My Blog

Tag: News34 chandrapur

  • viral video of government employee playing cards । 🚨 चंद्रपूरमध्ये शासकीय कर्मचाऱ्याचा पत्ते खेळतानाचा व्हिडिओ व्हायरल!

    viral video of government employee playing cards

    viral video of government employee playing cards : चंद्रपूर – सरकारी कार्यालयांमध्ये कामचुकारपणाचे प्रकार नवीन नाहीत. मात्र, चंद्रपूर जिल्ह्यातील भद्रावती येथील पंचायत समिती कार्यालयातून समोर आलेला एक व्हिडिओ सध्या चांगलाच चर्चेत आहे. या व्हिडिओमध्ये एक कर्मचारी आपल्या कामाच्या वेळेत, सरकारी संगणकावर चक्क पत्ते खेळताना दिसत आहे. एका जागरूक नागरिकाने हा प्रकार आपल्या मोबाईलमध्ये कैद करून सोशल मीडियावर शेअर केला. त्यानंतर प्रशासनाच्या कार्यपद्धतीवर प्रश्नचिन्ह निर्माण झाले आहे.

    चंद्रपूर भाजपची कार्यकारणी जाहीर, निष्ठावंत नाराज

    नेमका प्रकार काय घडला?

    व्हायरल झालेल्या व्हिडिओमध्ये भद्रावती येथील पंचायत समिती कार्यालयातील एक कर्मचारी आपल्या खुर्चीवर बसून आहे. त्याच्यासमोर असलेल्या सरकारी संगणकाच्या स्क्रीनवर पत्त्यांचा खेळ सुरू असल्याचे स्पष्ट दिसत आहे. हा कर्मचारी पूर्णपणे खेळात मग्न असल्याचे व्हिडिओमध्ये दिसते. एका तरुणाने हा व्हिडिओ चित्रित केला आणि तो सोशल मीडियावर अपलोड केला. हा व्हिडिओ वेगाने व्हायरल झाल्यानंतर नागरिकांमध्ये संताप व्यक्त केला जात आहे. सरकारी कार्यालयात जनतेच्या कामाऐवजी असे प्रकार घडत असल्याने जनतेच्या मनात प्रशासनाबद्दल नाराजी आहे. government employee playing cards at work

    माजी कृषिमंत्री माणिकराव कोकाटे यांचा व्हिडिओ चर्चेत असतानाच…

    काही दिवसांपूर्वीच माजी कृषीमंत्री माणिकराव कोकाटे हे विधानभवनात आपल्या मोबाईलवर रमी खेळत असल्याचा व्हिडिओ व्हायरल झाला होता. त्यावेळी त्यांच्यावर चौफेर टीका झाली होती. आता चंद्रपूरमध्येही असाच प्रकार समोर आल्याने शासकीय कर्मचाऱ्यांच्या कार्यशैलीवर पुन्हा एकदा प्रश्नचिन्ह निर्माण झाले आहे. नागरिकांनी संबंधित कर्मचाऱ्यांवर तातडीने कारवाई करण्याची मागणी केली आहे. या घटनेमुळे सरकारी कार्यालयातील कामाच्या वेळेत होणाऱ्या गैरवापराबद्दल गंभीर प्रश्न निर्माण झाले आहेत. या घटनेची प्रशासनाने दखल घेऊन योग्य ती कारवाई करणे अपेक्षित आहे.

  • Chandrapur murders crime spike । चंद्रपूर गुन्हेगारीत उद्रेक – एकाच आठवड्यात २ हत्या! आता प्रेमप्रकरणातून…

    Chandrapur murders crime spike

    Chandrapur murders crime spike : चंद्रपूर – चंद्रपूर शहरात आठवडाभरात २ हत्येच्या घटना घडल्याने गुन्हेगारी वृत्ती आता फोफावू लागली कि काय असे वातावरण तयार झाले आहे, गुन्हेगारांवर पोलिसांचा चक्र कमी झाला आहे असे या घटनांवरून दिसत आहे. जुलै महिन्याच्या शेवटी लहान भावाने मोठ्या भाची गोळी झाडून हत्या केली होती. त्या घटनेला आठवडा होत नाही तर अष्टभुजा वार्डात चौघांनी मिळून एकाची हत्या केल्याची घटना उघडकीस आली आहे. या प्रकरणात पोलिसांनी २ तासात आरोपीना अटक केली हे विशेष.

    अनुभव नाही तरीही…चंद्रपूर भाजपची कार्यकारणी

    प्रेम प्रकरणातून हत्या

    ४ ऑगस्ट रोजी रात्री ३ वाजता ३५ वर्षीय छोटू उर्फ मृणाल प्रकाश हेडाऊ याला मारहाण करीत खून केला अशी माहिती रामनगर पोलिसांना मिळाली होती, मृतदेहाची विल्हेवाट लावण्यासाठी जात असताना पोलिसांनी आरोपीना पकडले अशी माहिती समोर आली आहे. चारही आरोपीना स्थानिक गुन्हे शाखा व रामनगर पोलिसांनी संयुक्तपणे कारवाई करीत अटक केली. सदर हत्याकांड हे प्रेम प्रकरणातून झाले अशी माहिती आहे. आरोपी हे रेकॉर्डवरील गुन्हेगार आहे.

