My Blog

Blog

  • old pension scheme for teachers in Maharashtra | शिक्षकांसाठी आनंदाची बातमी! जुनी पेन्शन योजना लवकरच लागू होणार?

    old pension scheme for teachers in Maharashtra

    old pension scheme for teachers in Maharashtra : चंद्रपूर 20 मार्च (News३४) : जुनी निवृत्ती वेतन योजना लागू करण्याबाबत वित्त विभागाने दि. २ फेब्रुवारी २०२४ रोजी शासन निर्णय काढला. यावर शालेय शिक्षण विभागाने स्‍वतंत्र शासन निर्णय न काढल्याने शिक्षक – कर्मचाऱ्यांमध्ये नाराजीची भावना असल्याने तात्काळ शालेय शिक्षण विभागाने स्‍वतंत्र शासन निर्णय काढून शिक्षकांना जुनी पेन्शन योजना लागू करण्याची मागणी नागपूर विभाग शिक्षक मतदार संघाचे आमदार सुधाकर अडबाले यांनी शिक्षण मंत्री दादाजी भुसे यांच्याकडे निवेदनाद्वारे केली. old pension scheme latest news

    चंद्रपूर जिल्हा पर्यटनाच्या बाबतीत क्रांती करणार – आमदार जोरगेवार

    मुंबई येथे सुरु असलेल्या अर्थसंकल्पीय अधिवेशनादरम्यान शिक्षण मंत्री दादाजी भुसे साहेब यांची आमदार सुधाकर अडबाले यांनी भेट घेतली. यावेळी आयुक्त (शिक्षण) सचिंद्र प्रताप सिंह उपस्थित होते.

    दि. ०१.११.२००५ पूर्वी पदभरती जाहिरात/अधिसूचना निर्गमित झालेल्‍या प्रकरणी शासन सेवेत दि. ०१.११.२००५ रोजी किंवा त्‍यानंतर रूजू झालेल्‍या शासकीय अधिकारी / कर्मचारी यांना केंद्र शासनाच्या धर्तीवर जुनी निवृत्ती वेतन योजना लागू करण्यात आली आहे. परंतु, जिल्हा परिषद /  खासगी अनुदानित / अंशतः अनुदानित शाळेत कार्यरत शिक्षक – शिक्षकेत्तर कर्मचाऱ्यांना सदर शासन निर्णय लागू झालेला नाही. old pension scheme for government employees

    त्यामुळे वित्त विभागाने दि. २ फेब्रुवारी २०२४ रोजी काढलेल्‍या दि. ०१.११.२००५ पूर्वी पदभरती जाहिरात/अधिसूचना निर्गमित झालेल्‍या प्रकरणी शासन सेवेत दि. ०१.११.२००५ रोजी किंवा त्‍यानंतर रूजू झालेल्‍या शासकीय अधिकारी / कर्मचारी यांना केंद्र शासनाच्या धर्तीवर जुनी निवृत्ती वेतन योजना लागू करण्याबाबतचा शालेय शिक्षण विभागाने स्‍वतंत्र शासन निर्णय काढण्याबाबत आमदार सुधाकर अडबाले यांनी शिक्षण मंत्री दादाजी भुसे यांना निवेदन दिले. teacher pension scheme update

    तसेच नगर परिषद भंडारा येथील बऱ्याच वर्षांपासून संच मान्यता दुरुस्ती प्रकरण व विदर्भातील ज्या संच मान्यता दुरुस्ती प्रकरणे प्रलंबित आहेत, त्या तात्काळ दुरुस्ती करण्याबाबत आमदार सुधाकर अडबाले यांनी आयुक्त (शिक्षण) सचिंद्र प्रताप सिंह यांच्याशी सकारात्मक चर्चा केली.

  • Mahakali temple Chandrapur festival । “गर्दी नियंत्रणासाठी प्रशासनाचा नवा प्लॅन – महाकाली यात्रेकरिता विशेष नियोजन”

    Mahakali temple Chandrapur festival

    Mahakali temple Chandrapur festival : चंद्रपूरचे आराध्य दैवत असलेली माता महाकाली यात्रा महोत्सव 3 एप्रिलपासून सुरू होत आहे. सदर यात्रा 3 ते 15 एप्रिलपर्यंत राहणार आहे. या दरम्यान विविध जिल्ह्यातून तसेच इतरही राज्यातून मोठ्या प्रमाणात भाविक येत असल्यामुळे त्यांना देण्यात येणा-या सोयीसुविधांबाबत जिल्हाधिकारी विनय गौडा जी.सी. यांनी संबंधित यंत्रणेचा आढावा घेतला. 

