Blog

Dilapidated building chandrapur महापालिका क्षेत्रातील शिकस्त इमारतींपासून परिसरातील रहिवाशांच्या जीविताला निर्माण होऊ शकणारा धोका पाहता चंद्रपूर महानगरपालिकेने कारवाई करण्यास सुरवात केली असुन मागील दोन दिवसात दोन जीर्ण इमारती जमीनदोस्त करण्यात आल्या आहेत.

महत्त्वाचे : 32 लाखांची टाटा ची गाडी घेतल्यावर ग्राहकांची फसवणूक

पावसाळ्यात दरवर्षी महापालिका क्षेत्रातील जीर्ण व शिकस्त इमारती खाली करण्याची सूचना प्रशासनाकडून नोटीसद्वारे दिली जाते; मात्र मालमत्ताधारक जिवाची पर्वा न करता त्याच इमारतीत तळ ठोकून राहतात. यामुळे परिसरातील रहिवाशांच्या जिवालासुद्धा धोका निर्माण होतो. जीर्ण इमारतींचे पुन्हा एकदा वस्तुनिष्ठ सर्वेक्षण करून जीर्ण इमारती तातडीने जमीनदोस्त करण्याचे निर्देश आयुक्त विपीन पालीवाल यांनी क्षेत्रीय अधिकाऱ्यांना दिले आहेत.

Dilapidated building chandrapur  सर्व्हे पूर्ण झालेल्या सर्व जीर्ण इमारतींना नोटीस देण्यात आली असुन नोटीस प्राप्त होऊनही जे धारक अश्या जीर्ण घरात राहत आहे त्यांच्यावर मनपाद्वारे कारवाई केली जात आहे. त्यानुसार झोन क्र.२ अंतर्गत भिवापूर प्रभाग पठाणपूरा गेट जवळ मिलिंद नगर येथील चिवंडे यांची जीर्ण इमारत तसेच एकोरी प्रभाग मानवटकर हॉस्पीटल जवळील खोब्रागडे यांची जीर्ण इमारत अश्या दोन इमारती दोन दिवसात निष्कासीत करण्यात आल्या आहेत.

अवश्य वाचा : 12 जून रोजी चंद्रपूर जिल्ह्यात आप चे आंदोलन, स्मार्ट वीज मीटर ला विरोध

उपायुक्त रवींद्र भेलावे यांच्या मार्गदर्शनाखाली अतिक्रमण निर्मूलन विभाग व नगर रचना विभागाने ही कारवाई पार पाडली.

Smart Electric Prepaid Meters आम आदमी पार्टी चंद्रपूर जिल्हा यांच्या वतीने, विद्युत स्मार्ट मीटर लावण्यास विरोध करण्यासाठी बुधवार दि. 12 जून 2024 रोजी सकाळी 11 वाजता चंद्रपूर जिल्ह्यातील प्रत्येक तालुक्यातील महावितरणच्या तालुका स्तरावरील कार्यालयात तसेच जिल्हा स्तरावरील बाबूपेठ येथील मुख्य कार्यालयात आंदोलन आयोजित करण्यात येणार आहे. हे आंदोलन जिल्हा व तालुका स्तरावरील आम आदमी पार्टीच्या पदाधिकारी व कार्यकर्त्यांच्या नेतृत्वाखाली घेण्यात येईल.

अवश्य वाचा : चंद्रपुरात स्मार्ट वीज मीटर ला विरोध

आम आदमी पार्टीच्या म्हणण्यानुसार, स्मार्ट मीटरची किंमत वाजवी नसून त्यामुळे सर्वसामान्य जनतेवर अनावश्यक आर्थिक बोजा पडणार आहे. प्री-पेड मीटरमुळे वीज रिचार्ज संपल्यास ताबडतोब वीज पुरवठा खंडित होईल. यामुळे नागरिकांना अडचणीचा सामना करावा लागेल.

