My Blog

Blog

  • wildlife crime | चंद्रपूर जिल्ह्यात शिकाऱ्याची कॉलिंग

    wildlife crime

    wildlife crime : 25 जानेवारीला राजुरा तालुक्यात वाघाच्या शिकारीसाठी प्रसिद्ध असलेला शिकारी अजित सियालाल पारधी सहित 6 जणांना वनविभागाने अटक केली होती. आता या प्रकरणी पुन्हा 2 आरोपीना वेगवेगळ्या राज्यातून अटक करण्यात आली आहे.

    चंद्रपूर जिल्ह्याला ब्लॅक गोल्ड सिटी का म्हणतात?

    राजुरा तालुक्यात अजित ची उपस्थिती वनविभागाला चिंतेत आणणारी होती कारण चौकशी दरम्यान त्याने एका वाघाच्या शिकारीची कबुली दिली. (Tiger poaching network busted)

    वनविभागाने वाघाचे अवयव, केस व हाडे जप्त केली, फॉरेन्सिक साठी सर्व अवयव पाठविण्यात आले सदर सर्व अवयव वाघांचे असल्याचे निष्पन्न झाले.

    वनकोठडी दरम्यान अजित च्या मोबाईलवर लाखोंचा व्यवहार झाल्याची माहिती वनविभागाला मिळाली, चौकशी केली असता त्याचे धागेदोरे मेघालय ची राजधानी शिलॉंग पर्यंत जुळलेले होते, शिलॉंग मधून माजी सैनिक लालनेईसुंग याला अटक करण्यात आली. वाघाचे इतर अवयव च्या तस्करीसाठी चीन च्या मार्गाचा वापर केल्याची चाहूल वनविभागाला लागली. (Ajit Siyalal Pardhi arrested)

    रस्ता खोदकामामुळे चंद्रपुरातील नागरिकांचे चेहरे लाल

    वनविभागाने अजित च्या मोबाईल ची कॉल हिस्ट्री बाबत माहिती घेतली असता पंजाब येथील सोनू सिंग सोबत त्याचा संवाद व काही आर्थिक व्यवहार झाल्याचे उघडकीस आले. (Chandrapur wildlife crime)

    सोनू सिंग ला वनविभागाच्या पथकाने ताब्यात घेत चंद्रपुरात आणले, 4 फेब्रुवारी ला 6 आरोपीची रवानगी 7 फेब्रुवारीपर्यंत वनकोठडी मध्ये करण्यात आली, सोनू सिंग ला सध्या तरी न्यायालयासमोर हजर केले नाही, एका आरोपीची आधी न्यायालयीन कोठडीत रवानगी करण्यात आली होती. (Tiger poaching in Rajura taluka)

    NTCA नवी दिल्ली तर्फे गठीत 5 सदस्यीय टीम चंद्रपूर मधील स्थानिक वनविभागाच्या मदतीने चौकशी करीत आहे तर सीसीएफ तर्फे गठीत 12 झालेल्या एसआयटी या प्रकरणाचा पुढील तपास करीत आहे.

    कोण आहे अजित पारधी?

    अजितचा प्रवास 2013 ते 2015 दरम्यान विदर्भात वाघांच्या शिकारीपासून सुरू झाला होता. 2015 मध्ये त्याची सुटका झाली होती. अजितला गेल्या वर्षी एका शिकार प्रकरणात अटक करण्यात आली होती. त्यानंतर सप्टेंबर 2024 मध्ये त्यांची जामिनावर सुटका झाली.

    अजित पारधी वर देशातील वनविभागात अनेक गुन्हे दाखल आहे. वाघाच्या शिकारीसाठी तो प्रसिद्ध असून या गुन्ह्यात त्याच्या कुटुंबातील महिला सुद्धा सहकार्य करतात. अजित हा बहेलिया टोळी चा म्होरक्या आहे.

    तीन महिन्यापासून चंद्रपूर जिल्ह्यात अजित सक्रिय

    मागील 3 महिन्यापासून अजित पारधी हा चंद्रपूर जिल्ह्यातील राजुरा येथे वास्तव्यास होता, त्याची साधी चाहूल वनविभागाला लागली नाही हे आश्चर्यकारक बाब आहे.

    चंद्रपूर जिल्ह्यात वाघांची संख्या लक्षणीय आहे, मात्र वाघांना सांभाळणारे यांचं दुर्लक्ष झाले काय असा प्रश्न यावेळी उपस्थित होतो.

    200 च्या वर वाघ जिल्ह्यातील जंगलात आहे, ताडोबा येथील बफर व कोर मधील वाघ सुरक्षित आहे कारण तिथं दिवसरात्र वनविभागाची यंत्रणा कार्यरत आहे, मात्र जंगलातील बाहेरच्या भागातील वाघ हे असुरक्षित आहे. कारण त्यांच्या हालचालीवर वनविभागाचे लक्ष नव्हते या बाबीचा फायदा शिकारी अजित ने उचलला आणि त्याने या 3 महिन्याच्या कालावधीत किती वाघांची शिकार केली याबाबत अजूनही वनविभाग गोपनीयता बाळगत आहे.

  • Black Gold City । चंद्रपूरला “ब्लॅक गोल्ड सिटी” का म्हणतात?