    चंद्रपुरातील ८०० नागरिक अयोध्येला रवाना

    जिल्हाधिकारी कार्यालयात झालेल्या या बैठकीला जिल्हा पोलिस अधिक्षक मुम्मका सुदर्शन, अतिरिक्त पोलिस अधिक्षक रिना जनबंधू, मनपा आयुक्त विपीन पालीवाल, अतिरिक्त आयुक्त चंदन पाटील, उपविभागीय अधिकारी संजय पवार, तहसीलदार विजय पवार, महाकाली मंदीर विश्वस्त मंडळाचे सुनील महाकाळे, मुख्य पुजारी गजाननराव चन्ने आदी उपस्थित होते.

    यावेळी जिल्हाधिकारी श्री. गौडा म्हणाले, महाकाली यात्रेकरीता चंद्रपुरात मोठ्या प्रमाणात भाविक येतात. त्यामुळे त्यांना मंदीर प्रशासन आणि जिल्हा प्रशासनाकडून देण्यात येणा-या सोयीसुविधा चांगल्या असायला पाहिजे. गर्दीचे योग्य नियोजन करून बस गाड्यांची पार्किंग व्यवस्था उत्तम ठेवावी. बाहेर जिल्ह्यातून येणा-या बसेसची संख्या किती राहील, सदर बसेस कोणत्या जिल्ह्यातून येतील, त्यांची पार्किंग कुठे केली जाईल, आदी बाबींचे योग्य नियोजन करावे. तसेच मंदीर परिसरात जाणारा मार्ग व इतर अनुषंगीक बाबी नागरिकांना क्यूआर कोडच्या माध्यमातून उपलब्ध करून देता येईल का, याबाबतही विचार करावा. कॉल सेंटर, पोलिस चौकी, अग्निशमन व्यवस्था 24 बाय 7 उपलब्ध ठेवावी. Facilities at Mahakali temple Chandrapur

    उन्हाळ्याचे दिवस असल्यामुळे भाविकांसाठी पिण्याचे पाणी उपलब्ध करून द्यावे. तसेच मंदीर परिसरात असलेल्या नदीची स्वच्छता, तेथे पाण्याची उपलब्धता ठेवावी. मंदीर परिसरात विद्युत व्यवस्था, सीसीटीव्ही कॅमेरे अखंडीत सुरू असले पाहिजे. जेणेकरून कोणतीही अप्रिय घटना घडणार नाही. तसेच येणा-या भाविकांची नोंदणी करणे शक्य असेल तर त्यांची नावे, मोबाईल क्रमांक नमुद करावा. महानगर प्रशासन, पोलिस विभाग, वाहतूक शाखा तसेच उपविभागीय अधिकारी व तहसीलदार आणि संबंधित यंत्रणेच्या अधिका-यांनी तात्काळ मंदीर परिसराची पाहणी करावी, अशा सुचना जिल्हाधिकारी विनय गौडा यांनी दिल्या.

  • Mukhyamantri Tirth Darshan Yojana Mahiti । रामलल्लाच्या दर्शनासाठी चंद्रपूरचे 800 ज्येष्ठ नागरिक रवाना

    Mukhyamantri Tirth Darshan Yojana Mahiti

    Mukhyamantri Tirth Darshan Yojana Mahiti : जेष्ठ भाविक नागरिकांना, राज्य तसेच देशातील प्रसिध्द तीर्थक्षेत्राचे दर्शन व्हावे, या उद्देशाने राज्य सरकारने मुख्यमंत्री तीर्थदर्शन योजना सुरू केली आहे. या योजनेअंतर्गत चंद्रपूर जिल्ह्यातील 800 भाविकांना घेऊन विशेष ट्रेन अयोध्येकरीता आज (दि.19) रवाना करण्यात आली. चंद्रपूर रेल्वे स्थानकावर जिल्हाधिकारी विनय गौडा जी.सी. यांच्या प्रमुख उपस्थितीत भाविकांना शुभेच्छा देऊन सदर ट्रेन मार्गस्थ झाली. राज्य शासनाच्या आर्थिक सहाय्यातून चंद्रपूर जिल्ह्यातील 800 भाविकांना अयोध्येतील रामलल्लाचे दर्शन घेता येणार आहे. Ayodhya Ram Mandir Tirth Darshan

