My Blog

Blog

  • In the forest of man-eating tigers : बल्लारपूर येथील जंगलात रात्री त्या दोघांना अटक

    In the forest of man-eating tigers : बल्लारपूर येथील जंगलात रात्री त्या दोघांना अटक

    In the forest of man-eating tigers बल्लारपूर :- वन विभागाने नागरिकांना जंगलात जाऊ नये असे आव्हान केल्या नंतर ही नागरिक जंगलात जाऊन आपला जीव गमावतात. जंगलात नरभक्षक वाघ असल्याने वाघाने आत्ता पर्यंत तीन चार इसमावर हल्ला करून शिकार केली आहे.

    वाचा – चंद्रपुरात दारूसाठा नष्ट, महिलेवर गुन्हा दाखल

    सामाजिक संघटना आणि राजकीय पक्षाने वन विभागाला निवेदन देऊन नरभक्षक वाघाचा बंदोबस्त करावा अशी विनंती केली आहे. त्यानुसार वन विभागाने नरभक्षक वाघाला पकडन्याकरिता बंदोबस्त करीत लाईव्ह कॅमेरा लावलेले आहे. In the forest of man-eating tigers

     

    जंगलात राखीव वन खंड क्र,493मधील वनात दोन इसम1)चंदन तिलोकांनी गांधी वॉर्ड,2)सारंग राहुलगडे, साईबाबा वॉर्ड, बल्लारपूर, यांनी अपप्रवेश करून जंगलात फिरत असतांना वनातील लाईव्ह कॅमेरे मध्ये दिसून आले, वनविभाचे चे अधिकारी यांनी दोघांनाही ताब्यात घेवून झडती केली असता त्यांचा जवळ ज्वलनशील साहित्य आढळून आले त्या मुळे वनात अपप्रवेश करून वनात आग लावण्याचा दृष्टीने ज्वलनशील साहित्य नेल्या प्रकरणी व आदमखोर वाघ जेरबंद मोहिमे दरम्यान शासकीय कामात अडथळा निर्माण केल्या बाबत त्यांचे विरुद्ध भारतीय वन अधिनियम 1927चे कलम 26(1)ब, ड, नुसार प्राथमिक वन गुन्हा क्र,08962/224042दि,17-03-24अन्वये वन गुन्हा नोंदवून त्याचे कडील साहित्य (मोटारसायकल व मोबाईल )जप्त करण्यात आले. In the forest of man-eating tigers

     

    वाचा – विनायक बांगडे लढणार चंद्रपूर लोकसभा निवडणूक?

    वन विभागा वेळोवेळी आव्हान करीत आहे की जंगलात नरभक्षक वाघ असल्याने कोणीही कोणत्याही कामा करिता जंगलात जाऊ नये,जंगलात कोणीही व्यक्ती फिरत असतांना दिसला की वन विभाग कडक कारवाई करणार आहे.

    वाचा – चंद्रपुरातील खुशबू ने पटकाविला सौंदर्याचा मुकुट

    सदर प्रकरणात पुढील तपास मध्य चांदा वनविभाग चंद्रपूर चे उपवनरक्षक श्रीमती श्वेता बोड्डू व सहाय्यक वनरक्षक आदेश कुमार शेडगे यांचा मार्गदर्शनातं वनपरीक्षेत्र अधिकारी नरेश भोवरे हे करीत आहे. In the forest of man-eating tigers

     

    सदर कारवाई दरम्यान क्षेत्र सहाय्यक पठाण, रामटेके, पुरी, वन रक्षक सुधीर बोकडे, तानाजी कामले, परमेश्वर आणकडे, रणजित दुर्योधन, कु, वैशाली जेणेकर, माया पवार, सुनील नन्नावरे, मनोहर घाईत, धर्मेंद्र मेश्राम, देशमुख, व इतर कर्मचारी यांनी सहकार्य केले.

  • Local Crime Branch Chandrapur : 90 हजाराची दारू नष्ट, महिलेवर गुन्हा दाखल

    Local Crime Branch Chandrapur : 90 हजाराची दारू नष्ट, महिलेवर गुन्हा दाखल

    Local Crime Branch Chandrapur आगामी लोकसभा निवडणुकीच्या पार्श्वभूमीवर चंद्रपूर जिल्ह्यात अवैध दारू निर्मिती, वाहतूक व विक्रीवर आळा घालण्याकरिता चंद्रपूर पोलिस दलाने धडक मोहीम हाती घेतली आहे.

