My Blog

Tag: News34 chandrapur

  • sand tipper escapes during tehsildar raid । 🚨 थेट तहसीलदारांसमोर रेती टिप्पर पळवला! वाचा काय घडलं त्या रात्री!

    sand tipper escapes during tehsildar raid

    sand tipper escapes during tehsildar raid : चंद्रपूर – तहसीलदार यांच्यासमोर वाळू तस्करांनी वाळूने भरलेला टिप्पर पळविल्याची घटना २१ जून ला रात्री घडली, या घटनेमुळे वाळू तस्कर महसूल विभागाला जुमानत नसल्याचे दिसून आले. याबाबत चंद्रपूर शहर पोलीस स्टेशनमध्ये गुन्हा दाखल करण्यात आला आहे. tehsildar stops illegal sand transport

    चंद्रपूर पोलीस दलात मोठे फेरबदल

    २१ जून रोजी रात्री ११ वाजताच्या सुमारास तहसीलदार विजय पवार हे शासकीय वाहनाने वाहन चालक विनोद द्विवेदी सोबत गस्तीवर होते, त्यावेळी पोंभुर्णा मार्गे वाळूने भरलेला टिप्पर जुनोना गावामार्गे चंद्रपूरच्या दिशेने येत होता, तहसीलदार पवार यांनी सदर वाहन थांबविले, टिप्पर चालकाची चौकशी करीत वाहनात काय आहे असे विचारले तर त्याने वाळू असल्याचे सांगितले. वाळूचा परवाना आहे का असे विचारले असता त्याने परवाना नसल्याचे सांगितले.

    तहसीलदार पवार यांनी वाळूने भरलेला टिप्पर क्रमांक MH ३४ BG १९२९ चा रीतसर जप्तीनाम्याला सुरुवात केली, यावेळी वाहन चालक रहेमान आतिफर खान याने सांगितले कि सदर सदर वाहन हे सोनू सिंग व अंकुश वर्मा यांचे असून हि रेती थेरगाव घाटातून आणली असल्याचे सांगितले. illegal sand mining in chandrapur

    आधी वाहन अडविले आणि नंतर पळविले

    वाळू परवाना नसल्याने वाहन चालकाला पुढील कारवाईसाठी तहसील कार्यालयाकडे नेण्यास सांगितले, अष्टभुजा वार्ड नाना नाणी पार्कजवळ टिप्पर पोहचताच पांढऱ्या रंगाच्या चारचाकी वाहन क्रमांक MH ३४ BR ६५०५ ने तहसीलदार पवार यांच्या वाहनासमोर वाहन आडवे लावले. चारचाकी वाहन धारकाने टिप्पर चालकाला इशारा करताच सदर टिप्पर वेगात समोर गेला. सोबतच ते चारचाकी वाहन सुद्धा भरधाव वेगाने निघून गेले काही क्षणात दोन्ही वाहन दिसेनासे झाले.

    तहसीलदार पवार समोरच वाळू माफियाने मुजोरी करीत वाहन पळविले. याबाबत शासकीय कामात अडथळा निर्माण केल्याचा गुन्हा दाखल करण्यात आला आहे, याबाबत तहसीलदार पवार यांच्याशी संपर्क साधला असता त्यांनी प्रतिसाद दिला नाही.

    विशेष बाब म्हणजे मागील काही वर्षांपासून वाळू घाटाचे लिलाव झाले नव्हते या काळात कोट्यवधी रुपयांच्या वाळूची तस्करी जिल्हाभरात सुरु होती, तशीच परिस्थिती चंद्रपूर शहरात पण होती मात्र आजपर्यंत महसूल प्रशासनाने अशी कारवाई करताना कुठे दिसले नाही. या काळात राजकीय पुढाऱ्यांनी वाळूची मोठ्या प्रमाणात चोरी केली मात्र राजकीय दबावापोटी कारवाई झाली नाही.

  • shopkeeper murder over cigarette debt । उधारीचे पैसे मागितले म्हणून…थेट खून, राजुरा पोलिसांची जबरदस्त कामगिरी

    shopkeeper murder over cigarette debt

    shopkeeper murder over cigarette debt – राजुरा – १५ जून रोजी राजुरा शहरातील रमाबाई नगरात ५३ वर्षीय महिलेच्या हत्येचं प्रकरण उघडकीस आलं होत, रात्री कुणीतरी अज्ञाताने रायपुरे यांच्या घरी प्रवेश करीत धारदार शस्त्राने कविता रायपुरे या महिलेची हत्या करण्यात आली होती. सदर आव्हानात्मक गुन्ह्याचा तपास करीत राजुरा पोलिसांनी या प्रकरणी अल्पवयीन मुलाला ताब्यात घेतले. त्याने गुन्हा कबूल केला असून सिगारेट चे पैसे कधी देणार याबाबत त्याला दोनदा हटकले म्हणून हा गुन्हा घडला. असल्याची बाब अल्पवयीन मुलाने कबूल केली.