    चंद्रपूर जिल्हा पर्यटनाच्या बाबतीत क्रांती घडविणार – आमदार किशोर जोरगेवार

    राज्यातील सर्व धर्मीयांमधील 60 वर्ष व त्यावरील जेष्ठ नागरिकांना तीर्थक्षेत्री जाण्याची सुप्त इच्छा असते, परंतु गोरगरीब, सर्वसामान्य कुटुंबातील जेष्ठ नागरिक त्यांच्या आर्थिक परिस्थितीमुळे आणि पुरेशी माहिती नसल्याने तीर्थक्षेत्राच्या दर्शनाला जाऊ शकत  नाही. ही बाब विचारात घेऊन सर्वसामान्य जेष्ठ नागरिकांना देशातील मोठ्या तीर्थस्थळी जाऊन मन:शांती तसेच अध्यात्मिकतेचे दर्शन व्हावे, यासाठी राज्य आणि भारतातील तीर्थक्षेत्रांना मोफत भेटीची /दर्शनाची संधी देण्यासाठी ‘मुख्यमंत्री तीर्थ दर्शन योजना’ सुरू करण्यात आली आहे. Chandrapur Tirth Darshan Yojana Labharthi Yadi

    त्या अनुषंगाने चंद्रपूर जिल्ह्यातील एकूण 800 लाभार्थी श्रीराम मंदिर (अयोध्या) करिता पात्र करण्यात आले. 19 ते 23 मार्च या कालावधीत सामाजिक न्याय विभागाच्या वतीने सदर यात्रा पार पडणार आहे. 19 मार्च रोजी चंद्रपूर रेल्वे स्थानाकावरुन यात्रेकरूंना घेऊन सदर रेल्वे 20 मार्च रोजी श्रीराम मंदीर अयोध्या येथे पाहोचणार आहे. 21 मार्च  रोजी सांयकाळी अयोध्या रेल्वे स्थानकावरुन निघून 23 मार्च रोजी चंद्रपूर येथे पोहोचणार आहे.

    भाविकांना शुभेच्छा देतांना जिल्हाधिकारी विनय गौडा जी.सी. म्हणाले, मुख्यमंत्री तीर्थदर्शन योजनेंतर्गत चंद्रपूर जिल्ह्यातून आज 800 लोक अयोध्येला रवाना होत आहे. भाविकांसाठी ही शासनाची महत्वाकांक्षी योजना असून जिल्ह्यातील नागरिकांना रामलल्लाच्या दर्शनाची संधी मिळाली आहे. Mofat Tirth Yatra Yojana Maharashtra

    यावेळी पोलिस अधिक्षक मुम्मका सुदर्शन, उपविभागीय अधिकारी संजय पवार, नागपूर येथील सामाजिक न्याय विभागाचे उपायुक्त सिध्दार्थ गायकवाड, सहायक आयुक्त (समाजकल्याण) विनोद मोहतुरे, तहसीलदार विजय पवार, समाजकल्याण विभागाचे दीपक धात्रक, स्मिता बैरमवार, सचिन फुलझेले आदी उपस्थित होते.तत्पुर्वी सामाजिक न्याय विभागाच्या वतीने चंद्रपूर रेल्वे स्थानकावर प्रवाशांना ओळखपत्र देऊन त्यांचे स्वातग करण्यात आले.

    गत महिन्यात 5 ते 9 फेब्रुवारी 2025 या कालावधीत बौध्दगया येथे तीर्थदर्शनाचे नियोजन करण्यात आले होते. यात जिल्ह्यातील 203 पात्र लाभार्थ्यांनी महाबोधी मंदीर (बौद्धगया) येथे दर्शन घेतले होते.

  • Chandrapur tourist places । “चंद्रपूर जिल्हा बनेल देशातील नवा पर्यटन केंद्र?”

    Chandrapur tourist places

    आमदार किशोर जोरगेवार यांची अधिवेशनात मागणी

    Chandrapur tourist places : पर्यटन हा सर्वाधिक रोजगार निर्माण करणारा घटक असून, चंद्रपूर जिल्ह्यात पर्यटनाच्या अपार संधी उपलब्ध आहेत. हा जिल्हा देशाच्या मध्यभागी स्थित असून, कोणत्याही नैसर्गिक आपत्तीचा धोका नाही. येथे वन, ऐतिहासिक, धार्मिक आणि औद्योगिक पर्यटनाचा मोठा वाव आहे. त्यामुळे संबंधित सर्व विभागांची एकत्रित बैठक घेऊन चंद्रपूर जिल्ह्याचा विकास पर्यटनदृष्ट्या करत चंद्रपूर जिल्ह्याला देशातील पर्यटनाच्या नकाशावर आणा अशी मागणी आमदार किशोर जोरगेवार यांनी अधिवेशनात केली. Chandrapur travel guide