    Black Gold City

    Black Gold City : ब्लॅक गोल्ड म्हणजे काळ सोनं, या नावाने काही शहरांची ओळख निर्माण झाली आहे. देशात काळ्या सोन्याचं शहर म्हणून कोलकाता प्रसिद्ध आहे व राज्यात चंद्रपूर जिल्हा हे काळ्या सोन्याचं शहर म्हणून ओळखले जाते. यामागील कारण काय आहे?

    चला तर आपण अधिक माहिती जाणून घेऊया

    काळ सोनं म्हणजे कोळसा चंद्रपूर जिल्ह्यात अनेक कोळसा खाणी आहे, चंद्रपूर कोळशाच्या संपत्तीने समृद्ध भूभागावर वसलेले आहे, म्हणूनच याला “ब्लॅक गोल्ड सिटी” (काळ्या सोन्याचे शहर) म्हणून ओळखले जाते. तसेच, या परिसरात विविध प्रकारच्या खडकांसह व्यावसायिकदृष्ट्या मौल्यवान खनिजे आणि जीवाश्म मोठ्या प्रमाणात आढळतात, त्यामुळे याला “भूगर्भशास्त्रीय संग्रहालय” असेही म्हणतात. Chandrapur black gold

    रस्ता खोदकामामुळे नागरिकांचे चेहरे लाल

    चंद्रपूर जिल्ह्याला “ब्लॅक गोल्ड सिटी” (काळ्या सोन्याचे शहर) असे म्हणण्याचे प्रमुख कारण म्हणजे येथे आढळणारे विपुल कोळशाचे साठे. चंद्रपूर हा महाराष्ट्रातील सर्वात मोठा कोळसा उत्पादक जिल्हा असून, येथे वणी-वणी उत्तर, माजरी, बल्लारपूर, घुग्घूस आणि राजुरा या ठिकाणी मोठ्या प्रमाणावर कोळसा खाणी आहेत. Chandrapur coal mines

    ब्लॅक गोल्ड सिटी म्हणण्याची प्रमुख कारणे:

    1. विस्तृत कोळसा खाणी – येथे भारतातील काही सर्वात मोठ्या आणि समृद्ध कोळसा खाणी आहेत.
    2. ऊर्जेचा प्रमुख स्रोत – या कोळशाचा उपयोग थर्मल पॉवर प्लांटमध्ये विजेच्या उत्पादनासाठी मोठ्या प्रमाणावर केला जातो.
    3. उद्योगधंद्यांचा विकास – कोळशाच्या उपलब्धतेमुळे सिमेंट, स्टील आणि पॉवर प्लांटसारखे अनेक उद्योग चंद्रपूरमध्ये विकसित झाले आहेत.
    4. आर्थिक महत्त्व – चंद्रपूरमधून मोठ्या प्रमाणावर कोळसा पुरवठा होत असल्यामुळे हा भारताच्या ऊर्जा क्षेत्रासाठी महत्त्वाचा जिल्हा आहे.
    वेगवेगळ्या राजवटीचे अधिपत्य

    प्राचीन काळापासून चंद्रपूर अनेक वेगवेगळ्या राजवटींच्या अधिपत्याखाली राहिले आहे. इ.स.पू. ३२२ ते १८७ या कालावधीत भारताचा मोठा भाग, त्यात महाराष्ट्रासह, मौर्य साम्राज्यात समाविष्ट होता. इ.स.पू. १८७ ते इ.स. ७८ दरम्यान शुंग साम्राज्याने चंद्रपूरवर राज्य केले, ज्याने मध्य आणि पूर्व भारतावर नियंत्रण ठेवले होते.

    सातवाहन साम्राज्याने इ.स.पू. १ल्या शतकापासून ते इ.स. २ऱ्या शतकापर्यंत चंद्रपूरवर वर्चस्व राखले. त्यानंतर वाकाटक राजवंशाने इ.स. ३ऱ्या शतकाच्या मध्यापासून ते इ.स. ५५० पर्यंत या प्रदेशावर सत्ता गाजवली.

    इ.स. ६वे आणि ७वे शतक हा काळ कलचुरी राजवंशाच्या राजवटीचा होता. त्यानंतर, इ.स. ७वे ते १०वे शतक या कालखंडात राष्ट्रकूट राजवंशाने चंद्रपूर प्रदेशावर राज्य केले. पुढे, चालुक्य राजवंशाने इ.स. १२व्या शतकापर्यंत या प्रदेशावर नियंत्रण ठेवले.

    इ.स. ८५० च्या सुमारास देवगिरीच्या (दौलताबाद) सेन (यादव) राजवंशाने चंद्रपूरसह मोठ्या साम्राज्यावर वर्चस्व मिळवले आणि इ.स. १३३४ पर्यंत आपले राज्य टिकवले.

    Why is Chandrapur called Black Gold City?

    Chandrapur is called the “Black Gold City” because it is home to vast coal reserves. Chandrapur is the largest coal-producing district in Maharashtra, with several coal mines in operation. It is due to these abundant coal deposits that Chandrapur is referred to as the “Black Gold City.”

  • Summer water shortage solutions | उन्हाळ्यात पाणीटंचाई टाळण्यासाठी आमदार जोरगेवार यांच्या महत्त्वपूर्ण सूचना

    Summer water shortage solutions

    Summer water shortage solutions : उन्हाळा जवळ येत असताना शहरात पाणीटंचाई निर्माण होऊ नये, यासाठी प्रभावी उपाययोजना करण्याच्या सूचना आमदार किशोर जोरगेवार यांनी महापालिका प्रशासनाला दिल्या. नागरिकांना पाण्यासाठी वणवण भटकावे लागू नये, यासाठी तातडीने नियोजन करून तात्पुरत्या पाण्याच्या टाक्यांमध्ये वाढ करावी, तसेच शहरातील गळती असलेल्या पाईपलाइन आणि टाक्यांच्या दुरुस्तीची कामे (Leaking pipeline repair) त्वरित पूर्ण करावीत, असे निर्देश त्यांनी दिले आहे.

