपूरचा ऐतिहासिक वारसा समृद्ध असून, गोंडकालीन किल्ले त्याचे प्रमुख वैशिष्ट्य आहेत. याच वारशाचे दर्शन पर्यटकांना घडवण्यासाठी संजय पांडुरंग सब्बनवार यांनी गोंडकालीन किल्ल्याची लघुप्रतिकृती तयार केली आहे. ही प्रतिकृती 40×40 फूट लांबीची असून, यात किल्ल्याचे चार प्रवेशद्वार, पाच खिडक्या, संपूर्ण परकोट, बुर्ज आणि मिनारांचा समावेश आहे. हा प्रकल्प ऐतिहासिक जतनासाठी महत्त्वाचा असून, स्थानिक आणि पर्यटकांना गोंडकालीन वास्तुकलेची माहिती देणारा ठरेल. त्यामुळे या प्रतिकृतीसाठी ताडोबा-अंधारी व्याघ्र प्रकल्पातील मोहर्ली सफारी गेटजवळ जागा उपलब्ध करून द्यावी, अशी मागणी आमदार जोरगेवार यांनी वनमंत्री यांच्याकडे केली.

    दिवंगत ख्यातनाम काष्ठशिल्पकार मनोहर सप्रे यांच्या बांबू आणि लाकडाच्या शिल्पकलेचा वारसा पुढील पिढीपर्यंत पोहोचावा, यासाठी मोहर्ली सफारी गेट येथे कायमस्वरूपी प्रदर्शनी दालन स्थापन करण्याचीही त्यांनी मागणी केली. मनोहर सप्रे यांनी आपल्या कौशल्यातून बांबू आणि लाकडापासून अप्रतिम शिल्पकृती साकारल्या आहेत. त्यांच्या कलाकृतींचे जतन आणि प्रचार-प्रसार करण्यासाठी हे दालन महत्त्वपूर्ण ठरेल, असा विश्वास आमदार किशोर जोरगेवार यांनी व्यक्त केला.

    चंद्रपूरच्या पर्यटनविकासाला गती मिळावी आणि ऐतिहासिक वारसा पुढील पिढीपर्यंत पोहोचावा, यासाठी सरकारने लवकर निर्णय घ्यावा, अशी मागणी आमदार किशोर जोरगेवार यांनी केली. या बैठकीला संबंधित अधिकाऱ्यांचीही उपस्थिती होती.

  • Tehsildar caught taking bribe । बल्लारपूरचे तहसिलदार लाच घेताना रंगेहात! महसूल विभागात खळबळ

    Tehsildar caught taking bribe

    Tehsildar caught taking bribe : चंद्रपूर जिल्हा गौण खनिज संपत्तीने संपन्न जिल्हा आहे त्यामुळे अवैध उत्खनन याठिकाणी मोठ्या प्रमाणात होते, मात्र प्रशासन त्यावर कारवाई न करता डोळेझाक करीत असल्याचे चित्र पुढे आले आहे. जिल्ह्यातील बल्लारपूर येथे याउलट एक प्रकरण उघडकीस आले असून त्यामध्ये गौण खनिज प्रकरणी कारवाई न करणे बाबत तहसीलदार यांनी २ लाख २० हजारांची लाच मागितल्या प्रकरणी १ एप्रिल रोजी अटक करण्यात आली असून तलाठी हे रजेवर असल्याने त्यांचा शोध सुरु आहे.

    चंद्रपूरमध्ये प्रदूषणाचा उच्चांक

    बिल्डिंग मटेरियल सप्लाय चे काम करणारे एक व्यक्ती आपल्या शेतातील माती\मुरूम काढून लेव्हलिंग चे काम करीत होते त्यावेळी कवडजई साजाचे तलाठी सचिन रघुनाथ पुळके व तहसीलदार अभय अर्जुन गायकवाड यांनी मुरूम काढण्याची परवानगी नसल्याने २ ट्रॅक्टर व १ जेसीबी जप्त करण्याची तयारी दर्शविली त्या व्यक्ती/तक्रारदार यांचेवर कसलीही कारवाई न करण्याकरिता २ लाख २० हजार रुपयांच्या लाचेची मागणी केली. Bribery in revenue department

