Tag: MH34

Ballarpur Maharashtra आज कोणत्याही क्षेत्रात महिला मागे नाहीत. प्रत्येक क्षेत्रात पुरुषांच्या बरोबरीने महिला आपल्या कर्तुत्वाचा ठसा उमटवीत आहेत. महाराष्ट्र सरकारने मुलींना मोफत शिक्षण, मुख्यमंत्री माझी लाडकी बहीण योजना, महिला सन्मान योजना या माध्यमातून महिलांच्या शैक्षणिक, सामाजिक आणि आर्थिक स्वातंत्र्याच्या दिशेने पाऊल टाकले आहे. आज महिलांना व त्यांच्या कुटुंबांना मोठा आधार मिळाला आहे. त्यामुळे शासनाच्या विविध योजनांचा लाभ घेऊन महिलांनी आपली आर्थिक प्रगती साधावी.

Ballarpur Maharashtra या क्षेत्राचा लोकप्रतिनिधी म्हणून महिलांचा सन्मान व त्यांच्या सक्षमीकरणासाठी सदैव कटिबद्ध आहे, अशी ग्वाही राज्याचे वने, सांस्कृतिक कार्य व मत्स्यव्यवसाय मंत्री तथा जिल्ह्याचे पालकमंत्री ना. श्री. सुधीर मुनगंटीवार यांनी यावेळी दिली.

महत्त्वाचे : चंद्रपूर जिल्ह्यात लैंगिक अत्याचाराची धक्कादायक घटना

नांदगाव पोडे (ता. बल्लारपूर) येथे आयोजित महिला मेळाव्यात ते बोलत होते. यावेळी सरपंच (नांदगाव पोडे) सुनिता वैद्य, माजी जिल्हा परिषद सदस्य मनोहर देऊळकर आदींची प्रमुख उपस्थिती होती. गोरगरिबांना मदत करणे व बहिणींना सहकार्य करणे हे सरकारचे कर्तव्य आहे, असे सांगून ना. मुनगंटीवार म्हणाले, ‘महिला बचत गटांना कर्ज वाटप करण्यात चंद्रपूर जिल्हा महाराष्ट्रात प्रथम क्रमांकावर आहे, याचा मला अभिमान आहे. मुख्यमंत्री लाडकी बहिण योजनेतंर्गत जिल्ह्यातील 2 लक्ष 75 हजाराच्या वर महिलांना योजनेचा लाभ देण्यात आला आहे. मात्र, अजूनही 20 हजार महिलांचे आधार लिंक (केवायसी) नसल्यामुळे लाभ मिळू शकला नाही. कोणतीही महिला या योजनेपासून वंचित राहणार नाही. प्रत्येक पात्र महिलेला योजनेचा लाभ देण्यात येणार आहे. Ballarpur Maharashtra

युवकांपासून तर ज्येष्ठांपर्यंत प्रत्येक वयोगटासाठी शासन विविध योजना राबवित आहे. मात्र, माहितीअभावी या योजना सर्वसामान्यांपर्यंत पोहोचत नाहीत. तीर्थक्षेत्र दर्शनाचे जेष्ठांचे स्वप्न साकार करण्यासाठी जळगाव व कोल्हापूर येथून तीर्थदर्शनासाठी ट्रेन रवाना करण्यात आल्या. येत्या काही दिवसात चंद्रपुरातून सुद्धा ट्रेन रवाना करण्यात येणार आहे. यासाठी इच्छुक ज्येष्ठांनी तीर्थदर्शन योजनेचे फॉर्म भरून घेण्याचे आवाहन पालकमंत्री ना. मुनगंटीवार यांनी केले. नागरिकांपर्यंत आरोग्य सुविधा पोहोचवण्यासाठी प्रत्येक गावांमध्ये महाआरोग्य शिबिरे घेण्यात येत आहे. प्रत्येक गावांमध्ये विकास कामे केली असून विकासकामांतून जिल्हा पुढे नेला असल्याचेही ते म्हणाले.