    चंद्रपुरात रस्ते खोदकामामुळे नागरिकांचे चेहरे लाल

    मनपात झालेल्या बैठकीत पाणीपुरवठा व्यवस्थेचा आढावा घेताना आ. जोरगेवार यांनी नवीन टँकर (Municipal water tanker funding) खरेदीसाठी ५० लाख रुपयांच्या निधीची घोषणा केली. उन्हाळ्यात पाणीटंचाईच्या पार्श्वभूमीवर गरज पडल्यास आणखी निधी मंजूर केला जाईल, असेही त्यांनी स्पष्ट केले. यावेळी शहरातील विविध विषयांवर चर्चा करण्यात आली. या बैठकीला मनपा आयुक्त विपिन पालिवाल, अतिरिक्त आयुक्त चंदन पाटील, उपायुक्त मंगेश खवले, शहर अभियंता विजय बोरिकर यांच्यासह संबधित विभागाचे अधिकारी आणि माजी नगरसेवक उपस्थित होते.

    यावेळी आ. जोरगेवार म्हणाले की,  प्रशासनाने पाणीपुरवठा सुरळीत ठेवण्यासाठी कोणतीही कमी ठेवू नये, उन्हाळ्यात पाणीटंचाईची समस्या टाळण्यासाठी प्रशासन, लोकप्रतिनिधी आणि नागरिकांनी एकत्र येऊन जबाबदारीने वागावे, असेही ते म्हणाले. रमाई योजना, प्रधानमंत्री आवास योजना, शबरी आवास योजना या सर्व घरकुल योजनांची प्रभावी अंमलबजावणी करण्यात यावी. स्वच्छतेबाबत नागरिकांच्या तक्रारी वाढत असल्याने पुन्हा एकदा शहर स्वच्छ करण्याची मोहिम हाती घेण्याचे निर्देशही आमदार किशोर जोरगेवार यांनी दिले.

    रात्रीचा प्रवास,वाहन चालकाला आली डुलकी, चंद्रपुरात भयावह अपघात, चालक जिवंत जळाला

    शहरात सांडपाणी वाहिन्यांसाठी पुन्हा रस्ते खोदले जात आहेत. त्यामुळे काम पूर्ण होताच खोदलेल्या रस्त्यांची त्वरित डागडुजी करण्यात यावी. कचरा संकलनाच्या बाबतीत नव्याने धोरण तयार करून दररोज कचरा उचलण्याचे नियोजन करण्यात यावे. बाबूपेठ येथे कबड्डी मैदान तयार करण्याची सूचनाही आमदार किशोर जोरगेवार यांनी मनपा अधिकाऱ्यांना दिल्या आहे.

     

    महिलांसाठी स्वतंत्र स्वच्छतागृह  तयार करा

    शहरातील महत्त्वाच्या ठिकाणी महिलांसाठी विशेष स्वच्छतागृह (Women’s public restroom facilities) तयार करण्यात यावीत, यासाठी लागणारा निधी आपण उपलब्ध करून देऊ, असेही या बैठकीत आमदार किशोर जोरगेवार यांनी स्पष्ट केले.

  • Chandrapur pollution issues । रस्ता खोदकामामुळे नागरिकांचे चेहरे ‘लाल”

    Chandrapur pollution issues

    Chandrapur pollution issues : दक्षिण भारताच्या जवळ असलेला चंद्रपूर जिल्हा, ब्लॅक गोल्ड सिटी म्हणून व औद्योगिक जिल्हा म्हणून चंद्रपूरची ओळख आहे सोबतच प्रदूषणासाठी हा जिल्हा प्रसिद्ध आहे. जिल्ह्यात अनेकी प्रदूषण पसरविणारे उद्योग आहे मात्र उद्योगातून निघणार जीवघेणं प्रदूषण थांबविण्याची एकाही लोकप्रतिनिधी मध्ये हिंमत नाही. विकासाच्या नावावर चंद्रपूर शहरात सध्या वायू प्रदूषण सुरु आहे. Chandrapur pollution issues

    अमृत व भूमिगत गटार योजनेचे काम सध्या शहरात सुरु आहे, १६ वर्षांपूर्वी सुद्धा चंद्रपुरात भूमिगत गटार योजनेचे काम झाले विशेष म्हणजे कंत्राटदाराला पूर्ण पैसे मिळाले मात्र योजना फसल्याने नागरिकांच्या कराचे पैसे बुडाले आता पुन्हा ५०४ कोटी रुपये खर्च भूमिगत गटार योजनेचे काम सुरु करण्यात आले आहे. Chandrapur underground drainage project

    चंद्रपुरात भीषण अपघात, ट्र्क चालक जिवंत जळाला

    या कामामुळे शहरातील नागरिकांचे चेहरे मेकअप विना लाल होताना दिसत आहे, रस्ता खोदून त्याला कित्येक दिवस तसेच ठेवायचं आणि जनतेला नाहक त्रास द्यायचा हे काम मनपाने सुरु केले आहे. लाल चेहरे फक्त नागरिकांचे होत आहे कारण लोकप्रतिनिधी काचबंद वाहनात असल्याने त्यांच्या चेहऱ्याला लाल धूळ स्पर्श करू शकत नाही.