    तक्रारदार यांनी त्याचदिवशी म्हणजे २३ मार्च ला तहसीलदार व तलाठी यांना १ लाख १९ हजार ९०० रुपये दिले, उर्वरित १ लाख रुपयांसाठी तहसीलदार व तलाठी यांनी तक्रारदाराच्या मागे तगादा लावला असता त्यांच्या त्रासाला कंटाळून २६ मार्चला चंद्रपूर लाचलुचपत प्रतिबंधक विभागाला तक्रार दिली. Maharashtra government officer bribe

    तडजोडीतील १ लाख रुपये स्विकारण्याची तयारी बल्लारपूर चे तहसिलदार अभय गायकवाड व तलाठी सचिन पुळके यांनी मान्य केल्याच्या कारणावरून लाच प्रकरणात तहसिलदार अभय गायकवाड व तलाठी सचिन पुळके यांचेवर लाचलुचपत प्रतिबंधक विभागाने जाळ्यात अडकवून गुन्हा दाखल करण्याची प्रक्रिया सुरु केली आहे.
    ही कारवाई नागपूर येथील लाचलुचपत प्रतिबंधक विभागाचे पोलीस अधीक्षक डॉ. दिगंबर प्रधान, संजय पुरंदरे, सचिन कदम यांच्या मार्गदर्शनात पोलीस उप अधीक्षक मंजुषा भोसले, रोशन चांदेकर, हिवराज नेवारे,अमोल सिडाम,प्रदीप ताडाम,सतीश सिडाम यांनी केली

  • road dust pollution । चंद्रपूरमध्ये प्रदूषणाचा उच्चांक! रस्ते खोदकामामुळे धुळीचे साम्राज्य

    road dust pollution

    चंद्रपूरमध्ये प्रदूषणाचा उच्चांक: रस्ते खोदकामामुळे हवेचा गुणवत्ता निर्देशांक ढासळला

    road dust pollution – चंद्रपूर: मार्च महिन्यात शहरातील हवेची गुणवत्ता अत्यंत खालावली असून, प्रमुख कारणांमध्ये चुकीच्या पद्धतीने केलेले रस्ते खोदकाम आणि अन्य नागरी विकास प्रकल्पांचा समावेश असल्याचे पर्यावरण अभ्यासक आणि प्रदूषण नियंत्रण मंडळाच्या अहवालातून स्पष्ट झाले आहे. impact of road construction on air quality

    चंद्रपूर जिल्ह्यातील पहिलं सौरग्राम कोणतं?

    मार्चमधील प्रदूषणाची भीषण स्थिती

    प्रदूषण नियंत्रण मंडळाच्या अहवालानुसार, मार्च महिन्यातील ३१ पैकी ०९ दिवस अत्यंत खराब प्रदूषण, १८ दिवस मध्यम दर्जाचे प्रदूषण आणि केवळ ०४ दिवस समाधानकारक हवेची गुणवत्ता होती. जानेवारी आणि फेब्रुवारी महिन्यातही प्रदूषणाचा स्तर सातत्याने उच्च राहिला होता, मात्र मार्चमध्ये यामध्ये आणखी वाढ झाल्याचे निरीक्षण नोंदवण्यात आले आहे. air pollution due to road construction

    प्रदूषण निर्देशांकाचा आढावा

    शहरातील हवेच्या गुणवत्तेचा निर्देशांक (AQI) खालीलप्रमाणे नोंदवण्यात आला:

    • ०-५० (Good): एकही दिवस नव्हता
    • ५१-१०० (Satisfactory): ०४ दिवस
    • १०१-२०० (Moderate): १८ दिवस
    • २०१-३०० (Poor): ०९ दिवस

    विशेषतः, संपूर्ण महिन्यात २६ दिवस १० मायक्रोमीटर आणि ५ दिवस २.५ मायक्रोमीटर आकाराचे धूलिकण हवेतील प्रमाणात मोठ्या प्रमाणावर आढळले. ही परिस्थिती आरोग्यासाठी अत्यंत धोकादायक असल्याचे तज्ज्ञांनी स्पष्ट केले आहे.

