mother and daughter killed in road accident : बल्लारपूर – राजूराहून चंद्रपूरकडे दुचाकीने जात असताना ट्रक खाली येऊन आई आणि मुलीचा जागीच मृत्यू झाला. हा अपघात वर्धा नदीच्या राजुरा पुलाजवळ बल्लारपूर पोलीस स्टेशन अंतर्गत येत असलेल्या बामणी गावाच्या हद्दीतील जलाराम मंदिराच्या समोर सोमवारचे दुपारी दीड वाजताचे दरम्यान घडला आहे.
मृतकाचे नाव ज्योती बंडू रागीट (३८ वर्षे) आणि त्यांची मुलगी सेजल बंडू रागीट (८ वर्षे) राहणार पेठ वार्ड राजुरा, असे आहे . ज्योती या स्कुटी क्रमांक एम एच ३४ बी एस५५३८ ने चंद्रपूरला आपल्याकडे आईकडे जात होत्या. धडक दिलेल्या ट्रकचा क्रमांक एम एच ३४बीझेड ७६९९ असा आहे.सेजल ही सहाव्या वर्गाची विद्यार्थिनी होती.
बामणी – राजुरा ते आदिलाबाद या राष्ट्रिय महामार्गाचे विस्तारीकरणाचे काम सूरू आहे. रस्त्याची उंची वाढविण्याकरीता मातीचे ढिगारे टाकण्यात आले. कुठल्याही प्रकारचे ठोस नियोजन नसल्याने या धिगाऱ्यावरील माती रस्त्यावर येत आहे. पावसात घसरून तर पाऊस नसताना प्रचंड धुळीचे साम्राज्य या ठिकाणी बघायला मिळत आहे. national highway construction accident
जीव मुठीत घेऊन प्रवास
नुकत्याच झालेल्या पावसात तर भर रस्त्यात चिखल होऊन अनेकांना जीव मुठीत घेऊन या मार्गावरून प्रवास करावा लागला. या मार्गावरून नेहमीच प्रवश्याना तारेवरची कसरत करावी लागत असुन वेळीच योग्य त्या उपाययोजना करणे आवश्यक आहे अन्यथा अनेकांना प्राणाला मुकावे लागणार असल्याची भिती प्रवाशी व्यक्त करीत आहेत.
पुढील तपास पोलीस निरीक्षक श्याम गव्हाणे यांच्या मार्गदर्शनाखाली पोलीस उपनिरीक्षक विक्की लोखंडे, पोअं. नरेंद्र वाकडे करीत आहे
अम्मा की पढाई – विद्यार्थ्यांना फक्त अभ्यास नव्हे तर भविष्याचं स्वप्न देणारा उपक्रम – आ. किशोर जोरगेवार
Amma Ki Padhai education initiative : चंद्रपूर – आज या सभागृहात बसलेल्या प्रत्येक चेहऱ्यावर उत्सुकता, आत्मविश्वास आणि एक वेगळी चमक दिसते आहे. ही केवळ एका चाचणीची मुलाखत नव्हे, ही भविष्यातल्या उज्वल वाटचालीची सुरूवात आहे. ‘अम्मा की पढ़ाई’ या उपक्रमाची कल्पना मनात आली, तेव्हा एकच गोष्ट विचारात घेतली आपल्याला केवळ अभ्यासासाठी संधी देणं पुरेसं नाही, तर त्या संधीला स्वप्नांची दिशा देणं तितकेच महत्त्वाचे आहे. ‘अम्मा की पढ़ाई’ हा उपक्रम विद्यार्थ्यांना फक्त अभ्यास नव्हे, तर भविष्याचं स्वप्न देणारा उपक्रम ठरणार असल्याचे प्रतिपादन आमदार किशोर जोरगेवार यांनी केले. free coaching schemes for poor students
आमदार किशोर जोरगेवार यांच्या संकल्पनेतून ‘अम्मा की पढ़ाई’ उपक्रमाची सुरुवात करण्यात आली आहे. चाचणी परीक्षेतून तीन हजार विद्यार्थ्यांपैकी ३०० विद्यार्थ्यांची निवड करण्यात आली आहे. आज, रविवारी आंबेडकर महाविद्यालयात सदर विद्यार्थ्यांच्या मुलाखत सत्राचे आयोजन करण्यात आले होते. coaching classes for economically weaker students
यावेळी विद्यार्थ्यांना संबोधित करताना ते बोलत होते. यावेळी ‘अम्मा की पढ़ाई’ ट्रस्टचे उपाध्यक्ष निवृत्त प्रा. संजय बेले, सचिव सुमीत बेले, सहसचिव अ‍ॅड. राहुल घोटेकर, कोषाध्यक्ष पोलीस उपनिरीक्षक अनिल देरकर, विश्वस्त नायब तहसीलदार प्रतीक बोर्डे, राज्यकर निरीक्षक निलेश मालेकर, पोलीस उपनिरीक्षक अंजली सुमीत बेले, अजय जयसवाल, प्रसाद जोरगेवार, भारतीय जनता पक्षाचे महानगर अध्यक्ष सुभाष कासनगोट्टूवार, दशरथसिंह ठाकूर, माजी नगरसेवक प्रदीप किरमे, देवानंद वाढई, राजेंद्र अडपेवार, पवन सराफ आदींची उपस्थिती होती.