    जटपुरा गेट समोर रस्त्याची एक बाजू पूर्णतः बंद करण्यात आली आहे, त्यामुळे या मार्गावर उडणाऱ्या धुळीने नागरिकांच्या आरोग्यावर अपायकारक परिणाम होत आहे. पण चंद्रपूरकरांना याचा काही एक फरक पडत नाही, कारण मागील अनेक वर्षांपासून चंद्रपुरातील हवा प्रदूषणयुक्त झाली आहे, तेव्हापासून आतापर्यंत नागरिकांनी आपल्या तोंडून याविरोधात एक ब्र सुद्धा काढलेला नाही तर आता कुणाला काय फरक पडणार आहे.

    लोकप्रतिनिधी यांना या प्रदूषणाचा काही एक फरक पडत नाही, कारण भाड में जाये जनता अपना काम बनता हे घोषवाक्य अंगीकारत लोकप्रतिनिधी आपली वाटचाल करीत आहे. जटपुरा गेट मार्गावरून कितीही गोरा नागरिक गेल्यास तो क्षणार्धात लाल होऊनच बाहेर निघत आहे, म्हणून या मार्गावरून जाताना आपल्याला विशेष खबरदारी घ्यावी लागेल.

    शहरात प्रदूषणाची तीव्रता मोजण्यासाठी कृत्रिम हृदय लावण्यात आले असता ४ दिवसात ते हृदय काळे पडले होते, यावरून समजते कि ते तर कृत्रिम होते मग नागरिकांच्या हृदयाची काय अवस्था होत असेल याबाबत विचार न केलेला बरा. वायू प्रदूषणावर जनतेनी बोलायला हवं अन्यथा भविष्यात भावी पिढीला प्रदूषणात जगावे लागणार. अनेक वर्षांपासून जिल्ह्यात प्रदूषण होत आहे. अनेकदा जगात चंद्रपूर प्रदूषणाच्या बाबतीत अव्वल आलं होत. याविरोधात जनता उठाव करेल त्यादिवशी हे प्रश्न मार्गी लागेल. अनेक दुर्धर आजारावर आपल्याकडे हॉस्पिटलची निर्मिती होते मात्र ते आजार न व्हावे यासाठी काही खबरदारी घेतली जात नाही. Air pollution in Chandrapur

    शहरातील रस्ते खड्ड्यात गेले आहे, गांधी चौक ते जटपुरा गेट हा मार्ग म्हणजे अर्धा डांबरीकरण तर अर्धा काँक्रिटीकरण आहे हे चित्र फक्त आपल्या चंद्रपुरात बघायला मिळते हे विशेष. Chandrapur pollution issues

    चंद्रपूर शहरातील रस्ते कित्येक वर्षांपासून अरुंद आहे त्याला रुंद करण्याचा साधा प्रयत्न कधीही झाला नाही, फक्त खोदण्याचे काम मात्र प्राथमिकतेने झाले, जर चुकून या विरोधात कुणी आंदोलन केले तर आपण समजून घ्या कि तू मारल्या सारखं कर मी रडल्यासारखं करतो. आंदोलनामागची हि पार्श्वभूमी राहणार हे नक्कीच.

    Chandrapur pollution issues

  • Chandrapur truck accident | चंद्रपुरात मोठी दुर्घटना, ट्रक चालक जिवंत जळाला

    Chandrapur truck accident

    Chandrapur truck accident : चंद्रपूर: भाजीपाला घेऊन जाणाऱ्या ट्रक चालकाला झोपेची डूलकी आल्याने वाहनावरील नियंत्रण सुटून ट्रकची झाडाला टक्कर बसली. अपघातात ट्रकच्या केबिनला आग लागली. यात ट्रक चालक जळून मृत्यू झाला.

    चमन ठाकूर असे मृत ट्रकचालकाचे नाव आहे. ही घटना सोमवारी मध्यरात्री चंद्रपूर गडचिरोली मार्गावरील वलनी गावाजवळ घडली.

    महापुरुषांच्या पुतळा विटंबना प्रकरणी कठोर कायदे करा

    घटनेची माहिती रामनगर पोलिसांना मिळताच रामनगर पोलिस स्टेशनचे पोलिस उपनिरीक्षक खरकाडे व त्यांची चमू घटनास्थळावर दाखल झाली फायर ब्रिगेड बोलून आगीवर नियंत्रण मिळवले. मात्र यावेळी ट्रक चालकाचा जळुन मृत्यू झाला होता.

    कोबी वर्षांपूर्वी अशीच घटना चीचपल्ली जवळ घडली होती या घटनेत तब्बल 12 ते 16 नागरिकांचा जळुन मृत्यू झाला होता.

  • Indian Constitution Burning Incident | महापुरुषांच्या पुतळा विटंबना प्रकरणी कठोर कायदे करा

    Indian Constitution Burning Incident

    Indian Constitution Burning Incident : समता सैनिक दल,भारतीय बौद्ध महासभा,रिपब्लिकन पक्ष, डॉ बाबासाहेब आंबेडकर शतकोत्तर जयंती महोत्सव समिती तसेच चंद्रपूर जिल्ह्यातील बौद्ध विहार कमिटी सामाजिक धार्मिक आंबेडकरी चळवळीतील राजकीय प्रतिनिधी तसेच कार्यकर्त्यांनी प्रवीण हेमचंद्र खोब्रागडे यांच्या पुढाकारातून अमृतसर येथील प्रजासत्ताक दिनी डॉ बाबासाहेब आंबेडकर यांच्या पुतळ्याची विटंबना करत भारतीय संविधानाची प्रत जाळली या घटनेचा धिक्कार करण्यासाठी निषेध सभेचे आयोजन करण्यात आले होते.