    अष्टभुजा वॉर्डातील छोटू उर्फ मृणाल प्रकाश हेडाऊ याला आरोपी २६ वर्षीय सुमोहित उर्फ गोलू चंद्रशेखर मेश्राम, टिल्लू उर्फ अनिल रामाजी निकोडे, सुलतान अली साबीर अली व बबलू मुनीर सय्यद यांनी मारहाण करीत मृणाल हेडाऊ ची हत्या केली, मात्र मृतदेहाची विल्हेवाट कुठे लावायची असा प्रश्न आरोपीसमोर उभा राहिला होता. आरोपी मृतदेहाची विल्हेवाट लावत असताना ते पोलिसांना गवसले आणि हे हत्याकांड उघडकिस आले. two murders in week

    स्थानिक गुन्हे शाखेचे पोलीस निरीक्षक अमोल काचोरे व रामनगर चे पोलीस निरीक्षक आसिफ रजा शेख यांच्या नेतृत्वात सपोनि दीपक कांक्रेड्वार, शिवाजी नागवे, पोउपनि विनोद भुरले, हिराचंद गव्हारे, अतुल राठोड, पोलीस कर्मचारी गजानन नागरे, जितेंद्र आकरे, लालू यादव, शरद कुडे, आनंद खरात, विनोद यादव, बाबा नैताम, मनीषा मोरे, रजनीकांत पुठ्ठावार, रवीकुमार ठेंगळे, इंदल राठोड, संदीप कामडी, पंकज ठोंबरे, प्रफुल पुप्पलवार, आदींनी केली. प्रकरणाचा पुढील तपास सपोनि प्रशांत लभाने करीत आहे.

  • Chandrapur Metropolitan BJP Executive । चंद्रपूर भाजप कार्यकारिणीत नवे चेहरे, अनुभव नाही, तरीही…

    Chandrapur Metropolitan BJP Executive

    Chandrapur Metropolitan BJP Executive : चंद्रपूर – चंद्रपूर महानगर भाजपच्या कार्यकारिणीच्या पदाधिकारी व सदस्यांची नावे अध्यक्ष सुभाष कासनगोट्टूवार यांनी आज जाहीर केली. यामध्ये १०१ जणांची नावे असून त्यामध्ये अनेकांना पक्ष संघटनेचा अनुभव नाही. विशेष बाब म्हणजे या कार्यकारणीत यंग चांदा ब्रिगेडच्या पदाधिकारी व सदस्यांना झुकते माप देण्यात आले आहे. Chandrapur BJP committee inexperience

    अशी आहे कार्यकारणी

    विधानसभा प्रमुख – दशरथसिंह ठाकूर, महिला विधानसभा प्रमुख – वंदना हातगावकर, महामंत्री – मनोज पाल, सविता दंडारे, रवींद्र गुरनुले, शाम कणकम, उपाध्यक्ष – राहुल घोटेकर, राजू गोलीवार, राजेंद्र अडपेवार (नाव घोषित होताच उपाध्यक्ष पदाचा राजीनामा), बलराम डोडानी, सुरेश तालेवार, प्रशांत चौधरी, विजय मोगरे, अनिल फुलझेले, विकास खटी, विजय पोहनकर. Chandrapur BJP new executive

    अम्मा चौक चा वाद उफाळणार

    सचिव – सलीम शेख, चंद्रशेखर देशमुख, प्रमोद शास्त्रकार, हरीश मंचलवार, अतुल रायकुंडलिया, अशोक आक्केवार, सुदामा यादव, पूनम तिवारी, राजेंद्र शास्त्रकार, भारती दुधाणी, विश्व्जीत शहा, कोषाध्यक्ष – अमोल शेंडे, प्रसिद्धी प्रमुख – रुपेश कोकावार, महिला मोर्चा प्रमुख – छबूताई वैरागडे, किसान मोर्चा प्रमुख – संजय बोरघाटे, युवा मोर्चा प्रमुख – मयूर हेपट, अनुसूचित जाती प्रमुख – विमल काटकर, अनुसूचित जाती प्रमुख – जितेश कुळमेथे, अल्पसंख्यांक आघाडी प्रमुख – राशिद हुसेन, ओबीसी आघाडी – विनोद शेरकी, उत्तर भारतीय आघाडी – उग्रसेन मथुराप्रसाद पांडे

    कायम निमंत्रित सदस्य

    हंसराज अहिर, सुधीर मुनगंटीवार, किशोर जोरगेवार, अशोक जीवतोडे, मनोहर पाउणकर, आचार्य मनीष महाराज, संजय कंचर्लावार, तुषार सोम, विजय राऊत, खुशाल बोन्डे, प्रकाश देवतळे, राजेंद्र गांधी, प्रमोद कडू, राहुल पावडे, संदीप आवारी, रवी आसवानी, देवानंद वाढई आदींचा समावेश आहे.

    भाजपच्या कार्यकारणीमध्ये मुनगंटीवार-जोरगेवार व अहिर यांच्या निष्ठावंतांचा समतोल राखण्याचा प्रयत्न करण्यात आला आहे. मात्र प्रमुख पदाधिकारी मध्ये ज्यांना पक्ष संघटनेचा जरापण अनुभव नाही अश्याना संधी देण्यात आल्याने भाजपचे अनेक निष्ठावंत नाराज झाले आहे. ज्यांना पक्ष संघटनेचा चांगला अनुभव आहे त्यांना बाहेरून पाठिंबा अशी अवस्था तर ज्यांच्यामागे एकही कार्यकर्ते नाही अश्याना संधी अशी अवस्था भाजपच्या कार्यकारिणीची असून आगामी पालिकेच्या निवडणुकीत अनुभव नसलेली व अनुभवी कार्यकारणी चमत्कार करेल कि फटका बसणार हि तर येणारी वेळच सांगणार.