यावेळी पुढे बोलताना आ. जोरगेवार म्हणाले की, आजची पिढी ही शिक्षणाच्या बाबतीत एका स्पर्धात्मक युगात आहे. आपल्या या उपक्रमात ३०० विद्यार्थ्यांची निवड करण्यात आली. पण ज्यांची निवड झाली नाही, ते सुद्धा विजेते आहेत. तुम्ही तुमच्या आतल्या इच्छाशक्तीला जाग दिलं आहे, हेच खरं यशाचं बीज आहे. येथे दरमहा उत्तम मार्गदर्शक आणून विद्यार्थ्यांना मार्गदर्शन करणार आहोत. त्यात निवड न झालेले विद्यार्थीसुद्धा सहभागी होऊ शकतात.
अम्मा की पढ़ाई म्हणजे आईच्या मायेचा, त्यागाचा आणि शिक्षणाच्या महत्त्वाचा संगम आहे. हा उपक्रम फक्त पुस्तकी ज्ञानापुरता मर्यादित नाही, तर स्वप्न बघायला शिकवणारी, स्वप्नांसाठी झगडायला शिकवणारी आणि त्या स्वप्नांना वास्तवात उतरवायला शिकवणारी मोहिम आहे. आपण एका नव्या शिक्षण संस्कृतीची पायाभरणी करत आहोत, जिथे विद्यार्थी आपले कर्तृत्व दाखवतील, देशाच्या विकासात मोलाचा वाटा उचलतील, असे यावेळी आमदार किशोर जोरगेवार म्हणाले. यावेळी शेकडो विद्यार्थ्यांची उपस्थिती होती. education empowerment programs for backward class
शिक्षण अपुरं राहिल्याचं दुःख – आ. जोरगेवार
दहावी उत्तीर्ण केल्यानंतर अकरावीत प्रवेश घेतला होता, पण आर्थिक अडचणींमुळे शिक्षण पूर्ण करता आलं नाही. आज माझ्या नावासमोर ‘शिक्षण – अपुरं’ असा कॉलम उरतो आणि ते दुःख आजही मनाला सलतं, अशा भावनिक शब्दांत आमदार किशोर जोरगेवार यांनी आपल्या मनातील वेदना मांडल्या.
पुढे परिस्थिती बदलली, शिक्षण पुन्हा घेता आलं असतं. पण मी मुद्दाम शिक्षण घेणं टाळलं. कारण अपूर्ण राहिलेल्या शिक्षणाच्या अनुभवातूनच गरीब व होतकरू विद्यार्थ्यांचं दुःख अधिक समजू शकलो. त्यांच्या वेदना माझ्या स्वतःच्या झाल्या. आणि म्हणूनच या उपक्रमाची संकल्पना पुढे आली, असंही त्यांनी स्पष्ट केलं. Amma Ki Padhai education initiative
आमचं स्वप्न अपुरं राहिलं, पण तुमचं स्वप्न आम्ही अपूर्ण होऊ देणार नाही. परिस्थितीमुळे कुणाचं ‘अधिकारी’ बनण्याचं स्वप्न थांबू नये, म्हणून ‘अम्मा की पढ़ाई’ उपक्रम राबवला जात आहे. या उपक्रमातून पात्र विद्यार्थ्यांना संधी दिली जाईल, मार्गदर्शन दिलं जाईल आणि त्यांना आयुष्यात उभं करण्यासाठी संपूर्ण पाठबळ दिलं जाईल,असा विश्वासही आमदार जोरगेवार यांनी यावेळी व्यक्त केला.
