My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Chandrapur Road Safety Initiative | चंद्रपूरमध्ये वाढत्या अपघातांवर उपाय; रस्त्यांवर ‘कन्वेक्स मिरर’ बसवण्याची धानोरकरांची मागणी

    Chandrapur Road Safety Initiative

    Chandrapur Road Safety Initiative : चंद्रपूर 13 ऑक्टोबर (News34 वृत्तसेवा) : चंद्रपूर शहर महानगरपालिका (मनपा) क्षेत्रातील अपघातांवर नियंत्रण मिळवण्यासाठी खासदार प्रतिभा धानोरकर यांनी जिल्हाधिकारी तथा रस्ता सुरक्षा समितीचे  सचिव यांच्याकडे आक्रमक भूमिका घेत तातडीच्या उपाययोजनांची मागणी केली आहे. विशेषतः ‘ब्लॅक स्पॉट’ आणि अंध वळणांवर दृश्यमानता वाढवण्यासाठी त्यांनी परावर्तक रोड स्टड्स सोबतच ‘कन्वेक्स मिरर’ तातडीने बसवण्याची मागणी केली आहे.

    Also Read : दीक्षाभूमीवर राजकीय भाषण नकोचं

    शहरवासीयांच्या सुरक्षिततेला सर्वोच्च प्राधान्य देत, खासदार प्रतिभा धानोरकर यांनी रस्ते अपघात रोखण्यासाठी प्रमुख कामांना तातडीने मंजुरी देऊन त्यांची अंमलबजावणी त्वरित सुरू करण्याची अपेक्षा व्यक्त केली आहे.

    तातडीने कन्व्हेक्स मिरर बसवा

    शहरातील मुख्य चौक, अरुंद वळण मार्ग आणि वारंवार अपघात होणाऱ्या ‘ब्लॅक स्पॉट’वर वाहनचालकांना बाजूने येणारे वाहन स्पष्टपणे दिसावे यासाठी तातडीने कन्वेक्स मिरर बसवावेत. हे आरसे ‘ब्लाइंड स्पॉट्स’वरील दृश्यमानता वाढवून संभाव्य मोठे अपघात टाळण्यास मदत करतील. याच ठिकाणी परावर्तक रोड स्टड्स बसवून रात्रीच्या वेळी रस्त्याच्या कडेचा अंदाज स्पष्ट होईल, त्यासोबतच शहरातील मुख्य रस्त्यांवरील झेब्रा क्रॉसिंग, लेन मार्किंग व थांबा रेषा रात्रीच्या वेळी अतिशय स्पष्टपणे दिसाव्यात यासाठी थर्मोप्लास्टिक पेंटचा वापर करून नवीन मार्किंग करावे. यामुळे वाहनचालकांना रहदारीच्या नियमांचे पालन करणे सोपे होईल. Convex Mirror Installation Chandrapur

    चंद्रपूर शहर महानगर पालिका हद्दीतील सर्व प्रमुख दवाखाने आणि शाळांच्या परिसरामध्ये ‘शांतता क्षेत्र’ निश्चित करावे. या संवेदनशील भागांमध्ये वाहतूक नियमन सुधारण्यासाठी ‘शांतता क्षेत्र’ आणि ‘सावकाश चला ‘ दर्शवणारे स्पष्ट व परावर्तक सावधानता फलक तातडीने लावण्याचे निर्देशही खासदार प्रतिभा धानोरकर यांनी दिले आहेत.

    खासदार प्रतिभा धानोरकर यांनी सदर कामे रस्ता सुरक्षा समितीच्या माध्यमातून प्राधान्याने आणि तातडीने मंजूर करून नागरिकांची सुरक्षितता सुनिश्चित करावी, अशी विनंती जिल्हा प्रशासनाकडे केली आहे.

  • Chandrapur Road Closure Update | चंद्रपूर शहरात आज आदिवासी समाजाचा महा आक्रोश मोर्चा; अनेक मार्ग बंद

    Chandrapur Road Closure Update

    Chandrapur Road Closure Update : विविध मागण्यांसाठी चंद्रपूर शहरात आदिवासी समाजाचा महा आक्रोश मोर्चा आज 13 ऑक्टोबर रोजी काढण्यात येणार आहे, यामुळे नागरिकांनी शहरात येताना काळजी घ्यावी कारण मोर्च्यामुळे अनेक मार्ग बंद राहणार आहे.


    सदर मोर्चा हा कोहिनुर ग्राउंड पासून सुरू होणार असून थेट अंचलेश्वर गेट, कस्तुरबा चौक, गांधी चौक, जयंत टॉकीज चौक जटपुरा गेट ते जिल्हाधिकारी कार्यालय पर्यंत निघणार आहे.
    मोर्च्यात सामील होणाऱ्या नागरिकांना वाहतुकीचा त्रास होऊ नये यासाठी या मार्गावरील सर्व वाहतूक बंद करण्यात आली आहे. Chandrapur Aakrosh Morcha 2025

    Also Read : राजुरा नगरपालिका, मतदार यादीतील घोळ कायम


    विशेष म्हणजे ज्या मार्गावरून मोर्चा निघणार आहे तो मार्ग पूर्णतः नो हॉकर्स झोन घोषित करण्यात आला आहे.
    सकाळी 11 ते सायंकाळी 6.30 वाजेपर्यंत वाहतूक बंद चा आदेश अंमलात असणार आहे.