    चंद्रपूर आम आदमी पार्टीने केला मोठा गौप्य्स्फोट

    १५ जुन रोजी सकाळी कविता रायपुरे यांची मुलगी दुधाचे पॉकेट घेण्याकरिता आई कविता रायपुरे यांच्या घरी गेली होती, आईला आवाज दिल्यावर सुद्धा काही प्रतिसाद न आल्याने आत बघितले असता कविता या मृत अवस्थेत पडल्या होत्या, पोलिसांना याबाबत माहिती दिल्यानन्तर त्यांनी घटनास्थळ गाठले. कविता यांच्या डोक्यावर धारदार शस्त्राने वार केल्याच्या खुणा होत्या.

    पोलिसांनी अज्ञात आरोपीवर कलम १०३ (१), ३३२ (ब) अन्व्ये गुन्हा दाखल करीत तपास सुरु केला, गुन्हा अत्यंत क्लिष्ट स्वरूपाचा असल्याने पोलिसांना गुन्ह्याचा उलगडा करण्यासाठी चांगलीच दमछाक होणार होती, राजुरा पोलिसांनी कसलीही तमा न बाळगता रात्र – दिवस मेहनत घेतली, १५ ते २० ठिकाणावरील सीसीटीव्ही फुटेज तपासण्यात आले, संशयाच्या आधारावर एकूण ४० संशयित इसमाची कसून तपासणी केली मात्र आरोपीचा सुगावा लागला नाही. crime due to cigarette addiction among teens

    ४० संशयित हे मृतक महिलेच्या घराजवळील व्यक्ती असल्याची माहिती आहे, गुन्हा घडल्यापासून एक मुलगा गावाबाहेर गेला असल्याची बाब पोलिसांना यावेळी मिळाली, त्याला फोन करीत बोलावले, त्याची चौकशी केली असता त्याने हा गुन्हा केला अशी कबुली दिली.

    कारण काय?

    मृतक कविता रायपुरे ह्या घरी किराणा दुकान चालवायच्या, परिसरातील नागरिक किराणा सामान रायपुरे यांच्या दुकानातून खरेदी करीत होते, अश्यावेळी अल्पवयीन मुलाला सिगारेट चा छंद होता, तो नेहमी सिगारेट घेण्यासाठी रायपुरे यांच्या दुकानात जायचा, उधारी जास्त झाल्याने रायपुरे यांनी त्या मुलाला पैश्यासाठी दोनदा हटकले, पैश्यासाठी का हटकले याचा राग त्या मुलाच्या मनात निर्माण झाला. आणि या रंगाचे रूपांतर महिलेच्या हत्येत झाले. कविता रायपुरे यांचा काटा काढायचा असा विचार मनात ठेवत त्या मुलाने त्यांच्या हालचालीवर लक्ष ठेवले, घटनेच्या दिवशी ती महिला एकटी आहे असे त्या मुलाला समजले, मध्यरात्री रायपुरे यांच्या घरी प्रवेश करीत त्याने कोयत्याने रायपुरे यांच्यावर वार केला. shopkeeper murder over cigarette debt

    या हल्ल्यात कविता रायपुरे यांचा जागीच मृत्यू झाला, पोलीस आपल्याला अटक करेल या भीतीने त्या मुलाने घटनास्थळावरुन पळ काढला. त्याला बोलाविले असता त्याने आधी उडवाउडवीची उत्तरे दिली मात्र राजुरा पोलिसांच्या या आव्हानात्मक तपासाने सदर गुन्ह्याचा उलगडा झाला, अल्पवयीन मुलाला विश्वासात घेत त्याची सखोल चौकशी केली आणि त्याने गुन्हा कबुल केला, गुन्ह्यात वापरलेला कोयता पोलिसांनी त्या मुलाकडून जप्त केला.

    सदर प्रकरणाचा यशस्वी तपास प्रभारी पोलीस निरीक्षक सुमित परतेकी यांच्या नेतृत्वात सपोनि निशा भुते, सपोनि हेमंत पवार, पोउपनि पांडुरंग हाके, पोउपनि भीष्मराज सोरते, पोउपनि चाटे, पोलीस कर्मचारी किशोर तुमराम, विक्की निर्वाण, महेश बोलगोडवार, शफिक शेख, शरद राठोड, अविनाश बांबोळे व आनंद मोरे यांनी केला.