PM JANMAN scheme benefits : चंद्रपूर : जनजातीय गौरव वर्षानिमित्त भारत सरकारने ‘प्रधानमंत्री जनजाती आदिवासी न्याय महाअभियान’ (PM-JANMAN) आणि ‘धरती आबा जनजातीय ग्राम उत्कर्ष अभियान’ (DA-JGUA) अंतर्गत आदिवासी समुदायांना सक्षम करण्यासाठी दोन महत्त्वपूर्ण आणि कालबध्द कार्यक्रम हाती घेतले आहेत. tribal welfare schemes
एकत्रित प्रयत्नांचा भाग म्हणून ‘धरती आबा अभियान – एक केंद्रित जागरूकता आणि संपृक्तता मोहीम’ तसेच ‘धरती आबा कर्मयोगी – एक क्षमता बांधणी’ कार्यक्रम या दोन हस्तक्षेपांद्वारे लक्षित बहु-क्षेत्रीय सेवा वितरणासाठी एक मोठी मोहीम आखलेली आहे. आदिवासी भागांमध्ये सेवा आणि पायाभूत सुविधांची परिपूर्णता सुनिश्चित करणे या उपक्रमांचा उद्देश आहे.
जनजातीय गौरव वर्ष (JJGV) 2025 चा भाग म्हणून शेवटच्या घटकापर्यंतच्या आदिवासी समुदायांना वैयक्तिक लाभांची घरपोच सेवा देण्यासाठी केंद्र सरकारच्या देशव्यापी मोहीमेअंतर्गत गाव- आणि क्लस्टरस्तरीय शिबिरांचे आयोजन केले आहे. यासाठी प्रत्यक्ष ग्रामस्तरावर आधारकार्ड, रेशनकार्ड, आयुष्मान भारतकार्ड (PM-JAY), जातीचे प्रमाणपत्र, पीएम-किसान, जनधनखाते काढणे अशा सेवा देण्यात येणार आहेत. ही शिबिरे स्थानिक प्रशासन, फ्रंटलाइन कर्मचारी आणि विविध शासकीय विभागांच्या सेवांचे अभिसरण यांच्या सक्रिय सहभागातून चालतील. पात्र आदिवासी व्यक्ती आणि कुटुंबापर्यंत लाभ पोहोचविणे हा या शिबिरांचा उद्देश आहे. tribal empowerment through PM schemes
या शिबिरांचे आयोजन 15 ते 30 जून 2025 या कालावधीत केले जात आहे. त्याअनुषंगाने राजूरा तालुक्यामध्ये 16 ते 25 जून पर्यत मंगी बु., सिर्सी, येरगव्हाण, भुरकुंडा खु. जामणी येथे. कोरपणा तालुक्यामध्ये 16 ते 26 जून पर्यत रुपापेठ, धानोली, खेरगाव, सावलहीरा, धामनगाव येथे. जिवती तालुक्यामध्ये 17 ते 27 जूनपर्यत नगराळा, जिवती, भारी, पाटण, येल्लापुर, कुंभेझरी, नोकेवाडा. मुल तालुक्यामध्ये 17 ते 27 जूनपर्यत मुरमाळी, चिखली, आकापुर, जानाळा, भवराळा.
पोंभुर्णा तालुक्यामध्ये 16 ते 24 जूनपर्यत थेरगाव, देवई, भटाळी, केमारा, चिंतलधाबा क्र.1 व 2. सावली तालुक्यामध्ये 17 ते 20 जूनपर्यत बोरमाळा, चारगाव. सिंदेवाही तालुक्यामध्ये 17 ते 27 जूनपर्यत कारव्हा, नाचनभटी, सिरकाडा, मोहाळी, कळमगाव गन्ना, सरडपार. चंद्रपुर तालुक्यामध्ये 19 जूनला लोहारा येथे. बल्लारपुर तालुक्यामध्ये 23 जूनला कवडजई, गोंडपिपरी तालुक्यामध्ये 24 जूनला धानापुर येथे कॅम्पचे आयोजन करण्यात आले आहे. या शिबिरांतून मोठया प्रमाणात आदिवासी नागरीकांना विविध सेवांचा लाभ मिळणार आहे.
