My Blog

Tag: News34 chandrapur

  • Chandrapur mass singing Vande Mataram । चंद्रपूरमध्ये ३ हजार विद्यार्थ्यांनी गायले वंदे मातरम

    Chandrapur mass singing Vande Mataram

    Chandrapur mass singing Vande Mataram : चंद्रपूर, दि. 07  : भारतीय स्वातंत्र्यलढ्याला नवी दिशा आणि उर्जा देणारे बंकिमचंद्र चट्टोपाध्याय लिखीत ‘वंदे मातरम‘ या गिताच्या रचनेला 150 वर्षे पूर्ण झाली. त्या निमित्ताने कौशल्य विकास, रोजगार, उद्योजकता आणि नाविन्यता विभागाच्या अंतर्गत येणारे चंद्रपूर येथील ऋषी अगस्त्य शासकीय औद्योगिक प्रशिक्षण संस्था आणि राणी दुर्गावती शासकीय औद्योगिक प्रशिक्षण संस्था (मुलींची) यांच्या संयुक्त विद्यमाने आयोजित सामूहिक गायन कार्यक्रमात 3 हजार शालेय विद्यार्थ्यांनी ‘वंदे मातरम’ चा सूर लावून भारत भुमिचा गौरव केला.

    Also Read : चंद्रपुरात वाघाचा हल्ला कॅमेऱ्यात कैद पण..

    जिल्हा क्रीडा संकूल येथे पार पडलेल्या या कार्यक्रमाला जिल्हाधिकारी विनय गौडा जी.सी., मुख्य कार्यकारी अधिकारी पुलकित सिंह, प्रमुख वक्त्या प्राचार्य अश्विनी बुजोने, ऋषी अगस्त्य औद्यो. प्रशिक्षण संस्थेचे प्राचार्य गजानन राजूरकर, राणी दुर्गावती औद्यो. प्रशि. संस्थेच्या प्राचार्य कल्पना खोब्रागडे, जिल्हा क्रीडा अधिकारी अविनाश पुंड, सहायक आयुक्त (कौशल्य विकास) अनिसा तडवी, शिक्षणाधिकारी (प्राथ.) अश्विनी सोनवणे, मनिष महाराज आदी उपस्थित होते.

    स्वातंत्र्यलढ्याला एक नवी दिशा

    यावेळी जिल्हाधिकारी विनय गौडा म्हणाले, वंदे मातरम’ या गिताच्या रचनेला आज 150 वर्षे पूर्ण  झाली आहेत.  त्या निमित्ताने या सामूहिक गायन कार्यक्रमाचे आयोजन करण्यात आले आहे. ‘वंदे मातरम’ या गितामुळे भारतीय स्वातंत्रलढ्याचा आवाज बुलंद झाला आणि स्वातंत्र्यलढ्याला एक नवी दिशा मिळाली. स्वातंत्र्यासाठी ज्यांनी आपले बलिदान दिले त्यांना अभिवादन करून सर्वांनी स्वातंत्र्याच्या मुल्यांचे स्मरण करणे आवश्यक आहे. आपले गाव, शहर, जिल्हा, राज्य आणि देश समृध्द करण्यासाठी आपण सर्व मिळून काम करू या, असे आवाहनही जिल्हाधिका-यांनी केले. Vande Mataram 150 years celebration Chandrapur

    मुख्य कार्यकारी अधिकारी पुलकित सिंह म्हणाले, सन 1875 मध्ये बंकिमचंद्र चट्टोपाध्याय यांनी ‘वंदे मातरम’ या गिताची रचना केली. या गितामुळे भारतीय स्वातंत्र्यलढ्याला एक नवीन प्रेरणा मिळाली. ती प्रेरणा घेऊन आत्मनिर्भरता, एकात्मता आणि अखंडता जोपासण्यासाठी सर्व जण एकत्रित प्रयत्न करू, असे त्यांनी सांगितले.

    तत्पुर्वी प्राचार्य योगिनी देगमवार यांच्या मार्गदर्शनात उपस्थितांनी एकत्रित ‘वंदे मातरम’ या गिताचे सामूहिक गायन केले. कार्यक्रमाच्या सुरवातीला मान्यवरांच्या हस्ते दीप प्रज्वलन करून बंकिमचंद्र चट्टोपाध्याय यांच्या प्रतिमेला माल्यार्पण करण्यात आले. यावेळी प्रमुख वक्त्या प्राचार्य अश्विनी बुजोने यांनी ‘वंदे मातरम’ या गिताचा इतिहास व महत्व विद्यार्थ्यांना सांगितले. Chandrapur mass singing Vande Mataram

    कार्यक्रमाचे संचालन पियुष केने यांनी तर आभार बंडोपंत बोढेकर यांनी मानले. कार्यक्रमाला रोशन पाटील, नामदेव राऊत, प्रज्वल गर्गेलवार यांच्यासह मोठ्या संख्येने औद्योगिक प्रशिक्षण संस्थेतील तसेच विविध शाळांचे विद्यार्थी, शिक्षक आणि नागरिक उपस्थित होते.

  • Chandrapur tiger attack AI generated video । चंद्रपुरात वाघाचा हल्ला कॅमेऱ्यात कैद पण…

    Chandrapur tiger attack AI generated video

    Chandrapur tiger attack AI generated video : चंद्रपूर, दि. ०७ (News34) : चंद्रपूर जिल्ह्यात चालू वर्ष २०२५ मध्ये वन्यप्राण्यांच्या हल्ल्यात आतापर्यंत ३८ नागरिकांचा बळी गेला आहे, कधी शेतात, कधी रस्त्यावर तर कधी थेट गावात वन्यप्राणी धुमाकूळ घालत हल्ले करीत आहे. ३१ ऑक्टोबर रोजी ब्रह्मपुरी मध्ये वाघाने एका इसमावर हल्ला करीत त्याला उचलून नेले, या हल्ल्याचा व्हिडीओ सुद्धा समाजमाध्यमवर व्हायरल झाला आहे मात्र सदर व्हिडीओ हा बनावट असल्याचे स्पष्टीकरण वनविभागाने दिले असून सदर व्हिडीओ बनविणाऱ्यावर कारवाईचा इशारा सुद्धा वनविभागाने दिला आहे.

    ब्रम्हपुरी वनविभागातील वनविश्रामगृह येथे वाघाच्या हल्ल्यात एक इसम ठार झाल्याचा कथित व्हिडीओ सोशल मीडियावर मोठ्या प्रमाणावर प्रसारित होत आहे. या व्हिडीओबाबत चंद्रपूर वनविभागाने स्पष्ट केले आहे की, ब्रम्हपुरी वनविभागात अशा प्रकारची कोणतीही घटना घडलेली नाही.