    चंद्रपूर ग्रंथोत्सवातून वाचनसंस्कृतीला उजाळा – आमदार मुनगंटीवार

    तत्पूर्वी मा.जिल्हाधिकारी यांच्या मार्फत मा.राष्ट्रपती आणि मा.प्रधानमंत्री यांना निवेदन पाठविण्यात आले सदर निवेदनातून भारतात महामानव डॉ बाबासाहेब आंबेडकर यांच्या पुतळ्याच्या विटंबनाचे प्रकार वाढत जात आसून भारतीय भारतीय राज्यघटनेचे पावित्राला गालबोट लावण्याचे कार्य सातत्याने सुरू आहे. (Ambedkarite Movement Protest)

    या दोन्ही घटना अत्यंत गंभीर असून कायदा व सुव्यवस्था अबाधित राहावे यासाठी अश्या प्रवृत्तीच्या समाजद्रोही लोकांना देशद्रोहाचा खटला दाखल करून त्यांचे नागरिकत्व रद्द करून कठोर शिक्षा व्हावी या मागण्याचे निवेदन देण्यात आले,या सर्व घटनेमुळे जागतिक पातळीवर भारताची प्रतिमा मलिन होत असल्याने अश्या प्रवृत्तीच्या गुन्हेगारांना शासन प्रशासन आणि कायदेमंडळाद्वारे कठोर कायदे व्हावे ही विनंती केली.

    या निवेदन सुपूर्द करताना आणि निषेध नोंदविण्यात येताना अशोक निमगडे, विशाल आलोने,अशोक टेंभरे,किशोर सवाणे,राजूभाऊ खोब्रागडे,सुरेश नारनवरे,महादेव कांबळे,शंकर वेलहेकर,राजकुमार जवादे, ॲड. राजस खोब्रागडे बुद्धप्रकाश वाघमारे,राजेश वनकर विजय करमरकर,सुशील बुजाडे वामनराव चांद्रिकापुरे,चेतन पाटील, विद्याधर लाडे,मुन्ना खोब्रागडे, प्रमोद मून,बाजीराव उंदिरवाडे, सिद्धार्थ सुमन,संतोष रामटेके, मृणाल कांबळे,निर्मला नगराळे, वर्षा घडसे निर्मला पाटील, पंचफुला वेल्हेकर छाया थोरात,अनिता जोगे,आनंद वनकर, सिध्दार्थ धोटे,यशवंत मुंजमकर,दिलीप डांगे यांच्या सोबत असंख्य नागरिकांची उपस्थिती होती.

  • Chandrapur Granthotsav | चंद्रपूर ग्रंथोत्सवातून वाचनसंस्कृतीला नवा उजाळा – आमदार मुनगंटीवार यांचा ग्रंथप्रेमींसाठी पुढाकार

    Chandrapur Granthotsav

    Chandrapur Granthotsav : चंद्रपूर – ग्रंथ मानवी जीवनात मार्गदर्शकाची भूमिका बजावितात. मी पहिल्यांदा आमदार झाल्यानंतर वाचनालये सुरू करण्याबाबत आग्रही होतो. चंद्रपूर, बल्लारपूर, मुल व पोंभूर्णा येथे डॉ. श्यामाप्रसाद मुखर्जी वाचनालय उभारले. अनेक विद्यार्थी स्पर्धा परीक्षेसाठी वाचनालयाचा उपयोग करत आहेत. विपरित परिस्थितीवर मात करत यशाचा झेंडा उंच फडकावत आहेत, हे या गोष्टीचे द्योतक आहे.

    अलीकडच्या काळात वाचन कमी होत असताना ग्रंथोत्सवासारखे उपक्रम महत्त्वाचे ठरतात. अशा कार्यक्रमांमधून वाचन चळवळीला प्रोत्साहन मिळते, असे प्रतिपादन राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी केले. (Library events in Chandrapur)

    आ. श्री. मुनगंटीवार यांनी ग्रंथोत्सवाला भेट दिली. यावेळी आयोजित कार्यक्रमाला ज्येष्ठ साहीत्यिक श्रीपाद भालचंद्र जोशी, डाॅ. शाम मोहोरकर, जिल्हा ग्रंथालय अधिकारी रत्नाकर नलावडे, अनिल बोरगमवार आदी उपस्थित होते. व्हाट्सअप युनिव्हर्सिटीच्या युगामध्ये ग्रंथवाचन, ग्रंथखरेदी किंवा प्रकाशक या संदर्भातील आस्था दिवसेंदिवस कमी होताना दिसत आहे, अशी खंत देखील त्यांनी व्यक्त केली.