जिल्हाधिकारी विनय गौडा यांचे आवाहन :
15 ते 30 जून 2025 दरम्यान होणा-या शिबिरांना आदिवासी बांधवांनी मोठया संख्येने उपस्थित राहुन आवश्यक असलेली सर्व कागदपत्रे काढून घ्यावीत, असे आवाहन जिल्हाधिकारी विनय गौडा यांनी केले आहे.
traffic problem in Chandrapur city :चंद्रपूर – आज आम आदमी पार्टी चंद्रपूर यांच्या वतीने मा. जिल्हाधिकारी चंद्रपूर यांना निवेदन सादर करण्यात आले. शहरात दिवसेंदिवस वाढणारी जड वाहनांची वाहतूक, त्यातून होणारे अपघात, वाढलेली ट्रॅफिकची समस्या आणि नागरिकांच्या जीविताला होणारा धोका या पार्श्वभूमीवर हे निवेदन देण्यात आले आहे. heavy vehicle ban in city area
नुकतेच तुकूम येथे २२ वर्षीय युवतीचा जड वाहनाच्या अपघातात मृत्यू झाला. तसेच जनता कॉलेज चौक, वरोरा नाका, बंगाली कॅम्प चौक आदी भागांत देखील याआधी अनेक अपघात घडले आहेत.
अध्यक्ष योगेश गोखरे यांनी सांगितले
“मी विधानसभा निवडणुकीच्या आधी आमदार किशोर जोरगेवार यांना वैयक्तिकरित्या भेटून चंद्रपूर शहरातील जड वाहनांमुळे होणाऱ्या अपघातांची माहिती दिली होती आणि त्यावर उपाय म्हणून रिंग रोड व जड वाहनांवर वेळेची मर्यादा घालावी असे स्पष्टपणे सुचवले होते. पण त्यांनी यावर कोणतीही कृती केली नाही.”
“इतकेच नव्हे तर आम आदमी पार्टी चंद्रपूरने याच विषयावर मा. राज्यपालांसोबत देखील अधिकृतपणे चर्चा केली होती आणि शहरासाठी रिंग रोड गरजेचा आहे, हे मांडले होते. पण दुर्दैवाने त्या पातळीवरही याकडे कुठलेही लक्ष देण्यात आले नाही.”
“आज या दुर्लक्षिततेमुळे निष्पाप नागरिकांचे प्राण जात आहेत. आम्ही या प्रश्नाकडे गांभीर्याने पाहतो. जर प्रशासनाने त्वरित पावले उचलली नाहीत, तर आम आदमी पार्टी रस्त्यावर उतरेल आणि आंदोलन छेडेल.”
निवेदनातील प्रमुख मागण्या:
✅ शहरात सकाळी ६ ते रात्री १० दरम्यान जड वाहनांना प्रवेश बंद करावा ✅ फक्त रात्री १० ते सकाळी ६ या वेळेतच शहरात प्रवेश परवानगी द्यावी ✅ शहराबाहेर तात्पुरते ट्रक टर्मिनल्स व पर्यायी मार्ग विकसित करावेत ✅ रिंग रोडचे काम तात्काळ सुरू करण्यात यावे
ही मागणी संपूर्ण चंद्रपूरकर जनतेच्या सुरक्षेसाठी आहे. प्रशासनाने या निवेदनाची गांभीर्याने दखल घ्यावी, अन्यथा रस्ता रोको आंदोलन ही आमची पुढील कृती असेल.
निवेदन देतांनी :
एकनाथ हांडेकर चंद्रपूर शिक्षक आघाडी महानगर अध्यक्ष व इतर पदाधिकारी व कार्यकर्ते उपस्थित होते.