    Also Read : चंद्रपूर मेडिकल कॉलेजचे कॉलेजचे जानेवारी महिन्यात लोकार्पण

    वनविभागाच्या माहितीनुसार, संबंधित व्हिडीओ पूर्णपणे कृत्रिम बुद्धिमत्तेच्या (Artificial Intelligence – AI) साहाय्याने तयार केलेला बनावट व्हिडीओ आहे. या व्हिडीओद्वारे समाजकंटकांकडून जनतेमध्ये भीतीचे वातावरण निर्माण करण्याचा आणि सत्यविरहित अफवा पसरविण्याचा प्रयत्न केला जात आहे.

    वनविभागाचे स्पष्टीकरण

    अलीकडील काळात ब्रम्हपुरी परिसरात मानव-वन्यजीव संघर्षाच्या काही घटना घडल्या असल्या तरी, या बनावट व्हिडीओचा त्याच्याशी काहीही संबंध नसल्याचे वनविभागाने स्पष्ट केले आहे.मुख्य वनसंरक्षक (प्रा.) आर. एम. रामानुजम यांनी सांगितले की, “या व्हिडीओची निर्मिती व प्रसारण करणाऱ्यांविरुद्ध विभागाने गंभीर दखल घेतली असून कठोर कायदेशीर कारवाई करण्यात येणार आहे.” AI deepfake dangerous tiger videos

    अशा प्रकारच्या खोट्या व दिशाभूल करणाऱ्या व्हिडीओंवर विश्वास ठेवू नये. अशा माहितीची नोंद आढळल्यास नागरिकांनी तात्काळ जवळच्या वनविभाग किंवा पोलिस विभागास माहिती देऊन प्रशासनास सहकार्य करावे, असे आवाहन वनविभागाच्या वतीने करण्यात आले आहे.

  • Jijau Brigade Chandrapur convention | चंद्रपुरात जिजाऊ ब्रिगेडचे तीन दिवसीय महाअधिवेशन

    Jijau Brigade Chandrapur convention

    Jijau Brigade Chandrapur convention : चंद्रपूर : महिलांचे सामाजिक, सांस्कृतिक व्यासपीठ असलेल्या जिजाऊ ब्रिगेडच्या वतीने तीन दिवसीय महाअधिवेशनाचे आयोजन चंद्रपुरात आयोजित करण्यात आले आहे. 21 ते 23 नोव्हेंबरदरम्यान होणारे हे अधिवेशन प्रियदर्शिनी सभागृहात आयोजित आहे.

    Also Read : चंद्रपुरात गुन्हेगारांची पत्रकारिता, 4 पत्रकारांना अटक


    या महाअधिवेशनाचे उद्घाटन 21 नोव्हेंबर रोजी दुपारी चार वाजता होणार असून, या उद्घाटन सोहळ्याच्या अध्यक्षस्थानी जिजाऊ ब्रिगेडच्या प्रदेशाध्यक्ष सीमाताई बोके राहणार आहेत. उद्घाटन प्रसिद्ध उद्योजिका मीनाताई वासाडे यांच्या हस्ते पार पडणार आहे. स्वागताध्यक्ष म्हणून खासदार प्रतिभाताई धानोरकर यांची यावेळी उपस्थिती राहणार आहे. उद्घाटन सत्राला प्रमुख पाहुणे म्हणून आमदार किशोर जोरगेवार, मराठा सेवा संघाचे अध्यक्ष विजयकुमार घोगरे, जिजाऊ सृष्टीचे अध्यक्ष मधुकर मेहकरे, चंद्रशेखर शिखरे, सीमाताई अडबाले, शुभांगीताई धोटे, किरण देरकर, अर्चना भोंगळे, वेदांती देवतळे, नलुताई चाफले, स्नेहल गायकवाड, डॉ. दीपशिखा राजुरकर, दीपक खामणकर यांची उपस्थिती राहणार आहे.


    उद्घाटन सत्रानंतर रात्री नऊ वाजता सांस्कृतिक कार्यक्रमांचे आयोजन असणार आहे. या अधिवेशनात 22 आणि 23 नोव्हेंबर या दोन दिवसात एकूण सात सत्र घेतले जाणार असून, या सातही सत्रात विविध विषयांवर परिसंवाद आयोजित केले आहेत. 22 नोव्हेंबर रोजी सकाळी साडेदहा वाजता पहिल्या सत्राला प्रारंभ होणार असून, यात जिजाऊ ते सावित्रीमाई : स्त्रीशक्तीचा वैचारिक वारसा या विषयावर परिसंवाद होणार आहे. यात ॲड. वैशाली डोळस प्रमुख वक्त्या आहेत. Jijau Brigade three day meet Chandrapur news

    विविध विषयांवर होणार परिसंवाद

    दुपारी बारा वाजता होणाऱ्या ओळख नव्या युगाची या परिसंवादात स्नेहाताई टोम्पे, डॉ. भारती मधवई मार्गदर्शन करतील. दुपारी दीड वाजता ग्रामीण व शहरी महिला आणि डिजिटल माध्यम साक्षरता या विषयावर परिसंवाद असून यात प्रा. डॉ. प्राजक्ता धोटे आणि दिव्य भोसले मार्गदर्शन करतील. दुपारी चार वाजता कुटुंब व्यवस्था : बदलते विवाह समारंभ आणि स्त्रियांची भूमिका या परिसंवादात प्रा. डॉ. शिल्पा आठवले आणि डॉ. अलका ठाकरे यांचे मार्गदर्शन राहणार आहे. सायंकाळी साडेपाच वाजता आमदार सुधीर मुनगंटीवार यांचा सत्कार आयोजित आहे. सत्कार सोहळ्यानंतर जिजाऊ ब्रिगेडने आम्हाला काय दिले, यावर अनुभव कथन होणार आहे.