महत्त्वाचे : टाटा कंपनीची xuv कार चा टॉप मॉडेल, 32 लाखांची गाडी घेतल्यावर ग्राहक म्हणाला माझी फसवणूक झाली

Smart Electric Prepaid Meters यासोबतच अनेक उद्योग गटांना अनावश्यक फायदा मिळणार आहे. त्यामुळे स्मार्ट मीटरची सक्ती विरोधात हे आंदोलन केले जात आहे.
आंदोलनाचे स्वरूप शांततामय असेल. परंतु आवश्यकता भासल्यास आंदोलनाचे स्वरूप बदलण्याचा इशारा आम आदमी पार्टीने दिला आहे.

अवश्य वाचा : चंद्रपूर जिल्ह्यातील पोलीस निरीक्षकाने गाणं म्हणत युवकाला केली बेदम मारहाण

जिल्हावासीयांनी उपरोक्त ठिकाणी उपस्थित राहून या आंदोलनात मोठ्या संख्येने सहभागी व्हावे असे आवाहन आम आदमी पार्टीच्या जिल्हाध्यक्ष मयूर राईकवार यानी केले आहे.

Young chanda brigade परिस्थितीमुळे शिक्षण सुटण्याच्या दु:खाची मला जाणीव आहे. चंद्रपूरात अभ्यासु विद्यार्थी आहे. शिक्षणाची आवड येथील विद्यार्थ्यांना आहे. मात्र गरिब परिस्थिमुळे अनेक गुणवंत विद्यार्थ्यांना अपेक्षेप्रमाणे शिक्षण घेता येत नाही. त्यामुळे आपण पूढच्या वर्षी पासून अम्मा कि पढाई हा उपक्रम सुरु करणार आहोत. या उपक्रमा अंतर्गत परिस्थितीमुळे पुढील शिक्षणात अडचणी येत असणा-या टॉपर 100 विद्यार्थ्यांना आपण नि:शुल्क शिक्षण देणार असल्याचे प्रतिपादन आमदार किशोर जोरगेवार यांनी केले.

महत्वाची बातमी : 32 लाखांची टाटा टॉप मॉडेल कार, ग्राहक म्हणतो फसवणूक झाली

Young chanda brigade    रविवारी प्रियदर्शनी सांस्कृतिक सभागृहात यंग चांदा ब्रिगेडच्या शिक्षण आघाडीच्या वतीने गुणवंत विद्यार्थी कौतुक सोहळ्याचे आयोजन करण्यात आले होते. या प्रसंगी ते बोलत होते. या कार्यक्रमाला गोंडवाना विद्यापिठाचे माजी कुलगुरु किर्तिवर्धन दिक्षीत, वाहतूक निरीक्षक शिवाजी विभूते, माता महाकाली महोत्सव समितीचे सचिव अजय जयस्वाल, यंग चांदा ब्रिगेडच्या महिला शहर संघटिका वंदना हातगावकर, आदिवासी विभाग जिल्हा प्रमुख जितेश कुळमेथे, अल्पसंख्याक विभाग युथ शहर अध्यक्ष राशेद हुसेन, शहर संघटक विश्वजीत शहा,  सायली येरणे, शाहीन शेख, विमल कातकर, तालुका उपाध्यक्ष दयानंद नगरकर,  प्रा. श्याम हेडाऊ, आदी मान्यवरांची मंचावर उपस्थिती होती.

यावेळी पुढे बोलताना आ. जोरगेवार म्हणाले कि, शिक्षण आणि आरोग्य या दोन क्षेत्रात भरीव काम करण्याचा संकल्प आपण केला आहे. गरिबाचा मुलगा शिकला पाहिजे. तो मोठा अधिकारी झाला पाहिजे. मात्र आजची शिक्षण व्यवस्था सर्वसामान्यांना परवडणारी नाही. याची कल्पना आम्हाला आहे. त्यामुळे गरिब गरजु विद्यार्थ्यांसाठी आपण मतदार संघात 11 मोठ्या अभ्यासिका तयार करत आहोत. येथे त्यांना सर्व सोयी सुविधा पूरविल्या जातील. त्यांना येथे नि:शुल्क अभ्यास करता येणार असे ते यावेळी म्हणाले. यातील आठ अभ्यासिकांचे काम जवळपास पूर्ण झाले असून लवकरच या लोकार्पित होतील असा विश्वास त्यांनी यावेळी बोलून दाखविला.