योगेश गोखरे चंद्रपूर महानगर अध्यक्ष
मयूर राईकवार चंद्रपूर जिल्हा अध्यक्ष
राजू कुडे चंद्रपूर युवा जिल्हा अध्यक्ष
तब्बसूम शेख चंद्रपूर महानगर महिला अध्यक्ष
संतोष बोपचे चंद्रपूर महानगर संघटन मंत्री
प्रशांत शिदूरकर चंद्रपूर जिल्हा सचिव उपस्थित होते.
hit and run case at toll plaza : बल्लारपूर (चंद्रपूर) – बल्लारपूर शहरापासून काही अंतरावर असलेल्या विसापूर टोलनाक्याजवळ ८ जूनच्या मध्यरात्री १ वाजता एका वाहनचालकाने टोल चुकवण्याचा प्रयत्न केला, मात्र ऐनवेळी टोल नाक्यावरील कर्मचाऱ्याने त्या वाहनाला थांबविण्याचा प्रयत्न केला मात्र ते वाहन त्या कर्मचाऱ्याला चिरडत पुढे गेले. या घटनेत कर्मचारी जखमी झाला असून त्याला शहरातील खासगी रुग्णालयात उपचारासाठी दाखल करण्यात आले आहे.
बल्लारपूर तालुक्यातील विसापूर टोल नाक्यावर मध्यरात्री १ वाजता चारचाकी टाटा एस वाहनाने टोल चुकविण्याचा प्रयत्न केला, टोल नाक्यावरील कर्मचाऱ्यांनी त्या वाहनाला थांबविण्याचा प्रयत्न केला, यावेळी कम्प्युटर ऑपरेटर २७ वर्षीय संजय अरुण वांढरे याने वाहनासमोर जात त्याला थांबविण्याचा प्रयत्न केला मात्र वाहन चालकाने संजय च्या अंगावर वाहन नेत त्याला चिरडत पुढे गेला. हि सर्व घटना टोल नाक्यावरील सीसीटीव्ही कॅमेऱ्यात कैद झाली आहे.
या घटनेत संजय वांढरे जखमी झाला असून त्याला उपचाराकरिता खासगी रुग्णालयात दाखल करण्यात आले आहे. याबाबत बल्लारपूर पोलीस स्टेशनमध्ये तक्रार दाखल करण्यात आली असून त्या वाहनचालकांचा पोलिसांनी शोध घेणे सुरु केले.
animal cruelty prevention act : भद्रावती (चंद्रपूर): भद्रावती पोलिसांनी कत्तलीसाठी डांबून ठेवलेल्या १७ गोवंशांची सुटका केली आहे. ही कारवाई ६ जून रोजी सायंकाळी ६.३० वाजता भद्रावती तालुक्यातील नवरगाव शिवारात एका विटाभट्टीजवळच्या शेतात करण्यात आली. पोलिसांनी या गोवंशांना भद्रावती येथील जैन मंदिर गोशाळेत सुपूर्द केले आहे. police rescue cows from illegal slaughterhouse
भद्रावती पोलिसांना गोपनीय माहिती मिळाली होती की, तालुका मुख्यालयापासून १२ किमी दूर असलेल्या नवरगाव शिवारात, जिथे एक विटाभट्टी देखील आहे, तेथील कृषी साहित्य ठेवण्याच्या खोलीत गायी, बैल आणि वासरे कत्तल करण्याच्या उद्देशाने बांधून ठेवण्यात आली आहेत.
सायंकाळी ६.३० वाजता पीएसआय संजय मिश्रा आपल्या पोलीस पथकासह घटनास्थळी पोहोचले. त्यांना तिथे एका खोलीत सर्व गुरे बांधलेली दिसली. या गुरांसाठी चारा आणि पाण्याची कोणतीही व्यवस्था नव्हती. पोलिसांनी तपासणी केली असता, सुमारे ४.२५ लाख रुपये किमतीचे एकूण १७ गोवंश आढळून आले. पोलिसांनी या सर्व गोवंशांना सुखरूप बाहेर काढून भद्रावती येथील जैन मंदिर गोशाळेत पाठवले.