  • Chandrapur Amma Chowk controversy । अम्मा चौक वाद: पुरातत्त्व विभागात काँग्रेसची तक्रार!

    Chandrapur Amma Chowk controversy

    Chandrapur Amma Chowk controversy : चंद्रपूर ४ ऑगस्ट (News३४) | शहर पोलीस स्टेशन व सात मजली इमारतीच्या मधोमध असलेल्या जागेवर चंद्रपूर महानगरपालिकेने कोणतीही पूर्वपरवानगी न घेता अम्मा चौक स्मारकाचे बांधकाम सुरू होते.  या पार्श्वभूमीवर चंद्रपूर शहर काँग्रेसचे अध्यक्ष रितेश (रामू) तिवारी यांनी पुरातत्त्व विभागाकडे लेखी निवेदन सादर करीत परवानगी देणाऱ्या महानगरपालिकेची चौकशी करून कारवाई करण्याची मागणी केली आहे.

    अम्मा चौक वर राजकारण करू नका

    गांधी चौक परिसराची ऐतिहासिक पार्श्वभूमी लक्षात घेता, येथे भारतीय पुरातत्त्व विभागाच्या सूचनेनुसार कोणतेही काम करता येत नाही, असे असताना देखील केवळ आमदार किशोर जोरगेवार यांच्या मातोश्रींच्या नावे स्मारक उभारण्याचा प्रकार सुरू होता. हे काम १९५८ च्या भारतीय पुरातत्त्व अधिनियमाचे उल्लंघन असून, तातडीने हे बांधकाम थांबवावे व चौकशी करून दोषींवर कारवाई करावी. तसेच, याठिकाणी भारतीय पुरातत्त्व विभागाची अधिसूचना लावण्यात यावी, अशी मागणी रितेश तिवारी यांनी केली आहे. archaeology department Amma Chowk complaint

    हा पक्षपाती निर्णय

     चंद्रपूरमधील अनेक स्वातंत्र्यसैनिक, समाजसेवक, माजी लोकप्रतिनिधींनी मोठे योगदान दिले आहे, मात्र त्यांना कधीही स्मारक वा गौरव मिळाला नाही. मात्र टोपल्या विकणाऱ्या एका महिलेसाठी स्मारक उभारण्याचा निर्णय हा पक्षपाती आणि चुकीचा असल्याची टीकाही त्यांनी केली आहे.


    या संपूर्ण प्रकरणावर महानगरपालिकेने तातडीने खुलासा करावा व या बांधकामाची परवानगी देणाऱ्या महानगरपालिकेवर पुरातत्त्व विभागा कडून कारवाई करावी, अन्यथा काँग्रेस पक्षाकडून जनआंदोलन छेडण्यात येईल, असा इशाराही तिवारी यांनी दिला आहे.

  • crime prevention under MPDA act । कायद्याला न जुमानणाऱ्या ‘तावाडे” ला रामनगर पोलिसांनी दाखविला MPDA चा हिसका

    crime prevention under MPDA act

    crime prevention under MPDA act : चंद्रपूर – चंद्रपूर जिल्ह्यात गुन्हेगारी वृत्ती वाढत असताना पोलिसांनी MPDA कायद्याचे शस्त्र उगारत गुन्हेगारांना कारागृहात स्थानबद्ध करण्याची मोहीम राबवली आहे. आतापर्यंत ३ सराईत गुन्हेगारांना कारागृहात MPDA कायद्याअंतर्गत स्थानबद्ध करण्यात आले आहे.

    तावाडे वर अनेक गंभीर गुन्हे

    जिल्ह्यातील बल्लारपूर व रामनगर पोलीस स्टेशनच्या हद्दीत गंभीर गुन्हे चोरी, जबरी चोरी, खून, खुनाचा प्रयत्न, विना परवाना हत्यार बाळगणारे, दुखापत करणारे, बलात्कार करणारे, जाळपोळ व जीवे मारण्याची धमकी सह अवैध धंदे असे १५ गुन्हे दाखल असलेला सराईत गुन्हेगार २८ वर्षीय विनीत नानाजी तावाडे राहणार बापटनगर चंद्रपूर याला वर्षभराकरिता मध्यवर्ती कारागृह चंद्रपूर मध्ये २ ऑगस्ट रोजी स्थानबद्ध करण्यात आले. Vinit Tawade criminal history MPDA

    दहशत माजविणाऱ्या कुख्यात गुंडांवर MPDA कायद्यांतर्गत कारवाई

    १५ गुन्ह्यांची नोंद असलेल्या विनीत तावाडे यांच्या विरुद्ध sdpo सुधाकर यादव यांच्या नेतृत्वात रामनगर पोलीस निरीक्षक आसिफ रजा शेख यांनी प्रतिबंध व्हावा यासाठी कलम ३ (१), महाराष्ट्र झोपडपट्टी हातभट्टीवाले, औषधी विषयक गुन्हेगार, धोकादायक व्यक्ती, दृक्श्राव्य कलाकृतीचे विनापरवाना प्रदर्शन करणाऱ्या व्यक्ती, वाळू तस्कर आणि अत्यावश्यक वस्तूचा काळाबाजार करणाऱ्या व्यक्ती यांच्या विघातक कृत्यांना आळा घालण्याबाबत अधिनियम १९८१ सुधारणा २००९, २०१५ MPDA act अनव्ये कारवाईचा अहवाल तयार करून पोलीस अधीक्षक कार्यालय मध्ये पाठविण्यात आला.

