Chandrapur disability welfare scheme : चंद्रपूर 19 सप्टेंबर – दिव्यांगांना स्वयंरोजगार मिळावा व त्यामाध्यमातुन त्यांचे कुटुंब आर्थिक सक्षम व्हावे म्हणून चंद्रपूर महानगरपालिकेतर्फे दिव्यांग कल्याण धोरणाची अंमलबजावणी केल्या जात असुन याअंतर्गत 34 दिव्यांग लाभार्थ्यांना स्वतःचा व्यवसाय सुरु करण्यास एकुण 23.82 लक्ष रुपयांचे अनुदान आतापर्यंत देण्यात आले आहे.
अनेक दिव्यांग व्यक्तींना स्वतः चा व्यवसाय किंवा लघुउदयोग सुरु करायचा असतो परंतु अपुऱ्या भांडवलामुळे व्यवसाय सुरु करु शकत नाही अश्या दिव्यांग व्यक्तीकरीता चंद्रपूर महानगरपालिकेतील दिव्यांग कल्याण धोरण या योजनेतुन 2 लक्ष रुपयांचे कर्ज विविध बँकेमार्फत उपलब्ध करून दिल्या जाते. मनपा दिव्यांग कल्याण धोरण अंतर्गत बँकेने मंजुर केलेल्या कर्जावर 50 टक्के अनुदान देण्यात येते.
34 दिव्यांग लाभार्थ्यांना योजनेचा लाभ
चंद्रपूर मनपाच्या माध्यमातुन आतापर्यंत 34 दिव्यांग लाभार्थ्यांनी या योजनेचा लाभ घेतला असुन त्यांना एकुण 23.82 लक्ष रुपयांचे अनुदान देण्यात आले आहे. ज्यास्तीत ज्यास्त दिव्यांग व्यक्तींनी व्यवसायाला सुरवात करून आत्मनिर्भर व्हावे व आपल्या कुटुंबाला हातभार लावुन आर्थिक प्रगती व्हावी हा या मागचा उद्देश आहे. divyang self employment assistance Chandrapur
ज्या दिव्यांग व्यक्तींना नविन व्यवसाय सुरु करावयाचा असेल अथवा सुरु असलेल्या व्यवसायात वाढ करावयाची असेल त्यांनी कर्ज घेण्याकरीता व अधिक माहितीकरीता मनपा दीनदयाळ अंत्योदय योजना राष्ट्रीय नागरी उपजीविका अभियान कार्यालय ( बीपीएल ऑफीस ),सरकारी दवाखान्यामागे,कस्तुरबा रोड ज्युबली शाळेसमोर या ठिकाणी कार्यालयीन वेळेत संपर्क साधण्याचे तसेच अधिकाधिक दिव्यांगांनी योजेनचा लाभ घेण्याचे आवाहन मनपा आयुक्तांनी केले आहे.
alcazar car fire Chandrapur Nagpur route : चंद्रपूर / वरोरा – १९ सप्टेंबर २०२५ – चंद्रपूर नागपूर महामार्गावर आज दुपारी अडीच वाजताच्या सुमारास चारचाकी वाहनाने अचानक पेट घेतला, काही क्षणात वाहन जाळून राख झाले. सुदैवाने या घटनेत कसलीही जीवितहानी झाली नाही.
नागपूर निवासी अमीन हारून अली हाजी हे आपल्या दोन सहकाऱ्यांसह चंद्रपूर वरून नागपूरला अलक्झर वाहन क्रमांक mh ३१ fu ६६७३ ने निघाले होते, वरोरा मधील रत्नमाला चौकात पोहोचल्यावर अचानक वाहनातून धूर निघू लागला, वाहन चालकाने प्रसंगावधान दाखवीत तात्काळ वाहनातून सर्वाना खाली उतरवीत जवळच्या पेट्रोल पंपावरून अग्निविरोधक यंत्र आणण्यास गेले मात्र वाहनाने तोपर्यंत पेट घेतला होता.
अन्यथा मोठी घटना घडली असती
परत येईपर्यंत वाहन जाळून खाक झाले, मात्र वाहनातील नागरिक वेळेपूर्वी उतरल्याने मोठी घटना टळली. वाहन मालक अमीन हारून अली हाजी यांनी याबाबत माहिती दिली कि आम्ही सकाळच्या सुमारास चंद्रपुरवरून नागपूरसाठी निघालो असता वरोरा जवळ पोहोचल्यावर अचानक वाहनातून धूर निघायला लागला. वेळेपूर्वी आम्ही वाहनातून उतरलो अन्यथा मोठी घटना घडली असती. याबाबत वरोरा पोलिसांनी सदर घटनेची नोंद केली आहे.