पोलिसांनी आजूबाजूच्या लोकांकडे चौकशी केली असता, त्यांना कळाले की ही खोली डोलारा गावातील शेख अबु नावाच्या व्यक्तीची आहे. या माहितीच्या आधारे, पोलिसांनी फरार आरोपी शेख अबु शेख अहमद (वय ६०) याच्या विरोधात प्राणी क्रूरता प्रतिबंधक कायद्याच्या कलमांखाली गुन्हा दाखल केला असून त्याचा शोध सुरू केला आहे. पुढील तपास पीएसआय प्रियांका गेडाम करत आहेत
msedcl celebrated 20th anniversary – चंद्रपूर : महाराष्ट्र राज्य विद्युत वितरण कंपनी मर्यादित 20 व्या वर्धापन दिनानिमित्त सांघिक कार्यालय मुंबई यांचेकडून दिलेल्या कार्यक्रमानुसार 1 जून ते 6 जून 2025 विद्युत सुरक्षा सप्ताह साजरा करण्यात आला. त्या अनुषंगाने दिनांक 6 जून 2025 रोजी महाराष्ट्र राज्य विद्युत वितरण कंपनी मर्यादित चंद्रपूर मंडळ यांचे वतीने वर्धापन दिन कार्यक्रमाचे आयोजन करण्यात आले.
कार्यक्रमाची सुरुवात सकाळी 10.10 वाजता सर्व अधिकारी कर्मचारी यांनी सुरक्षेची प्रतिज्ञा घेऊन करण्यात आली. त्यानंतर शकुंतला सेलिब्रेशन हॉल चंद्रपूर येथे कार्यक्रमाचा उदघाटन सोहळा माननीय अधीक्षक अभियंता श्रीमती संध्या चिवंडे चंद्रपूर मंडळ यांचे अध्यक्षतेखाली व श्री रमेश सानप अधीक्षक अभियंता (पा.आ.) चंद्रपूर परिमंडळ, श्री सहाय्यक महाव्यवस्थापक (मानव संसाधन) (प्र.) सुशिल विखार, श्री. विशाल पिपरे उपमुख्य औद्योगिक संबंध अधिकारी, चंद्रपुर विभागाचे कार्यकारी अभियंता चंद्रशेखर दारव्हेकर, तसेच यावेळी चंद्रपूर परिमंडळातील सर्व सन्माननीय अभियंते,यंत्रचालक, वाहिनी कामगार व इतर तांत्रिक अतांत्रिक कर्मचारी प्रामुख्याने उपस्थित होते. msedcl 20th foundation day celebration in chandrapur
चंद्रपूर मंडल वर्धापन दिन आयोजन समितीतर्फे मंडळातील सर्व अधिकारी कर्मचारी यांचे करिता सांस्कृतिक कार्यक्रमाचे आयोजन करण्यात आले. त्यामध्ये सर्व अभियंता, तांत्रिक अतांत्रिक कर्मचाऱ्यांनी त्यांचे कुटुंबीय व पाल्य यांचे सह उस्फूर्तपणे सहभाग नोंदवून कार्यक्रमाचा आनंद घेतला.
बक्षीस वितरण सोहळा
सायंकाळी बक्षीस वितरण सोहळा आयोजित करण्यात आला. श्रीमती संध्या चिवंडे चंद्रपूर मंडळ यांनी इतर तांत्रिक अतांत्रिक कर्मचारी यांचे सह केक कापून महावितरण कंपनीचा 20 वा वाढदिवस साजरा केला व सर्व अधिकारी कर्मचारी यांना विद्युत सुरक्षा सप्ताह व वर्धापन दिनानिमित्त मार्गदर्शन करून शुभेच्छा दिल्या.
त्यानंतर चंद्रपूर मंडलातील सर्व अधिकारी कर्मचारी त्यांचे कुटुंबीय व पाल्य यांच्याकरिता गीतांचा संगीत रजनी कार्यक्रम आयोजित करण्यात आला व सोबतच सर्वांकरिता स्नेहभोजनाचे आयोजन करण्यात आले. रात्री 10 वाजेपर्यंत सर्व अधिकारी कर्मचाऱ्यांनी संगीत रजनी व स्नेहभोजनाचा आनंद घेऊन कार्यक्रमाची सांगता झाली.