     

    निवडणुकीच्या पार्श्वभूमीवर जिल्ह्यात मोठ्या प्रमाणात हातभट्टी तसेच अवैध दारू निर्मिती होण्याची शक्यता नाकारता येत नाही. याच अनुषंगाने जिल्हा पोलीस अधीक्षक मुम्मका सुदर्शन यांनी स्थानिक गुन्हे शाखेचे पथक तयार केले असून या पथकाने 17 मार्च रोजी मोठ्या प्रमाणात हातभट्टी व दारू साठा नष्ट केला. Local Crime Branch Chandrapur

    वाचा – चंद्रपूर लोकसभा निवडणुकीसाठी तेली समाजाचा हा नेता तयार

    भद्रावती पोलिस स्टेशन अंतर्गत बरांज तांडा येथे एक इसम हातभट्टी लावून अवैधरित्या दारू काढत असल्याची गोपनीय माहिती स्थानिक गुन्हे शाखेच्या पथकास मिळाली. त्या माहितीच्या आधारे स्थानिक गुन्हे शाखेचे पथक तसेच भद्रावती पोलिस स्टेशन येथील पथक बरांज तांडा येथे पोहचले. Local Crime Branch Chandrapur

     

    यावेळी शोध घेतला असता एक महिला तिच्या घराच्यामागे हातभट्टी लावून गुळ मिश्रित दारू गळताना आढळली. सदर घराची कायदेशीररित्या झडती घेतली असता घरामध्ये गुळ, दारू व तीन प्लास्टिक कॅन मध्ये 15 लिटर शरीरास अपायकारक व नाशकारक द्रव्यमिश्रित पदार्थापासून तयार केलेली हातभट्टी गुळांबा दारू आढळून आली. Local Crime Branch Chandrapur

     

    तसेच घराच्या समोर झुडपी जंगलात व नाल्यात जमिनीत गाडलेल्या खड्ड्यांमध्ये बारा प्लास्टिक ड्रम मध्ये दारू सडवा किंमत 90 हजार रुपये तसेच मोठे स्टीलचे गुंड व इतर साहित्य असे एकूण 97 हजार 750 रुपयांचा मुद्देमाल मिळून आला. या संदर्भात आरोपी सुनीता राजेंद्र पाटील (वय 35) हिच्याविरुद्ध भद्रावती पोलिस स्टेशन येथे गुन्हा नोंदवण्यात आला असून मुद्देमाल जप्त करण्यात आला आहे.

     

    सदर कामगिरी जिल्हा पोलिस अधीक्षक मुम्मका सुदर्शन तसेच अपर पोलिस अधीक्षक रीना जनबंधू यांच्या मार्गदर्शनाखाली स्थानिक गुन्हे शाखेचे पोलिस निरीक्षक महेश कोंडावार, भद्रावतीचे पोलिस निरीक्षक विपिन इंगळे यांच्या नेतृत्वात हर्षल एकरे, मनोज गदादे, विनोद भूरले, धनराज करकाडे, स्वामीनाथ चालेकर, संजय आतकुलवार, सुरेंद्र मोहतो, गजानन नागरे, अनुप डांगे व इतर अधिकारी व कर्मचा-यांनी पार पाडली.

  • Chandrapur Lok Sabha Constituency : चंद्रपुरात तेली समाजातर्फे विनायक बांगडे यांची लोकसभेसाठी तयारी पण?

    Chandrapur Lok Sabha Constituency : चंद्रपुरात तेली समाजातर्फे विनायक बांगडे यांची लोकसभेसाठी तयारी पण?

    Chandrapur Lok Sabha Constituency चंद्रपूर – पूर्व विदर्भात तेली समाजाची संख्या मोठ्या प्रमाणात आहे, त्यामुळे राष्ट्रीय पक्षांनी पूर्व विदर्भातील चंद्रपूर लोकसभेची जागा तेली समाजाच्या व्यक्तीला प्रतिनिधित्व करण्याची संधी द्यावी अशी मागणी आज 17 मार्च ला तेली समाजाने पत्रकार परिषदेच्या माध्यमातून केली आहे.

     

    17 मार्च ला आयोजित पत्रकार परिषदेत तेली समाजाचे पदाधिकारी प्रकाश देवतळे यांनी भाजप पक्षाचे आभार मानले, कारण वर्धा लोकसभा क्षेत्रात तेली समाजाचे रामदास तडस यांना उमेदवारी घोषित करण्यात आली, पूर्व विदर्भात काही ठिकाणी विविध निवडणुकीत राष्ट्रीय पक्षाने तेली समाजाला प्रतिनिधित्व करण्याची संधी दिली आहे. Chandrapur Lok Sabha Constituency

    वाचा – चंद्रपुरात निवडणुकीची मतमोजणी कुठे होणार?

    मात्र यंदा लोकसभा निवडणुकीत राष्ट्रीय पक्ष कांग्रेसने तेली समाजाची दखल घेत चंद्रपूर लोकसभेची उमेदवारी द्यावी अशी मागणी केली आहे.