    मच्छीमारांच्या आयुष्यात परिवर्तन आणणार – नितेश राणे

    आमदार श्री. मुनगंटीवार म्हणाले, ‘महाराष्ट्राच्या सांस्कृतिक धोरणांतर्गत चंद्रपूर जिल्ह्यात ग्रंथोत्सव, ग्रंथ प्रदर्शन व विक्रीचे आयोजन होत आहे. समाजावर दीर्घकालीन चांगले परिणाम करणारे जे विषय आहेत, त्यात ग्रंथ वाचन आणि प्रोत्साहन याचा देखील समावेश आहे. मी अर्थमंत्री असताना मुंबईतील एशियाटिक लायब्ररीला 15 कोटी रुपयांचा निधी न मागता उपलब्ध करुन दिला. (Importance of books in education)

    चंद्रपूर जिल्हा ग्रंथालयाचे बांधकाम आणि तत्सम कामासाठी 14 कोटी 90 लक्ष रुपये मंजूर केले. विदर्भातील उत्तम असे हे ग्रंथालय होऊन याठिकाणी चर्चा, चिंतन व विविध विषयावर मंथन होईल. ग्रंथोत्सवाच्या माध्यमातून या क्षेत्रामधील असणाऱ्या उणिवा आणि 21 व्या शतकातील आव्हाने निश्चितपणे लिहिल्या गेली पाहिजे.’

    या ग्रंथोत्सवाला मोठं रूप देण्याची आवश्यकता आहे. चांदा क्लब ग्राउंड येथे भव्य ग्रंथोत्सवाचे आयोजन होईल तेव्हा हजारो विद्यार्थी सहभागी होतील. पुस्तकांचे शेकडो दालन लागतील. लाखो पुस्तके विकल्या जाईल, तेव्हा खऱ्या अर्थाने ग्रंथोत्सवाचे उद्दिष्ट साध्य होईल, असेही ते म्हणाले. तत्पूर्वी, ग्रंथोत्सवाचे उद्घाटन ग्रंथालय चळवळीचे प्रणेते डॉ. एस.आर. रंगनाथन यांच्या प्रतिमेचे पूजन व दीपप्रज्वलनाने करण्यात आली.

  • Woman Empowerment Event | उत्सव नारीशक्तीचा कार्यक्रमात सैराट फेम रिंकू राजगुरू ठरली आकर्षण

    Woman Empowerment Event

    Woman Empowerment Event : आमदार किशोर जोरगेवार यांच्या पुढाकारातून भारतीय जनता पक्षाच्या महिला आघाडीच्या वतीने शनिवारी घुग्घूस येथील स्नेहप्रभा मंगल कार्यालयात “उत्सव नारिशक्तीचा” या कार्यक्रमाचे भव्य आयोजन करण्यात आले होते. सैराट फेम अभिनेत्री रिंकू राजगुरू (आर्ची) यांची उपस्थिती या कार्यक्रमाचे विशेष आकर्षण ठरली. घुग्घूस वासियांनी या कार्यक्रमाला भरघोस प्रतिसाद दिला.

                या कार्यक्रमात विविध सांस्कृतिक स्पर्धांचे आयोजन करण्यात आले होते. एकल नृत्य, युगल नृत्य आणि समूह नृत्य स्पर्धेत ५० हून अधिक गटांनी सहभाग घेतला होता. स्पर्धेतील सादरीकरणांनी उपस्थित प्रेक्षकांना मंत्रमुग्ध केले. सैराट फेम रिंकू राजगुरू हिच्या उपस्थितीमुळे संपूर्ण वातावरण अधिक रंगतदार झाले. (Cultural Festival for Women)

    मच्छीमारांच्या आयुष्यात परिवर्तन आणणार – नितेश राणे

    कार्यक्रमाच्या प्रारंभी दीपप्रज्वलन करून मान्यवरांच्या हस्ते उद्घाटन करण्यात आले. यावेळी आमदार किशोर जोरगेवार, कल्याणी किशोर जोरगेवार, विवेक बोडे, नितू चौधरी, सुचिता लुटे, शारदा दुर्गम, वैशाली ढवस, सुषमा सावे, कुसुम सातपुते, नंदा कांबळे, उषा आगदारी, नितू जयस्वाल, उज्वला उईके, वनिता निहाल, किरण बोंढे, निरीक्षण तांड्रा, संतोष नुने, संजय तिवारी, राजकुमार गोडशेलवाल, साजन गोहणे, सीनू इसारप, इमरान खान, स्वप्निल वाढई, मुन्ना लोढे, सुरज मोरपाका, अनिल बाम, राजेश मोरपाका, मयूर कलवल, सुनिता घिवे, जयश्री राजूरकर सिनल भरडकर आदी मान्यवर उपस्थित होते.  

      कार्यक्रमाला संबोधित करताना आमदार किशोर जोरगेवार म्हणाले की, “महिला सबलीकरण हे समाजाच्या प्रगतीसाठी अत्यंत महत्त्वाचे आहे. महिलांना संधी मिळाल्यास त्या कोणत्याही क्षेत्रात उत्कृष्ट कामगिरी करू शकतात. आजच्या या कार्यक्रमातून घुग्घूस शहरातील महिला कलावंतांना आपल्या कलागुणांचे सादरीकरण करण्यासाठी मोठे व्यासपीठ मिळाले आहे. महिलांनी आत्मनिर्भर होण्यासाठी शिक्षण, कला आणि सामाजिक कार्य यामध्ये पुढाकार घ्यावा. अशा प्रकारच्या सांस्कृतिक उपक्रमांमुळे समाजात सकारात्मक बदल घडतात. भविष्यातही अशाच प्रकारचे उपक्रम राबवून महिलांना संधी उपलब्ध करून दिली जाईल असे ते यावेळी म्हणाले. (Female Talent Showcase)                 

