Category: ताज्या बातम्या

Administration alert for Lok Sabha elections संपूर्ण जिल्ह्यात निवडणूक प्रक्रिया शांततेत आणि नि:पक्षपणे राबविण्यासाठी जिल्हा प्रशासन कटिबद्ध आहे. आदर्श आचार संहितेची प्रभावी अंमलबजावणी तसेच कायदा व सुव्यवस्था अबाधित राखण्यासाठी जिल्ह्यात विविध पथकांचे गठन करण्यात आले आहे. कोणताही अनुचित प्रकार घडू नये म्हणून जिल्ह्याच्या सीमेवर तैनात स्थायी निगराणी पथकांनी (एसएसटी) जिल्ह्यात प्रवेश करणा-या वाहनांची कडक तपासणी करावी, असे स्पष्ट निर्देश जिल्हा निवडणूक अधिकारी तथा जिल्हादंडाधिकारी विनय गौडा जी. सी. यांनी दिले आहे.

भद्रावती तालुक्यातील पाटाळा आणि वणी मतदारसंघातील सीमेवर असलेल्या चेकपोस्टला जिल्हाधिकारी श्री. गौडा यांनी भेट दिली. यावेळी वरोराच्या उपविभागीय अधिकारी शिवनंदा लंगडापुरे, उपविभागीय पोलिस अधिकारी नयोमी साटम, तहसीलदार योगेश कौटकर (वरोरा), अनिकेत सोनवणे (भद्रावती) आदी उपस्थित होते.  Administration alert for Lok Sabha elections

लोकसभा सार्वत्रिक निवडणुकीच्या अनुषंगाने जिल्ह्यात 16 मार्च 2024 पासून आदर्श आचारसंहिता लागू झाली आहे. या पार्श्वभुमीवर जिल्ह्याच्या सीमेवर स्थायी निगराणी पथक (एसएसटी) तैनात करण्यात आले आहे. पाटाळा (ता. भद्रावती) येथील पथकांची पाहणी करतांना जिल्हाधिकारी श्री. गौडा म्हणाले, जिल्ह्यात प्रवेश करणा-या प्रत्येक वाहनांची कडक तपासणी झाली पाहिजे. यात कोणताही निष्काळजीपणा करू नये. Administration alert for Lok Sabha elections

चारचाकी वाहनाच्या डिक्की सह वाहनाच्या सीट जवळील भागसुद्धा तपासावा. यात असणा-या बॅग्ज व इतर बाबींची तपासणी करावी. काही आक्षेपार्ह आढळल्यास त्याबाबत संबंधित यंत्रणेला माहिती द्यावी. पूर्णपणे खात्री झाल्यावरच संबंधित वाहनाला प्रवेश द्यावा. तसेच तालुक्यातील वरीष्ठ अधिका-यांनी रात्री – बेरात्री चेकपोस्टवर अकस्मिकपणे भेट द्यावी, असे निर्देश दिले. Administration alert for Lok Sabha elections

यावेळी जिल्हाधिका-यांनी वरोरा – वणी मार्गावरील पाटाळा आणि वणी येथील चेकपोस्टला भेट दिली. किती जणांची टीम लावण्यात आली आहे, प्रत्येक टीममध्ये किती लोकांचा सहभाग असतो, प्रत्येक शिफ्टमध्ये काम करणा-यांच्या वेळापत्रक कसे आहे, आदी बाबींची माहिती जाणून घेतली. तसेच दोन्ही चेकपोस्टवरील अधिकारी व कर्मचा-यांनी ऐकमेकांना मोबाईल क्रमांक देऊन ठेवावे, जेणेकरून एखादे वाहन न थांबता सुसाट गेले आणि संशयास्पद वाटले तर त्याची माहिती लगेच दुस-याला देणे शक्य होईल. Administration alert for Lok Sabha elections

वरोरा येथे स्ट्राँग रुमची पाहणी : तत्पुर्वी जिल्हाधिकारी विनय गौडा जी.सी. यांनी वरोरा येथील कृषी उत्पन्न बाजार समिती परिसरात असलेल्या स्ट्राँग रुमची पाहणी करून या परिसराला बॅरिकेटींग करावे, तसेच स्ट्राँग रुम सुरक्षेच्या दृष्टीने पोलिस विभागाने विशेष दक्ष राहावे, अशा सुचना त्यांनी दिल्या.

असे आहेत प्रत्येक मतदारसंघनिहाय तैनात असलेले एसएसटी पथक : 13 – चंद्रपूर लोकसभा मतदारसंघात एकूण 62 स्थायी निगराणी पथकांचे (एसएसटी) गठन करण्यात आले आहे. यात राजुरा विधानसभा मतदार संघात 15, चंद्रपूर – 4, बल्लारपूर – 6, वरोरा – 12, वणी – 13 तर आर्णी विधानसभा मतदारसंघात 12 पथकांचा समावेश आहे. याशिवाय गडचिरोली लोकसभा मतदारसंघात येत असलेल्या ब्रम्हपूरी विधानसभा मतदारसंघात 8 तर चिमूर मतदारसंघात 4 एसएसटीचे गठण करण्यात आले आहे.