     

    2019 च्या लोकसभा निवडणुकीत तेली समाजाचे विनायक बांगडे यांना लोकसभेची उमेदवारी देण्यात आली होती मात्र वेळेवर त्यांना तिकीट नाकारत उमेदवारी धानोरकर यांना देण्यात आली होती, तो राग आमच्या मनात आहे, त्याकरिता यंदा 2024 मध्ये तेली समाजाची दखल घेत कांग्रेसने तेली समाजाला उमेदवारी द्यावी अशी मागणी करण्यात आली आहे.
    जर कांग्रेस पक्षाने आमच्या मागणीची दखल घेतली नाही तर आम्ही वेळेवर वेगळी भूमिका घेऊ असा इशारा सुद्धा यावेळी तेली समाजाच्या जेष्ठ सदस्यांनी दिला आहे. Chandrapur Lok Sabha Constituency

     

    ऐन निवडणुकीच्या तोंडावर तेली समाजाने केलेली मागणी राष्ट्रीय पक्षांना अडचणीत आणणारी आहे, याबाबत तेली समाजाने कांग्रेस पक्षाकडे उमेदवारीची मागणी करणारे पत्र लिहले आहे. तेली समाजातर्फे विनायक बांगडे यांना उमेदवारी द्यावी आम्ही त्यांना निवडणुकीत जिंकून दाखवू असा सूर पत्रकार परिषदेत लगावण्यात आला. जिल्ह्यात तेली समाजाची संख्या लाखोंच्या वर आहे, आता कांग्रेस पक्ष तेली समाजाच्या मागणीवर काय निर्णय घेणार याकडे सर्वांचे लक्ष लागले आहे.

    विशेष म्हणजे शांताराम पोटदुखे यांच्यानंतर एकही खासदार तेली समाजातून प्रतिनिधित्व करायला आलेला नाही, ऐन निवडणुकीच्या तोंडावर तेली समाजाची ही मागणी आश्चर्यकारक आहे, कारण मागच्या निवडणुकीत तेली समाजाचे राजेंद्र हजारे लोकसभा निवडणुकीच्या रिंगणात होते त्यावेळी त्यांना समाजाने जाहीर पाठिंबा दिला नव्हता, मात्र आजच्या स्थितीत तेली समाजाचे राजेश बेले हे लोकसभा निवडणुकीची तयारी करीत आहे, मात्र त्यांच्या नावावर अप्रत्यक्षपणे समाजाने “ना” असे म्हटले आहे.

    बेले यांनी आधी लोकसभा निवडणुकीचा उमेदवारीचा अर्ज भरावा तेव्हा विचार करू असे म्हणत पत्रकारांच्या प्रश्नाला देवतळे यांनी टाळले.

     

  • First phase of Lok Sabha elections : चंद्रपुर लोकसभा निवडणुकीची मतमोजणी कुठे?

    First phase of Lok Sabha elections : चंद्रपुर लोकसभा निवडणुकीची मतमोजणी कुठे?

    First phase of Lok Sabha elections निवडणूक आयोगाने देशात लोकसभा निवडणुकीची घोषणा केली, 7 टप्प्यात होणारी निवडणुकीच्या पहिल्या टप्प्यात पूर्व विदर्भातील जिल्ह्यात निवडणूक पार पडणार आहे, यामध्ये चंद्रपूर लोकसभा क्षेत्राचा समावेश आहे.

     

    जिल्हाधिकारी विनय गौडा यांनी निवडणूक नियोजनाबाबत 17 मार्च ला दुपारी 1 वाजता आयोजित पत्रकार परिषदेत माहिती दिली. First phase of Lok Sabha elections

     

    वाचा – चंद्रपुरातील खुशबू ने पटकाविला सौंदर्य स्पर्धेचा मुकुट

    लोकसभा क्षेत्रातील चंद्रपूर, राजुरा, बल्लारपूर, वरोरा, वणी व आर्णी क्षेत्रात एकूण 18 लाख 36 हजार 314 मतदार मतदानाचा हक्क बजावणार आहे, ज्यामध्ये 9 लाख 45 हजार 26 पुरुष मतदार तर 8 लाख 91 हजार 240 स्त्री मतदारांची संख्या व इतर 48, सेवा मतदार 1 हजार 859, मतदान क्षेत्र 205, क्षेत्रीय अधिकारी 235 यांचा समावेश आहे. First phase of Lok Sabha elections

     

    चंद्रपूर-वणी-आर्णी लोकसभा मतदार क्षेत्रात 24 हजार 120 नवमतदार पहिल्यांदाच मतदानाचा हक्क बजावणार आहे.
    परदेशातील एकूण मतदार लोकसभा क्षेत्रात 8 असून 85 वर्षे व त्यापेक्षा वयाने अधिक असलेले मतदार 16 हजार 621 आहे. First phase of Lok Sabha elections

     

    दिव्यांग मतदारांची एकूण संख्या 9 हजार 679 असून लोकसभा क्षेत्रात विशेष मतदान केंद्राची संख्या 2 हजार 118 आहे, ज्यामध्ये पडदानशीन 196, दिव्यांग व्यवस्थापित मतदान केंद्र 6, महिला व्यवस्थापित मतदान केंद्र 6, युवा मतदान केंद्र 2, आदर्श मतदान केंद्राची संख्या 10 असणार आहे. First phase of Lok Sabha elections

     

    आदर्श आचार संहिता व निवडणूक खर्च पथकांची संख्या ज्यामध्ये फिरते निगराणी पथकांची एकूण संख्या 42, स्थायी निगराणी पथक 62, व्हिडीओ निगराणी पथक 29, व्हिडीओ पाहणी पथक 9, खर्च पथक 6 व खर्च सनियंत्रक पथकांची संख्या 6 आहे.
    Evm-Vvpat चा संख्यात्मक तपशीलात BU-5289, CU – 3064 व VVPAT-3289 अशी आहे.