महत्त्वाचे: पोलीस ठाण्यात युवकाला अमानुष मारहाण

Young chanda brigade   तुमचे यश केवळ तुमच्या कष्टाचे फळ नाही तर तुमच्या शिक्षकांच्या मार्गदर्शनाचे आणि तुमच्या पालकांच्या सततच्या प्रोत्साहनाचा परिणाम आहे. तुम्ही कठोर परिश्रम केलेत, आपल्या ध्येयावर अढळ राहिलात आणि प्रत्येक आव्हानाला तोंड दिले. त्यामुळेच तुम्हाला आज इथे उभे राहून सन्मानित करण्यात येत आहे. शिक्षकांच्या आपल्या अमूल्य मार्गदर्शनाशिवाय हे शक्य झाले नसते. विद्यार्थ्यांना योग्य दिशा दाखवणे, त्यांना ज्ञानाची गोडी लावणे आणि त्यांच्या क्षमतेवर विश्वास ठेवणे, या सर्व बाबतीत शिक्षकांनी आपले कर्तव्य उत्तम रीतीने पार पाडले आहे. पालकही या यशाचे खरे हकदार आहेत. तुमच्या सततच्या पाठिंब्याने आणि प्रोत्साहनानेच विद्यार्थ्यांना हे यश प्राप्त झाले आहे. त्यांच्या प्रत्येक टप्प्यावर तुम्ही त्यांना सावरण्यासाठी आणि पुढे नेण्यासाठी सदैव तत्पर राहिलात.

आजचा हा सन्मान विद्यार्थांसाठी एक नवीन सुरुवात आहे. तुम्ही इथेच थांबू नका, तर आपल्या ध्येयांचा पाठलाग करत राहा. सतत नवीन ज्ञान मिळवा, नवीन गोष्टी शिका आणि समाजासाठी आदर्श बनण्याचा प्रयत्न करा ,आजच्या या सोहळ्यातून  नवीन उमेद, नवीन उर्जा आणि नवीन प्रेरणा घेऊन जा आपल्या मेहनतीने, कर्तृत्वाने आणि समर्पणाने नवीन उंची गाठा असे यावेळी आमदार किशोर जोरगेवार म्हणाले.

अवश्य वाचा : चंद्रपुरात स्मार्ट प्रीपेड वीज मीटर ला विरोध

Young chanda brigade या कार्यक्रमात जवळपाच 700 गुणवंत विद्यार्थ्यांचा गौरव करण्यात आला. कार्यक्रमाच्या यशस्वितेसाठी प्रसिद्धी प्रमुख नकुल वासमवार, सतनाम सिंह मिरधा, चंद्रशेखर देशमूख, जय मिश्रा, आशा देशमूख, कल्पना शिंदे, कार्तिक बोरेवार, रुपेश पांडे, कैलास धायगुडे, पुण्यवर्धन मेश्राम, वंदना हजारे, माला पेंदाम, माधुरी निवलकर, अस्मिता डोनारकर, कविता निखारे, शमा काजी, चंदा इटनकर, मंजुषा दरवरे, वंदना हजारे, राम जंगम आदींनी परिश्रम घेतले. प्रा. श्याम हेडाऊ यांनी कार्यक्रमाचे प्रास्ताविक केले तर सरोज चांदेकर यांनी सुत्रसंचालनाची जबाबदारी पार पाडली.

smart electricity meter चंद्रपूर : – चंद्रपूर शहरासह जिल्ह्यात वीज ग्राहकांना प्रीपेड स्मार्ट वीज मीटर बसविण्याची प्रक्रिया सुरू असून ही प्रक्रिया रद्द करण्यात यावी त्या विरोधात मुख्य अभियंता सुनील देशपांडे यांना निवेदन देताना महेश मेंढे म्हणाले की आमच्या योजनेला विरोध असून सदर कारवाई तात्काळ थांबावी असे ते म्हणाले.