    चंद्रपूर मेडिकल कॉलेज परिसरात भीषण आग

    मुंबई येथे सुरू असलेल्या अर्थसंकल्पीय अधिवेशनात आमदार किशोर जोरगेवार यांनी चंद्रपूर जिल्ह्याला पर्यटन हब बनविण्याची मागणी लावून धरली. त्यांनी अधिवेशनात बोलताना सांगितले की, चंद्रपूर जिल्ह्याला ऐतिहासिक वारसा लाभला आहे. येथे पाचशे वर्षे जुने महाकाली मंदिर आहे. या मंदिराच्या विकासासाठी २५० कोटी रुपयांचा निधी मंजूर करण्यात आला असला तरी विकास आराखड्याला मंजुरी मिळालेली नाही. त्यामुळे हे काम त्वरित पूर्ण व्हावे. Chandrapur sightseeing

    ताडोबा अभयारण्यात दरवर्षी लाखो पर्यटक भेट देतात. मात्र, त्यांना जिल्ह्यातील इतर पर्यटनस्थळांकडे आकर्षित करण्यासाठी विशेष प्रयत्न आवश्यक आहेत. चंद्रपूर येथे टायगर सफारीसाठी २८७ कोटी रुपये मंजूर करण्यात आले असून, ४०० एकर जागेवर ही सफारी सुरू केली जाणार आहे. हे काम त्वरित सुरू करावे, अशी मागणीही त्यांनी केली. चंद्रपूर येथील पवित्र दीक्षाभूमीसाठी १०० कोटी रुपयांची मागणी करण्यात आली होती. त्यातील ५६ कोटी ९० लाख रुपयांचा निधी मंजूर झाला आहे. उर्वरित निधी तातडीने उपलब्ध करून देण्यात यावा, अशी मागणी त्यांनी सभागृहात केली. 

    चंद्रपूर हा औद्योगिकदृष्ट्या महत्त्वाचा जिल्हा आहे. येथे वीज निर्मिती केंद्रे, सिमेंट उद्योग, कागद कारखाने आणि कोळसा खाणी आहेत. औद्योगिक पर्यटनाच्या दृष्टीने या सर्व सुविधांचा विकास करून, बंद पडलेल्या वेकोलीच्या भूमिगत खाणी पर्यटनासाठी खुल्या कराव्यात, अशी मागणीही आमदार किशोर जोरगेवार यांनी केली. पर्यटनविकासाला चालना देण्यासाठी ठोस उपाययोजना करण्यात याव्यात आणि चंद्रपूर जिल्ह्याला देशाच्या पर्यटन नकाशावर स्थान मिळवून द्यावे, अशी मागणी आमदार किशोर जोरगेवार यांनी अधिवेशनात जोरदारपणे मांडली आहे.

  • Chandrapur Government Medical College fire | चंद्रपूरच्या वैद्यकीय महाविद्यालय परिसरात भीषण आग

    Chandrapur Government Medical College fire

    Chandrapur Government Medical College fire : चंद्रपूर: शहरातील नवनिर्मित शासकीय वैद्यकीय महाविद्यालय व रुग्णालय परिसरात असलेल्या शापुरजी पालोनजी अँड कंपनीच्या स्टोअरमध्ये बुधवारी दुपारी अचानक भीषण आग लागल्याने परिसरात मोठी खळबळ उडाली. दुपारी सुमारे तीन वाजताच्या सुमारास लागलेल्या या आगीची माहिती मिळताच, संबंधित अधिकाऱ्यांनी तातडीने महानगरपालिका अग्निशमन विभागाला पाचारण केले.

    PM किसान योजना आता धोक्याची

    अग्निशमन विभागाची दोन वाहने तात्काळ घटनास्थळी दाखल झाली आणि जवानांनी आग आटोक्यात आणण्यासाठी शर्थीचे प्रयत्न सुरू केले. मात्र, आग वेगाने पसरत असल्याने अग्निशमन कर्मचाऱ्यांना मोठी कसरत करावी लागली. Shapoorji Pallonji Company fire Chandrapur

    सुदैवाने या घटनेत कोणतीही जीवितहानी झालेली नाही. मात्र, या आगीत कंपनीच्या स्टोअरमधील लाखोंच्या मालसामानाचे मोठे नुकसान झाले आहे. आग कशामुळे लागली, याचे कारण अद्याप स्पष्ट झालेले नसून, याबाबत अधिक तपास सुरू आहे.