socially responsible weddings : चंद्रपूर: विवाह सोहळा म्हटले की प्रचंड खर्च, झगमगाठ, देखावा, जल्लोष परंतु जीवनातील महत्त्वपूर्ण अशा विवाह सोहळ्याला सुद्धा सामाजिक संवेदनशील तेची जोड देऊन एक अनुकरणीय असा मोलाचा संदेश काहीजण देतात. असाच एक आगळावेगळा विवाह सोहळा स्थानिक ज्येष्ठ नागरिक संघाच्या सभागृहात पार पडला. unique wedding with community support
ज्यामध्ये दिव्यांग कल्याण क्षेत्रात समर्पित भावनेने कार्य करणारे निलेश पाझारे यांचा विवाह पुष्पा सावसागडे यांचेशी नोंदणी पद्धतीने संपन्न झाल्यावर विवाहाच्या सर्वच पारंपारिक पद्धतीना फाटा देत दिव्यांगांना स्वयंचलित वाहन, अंध स्मार्ट काठी, श्रवण यंत्र आणि कुबडीचे वाटप करण्यात आले तसेच जिल्हा सामान्य रुग्णालय, चंद्रपूर येथील दिव्यांग विभागाला व्हीलचेअर सुद्धा भेट देण्यात आले.
शासकीय योजनांची माहिती
सोबतच विवाह सोहळ्याला उपस्थित असलेल्यांना दिव्यांग, आर्थिक व सामाजिक दृष्ट्या दुर्बल व्यक्तींसाठी असलेल्या शासकीय योजनांची माहिती देण्याचा उल्लेखनीय उपक्रम सुद्धा घेण्यात आला ज्यामध्ये समाजसेवा अधीक्षक भास्कर झळके आणि वैद्यकीय अधिकारी डॉ. कविश्वरी कुंभळकर यांनी जिल्हाधिकारी कार्यालयांतर्गत येणाऱ्या मुख्यमंत्री सहाय्यता निधी योजनेची सविस्तर माहिती दिली.
वर निलेश स्वतः दिव्यांग असून ते मागील अनेक वर्षांपासून दिव्यांग कौशल्य विकास मल्टीपर्पज सोसायटीच्या माध्यमातून दिव्यांग कल्याण क्षेत्रात कार्यरत आहेत तसेच विविध सामाजिक चळवळीत सुद्धा ते सक्रिय आहेत. सदर विवाह सोहळ्याने एक सकारात्मक असा अनुकरणीय सामाजिक संदेश समाजाला दिला असून सर्वत्र पाझारे व सावसाकडे कुटुंबाचे कौतुक होत आहे. या विवाह सोहळ्याला चंद्रपुरातील विविध सामाजिक व राजकीय क्षेत्रातील व्यक्ती उपस्थित होते.
district collector river review meeting updates : चंद्रपूर ७ जून (News३४) : चंद्रपूर शहराला 9 कि.मी. समांतर वाहणा-या इरई नदीच्या खोलीकरणाचा पहिला टप्पा पूर्ण झाला असून दुसऱ्या टप्प्याच्या कामाला सोमवारपासून सुरुवात होणार आहे. या संदर्भात जिल्हाधिकारी विनय गौडा जी.सी. यांनी आज (दि. 7) संबंधित यंत्रणेचा आढावा घेऊन सूचना दिल्या.
व्हीसीद्वारे घेण्यात आलेल्या या बैठकीला जिल्हाधिकाऱ्यांसह मुख्य कार्यकारी अधिकारी पुलकित सिंह, मनपा आयुक्त विपीन पालीवाल, उपविभागीय अधिकारी संजय पवार, तहसीलदार विजय पवार, कार्यकारी अभियंता (सार्वजनिक बांधकाम) अक्षय पगारे, जलेश सिंग (जलसंपदा), जिल्हा अधीक्षक कृषी अधिकारी शंकर तोटावार आदी उपस्थित होते.
इरई नदीचे खोलीकरण तीन टप्प्यात करण्यात येणार असून यातील पहिला टप्पा रामसेतू ते चौराळा पुलापर्यंत काम पूर्ण झाले आहे. दुसरा टप्पा माना खदान (लालपेठ कॉलरी) ते नांदगाव पोडे,असा असून सदर कामाला सोमवारपासून सुरवात होईल. तर तिसरा टप्पा इरई ते वर्धा नदी संगमापर्यंतचा आहे.