    स्थानिक गुन्हे शाखेचे पोलीस निरीक्षक अमोल काचोरे यांनी दस्तऐवजाची पडताळणी करून सपोनि योगेश खरसान यांनी स्थानबद्ध प्रस्ताव तयार करीत सदर प्रस्ताव जिल्हाधिकारी कार्यालयात पाठविला, या प्रस्तावावर जिल्हाधिकारी यांनी तात्काळ आदेश मंजूर करीत गुन्हेगार विनीत तावाडे ला जिल्हा कारागृहात वर्षभरासाठी स्थानबद्ध करण्याचा आदेश पारित केला. police action against repeat criminals

    सदरची कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे व उपविभागीय पोलीस अधिकारी सुधाकर यादव यांच्या मार्गदर्शनात पोलीस निरीक्षक आसिफ रजा शेख, अमोल काचोरे यांच्या नेतृत्वात सपोनि योगेश खारसान, पोउपनि सुरेंद्र उपरे, पोलीस कर्मचारी संजय देशवाले, अरुण खारकर, परवेज शेख, अनिल जमकात व महिला पोलीस मनीषा मोरे, ब्युलटी साखरे यांनी केली.

  • Pradhan Mantri Awas Yojana Urban 2.0 । महिलांच्या नावावर घर मिळवायचंय? आता ही योजना तुमच्यासाठी!

    Pradhan Mantri Awas Yojana Urban 2.0

    Pradhan Mantri Awas Yojana Urban 2.0 : चंद्रपूर 1 ऑगस्ट – चंद्रपूर शहर महानगरपालिकेमार्फत “प्रधानमंत्री आवास योजना (शहरी) 2.0” योजना राबविली जात असुन या अंतर्गत दोन प्रकारांत अर्ज मागविण्यात येत आहेत. यातील वैयक्तिक स्वरूपातील घरकुल बांधकाम हा पहिला व तर भागीदारी तत्वावर परवडणारी घरे हा दुसरा घटक आहे.  

    रमाई आवास घरकुल योजनेसाठी अर्ज करा

       यातील वैयक्तिक स्वरूपातील घरकुल बांधकाम घटकांतर्गत चंद्रपूर शहरातील ज्या नागरिकांकडे स्थायी पट्टे (स्वतः मालकीची जागा) आहे  (बांधकाम प्रतिबंधित क्षेत्र वगळता) त्यांना घरकुलाचा लाभ घेण्यास (रु. 2.50  लक्ष अनुदान) अर्ज करता येतो. तसेच भागीदारी तत्वावर परवडणारी घरे या घटकांतर्गत ज्या नागरीकांकडे स्वमालकीची जागा अथवा जमीन उपलब्ध नाही व चंद्रपूर शहरात भाडेकरू म्हणून वास्तव्यास आहेत अशा नागरिकांना अर्ज सादर करता येणार आहे.


        माननीय पंतप्रधान महोदयाच्या “सर्वांसाठी घरे” या संकल्पनेच्या अंतर्गत केंद्र पुरस्कृत “प्रधानमंत्री आवास योजना” आर्थिकदृष्ट्या दुर्बल घटक व गरजू नागरिकांसाठी सुरु करण्यात आली आहे. या योजनेचा दुसरा टप्पा 1 सप्टेंबर 2024 पासुन राबविण्यात येत आहे.ही योजना महिला सदस्याच्या नावावर किंवा संयुक्त नावावर घर/जमिनीची मालकी देऊन महिला सक्षमीकरणाला प्रोत्साहन देते. या योजनेअंतर्गत, शहरी भागातील झोपडपट्टीवासीय आणि आर्थिकदृष्ट्या दुर्बल घटक (EWS), कमी उत्पन्न गट (LIG) आणि मध्यम उत्पन्न गट (MIG) श्रेणीतील इतर लोकांना प्राधान्य दिले जाते.  how to apply PMAY Urban scheme in Chandrapur

    लाभार्थी पात्रता –

    • अर्जदार व त्याचे कुटुंबीय यांच्यापैकी कुणाचेही भारतात पक्के घर नसावे तसेच घरातील सदस्य शासनासोबत किंवा सरकारी गृहनिर्माण संस्थेसोबत घरधारक नसावेत.
    • अर्जदाराचे वार्षिक उत्पन्न 4 लक्ष 50 हजार रुपयांच्या आत असावे.
    • लाभार्थी म्हणून गेल्या 20 वर्षात शासनाच्या कोणत्याही घरकुल योजनेचा लाभ घेतलेला नसावा. PMAY Urban 2.0 eligibility and documents 