    या पर्यायी मार्गाचा करा वापर


    नागरिकांनी या कालावधीत जड वाहने वगळता अंचलेश्वर गेट ते गंजवार्ड कडे जाणाऱ्या मार्गाचा वापर करावा, तसेच नागपूर व मूल कडून चंद्रपूर शहरात प्रवेश करणाऱ्या नागरिकांनी पंचशील चौक, श्री टॉकीज चौक, पठाणपूरा परिसर वार्ड मध्ये जाणाऱ्या येणाऱ्या सर्व नागरिकांनी वरोरा नाका, मित्र नगर चौक, जेष्ठ नागरिक भवन, संत कंवलराम चौक, विदर्भ हाऊसिंग चौक, बिनबा गेट या मार्गाचा वापर करावा.


    नागपूर व मूल शहरामधील रामाला तलाव, बगळ खिडकी, गंजवार्ड भानापेठ वॉर्ड मध्ये जाणाऱ्या सर्व नागरिकांनी सावरकर चौक, बस स्टॅण्ड चौक, आरटीओ ऑफिस, रयतवारी कॉलरी या मार्गाचा वापर करावा.

    या ठिकाणी पार्क करा वाहने


    आक्रोश मोर्च्यात सहभागी होणाऱ्या नागरिकांनी आपली वाहने महाकाली मंदिर समोरील बैल बाजार व महाकाली यात्रा ग्राउंड मध्ये पार्क करावी, त्यासोबतच मूल व नागपूर मार्गे येणाऱ्या नागरिकांनी आपली वाहने मूल रोडवरील एसबीआय चौक समोरील ग्राउंड व न्यू इंग्लिश ग्राउंड या ठिकाणी वाहने पार्क करावी.


    नागरिकांनी चंद्रपूर पोलिसांतर्फे दिलेल्या मार्गदर्शक सूचनांचे पालन करावे जेणेकरून कायदा व सुव्यवस्थेचा प्रश्न उपस्थित राहणार नाही.

  • Sudhir Mungantiwar farmers relief । चंद्रपूरातील शेतकऱ्यांसाठी आनंदाची बातमी – मुल तालुका मदतीच्या यादीत समाविष्ट

    Sudhir Mungantiwar farmers relief

    Sudhir Mungantiwar farmers relief : चंद्रपूर १२ ऑक्टोबर : (News३४ वृत्तसेवा) राज्य शासनाने ९ ऑक्टोबर २०२५ रोजी अतिवृष्टी आणि पूरग्रस्त शेतकऱ्यांसाठी विशेष मदत व सवलतींचे पॅकेज जाहीर केले होते. प्रारंभी या आदेशात चंद्रपूर जिल्ह्यातील मुल तालुका समाविष्ट नव्हता. ही बाब लक्षात येताच आमदार सुधीर मुनगंटीवार यांनी तात्काळ शासनस्तरावर पाठपुरावा केला. त्यांच्या तातडीच्या प्रयत्नांनंतर केवळ काही तासांतच शासनाने सुधारणा करून १० ऑक्टोबर रोजी नवीन शासनादेश काढत मुल तालुक्याचाही समावेश केला आहे. या निर्णयामुळे हजारो शेतकऱ्यांना मोठा दिलासा मिळाला असून, आ. मुनगंटीवार यांनी दिलेला शब्द काही तासांतच पूर्ण करून पुन्हा एकदा शेतकऱ्यांप्रती आपली संवेदनशीलता दाखवून दिली आहे.

    Also Read : राजुरा नगरपरिषद निवडणूक, मतदारयादीत घोळ कायम

    आ. मुनगंटीवार यांच्या संवेदनशीलतेमुळे आणि कार्यतत्परतेमुळे मुल तालुक्यातील शेतकरी बांधवांसाठी ही मोठी दिलासादायक बातमी ठरली आहे. मुल,पोंभुर्णा , बल्लारपूर, चंद्रपूर तसेच जिल्ह्यातील शेतकऱ्यांना अतिवृष्टी व पूरग्रस्तांसाठी जाहीर केलेल्या विशेष मदत पॅकेजचा थेट लाभ मिळणार आहे. Mul taluka included relief package