यावेळी बोलताना जिल्हाधिकारी श्री. गौडा म्हणाले, दुसऱ्या टप्प्यात जास्तीत जास्त काम करून खोलीकरणातून निघालेला गाळ त्वरित वाटप करावा. माना खदान ते नांदगाव पोडे टप्प्यासाठी गाळ संचयित करण्याचे ठिकाण उपविभागीय अधिकारी आणि तहसीलदार यांनी निश्चित करण्यासाठी रोज पाहणी करावी. त्याचबरोबर भूमी अभिलेख आणि जलसंपदा विभागाने दुसऱ्या टप्प्यातील आखणी करून त्वरित कामाला सुरवात करावी.
असे झाले पहिल्या टप्प्यातील काम :
रामसेतू ते चौराळा पूल दरम्यान 2400 मीटरचे काम पूर्ण झाले आहे. यात 70 टीसीएम गाळ उपसा करण्यात आला असून 118 शेतकर्‍यांना 17 हजार ब्रास गाळ वाटप करण्यात आला आहे. पहिल्या टप्प्यात 10 पोकलेन, 25 ट्रॅक्टर, 22 टिप्पर कार्यरत आहेत. दुसऱ्या टप्प्यात या यंत्र सामुग्रीसह अतिरिक्त यंत्र सामुग्री वाढविण्याचे प्रशासनाचे नियोजन आहे. silt distribution to farmers
ganja smuggling caught by police : चंद्रपूर शहरात गांजा विक्री करण्याकरिता थेट गडचिरोली जिल्ह्यातून आलेले शेतकरी रामनगर पोलिसांच्या जाळ्यात अडकले, आरोपीकडून १ लक्ष ४ हजार ३०० रुपयांचा मुद्देमाल जप्त करण्यात आला आहे.
६ जून रोजी दोघेजण गांजा विक्री साठी चंद्रपुरात येणार अशी गोपनीय माहिती पोलिसांना मिळाली, माहितीच्या आधारे रामनगर पोलिसांनी डॉ. वरगंटीवार हॉस्पिटल समोरील मोकळ्या मैदानात सापळा रचला. farmers caught selling cannabis
सायंकाळी ७ वाजेदरम्यान दोघेजण गांजा विक्री साठी आले असता रामनगर पोलिसांनी त्यांना ताब्यात घेत विचारपूस केली. दोघांची अंगझडती घेतली असता एका प्लास्टिक पन्नी मध्ये गांजा झाडाचे पाने, फुले, बोन्डे व बिया वजन १ किलो ७८१ ग्राम किंमत ९ हजार रुपयांचा मुद्देमाल जप्त करण्यात आला. गुन्ह्यात वापरलेली मोटारसायकल एमएच ३३ एएफ ९५८६ किंमत ९५ हजार रुपये असा एकूण १ लक्ष ४ हजार ३०० रुपयांचा मुद्देमाल जप्त करण्यात आला.
गडचिरोली मध्ये शेती, चंद्रपुरात गांजा विक्री
आरोपी ३८ वर्षीय अजित रतन रॉय, २९ वर्षीय सत्यजित गौरन्ग मंडल काम शेती, दोघे राहणार उदयनगर, मुलचेरा जिल्हा गडचिरोली यांच्यावर एनडीपीएस अधिनियम अंतर्गत गुन्हा दाखल करीत अटक करण्यात आली. inter district ganja smuggling case
सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू, उपविभागीय पोलीस अधिकारी सुधाकर यादव यांच्या मार्गदर्शनात रामनगर पोलीस निरीक्षक आसिफराजा शेख यांच्या नेतृत्वात सपोनि देवाजी नरोटे, हनुमान उगले, पोलीस कर्मचारी जितेंद्र आकरे, आनंद खरात, सचिन गुरनुले, पेतरस सिडाम, प्रशांत शेंद्रे, लालू यादव, शरद कुडे, मनीषा मोरे, रवीकुमार ढेंगळे, संदीप कामडी, हिरा गुप्ता, पंकज ठोंबरे, प्रफुल पुप्पलवार, शक्ती कोरेवार व ब्ल्यूटी साखरे यांनी केली.