    आवश्यक कागदपत्रे

    • आधार कार्ड
    • ओळख पत्र (PAN/मतदार ओळखपत्र)
    • उत्पन्न प्रमाणपत्र (अस्सल प्रत)
    • बँक पासबुक (IFSC कोड असलेले)
    • मालमत्ता मालकीचे प्रमाणपत्र (7/12 उतारा, मालमत्ता दाखला)
    • घर बांधकाम परवानगी/मंजूरी पत्र
    • विवाह प्रमाणपत्र (विवाहित असल्यास)
    • जातीचा दाखला (SC/ST/OBC साठी)
    • विकलांग प्रमाणपत्र (अर्जदार अपंग असल्यास)
    • पासपोर्ट साईझ फोटो (२ नग)
    • आधार लिंक असलेले मोबाईल नंबर
    • शपथपत्र तसेच घटक क्र. 2 मध्ये अर्ज करतांना शहरात कुठेही स्थावर मालमत्ता नसल्याचे प्रमाणपत्र आवश्यक राहील  
    • येथे करावा अर्ज –
    • उमेदवारांनी https://pmay-urban.gov.in या संकेतस्थळावर किंवा जवळच्या सेतू केंद्रावर ऑनलाईन अर्ज सादर करावा. अर्जासोबत आवश्यक कागदपत्रे स्कॅन करून अपलोड करणे बंधनकारक आहे.
    • अधिक माहितीकरिता संपर्क:
    • घरकुल विभाग,सात मजली इमारत,प्रथम माळा,चंद्रपूर शहर महानगरपालिका.  

  • Ramai Awas Gharkul Yojana Chandrapur 2025 । चंद्रपूरमध्ये गरजूंना मिळणार पक्कं घर!, रमाई आवास योजना’साठी अर्ज सुरू!

    Ramai Awas Gharkul Yojana Chandrapur 2025

    Ramai Awas Gharkul Yojana Chandrapur 2025 : चंद्रपूर 1 ऑगस्ट –  चंद्रपूर शहर महानगरपालिकेमार्फत अनुसूचित जाती व नवबौद्ध घटकांतील गरजू नागरी लाभार्थ्यांसाठी “रमाई आवास घरकुल योजना (शहरी)” राबविली आत असून या अंतर्गत अर्ज प्रक्रिया सुरू करण्यात आली आहे. या योजनेअंतर्गत पात्र लाभार्थ्यांना घरकुल बांधकामासाठी 2 लक्ष 50 हजार (बीपीएल)  तसेच 2 लक्ष 25 हजार (बीपीएल) इतके आर्थिक अनुदान दिले जाणार आहे.

    चंद्रपुरात गुंतवणुकीच्या नावावर फसवणूक

      सामाजिक न्याय व विशेष सहाय्य विभागामार्फत अनुसूचित जाती व नवबौद्ध घटकांसाठी सुरु करण्यात आलेल्या या  घरकुल योजनेअंतर्गत अनुसूचित जाती व नवबौद्ध घटकांतील लोकांचे राहणीमान उंचावणे, त्यांच्या निवाऱ्याचा प्रश्न सुटावा म्हणून ग्रामीण व शहरी भागामध्ये त्यांच्या स्वतःच्या जागेवर अथवा कच्च्या घराच्या  ठिकाणी पक्के घर बांधून देण्यात येते. Urban Gharkul Yojana eligibility and documents

    लाभार्थी पात्रता –

    • अर्जदार महाराष्ट्र राज्यातील रहिवासी असावा.
    • अर्जदाराचे स्वतःचे घर नसावे.
    • अर्जदार अनुसूचित जाती किंवा नवबौद्ध घटकातील असावा.
    • घरकुल बांधकाम महानगरपालिका क्षेत्रात 2 लक्ष 50 हजार रुपयेच्या मर्यादेत करणे आवश्यक आहे.
    • वार्षिक उत्पन्न मर्यादा 3 लाखांपेक्षा जास्त नसावी.
    • घराचे बांधकाम चटई क्षेत्र 269 चौ. फूट राहील.
    • घराच्या बांधकामाच्या खर्चामध्ये मनपा हिस्सा १० टक्के राहील. दारिद्रयरेषेखालिल कुटुंबासाठी लाभार्थी हिस्सा भरण्याची आवश्यकता नाही.
    • अर्जदाराने यापूर्वी घरकुलासंबंधी शासनाच्या कोणत्याही योजनेचा लाभ घेतलेला नसावा. 

    आवश्यक कागदपत्रे:

    • जातीचा दाखला (कास्ट सर्टिफिकेट)
    • उत्पन्नाचा दाखला (तहसीलदार यांचा चालू वर्षाचा) –सत्य प्रत
    • रेशनकार्ड
    • घरटॅक्स पावती (चालू वर्षाची)
    • मतदान ओळखपत्र (व्होटर कार्ड)
    • दारिद्र्य रेषेखालील दाखला (असल्यास)
    • रहिवासी दाखला १५ वर्षांचा (तहसीलदार यांचा )
    • अर्जदारासोबतचा कच्चे घर/झोपडी/खुल्या भूखंडाचा फोटो (सद्यस्थितीतील)
    • अर्जदार पती/पत्नी यांचे पासपोर्ट फोटो
    • इलेक्ट्रिक बिल
    • दारिद्र्य रेषेखालील प्रमाणपत्रातील नमुद कुटुंबातील अन्य कोणत्याही व्यक्तीने घरकुलाचा लाभ घेतला नसल्याबाबतचे शपथपत्र (रु. 100/- चा स्टॅम्प पेपरवरील नोटरी करणे)


    अर्ज प्रक्रिया:
    सर्व पात्र लाभार्थ्यांनी आवश्यक कागदपत्रांसह चंद्रपूर शहर महानगरपालिकेच्या घरकुल विभागाशी संपर्क साधून अर्ज सादर करावा.
    अधिक माहितीसाठी संपर्क:
    घरकुल विभाग,सात मजली इमारत,प्रथम माळा,चंद्रपूर शहर महानगरपालिका.