    समोर सैराट फेम रिंकू राजगुरू (आर्ची) या उत्तम अभिनेत्री आज उपस्थित आहेत. तिच्या संघर्षमय प्रवासातून आणि अभिनय कारकिर्दीतून तरुणींना प्रेरणा मिळेल. महिलांनी आत्मनिर्भर व्हावे, कला, शिक्षण आणि सामाजिक क्षेत्रात पुढे जावे, हीच या कार्यक्रमामागची संकल्पना आहे. या भागातील विकासकामांबरोबरच महिला शक्तीला प्रोत्साहित करणारे कार्यक्रम पूढेही आयोजित करणार असल्याचे यावेळी आमदार किशोर जोरगेवार यांनी सांगितले. (Dance Competition for Women)

     घूग्घूस वासीयांचा मिळालेला प्रतिसाद आजिवन स्मरणात राहिल. आमदार किशोर जोरगेवार यांनी अशा आयोजनातून महिलांना संधी उपलब्ध करुन दिली आहे. आपल्या शहरात आल्यावर उर्जावान घूग्घूसवासी पाहून आनंद झाला. आयोजन उत्तम असून आपल्या उपस्थितीने त्याची भव्यता आणखी वाढल्याचे यावेळी रिंकू राजपूत यांनी सांगीतले. यात एकल स्पर्धेत प्रिती झाडे, युगल नृत्य स्पर्धेत शोभा आणि विभा, तर सामुहिक नृत्य स्पर्धेत शेणगाव येथील नचले गृपने प्रथम पारितोषिक पटकावले. कार्यक्रम पाहण्यासाठी घुग्घूस वासीयांनी मोठ्या संख्येने उपस्थिती दर्शविली होती. 

  • Fisheries minister Nitesh Rane news | मच्छीमारांच्या आयुष्यात परिवर्तन आणणार – मंत्री नितेश राणे

    Fisheries minister Nitesh Rane news

    Fisheries minister Nitesh Rane news : खा-या पाण्यातील आणि गोड्या पाण्यातील मासेमारी व्यवसाय हा पूर्णत: वेगळा आहे. विदर्भात गोड्या पाण्यावर आधारीत मासेमारी व्यवसाय होत असून येथील मच्छिमारांच्या समस्यांची आपण गांभिर्याने दखल घेतली आहे. या खात्याचा मंत्री म्हणून येथील मच्छिमारांना आर्थिकदृष्ट्या सक्षम करणे व त्यांच्या आयुष्यात आमुलाग्र परिवर्तन आणणे, हेच आपले ध्येय आहे, असे मत राज्याचे मत्स्यव्यवसाय व बंदरे मंत्री नितेश राणे यांनी व्यक्त केले.

    चंद्रपुरात बायपास मार्गावर अपघात, एक ठार

    माजी मंत्री शोभाताई फडणवीस यांच्या पुढाकारातून पूर्व विदर्भातील मच्छिमारांच्या समस्यांबाबत नियोजन भवन येथे आयोजित आढावा बैठकीत मंत्री श्री. राणे बोलत होते. यावेळी मंचावर आमदार किशोर जोरगेवार, जिल्हाधिकारी विनय गौडा जी.सी., मुख्य कार्यकारी अधिकारी विवेक जॉन्सन, मनपा आयुक्त विपीन पालीवाल, मत्स्यव्यवसाय विभागाचे प्रादेशिक उपायुक्त सुनील जांभुळे, सहायक आयुक्त अविनाश नाखवा, शुभम कोमरीवार, मत्स्यव्यवसाय विकास अधिकारी दिनेश धोपे, श्री. केशवे आदी उपस्थित होते.

    मुख्यमंत्री देवेंद्र फडणवीस यांच्या सुचनेनुसार, गोड्या पाण्यावर आधारीत मच्छिमारांसाठी सक्षम धोरण राबविण्यात येणार आहे, असे सांगून मत्स्यव्यवसाय मंत्री श्री. राणे म्हणाले, मासळी उत्पादनात वाढ करणे आणि त्यातून मच्छिमारांच्या आयुष्यात परिवर्तन आणणे, ही माझी जबाबदारी आहे. मासेमारी व्यवसाय करणारे समाधानी आणि आर्थिक सक्षम असले पाहिजे, हेच आपल्या विभागाचे ध्येय आहे. सरकार म्हणून आम्ही मच्छिमारांच्या पाठीशी उभे आहोत, हे कृतीतून दाखविण्यासाठी दर 15 दिवसांतून याबाबत नियमित आढावा घेण्यात येईल. (Nitesh Rane fisheries policy)

    तलावातील अतिक्रमणबाबत मंत्री श्री. राणे म्हणाले, अतिक्रमण ठेवून मासळी उत्पादन वाढू शकत नाही. तलावात झालेल्या अतिक्रमणमुळे मच्छिमारांचे तसेच सरकारचेसुध्दा नुकसानच आहे. अतिक्रमण हटविणे हे प्राधान्य ठेवून पाटबंधारे तसेच जि.प. लघु पाटबंधारे विभागाने तलावातील अतिक्रमण काढण्यासाठी कालबध्द कार्यक्रम तयार करावा. यासाठी यंत्रणा कामाला लावा. मंत्रालयीन स्तरावर निधीसह आवश्यक ती मदत देण्यास आपण तयार आहोत. अतिक्रमण काढण्यासाठी आवश्यकता असल्यास पोलिस प्रशासनाचीसुध्दा मदत घ्यावी.