  • Gondwana University Chandrapur Sub-Center | सुधीर मुनगंटीवारांचा दमदार पाठपुरावा, चंद्रपूरला मिळाले विद्यापीठ उपकेंद्र

    Gondwana University Chandrapur Sub-Center

    Gondwana University Chandrapur Sub-Center : राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांच्या दमदार पाठपुराव्यामुळे गोंडवाना विद्यापीठाच्या चंद्रपूर जिल्ह्यातील उपकेंद्रासाठी राज्य सरकारने ऐतिहासिक निर्णय जाहीर केला आहे. आमदार श्री. मुनगंटीवार यांनी विधानसभेत उपस्थित केलेल्या महत्त्वाच्या चर्चेवर उत्तर देताना राज्याचे उच्च व तंत्र शिक्षण मंत्री श्री. चंद्रकांतदादा पाटील यांनी विद्यापीठासाठी ४१४ कोटी ७४ लाख रुपयांचा निधी जाहीर केला. Chandrapur university sub-center funding

    PM किसान योजना धोक्याचा इशारा, वाचा ही बातमी

    गडचिरोली येथील गोंडवाना विद्यापीठाचे उपकेंद्र चंद्रपूर जिल्ह्यामध्ये स्थापन करण्याच्या संदर्भात आ. श्री. मुनगंटीवार यांनी विधानसभेत चर्चा उपस्थित केली. आ. श्री. मुनगंटीवार म्हणाले, ‘३० मार्च २००७ ला गोंडवाना विद्यापीठाच्या निर्मितीचा ठराव मांडला होता. त्याचा सातत्याने पाठपुरावा केल्यानंतर २०११ मध्ये गडचिरोली येथे विद्यापीठाच्या निर्मीतीचा मार्ग मोकळा झाला. त्याच्या काही वर्षांनंतर चंद्रपूर जिल्ह्यात गोंडवाना विद्यापीठाचे उपकेंद्र स्थापन करण्याचा प्रस्ताव मांडण्यात आला.’

    उच्च व तंत्र शिक्षण विभागाने १ जून २०२३ अन्वये विद्यापीठाचे उपकेंद्र  स्थापन करण्याच्या दृष्टीने गोंडवाना विद्यापीठाला मान्यता दिली. या उपकेंद्रासाठी ८.५ एकर जागा जिल्हाधिकाऱ्यांकडून मंजूर करून घेण्यात आली. विद्यापीठाला जमीन देण्याची तातडीने व्यवस्था केली. ३० मे २०२४ ला व्यवस्थापन परिषद आणि इमारत बांधकाम समितीनेही मान्यता प्रदान केली,’ अशी माहिती आ. श्री. मुनगंटीवार यांनी सभागृहाला दिली. Gondwana University Chandrapur expansion

    विद्यापीठाच्या उपकेंद्रासंदर्भात पाठविलेल्या प्रस्तावाविषयी आ. श्री. मुनगंटीवार म्हणाले, ‘४१४ कोटी ७४ लाख रुपयांचा उपकेंद्र स्थापन करण्याचा प्रस्ताव उच्च व तंत्र शिक्षण विभागाकडे पाठविण्यात आला आहे. हा प्रस्ताव सादर केल्यानंतर आतापर्यंत प्रशासकीय मान्यता आणि निधी मिळालेला नाही.’ आज पुन्हा एकदा उपकेंद्राचा प्रस्ताव मांडताना शासनाने तातडीने निधी उपलब्ध करून द्यावा, अशी मागणी आ. श्री. मुनगंटीवार यांनी केली. Sudhir Mungantiwar education initiatives

    निधी मंजूर करण्याची घोषणा
    राज्याचे उच्च व तंत्र शिक्षण मंत्री श्री. चंद्रकांतदादा पाटील यांनी आ. श्री. मुनगंटीवार यांच्या मागणीला सकारात्मक उत्तर दिले. ते म्हणाले, ‘गोंडवाना विद्यापीठाचे चंद्रपूर जिल्ह्यातील उपकेंद्र होणार आहे. त्यासाठी लागणारा निधी जुलैमध्ये पुरवणी मागण्यांमध्ये मंजूर केला जाणार आहे. यासंदर्भात गोंडवाना विद्यापीठाला स्वनिधीतून खर्च करण्याच्या सूचना देण्यात येणार आहेत.’ आ. श्री. मुनगंटीवार यांनी केलेली मागणी अगदी योग्य आहे. चंद्रपूर जिल्ह्यातील शिक्षण क्षेत्राला या विद्यापीठाच्या उपकेंद्रामुळे नवी दिशा मिळणार आहे, असा विश्वासही ना .चंद्रकांत पाटील यांनी व्यक्त केला.