    23 नोव्हेंबरला सकाळी साडेदहा वाजता सहाव्या सत्रातील पहिल्या परिसंवादाला प्रारंभ होईल. महिलांचे भावविश्व व विचारविश्व : आकलन, आव्हाने व अपेक्षित बदल या विषयावर जेएनयूचे प्रा. डॉ. शरद बावीस्कर मार्गदर्शन करतील. महिलांचा राजकीय सहभाग : मताधिकार, आरक्षण ते नेतृत्व या महत्त्वाच्या परिसंवादात राजदच्या राष्ट्रीय प्रवक्त्या प्रियंका भारती, खासदार प्रतिभाताई धानोरकर आणि प्रा. डॉ. मृणालिनी अहेर यांची विशेष उपस्थिती राहणार आहे. Jijau Brigade Mahadhiveshan Chandrapur guest


    या महाअधिवेशनाचा समारोपीय सोहळा दुपारी तीन वाजता पार पडेल. या सोहळ्याला अध्यक्ष म्हणून मराठा सेवा संघाचे संस्थापक ॲड. पुरुषोत्तम खेडेकर, स्वागताध्यक्ष खासदार प्रतिभाताई धानोरकर, आमदार सुधाकर अडबाले यांची उपस्थिती राहणार आहे.
    या कार्यक्रमाला नागरिकांनी आणि विशेषतः महिलांनी मोठ्या संख्येने उपस्थित रहावे, असे आवाहन जिजाऊ ब्रिगेड, चंद्रपूर तर्फे करण्यात आले आहे.

  • PM Shikau Umedwari Rojgar Mela Chandrapur | चंद्रपुरात 10 नोव्हेंबर रोजी प्रधानमंत्री शिकावू उमेदवारी व रोजगार मेळावा

    PM Shikau Umedwari Rojgar Mela Chandrapur

    PM Shikau Umedwari Rojgar Mela Chandrapur : चंद्रपूर, दि. 06 (News३४) : ऋषी अगस्त शासकीय औद्योगिक प्रशिक्षण संस्था तसेच बीटीआरआय, चंद्रपूर यांच्या संयुक्त विद्यमानाने जिल्हा व्यवसाय शिक्षण व प्रशिक्षण कार्यालय, चंद्रपूर येथे 10 नोव्हेंबर 2025 रोजी सकाळी 10 वाजता प्रधानमंत्री शिकाऊ उमेदवारी मेळावा तसेच रोजगार मेळावा आयोजित करण्यात आला आहे. सदर मेळावा सर्व व्यवसायाच्या आजी व माजी आयटीआय पास, शिकत असलेल्या विद्यार्थ्यांकरिता असून नामांकित कंपन्याचे प्रतिनिधी येणार आहे.

    Also Read : जानेवारी महिन्यात चंद्रपूर मेडिकल कॉलेजचे होणार लोकार्पण

    प्रधानमंत्री शिकाऊ उमेदवारी योजना ही केंद्र शासन पुरस्कृत असून कौशल्य विकास व उद्योजकता विभाग यांच्या मार्फत राबविण्यात येत येते. याद्वारे औद्योगिक आस्थापनेत आपले कौशल्य विकसित करून आत्मनिर्भर होण्याची व रोजगाराची संधी उपलब्ध होते. सदर योजनेमुळे प्रशिक्षणार्थ्यांना रोजगार तसेच स्वयंरोजगाराचे धड़े मिळतात.

    रोजगाराच्या संधी उपलब्ध होणार

    प्रधानमंत्री शिकाऊ उमेदवारी तसेच रोजगार मेळावा अंर्तगत विद्यार्थ्यांना जिल्ह्यातील तसेच  जिल्ह्याबाहेरील उद्योगांमध्ये रोजगाराच्या संधी उपलब्ध होणार असून सदर संधीचा जास्तीत जास्त विद्यार्थ्यांनी लाभ घ्यावा, असे आवाहन बीटीआरआय कार्यालयाचे सहायक प्रशिक्षणार्थी सल्लागार व संस्थेचे प्राचार्य गजानन राजूरकर यानी केले.

    शिकाऊ उमेदवारीकरिता निवड करण्यात आलेल्या उमेदवारांना शासकीय नियमानुसार कंपनीतर्फे सोयी सुविधा उपलब्ध राहतील. मेळाव्यायाकरिता इच्छुक उमेदवारांनी स्वखर्चाने उपस्थित राहावे. अधिक माहितीसाठी गटनिदेशक श्री. टोंगे व योगेश धवणे (9405912096) यांच्याशी संपर्क साधावा.

  • Congress party sit-in protest Chandrapur । चंद्रपुरात कांग्रेसच्या माजी नगरसेवकांचे ठिय्या सत्याग्रह आंदोलन

    Congress party sit-in protest Chandrapur

    Congress party sit-in protest Chandrapur : चंद्रपूर ६ नोव्हेम्बर (News३४) – आज दि ६ ऑक्टोबरला सकाळी ११ वाजता महानगरपालिके समोर गांधी चौक चंद्रपुर येथे महाकाली प्रभाग 12 व भिवापुर प्रभाग 14 चे काँग्रेसच्या माजी नगरसेवक नंदू नागरकर व वसंत देशमुख, प्रवीण पडवेकर काँग्रेस विधानसभा उमेदवार, सुनीता लोढीया, माजी नगराध्यक्ष, यांनी महात्मा गांधी यांच्या पुतळ्याला माल्यार्पण करून ठिय्या सत्याग्रह आंदोलन ला सुरवात केली. 

    आंदोलनाचे मुख्य पार्श्वभूमी अशी की महाकाली प्रभाग 12 व भिवापुर प्रभाग 14 या दोन्ही प्रभागाला व शहराला जोडनारा महत्वाचा पुल अतिवृष्टीमुळे 3 महिन्या आधी वाहून गेला, चंद्रपूर च्या आराध्य दैवत माता महाकाली च्या यात्रे करिता दर वर्षी अनेक भाविक मार्च व एप्रिल महिन्या मध्ये लाखोच्या संख्येत दर्शनास येतात त्या वेळी बागला चौक ते अंचलेश्वर गेट हा मुख्य मार्ग बंद असतो त्या वेळी शहरातील नागरिक या पुलावरून मोठ्या संखेत प्रवास करतात. Congress party sit-in protest Chandrapur

    Also Read : चंद्रपुरात खंडणीखोर पत्रकारांच्या टोळीच्या पोलिसांनी आवळल्या मुसक्या

    चंद्रपुर बेनार रेल्वे स्टेशन साठी जाणारे प्रवासी नागरिक मुख्यता या पुला चा वापर करतात, दैनंदिन या मार्गाने जाणारे महाकाली प्रभाग १२ व भिवापूर प्रभाग 14 नागरिक नदीतुन जाने येणे करीत आहे धोधो पावसाने नदीच्या वाढलेल्या  प्रवाहात एखादा व्यक्ति वाहुन जीवित हानी होण्याची शक्यता नाकारता येत नाहीं तसेच शासकीय रुग्णालय, शासकीय इंजिनीरिंग कॉलेज, राजीव गांधी इंजिनीरिंग कॉलेज, बाबुपेठ, भिवापूर, WCL लालपेठ व बल्लारपूर करीत हा जोड रास्ता असून विद्याथी, व्यापारी व  कामगार या रस्त्याचा वापर मोठ्या प्रमाणात करतात. (congress protest)