  • India Today ranking SP College Chandrapur । 📊 देशात नामवंत ठरले SP कॉलेजचे कोर्सेस – जाणून घ्या कोणते अभ्यासक्रम मिळाले टॉप रँक!

    India Today ranking SP College Chandrapur

    India Today ranking SP College Chandrapur : चंद्रपूर- ‘इंडिया टुडे’ या नामांकित मासिकातर्फे दरवर्षी महाविद्यालयाचे शाखानिहाय मूल्यांकन स्वयंप्रेरणेने करण्यात येते. अलीकडेच २०२४-२५ सत्रासाठी देखील ‘इंडिया टुडे’ ने मूल्यांकन करून राष्ट्रीय स्तरावर महाविद्यालयातील शाखांच्या मानांकनामध्ये येथील सरदार पटेल महाविद्यालयातील सर्वच शाखांना मानांकनात स्थान मिळाले आहे. सर्वोत्कृष्ट मानांकनात मागील वर्षीच्या तुलनेत महाविद्यालयातील कला, विज्ञान व वाणिज्य विभागाने यंदा भरारी घेत वरचे स्थान पटकाविले आहे.

    चंद्रपुरात गुंतवणुकीच्या नावावर नागरिकांची फसवणूक

    पालकांना आपल्या पाल्याला प्रवेश देताना उत्कृष्ट महाविद्यालय निवडण्यासाठी या मानांकनाचा उपयोग होतो. हे मानांकन ठरवताना ‘इंडिया टुडे’ मासिकातर्फे महाविद्यालयात उपलब्ध सोयी सुविधा, इमारत, विद्यार्थ्यांचा परीक्षेतील गुणानुक्रम, उपलब्ध प्राध्यापकांची संख्या, शैक्षणिक व इतर उपक्रम, विद्यार्थ्यांना दिलेल्या नोकरी विषयक संधी, प्रशिक्षण विद्यार्थ्यांच्या सर्वांगीण विकासासाठी केलेले प्रयत्न, अभ्यासक्रमाची पातळी इत्यादी बाबींचा अहवाल मागविण्यात येतो.

    मानांकनात मोठी झेप

    त्या आधारावर या मानांकनाची क्रमवारी प्रसिद्ध करण्यात येते. नुकतीच ती ‘इंडिया टुडे’ च्या ३० जून २०२५ च्या विशेष अंकात प्रकाशित करण्यात आली आहे. २०२४ च्या तुलनेत कला शाखेचे मानांकन १७० वरून १६४ वर, विज्ञान शाखेचे मानांकन ११७ वरून ११० वर, तर वाणिज्य शाखेचे मानांकन १४० वरून १३९ वर जाहीर झाले आहे.
    फॅशन विभागाला ५४, तर जनसंवाद विभागाला राष्ट्रीय स्तरावर ५८ वा क्रमांक मिळाला असल्याची माहिती समोर आली आहे. Sardar Patel Mahavidyalaya Chandrapur top ranked in India Today survey

    किमान प्रवेश शुल्क आकारणाऱ्या देशातील पहिल्या १० मध्ये महाविद्यालयाच्या संगणकशास्त्र विभागाचा बीसीए हा अभ्यासक्रम पहिल्या दहात चौथ्या क्रमांकावर, जनसंवाद विभागाचा एम.एम.(मास कम्युनिकेशन) हा अभ्यासक्रम पहिल्या दहा मध्ये चौथ्या स्थानावर आहे. यातच वाणिज्य विभागही पहिल्या दहात सातव्या क्रमांकावर आहे. India Today ranked Mass Communication course Chandrapur college

    महाविद्यालयातील शिक्षक, शिक्षकेत्तर कर्मचारी व सतत सहयोग देणारे सर्वोदय शिक्षण मंडळ यांच्या सामूहिक प्रयत्नांची ही फलश्रुती असल्याचे मत महाविद्यालयाचे प्राचार्य डॉ.पी.एम.काटकर यांनी व्यक्त केले. हे सर्व अहवाल तयार करण्यासाठी उपप्राचार्य डॉ. स्वप्निल माधमशेट्टीवार यांच्या मार्गदर्शनाखाली डॉ. प्रकाश शेंडे, डॉ. विजय वाढई, डॉ. एस.बी. किशोर, डॉ. राहुल सावलीकर, डॉ. पंकज मोहरीर, डॉ.अनिता मत्ते यांनी ही पूर्ण प्रक्रिया पार पाडली.