अवश्य वाचा : पोलीस ठाण्यात युवकाला अमानुषपणे मारहाण, चंद्रपूर जिल्ह्यातील प्रकार

निवेदनात त्यांनी म्हटले आहे की, चंद्रपूर शहरासह जिल्ह्यात वीज ग्राहकांना प्रीपेड स्मार्ट वीज मीटर बसविण्याची प्रक्रिया सुरू करण्यासाठी सर्व्हे करण्यात येत आहे. वास्तविक वीज मीटर निवडी बाबत वीज कायदा 2003 कलम 55 नुसार ग्राहकांना स्वातंत्र आहे . मात्र वीज वितरण कंपनी कडून स्मार्ट वीज मीटर लावण्यासाठी ग्राहकांच्या घरोघरी सर्व्हे करण्यात येत असून स्मार्ट मीटर लावणे एकप्रकारे बंधनकारक असल्याचे चित्र निर्माण केले जात आहे . ग्राहकांना वेठीस धरण्याच्या महावितरणच्या या धोरणाला आम्ही विरोध दर्शवित आहोत.

smart electricity meter संपूर्ण देशभरात प्रीपेड स्मार्ट मीटर लावण्याचा निर्णय नुकत्याच काही महिन्यांपूर्वी शासनाने घेतला आहे. त्या अनुषंगाने गेल्या आठवड्यापासून जिल्ह्यात याबाबतचा सर्वे सुरु आहे. मात्र स्मार्ट मिटरला जिल्ह्यातील वीज ग्राहकांमधून मोठ्या प्रमाणात विरोध होत आहे. विशेष म्हणजे प्रीपेड स्मार्ट मीटर जिल्हा वासियांसाठी तापदायक ठरणार आहे.

महत्त्वाचे : चंद्रपुरात एकाने 32 लाखांचे वाहन घेतले मात्र त्यामध्ये निघाला डिफेक्ट

देशभरात प्रीपेड स्मार्ट मीटर लावण्याचा निर्णय नुकत्याच काही महिन्यांपूर्वी शासनाने घेतला आहे. स्मार्ट मीटरची सुरुवात मेट्रो सिटीपासून करण्याचा शासनाचा मानस आहे. प्रीपेड मीटरच्या बाबतीत गेल्या आठवड्यापासून जिल्ह्यात सर्वे सुरु करण्यात आला आहे. सर्वेदरम्यान जिल्ह्यातील ग्राहकांनी मोठ्या प्रमाणात विरोध दर्शविला आहे. विशेष म्हणजे स्मार्ट मीटरच्या संकल्पनेला राज्यातील वीज संघटनेचा मोठ्या प्रमाणात विरोध आहे.

smart electricity meter चंद्रपूर जिल्ह्यात बहुतांश वर्ग हा ग्रामीण भागात असून आर्थिकदृष्ट्या मागासलेला आहे.त्यामुळे प्रीपेड मिटर लावल्यास आधी पैसे भरून वीजवापरण्याची क्षमता ग्राहकांमध्ये नाही. तसेच ऐनवेळी रिचार्ज संपल्यास तोही वेळेतच करण्याची आर्थिक परिस्थिती नाही अशी वास्तविकता जिल्ह्यातील वीज ग्राहकांची आहे, नव्हेतर ती सर्वश्रुत आहे. अन्न, वस्त्र, निवारा व वीज मानवी जीवनातील या चार मूलभूत गरजा असल्याचे पंतप्रधान भाष्य करतात. तसेच यासंदर्भात सरकार नेहमीच सकारात्मक असल्याचं बोलतात. याच मूलभूत गरजांच्या बाबतीत शासनाकडून अन्यायाचा पावित्रा का असाअनुत्तरितप्रश्न निर्माण झाला आहे.