    रस्ते खोदकाम आणि प्रदूषण वाढीचा संबंध

    पर्यावरण अभ्यासक प्रा. सुरेश चोपणे यांच्या मते, शहरात मोठ्या प्रमाणावर सुरू असलेले रस्ते खोदकाम नियमांचे पालन न करता केल्याने धुळीचे प्रमाण वाढले आहे. अशा प्रकारे रस्ते खोदताना पाणी मारण्याची प्रक्रिया योग्य प्रकारे केली जात नसल्यामुळे धूळ हवेत मिसळते आणि प्रदूषणात वाढ होते.

    प्रदूषण वाढीमुळे नागरिकांच्या आरोग्यावर परिणाम

    प्रदूषणाच्या या वाढत्या पातळीमुळे श्वसनाच्या समस्या निर्माण झाल्या असून, अनेकांना दम्याचे (Asthma), ब्रॉन्कायटिस (Bronchitis), टीबी, हृदयविकार आणि मानसिक आजार होण्याचा धोका वाढला आहे. यामुळे प्रशासनाने नागरिकांसाठी मोफत आरोग्य तपासणी व उपचार सुविधा उपलब्ध कराव्यात, अशी मागणी करण्यात येत आहे. effects of construction dust on health

    प्रदूषणाचे प्रमुख कारणे

    1. वाहनांची संख्या वाढ आणि धूर उत्सर्जन
    2. रस्ते बांधकाम व गैरव्यवस्थित खोदकाम
    3. कचऱ्याचे खुले ज्वलन
    4. थर्मल पॉवर प्लांट व उद्योगांमधून बाहेर पडणारे धूर आणि वायू
    5. शहरातील वाढती धूळ आणि अस्वच्छता

    प्रदूषण नियंत्रणासाठी उपाययोजना

    1. वृक्षारोपण आणि हिरवळ वाढवणे
    2. सायकल आणि बॅटरीवर चालणाऱ्या वाहनांचा वापर प्रोत्साहित करणे
    3. सार्वजनिक वाहतुकीचा अधिकाधिक वापर करणे
    4. रस्ते खोदकामादरम्यान नियमित पाणी फवारणी करणे
    5. कचरा न जाळता त्याची योग्य विल्हेवाट लावणे
    6. उद्योगांवर प्रदूषण नियंत्रणासाठी कठोर निर्बंध लागू करणे
    7. स्मॉग टॉवर्स, फॉग मशीन आणि कृत्रिम पावसाचा वापर करणे

    प्रदूषण रोखण्यासाठी प्रशासनाची जबाबदारी

    चंद्रपूर हे राष्ट्रीय स्वच्छ वायू कार्यक्रमांतर्गत प्रदूषित शहरांच्या यादीत सामील आहे. त्यामुळे शहरातील कोणत्याही बांधकाम कंपनीवर पर्यावरण नियम लागू करणे आवश्यक आहे. प्रशासनाने कडक उपाययोजना राबवून प्रदूषण नियंत्रणात आणण्यास प्राधान्य द्यावे, अशी नागरिक आणि पर्यावरण तज्ज्ञांची मागणी आहे.


    चंद्रपूरमध्ये वाढत्या रस्ते खोदकामांमुळे आणि शहरातील इतर विकास प्रकल्पांमुळे प्रदूषणाने उच्चांक गाठला आहे. याचा आरोग्यावर गंभीर परिणाम होत असून, प्रशासनाने त्वरित उपाययोजना केल्या नाहीत तर येत्या काळात प्रदूषणाशी संबंधित आजार वाढण्याची शक्यता आहे. नागरिकांनीही प्रदूषण नियंत्रणासाठी पुढाकार घ्यावा आणि प्रशासनाने जबाबदारी स्वीकारून तातडीने पावले उचलावीत.

  • Avinash Poiankar Surjagad Pustak । “अविनाश पोईनकर यांचे सुरजागडवरचं संशोधन: वाचकांना अंतर्मुख करणारं पुस्तक!”