  • construction equipment distribution policies | तालुका स्तरावरच बांधकाम साहित्य वाटप करा; अन्यथा आंदोलन – मिनलताई आत्राम यांचा इशारा

    construction equipment distribution policies

    construction equipment distribution policies : भद्रावती: महाराष्ट्र शासनाच्या योजनेंतर्गत नोंदणी केलेल्या बांधकाम कामगारांना सुरक्षा व आवश्यक साहित्याचे वितरण करण्यात येते. सध्या हे साहित्य चंद्रपूर जिल्ह्यात एमआयडीसी केंद्रातून वाटप केले जात आहे. मात्र, ऑनलाईन पोर्टलच्या तांत्रिक अडचणीमुळे मागील काही दिवसांपासून हे साहित्य मिळणे बंद आहे. त्यामुळे मजूर व कामगारांना नाहक त्रास सहन करावा लागत आहे. construction safety equipment suppliers

    चंद्रपुरात तापमानाचा पारा वाढतोय, प्रशासनाने सुचविले उपाय

    यासंदर्भात शिवसेना जिल्हाप्रमुख सौ. मिनलताई आत्राम यांनी सहाय्यक कामगार आयुक्तांना निवेदन देत इशारा दिला की, बांधकाम साहित्याचे वाटप प्रत्येक तालुक्याच्या स्तरावर करण्यात यावे, अन्यथा आंदोलन छेडले जाईल.

    कामगारांचे हाल, प्रशासनाचा हलगर्जीपणा

    कामगारांना साहित्य वाटपासाठी अनेकदा एमआयडीसीमध्ये बोलावले जाते, मात्र नियोजित तारखेलाही साहित्य मिळत नाही. परिणामी, मजूर दोन-दोन दिवस तिथेच थांबतात. याठिकाणी पिण्याच्या पाण्याचीही व्यवस्था नाही. यामुळे कामगारांचे मोठे हाल होत आहेत. अधिकारी वर्गाच्या मनमानीमुळे हा प्रकार वारंवार घडत असल्याचा आरोप करण्यात आला आहे.

    तालुका स्तरावरच वाटप करण्याची मागणी

    चंद्रपूर जिल्ह्यातील सर्व मजूर एमआयडीसी केंद्रावर येऊन साहित्य घेतात. मात्र, साहित्य उपलब्ध नसल्याने निराश होऊन परतावे लागते. यामुळे त्यांचा रोजगार बुडतो आणि आर्थिक नुकसान होते. जर प्रत्येक तालुक्यातच बांधकाम साहित्याचे वाटप केले गेले, तर मजुरांना मोठा दिलासा मिळेल.

    तातडीने उपाययोजना न झाल्यास आंदोलन

    या संदर्भात मा. उपमुख्यमंत्री एकनाथ शिंदे, तसेच जिल्हाधिकारी, चंद्रपूर यांनाही निवेदन देण्यात आले आहे. संबंधित अधिकाऱ्यांनी या गंभीर परिस्थितीची तातडीने दखल घ्यावी आणि त्वरित उपाययोजना कराव्यात, अन्यथा तीव्र आंदोलन छेडण्यात येईल, असा इशारा शिवसेना जिल्हाप्रमुख सौ. मिनलताई आत्राम यांनी दिला आहे.

  • Heat wave information । उन्हाळ्यात तुम्ही काय काळजी घेत आहात?

    Heat wave information

    Heat wave information. : चंद्रपूर जिल्ह्यात तापमानाचा पारा दिवसेंदिवस वाढत आहे. सद्यस्थितीत 40 अंशपार तापमान गेले असून येणा-या काही दिवसात यात वाढ होण्याची शक्यता आहे. त्यामुळे नागरिकांनी आरोग्याच्या दृष्टीने उष्माघाताच्या लाटेपासून आपले व कुटुंबियांचे संरक्षण करावे, असे आवाहन जिल्हाधिकारी विनय गौडा जी.सी. यांनी केले आहे. heatwave

    जिल्हाधिकारी कार्यालयात उष्माघात कृती आराखड्यासंदर्भात आयोजित बैठकीत ते बोलत होते. यावेळी पोलिस अधिक्षक मुम्मका सुदर्शन, आयुक्त विपीन पालीवाल, उपविभागीय अधिकारी संजय पवार, अपर अधिक्षक रिना जनबंधू, तहसीलदार विजय पवार, जिल्हा शल्य चिकित्सक डॉ. महादेव चिंचोळे, अतिरिक्त जिल्हा आरोग्य अधिकारी डॉ. अविष्कार खंडाते आदी उपस्थित होते.