    तलावातील गाळ काढणे हा महत्वाचा विषय असून गाळामुळे मासळी उत्पादन कमी येते. त्यामुळे अतिक्रमण, गाळ व इतर अनुषंगीक विषयांबाबत जिल्हाधिकारी, मुख्य कार्यकारी अधिकारी, आयुक्त व संबंधित विभागाने एकत्रित समन्वयातून कालबध्द आराखडा तयार करावा. हा आराखडा त्वरीत मंत्रालयात पाठवावा. निधीची तरतूद करण्यास अडचण येऊ देणार नाही. राज्यातील मासळी उत्पादन वाढविण्यासाठी गोड्या पाण्यावर अवलंबून असलेल्या मच्छिमारांसाठी योग्य नियोजन करावे. कोल्डस्टोरेजची व्यवस्था करावी. तसेच महानगर पालिका स्तरावर व जिल्ह्यात तालुका,  ग्रामपंचायत स्तरावर मच्छिमारांना बसण्यासाठी एक जागा ठरवून द्यावी. (Fisheries development in Vidarbha)

    या विभागाचा मंत्री म्हणून दर 15 दिवसांनी याबाबत आढावा घेऊन मच्छिमारांचे समाधान करण्यात येईल. ही बाब विभागाच्या अधिका-यांनी गांभिर्याने घेऊन योग्य नियोजन करावे.  मच्छिमार कल्याण महामंडळात अधिका-यांपेक्षा मच्छिमार प्रतिनिधींची संख्या जास्त असावी, तसेच बचत गटांऐवजी मच्छिमारांनाच तलाव देण्यासाठी शासन स्तरावरून निर्णय घेण्यात येतील, असेही मंत्री नितेश राणे यांनी सांगितले. 

    मच्छिमारांच्या समस्या मांडतांना माजी मंत्री शोभाताई फडणवीस म्हणाल्या, पूर्व विदर्भातील सहा जिल्ह्यात गोड्या पाण्यावर आधारीत मासेमारी केली जाते. शेती आणि मालगुजारीकरीता येथे ब्रिटीशकालीन तलाव आहेत. या तलावांवर मोठ्या प्रमाणात अतिक्रमण झाले असून तलावांची अतिशय वाईट परिस्थिती आहे. जंगलव्याप्त क्षेत्रातसुध्दा अनेक तलाव असून तलावांचे खोलीकरण करण्यात आले नाही. (Fish farming in freshwater lakes)

    कागदावर आणि अस्तित्वात असलेल्या तलावांच्या संख्येत तफावत आहे. मासळी ठेवायला कोल्ड स्टोरेज नाही. शासनाकडून केवळ खा-या पाण्यातील मच्छिमारांचाच विचार केला जातो, गोड्या पाण्यातील मच्छिमारांकडे मात्र दुर्लक्ष होते. मच्छिमार कल्याण महामंडळ बरखास्त करावे किंवा या महामंडळात अधिका-यांपेक्षा मच्छिमार प्रतिनिधींची संख्या जास्त असावी. जि.प.चे तलाव बचत गटांना देऊ नये, अशा विविध मागण्या त्यांनी केल्या. (Vidarbha fishery industry growth)

    यावेळी प्रादेशिक उपायुक्त सुनील जांभुळे यांनी सादरीकरण केले. बैठकीला मत्स्यव्यवसाय करणा-या सहकारी संस्थांचे प्रतिनिधी तसेच मासेमारी करणारे मच्छिमार मोठ्या संख्येने उपस्थित होते.

  • Chandrapur accident | शहरातील बायपास मार्गावर भीषण अपघात

    Chandrapur accident

    Chandrapur accident : चंद्रपुरातील बायपास मार्गावर 2 फेब्रुवारीला दुपारी 2 वाजताच्या सुमारास चारचाकी वाहनाने दुचाकी वाहनाला जबर धडक दिल्याने दुचाकी चालकाचा जागीच मृत्यू झाला, अपघातानंतर कार चालक घटनस्थळावरून पसार झाला.

    राष्ट्रीय पर्यटन स्थळ म्हणून ताडोबा अंधारी व्याघ्रप्रकल्पाचा विकास करा – आमदार मुनगंटीवार

    दुचाकी वाहन क्रमांक MH34G 6197 हे चंद्रपूर वरून बल्लारपूर च्या दिशेने जात होते त्यावेळी जुनोना मार्गावरून चंद्रपूरच्या दिशेने निघाले होते मात्र चालकाने वाहन विरुद्ध दिशेने टाकले, अतिवेगात असलेल्या चारचाकी वाहनाने आधी मार्गावर उभ्या असलेल्या स्कुल बस ला धडक दिली.

    त्यानंतर अनियंत्रित कार दुचाकी ला धडकली, धडक इतकी जबर होती की दुचाकी चालक रस्त्याच्या कडेला पडला, या अपघातात दुचाकी चालक जागीच ठार झाला.
    कार चालक घटनास्थळावरून पसार झाला मृतकाचे नाव अद्याप कळू शकले नाही. (Chandrapur bypass crash)


    रामनगर पोलिसांना याबाबत माहिती मिळाल्यावर ते घटनास्थळी दाखल झाले, घटनेचा पंचनामा करीत मृतदेह उत्तरीय तपासणीसाठी रुग्णालयात पाठविण्यात आला.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by