    राज्य शासनाने जून ते सप्टेंबर २०२५ या कालावधीत अतिवृष्टी व पुरामुळे बाधित झालेल्या शेतकऱ्यांसाठी मोठ्या प्रमाणात सवलती जाहीर केल्या आहेत. शासन आदेशानुसार जमीन महसुलात सूट, सहकारी कर्जाचे पुनर्गठन, शेतीशी संबंधित कर्जांच्या वसुलीला एक वर्षाची स्थगिती, वीज बिलात तिमाही माफी तसेच दहावी व बारावीच्या विद्यार्थ्यांच्या परीक्षा शुल्क व शैक्षणिक फीमध्ये माफी अशा अनेक उपाययोजना करण्यात आल्या आहेत. या निर्णयामुळे राज्यातील लाखो शेतकऱ्यांना दिलासा मिळणार आहे.यासोबतच खरीप हंगाम जून ते सप्टेंबर या कालावधीत अतिवृष्टी व पुरामुळे शेतीपिकांचे नुकसान, शेतजमीन खरडून जाणे, विहिरींचे नुकसान, मनुष्य व पशुहानी, घरांची पडझड, घरातील साहित्याचे नुकसान, वैयक्तिक तसेच सार्वजनिक मालमत्तेचे नुकसान झालेले आहे. यासाठी नुकसान भरपाई शासनाकडून दिली जाणार आहे. flood affected farmers Maharashtra

    शेतकऱ्यांनी मानले मुनगंटीवार यांचे आभार

    राज्यभरातील विविध तालुक्यांप्रमाणेच आता मुल तालुकाही आपत्तीग्रस्त घोषित करण्यात आला असून,या निर्णयामुळे हजारो शेतकऱ्यांना आर्थिक दिलासा मिळणार आहे. शासन आदेशात स्पष्ट नमूद केल्याप्रमाणे या सवलतींचा थेट लाभ चंद्रपूर जिल्ह्यासोबतच मुल तालुक्यातील शेतकऱ्यांनाही मिळणार आहे.

    ही सकारात्मक घडामोड म्हणजे आ. सुधीर मुनगंटीवार यांच्या सातत्यपूर्ण पाठपुराव्याचे फलित आहे. शेतकऱ्यांच्या हितासाठी सतत झटत राहणे हीच त्यांची कार्यसंस्कृती असल्याचे त्यांनी पुन्हा एकदा सिद्ध केले आहे. या निर्णयाबद्दल शेतकरी बांधवांकडून आ. मुनगंटीवार यांचे आभार व्यक्त केले जात आहेत.

  • political speeches ban at Deekshabhoomi event | बहुजन हितकारिणी सभेचा इशारा: “धम्म मंचावरून राजकीय भाषण नाही चालणार!”

    political speeches ban at Deekshabhoomi event

    political speeches ban at Deekshabhoomi event : चंद्रपूर १२ ऑक्टोबर News३४ – चंद्रपूर येथील दीक्षाभूमीवर दरवर्षी 15,16 ऑक्टोंबरला धम्मचक्र अनुवर्तन सोहळा साजरा होतो, यानिमित्य प्रमुख प्रस्थापित पक्षाचे पुढारी धम्म मंचावरून राजकीय भाषणे करतात, अप्रत्यक्ष त्यांचे पक्षाचा प्रचार करतात , यावर्षी हे खपवून घेणार नाही , निषेध करू असा सज्जड इशारा बहुजन हितकारिणी सभेने एका निवेदनातून दिला आहे.

    Also Read : सेल्फी विथ खड्डा, खासदार धानोरकर यांचा भन्नाट उपक्रम

    दिनांक 9 ऑक्टो. ला नागवंश नगराळे यांचे नेतृत्वात डॉ. बाबासाहेब आंबेडकर मेमोरियल सोसायटी, दीक्षाभूमी चंद्रपूर चे अध्यक्ष अरुण घोटेकर यांना एड. पूनमचंद वाकडे, विवेक कांबळे, एड. रवींद्र मोटघरे, बंडूभाऊ ठमके, विद्याधर लाडे, रवींद्र भैसारे, अशोक मुंजनकर, उषा तामगडे, बबिता बागेसर, कविता मून इ. च्या शिष्टमंडळाने यासंबंधी एक निवेदन सादर केले आहे . दीक्षाभूमीचा प्रत्यक्ष अप्रत्यक्ष राजकीय वापर होण्याला निर्बंध घालावे, तसे संबंधिताना नम्रपणे सुचित करावे असे निवेदनात स्पष्ट करण्यात आले आहे. Deekshabhoomi rules for public speeches

    सोबतच धम्म मंचासमोरील मंडपाला दुप्पटीने वाढवून त्या प्रमाणात बसण्याची व्यवस्था उपलब्ध करावी , ही मागणी सुद्धा करण्यात आली आहे . दरवर्षी दीक्षाभूमीवर वाढत असलेली गर्दी लक्षात घेता लगतचे चांदा क्लब ग्राउंड दीक्षाभूमीला देण्यात यावे व नागपूर रोडवर टॉल लावण्यास परवानगी द्यावी या बहुजन हितकारिणी सभेने आंदोलनातून केलेल्या मागण्या प्रशासनाने अस्थायी स्वरूपात मागील वर्षीपासून मान्य केल्या हे येथे महत्वाचे आहे.