  • fake documents used in cow transport | 🐄 बनावट कागदपत्रांवर गोवंश वाहतूक? पोलिसांनी पकडला 1.70 कोटींचा तस्करीचा खेळ!

    fake documents used in cow transport

    fake documents used in cow transport : चंद्रपूर जिल्ह्यातून गोवंश जनावरांची वाहतूक करण्याचे काम गोवंश तस्कर करीत आहे, अश्याच गोवंश तस्करीचा चंद्रपूर स्थानिक गुन्हे शाखेच्या वतीने गुन्हा उघडकीस करण्यात यश मिळाले असून यामध्ये तब्बल 1 कोटी 70 लाख 70 हजारांचा मुद्देमाल जप्त करण्यात आला.
    घुग्गुस पोलीस स्टेशनच्या हद्दीतील धानोरा टोल नाकाजवळ ही कारवाई करण्यात आली. animal cruelty in cattle transport

    दीड कोटीच्या रस्त्याच्या कामात मोठा भ्रष्टाचार, आप ने केली पोलखोल


    गोवंश जनावरांना क्रूर पणे हात-पाय तोंड बांधून वाहनात दाटीने भरीत त्यांना तेलंगणा राज्यात कत्तलीसाठी नेत असल्याची माहिती स्थानिक गुन्हे शाखेला मिळाली होती.

    सदर वाहतूक घुग्गुस मार्ग पडोली मधून तेलंगणा राज्यात जात असल्याने गुन्हे शाखेने धानोरा टोल नाक्याजवळ सापळा रचला, यावेळी संशयास्पद वाहने दिसताच क्षणी पोलिसांनी वाहनांना थांबवित त्यांची झडती घेतली असता तब्बल 6 आयशर वाहनात एकूण 72 गोवंश जनावरांना क्रूरपणे दाटून कोंबले होते.
    सदर वाहनांची वाहतूक व्यवस्थित पणे व्हावी याकरिता एक पायलट वाहन सुद्धा होते. cattle trafficking in Chandrapur district

    बनावट पावत्याने उघडला तस्करीचा खेळ


    आयशर वाहनात असलेल्या चालकांना वाहतुकीबाबत कागदपत्रांची मागणी केली असता त्यांनी भंडारा-गोंदिया वरून जनावरे खरेदी केल्याच्या पावत्या सादर केल्या, त्या पावत्यांची तपासणी केली असता त्यामध्ये शासकीय अधिकारी यांची स्वाक्षरी ही बनावट असल्याचे निष्पन्न झाले, त्या स्वाक्षरी मार्फत गोवंशाची वाहतूक ही कायदेशीर असल्याचे दिसून येत होते, त्यामुळे हे तस्कर जनावरांची कोंबून कत्तलीसाठी वाहतूक करीत होते.


    यावेळी पोलिसांनी एकूण 72 गोवंश जनावरे, 6 ट्रक व एक पायलटिंग वाहन असा एकूण 1 कोटी 70 लाख 70 हजारांचा माल जप्त करीत एकूण 18 जणांवर घुग्गुस पोलीस स्टेशनमध्ये गुन्हा दाखल करण्यात आला. गोवंश जनावरांना प्यार फाउंडेशन कडे सोपविण्यात आले. विशेष बाब म्हणजे पोलीस प्रशासनाच्या प्रसिद्धी पत्रकातून आरोपींचे नाव गहाळ होते.


    सदरची यशस्वी कारवाई स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात सपोनि बलराम झाडोकर, पोउपनी विनोद भुरले, संतोष निंभोरकर, सुनील गौरकार व पथकाने केली.

  • Bhadravati NDPS Act ganja seizure 2025 । 💥 १९ वर्षांचा तरुण, पण काम ‘गंभीर’! गांजासह रंगेहाथ पकडला

    Bhadravati NDPS Act ganja seizure 2025

    Bhadravati NDPS Act ganja seizure 2025 : भद्रावती (२१ जून २०२५) – चंद्रपूर, [आजची तारीख]: चंद्रपूर जिल्ह्यातील भद्रावती येथे अंमली पदार्थ विरोधी कायद्यांतर्गत (NDPS Act) मोठी कारवाई करण्यात आली आहे. भद्रावती पोलिसांनी १९ वर्षीय तरुणाकडून सुमारे १ किलो ४८० ग्रॅम गांजा जप्त केला असून, त्याची एकूण किंमत ८९ हजार रुपयांपेक्षा जास्त आहे. ही कारवाई २० जून २०२५ रोजी रात्री उशिरा ते २१ जून २०२५ च्या पहाटे दरम्यान करण्यात आली. Bhadravati drug bust under NDPS Act June 2025

    घडलेला प्रकार:

    भद्रावती पोलीस स्टेशनचे सहाय्यक पोलीस निरीक्षक मोहन धोंगळे आणि त्यांच्या गुन्हे शोध पथकाने (DB Pathak) भद्रावती परिसरात गस्त घालत असताना, त्यांना गोपनीय माहिती मिळाली. माहितीनुसार, क्षितिज संजय जुनघरे (वय १९, रा. भंगाराम वॉर्ड, भद्रावती) हा त्याच्या MH 34 AJ 3464 या हिरो होंडा स्प्लेंडर मोटरसायकलवरून चंद्रपूर येथून गांजासदृश अंमली पदार्थ घेऊन येत होता. त्याने हा पदार्थ पाठीला लटकवलेल्या बॅगमध्ये ठेवला होता.