महिलांच्या सुरक्षेसाठी निर्णय
कोरपना येथे अल्पवयीन मुलींवर झालेल्या लैंगिक अत्याचाराची दखल घेऊन जिल्ह्यातील शाळा आणि महाविद्यालयांमध्ये एका महिला पोलीसची नियुक्ती करण्याचा निर्णय घेण्यात येणार आहे. मुलींची छेडछाड व इतर तक्रारींबाबत पोलीस विभागाकडून कायदेशीर कारवाई करण्यात येईल. जेणेकरुन, बदलापूर व कोरपनासारख्या घटना थांबविता येतील, असे ना. मुनगंटीवार म्हणाले. Ballarpur Maharashtra

मुलींचे शिक्षण, एसटीचा प्रवास !
आर्थिकदृष्ट्या दुर्बल प्रवर्गातील मुलींना व्यावसायिक अभ्यासक्रमासाठी 100 टक्के शुल्क सवलत देण्यात येत असून शिक्षणाचा सर्व खर्च शासन करणार आहे. महिलांना एसटीतून प्रवासात 50 टक्के सवलत तर 75 वर्षावरील ज्येष्ठ नागरिकांना बस प्रवासात 100 टक्के सवलत देण्यात येत आहे. स्व. सुषमा स्वराज यांच्या नावाने बल्लारपुरात कौशल्य विकास केंद्र कार्यान्वित होत असून मुलींना व बचत गटातील महिलांना हे केंद्र फायदेशीर ठरणारे आहे. मुलींच्या शिक्षणाला गरिबी आडवी येते. त्यांना योग्य शिक्षणासह कौशल्य प्रशिक्षण मिळावे तसेच शिक्षणाच्या बाबतीत महिला मागे राहू नये हि अडचण दूर करण्यासाठी सर्व जातीच्या मुलींना आकाशाला गवसणी घालण्याची संधी एस.एन.डि.टी विद्यापीठाच्या माध्यमातून चालून आली आहे. तसेच बचत गटांमार्फत उत्पादित वस्तू विक्रीसाठी चंद्रपूर येथे बाजारहाटची निर्मिती तसेच फूड कोर्ट उभारण्यात येणार असल्याचे मुनगंटीवार म्हणाले. (Sudhir mungantiwar)

tadoba tiger बोरचांदली शिवारात वाघाची दहशत आजही कायम, वाघाचा बंदोबस्त केला नाही तर पुन्हा आंदोलन – संतोषसिंह रावत

tadoba tiger (गुरू गुरनुले) मुल – तालुक्यातील बोरचांदली येथील शेतकरी शैलेश प्रभाकर कटकमवार वय वर्ष (४२) हा ३० सप्टेम्बर २०२४ रोजी म्हैसी उमा नदी काठावर सावली वनपरिक्षेत्रात चारत असताना जवळच त्याला वाघ दिसला. त्या वाघाला घाबरून शैलेशने म्हैसीची शेपटी पकडून पाण्यात उडी मारली. व त्याचा मृत्यू झाला. ही घटना ताजी असताना दुसऱ्याच दिवशी परत मृतक शैलेश कटकमवार यांचे गुरे त्याच क्षेत्रात चरत असताना गोऱ्यावर वाघाने हल्ला करुन ठार केल्याची घटना घडली.

अवश्य वाचा : ख्रिस्ती बांधवांचा कफन पेटी मोर्चा

दोनच दिवसात मालकही गेला आणि त्याचा गोराही गेला.अजूनही त्याच परिसरात वाघ असल्याचे गावकऱ्यांनी पाहिले आहे.त्याच बोरचांदली परिसरात राजू पाटील येनुगवार यांचे शेती फार्म आहे. त्याच परिसरात तोच वाघ दहशत पसरवीत आहे. त्यामुळे शेतकरी बांधव व गावकरी वाघाच्या दहशतीने भीत आहेत. वाघाच्या भीतीमुळे काही शेतकरी बांधव शेतात पीक उभे असताना सुद्धा शेतीकडे जाणे बंद केले आहे. (Tiger)

हाच तो भीती दाखवणारा वाघ उमा नदीच्या फुलाच्या उजव्या बाजूला अंतरगाव पारडंवाही क्षेत्र आहे. त्याही परिक्षेत्रात हाच वाघ सारखा फिरत असल्याचे शेतकरी बांधवांनी सांगितल्याने वाघाची दहशत कायम आहे. करीता वाघ (tiger) हा कोणत्याही परिक्षेत्रात फीरो, पण त्याचा बंदोबस्त करणे व शेतकऱ्यांना व नागरिकांना आणि शेतकऱ्यांच्या गुरेढोरांना संरक्षण देणे ही सर्वस्वी जबाबदारी मात्र वनविभागाची असल्याने अशी दहशत माजविणाऱ्या वाघाचा त्वरित बंदोबस्त करावा.अन्यथा शेतकरी व नागरिकांच्या सुरक्षेसाठी पुन्हा मला रस्त्यावर उतरुन आंदोलन करावे लागेल. असा इशारा चंद्रपूर जिल्हा मध्यवर्ती बँकेचे अध्यक्ष, माजी जी.प.अध्यक्ष संतोषसिंह रावत यांनी दिला आहे.