    व्यवस्थेत बरेच बदल करण्याची गरज

    तरीही या महोत्सवाचा उद्देश सफल होत नसल्याने आयोजनात आणि व्यवस्थेत बरेच बदल करण्याची गरज असल्याचे नागवंश नगराळे यांनी सोसायटीच्या लक्षात आणून दिले आहे. आंबेडकरी समाजाला माहित न होऊ देता दिक्षाभूमीवर ‘ अम्मा की पढाई’ नावाचा उपक्रम सुरु करण्यात आला होता, ते कळताच अनुयायानी बंद करण्यास भाग पाडले, यावरून संबंध आंबेडकरी समाजाच्या भावना तीव्र असून दीक्षाभूमीच्या गैरवापराला कदापी सहन केले जाणार नाही हे स्पष्ट होते. political speeches ban at Deekshabhoomi event

    डॉ. बाबासाहेब आंबेडकर मेमोरियल सोसायटी ला महोत्सवाच्या आयोजनासाठी निधीची फार चणचण भासते , ते स्वतः हा खर्च उचलतात आणि काही प्रमाणात टॉल धारकाकडून धम्म दान मिळते ही बाब घोटेकर यांनी शिष्टमंडळाच्या निदर्शनास आणून दिली . त्यावर आयोजनातील व व्यवस्थेतील सुधारणा आणि शिस्त यावर्षी अनुयायांच्या नजरेस आणून दिल्यास पुढील वर्षीपासून समाजातून मोठ्या प्रमाणात धम्मदान मिळविण्यास पुढाकार घेऊ असे अभिवचन शिष्टमंडळाने दिले आहे.



  • Kishor Jorgewar Ghugus infrastructure directives । घुग्घुसच्या विकासकामांचा आढावा; शुद्ध पाणी आणि स्वच्छ रस्त्यांसाठी आमदार जोरगेवारांचा पुढाकार

    Kishor Jorgewar Ghugus infrastructure directives

    Kishor Jorgewar Ghugus infrastructure directives : चंद्रपूर ११ ऑक्टोबर (News३४ वृत्तसेवा) – आज शनिवारी शासकीय विश्रामगृह येथे आमदार किशोर जोरगेवार यांनी घुग्घुस नगरपरिषदेअंतर्गत सुरू असलेल्या विविध विकासकामांचा आढावा घेण्यासाठी बैठक बोलावली होती. या बैठकीत आमदार किशोर जोरगेवार यांनी नगरपरिषदेच्या कामकाजाचा सखोल आढावा घेत नागरिकांना दिल्या जाणाऱ्या मूलभूत सुविधांची गुणवत्ता वाढविण्याच्या दृष्टीने महत्त्वपूर्ण सूचना केल्या आहेत.

    Also Read : २० कोटी रुपयांच्या निधीतून चंद्रपुरातील मार्गाचा होणार कायापालट

    यावेळी घुग्घुस नगरपरिषदेचे मुख्याधिकारी निलेश रांजनकर, नगर अभियंता मनीष जुनघरे, कार्यालय अधीक्षक निलेश तुरानकर, भारतीय जनता पार्टी घुग्घुस शहर अध्यक्ष संजय तिवारी, भाजप नेते प्रकाश देवतळे, संतोष नुने, आशिष मासिरकर, हेमंत उरकुडे, स्वप्निल वाढई, साजन गोहणे, महेश लठ्ठा, श्याम आगदारी, मयूर कलवल, राजेश मोरपाका, मल्लेश बल्ला, विजय माथनकर, मुन्ना लोडे, गुरुदास तगरपवार, विनोद लाटेवार आदींची उपस्थिती होती. Ghugus development meeting

    नागरिकांना शुद्ध पाणी मिळणे अत्यावश्यक

    बैठकीदरम्यान आमदार जोरगेवार म्हणाले की, शहरातील पाणीपुरवठा सुरळीत आणि स्वच्छ ठेवणे ही नगरपरिषदेची प्राथमिक जबाबदारी आहे. नागरिकांना शुद्ध पाणी मिळणे अत्यावश्यक असून त्यात कोणत्याही प्रकारची तडजोड होऊ नये. तसेच शहरातील बंद पडलेले वीज दिवे तात्काळ सुरू करण्याचे निर्देश देत रस्त्यांची डागडुजी करून नागरिकांना सुलभ वाहतुकीची सुविधा मिळावी, यावर त्यांनी भर दिला.