    दोनवेळा वाहून गेला पुलाचा भाग

                तात्पूरता  बनविन्यात येत असलेला रस्ता हा 2 दा वहुन गेला आहे त्याला रिपेअर करून मजबूत काम होणे शक्य नाहीं कारण त्याची निव (BASE) कमजोर झालेली आहे. तरी भविष्याचा विचार करत इथे मोठ्या  व मजबूत पुलाची निर्मिति करणे आवश्यक आहे. हनुमान खिडकी महाकाली प्रभाग क्र. १२ व भिवापूर प्रभाग क्र. १४ मधील झरपट नदीवरील पुलिया बांधकामा करीता खनिज निधीतुन ४ कोटी ५० लक्ष रुपये जिल्हा खनिज निधितुन उपलब्ध करुण देण्या करीता मा. जिल्हाधिकारी चंद्रपुर यांना राजुरा विधानसभेचे माजी आमदार व ग्रामीण काँग्रेस कमिटी चे जिल्हाध्यक्ष सुभाषभाऊ धोटे, प्रवीण पडवेकर, नंदु नागरकर , सुनीता लोढ़िया व वसंत देशमुख  यानि 3 महिन्या अगोदर भेट घेतली असता त्यांनी सूचना केली की महानगर्पालिकेने इस्टिमेट चा प्रस्ताव मंजूर करूण पाठवावे.

    Also Read : बल्लारपुरातील संयुक्त गुन्हेगारीवर लगाम, पोलिसांनी लावला मकोका

    आम्ही तत्कालीन आयुक्त विपिन पालीवाल साहेब याना भेटून विनंती केली त्यनि इस्टिमेट बनवून प्रस्ताव तयार केला परंतु मा. आयुक्त साहेब लांब रजेवर गेले व त्यांची बदली झाल्या मुळे हा प्रस्ताव मॅडम विद्या गायकवाड आयुक्त मनपा चंद्रपुर  यानि दि 29/09/2025 ला जिल्हाधिकारी कार्यालय कड़े प्रस्ताव प्रशासकीय मान्यता करीता पठविला तरी हा प्रस्ताव मंजूर करुण ४ कोटी ५० लक्ष रुपये जिल्हा खनिज निधितुन उपलब्ध करुण द्यावा ही विनती केली तसेच शहर व जिल्हा प्रशासनाने योग्य दखल न घेतल्यास काँग्रेस पक्षाच्या नगरसेवक, पदाधिकारी, कार्यकर्ता व सामान्य नागरिकांसोबत मिळून तीव्र आंदोलन करण्याचे संकेत देत चंदन पाटिल अतिरिक्त आयुक्त मनपा चंद्रपुर व संदीप चिद्दरवार उपायुक्त मनपा चंद्रपुर यांनी आंदोलन स्थळी भेट देऊन निवेदन स्वीकारले. mahakali bridge collapse

    आंदोलकांनी हा विषय मा आमदार किशोर जोर्गेवर चंद्रपुर विधानसभा क्षेत्र यांनी जातीने लक्ष न घातल्यास महाकाली प्रभाग 12 व भिवापुर प्रभाग 14 चे नागरिक निषेध करतील. या प्रसंगी आंदोलनात  विनायक बांगडे, माजी अध्यक्ष जिल्हा काँग्रेस कमेटी,  डॉ सुरेश महाकुलकर विरोधी पक्ष नेते मनपा चंद्रपुर, प्रशांत दानव, अजय वैरागडे, ज्ञानेश्वर जुनघरे, संगीत भोयर, अमजद आली इराणी, सकीना अन्सारी, विना खनके,  निलेश खोब्रागडे, केशव रामटेके, फारुख सिद्धीकी, शालिनी भगत, रमीज शेख, सतीश मालेकर, राजू बनकर, परब गिरडकर, विनोद संकत, कुणाल रामटेके, मंगला मडावी, प्रकाश चंदनखेडे, रेहमत शेख, local congress leaders protest bridge issue

    सर्जील भाई, राजा काझी, राजू दास, निखिल देव, प्रमोद विश्वकर्मा, कुमार स्वामी पोत्तलवार, अशोक उईके, जावेद भाई, बंडू जांगडे, राजू गर्गेलवार, डॉ जेणेकर मेहबूब भाई, शकीला दीदी, दीपक काटकोजवार, राजेश रंगारी, बंडोपंथ तातावार,  सचिन गावंडे, राकेश चहारे, सचिन क्षीरसागर, सचिन चहारे, जफर बेग  विजय ठोंबरे, मोहन डोंगरे, सचिन गोरे सुरेश आत्राम, विजय पराते, निखिल पाटिल, हरी गावंडे, भाणेश जंगम, सुरेश आत्राम, पांडुरंग गावतुरे, मोरेश्वर शेंडे, घनशाम वासेकर, श्याम राजूरकर, प्रकाश अधिकारी, सौ शोभा ज्ञानेश्वर जुनघरे, अनिल तपासे, जय झाडे, प्रकाश चहारे, गुडू बेग आदि प्रभागचे नागरिक मोठ्या संखेत उपस्थित होते.  Congress party sit-in protest Chandrapur

  • school children radio performance । आकाशवाणीवर झळकले विद्यार्थ्यांचे सादरीकरण आणि मूल्यवर्धक संदेश

    school children radio performance

    school children radio performance : चंद्रपूर ०६ नोव्हेंबर (News३४) – चंद्रपूर महानगरपालिकेच्या शिक्षण विभागाअंतर्गत येणाऱ्या पी. एम. श्री सावित्रीबाई फुले उच्च प्राथमिक व माध्यमिक विद्यालय (मनपा शाळा) येथील नर्सरी ते चौथीपर्यंतच्या लहानग्या विद्यार्थ्यांनी ‘आकाशवाणी’वर झेप घेत, आपली कला आणि सर्जनशीलता संपूर्ण जिल्ह्यासमोर सादर केली आहे.