    Avinash Poiankar Surjagad Pustak

    Avinash Poiankar Surjagad Pustak : चंद्रपूर : चंद्रपूर येथील प्रथितयश युवा लेखक, संशोधक, मुक्त पत्रकार अविनाश पोईनकर यांच्या ‘सुरजागड विकास विस्थापन?’ या बहुचर्चित संशोधन पुस्तकाचे नुकतेच यशवंतराव चव्हाण प्रतिष्ठान मुंबई येथे आयोजित समता महोत्सवात प्रकाशन करण्यात आले. Surjagad Khan Prakalp Parinam

    चंद्रपूर जिल्ह्यातील लाल मिरची संकटात

    प्रसिद्ध अर्थतज्ञ व अझीम प्रेमजी विद्यापीठ बंगलोरचे प्रा.नीरज हातेकर, जनतेचा महानायकचे संपादक व सामाजिक कार्यकर्ते सुनील खोब्रागडे, भटक्या-विमुक्त चळवळीतील अहिल्यानगरचे सामाजिक कार्यकर्ते अरुण जाधव, अकोला येथील सामाजिक कार्यकर्त्या व सरपंच रजनी पवार, हेमलकसाचे सामाजिक कार्यकर्ते चिन्ना महाका, कोरो संस्थेच्या मुमताज शेख, सुप्रिया जाण, कुणाल रामटेके, मेळघाटातील सामाजिक कार्यकर्त्या व सरपंच गंगा जावरकर, प्रमोद काळे, तुकाराम पवार यांच्या हस्ते या पुस्तकाचा प्रकाशन सोहळा पार पडला. Surjagad Lohkhanij Prakalp

    नक्षलप्रभावित गडचिरोली जिल्ह्यातील खाणग्रस्त आदिवासींच्या संघर्षाचे वास्तव मांडणारे हे महत्त्वाचे पुस्तक आहे. पुस्तकाला प्रख्यात विचारवंत व संपादक प्रा.सुरेश द्वादशीवार यांची प्रस्तावना व नर्मदा बचाव आंदोलनाच्या प्रणेत्या मेधा पाटकर यांचे ब्लर्ब आहे. महाराष्ट्र गांधी स्मारक निधीचे डॉ. कुमार सप्तर्षी, संविधान व नागरी हक्क विश्लेषक ॲड.असीम सरोदे, ज्येष्ठ समीक्षक व विचारवंत डॉ.प्रमोद मुनघाटे यांचे महत्त्वाचे अभिप्राय आहेत. यावेळी पुस्तक प्रकाशन कार्यक्रमाला प्रख्यात विचारवंत रावसाहेब कसबे, सुजाता खांडेकर, अंजली मायदेव, संध्या नरे-पवार, सुभाष वारे, अभिजीत कांबळे, दिशा पिंकी शेख, डॉ. चंद्रिका परमार, भीम रासकर, डॉ. विभूती पटेल, सुरेश सावंत, संजय सोनवाणी आदी महाराष्ट्रातील सामाजिक, सांस्कृतिक, पत्रकारिता क्षेत्रातील मान्यवरांची उपस्थिती होती.

    लेखक अविनाश पोईनकर आदिवासी व ग्रामीण विकास क्षेत्रात काम करणारे सामाजिक कार्यकर्ते आहेत. गडचिरोलीतील अतिदुर्गम भागात राहून शोध पत्रकारितेच्या अंगाने त्यांनी हे संशोधनात्मक पुस्तक लिहिले आहे. सुरजागडसह प्रस्तावित खाणींमुळे स्थानिक आदिवासींवर होणारा परिणाम, भांडवलशाही धोरणे, माओवाद, प्रशासन व लोकप्रतिनिधी यांची भूमिका तसेच आदिवासींचे जल, जंगल, जमीन विषयक कायदे व त्याची सद्यस्थिती, आंदोलने व सर्वसामान्य आदिवासींची होणारी गळचेपी या पुस्तकात सविस्तर मांडली आहे. या संशोधनासाठी पुणे येथील साधना साप्ताहिकाने तांबे-रायमाने अभ्यासवृत्ती दिली होती. पुणे येथील हर्मिस प्रकाशनाने हे संशोधन पुस्तक प्रकाशित केले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by