     

    चंद्रपूर जिल्ह्यात एकूण मतदान केंद्राची संख्या 2 हजार 44 आहे, 6 विधानसभेतील मतदान केंद्रावर केंद्राध्यक्ष म्हणून 2 हजार 453, प्रथम मतदान केंद्र अधिकारी 2 हजार 453, इतर मतदान केंद्र अधिकारी 4 हजार 905 काम करणार आहे, प्रशासनाकडे उपलब्ध असलेले एकूण मनुष्यबळाची संख्या ही 12 हजार 403 आहे. लोकसभा क्षेत्रात एकूण 18 मतदान केंद्र संवेदनशील आहे. First phase of Lok Sabha elections

     

    सध्या पोलीस प्रशासनाकडे 154 पोलीस अधिकारी, 2 हजार 726 पोलीस कर्मचारी उपलब्ध असून पोलीस प्रशासनाने 81 पोलीस अधिकारी, 1150 पोलीस कर्मचारी व 2 हजार होमगार्ड ची मागणी केली आहे.

     

    नागरिकांना निवडणूक काळात तक्रार असल्यास त्यांनी तक्रार निवारण क्रमांक 1950, आदर्श आचार संहिता कक्ष – 8788510061, C-Vigil अँप वापरावे तसेच जिल्हाधिकारी कार्यालय नियंत्रण कक्ष साठी 07172-271617 क्रमांकावर सम्पर्क साधण्याचे आवाहन जिल्हाधिकारी विनय गौडा यांनी केले आहे.

     

    4 जूनला शहरातील वखार महामंडळ MIDC या ठिकाणी मतमोजणी होणार आहे.
    मतमोजणी ठिकाणी 1 CRPF कंपनी, SRPF व स्थानिक पोलीस अशी 3 सर्कल मध्ये सुरक्षा असणार आहे.

     

    चंद्रपूर लोकसभा मतदार क्षेत्रातील मतदान प्रक्रिया शांततेत पार पडणार याची आम्ही पूर्ण काळजी घेणार आहोत अशी प्रतिक्रिया जिल्हाधिकारी विनय गौडा यांनी दिली.

  • Goa Fashion Week : चंद्रपूरच्या खुशबू नळे ने पटकाविला प्रथम रनर अप चा मुकुट

    Goa Fashion Week : चंद्रपूरच्या खुशबू नळे ने पटकाविला प्रथम रनर अप चा मुकुट

    Goa Fashion Week चंद्रपूर : अलीकडेच गोवा येथील सनसिटी रिसॉर्ट येथे मिस फेस ऑफ नेशन गोवा फॅशन विक ही स्पर्धा पार पडली. या स्पर्धेत चंद्रपूर येथील खुशबू नळे हिने प्रथम रनर अपचा मुकुट पटकावला आहे. या स्पर्धेत देशभरातील विविध राज्यातील ६० स्पर्धक सहभागी झाले होते. तिने सर्वांना मागे टाकत रनर अपचा मुकुट पटकावत राष्ट्रीय पातळीवरील सौंदर्यस्पर्धेत चंद्रपूरचे नावलौकीक केले आहे.

     

    खुशबू नळे ही सध्या गोंदिया येथे होमिओपॅथीच्या तिसऱ्या वर्षाला शिक्षण घेत आहे. डॉक्टर होण्याचे स्वप्न पाहत असताना फॅशनचीही आवड तिला बालपणापासून होती. त्यामुळे तिने नागपूर येथे वन डायरेक्शन मॉडेलिंग अकादमीमध्ये फॅशन कोरिओग्राफर इमरान शेख पेजंट कोच पायल शाहू यांच्या मार्गदर्शनात फॅशनचे धडे घेतल्याचे तिने चंद्रपुरात आयोजित पत्रकार परिषदेत सांगितले. Goa Fashion Week

     

    विशेष म्हणजे डॉक्टरकीचे शिक्षण घेत असताना दर रविवारी गोंदियाहून नागपूर येथे प्रशिक्षणासाठी जात असल्याचे तिने सांगितले. वडील बंडू नळे, आई वेणू नळे यांनीही या स्पर्धेसाठी नेहमी प्रोत्साहन दिल्याचे तिने सांगितले. Goa Fashion Week

     

    पुढे आणखी मोठ्या फॅशन स्पर्धेत सहभागी होऊन यश मिळवायचे असल्याचे तिने सांगितले. यावेळी तिच्यासोबत तिची आई वेणू नळे यांचीी उपस्थित होती