    Also Read : चंद्रपूर जिल्ह्यात वाघाच्या हल्ल्यात शेतकरी ठार

      प्रत्येक रविवारी आकाशवाणीवर प्रसारित होणाऱ्या ‘बालसभा’ या लोकप्रिय कार्यक्रमात या विद्यार्थ्यांनी गाणी, गोष्टी, बोधकथा, नाटिका तसेच स्वच्छतेचा संदेश यांचे मनमोहक सादरीकरण केले. या कार्यक्रमाचे एकूण चार भागांमध्ये रेकॉर्डिंग करण्यात आले असून, पहिला भाग आधीच प्रसारित झाला आहे. तर दुसरा भाग रविवार, दिनांक ९ नोव्हेंबर २०२५ रोजी सकाळी ८.४० वाजता प्रसारित होणार आहे. उर्वरित दोन भाग १६ नोव्हेंबर आणि २३ नोव्हेंबर रोजी ऐकता येणार आहेत.

    सादरीकरणाचे कौतुक

      आकाशवाणीच्या अधिकाऱ्यांनी विद्यार्थ्यांच्या सादरीकरणाचे मनःपूर्वक कौतुक केले असून, पालकवर्ग आणि नागरिकांकडूनही शाळेच्या या उपक्रमाचे भरभरून स्वागत होत आहे. या उपक्रमासाठी अतिरिक्त आयुक्त चंदन पाटील, उपायुक्त मंगेश खवले,उपायुक्त संदीप चीद्रवार,मुख्याध्यापक शिवलाल इरपाते, उमा सुधीर कुकडपवार, अस्मिता खोब्रागडे, स्नेहा गुरपुडे, दर्शना येरणे व संपूर्ण शिक्षकवृंद यांनी मनापासून परिश्रम घेतले.

    महानगरपालिका आयुक्त डॉ. विद्या गायकवाड यांनी या अभिनव उपक्रमाचे कौतुक करत म्हटले की,
    “विद्यार्थ्यांच्या मनातील सर्जनशीलता आणि आत्मविश्वास वाढविण्यासाठी आकाशवाणीसारखे व्यासपीठ अत्यंत उपयुक्त ठरते. या माध्यमातून मनपा शाळांचे विद्यार्थी नव्या उंचीवर झेप घेत आहेत.”

    डॉ. गायकवाड यांनी शिक्षकवृंद आणि विद्यार्थ्यांचे अभिनंदन करत पुढील काळातही अशा नाविन्यपूर्ण उपक्रमांना प्रोत्साहन दिले जाईल, असे सांगितले. हा उपक्रम केवळ विद्यार्थ्यांच्या कलागुणांना वाव देणारा नसून, मनपा शिक्षणाच्या दर्जेदारतेचे आणि नवकल्पनांच्या दिशेने घेतलेल्या पावलांचे प्रतिक आहे.

  • Chandrapur tiger safari project approval । विदर्भातील वाघांचे पुनर्वसन आणि टायगर सफारी प्रकल्पाला हिरवा कंदील

    Chandrapur tiger safari project approval

    Chandrapur tiger safari project approval : चंद्रपूर ६ नोव्हेम्बर (News३४) – चंद्रपूरच्या मूल रोडवरील वन अकादमी जवळील १७१ हेक्टर क्षेत्रात प्रस्तावित असलेल्या टायगर सफारी प्रकल्पाला लवकरच केंद्रीय प्राणी संग्रहालय प्राधिकरणाची मंजुरी मिळणार असल्याची माहिती आमदार किशोर जोरगेवार यांनी दिली आहे. गुरुवारी दिल्ली येथे झालेल्या केंद्रीय प्राणी संग्रहालय प्राधिकरणाच्या सदस्य सचिवांसोबतच्या बैठकीत या प्रकल्पाबाबत सकारात्मक चर्चा झाली असून, लवकरच प्राधिकरणाची अधिकृत बैठक घेऊन मंजुरी देण्यात येईल, असे निश्चित झाले आहे. यामुळे चंद्रपूर टायगर सफारीच्या कामांना गती मिळणार आहे.

    Also Read : चंद्रपुरात देहविक्री करणाऱ्या महिलेला मागितली १ लाखांची खंडणी; ४ तोतया पत्रकारांना अटक

    दिल्ली येथील केंद्रीय प्राणी संग्रहालय प्राधिकरणाच्या कार्यालयात झालेल्या या बैठकीला भारत सरकारचे सदस्य सचिव डॉ. व्ही. क्लेमेंट बेन, महाराष्ट्र राज्य वन्यजीव प्रधान मुख्य वनसंरक्षक श्रीनिवास रेड्डी, तसेच एफडीसीएम गोरवाडा प्राणी संग्रहालय लिमिटेड नागपूरचे सीईओ चंद्रशेखर बाला उपस्थित होते. Chandrapur tiger safari project approval

    आमदार किशोर जोरगेवार यांनी या प्रकल्पासाठी सातत्याने पाठपुरावा केला आहे. याआधी त्यांनी राज्याचे वनमंत्री गणेश नाईक यांच्या अध्यक्षतेखाली झालेल्या बैठकीत हा विषय मांडला होता. वनमंत्री नाईक यांनीही प्रकल्पाला सकारात्मक प्रतिसाद देत निधी वितरण प्रक्रिया गतीमान करण्याचे निर्देश संबंधित अधिकाऱ्यांना दिले होते. त्यानंतर आमदार जोरगेवार यांनी नागपूर येथील गोरेवाडा प्राणी संग्रहालयाची पाहणी करून प्रकल्पाच्या आराखड्याची माहिती घेतली होती.

    चंद्रपूरच्या वन अकादमीच्या जवळ उभारण्यात येणाऱ्या या प्रकल्पासाठी सुमारे ६०० कोटी रुपयांचा खर्च अपेक्षित आहे. एफडीसीएम गोरवाडा झू लिमिटेड या संस्थेकडे प्रकल्पाचा सविस्तर आराखडा तयार करण्याची जबाबदारी सोपविण्यात आली आहे.
                या प्रकल्पात ऑस्ट्रेलियन, साउथ अमेरिकन, साउथ आफ्रिकन आणि इंडियन ट्रेल अशा विविध थीमवर आधारित प्राणीदर्शन झोन असतील. पर्यटकांना येथे कांगारू, जग्वार, माकडे, कॅपीबारा, विविध रंगीबेरंगी पक्षी तसेच देशी आणि विदेशी प्राणी पाहता येणार आहेत.
    याशिवाय ४४ हेक्टर क्षेत्रात वाहन सफारी, २० एकर क्षेत्रात चिल्ड्रन पार्क आणि पर्यटकांसाठी विविध सुविधा निर्माण करण्यात येणार आहेत. environmental tourism development Chandrapur

    दिल्ली येथे केंद्रीय प्राणी संग्रहालय प्राधिकरणासोबत झालेल्या बैठकीत आमदार किशोर जोरगेवार यांनी सांगितले की, या प्रकल्पामुळे चंद्रपूर जिल्ह्याच्या पर्यटन क्षेत्रात मोठी झेप मिळेल. स्थानिक तरुणांना रोजगाराच्या संधी निर्माण होतील. ताडोबा सफारीसाठी येणाऱ्या लाखो पर्यटकांना टायगर सफारीत वाघाचे हमखास दर्शन घडेल, तसेच विदेशी प्राणी पाहण्याचा नवा अनुभव मिळेल. यामुळे चंद्रपूरची पर्यटन ओळख आंतरराष्ट्रीय पातळीवर निर्माण होईल आणि जिल्ह्याच्या अर्थव्यवस्थेलाही चालना मिळेल.