    यावेळी त्यांनी नगरपरिषदेच्या नव्या विकास आराखड्यासाठी तातडीने कार्यवाही सुरू करण्याचे आदेश दिले. तसेच अलीकडील भूस्खलनात बाधित झालेल्या १६५ घरांतील नागरिकांचे तात्काळ पुनर्वसन करण्याच्या सूचना यावेळी आमदार किशोर जोरगेवार यांनी केल्या. नगरपरिषदेच्या निधीचा वापर करताना शहराच्या सर्वसमावेशक आणि संतुलित विकासाचे ध्येय ठेवावे, कोणताही भाग विकासापासून वंचित राहू नये, असेही आमदार जोरगेवार यांनी सांगितले. या बैठकीला संबधित विभागाच्या अधिकाऱ्यांची उपस्थिती होती. 

  • Selfie with pothole Chandrapur । “सेल्फी विथ खड्डा!” – खड्डेमुक्त चंद्रपूरसाठी खासदार प्रतिभा धानोरकर यांचा भन्नाट उपक्रम

    Selfie with pothole Chandrapur

    Selfie with pothole Chandrapur : चंद्रपूर: चंद्रपूर शहर आणि परिसरातील रस्त्यांवर मोठ्या प्रमाणात पडलेल्या खड्ड्यांच्या समस्येकडे प्रशासनाचे लक्ष वेधण्यासाठी आणि नागरिकांना या लढ्यात सहभागी करून घेण्यासाठी, खासदार प्रतिभा धानोरकर यांनी “सेल्फी विथ खड्डा!” नावाचे एक अभिनव अभियान सुरू केले आहे.

    Also Read : चंद्रपूर शहरातील मार्गाचा होणार कायापालट

    “एक फोटो खड्डेमुक्त चंद्रपूरसाठी” या उद्देशाने सुरू केलेल्या या अभियानात, नागरिकांना आवाहन करण्यात आले आहे की त्यांनी त्यांच्या परिसरातील धोकादायक खड्ड्यासोबत सेल्फी काढावा. हा फोटो सोशल मीडियावर खा. प्रतिभा धानोरकर यांना टॅग करून पोस्ट करावा. याव्यतिरिक्त, नागरिकांनी फोटोसह गुगल लोकेशन देखील खा. प्रतिभा धानोरकर यांच्या जनसंपर्क कार्यालयाला पाठवायचे आहे.

    प्रशासनावर दबाव वाढणार

    या उपक्रमाद्वारे रस्त्यांवरील खड्ड्यांची नेमकी माहिती आणि तीव्रता जमा केली जाईल, ज्यामुळे प्रशासनावर तातडीने कार्यवाही करण्यासाठी दबाव वाढेल.

    खासदार प्रतिभा धानोरकर यांनी स्पष्ट केले आहे की, “तुमचा एक फोटो ठरेल बदलाची सुरुवात!” प्रत्येक नागरिकाचा सहभाग खड्डेमुक्त चंद्रपूरच्या दिशेने टाकलेले एक महत्त्वाचे पाऊल असेल.

    चंद्रपूरमधील रस्ते सुरक्षित आणि सुस्थितीत असावेत यासाठी नागरिकांनी या अभियानात मोठ्या संख्येने सहभागी व्हावे, असे आवाहन खासदार प्रतिभा धानोरकर यांनी केले आहे.

    अधिक माहिती आणि फोटो पाठवण्यासाठी संपर्क:

    संपर्क क्रमांक: ९८८१०१६७१४ / ८०१०७२३७५९

  • Review of Women and Child Development Department | “जिल्हाधिकारी गौडांचे निर्देश: सर्व संस्थांनी महिला तक्रार समिती स्थापन करावी”

    Review of Women and Child Development Department

    Review of Women and Child Development Department : चंद्रपूर – जिल्हा महिला व बालविकास कार्यालयाकडून राबविण्यात येणा-या विविध योजनांचा जिल्हाधिकारी विनय गौडा जी.सी. यांनी आज (दि. 10) आढावा घेतला. यात जिल्हास्तरीय सनियंत्रण समितीचे कामकाज, ‘पोश ॲक्ट – 2013’, ‘शी-बॉक्स’ पोर्टलवर नोंदणी, ‘बेटी बचाओ, बेटी पढाओ’ योजना आणि आंतरजातीय / आंतरधर्मीय विवाह योजनांचा समावेश होता.

    Also Read : चंद्रपूर-मूल मार्गावर रेल्वे उड्डाणपुलास मंजुरी, मुनगंटीवार यांच्या प्रयत्नांना यश

    जिल्हाधिकारी कार्यालयात पार पडलेल्या या बैठकीला मुख्य कार्यकारी अधिकारी पुलकित सिंह, अतिरिक्त पोलिस अधिक्षक ईश्वर कातकाडे, जिल्हा महिला व बालविकास अधिकारी मिनाक्षी भस्मे, जिल्हा शल्य चिकित्सक डॉ. महादेव चिंचोळे, जिल्हा आरोग्य अधिकारी डॉ. अशोक कटारे, जिल्हा समाजकल्याण अधिकारी धनंजय साळवे, माविमचे जिल्हा समन्वयक प्रदीप काठोळे, संरक्षण अधिकारी कविता राठोड, मनपाच्या वैद्यकीय अधिकारी डॉ. नयना उत्तारवार, आतिश चव्हाण आदी उपस्थित होते. district women welfare meeting