  • Dhariwal infrastructure chandrapur : सुर्या अडबाले यांचे आंदोलनात्मक आव्हान

    Dhariwal infrastructure chandrapur : सुर्या अडबाले यांचे आंदोलनात्मक आव्हान

    Dhariwal infrastructure chandrapur चंद्रपूर तालुक्यातील सोनेगाव येथील शेतकऱ्यांच्या अत्यंत उपयुक्त असलेल्या रस्ता हा धारीवाल कंपनीच्या पाणी व ऐश टॅंक मुळे बंद करण्यात आला असून शेतकऱ्यांना शेतीसाठी लागणारे उपयुक्त साधन सामुग्री नेण्याकरिता शेतकऱ्यांना अडचण निर्माण होत आहे.

     

     

    या समस्येचा मागील 10 वर्षापासून शेतकऱ्यांना त्रास सहन करावा लागत असून ऐश टॅंक जागोजागी लिक असल्यामुळे छोटे छोटे गड्डे तयार झाले असून त्या दूषित पाण्यामुळे गुरेढोर बिमार होऊन मरण पावत आहेत तरी लवकरात लवकर शेतकऱ्यांचा अत्यंत उपयुक्त असलेला रस्ता व छोटा पुल सुद्धा तयार करून द्यावे अशी सोनेगावातील शेतकऱ्यांची मागणी आहे. Dhariwal infrastructure chandrapur

     

    गावातील असलेला नाला हा ऐशच्या गळतीमुळे बुजल्या गेला असून नाल्याचे खोलीकरण सुद्धा करून द्यावे व गावातील युवकांना कंपनीने रोजगार कोणालाही दिला नसून लवकरात लवकर स्थानिक युवकांना रोजगार उपलब्ध करून द्यावा अशी मागणी स्वाभिमानी शेतकरी संघटणेच्या वतीने 16 मार्च ला दुपारी करण्यात आली. Dhariwal infrastructure chandrapur

     

    मागणी पूर्ण न झाल्यास गावातील शेतकऱ्यांचा व बेरोजगार युवकांचा जन आक्रोश मोर्चा घेऊन धारिवाल कंपनी वर नेत त्यांना याबाबत जाब विचारण्यात येईल असा इशारा स्वाभिमानी संघटनेचे जिल्हाध्यक्ष सुर्या अडबाले व डॉ. स्वप्नील बांदूरकर यांनी दिला आहे.

  • Congress victory will be repeated : बधिरभक्तीचा कर्कश भोंगा आवरा – रामू तिवारी

    Congress victory will be repeated : बधिरभक्तीचा कर्कश भोंगा आवरा – रामू तिवारी

    Congress victory will be repeated कोणतीही निवडणूक ही स्पर्धात्मक होत असते. विरोधी पक्ष म्हणून आणि काँग्रेसला पुन्हा सत्तेत येणे हे आमचे स्वप्न आहे. त्यामुळे ‘मुंगेरीलाल के हसीन सपने’ असे वायफळ, पालाड विधान करू नये, देवरावजी, बधीरभक्तीचा भोंगा आवरा असे प्रत्युत्तर शहर (जिल्हा) काँग्रेसचे अध्यक्ष रितेश (रामू) तिवारी यांनी दिला आहे. इतकेच नव्हे तर 2019 ची पुन्हा पुनरावृत्ती करून काँग्रेसचा झेंडा रोवला जाईल, असा इशारा देखील देण्यात आला आहे.

    अवश्य वाचा – मुंगेरीलाल के हसीन सपने – देवराव भोंगळे

    चंद्रपुरात महाविकास आघाडीची पत्रकार परिषद झाली. या लोकसभा निवडणुकीत ना. सुधीर मुनगंटीवार यांचे डिपॉझिट जप्त होईल, असा ध्येय आम्ही ठेवला आहे. त्यात गैर काय? मागील १० वर्षातील केंद्रातील भाजप सरकारला जनता कंटाळली आहे. आता बदल हवा आहे. भाजप सरकारच्या १० वर्षांच्या कार्यकाळात अनेक लोकांना विकासाचा अनुभव आला नाही. Congress victory will be repeated

     

    भाजप सरकारने धार्मिक ध्रुवीकरण वाढवले आहे आणि सामाजिक सलोखा बिघडवला. भाजप सरकारवर अनेक आर्थिक धोरणांमध्ये अपयश आले. केवळ ईडीचा धाक दाखवून आमदारांची टोळी फोडण्याचे काम भाजप सरकारकडून केले जात आहे. चंद्रपूर जिल्ह्यामध्ये ही विकासाची कोणतीही पाहिजे तसे काम झालेले नाही. केवळ बल्लारपूर आणि मुल तालुक्यात दोन-चार कामे करणे, सांस्कृतिक कार्यक्रम घेणे, हीरो हीरोइनला बोलवणे, म्हणजे लोकसभा मतदारसंघाचा विकास नव्हे. Congress victory will be repeated