    आप ने केली भ्रष्टाचाराची पोलखोल

    मिळालेल्या माहितीच्या आधारे, पोलिसांनी तात्काळ सापळा रचून आरोपी क्षितिज जुनघरे याला आयुध निर्मणी चांदा गेट क्र. ३, सुमठाणा चौक, भद्रावती येथे ताब्यात घेतले. पंचांसमक्ष त्याच्या बॅगची झडती घेण्यात आली असता, त्यात गांजासदृश पदार्थ आढळून आला.

    जप्त केलेला मुद्देमाल: मापारी जीवितोष्य बिस्वास यांनी वजन केले असता, जप्त केलेल्या गांजाचे वजन १ किलो ४८० ग्रॅम असून त्याची किंमत ₹२९,०८०/- आहे. याव्यतिरिक्त, गुन्ह्यात वापरलेली हिरो स्प्लेंडर मोटरसायकल (किंमत ₹६०,१००/-) देखील जप्त करण्यात आली आहे. अशा प्रकारे एकूण ₹८९,१८०/- किमतीचा मुद्देमाल पंचांसमक्ष जप्त करण्यात आला आहे.

    दाखल गुन्हा: याप्रकरणी भद्रावती पोलीस स्टेशनमध्ये अ.क्रं. २८०/२०२५ अंतर्गत कलम ८(क), २०(ब), (II), (ब) NDPS ॲक्ट सह कलम ३(१)/१८१, १३०/१७७ मोटार वाहन कायदा नुसार गुन्हा दाखल करण्यात आला आहे. पुढील तपास पोलीस करत आहेत.

  • AAP exposes corruption । 💣 M-20 म्हणलं, M-13 निघालं! आम आदमी पक्षाने उघड केली रस्ते घोटाळ्याची पोलखोल!

    AAP exposes corruption

    AAP exposes corruption : चंद्रपूर – शहरात सध्या निवडणुकीपूर्वी मोठ्या प्रमाणात विकासकामांचा धडाका सुरु आहे. चंद्रपूर महानगरपालिकेच्या माध्यमातून तब्बल दीड कोटी रुपयांचा खर्च करत विविध प्रभागांत सीसी रस्त्यांची कामे सुरू झाली आहेत. मात्र, या कामांच्या गुणवत्तेवर आता प्रश्नचिन्ह निर्माण झाले आहे. आम आदमी पक्षाने महापालिकेवर आणि ठेकेदारांवर गंभीर गैरव्यवहार, निकृष्ट दर्जा व भ्रष्टाचार केल्याचा थेट आरोप केला आहे. Chandrapur Road Work Scam

    चंद्रपुरात या कारणामुळे झाला वाघिणीचा मृत्यू

    🕵️‍♂️ आम आदमी पक्षाची थेट पाहणी – M-20 ऐवजी M-13 गुणवत्ता

    जिल्हाध्यक्ष मयूर राईकवार यांनी आपल्या कार्यकर्त्यांसह वडगाव प्रभागातील रस्त्यांचे प्रत्यक्ष निरीक्षण केले. यावेळी रस्त्यांची स्ट्रेंथ तपासली असता, महापालिकेने M-20 दर्जा असल्याचा दावा केला होता, परंतु प्रत्यक्ष मापनात केवळ M-13 स्तराचीच नोंद झाली.

    हेच चित्र तुकुम प्रभागातही पाहायला मिळाले. फेसबुक लाईव्ह च्या माध्यमातून नागरिकांसमोर हे सारे सत्य मांडण्यात आले.

    💬 “आमदारांच्या छत्रछायेखाली ठेकेदारांना संरक्षण”

    आम आदमी पक्षाच्या मते, हे सर्व काम एका विशिष्ट ठेकेदारामार्फत केले जात आहे, जो स्थानिक आमदारांचा निकटवर्तीय आहे. त्यामुळे कामाची गुणवत्ता तपासली जात नाही, अधिकारी मौन बाळगतात आणि ठेकेदाराला पूर्ण मोकळीक मिळते.

    📉 “रस्ते पूर्ण झाले” दाखवून निधी वसूल; करदात्यांची फसवणूक

    हे संपूर्ण प्रकरण निवडणुकीपूर्वी निधीच्या लुटीचा ठोस नमुना असल्याचे आम आदमी पक्षाचे म्हणणे आहे. रस्त्यांचा दर्जा अत्यंत खराब असूनही कामे पूर्ण झाल्याचे दाखवले जात आहे. त्यामुळे नागरिकांच्या कररूपी पैशांची सरळसरळ फसवणूक होत आहे, असा ठपका त्यांनी ठेवला.