Solid waste scam PIL Nagpur bench : पोंभूर्णा: १९ सप्टेंबर २०२५ -नगर पंचायतीच्या विरोधी पक्षाच्या नगरसेवकांनी घनकचरा व्यवस्थापन घोटाळ्या प्रकरणी उच्च न्यायालयाच्या नागपूर खंडपीठात जनहित याचिका दाखल केली आहे.त्यामुळे सबंधितांचे चांगलेच धाबे दणाणले असून शहरात एकच खळबळ उडाली आहे.नगर पंचायतचे विरोधी गटनेता आशिष कावटवार,गणेश वासलवार व इत्तर नगरसेवकांनी मुंबई उच्च न्यायालय नागपूर खंडपीठात मुंबई नगरविकास मंत्रालयाचे सचिव,सहआयुक्त, जिल्हाधिकारी,मुख्याधिकारी, नगराध्यक्षा व इतर पदाधिकारी,अधिकाऱ्याच्या विरोधात जनहित याचिका दाखल केली आहे.
नगर पंचायतीच्या घनकचरा व्यवस्थापनासाठी आदिवासी घटक कार्यक्रमांतर्गत महाराष्ट्र सुवर्ण जयंती नगरोत्थान महाभियान योजने अंतर्गत सन. २०२५- २६ करीता ८३ लक्ष ५१ हजार ८५० रुपये कामाच्या अधिकारांचा गैरवापर, कायद्याचे उल्लंघन, सभेत ठराव न घेणे,छुप्या मार्गाने ठराव तयार करून महाराष्ट्र जीवन प्राधिकरण व जिल्हाधिकाऱ्यांची परवानगी घेणे, निविदा प्रक्रियेत मनमर्जीच्या कंत्राटदाराला कंत्राट देण्यासाठी सोयीस्कर छुप्या मार्गाने प्रक्रिया करणे,असा एक ना अनेक अनागोंदी कारभार करून घोटाळा झाल्याचा आरोप करत विरोधी पक्षनेता आशिष कावटवार, नगरसेवक, गणेश वासलवार,अतुल वाकडे, अभिषेक बद्दलवार,नंदकिशोर बुरांडे,रामेश्वरी वासलवार,रिना उराडे यांनी मुंबई उच्च न्यायालयाच्या नागपूर खंडपीठात जनहित याचिका दाखल केली.जनहित याचिका सार्वजनिक, नागरिकांच्या हिताची असल्यामुळे तात्काळ न्यायालयाने मान्य करून याचिका दाखल करून घेतली असून केस नंबर WPST/21034/2025 मिळाला असून WP/5431/2025 BOMBHC-मुंबई उच्च न्यायालयात नोंदणीकृत करण्यात आले आहे. Pombhurna Nagar Panchayat corruption
पोंभर्णा शहरामध्ये नगर पंचायत अंतर्गत कचरा व्यवस्थापन करण्यासाठी खासगी ठेकेदाराला घनकचरा व्यवस्थापनाचा कंत्राट देण्यासाठी निविदा मागविण्यात आल्या. या आधी आणि नंतरही पूर्ण प्रक्रिया राबविताना नगर पंचायतचे नगराध्यक्ष व मुख्याधिकाऱ्यांनी, प्रशासनाने नियमांना धाब्यावर बसवून नियम,कायदे यांना पायदळी तुडवत गैरव्यवहार केल्याचा आरोप करत विरोधी पक्षाच्या नगरसेवकांनी दि.१५ सप्टेंबरला पोंभूर्णा विश्रामगृहात पत्रकार परिषद घेऊन गैरव्यवहारावर प्रकाश टाकण्याचा प्रयत्न केला आहे. Waste management scam Maharashtra
नगर पंचायत मधील १४ मे २०२५ रोजीच्या सर्वसाधारण सभेच्या विषयात व टिपणी मध्ये विषय घेण्यात आलेला नाही, व त्याबाबत कुठलीही चर्चा केली गेली नाही व पुढील सभा दिनांक १ जुलैच्या सभेत मागील विषय वाचन करून कायम करण्यात आलेला नाही.छूप्या मार्गाने विविध विकास कामाची निवड करताना नगराध्यक्ष व मुख्याधिकाऱ्यांच्या मनमर्जीने ठराव तयार करून घनकचरा व्यवस्थापन ई-निविदा गैरमार्गाने काढण्यात आली व दरपत्रक उघडून नगराध्यक्षानी स्थायी समिती मध्ये दर निश्चित केले असल्याचा आरोप करण्यात आलेला आहे. Solid waste scam PIL Nagpur bench
आमचा कायद्यावर विश्वास : विरोधी पक्ष गटनेता
पोंभूर्णा शहराच्या उज्ज्वल भविष्यासाठी येथील नगर पंचायतीत सुरू असलेला अनागोंदी कारभार, आर्थिक भ्रष्टाचार याविषयी वेळोवेळी पत्रव्यवहार करून दाद मागून सुद्धा स्थानिकासह विविध वरीष्ठ प्रशासकीय अधिकाऱ्यांनी याकडे दुर्लक्ष केले आहे.दाद न मिळाल्याने न्याय मिळविण्यासाठी आम्ही उच्च न्यायालयात धाव घेतली आहे. आमचा कायद्यावर पूर्णपणे विश्वास असून आम्हाला न्याय मिळेल आणि जनतेसमोर सत्य येईल.