स्मार्ट वीज मीटर चा ग्राहकांना मोठा फटका बसणार आहे. यामध्ये बदल न केल्यास मोठ्या प्रमाणात आंदोलन आगामी दिवसात करण्यात येईल असे महेश मेंढे म्हणाले.

या संदर्भात महावितरणचे मुख्य अभियंता सुनील देशपांडे यांना निवेदन देऊन चर्चा करण्यात आली. चर्चा सकारात्मक झाली असून यावेळी काँग्रेसचे नेते महेश मेंढे यांच्यासह रोशन रामटेके, पियुष तुपे, अविनाश मेश्राम , वैभव अमृतकर यांची उपस्थिती होती.

देशात यंदा तापमानाने हाहाकार माजविला होता, देशातील अनेक भागात तापमानाने उच्चांक गाठला ज्यामुळे नागरिकांना उष्णतेच्या झळा सहन कराव्या लागल्या, याच एकमेव कारण म्हणजे हवामानात होणारा बदल आणि मोठ्या प्रमाणात होत असलेली वृक्षतोड.

अवश्य वाचा : बँकिंग क्षेत्रात काम करण्याची सुवर्णसंधी, निघाली मेगाभरती

देशासहित विदर्भातील चंद्रपूर जिल्ह्यात सुद्धा यंदा तापमानाने उच्चांक गाठला होता, आता प्रत्येक नागरिकांनी वृक्षारोपण करावे असा संदेश शहरातील उत्कृष्ट महिला मंचाने दिला आहे. यासाठी स्वतः आधी महिला मंच पुढाकार घेत आहे.

अवश्य वाचा : जिल्हाधिकारी गौडा यांची राज्यसमितीवर निवड

चंद्रपूर शहरात यंदा 5 हजार वृक्षारोपणाचा निर्धार उत्कृष्ट महिला मंचाने केला आहे, यासाठी तयारी सुद्धा सुरू करण्यात आली असून लवकरच या कामाला सुरुवात होणार आहे.

उत्कृष्ट महिला मंचाच्या अध्यक्षा छबु वैरागडे यांनी याबाबत माहिती दिली की उन्हाळ्यात नागरिकांचे काय हाल होतात हे संपूर्ण देशाने यंदा बघितलं आहे, जर हे वातावरण आपल्याला बदलायचे असेल तर त्यासाठी प्रत्येकाने वृक्ष लागवड करायला हवी, आम्ही या मोहिमेद्वारे शहरात 5 हजार झाडांचे वृक्षारोपण करणार आहोत, विशेष बाब म्हणजे वृक्षारोपण केल्यावर त्याचे संगोपन सुद्धा आपणच करणार आहोत अशी प्रतिक्रिया वैरागडे यांनी यावेळी दिली.

अवश्य वाचा : चंद्रपूर शहरातील या भागात वाढतेय गुन्हेगारी

या सर्व उपक्रमाची माहिती छबु वैरागडे यांनी मनपा आयुक्त विपीन पालिवाल यांच्याशी सामायिक केली असून या मोहिमेत मनपाचे सहकार्य उत्कृष्ट महिला मंचाला लाभणार आहे, सदर उपक्रमाबाबत विपीन पालिवाल यांनी उत्कृष्ट महिला मंच अध्यक्ष छबु वैरागडे व सदस्यांचे कौतुक केले.

प्रत्येक नागरिकाने या मोहिमेत भाग घ्यावा यासाठी आम्ही वृक्षारोपण करीत त्या वृक्षाचे संगोपन करणाऱ्या नागरिकाला प्रोत्साहन म्हणून पुरस्कार सुद्धा देणार आहो.

शहरातील अनेक भागात मोकळी जागा आहे त्या भागात हे वृक्षारोपण करण्यात येईल अशी माहिती वैरागडे यांनी दिली आहे.