    महिलांसाठी अंतर्गत तक्रार समिती स्थापन करावी

    यावेळी जिल्हाधिकारी श्री. गौडा म्हणाले, प्रत्येक शासकीय व खाजगी आस्थापनांमध्ये महिलांसाठी अंतर्गत्‍ तक्रार समिती स्थापन करावी. तसेच ती वेळोवेळी अपडेटसुध्दा करावी. ‘शी-बॉक्स’ पोर्टलवर नोंदणीबाबत महिला व बालविकास विभागाने सर्वांसाठी प्रशिक्षण आयोजित करावे. विविध विभागामार्फत महिलांसाठी राबविण्यात येणा-या योजना, त्यांना मिळणारे अनुदान आदी बाबी गांभिर्याने कराव्यात, अशा सूचना त्यांनी दिल्या.

    याप्रसंगी कौटुंबिक हिंसाचाराची प्रकरणे, समुदेशन केंद्र, जिल्हा विधीसेवा अंतर्गत मनोधैर्य योजना, कायदेविषयक सल्ला व जनजागृती कार्यक्रम, सखी वन स्टॉप सेंटर, जिजामाता वर्किंग वुमेन होस्टेल, शक्तीसदन योजना, स्वाधार, सर्व शासकीय आस्थापनेवर अंतर्गत तक्रार समितीचे गठन, ‘शी –बॉक्स’ पोर्टलवर नोंदणी, बेटी बचाव, बेटी पढाओ, विविध योजनांमध्ये आलेले अनुदान आदींचा आढावा घेण्यात आला.

    जिल्हा महिला व बालविकास अधिकारी मिनाक्षी भस्मे यांनी सादरीकरण केले. बैठकीला विविध विभागाचे अधिकारी व कर्मचारी उपस्थित होते.

  • Mul railway overbridge । रेल्वे क्रॉसिंगवरील अडथळ्यांना पूर्णविराम! मुनगंटीवार यांच्या पाठपुराव्याने प्रकल्पास मंजुरी

    Mul railway overbridge

    Mul railway overbridge : चंद्रपूर :  राज्याचे माजी वने व सांस्कृतिक कार्यमंत्री आमदार सुधीर मुनगंटीवार यांच्या सातत्यपूर्ण प्रयत्नांना मोठे यश मिळाले असून, मुल शहरालगतच्या रेल्वे क्रॉसिंगवर उड्डाणपुलाच्या बांधकामास पहिल्या टप्प्यात ३१ कोटी रुपयांची मंजुरी मिळाली आहे. या कामाबाबत दक्षिण पूर्व मध्य रेल्वे, नागपूरचे विभागीय रेल्वे व्यवस्थापक यांनी अधिकृत पत्राद्वारे मंजुरीची माहिती दिली आहे. ‘दिला शब्द केला पूर्ण’ या भावनेने लोकांना दिलेला शब्द पाळत आ. मुनगंटीवार यांनी मुल शहरासाठी आणखी एक महत्त्वाचा विकासाचा टप्पा गाठला आहे.

    Also Read : चंद्रपूर शहरातील रस्त्याचा होणार कायापालट

    आमदार श्री. सुधीर मुनगंटीवार यांच्या सातत्यपूर्ण पाठपुराव्याला यश मिळाले असून मुल शहरालगत रेल्वे क्रॉसिंगवर उड्डाणपुलाच्या बांधकामास अखेर मंजुरी मिळाली आहे. विभागीय रेल्वे व्यवस्थापक (डीआरएम) दीपक कुमार गुप्ता यांनी याबाबत अधिकृत पत्राद्वारे आमदार श्री.मुनगंटीवार यांना मंजुरीची माहिती दिली आहे.मुल–चंद्रपूर राष्ट्रीय महामार्ग एनएच ९३० वरील रेल्वे क्रॉसिंग गेट क्र. GCF १२३ येथे उड्डाणपुलाच्या मंजुरीबाबत डीआरएम दक्षिण पूर्व मध्य रेल्वे नागपूर यांनी पत्राद्वारे अधिकृत कळविले आहे. Chandrapur NH 930 flyover

    सातत्यपूर्ण पाठपुराव्याला यश

    या ठिकाणी अवजड वाहने आणि इतर वाहतुकीमुळे वारंवार अडथळे निर्माण होत होते. नागरिकांनी यासंदर्भात आ.मुनगंटीवार यांना अवगत केले. या मागणीवर सातत्यपूर्ण पाठपुरावा करत आमदार श्री. सुधीर मुनगंटीवार यांनी रेल्वे प्रशासनाकडे पाठपुरावा केला होता. त्यांच्या सातत्यपूर्ण प्रयत्नांना मोठे यश मिळाले आहे.