आशिष कावटवार विरोधी पक्षनेता,नगर पंचायत पोंभूर्णा.
Leopard attack child death Gadbori : सिंदेवाही, १९ सप्टेंबर – सिंदेवाही तालुक्यातील गडबोरी गावात गुरुवारी सायंकाळी एका आठ वर्षांच्या मुलावर बिबट्याने हल्ला करून त्याला ठार केले. या घटनेमुळे गावात शोककळा पसरली आहे.
प्रशिक बाबन मानकर (८) असे मृत मुलाचे नाव आहे. तो गावातील मस्कार्‍या गणपतीच्या सामुदायिक भोजनासाठी गेला होता. रात्री साडेसातच्या सुमारास जेवण झाल्यावर तो आपल्या काकासोबत घराकडे, किल्ला रोडवरून परत येत असताना बिबट्याने अचानक त्याच्यावर झडप घेतली.
ग्रामस्थांनी दिलेल्या माहितीनुसार, बिबट्याने मुलाला जबड्यात पकडले आणि जवळच्या टेकडीकडे ओढत नेले. जमावामध्ये प्रचंड घबराट पसरली. लोकांनी बिबट्याचा पाठलाग करण्याचा प्रयत्न केला, परंतु प्रशिकला वाचवता आले नाही. त्याचा मृतदेह आज (१९ सप्टेंबर) गडबोरी टेकडीजवळ सापडला. घटना घडल्यावर गडबोरी गावात तणावाची स्थिती निर्माण झाली होती, मागील २ दिवसापासून बिबट परिसरात दिसत होता, याबाबत गावकऱ्यांनी वनविभागाला माहितीही दिली होती मात्र त्यांनी यावर हतबलता दाखवली. गडबोरी गावातील नागरिक वनविभागवर चांगलेच संतापले होते. Sindewahi leopard attack news
आतापर्यंत ३२ नागरिकांचा मृत्यू
या घटनेमुळे संपूर्ण गावावर दु:खाचे सावट पसरले आहे. दरम्यान, वन विभाग आणि पोलीस अधिकारी घटनास्थळी दाखल झाले त्यांनी बिबट्याला पकडण्यासाठी परिसरात शोधमोहीम सुरू केली आहे. चंद्रपूर जिल्ह्यात आतापर्यंत एकूण ३२ नागरिकांचा वन्यप्राण्यांच्या हल्ल्यात मृत्यू झाला असून यामध्ये २९ वाघ, २ बिबट व एक अस्वलाच्या हल्ल्यात नागरिकांचा मृत्यू झाला आहे.
संतापलेल्या ग्रामस्थांनी बिबट्याला तात्काळ पकडण्याची आणि रहिवाशांच्या सुरक्षिततेची खात्री देण्याची मागणी केली आहे. या घटनेमुळे परिसरात भीतीचे वातावरण निर्माण झाले आहे, असेही त्यांनी सांगितले.
college magazine launch event : चंद्रपूर १८ सप्टेंबर २०२५ : सरदार पटेल महाविद्यालयातर्फे प्रकाशित वार्षिकांक ‘शब्दगंधा’ (शैक्षणिक सत्र 2024-25) चा भव्य प्रकाशन समारंभ अत्यंत गौरवशाली वातावरणात संपन्न झाला. या प्रसंगी संस्थेचे अध्यक्ष श्री. अरविंद पोरेड्डीवार, उपाध्यक्ष श्री. सुदर्शन निमकर, महाविद्यालयाचे प्राचार्य डॉ. पी. एम. काटकर, उपप्राचार्य डॉ. स्वप्निल माधमशेट्टीवार, शब्दगंधा प्रमुख व संपादक डॉ. शैलेंद्रकुमार शुक्ल, सहसंपादिका डॉ. पद्मरेखा धनकर, डॉ. भारती दीक्षित व सहसंपादक मंडळ उपस्थित होते. विद्यार्थ्यांच्या संपादक मंडळाने सर्व मान्यवरांचे पुष्पगुच्छ देऊन स्वागत केले.