    💡 मागील प्रकरणांतही महापालिकेवर भ्रष्टाचाराचे आरोप

    यापूर्वीही चंद्रपूर महापालिकेवर:

    • बनावट फाउंटन खर्च,
    • अपूर्ण ड्रेनेज लाईनसाठी पेमेंट,
    • अमृत कलश योजनेंतर्गत अनियमित पाणीपुरवठा,

    या प्रकरणांत भ्रष्टाचाराचे गंभीर आरोप झाले होते.

    📹 फेसबुक लाईव्हद्वारे जनजागृती

    आम आदमी पक्षाच्या कार्यकर्त्यांनी वडगाव व तुकुम प्रभागातील कामांचे फेसबुक लाईव्हद्वारे थेट प्रसारण केले. लवकरच शहरातील इतर प्रभागांतील रस्त्यांचीही पाहणी करून सच्चाई जनतेसमोर मांडण्यात येईल, अशी माहिती आप ने दिली.

    यावेळी आपचे मयूर राईकवार – जिल्हाध्यक्ष, योगेश गोखरे – शहराध्यक्ष, राजकुमार नगराडे – जिल्हा सचिव, संतोष बोपचे – संघटन मंत्री, विशाल विरंमवार, क्रिश कपूर, आदित्य नंदनवार, अ‍ॅड. तबस्सुम शेख व इतर कार्यकर्ते उपस्थित होते.

  • Seva Saptah health initiative Chandrapur । मुख्यमंत्री देवेंद्र फडणवीस यांच्या वाढदिवसानिमित्त सेवा सप्ताहांतर्गत भव्य आरोग्य शिबिराचे आयोजन

    Seva Saptah health initiative Chandrapur

    Seva Saptah health initiative Chandrapur : चंद्रपूर : मुख्यमंत्री देवेंद्र फडणवीस यांच्या वाढदिवसानिमित्त जुलै महिन्यात आमदार किशोर जोरगेवार यांच्या वतीने सेवा सप्ताह राबविण्यात येत आहे. या उपक्रमाचा एक महत्त्वाचा भाग म्हणून रामबाग मैदानात भव्य मोफत आरोग्य शिबिराचे आयोजन करण्यात येणार आहे. यासंदर्भात आज आमदार किशोर जोरगेवार यांनी अधिकारी आणि डॉक्टरांच्या संघांसोबत नियोजन बैठक घेतली. free health camp in Chandrapur 2025

    या बैठकीस शासकीय वैद्यकीय महाविद्यालयाचे अधिष्ठाता डॉ. मिलिंद कांबळे, चंद्रपूर महानगरपालिकेचे आयुक्त विपिन पालीवाल, जिल्हा शल्यचिकित्सक डॉ. महादेवराव चिंचोळे, जिल्हा आरोग्य अधिकारी डॉ. अशोक कराटे, वनविभागाचे सहायक वनसंरक्षक विवेक नाटू, इंडियन मेडिकल असोसिएशनचे अध्यक्ष डॉ. दीक्षित, आचार्य विनोबा भावे रुग्णालयाचे शिंगणे, ज्युपिटर हॉस्पिटलचे डॉ. स्वप्निल वावडीकर, नॅशनल कॅन्सर हॉस्पिटलचे डॉ. पवन अगराडे यांच्यासह विविध संस्थांचे प्रतिनिधी उपस्थित होते.

    शासकीय निवासी शाळांमध्ये शिक्षक भरती, आजच करा अर्ज

    यावेळी भाजपचे महानगर अध्यक्ष सुभाष कासनगोट्टूवार, प्रदेश विशेष निमंत्रित सदस्य तुषार सोम, माजी शहर अध्यक्ष दशरथसिंह ठाकूर, प्रकाश देवतळे, अजय जयस्वाल, बलराम डोडानी, मनोज पाल, नामदेव डाहुले, संजय बुरघाटे, माजी नगरसेवक प्रदीप किरमे, संदीप आवारी, देवानंद वाढई, रवि गुरनूले, वंदना हातगावकर, सविता दंढारे, सायली येरणे, राजेंद्र अडपेवार, अमोल शेंडे, राशिद हुसेन, नकुल वासमवार, जितेश कुळमेथे, करणसिंह बैस, मंगेश अहिरकर आदींची उपस्थिती होती.