     

    मागील अनेक वर्षांपासून चंद्रपूर शहराचा विकास झालेला नाही. महानगरपालिका भाजपच्या ताब्यात असताना देखील केवळ आणि केवळ भ्रष्टाचार झाला. शहरातील रस्ते, पाणीपुरवठा यासाठी कुठलाही राज्य शासनाच्या माध्यमातून अर्थमंत्री असताना देखील निधी दिलेला नाही. या निवडणुकीमध्ये बाळूभाऊ धानोरकर यांनी बघितलेले स्वप्न साकार करण्यासाठी काँग्रेसचाच उमेदवार विजयी होईल, यासाठी महाविकास आघाडी सर्वतोपरी एकत्रितरित्या, एकजुटीने, एकसंघपणे काम करणार आहे. त्यामुळे देवराव भोंगळे यांनी विनाकारण नाक खुपसू नये. Congress victory will be repeated

     

    चंद्रपूर लोकसभा मतदारसंघांमध्ये मागील निवडणुकीत भाजपची स्थिती काय झाली होती, हे सर्वांनाच ठाऊक आहे. त्यामुळे आता पुन्हा एकदा 2019 ची पुनरावृत्ती करून काँग्रेसचा उमेदवार विजयी होणार, ही काळ्या दगडावरची रेघ आहे, असा पलटवार देखील काँग्रेसच्या जिल्हाध्यक्षांनी केला आहे.

  • Announcement of Lok Sabha Elections : 7 टप्प्यात होणार मतदान, चंद्रपूर लोकसभेचे मतदान 19 एप्रिल रोजी

    Announcement of Lok Sabha Elections : 7 टप्प्यात होणार मतदान, चंद्रपूर लोकसभेचे मतदान 19 एप्रिल रोजी

    Announcement of Lok Sabha Elections देशात 16 मार्च ला निवडणूक आयोगाने पत्रकार परिषद घेत लोकसभा निवडणुकांची घोषणा करण्यात आली आहे.

    वाचा – नागरिकांना मिळणार 300 युनिट वीज मोफत

    देशातील लोकसभा सार्वत्रिक निवडणुकीच्या पहिल्या टप्प्यात पूर्व विदर्भात मतदान होणार आहे, चंद्रपूर लोकसभा क्षेत्राचे मतदान 19 एप्रिल रोजी होणार आहे. Announcement of Lok Sabha Elections

     

    असे आहे निवडणुकीचे वेळापत्रक

    १८ व्या लोकसभेसाठी मतदान सात टप्यात होणार

    टप्पा १:- १९ एप्रिल २०२४
    टप्पा २:- २६ एप्रिल २०२४
    टप्पा ३:- ०७ मे २०२४
    टप्पा ४:- १३ मे २०२४
    टप्पा ५:- २० मे २०२४
    टप्पा ६:- २५ मे २०२४
    टप्पा ७:- १ जून २०२४
    मतमोजणी :- ४ जून २०२४

    देशात एकूण ९७ कोटी नोंदणीकृत मतदार आहेत..१ कोटी ८२ लाख नवमतदार

    मतदान केंद्र शोधणे सोपे होणार, मतदारांच्या मदतीसाठी तंत्रज्ञान वापर केला जाईल

    ८५ वर्षापेक्षा जास्त असेल, दिव्यांगांमध्ये ज्यांची श्रेणी ४० टक्क्यांपेक्षा जास्त असेल आणि त्यांनी फॉर्म १२ डी च्या माध्यामातून नोंदणी केली तर घरी जाऊन त्यांचे मतदान घेतले जाईल

    ५५ लाख एव्हीएम मशीन असणार आहेत आणि १ कोटी ५ लाख निवडणूक अधिकाऱ्यांसह सुरक्षा रक्षक असणार आहेत. Announcement of Lok Sabha Elections

     

    निवडणूक आयोगाच्या अधिकृत संकेतस्थळावर मतदारांसाठी योग्य ती माहिती पुरवण्यात आली आहे. त्यामुळे आता मतदान केंद्र शोधणं देखील सोपं होणार आहे.

    नो युवर कँडीडेट या अॅपवरुन तुमच्या भागातील उमेदवाराची सगळी माहिती मिळणार आहे.

     

    हिंसाचार रोखण्यासाठीही आम्ही योग्य ती पावलं उचलली आहेत. कुठल्याही प्रकारे हिंसा होऊ नये यासाठी आम्ही सज्ज आहोत. असे प्रशासनाने कळविले आहे.

  • Pm Surya Ghar Yojana Online Apply : काय आहे सुर्यघर योजना?

    Pm Surya Ghar Yojana Online Apply : काय आहे सुर्यघर योजना?