    आपल्या पाठपुराव्याला यश मिळाल्याबद्दल समाधान व्यक्त करत आमदार मुनगंटीवार म्हणाले,विधानसभा निवडणुकीदरम्यान जनतेला दिलेला शब्द पूर्ण करत असल्याचा मनस्वी आनंद आहे. हा उड्डाणपूल केवळ वाहतुकीचा प्रश्न सोडवणार नाही, तर मुल शहर आणि परिसराच्या सौंदर्यातही भर घालणार आहे. या पुलामुळे शेती, व्यापार आणि उद्योग क्षेत्राला नवसंजीवनी मिळेल.”

  • Chandrapur Road Project Corruption । साडेतीन कोटीच्या कामात ५० लाखांचे कमिशन?

    Chandrapur Road Project Corruption

    Chandrapur Road Project Corruption : चंद्रपूर: बागला चौक ते राजीव गांधी इंजीनियरिंग कॉलेज पर्यंत जीवघेणे खड्डे असलेला रस्ता सोडून साडेतीन कोटी रुपयांच्या रस्ता दुभाजकाचे काम करण्याचा प्रस्ताव चंद्रपूर महानगरपालिकेने केला. हा सर्व अट्टाहास मेसर्स सूर्यवंशी एंटरप्राइजेस साठी करण्यात आल्याचा तसेच ह्या कारणामुळे मनपाला एक कोटी रुपयांचे नुकसान झाल्याचा आरोप माजी नगरसेवक पप्पू देशमुख यांनी केला.
    खात्रीलायक सूत्रांकडून मिळालेल्या माहितीनुसार या कामांमध्ये तत्कालीन आयुक्त पालीवाल यांना कमिशन म्हणून 50 लक्ष रुपयाचे टोकन मिळाले असाही आरोप देशमुख यांनी केला. Chandrapur Paliwal road project commission allegations

    Also Read : चंद्रपूर जिल्ह्यात २ शेतकऱ्यांच्या आत्महत्या

    टोकाच्या स्पर्धेमुळे मनपात काम करणारे कंत्राटदार अंदाजपत्रकीय किमतीपेक्षा 25 ते 30 टक्के कमी दराने काम घेतात. इरई नदीच्या बाजूला तयार करण्यात आलेले विसर्जन कुंड,या ठिकाणी नूकताच नुकताच तयार करण्यात आलेला सिमेंट काँक्रीट प्लॅटफॉर्म, शहरातील अंतर्गत रस्ते दुरुस्तीचे काम या कामांच्या अंदाजपत्रकीय किंमती अनुक्रमे 5 कोटी,1.5 कोटी व 1 कोटी रूपये आहे.ही कामे कंत्राटदारांनी अंदाजपत्रकीय किंमतीपेक्षा अनुक्रमे 22% कमी म्हणजे 3 कोटी 90 लक्ष रुपये,34% कमी म्हणजे जवळपास 1 कोटी रूपये व 25 % कमी म्हणजे 75 लक्ष रुपयांमध्ये घेतले. Chandrapur Municipal Corporation Surya Enterprises contract

    इतकी गळेकापू स्पर्धा असताना 3.5 कोटी रुपयांचे रस्ता दुभाजकाचे काम मेसर्स सूर्यवंशी इंटरप्राईजेसला अंदाजपत्रकीय किमतीपेक्षा फक्त 0.01 टक्के कमी दराने म्हणजेच अंदाजपत्रकीय किमतीमध्ये कसे मिळाले ? हा प्रश्न आहे. कोणतेही ठोस कारण न देता या निविदा प्रक्रियेत पाच पैकी तीन एजन्सीला अपात्र करण्यात आले. मर्जीतल्या कंत्राटदारासाठी स्पर्धा संकुचित केल्याने मनपाचे जवळपास एक कोटी रुपयांचे नुकसान झाले व कंत्राटदाराला तेवढाच आर्थिक लाभ झाला. रस्ता दुभाजकाचे काम रद्द करण्यात यावे व विपिन पालीवाल यांची एसआयटी मार्फत चौकशी करून गुन्हे दाखल करण्यात यावे या मागणीसाठी लवकरच जनविकास सेनेतर्फे मोठे जन आंदोलन छेडण्यात येणार आहे अशी माहिती देशमुख यांनी प्रसिद्धपत्रकाद्वारे दिली.