    दरम्यान दरम्यान सर्वोदय शिक्षण मंडळाचे अध्यक्ष अरविंद पोरेड्डीवार, कार्याध्यक्ष आ. किशोर जोरगेवार, उपाध्यक्ष सुदर्शन निमकर, सगुणाताई तलांडी, सचिव प्रशांत पोटदुखे, सहसचिव डॉ. किर्तीवर्धन दीक्षित, कोषाध्यक्ष संदीप गड्डमवार, सर्वोदय शिक्षण मंडळाचे कार्यकारी सदस्य, राकेश पटेल, सुरेश पोटदुखे, चंद्रशेखर वाडेगावकर, जिनेश पटेल यांनी उपरोक्त उपक्रमाबद्दल शुभेच्छा यांनी महाविद्यालयाचे प्राचार्य डॉ.पी.एम.काटकर व त्यांच्या चमूचे अभिनंदन केले असून पुढील वाटचालीसाठी शुभेच्छा दिल्या आहेत. Sardar Patel College arts science commerce national India Today ranking

  • SNDT Women Empowerment । तंत्रज्ञानाच्या युगात शिक्षकांनी सक्षम होणे गरजेचे – डॉ. मंजुषा कानडे

    SNDT Women Empowerment

    SNDT Women Empowerment : बल्लारपूर –  एसएनडीटी महिला विद्यापीठ, मुंबई चे महर्षी कर्वे महिला सक्षमीकरण ज्ञानसंकुल बल्लारपूर येथे दिनांक ३० जुलै २०२५ रोजी “पी.एम.-उषा (मेरु)” प्रकल्पांतर्गत (PM‑Usha (Meru) project) डिजिटल लिटरसी सेंटर – ॲप्लिकेशन सॉफ्टवेअर ट्रेनिंग या एक दिवसीय लघु अभ्यासक्रमाचे आयोजन करण्यात आले. कार्यक्रमाच्या प्रारंभी दीपप्रज्वलन करून उद्घाटन करण्यात आले. यावेळी प्रमुख पाहुणे डॉ. मंजुषा कानडे, डॉ. प्रांजल बोगावार, बल्लारपूर आवाराचे संचालक डॉ. राजेश इंगोले, सहायक कुलसचिव डॉ. बाळू राठोड, तसेच समन्वयक डॉ. वेदानंद अलमस्त उपस्थित होते.

    कुख्यात गुंडाला चंद्रपूर पोलिसांनी केले स्थानबद्ध

    कार्यक्रमाचे प्रास्ताविक डॉ. वेदानंद अलमस्त यांनी केले व अध्यक्षीय भाषण डॉ. राजेश इंगोले यांनी केले त्यांनी शिक्षण क्षेत्रातील सतत होणारे बदल आणि शिक्षकांनी नवतंत्रज्ञान आत्मसात करण्याची गरज या मुद्द्यावर सविस्तर प्रकाश टाकला यावेळी डॉ. मंजुषा कानडे यांनी शिक्षणपद्धती, शिक्षकाची भूमिका व बदलत्या तंत्रज्ञानाच्या युगातील नवविचार यावर भाष्य केले.

    कार्यक्रमात तीन शैक्षणिक सत्रे घेण्यात आली. पहिल्या सत्रात प्रियांदर्शिनी अभियांत्रिकी महाविद्यालय, नागपूर येथील  इलेक्ट्रॉनिक्स व टेलिकम्युनिकेशनचे विभागप्रमुख डॉ. विशाल पांचभाई , यांनी मायक्रोसॉफ्ट ऑफिस, वर्ड, एक्सेल, पॉवरपॉईंट यावर सविस्तर माहिती व प्रात्यक्षिके सादर केली. दुसऱ्या सत्रात शैक्षणिक, व्यवस्थापन परिषद सदस्य, एसएनडीटी महिला विद्यापीठ मुंबई , तथा प्राचार्य डॉ. प्रांजल बोगावार यांनी शिक्षण व संशोधनासाठी उपयुक्त विविध डिजिटल साधनांवर मार्गदर्शन केले. PM Usha Meru digital application training program

    chatgpt चा असा करा वापर

    यात गूगल वर्कस्पेस, ऑनलाइन मीटिंग टूल्स, स्क्रीन रेकॉर्डिंग सॉफ्टवेअर, लर्निंग मॅनेजमेंट सिस्टिम्स, रेफरन्स मॅनेजमेंट टूल्स, शोधनिबंध साधने व साहित्य चोरी तपासणी उपकरणांचा समावेश होता. तिसऱ्या सत्रात प्रियांदर्शिनी अभियांत्रिकी महाविद्यालय, नागपूर येथील उपप्राचार्य डॉ. गजेन्द्र आसुटकर यांनी कृत्रिम बुद्धिमत्ता आणि त्याचे शिक्षणासाठीचे उपयोग यावर सखोल माहिती दिली. त्यांनी चॅटजीपीटी, गूगल जेमिनी, बिंग कोपायलट, क्लॉड, डिफिट, क्युरिपॉड, मॅजिक स्कूल या साधनांचा अभ्यास करून वेगवेगळ्या पद्धतीचे अध्यापन साहित्य, प्रश्नपत्रिका व मूल्यमापनासाठी त्याचा वापर कसा करावा हे स्पष्ट केले.