    Pm Surya Ghar Yojana Online Apply चंद्रपूर – घराच्या छपरावर रूफ टॉप सोलर सिस्टिम बसवून ३०० युनिटपर्यंत मोफत वीज मिळविण्यासाठी पंतप्रधान मा. नरेंद्र मोदी यांनी सुरू केलेल्या प्रधानमंत्री सूर्यघर मोफत वीज योजनेत ७८ हजार रुपयांपर्यंत अनुदान मिळत आहे. वीज ग्राहकांनी या योजनेचा लाभ घ्यावा, असे आवाहन महावितरणच्या चंद्रपूर परिमंडळाचे मुख्य अभियंता .सुनील देशपांडे यांनी केले.

     

    श्री. देशपांडे म्हणाले की, वीज ग्राहकांना मोफत वीज मिळवून देणाऱ्या या योजनेची अंमलबजावणी तातडीने करण्याची सूचना मा. उपमुख्यमंत्री तथा ऊर्जामंत्री श्री देवेंद्र फडणवीस यांनी महावितरणला केली आहे.

     

    रूफ टॉप सोलर सिस्टिमसाठी केंद्र सरकारकडून वीज ग्राहकाला एक किलोवॅटसाठी तीस हजार रुपये, दोन किलोवॅटसाठी साठ हजार रुपये व तीन किलोवॅटसाठी ७८ हजार रुपये अनुदान थेट मिळते. वीज ग्राहकांनी कितीही क्षमतेची रूफ टॉप सोलर सिस्टिम बसविली तरी जास्तीत जास्त एकूण अनुदान प्रती ग्राहक ७८ हजार रुपये इतके निश्चित केलेले आहे. Pm Surya Ghar Yojana Online Apply

     

    महाराष्ट्रात वीज ग्राहकांना रूफ टॉप सोलर सिस्टिम बसविण्यासाठी महावितरण मदत करते. ग्राहकांनी https://pmsuryaghar.gov.in या राष्ट्रीय पोर्टलवर ऑनलाईन नोंदणी करणे गरजेचे आहे. पीएम सूर्यघर नावाचे मोबाईल ॲपही यासाठी उपलब्ध आहे. देशभरात एक कोटी घरांसाठी ही योजना सुरू केलेली असून राज्यातील ग्राहकांनी योजनेचा लवकरात लवकर लाभ घ्यावा. Pm Surya Ghar Yojana Online Apply

     

    एक किलोवॅट क्षमतेच्या रूफ टॉप सोलर सिस्टिममधून दररोज सुमारे चार युनिट अर्थात दरमहा सुमारे १२० युनिट वीज तयार होते. महिना दीडशे युनिटपर्यंत वीज वापर करणाऱ्या कुटुंबाला दोन किलोवॅटपर्यंतच्या क्षमतेची रूफ टॉप सोलर सिस्टिम पुरेशी आहे. दरमहा दीडशे ते तीनशे युनिट वीज वापर असणाऱ्या कुटुंबासाठी दोन ते तीन किलोवॅट क्षमतेची सिस्टिम पुरेशी ठरते. Pm Surya Ghar Yojana Online Apply

     

    घराच्या छतावर रूफ टॉप सोलर वीजनिर्मिती प्रकल्प बसवून सौरऊर्जेचा वापर करून वीजनिर्मिती करायची व ती वीज घरी वापरून विजेची गरज पूर्ण करायची, अशी ही योजना आहे. यामध्ये गरजेपेक्षा अधिक वीजनिर्मिती झाल्यामुळे वीजबिल शून्य येते अर्थात वीज मोफत मिळते व जास्तीची वीज महावितरणला विकून उत्पन्नही मिळते.

  • Criticism of Congress MLA : आमदार सुभाष धोटेंचे वक्तव्य म्हणजे मुंगेरीलाल के हसीन सपने

    Criticism of Congress MLA : आमदार सुभाष धोटेंचे वक्तव्य म्हणजे मुंगेरीलाल के हसीन सपने

    Criticism of Congress MLA चंद्रपूर : चंद्रपूर लोकसभा मतदारसंघासाठी राज्याचे वन, सांस्कृतिक कार्य व मत्स्य व्यवसाय मंत्री तथा जिल्ह्याचे पालकमंत्री ना. सुधीरभाऊ मुनगंटीवार यांना उमेदवारी जाहीर झाल्याने जिल्ह्यात सर्वत्र आनंदाचे वातावरण निर्माण झाले आहे.