    मर्जीतल्या कंत्राटदाराला काम देण्याचा ‘पालीवाल पॅटर्न’

    कामाची गरज असो की नसो करायला सोपे व जास्त नफा मिळवून देणारे काम कंत्राटदारासाठी काढायचे. कामाच्या ई-निविदेमध्ये हेतूपुरस्पर अपुरी माहिती टाकायची जेनेकरून कंत्राटदाराला माहितीसाठी मनपाच्या दारात यावे लागेल. कार्यालयात आलेल्या कंत्राटदारांना दलाली करणाऱ्या अधिकाऱ्यांमार्फत धमकावयचे.काम टाकू नका, ई-निविदा प्रक्रियेत सहभागी होऊ नका असे थेट सांगायचे. यानंतरही एखाद्या कंत्राटदाराने काम घेण्याचा प्रयत्न केल्यास त्याला नियम धाब्यावर बसवून निविदा प्रक्रियेत अपात्र करायचे. त्यासाठी आधीच निविदेत मर्जीतल्या कंत्राटदाराच्या हिताच्या अटी-शर्ट टाकून ठेवायच्या. या बेकायदेशीर अटी-शर्तींच्या आधारावर स्पर्धा संकुचित करायची. अशा प्रकार मर्जीतल्या कंत्राटदाराला काम द्यायचे व सुरुवातीलाच लाभ मिळवून द्यायचा. त्याच्या मोबदल्यात रोख स्वरूपात कमिशन घ्यायचे. हा चंद्रपूर मनपाचे आयुक्त असताना विपिन पालीवाल यांचा काम वाटण्याचा पॅटर्न होता.

  • Gondwana University mark sheet with percentage । 🏫 विद्यार्थ्यांना मोठा दिलासा – गोंडवाना विद्यापीठात CGPA सोबत टक्केवारीची थेट नोंद मार्कशीटवर

    Gondwana University mark sheet with percentage

    Gondwana University mark sheet with percentage : चंद्रपूर ९ ऑक्टोबर २०२५ (News ३४ वृत्तसेवा) – गोंडवाना विदयापीठ गडचिरोली येथे नुकतीच शिक्षक आमदार सुधाकर अडबाले सर यांच्या मार्गदर्शनाखाली झालेल्या बैठकीत युवासेना च्या वतीने युवासेना पूर्व विदर्भ सचिव तथा गोंडवाना विदयापीठ सिनेट सदस्य यांनी विद्यार्थी, शिक्षक यांचे विविध प्रश्न मांडले यामध्ये विद्यार्थ्याच्या मार्कशीट वर CGPA सोबतच टक्केवारी (Percentage) चा रकाना सुद्धा टाकण्यात यावा जेणेकरून ज्या विद्यार्थ्यांना बाहेर विदयापीठ मध्ये प्रवेश घेण्यासाठी टक्केवारी ची गरज असते त्यामुळे त्याकरिता आकारण्यात येणारा 200/- वेगळा आर्थिक भुदंड लागणार होता सोबतच वेळेवर conversion सर्टिफिकेट न मिळाल्यामुळे विलंब होऊन प्रवेशापासून वंचित राहावे लागतं होते. Gondwana University CGPA to percentage conversion

    Also Read : शेतकऱ्यांचा तहसीलदार यांच्यावर रोष

    युवासेना च्या वतीने हा मुद्दा बैठकीत ठेऊन यावर तोडगा म्हणून विद्यार्थ्यांना मिळणाऱ्या मार्कशीट वरच CGPA सोबतच टक्केवारी सुद्धा नोंद करावी अशी मागणी प्रा निलेश बेलखेडे यांनी केली व यावर निर्णय घेऊन येत्या हिवाळी किंवा उन्हाळी पारीक्षे पासून विदयार्थ्यांना अश्या पद्धतीची मार्कशीट उपलब्ध करून देण्यावर कुलगुरू यांनी सकारात्मकता दाखवून निर्णय घेतला.

    विविध विषयांवर चर्चा

    यावेळी गोंडवाना अंतर्गत मॉडेल कॉलेज येथील अभ्याँगत प्राध्यापक (Visiting Faculty) यांचे 2023 -24 चे थकीत वेतन देण्यात यावे, Ph.विद्यार्थ्याचे नोटिफिकेशन लवकरात लवकर काढावे तसेच
    त्त्यांचे सर्व प्रक्रिया पार पडलेल्या विद्यार्थ्यांच्या pending असलेल्या provsional degree लवकरात लवकर देण्यात यावी., विद्यापीठ अंतर्गत परीक्षा केंद्रात सुविधा आणि घेण्यात येणाऱ्या परीक्षा पद्धतीमध्ये केंद्रात सुधारणा करण्यात याव्यात, विद्यापीठ परीक्षा विभागात होणाऱ्या दिरंगाई मुळे विद्यार्थी -शिक्षकांना होणाऱ्या विविध अडचणी.अश्या विविध विषयाबद्दल सविस्तर चर्चा करण्यात आली.

    आमदार अडबाले यांनी विदयापीठ प्रशासनाला निर्देश देत समस्या निकाली काढण्यासंदर्भात सूचना केल्या यावर कुलगुरू तसेच इतर अधिकारी यांनी सकारात्मकता दाखविली व येत्या काही दिवसात सर्व विषय निकाली काढण्याचे आश्वासन दिले. सहकार्याबद्दल सिनेट सदस्य, विभागीय सचिव प्रा निलेश बेलखेडे यांनी आमदार आडबले सर यांचे तसेच कुलगुरू बोकारे, प्र.कुलगुरू कावळे आणि इतर अधिकारी यांचे आभार मानले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by