    केंद्रीय प्राणी संग्रहालय प्राधिकरणाच्या अधिकाऱ्यांनी बैठकीदरम्यान लवकरच अधिकृत बैठक घेऊन प्रकल्पाला मंजुरी देण्यात येईल असे सांगितले आहे.
    या निर्णयामुळे चंद्रपूर जिल्ह्यातील टायगर सफारी प्रकल्पाला नवसंजीवनी मिळणार असून, जिल्हा धार्मिक, सांस्कृतिक आणि पर्यावरणीय पर्यटनाचे नवे केंद्र म्हणून विकसित होणार आहे.

    विदर्भातील 10 वाघांचे होणार कोल्हापूर येथे पुनर्वसन – आ. किशोर जोरगेवार

    चंद्रपूर जिल्ह्यासह संपूर्ण विदर्भात गेल्या काही वर्षांपासून मानव–वन्यजीव संघर्षाची समस्या वाढत चालली आहे. वनक्षेत्रातील वाघांची वाढती संख्या, घटणारे अधिवास क्षेत्र आणि मानव वस्त्यांच्या सीमारेषा ओलांडणारे वाघ यामुळे अनेक ठिकाणी दुर्दैवी घटना घडत आहेत. या पार्श्वभूमीवर विदर्भातील काही वाघांचे पुनर्वसन करण्याबाबत दिल्ली येथे केंद्रीय प्राणी संग्रहालय प्राधिकरणाच्या अधिकाऱ्यांसोबत झालेल्या बैठकीत आमदार किशोर जोरगेवार यांनी महत्त्वपूर्ण चर्चा केली. tiger relocation Vidarbha to Kolhapur

    आमदार जोरगेवार यांनी या बैठकीत विदर्भातील वाघांची संख्या आणि वाढता मानव–वन्यजीव संघर्ष याबाबत सविस्तर माहिती सादर केली. त्यानंतर सुमारे १० वाघांचे कोल्हापूर येथील सह्याद्री व्याघ्र प्रकल्पात पुनर्वसन करण्यासंदर्भात सकारात्मक चर्चा झाली आहे. केंद्रीय प्राणी संग्रहालय प्राधिकरणाचे सदस्य सचिव डॉ. व्ही. क्लेमेंट बेन यांनी या प्रस्तावाबाबत सकारात्मक भूमिका दर्शविली असून लवकरच त्यास मान्यता देण्यात येणार असल्याचे सांगितले.

    आमदार किशोर जोरगेवार म्हणाले, चंद्रपूरसह विदर्भात वाघांची संख्या झपाट्याने वाढली आहे. त्यातून मानव–वन्यजीव संघर्ष तीव्र झाला असून अनेक जीवितहानी घडत आहेत. या पार्श्वभूमीवर काही वाघांचे नियोजनपूर्वक पुनर्वसन आवश्यक आहे. कोल्हापूर सह्याद्री प्राणी संग्रहालयात १० वाघांचे स्थलांतर केल्यास केवळ संघर्ष कमी होणार नाही, तर या वाघांना योग्य पर्यावरणही मिळेल असे म्हटले आहे. 

  • Police arrest news reporters extortion gang । गुन्हेगारांची पत्रकारिता: देहविक्री करणाऱ्या महिलेकडून लाखोंची खंडणी वसूल

    Police arrest news reporters extortion gang

    Police arrest news reporters extortion gang : चंद्रपूर ६ नोव्हेम्बर (News३४) – चंद्रपूर जिल्ह्यात सध्या बोगस पत्रकारांचा सुळसुळाट वाढला असून ज्यांना लिहता वाचता येत नाही असे गुन्हगेरे प्रवृत्ती या क्षेत्रात अवतरली आहे. अश्याच काही भामट्या पत्रकारांना रामनगर पोलिसांनी हिसका दाखवीत अटक केली आहे. त्यांनी देहविक्री करण्याऱ्या महिलेकडून १ लाख रुपयांची खंडणी मागितली. पत्रकार हा समाजाचा आरसा असतो समाजात चांगलं व वाईट दाखविण्याचा त्याचा प्रयत्न असतो मात्र भामटे पत्रकार समाजाच्या आरश्याला बट्टा लावण्याचे काम करीत आहे.

    Also Read : चंद्रपूर पोलिसांनी बल्लारपुरातील गुन्हेगारी टोळीवर लावला मकोका

    ३ नोव्हेम्बर रोजी चंद्रपूर शहरात देहविक्री करणाऱ्या महिलेच्या घरात ६ भामट्या पत्रकारांनी धडक देत छापा मारला, तू देहविक्री चा व्यवसाय करते जर हि बाब बाहेर आली तर तुझी बदनामी होणार, आम्हाला १ लाख रुपये दे अन्यथा आम्ही याची बातमी प्रकाशित करणार अशी धमकी त्या महिलेला देण्यात आली. फिर्यादी महिलेने भामट्या पत्रकारांना १ लाख रुपये दिले.