प्राचार्य डॉ. पी. एम. काटकर यांनी आपल्या भाषणात म्हटले की, ‘शब्दगंधा’ महाविद्यालयातील प्रतिभावंत लेखणींना आपली क्षमता दाखविण्याचे व्यासपीठ उपलब्ध करून देते. विद्यार्थ्यांनी कविता, कथा, निबंध आणि लेखांच्या माध्यमातून आपली कल्पनाशक्ती व सामाजिक जाणीवा ज्या प्रकारे व्यक्त केल्या आहेत, त्या अनुकरणीय व प्रेरणादायी आहेत. वार्षिकांक ‘शब्दगंधा’ चे प्रकाशन संस्था अध्यक्ष श्री. अरविंद पोरेड्डीवार, उपाध्यक्ष श्री. सुदर्शन निमकर, प्राचार्य डॉ. पी. एम. काटकर, उपप्राचार्य डॉ. स्वप्निल माधमशेट्टीवार, शब्दगंधा प्रमुख डॉ. शैलेंद्रकुमार शुक्ल, सहसंपादिका डॉ. पद्मरेखा धनकर व डॉ. भारती दीक्षित यांच्या हस्ते पार पडले. Shabdagandha magazine Chandrapur
“‘शब्दगंधा’ ही फक्त पत्रिका नाही तर विचारांचे व्यासपीठ
अध्यक्षीय मनोगतात अरविंद पोरेड्डीवार यांनी विद्यार्थ्यांच्या लेखनाचे कौतुक करताना म्हटले की,”‘शब्दगंधा’ ही फक्त पत्रिका नाही तर विचारांचे व्यासपीठ आहे. विशेष म्हणजे या वर्षीचे मुखपृष्ठ भारतीय संविधानाला 75 वर्षे पूर्ण झाल्याच्या निमित्ताने विद्यार्थ्यांनी कल्पकतेने साकारले आहे. हे त्यांची जागरूकता आणि सृजनशीलता दर्शविते. संविधान हे फक्त कायद्याचे पुस्तक नाही, तर भारताच्या लोकशाही जीवनाचा प्राण आहे, आणि विद्यार्थ्यांनी याचे रचनात्मक स्वरूपात केलेले सादरीकरण महत्त्वाचा संदेश देणारे आहे.”
संस्थेचे उपाध्यक्ष श्री. सुदर्शन निमकर म्हणाले की, ‘शब्दगंधा’ सारख्या पत्रिका विद्यार्थ्यांच्या बहुआयामी व्यक्तिमत्व विकासात सहाय्यक ठरतात. ही पत्रिका साहित्यिक प्रतिभेबरोबरच सामाजिक जाणीवा आणि सांस्कृतिक मूल्ये जपते. शब्दगंधा चे संपादक डॉ. शैलेंद्रकुमार शुक्ल यांनी आपल्या प्रास्ताविक भाषणात म्हटले – “साहित्य हे फक्त शब्दांचा खेळ नाही, ते विचारांचे आरसे आहे, भावनांची अभिव्यक्ती आहे आणि आत्म्याची हाक आहे. विद्यार्थी जेव्हा आपली लेखणी चालवतात, तेव्हा फक्त अक्षरे उतरतात असे नाही, तर भविष्यातील चित्र आकार घेत असते.” creative writing in colleges
सूत्रसंचालन डॉ. भारती दीक्षित यांनी केले आणि आभारप्रदर्शन सहसंपादिका डॉ. पद्मरेखा धनकर यांनी केले. या प्रसंगी सर्वोदय शिक्षण मंडळातील सर्व पदाधिकाऱ्यांनी शुभेच्छा दिल्या. कार्यक्रमाला महाविद्यालयातील प्राध्यापकवर्ग, शिक्षक-बाह्य कर्मचारी व विद्यार्थी मोठ्या संख्येने उपस्थित होते.
tiger attack Chandrapur 2025 : चिमूर:- शंकरपूर पासून सहा किलोमीटर अंतरावर असलेल्या लावारी येथील एका महिलेला वाघाने ठार केल्याची घटना गुरुवारी सकाळी नऊ वाजताच्या सुमारास घडली, विद्या कैलास मसराम वय 42 असं मृतक महिलेचे नाव आहे ही घटना चिमूर वनपरिक्षेत्र भिसी उपवन क्षेत्रातील गडपिपरी बिटात घडली. विशेष बाब म्हणजे चंद्रपूर जिल्ह्यात आतपर्यंत तब्बल ३१ नागरिकांचा वन्यप्राण्यांच्या हल्ल्यात बळी गेला आहे, ज्यामध्ये २९ वाघाच्या हल्ल्यात, १ अस्वल व १ हत्तीच्या हल्ल्यात मृत्यू झाला आहे. tiger attack Chandrapu
लावारी मध्ये मसराम यांनी धानाची शेती ठेक्याने घेतली आहे, मागील २ दिवसापासून शेतात निंदनाचे काम सुरु होते, आज सकाळी सहा महिला शेतात निंदनासाठी गेल्या होत्या, ५ महिला वेगळ्या दिशेने तर विद्या मसराम हि दुसऱ्या बाजूस निंदण करीत होती. यावेळी दबा धरून बसलेल्या वाघाने विद्या वर हल्ला करीत तिला फरफटत नेत ठार केले.