    आमदार किशोर जोरगेवार यांनी सर्व विभागांनी समन्वय साधत काम करावे आणि शिबिरात रुग्णांना उत्तम आरोग्य सेवा मिळेल याची खात्री करावी, असे निर्देश दिले. शिबिराचे स्थळ, सुविधा, आवश्यक वैद्यकीय उपकरणे, औषधे आणि पथकांची रचना याबाबत सविस्तर चर्चा करण्यात आली. गरजू रुग्णांपर्यंत अधिकाधिक आरोग्य सेवा पोहोचवणे हा या शिबिराचा मुख्य उद्देश असल्याचे त्यांनी स्पष्ट केले. MLA Kishor Jorgewar health camp 2025

    आरोग्य शिबिराची तारीख निश्चित होणार

    या शिबिरासाठी महापालिका आरोग्य विभाग, शासकीय वैद्यकीय महाविद्यालय व रुग्णालय, जिल्हा परिषद आरोग्य विभाग, ज्युपिटर हॉस्पिटल, सावंगी मेघे, कस्तुरबा हॉस्पिटल सेवाग्राम, श्री सनवरलाल जोधपूर हॉस्पिटल, इंडियन मेडिकल असोसिएशन, नॅशनल कॅन्सर हॉस्पिटल यांचे सहकार्य लाभणार आहे.शिबिराआधी रुग्णांची नोंदणी व प्राथमिक तपासणी केली जाणार आहे. गंभीर आजार आढळल्यास शिबिराच्या दिवशी तज्ज्ञ डॉक्टरांकडून सल्ला आणि पुढील उपचार दिले जाणार आहेत. याबबत लवकर आरोग्य शिबिराची तारिख निश्चित करण्यात येईल असे आमदार किशोर जोरगेवार यांनी म्हटले आहे. 

  • samagra shiksha free books distribution 2025 । 📚 1 लाखांहून अधिक विद्यार्थ्यांना मिळणार मोफत पुस्तके – शिक्षण विभागाचा मोठा निर्णय!

    samagra shiksha free books distribution 2025

    samagra shiksha free books distribution 2025 : चंद्रपूर – वर्ग 1 ली ते 8 वी मध्ये शिकणारे कोणतेही बालक पुस्तकापासून वंचित राहू नये, पाठ्यपुस्तकाअभावी शिक्षणात अडचण येऊ नये, तसेच शाळेतील सर्व दाखलपात्र मुलांची 100 टक्के उपस्थिती टिकविणे व गळतीचे प्रमाण शुन्यावर आणण्यासाठी समग्र शिक्षा अंतर्गत मोफत पाठ्यपुस्तक योजना सुरू केली आहे. class 1 to 8 free textbook delivery update 2025

    शहरात मोकाट जनावरे दिसल्यास होणार थेट कारवाई

    या योजनेंतर्गत शासकीय शाळा, स्थानिक स्वराज्य संस्थांच्या शाळा, खाजगी अनुदानित शाळा व अंशत: अनुदानित शाळांमध्ये शिकत असलेल्या सर्व विद्यार्थ्यांना मोफत पाठ्यपुस्तके पुरविण्यात आली आहे.

    शाळा स्तरावर पाठ्यपुस्तके पोहचले

    सन 2025-26 या शैक्षणिक सत्रासाठी जिल्ह्यातील 1 लक्ष 53 हजार 963 विद्यार्थ्यांकरीता 9 लक्ष 5 हजार 228 पाठ्यपुस्तकांची मागणी बालभारतीकडे करण्यात आली होती. त्यानुसार सर्व पाठ्यपुस्तके तालुका स्तरावर आणि तेथून शाळा स्तरावर पोहचविण्यात आली आहे.

    सदर पुस्तके शाळेच्या पहिल्या दिवशी 23 जून 2025 रोजी शाळा व्यवस्थापन समिती सदस्य / गावातील पदाधिकारी / अधिकारी / प्रतिष्ठित नागरीक यांच्या उपस्थितीत समारंभपुर्वक विद्यार्थ्यांना मोफत वितरीत करून पुस्तक दिन साजरा करण्यात येणार असल्याचे शिक्षणाधिकारी (प्राथ.) अश्विनी केळकर यांनी कळविले आहे.

  • how to report stray cattle in Chandrapur city । “7038882889 वर फोन करा… आणि जनावरं हटवा!” – चंद्रपूर मनपाची मोहीम!

    how to report stray cattle in Chandrapur city

    how to report stray cattle in Chandrapur city : चंद्रपूर –  चंद्रपूर शहर महानगरपालिकेतर्फे शहरातील मोकाट जनावरांचा बंदोबस्त करण्याची मोहीम पुन्हा सुरू करण्यात आली असुन जनावरांना मोकाट सोडुन वाहतुकीस अडथळा निर्माण करणाऱ्या जनावरांच्या मालकांवर फौजदारी कारवाई करण्यात येणार आहे. traffic hazard due to cattle