    मात्र फिर्यादी महिलेने याबाबत घडलेला सर्व प्रकार पोलिसांना सांगत तक्रार दिली, रामनगर पोलिसांनी तात्काळ गुन्हा दाखल करीत पत्रकारांच्या या टोळक्याचा शोध सुरु केला, या प्रकरणी पोलिसांनी (सत्यशोधक न्यूज मुख्य संपादक) ५७ वर्षीय राजू नामदेवराव शंभरकर राहणार लालपेठ चंद्रपूर, (इंडिया २४ न्यूज, चंद्रपूर जिल्हा प्रतिनिधी) ३७ वर्षीय कुणाल यशवंत गर्गेलवार राहणार विठ्ठल मंदिर वार्ड चंद्रपूर, (दैनिक विदर्भ कल्याण, तालुका प्रतिनिधी) ३३ वर्षीय अविनाश मनोहर मडावी राहणार इंदिरानगर चंद्रपूर व (भारत टीव्ही न्यूज चंद्रपूर जिल्हा प्रतिनिधी) ५६ वर्षीय राजेश नारायण निकम राहणार जमणजेट्टी पाटील वाडी चंद्रपूर यांना अटक केली. या प्रकरणी सचिन ढगे व योगिता पाटेकर हे पसार झाले आहे. female sex worker blackmail by journalists

    यामध्ये कुणाल गर्गेलवार यांच्यावर घरफोडी व चोरीचे गुन्हे असल्याची माहिती आहे. पोलिसांनी आरोपीवर कलम ३०८ (५), ३३३, ३ (५) अंतर्गत गुन्हा दाखल केला आहे. चंद्रपूर पोलिसांनी नागरिकांना आवाहन केले आहे कि जिल्ह्यात कुणीही पत्रकार किंवा पोलीस असल्याची बतावणी करून लूटमार किंवा खंडणी मागत असेल तर तात्काळ नजीकच्या पोलीस स्टेशनमध्ये किंवा डायल ११२ वर संपर्क करावा.

    सदरची यश्वी कारवाई जिल्हा पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे, उपविभागीय पोलीस अधिकारी प्रमोद चौगुले यांच्या मार्गदर्शनाखाली पोलीस निरीक्षक आसिफ रजा शेख यांच्या नेतृत्वात सपोनि निलेश वाघमारे, देवाजी नरोटे, हनुमान उगले, पोलीस कर्मचारी जितेंद्र आकरे, शरद कुडे, आनंद खरात, लालू यादव, बाबा नैताम, मनीषा मोरे, रवीकुमार ढेंगळे, पंकज ठोंबरे, प्रफुल पुप्पलवार, संदीप कामडी, सुरेश कोरवार, रुपेश घोरपडे व ब्ल्यूटी साखरे यांनी केली. blackmail threat to expose personal information extortion

    पत्रकारिता क्षेत्रात गुन्हेगारांची एंट्री

    चंद्रपूर जिल्ह्यात प्रामाणिक पत्रकार हे नियमित आपले काम करतात मात्र काही वर्षांपासून या क्षेत्रात गुन्हेगार शिरले असल्याने ते पत्रकारिता क्षेत्राला कलंकित करण्याचे काम करीत आहे, यामध्ये काहीजण खुनाच्या गुन्ह्यात कारागृहात गेले आहे, काहींवर एट्रोसिटी, खुनाचा प्रयत्न, चोरी, घरफोडी, वाळू तस्करी असे अनेक गुन्हे दाखल आहे, ज्यांना बातमी काय असते याचा अर्थच माहित नसतो ते या क्षेत्रात येत अवैध वसुली करीत आहे. Police arrest news reporters extortion gang

    यापूर्वी सुद्धा अश्या घटना

    वर्षभरात मूल तालुक्यात स्वतःला पोलीस असल्याची बतावणी करून काही पत्रकारांनी पत्नीसमवेत एकाला खंडणी मागितली होती. त्या पत्रकाराच्या टोळक्याने स्वतःला गुन्हे शाखेचे पोलीस असल्याचे सांगितले होते.

  • MCOCA charges filed against organized crime gang । चंद्रपूर पोलिसांनी या गुंडांच्या टोळीवर लावला MCOCA

    MCOCA charges filed against organized crime gang

    MCOCA charges filed against organized crime gang : चंद्रपूर जिल्ह्यात मागील काही वर्षांपासून गुन्हेगारीने धुमाकूळ घातला आहे, भाईगिरी, मर्डर, चोरी व दरोडा अश्या अनेक गुन्हेगारीने जिल्हा ढवळून निघाला असून यावर चंद्रपूर पोलिसांनी मोठी कारवाई करणाऱ्या बल्लारपुरातील संयुक्त गुन्हेगारीमध्ये लिप्त असणाऱ्या गुंडांच्या टोळीवर थेट मकोका अंतर्गत कारवाई केली आहे.

    सर्व सामान्य जनतेत दहशत निर्माण करणाऱ्या अनेक गुन्हयांची नोंद असलेल्या बल्लारपूर येथील कुख्यात गुंडाची टोळीतील टोळी प्रमुख नामे चंद्रेश उर्फ छोटु देसराज सुर्यवंशी, येदुराज उर्फ बच्ची रामनरेश आरक व त्याचे इतर साथीदारांनी संयुक्तरित्या केलेल्या गुन्हयातील सदस्यांविरुध्द पोस्टे चंद्रपूर शहर येथील दाखल गुन्हयात महाराष्ट्र संघटित गुन्हेगारी नियंत्रण कायदा १९९९ (MCOCA) ची कलम लावण्यात आलेली आहे.

    Also Read : चंद्रपूर जिल्ह्यात पुन्हा जंगलराज; वाघाच्या हल्ल्यात शेतकरी ठार

    काही दिवसांपूर्वी हत्या सारखा गंभीर गुन्हा करण्याच्या तयारीत असलेल्या या टोळीतील काहींना अवैध शस्त्रसह पोलिसांनी अटक केली होती ज्यामध्ये ०२ माऊझर गन (पिस्टल), ०२ देशी कटट्टे, ३५ नग जिवंत काडतुस, तसेच ०४ लोखंडी धारदार खंजर असे घातक हत्यारासह दरोडा टाकण्याचे बेतात असल्याचे मिळुन आल्याने त्यांचेविरुध्द पोलीस स्टेशन चंद्रपूर शहर येथे अप.क्र.७५८/२०२५ कलम ३, ४/२५ भारतीय हत्यार कायदा आणि कलम ३१० (४) भारतीय न्याय संहिता अन्वये गुन्हा नोंदविण्यात आला होता. सदर गुन्हयाचे तपासात, सदर टोळी ही दरोडा टाकुन प्राप्त पैशातून खुना सारखा गंभीर गुन्हा करण्याचे तयारीत असल्याचे निष्पन्न झाले असुन पोलीसांच्या सतर्कतेने खुनाच्या गुन्हयास प्रतिबंध करण्यास यश आले आहे. MCOCA sections applied to gang leaders 2025