महिलेचा पती विद्या ला बघण्यासाठी शेतात आला तेव्हा ती कुठे आढळून आली नाही, त्यावेळी मागील बांधीत विद्याचा मृतदेह छिन्नविच्छिन्न अवस्थेत होता, काही अंतरावर गावकर्यांना वाघ दिसला मात्र त्यांच्या आरडाओरडाने वाघ पळून गेला. जोपर्यंत महिलेच्या पतीला नोकरी, दहा लाख रुपये व वाघाचा बंदोबस्त करणार नाही तोपर्यंत कुणाचेही वाहन जाऊ देणार नाही अशी भूमिका गावकर्यांनी घेतली.
दुचाकी वाहन फोडले
वनविभाग व पोलीस कर्मचारी घटनास्थळी दाखल झाले मात्र गावकऱ्यांचा रोष वाढल्याने घटनास्थळी चांगलाच तणाव निर्माण झळा होता, यावेळी वनरक्षक बोरकर यांच्या दुचाकी वाहनांची तोडफोड करण्यात आली. वनरक्षकाची तात्काळ बदली करावी अशी मागणी गावकरी करीत होते. यावेळी पोलीस व ववनविभागाने गावकर्यांना लेखी आश्वासन दिल्यावर तणाव शांत झाला. वन विभागातर्फे वनपरिक्षेत्र अधिकारी किशोर देऊळकर व त्यांचे कर्मचारी उपस्थित होते तर पोलीस विभागातर्फे उपविभागीय पोलिस अधिकारी दिनकर ठोसरे भिसीचे ठाणेदार मंगेश भोंगडे, पोलीस उपनिरीक्षक रवी वाघ, थूटे चिमूर व भिसी येथील पोलीस कर्मचारी उपस्थित होते.
Rahul Gandhi press conference evidence : चंद्रपूर – देशाचे लोकसभा विरोधीपक्ष नेते राहुल गांधी यांनी आधी मतचोरी व आता मतदारांची नावे वगळणे व नव्याने नावे वाढविण्यात आल्याबाबत पत्रकार परिषद घेत पुरावे सादर केले. गांधी यांच्या पत्रकार परिषदेनंतर चंद्रपूर जिल्हा प्रशासनात अनेक हालचाली सुरु झाल्या व थेट आमच्यामुळेचं बोगस मतदार नोंदणी टळली असे स्पष्टीकरण राजुरा मतदार नोंदणी अधिकारी रविंद्र माने यांनी आज प्रसिद्धीपत्रकाद्वारे दिले आहे. Rahul Gandhi press conference evidence
राजुरा विधानसभा मतदारसंघात विधानसभा निवडणुकीच्या रणधुमाळीत ६ हजार ८६१ बोगस मतदार नोंदणी करण्यात आली होती. विधानसभा मतदार संघातील मतदान केंद्रावर छायाचित्र मतदार यादीस 06 ऑगस्ट 2024 रोजी प्रारूप आणि दिनांक 30 ऑगस्ट 2024 रोजी अंतीम प्रसिध्दी देण्यात आली. दिनांक 01 सप्टेंबर 2024 पासून सर्व विधानसभा मतदार संघात निरंतर मतदार नोंदणी संबंधाने अर्ज निकाली काढण्याची कार्यवाही करण्यात आली होती. निरंतर पुनरिक्षण कार्यक्रमांतर्गत 70 – राजूरा विधानसभा मतदार संघामध्ये 01 ते 17 ऑक्टोबर 2024 या कालावधीमध्ये नव्याने मतदार नोंदणी संदर्भात 7592 अर्ज प्राप्त झाले. fake voters Rajura constituency
सहा. मतदार नोंदणी अधिकारी तथा तहसीलदार, राजूरा यांनी सदर अर्जाची मतदान केंद्रस्तरीय अधिकारी यांच्यामार्फत चौकशी केली. चौकशीअंती एकूण 6861 अर्जामधील अर्जदार, संबंधित यादीवरील पत्यावर नसणे /अर्जदार अस्तित्वात नसणे अर्जदारांचे फोटो व पुरावे नसणे इत्यादी कारणावरून उपरोक्त अर्ज, रितसर नामंजूर करण्यासाठी परवानगी मिळण्याकरिता जिल्हा कार्यालयास 17 ऑक्टोबर 2025 रोजी प्रस्ताव सादर केला होता. त्यानंतर सदर वाढीव बोगस मतदारांची नावे वगळण्यात आली होती.