Chandrapur Police Mission All Out लोकसभा निवडणुकीच्या पार्श्वभूमीवर चंद्रपूर पोलीस एक्शन मोड वर आली असून 19 मार्च ते 20 मार्च दरम्यान जिल्ह्यात तब्बल 35 ठिकाणी नाकाबंदी करीत मिशन ऑल आऊट मोहीम राबविण्यात आली.

ऑल आऊट मोहिमेदरम्यान 78 हॉटेल, लॉज व धाबे चेक करण्यात आले, यावेळी 821 वाहनांची तपासणी करून 64 वाहनांवर मोटार वाहन कायद्यानुसार कारवाई करीत 10 हजार 700 रुपयांचा दंड वसूल करण्यात आला. Chandrapur Police Mission All Out

या मोहिमेत रेकॉर्ड वरील व कारागृहातून सुटलेले व प्रलंबित खटल्यातील 160 समन्स बजावणी करून 61 आरोपीना अटक करण्यात आली.

वाचा – सुधीर मुनगंटीवार यांना विधानसभेत आव्हान देणारा नेता भाजपात सामील

अवैध दारू बाळगणाऱ्यावर तब्बल 22 केसेस, अवैध शस्त्र बाळगणाऱ्या इसमाविरुद्ध पोलीस स्टेशन रामनगर येथे 1 व पोलीस स्टेशन येथे 2 केसेस भारतीय हत्यार कायद्यांव्ये 3 गुन्हे दाखल करण्यात आले. Chandrapur Police Mission All Out

तसेच राजुरा येथे स्थानिक गुन्हे शाखेच्या पथकाने सुगंधित तंबाखू बाळगणाऱ्या इसम विरुद्ध गुन्हा नोंद करून 3 लाख 36 हजार 200 रुपयांचा माल असा 8 लाख 36 हजार 200 रुपयांचा मुद्देमाल जप्त करण्यात आला.

सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रिना जनबंधु, सर्व उपविभागीय पोलीस अधिकारी, चंद्रपूर जिल्हा तसेच जिल्ह्यातील सर्व पोलीस स्टेशन मधील 52 पोलीस अधिकारी व 265 पोलीस अंमलदार यांनी केली.

Bablu Katre’s entry into BJP लोकसभा निवडणुकीच्या पार्श्वभूमीवर अनेक नेते व पदाधिकारी पक्ष बदलवित असतात या पार्श्वभूमीवर ठाकरे गट शिवसेनेचे माजी पदाधिकारी बबलू कटरे यांनी भाजप पक्षात प्रवेश केला.

वाचा – चंद्रपुरातील सराईत गुन्हेगारांवर हद्दपारीची कारवाई

वर्ष 2014 च्या विधानसभा निवडणुकीत बल्लारपूर मधून निवडणूक लढत थेट सुधीर मुनगंटीवार यांना आव्हान देणारे शिवसेनेचे माजी कामगार सेना जिल्हाप्रमुख बबलू कटरे यांनी भाजप पक्षात प्रवेश करीत राजकीय वर्तुळात खळबळ उडवून दिली. Bablu Katre’s entry into BJP

वाचा – चंद्रपूर जिल्ह्यात कलम 144 लागू

चंद्रपूर लोकसभा क्षेत्राचे भाजप उमेदवार सुधीर मुनगंटीवार यांच्या प्रमुख उपस्थितीत बबलू कटरे यांनी भाजप पक्षात प्रवेश केला.

वर्ष 1993 पासून शिवसेनेत तब्बल 30 वर्षे काम करणारे बबलू कटरे यांनी शाखा प्रमुख, दुर्गापूर ग्रामपंचायत सरपंच ते कामगार सेना जिल्हाप्रमुख पदापर्यंत मजल मारली. Bablu Katre’s entry into BJP

वाचा – राजेश बेले यांचा वंचित बहुजन आघाडीमध्ये प्रवेश

विशेष म्हणजे 2014 च्या विधानसभा निवडणुकीत कटरे यांनी थेट सुधीर मुनगंटीवार यांच्या विरोधात निवडणूक लढली होती.

यावेळी कटरे यांच्याशी संपर्क केला असता मी 30 वर्ष शिवसेना पक्षात काम केले, अनेक पदे पण भूषवली मात्र आज शिवसेना सोडून जाताना मी असंख्य आठवणी सोडून जात आहो अशी खंत त्यांनी यावेळी व्यक्त केली, मात्र काही कारणासाठी वेगळा निर्णय घ्यावा लागतो अशी प्रतिक्रिया कटरे यांनी दिली. Bablu Katre’s entry into BJP

बबलू कटरे यांनी मुनगंटीवार यांच्या उपस्थित आपले सहकारी अतुल कटरे, श्याम वाढई, राजू कटरे सह भाजपात प्रवेश केला, यावेळी मुनगंटीवार यांनी पक्षाचा दुपट्टा कटरे यांच्या गळ्यात टाकत त्यांचे पक्षात स्वागत केले.