    अनेक वर्षांपासून या टोळीचा धुमाकूळ

    सदर गुन्हयातील कुख्यात टोळी ही चंद्रेश उर्फ छोटु देसराज सुर्यवंशी व येदुराज उर्फ बच्ची रामनरेश आरक याचे नेतृत्वात स्वतःच्या टोळीचा वर्चस्व निर्माण करण्यासाठी मागील काही वर्षापासुन चंद्रपूर जिल्हयातील विविध पोलीस स्टेशन हद्दीत सातत्याने बेकायदेशीर जमाव तयार करुन दहशत निर्माण करणे, जिवानिशी ठार करण्याचे उददेशाने खून करण्याचा प्रयत्न करणे, आपखुशीने गंभीर दुखापत करणे, धमकी देणे, अश्लिल शिवीगाळ करणे, दंगा करणे,

    जिवे ठार मारण्याची धमकी देणे, लोकसेवकाला त्याचे कर्तव्य पार पाडण्यापासून धाकाने परावृत्त करण्यासाठी हमला किंवा फौजदारीपात्र बलप्रयोग करणे, शांतता भंग करण्याच्या उद्देशाने जाणीवपूर्वक अपमान करणे, मालमत्तेचे नुकसान करणे, सार्वजनिक रस्त्यामधील मार्गात अटकाव करणे, प्राणघातक शस्त्रे जवळ बाळगणे, मनाई आदेशाने उल्लंघन करणे इत्यादी शिर्षकाखाली गंभीर गुन्हे केले असुन टोळीचे वर्चस्व व दहशत राहावी म्हणुन त्याद्वारे मिळणारे पैश्यावर ऐशआरामाचे, चैनीचे जीवन जगत आहेत. police foil robbery attempt by armed criminals

    हे गुन्हे या टोळीने स्वतः चे आर्थीक फायदा करण्याकरीता, वर्चस्व व दहशत निर्माण करण्याकरिता केलेले असून अद्यापही ते संघटीत पध्दतीने गुन्हेगारी कारवाया व कृत्ये सातत्याने करीत असल्याने सदर टोळीवर कायद्याची वचक व परिणामकारक प्रतिबंध करण्यासाठी त्यांच्याविरुध्द दाखल असलेल्या गुन्हयात महाराष्ट्र संघटीत गुन्हेगारी नियंत्रण कायदा, १९९९ चे कलम समाविष्ट होणेबाबतचा आवश्यक प्रस्ताव पाठवून सदर टोळीतील

    (१) चंद्रेश उर्फ छोटु देसराज सुर्यवंशी वय २३ वर्ष, (२) येदुराज उर्फ बच्ची रामनरेश आरक वय २७ वर्ष, (३) मुकेश राजु वर्मा वय २० वर्ष, (४) अमीत बालकृष्ण सोनकर वय २६ वर्ष, (५) गौरिश श्रीनिवास कुसमा वय १९ वर्ष, (६) अनवर अब्बास शेख वय २३ वर्ष च इतर साथीदार गुन्हेगारांविरुध्द महाराष्ट्र संघटीत गुन्हेगारी नियंत्रण कायदा, १९९९ (MCOCA) ची कलम लावण्यात आली आहे. MCOCA charges filed against organized crime gang

    सदरची कार्यवाही पोलीस अधीक्षक श्री मुम्मका सुदर्शन, अपर पोलीस अधीक्षक श्री ईश्वर कातकडे, उपविभागीय पोलीस अधिकारी चंद्रपूर श्री प्रमोद चौगुले यांचे मार्गदर्शनाखाली पोस्टे चंद्रपूर शहर चे ठाणेदार पोलीस निरीक्षक श्री निशिकांत रामटेके आणि स्थानिक गुन्हे शाखा चंद्रपूर चे पोलीस निरीक्षक श्री अमोल काचोरे, पोउपनि श्री संतोष निंभोरकर, सफौ अरुण खारकर व पोअं गजानन नन्नावरे व मोक्का पथकाने केलेली आहे. chandrapur police

    याद्वारे सर्व जनतेला तसेच औद्योगिक क्षेत्रातील व्यवसायिकांना आवाहन करण्यात येते की, अशा प्रकारच्या कोणत्याही गुंडांच्या टोळीच्या अवैध मागणी/खंडणीला प्रतिसाद देवु नये. किंवा त्यांच्या कृत्यांना घाबरु नये. त्यांच्या कृत्यांबाबत तात्काळ नजीकचे पोलीस स्टेशनला रिपोर्ट करुन माहिती दयावी जेणे करुन अशा स्वरुपाच्या गुन्हेगारीला वेळीच प्रतिबंध घालण्यास पोलीसांना मदत होईल.

  • Chimur forest human conflict latest | जंगलराज; वाघाच्या दहशतीने चंद्रपूरचा शेतकरी वर्ग हादरला, पुन्हा शेतकरी ठार

    Chimur forest human conflict latest

    Chimur forest human conflict latest : चिमूर 6 नोव्हेंबर (NEWS34) – चंद्रपूर जिल्ह्यात मानव वन्यजीव संघर्षात सतत वाढ होत आहे, वर्ष 2025 मध्ये वन्यप्राण्यांच्या हल्ल्यात तब्बल 38 नागरिकांचा बळी गेला आहे. 5 ऑक्टोबर रोजी चिमूर तालुक्यात वाघाच्या हल्ल्यात शेतकऱ्याचा मृत्यू झाला. ईश्वर भरडे असे मृतक शेतकऱ्याचे नाव आहे.

    Also Read : चंद्रपुरातील अल्पवयीन गुन्हेगारी


    चिमूर तालुक्यातील शंकरपूर जवळील आंबोली रोडवर असलेल्या शेतात ईश्वर भरडे कापूस वेचायला गेले होते. सायंकाळी 6 ते 7 वाजेच्या दरम्यान त्या परिसरात दबा धरून बसलेल्या शेतकरी भरडे यांच्यावर वाघाने हल्ला करीत ठार केले.

    45 वर्षीय शेतकरी ईश्वर भरडे हे शिवरा गावात राहत होते, या घटनेमुळे परिसरात जनतेचा रोष बघायला मिळाला, वाघाचे हल्ले सतत होत राहिल्यास शेती करायची कशी असा प्रश्न शेतकऱ्यांसमोर उभा आहे.

    आतापर्यंत 38 मृत्यू

    या घटनेनंतर नागरिकांनी वाघाचा बंदोबस्त तात्काळ करावा अशी मागणी करीत काही काळ चक्काजाम आंदोलन सुद्धा केले. चंद्रपूर जिल्ह्यात आतापर्यंत 34 वाघाच्या हल्ल्यात, 2 बिबट, 1 अस्वल व एकाचा हत्तीच्या हल्ल्यात मृत्यू झाला आहे. एकूण 38 मृत्यू वन्यप्राण्यांच्या हल्ल्यात झाले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by