याबाबत प्रशासनाने १९ ऑक्टोबर रोजी राजुरा पोलीस स्टेशनमध्ये अज्ञात आरोपी विरोधात लोकप्रतिनिधित्व अधिनियम, 1950 आणि माहिती तंत्रज्ञान कायदा, 2000 व विविध कलमांतर्गत गुन्हे दाखल करण्यात आले होते मात्र तक्रारीला आज जवळपास १ वर्षे होत आहे, परंतु या प्रकरणी अजूनही तपास सुरु आहे. सदर प्रकरणाचा तपास झाला नाहीतर कांग्रेस पक्ष न्यायालयात जात दाद मागणार अशी माहिती माजी आमदार सुभाष धोटे यांनी दिली आहे, वर्ष २०२४ च्या विधानसभा निवडणुकीत भाजपचे देवराव भोंगळे यांनी कांग्रेसचे सुभाष धोटे यांचा ३ हजार ५४ मतांनी पराभव केला होता. Rajura election controversy
विरोधीपक्ष नेते राहुल गांधी यांच्या पत्रकार परिषदेनंतर चंद्रपूर जिल्हा प्रशासनाने १८ सप्टेंबर ला अधिकृत निवेदन जारी केले त्यामध्ये प्रशासनाच्या सतर्कतेमुळे बोगस मतदार नोंदणी टळली अशी माहिती देण्यात आली.
फोन कट
यावर जिल्हाधिकारी विनय गौडा यांचेशी संपर्क साधत या प्रकरणी माहिती विचारली असता ते म्हणाले कि याबाबत आम्ही रीतसर प्रेस रिलीज केलेली आहे, सध्या पोलीस विभाग याचा रीतसर तपास करीत आहे, प्रश्नाने याबाबत पोलीस तक्रार केली होती त्याच काय झालं? ते म्हणाले कि आम्ही पोलीस विभागाला रिमाइंडर केलं आहे, तपासाला जवळपास वर्षे पूर्ण होत आहे मात्र अद्याप काही झालं नाही यावर जिल्हाधिकारी यांनी बोलणे टाळले आणि फोन कट केला. पोलीस अधीक्षक मुमक्का सुदर्शन यांनी यावर काही प्रतिसाद दिला नाही. bogus voter registration
आयपी एड्रेस बाबत संभ्रम
राजुरा विधानसभा मतदार संघात झालेली बोगस मतदार नोंदणी मध्ये अनेकांची नावे हि बाहेर राज्यातील होती. आम्ही तहसीलदार यांना तक्रार दिली त्यानंतर बोगस मतदारांची नावे वगळण्यात आली मात्र त्यानंतर सुद्धा राजुरा विधानसभेत ११ हजार नावे बोगस होती ती प्रशासनाने वगळली नाही, हा प्रकार राजुरा विधानसभेत घडला तसा राज्यातील विविध मतदारसंघात घडला असेल हे नक्की आहे. याबाबत आम्ही पोलीस प्रशासनाशी बोललो कि हि नोंदणी कुणी केली तर ते म्हणतात कि आम्हाला निवडणूक आयोगाने आयपी ऍड्रेस दिला नसल्याने आम्ही काही करू शकत नाही अशी प्रतिक्रिया माजी आमदार सुभाष धोटे यांनी दिली आहे.
असा प्रकार घडला नाही
राजुरा विधानसभेचे आमदार यांनी यावर प्रतिक्रिया देत म्हणाले कि मतदार यादीत काही मते वाढविण्याचा प्रकार घडला होता त्यावेळी आमच्या पक्षातील अध्यक्षाने तक्रार केली तेव्हा प्रशासनाने सदर नोंदी यादीमधून काढून टाकली होती मात्र त्यावेळी मतदारसंघात नवीन मते नोंदणी व वगळण्याचा कसलाही प्रकार झाला नाही, यावर निवडणूक आयोग आपली अधिकृत माहिती देणारच.
Crop damage declare a wet drought : चंद्रपूर: मागील महिनाभर चंद्रपूर जिल्ह्यात सुरू असलेल्या सततच्या पाऊस आणि अतिवृष्टीमुळे शेतीपिकांचे मोठ्या प्रमाणावर नुकसान झाले आहे. या गंभीर परिस्थितीची दखल घेत खासदार प्रतिभा धानोरकर यांनी कृषी मंत्र्यांना पत्र पाठवून, जिल्ह्यात ओला दुष्काळ जाहीर करण्याची आणि नुकसानग्रस्त शेतकऱ्यांना तात्काळ आर्थिक मदत देण्याची मागणी केली आहे.
पत्रात नमूद केल्यानुसार, जिल्ह्यातील सोयाबीन, कापूस आणि तूर पिकांचे मोठ्या प्रमाणात नुकसान झाले आहे. विशेषतः सोयाबीन पिकावर खोडकूज, मूळकुज आणि यलो व्हेन मोझॅक यांसारख्या बुरशीजन्य रोगांचा प्रादुर्भाव वाढला आहे, ज्यामुळे पिकांची स्थिती अत्यंत वाईट झाली आहे.