    विधानसभेत चंद्रपूर जिल्ह्यातील प्रदूषणाचा मुद्दा गाजला

    उष्ण लाटेमध्ये नागरिकांनी काय काळजी घ्यावी, त्याबाबत आरोग्य विभागाने जनजागृती करावी. शाळा, महाविद्यालये, गर्दीचे ठिकाण आदी ठिकाणी नियमितपणे नागरिकांना याबाबत अवगत करावे. तसेच लहान मुले, वयोवृध्द नागरिक यांनी विशेष काळजी घेणे आवश्यक आहे. दुपारच्या उन्हात कुणीही बाहेर जाण्याचे शक्यतो टाळावे. तसेच प्रशासनामार्फत येणा-या सुचनांचे पालन करावे, अशा सुचना जिल्हाधिकारी श्री. गौडा यांनी दिल्या. Heatwave safety tips for elderly

    नागरिकांनी उष्ण लाटेपासून बचाव होण्याच्या दृष्टीने घ्यावयाची दक्षता :

    काय करावे : पुरेसे पाणी प्या, शरीरातील पाण्याची पातळी योग्य राखा. घराबाहेर पडतांना डोके झाकण्यासाठी टोपी, रुमाल किंवा छत्रीचा वापर करावा. दुपारी 12 ते 4 वाजेदरम्यान घराबाहेर जाणे टाळावे. थेट येणाऱ्या सुर्यप्रकाशाला/उन्हाला अडविण्याकरिता घरातील पडद्यांचा वापर करावा. उष्णतेच्या लाटेच्या माहितीसाठी रेडिओ, टिव्ही, किंवा वर्तमानपत्रातील माहितीचा वापर करण्यात यावा. हलकी, पातळ व सच्छिद्र सुती कपडे वापरावेत. Heatwave first aid tips

    काय करू नये : उन्हात अतिकष्टाची कामे करु नये. दारु, चहा, कॉफी आणि कार्बोनेटेड थंड पेये घेऊ नये. दुपारी 12 ते 4 च्या दरम्यान घराबाहेर जाणे टाळावे. उच्च प्रथिनयुक्त आणि शिळे अन्न खाऊ नये. लहान मुले किंवा पाळीव प्राण्यांना बंद असलेल्या व पार्क केलेल्या वाहनात ठेवू नये. गडद, घट्ट व जाड कपडे घालण्याचे टाळावे. बाहेर तापमान जास्त असल्यास शारीरिक श्रमाची कामे टाळावी. उन्हाच्या कालावधीत स्वयंपाक करण्याचे टाळावे, तसेच मोकळया हवेसाठी स्वयंपाक घराची दारे व खिडक्या उघडी ठेवण्यात यावी. चप्पल न घालता अनवाणी उन्हात चालू नये.

  • PM Kisan scam alert । पीएम किसान: शेतकऱ्यांसाठी धोक्याचा इशारा!

    PM Kisan scam alert

    PM Kisan scam alert : पंतप्रधान किसान सन्मान निधी योजना कृषी विभागामार्फत राबविण्यात येत आहे.  या योजनेसंदर्भात शेतकऱ्यांच्या मोबाईलवर पीएम किसान यादी किंवा पीएम किसान ॲप (एपीके फाईल) या मॅसेजची लिंक उघडताच शेतकऱ्यांच्या बँक खात्यात असलेली रक्कम चोरटे परस्पर काढून घेत असल्याचे निदर्शनास आले आहे. त्यामुळे शेतकऱ्यांनी अशा फसव्या पीएम किसान ॲप्लिकेशनपासून सावध राहावे. PM Kisan APK fraud

    आमदार सुधाकर अडबाले यांचा ओमॅट कंपनीला दणका

    शेतकऱ्यांनी मोबाइलवर पीएम किसान यादी किंवा पीएम किसान ॲप (एपीके फाईल)  या संदेशाची लिंक उघडू नये किंवा सदर लिंकचा वापर शेतकऱ्यांनी करू नये. अशी काही घटना घडल्यास किंवा आढळून आल्यास   त्वरित जवळच्या संबंधित सायबर पोलिसांकडे तक्रार नोंदवावी. PM Kisan cyber crime