Christian society (गुरू गुरनुले)मुल – गेल्या ४० वर्षापासून ख्रिस्ती समाजाच्या दफनविधीसाठी जागा दिली नाही.करीता मागणीचे निवेदन आम्ही सेट स्टिफन चर्च मुल तर्फे अनेक पत्र दिले परंतु पत्राला केराची टोपली दाखवली, असता ख्रिस्ती समाज त्यांना त्यांची जागा दाखवल्या शिवाय स्वस्थ बसणार नाही.असा इशारा सुद्धा मोर्चाच्या निवेदनाद्वारे तहसीलदार यांना दिला.

महत्वाचे : 200 युनिटचे काय झालं? स्वतः आमदार जोरगेवार यांनी सांगितलं सत्य

Christian society दफनविधीसाठी जागा मिळण्यासाठी वेळोवेळी सूचना तसेच पत्र व्यवहार करून सुद्धा प्रशासना‌द्वारे न्याय मिळाला नसल्याने आज दिनांक ७/१०/२९२४ रोजी चर्च ते गांधी चौक मार्ग तहसील कार्यालयाच्या ख्रिस्ती बांधवांचा आकर्षक कफन पेटी मोर्चा काढण्यात आला असून संपूर्ण मोर्चा द्वारे खिस्ती समाज मूल तालुका तर्फे कफन पेटी मोर्चा काढून प्रशासनास जागे करण्यासाठी स्मरण करून देत जागेची मागणी केली आहे, आणि सूचना करण्यात आली की येणाऱ्या दिवसात समाजात कोणचेही मृत्यू झाल्यास त्याला दफन कुठे करायचे आहे याचे उत्तर द्यावे, अन्यथा तहसील कार्यालयावर मृतदेह आणण्यात येईल. व त्याला सर्वस्वी जबाबदार प्रशासन राहील.असा गंभीर इशारा दिला आहे.

सेंट स्टीफन चर्च मूल, व समस्त ख्रिस्ती समाज बांधवांचा कफन पेटी मोर्चाचे रूपांतर सभेमध्ये करण्यात आले. याप्रसंगी मोर्चाला पाठिंबा देण्यासाठी कांग्रेस नेते, सी.डी.सी.सी.बँकेचे अध्यक्ष,माजी जी.प.अध्यक्ष संतोष सिंह रावत, यांनी प्रशासनाने आपल्याला रस्त्यावर यायला भाग पाडले.असे मत व्यक्त केले. व आपला जाहीर पाठिंबा दिला. Christian society

उलगुलान संघटनेचे राजू झोडे यांनी जिल्ह्याच्या पालक मंत्र्यांवर टीका करीत जो जमीन सरकारी है, ओ जमीन हमारी है.असे समजून अतिक्रमण करण्याचा सल्ला दिला. तर मोर्चाचे नेतृत्व करणारे डॉ.मार्टिन अझीम यांनी गेल्या ४० वर्षांपासूनचा आमचा संघर्ष आहे. तरी देखील शासन व प्रशासन जागे झाले नाही. पण ते आम्हीं आता सहन करणार नाही असे मार्गदर्शन केले. Christian society

याप्रसंगी माजी नगराध्यक्ष घनश्याम मुलचंदाणी, सभापती राकेश रत्नावार, तालुकाध्यक्ष गुरु गुरनुले, एथोनी परीछा, डॉ.मार्टिन अझीम, आश्र्विंन पालीकर, हरिदास मेश्राम, यांनीही सत्ताधाऱ्यांवर सडाडून टीका केली. मंचावर डेव्हिड वाळके, अशोक टी टीगुसले, वसंत खोब्रागडे, दिलीप वराते,राजेश मोजेश, संतोष इटकलवार यांचेसह शेकडो ख्रिस्ती बांधव व महिला उपस्थित होते.