    वाचा – लोकसभा निवडणुकीत मुनगंटीवार यांचे डिपॉझिट जप्त होणार

    विकासकामांचा झंझावात आणि त्यांच्या अभ्यासपूर्ण, रोखठोक भुमिकेमुळे महाराष्ट्रभर त्यांना मानणारा वर्ग आहे. अशा लोकनेत्याला चंद्रपूर लोकसभेची उमेदवारी मिळाल्याने भाजपचा विजय सोपा झाला आहे. त्यामुळे निर्माण झालेल्या उदासीनतेतून जिल्हा काँग्रेस कमिटीचे अध्यक्ष आमदार सुभाष धोटे उलटसुलट वक्तव्य करीत ‘मुंगेरीलाल के हसीन सपने’ पाहात आहेत, असा पलटवार राजुरा विधानसभा निवडणूक प्रमुख तथा भाजपाचे माजी जिल्हाध्यक्ष देवराव भोंगळे यांनी केला. भोंगळे यांनी आमदार सुभाष धोटेंना यातून प्रत्युत्तर दिले आहे. Criticism of Congress MLA

     

    वाचा – सुधीर मुनगंटीवार यांच्यासाठी धोक्याची घंटा

    आमदार धोटेंनी चंद्रपुरातील महाविकास आघाडीच्या पत्रकार परिषदेत बोलताना या लोकसभा निवडणुकीत ना. सुधीर मुनगंटीवार यांचे डिपॉझिट जप्त होईल, असे वक्तव्य केले. त्यावर देवराव भोंगळेंनी धोटेंचा खरपूस समाचार घेतला. २०१४ मध्ये चंद्रपूर जिल्ह्याला मागास जिल्हा म्हणून ओळख होती. परंतु राजकारणाला समाजकारणाचा राजमार्ग मानणाऱ्या ना. सुधीरभाऊ मुनगंटीवार यांनी अर्थ व वनमंत्री पदाची सुत्रे हातात घेतली आणि जिल्ह्याला विकासाच्या मार्गावर आणण्यासाठी चंग बांधला. आता चंद्रपूर जिल्ह्याचा चौफेर विकास झाला आहे. जिल्ह्याचा चेहरामोहरा बदलविण्यासाठी गेल्या दहा वर्षात “न भुतो न भविष्यती” असा विकासनिधी खेचून आणला. Criticism of Congress MLA

    वाचा – चंद्रपुरातील सावकार झाले बेजार, परवाने रद्द

    सुधीरभाऊंच्या दूरदर्शी नेतृत्वामुळे आंतरराष्ट्रीय दर्जाचे बॉटनिकल गार्डन, सैनिकी शाळा, बांबू संशोधन केंद्र, वन अकादमी, वैद्यकीय महाविद्यालय, कॅन्सर हॉस्पिटल, गावोगावी डिजिटल अंगणवाडी शाळा, सुसज्ज वाचनालये, महिलांच्या रोजगार निर्मितीसाठी अगरबत्ती केंद्रे, युवकांसाठी रोजगार मेळावे, अद्ययावत क्रीडा संकुल, शेतकऱ्यांच्या प्रश्नांसाठी सातत्याने यशस्वी पाठपुरावा करण्याचे काम ना. सुधीरभाऊ मुनगंटीवार यांनी केले आहे. “सत्ता असो अथवा नसो” सुधीरभाऊ मुनगंटीवार विकासासाठी मागे हटत नाहीत. महाविकास आघाडी सरकारच्या काळातही त्यांनी कोरोना सारख्या महासाथीत जिल्ह्याची आरोग्य व्यवस्था सुधारण्यासह गोरगरीब जनतेच्या मदतीसाठी पुढाकार घेतला, हे उभ्या महाराष्ट्राने पाहिले आहे, असे भोंगळे म्हणाले. Criticism of Congress MLA

     

    शिंदे सरकारच्या काळात सांस्कृतिक कार्यमंत्री म्हणून छत्रपती शिवरायांच्या ३५० व्या राज्यभिषेकाचे वर्ष जगभर साजरे व्हावे या उदात्त हेतूने छत्रपतींच्या जाज्वल्य इतिहासाची साक्ष देणारी वाघनखं त्यांनी लंडनहून परत आणण्यासाठी यशस्वी करार केला. जिल्ह्याचे वैभव असणारे काष्ठ अयोध्येतील प्रभू श्रीरामलल्लांच्या मंदिराकरीता तसेच नव्या संसद भवनाकरीता पाठविले, ते सुधीरभाऊंनीच. चंद्रपूरची ओळख असलेल्या ताडोबा व्याघ्र प्रकल्पाचे वैभव जगाला माहित व्हावे या उद्देशाने अलीकडेच ताडोबा महोत्सवाचे यशस्वी आयोजन ना. सुधीरभाऊ मुनगंटीवार यांनी केले, असे भोंगळे यांनी नमूद केले.

     

    पिढ्यानपिढ्या घरात आमदारकी असुनही आपल्या राजुरा विधानसभा क्षेत्रात विकासाचे दिवे लाऊ न शकणाऱ्या सुभाष धोटेंना हे सर्व दिसेनासे झाले आहे, याचे नवल वाटते. त्यामुळे त्यांनी नुसतेच ‘मुंगेरीलाल के हसीन सपने’ पाहाणे बंद करावे. खरंतर त्यांच्या कॉंग्रेसची देशात झालेली अवस्था बघून ते स्वतःच वैफल्यग्रस्त झाले आहेत. त्यातूनच ते असे वक्तव्य करीत आहेत, असा सणसणीत टोला देवराव भोंगळे यांनी लगावला आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by