    चोरट्यांनी एपीके (ॲड्राईड पॅकेज किट)  लिंक पाठवत ती उघडणाऱ्यांच्या बॅंक खात्यावरील रक्कम  लंपास करण्यास सुरुवात  केली आहे. याचा फटका शेतकऱ्यांना बसत आहे. अशी फसवी लिंक ओळखून त्यापासून सावध राहावे. मोबाईलवर “पीएम किसान लिस्ट एपीके”( PM Kisan List APK)   किंवा  ‘पीएम किसान एपीके’ (PM Kisan  APK) अशा लिंक येत आहेत. चोरटे अशा लिंक मुद्दामहून शेतकऱ्यांच्या विविध  ग्रुपवर पाठवत आहेत. परिणामी फोन हॅकिंग, माहितीची आणि आर्थिक फसवणूक करण्याचे आल्याचे प्रकार समोर आले आहेत. त्यामुळे शेतक-यांनी दक्ष रहावे, असे आवाहन चंद्रपुरचे तालुका कृषी अधिकारी अनिकेत माने यांनी केले आहे. PM Kisan bank account theft

  • Air and water pollution in Chandrapur । विधानसभेत प्रदूषणाचा मुद्दा गाजला – आ. मुनगंटीवार यांच्या अर्जामुळे सरकारवर दबाव

    Air and water pollution in Chandrapur

    Air and water pollution in Chandrapur : चंद्रपूर जिल्ह्यातील वेस्टर्न कोलफिल्ड्स लि. च्या कोळसा खाणीमुळे तसेच जिल्ह्यातील उद्योगांमुळे होणाऱ्या जल व वायू प्रदूषणाच्या समस्ये संदर्भात जिल्ह्यातील ज्येष्ठ लोकप्रतिनिधी आ. सुधीर मुनगंटीवार यांनी ब्रम्हास्त्र  उपसले आहे. विधानसभेतील विविध संसदीय आयुधांमध्ये सर्वात महत्वाचे अर्थात ब्रम्हास्त्रसमजले जाणारे आयुध म्हणजे विधानसभा विनंती अर्ज. Chandrapur coal mine pollution

    विधानसभा अधिवेशनात आमदार जोरगेवार यांनी वाचला आरटीओच्या भ्रष्टाचाराचा पाढा

    चंद्रपूर जिल्ह्यातील वेस्टर्न कोलफिल्ड्स लि. च्या कोळसा खाणीमुळे तसेच जिल्ह्यातील उद्योगांमुळे होणाऱ्या जल व वायू प्रदूषणावर प्रतिबंध घालण्या बाबत चा नागरिकांचा विनंती अर्ज आ. सुधीर मुनगंटीवार यांनी विधानसभा अध्यक्ष राहुल नार्वेकर यांच्या कडे सादर केला, अध्यक्षानी हा विनंती अर्ज स्वीकृत केला असून आज आ मुनगंटीवार यांनी सदर विनंती अर्ज विधानसभा गृहात सादर केला. सदर विनंती अर्ज विधानसभा विनंती अर्ज समिती कडे पुढील कार्यवाही साठी पाठविण्यात येणार असल्याचे विधानसभा अध्यक्ष राहुल नार्वेकर यांनी सांगितले. Chandrapur coal mine pollution

    गेल्या पंधरा वर्षात विधानसभा विनंती अर्ज या संसदीय आयुधाचा वापर जिल्ह्यात कोणत्याही लोकप्रतिनिधीने केलेला नाही. आ सुधीर मुनगंटीवार यांच्या माध्यमातून प्रदूषणाच्या विळख्यात सापडलेल्या चंद्रपूर जिल्ह्यातील नागरिकांना आशेचा किरण गवसला आहे.

    या पुढील काळात विधानसभा विनंती अर्ज समिती सचिवांची साक्ष, निवेदक नागरिकांची मते जाणून घेत समस्येचे गांभीर्य जाणून घेईल . त्यानंतर समितीचे प्रमुख व सर्व सदस्य जिल्ह्याचा दौरा करून प्रदूषणाचा पाहणी दौरा करेल. त्यानंतर विधानसभा विनंती  अर्ज समिती विधानसभागृहाला शिफारशिंसह आपला अहवाल सादर करेल. त्या माध्यमातून या समस्ये संदर्भात राज्य शासन उपाययोजना करेल. Environmental issues in Chandrapur

    या मार्गाने जिल्ह्यातील जल व वायू प्रदूषणाच्या समस्येबाबत उपाय योजनेची दिशा निश्चित होणार आहे. आ. सुधीर मुनगंटीवार यांच्या पुढाकाराने जिल्ह्यातील प्रदूषणग्रस्त नागरिकांच्या आशा पल्लवीत झाल्या आहेत.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by