    बल्लारपूर ते सोलापूर विशेष रेल्वे सुरु करा – खासदार धानोरकर


         शहरातील मुख्य तसेच इतर मार्गांवर, रस्त्यांवर मोकाट जनावरे ठाण मांडून बसून राहात असल्याने वाहनधारकांचा अपघात होण्याची शक्यता अधिक असते. याबाबत मनपातर्फे यापुर्वीही कारवाई करून जनावरांच्या मालकांना समज देण्यात आली आहे.समज दिल्यानंतर काही काळ ते आपल्या जनावरांवर लक्ष देऊन ते रस्त्यावर येणार नाही याची काळजी घेतात,मात्र त्यानंतर पुन्हा जनावरांना मोकाट सोडुन देण्यात येते असे निदर्शनास आले होते,यापुर्वी अश्या 33 मोकाट जनावरांच्या मालकांवर पोलिसात तक्रार करून गुन्हा नोंद करण्यात आली होती.  

    आता थेट फौजदारी कारवाई

          जनावरांच्या मालकांनी आपल्या जनावरांचा योग्य बंदोबस्त करावा, अन्यथा यापुढेही सरळ फौजदारी कारवाई केली जाणार आहे. याकरीता मनपाच्या उपद्रव शोध पथकांची यावर नजर राहणार असुन सातत्याने वाहतुकीस अडथळा निर्माण करणाऱ्या जनावरांच्या मालकांची नोंद घेऊन त्यावर कारवाई केली जात आहे. तसेच मोकाट जनावरे दिसल्यास नागरिकांना तक्रार करता यावी म्हणुन मनपातर्फे 7038882889 हा संपर्क क्रमांकसुद्धा देण्यात आला असुन यावर तक्रार केल्यास कारवाई केली जाणार आहे.  

  • Ballarpur to Solapur direct train । खासदार धानोरकरांचा पुढाकार! सोलापूर दर्शनासाठी आता थेट ट्रेनचा मार्ग मोकळा?

    Ballarpur to Solapur direct train

    Ballarpur to Solapur direct train : चंद्रपूर : खासदार प्रतिभाताई धानोरकर यांनी केंद्रीय रेल्वे मंत्री अश्विनी वैष्णव यांच्याकडे बल्लारपूर ते सोलापूर अशी विशेष रेल्वे सेवा सुरू करण्याची मागणी केली आहे. या मागणीमागे चंद्रपूर जिल्ह्यातील नागरिकांना, विशेषतः भाविकांना, पंढरपूर येथील पवित्र तीर्थक्षेत्राचे दर्शन करणे सोपे व्हावे, हा मुख्य उद्देश आहे.

    चंद्रपूर जिल्ह्यातील धोकादायक पुलांचे ऑडिट करा – खासदार धानोरकर

    केंद्रीय रेल्वे मंत्र्यांना दिलेल्या पत्रात, खासदार प्रतिभाताई धानोरकर यांनी या भागासाठी सुधारित रेल्वे कनेक्टिव्हिटीची दीर्घकाळची गरज अधोरेखित केली. सध्या, चंद्रपूर आणि आसपासच्या परिसरातील रहिवाशांना भगवान विठ्ठलाचे प्रमुख धार्मिक केंद्र असलेल्या पंढरपूरला पोहोचताना मोठ्या अडचणींचा सामना करावा लागतो. बल्लारपूर-सोलापूर विशेष रेल्वे सुरु झाल्यास प्रवाशांना दिलासा मिळून पर्यटना चालना मिळेल. Ashadhi Ekadashi special train from Ballarpur

    विशेष रेल्वे सुरु करा

    “चंद्रपूर जिल्ह्यातील हजारो भाविक आषाढी वारीनिमित्त पंढरपूरला दर्शनासाठी जाण्याची आतुरतेने वाट पाहत असतात,” असे खासदार प्रतिभाताई धानोरकर म्हणाल्या. “मात्र, थेट आणि सोयीस्कर रेल्वे सेवांच्या अभावामुळे ही यात्रा करणे कठीण होते. ही विशेष रेल्वे सुरु झाल्यास प्रवाशांचा प्रवास सुकर करणार नाही, तर पर्यटनाला प्रोत्साहन देईल आणि स्थानिक अर्थव्यवस्थेला चालना देईल.”

    खासदार प्रतिभाताई धानोरकर यांनी यावर जोर दिला की, प्रस्तावित रेल्वे मार्ग बल्लारपूर आणि सोलापूर या महाराष्ट्रातील दोन महत्त्वाच्या शहरांदरम्यान प्रवास करणाऱ्या प्रवाशांना मोठा फायदा देईल, कारण तो एक अत्यंत आवश्यक थेट दुवा प्रदान करेल. त्यांनी रेल्वे मंत्रालयाला या विनंतीचा त्वरित विचार करण्याचे आवाहन केले आहे. 