१५,६८३.२० हेक्टर क्षेत्रावरील सोयाबीन पीक बाधित
जिल्हा अधीक्षक कृषी अधिकारी कार्यालयाच्या अहवालानुसार, जिल्ह्यातील ३७९ गावांमध्ये जवळपास २२,४३८ शेतकऱ्यांचे १५,६८३.२० हेक्टर क्षेत्रावरील सोयाबीन पीक बाधित झाले आहे. यापैकी १०,९००.२० हेक्टरवर ३३ टक्क्यांपेक्षा जास्त नुकसान झाल्याचे नमूद आहे.
सततच्या पावसामुळे शेतात पाणी साचले असून, पिके पिवळी पडली आहेत. पत्रात, या नुकसानीचे पंचनामे न करता सरसकट नुकसान भरपाई देण्याची विनंती करण्यात आली आहे.
या सर्व बाबी लक्षात घेऊन, खासदार प्रतिभा धानोरकर यांनी नुकसानग्रस्त शेतकऱ्यांना न्याय मिळवून देण्यासाठी त्वरित कार्यवाही करण्याची मागणी कृषी मंत्र्यांकडे केली आहे.
Sewage treatment plant gas leak Chandrapur : चंद्रपूर १७ सप्टेंबर २०२५ – चंद्रपूर महानगरपालिकेच्या सिव्हरेज सांडपाणी प्रक्रिया संयंत्र (सिव्हरेज ट्रीटमेंट प्लांट) मधून सायंकाळी ६ वाजेदरम्यान क्लोरीन गॅस ची गळती झाल्याने एकच खळबळ उडाली. चंद्रपूर शहरातील रहमतनगर परिसरात असलेल्या सांडपाणी प्रक्रिया प्रकल्पातून क्लोरीन गळती मुळे प्रशासनाने परिसर खाली करीत नागरिकांना महानगरपालिका शाळेत हलविले. वेळेच्या आत परिस्थितीवर नियंत्रण मिळाल्याने मोठी घटना टळली.
सांडपाणी प्रक्रिया प्रकल्पातून चंद्रपूर औष्णिक वीज प्रकल्पाला पाणी पुरवठा केला जातो. सांडपाणी प्रकल्प हा चंद्रपूर मनपा चा आहे मात्र सध्या यावर संपूर्ण नियंत्रण औष्णिक वीज केंद्राचे आहे, क्लोरीन गळती मुळे परिसरातील नागरिकांना श्वास घेण्यासाठी त्रास जाणवू लागला होता, अचानक उदभवलेल्या या परिस्थितीमुळे अनेक महिला बेशुद्ध पडल्या. या घटनेमुळे परिसरात भीतीचे वातावरण पसरले आहे. Chandrapur chlorine gas leak news
चंद्रपूर मनपाच्या नवनियुक्त प्रभारी आयुक्त विद्या गायकवाड यांनी अग्निशमन, आपत्ती व्यवस्थापन विभागाला पाचारण केले व परिस्थितीवर नियंत्रण आणले. 60 ते 70 घरातील लोकांना किदवाई शाळेत तसेच इतर महानगरपालिकेच्या शाळेत स्थलांतरित करण्यात आलेले आहे परिस्थिती नियंत्रणात आहे अशी माहिती आयुक्त गायकवाड यांनी दिली. सोबतच अशी घटना पुन्हा होऊ नये याकरिता महाजेनको सोबत बैठक घेणार असल्याचे आयुक्त गायकवाड यांनी सांगितले. Emergency response chlorine leak Chandrapur
चंद्रपूर शहराबाहेरील असलेल्या या सांडपाणी प्रक्रिया प्रकल्पाची एकूण क्षमता हि दररोज २५ दशलक्ष लिटर इतकी आहे.
खासदार यांनी केली चौकशीची मागणी
चंद्रपुरातील जल शुद्धीकरण केंद्रातून आज क्लोरीन गॅस गळती झालेल्या घटनेची चंद्रपूर मनपा व जिल्हा प्रशासनाने या प्रकरणी गंभीर दखल घेत यामागील चौकशी करावी असे निर्देश खासदार प्रतिभा धानोरकर यांनी दिले आहे. या घटनेमुळे मोठी दुर्घटना टळली पण पुन्हा अशी चूक होता कामा नये याकरिता यामागील पूर्ण चौकशी करण्यात यावी अशी मागणी खासदार धानोरकर यांनी केली आहे.