    कार्यक्रमाची सांगता सहभागी प्राध्यापकांच्या अभिप्रायाने झाली. उपस्थित सर्व  प्राध्यापकांनी कार्यशाळेबाबत सकारात्मक अनुभव मांडले. यानंतर  सहभागी प्राध्यापकांना प्रमाणपत्रांचे वितरण करण्यात आले.कार्यक्रमाच्या यशस्वी आयोजनासाठी सहा. प्रा. शीतल बिल्लोरे, सहा. प्रा. अपेक्षा पिंपळे, सहा. प्रा.पायल तापासे, सहा. प्रा. कोमल भाटिया व सहा. प्रा. प्रनाली गौरकर यांनी संयोजन समितीच्या सदस्य म्हणून महत्वाची भूमिका बजावली, आभारप्रदर्शन सहा. प्रा. ऋग्वेद खंगमपट्टीवार यांनी केले.

  • roadside cobbler stall subsidy scheme । 100% अनुदानात गटई स्टॉल! रस्त्याच्या कडेला बसणाऱ्यांसाठी सुवर्णसंधी!

    roadside cobbler stall subsidy scheme

    roadside cobbler stall subsidy scheme : चंद्रपूर –  चामड्याच्या वस्तू वा पादत्राणे दुरुस्ती व्यावसायिक हे रस्त्याच्या कडेला उन्हा-पावसात बसून आपली सेवा देत असतात. या व्यावसायिकांना ऊन-वारा-पाऊस यापासून सरंक्षण मिळावे तसेच त्यांची आर्थिक उन्नती व्हावी, यासाठी ग्रामपंचायत, नगरपालिका क्षेत्रात 100 टक्के शासकीय अनुदानातून पत्र्याचे स्टॉल देण्याची योजना राबविण्यात येत आहे. या योजनेची व्याप्ती अ वर्ग व  ब वर्ग नगरपालिका आणि छावणीक्षेत्र (कॅन्टोंमेंटबोर्ड) व महानगरपालिका क्षेत्रात सुध्दा वाढविण्यात आली आहे. free tin stall grant for Scheduled Caste cobblers Maharashtra

    त्यानुषंगाने अनुसूचित जातीच्या गटई कामगारांचे आर्थिक उन्नती होण्यासाठी गटई स्टॉल योजनेचे अर्ज सहाय्यक आयुक्त कार्यालय, समाज कल्याण चंद्रपुर या कार्यालयाकडे उपलब्ध आहे. तरी या योजनेचा अनुसूचित जातीच्या गटई कामगारांनी जास्तीत जास्त लाभ घ्यावा, असे आवाहन सहायक आयुक्त यांनी केले आहे.

    महाराष्ट्रातील आयटीआय मध्ये क्रांतिकारी बदल

    पात्रतेचे निकष : 

    • अर्जदार हा महाराष्ट्राचा रहिवासी व अनु. जाती संवर्गातील असावा
    • अर्जदाराच्या कुटुंबाचे वार्षिक उत्पन्न हे ग्रामीण भागासाठी 40 हजार व शहरी भागासाठी 50 हजार रुपयांपेक्षा अधिक नसावे.
    • अर्जदाराचे वय 18 वर्षापेक्षा कमी नसावे.
    • अर्जदार ज्या जागेत स्टॉल मागत असेल ती जागा ग्रामपंचायत, नगरपालिका, छावणी बोर्ड यांनी त्यास भाड्याने, कराराने खरेदी अगर मोफत परंतु अधिकृतरीत्या ताब्यात दिलेली असावी. Gatai stall scheme Maharashtra cobbler artisans

    आवश्यक कागदपत्रे :

    • अर्जदाराचा स्वतःचा प्राधिकृत अधिकाऱ्याने दिलेला जातीचा दाखला 
    • मागील संपलेल्या आर्थिक वर्षातील प्राधिकृत अधिकाऱ्याने दिलेला उत्पन्नाचा दाखला 
    • शाळा सोडल्याचा दाखला 
    • रेशन कार्डाची झेरॉक्स (साक्षांकित प्रत)
    • आधार कार्डाची झेरॉक्स प्रत 
    • अर्जदार ज्या जागेत स्टॉल मागत आहे. ती जागा ग्रामपंचायत/नगरपालिका/महानगरपालिका यांनी भाड्याने/कराराने/खरेदीने/स्व:मालकीची असल्याबाबतची भाडेचिठ्ठी, कराराची प्रत किंवा खरदी खताची साक्षांकित प्रत
    • ग्रामसेवक/ सचिव यांचे गटई काम करीत असल्याचे प्रमाणपत्र 
    • अर्जदार रस्त्याच्या कडेला बसून व्यवसाय करीत असल्याबाबतचे ग्रामपंचायत/नगरपालिकेचे व्यवसाय प्रमाणपत्र व या जागेवर बसून काम करण्याबाबत ना हरकत प्रमाणपत्र,  व्यवसाय करतानाचा पोस्टकार्ड साईज फोटो जोडणे आवश्यक आहे
    • अधिवास प्रमाणपत्र.

     

    अर्जदारांनी योजनेच्या विहित नमुन्यातील परिपूर्ण अर्ज शासन निर्णयात नमूद अटीनुसार सहाय्यकआयुक्त, समाज कल्याण कार्यालय चंद्रपुर येथे सादर करावा. अधिक माहितीकरीता सहाय्यक आयुक्त, समाज कल्याण, चंद्रपूर येथे तसेच 07172 – 253198 वर संपर्क करावा.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by