    चंद्रपूर जिल्ह्यातील नागरिकांनी खासदार प्रतिभाताई धानोरकर यांच्या या पुढाकाराचे स्वागत केले असून, केंद्रीय रेल्वे मंत्र्यांकडून त्वरित आणि सकारात्मक प्रतिसादाची अपेक्षा व्यक्त केली आहे.

  • structural audit of old bridges in chandrapur । चंद्रपूरमधील पुलांची स्थिती धोकादायक?, चंद्रपूरच्या पुलांची सखोल तपासणी होणार?

    structural audit of old bridges in chandrapur

    structural audit of old bridges in chandrapur : चंद्रपूर  – चंद्रपूर जिल्ह्यामधील सर्व पुलांचे सखोल संरचनात्मक परीक्षण (structural audit) करण्याची मागणी खासदार प्रतिभाताई धानोरकर यांनी सार्वजनिक बांधकाम मंत्री शिवेंद्रराजे भोसले यांच्याकडे केली आहे. सध्याच्या पावसाळ्याच्या पार्श्वभूमीवर, अस्तित्वातील पुलांच्या सुरक्षिततेबाबत आणि संरचनात्मक अखंडतेबाबत वाढत्या चिंता लक्षात घेता, ही मागणी करण्यात आली आहे.

    खासदार धानोरकरांची जनसेवा

    आपल्या निवेदनात, खासदार प्रतिभाताई धानोरकर यांनी प्रवाशांची सुरक्षितता सुनिश्चित करणे आणि संभाव्य अपघात टाळणे यावर भर दिला. जिल्ह्यातील अनेक पूल जुने असून, जास्त वाहतूक, हवामानाची परिस्थिती आणि नियमित देखभालीच्या अभावामुळे त्यांची कालांतराने झीज झाली असण्याची शक्यता त्यांनी अधोरेखित केली. MP Pratibha Dhanorkar news today

    नागरिकांची सुरक्षा महत्वाची

    “आपल्या नागरिकांची सुरक्षा सर्वात महत्त्वाची आहे,” असे खासदार प्रतिभाताई धानोरकर म्हणाल्या. “पुलांमधील कोणतीही कमतरता किंवा नुकसान ओळखण्यासाठी आणि आवश्यक दुरुस्ती किंवा पुनर्रचना त्वरित करण्यासाठी सखोल संरचनात्मक परीक्षण आवश्यक आहे. यामुळे केवळ अपघातच टळणार नाहीत, तर जिल्ह्यातील सुरळीत कनेक्टिव्हिटी देखील सुनिश्चित होईल.”

    खासदार प्रतिभाताई धानोरकर यांनी मंत्र्यांना या प्रक्रियेला गती देण्याचे आणि या महत्त्वाच्या परीक्षणासाठी आवश्यक संसाधने उपलब्ध करून देण्याचे आवाहन केले आहे. चंद्रपूर जिल्ह्याच्या विकासासाठी आणि सुरक्षिततेसाठी कटिबद्ध असल्याचे त्यांनी सांगितले.

    चंद्रपूर शहरातील बस स्थानक ते प्रियदर्शिनी चौक नवीन रेल्वे पुलासाठी खासदार प्रतिभाताई धानोरकर यांची बांधकाम मंत्र्यांकडे आग्रही मागणी

    चंद्रपूर  – खासदार प्रतिभाताई धानोरकर यांनी बस स्थानक ते प्रियदर्शिनी चौक या मार्गावर नवीन रेल्वे पूल बांधण्याच्या प्रस्ताव तयार करून तातडीने मंजुरी देण्याची मागणी सार्वजनिक बांधकाम मंत्र्यांकडे केली आहे. जुना रेल्वे पूल अनेक वर्षांचा असल्यामुळे त्याला लागूनच नवीन रेल्वे पूल उभारणे अत्यंत गरजेचे असल्याचे खासदार प्रतिभाताई धानोरकर यांनी निवेदनात म्हटले आहे.

    सध्या अस्तित्वात असलेला रेल्वे पूल जुना आणि अरुंद असल्यामुळे या मार्गावर नेहमीच वाहतूक कोंडी होते. यामुळे प्रवाशांना, विशेषतः विद्यार्थी आणि दैनंदिन प्रवाशांना मोठा त्रास सहन करावा लागतो. हा प्रश्न तातडीने सोडवणे आवश्यक आहे. नवीन आणि प्रशस्त रेल्वे पूल झाल्यास शहरातील वाहतूक व्यवस्था अधिक सुरळीत होईल, प्रवासाचा वेळ वाचेल आणि अपघात कमी होण्यास मदत होईल. खासदार धानोरकर यांनी मंत्र्यांना या प्रकल्पाला सर्वोच्च प्राधान्य देण्याचे आवाहन केले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by