आमदाराची तत्परता
रहमत नगर येथील सिव्हरेज ट्रीटमेंट प्लांट मधून क्लोरीन गॅस लिकेज झाल्याने नागरिकांना उलटीचा आणि श्वसनाचा त्रास झाला होता. याची माहिती मिळताच आमदार किशोर जोरगेवार यांनी अधिकाऱ्यांसह प्लांटची पाहणी केली. आमदार जोरगेवार यांच्या सूचनेनंतर सदर लिकेज बंद करण्यात आले असून सावधगिरी म्हणून येथील नागरिकांना इतरत्र हलविण्यात आले आहे. स्थिती नियंत्रणात असून नागरिकांनी घाबरण्याची गरज नसल्याचे आवाहन आमदार किशोर जोरगेवार यांनी केले. यावेळी उपविभागीय अधिकारी संजय पवार, मनपाच्या प्रभारी आयुक्त आयुक्त वर्षा गायकवाड, शहर पोलिस ठाण्याचे ठाणेदार रामटेके उपस्थित होते. Sewage treatment plant gas leak Chandrapur
रहमत नगर येथे चंद्रपूर महानगरपालिकेचा सिव्हरेज ट्रीटमेंट प्लांट आहे. सदर प्लांटमधून क्लोरीन गॅस लिकेज झाल्याची घटना आज (बुधवार) सायंकाळी साडेसहा वाजण्याच्या सुमारास घडली. गॅस गळतीमुळे परिसरातील अनेक नागरिकांना उलटी व श्वसनाचा त्रास सुरू झाला. याची माहिती मिळताच आमदार किशोर जोरगेवार यांनी अधिकार्यांसह घटनास्थळी भेट दिली. यावेळी तातडीने गळती बंद करण्यात आली असून जवळपासच्या नागरिकांना किदवई हायस्कूल येथे हलविण्यात आले आहे.सध्या परिस्थिती नियंत्रणात असून नागरिकांनी घाबरण्याची आवश्यकता नसल्याचे आमदार किशोर जोरगेवार यांनी स्पष्ट केले आहे.
Mp Dhanorkar demands IAS posting cmc chandrapur : चंद्रपूर 17 सप्टेंबर 2025 – भ्रष्टाचाराने बरबटलेल्या आणि ड दर्जाची महानगरपालिका म्हणून ओळखल्या जाणाऱ्या चंद्रपूर शहर महानगरपालिकेची अवस्था सुधारण्यासाठी तातडीने उपाययोजना करण्याची मागणी खासदार प्रतिभा धानोरकर यांनी राज्याचे मुख्यमंत्री देवेंद्र फडणवीस यांच्याकडे केली आहे. लोकहिताच्या दृष्टीने या महानगरपालिकेच्या आयुक्त पदावर एका कर्तव्यदक्ष भारतीय प्रशासकीय सेवा (IAS) अधिकाऱ्याची नियुक्ती करावी, अशी आग्रही विनंती त्यांनी मुख्यमंत्र्यांना केली आहे. Pratibha Dhanorkar IAS officer request
चंद्रपूर महानगरपालिका ही सध्या शिस्त आणि कार्यक्षमतेच्या बाबतीत खूपच मागे पडली आहे. नागरिकांच्या मूलभूत सुविधांबाबत मोठ्या प्रमाणावर तक्रारी येत आहेत, आणि अनेक विकासकामे कागदोपत्रीच दिसत आहेत. कामांच्या निविदा प्रक्रियेत अनियमितता, प्रशासकीय दिरंगाई आणि गैरव्यवहाराच्या तक्रारींमुळे नागरिकांमध्ये तीव्र नाराजी आहे.
तर पारदर्शकता येणार
या गंभीर परिस्थितीची दखल घेत खासदार प्रतिभा धानोरकर यांनी मुख्यमंत्र्यांकडे थेट हस्तक्षेप करण्याची मागणी केली आहे. “चंद्रपूर महानगरपालिकेच्या कारभारात पारदर्शकता आणण्यासाठी आणि नागरिकांना चांगल्या सुविधा देण्यासाठी एका सक्षम IAS अधिकाऱ्याची नेमणूक करणे अत्यावश्यक आहे. सध्याच्या प्रशासनात दिसून येणारी शिस्तीची कमतरता आणि भ्रष्टाचाराचा विळखा यामुळे शहराचा विकास खुंटला आहे,” असे खासदार प्रतिभा धानोरकर यांनी आपल्या पत्रात नमूद केले आहे.
आता या मागणीवर मुख्यमंत्री देवेंद्र फडणवीस काय निर्णय घेतात, याकडे चंद्रपूर शहरातील नागरिकांचे लक्ष लागून आहे. एका IAS अधिकाऱ्याच्या नेमणुकीमुळे महानगरपालिकेच्या कामकाजात शिस्त आणि पारदर्शकता येईल, असा विश्वास व्यक्त केला जात आहे.
