My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Chandrapur Lok Sabha Constituency : चंद्रपुरातील मतदारांना धमकी? याप्रसंगी काय करणार?

    Chandrapur Lok Sabha Constituency : चंद्रपुरातील मतदारांना धमकी? याप्रसंगी काय करणार?

    Chandrapur Lok Sabha Constituency चंद्रपूर लोकसभा मतदार संघासाठी आता एकूण 15 उमेदवार रिंगणात असून कुठेही मतदारांवर प्रत्यक्ष -अप्रत्यक्ष दबाव किंवा धमकाविण्याचे प्रकार आढळल्यास त्याची माहिती त्वरीत द्यावी, असे आवाहन सामान्य निवडणूक निरीक्षक लोकेशकुमार जाटव यांनी केले.

    हे ही वाचा – अजबचं मला खासदार म्हणून निवडून द्या, मी तुम्हाला व्हिस्की व बिअर देणार

    राजकीय पक्ष व उमेदवारांच्या प्रतिनिधींना निवडणूक प्रक्रियेची माहिती देण्यासाठी जिल्हाधिकारी कार्यालयात रविवारी आढावा बैठक आयोजित करण्यात आली होती. यावेळी श्री. जाटव बोलत होते. बैठकीला निवडणूक खर्च निरीक्षक हेमंत हिंगोनिया, कायदा व सुव्यवस्था निवडणूक निरीक्षक सुजीत दास, जिल्हाधिकारी विनय गौडा जी.सी., जिल्हा पोलिस अधिक्षक मुम्मका सुदर्शन, उपजिल्हा निवडणूक अधिकारी सुभाष चौधरी व इतर अधिकारी आणि राजकीय पक्षांचे / उमेदवारांचे प्रतिनिधी उपस्थित होते. Chandrapur Lok Sabha Constituency

    हे ही वाचा : लोकसभा निवडणुकीत चंद्रपुरात ठाकरे गटाला मोठा धक्का

    यावेळी श्री. जाटव म्हणाले, जिल्ह्यात किंवा चंद्रपूर लोकसभा मतदारसंघाच्या ज्या क्षेत्रात मतदारांवर दबाव टाकणे किंवा धमकाविण्याचे प्रकार निदर्शनास येत असतील, त्याची माहिती त्वरित कळवावी. जेणेकरून अशा क्षेत्रात पोलिसांसह अतिरिक्त मनुष्यबळाचे व्यवस्थापन करता येईल. तसेच धमकाविणा-यांवर कडक कारवाईसुध्दा केली जाईल. निवडणुकीच्या काळात नागरिकांना किंवा अन्य कोणालाही तक्रार करावयाची असल्यास सी-व्हीजील ॲपचा उपयोग करावा. Chandrapur Lok Sabha Constituency

     

    या ॲपवर तक्रार आणि फोटो अपलोड केल्यास 100 मिनिटांमध्ये त्याचे निराकरण करता येते. निवडणुकीच्या संदर्भातील ऑनलाईन परवानगी करीता ‘सुविधा’ ॲप विकसीत करण्यात आले आहे. उमेदवारांनी किंवा त्यांच्या प्रतिनिधींनी सुविधा ॲपचा वापर करावा. ऑफलाईन परवानगीकरीता ‘एक खिडकी’ योजनासुध्दा उपलब्ध आहे, असे सामान्य निवडणूक निरीक्षक श्री. जाटव यांनी सांगितले.

     

    तर खर्च निरीक्षक श्री. हिंगोनिया म्हणाले, पूर्ण निवडणूक प्रक्रियेदरम्यान कोणताही उमेदवार, राजकीय पक्ष किंवा संघटन 10 हजार रुपयांपेक्षा जास्त रोख रकमेचा खर्च करू शकत नाही. यापेक्षा जास्त खर्च करावयाचा असल्यास ऑनलाईन किंवा धनादेशाद्वारे करता येईल. तसेच उमेदवारांनी आपल्या खर्चाच्या नोंदवह्या अतिशय अचूक भराव्यात. खर्चाच्या नोंदवहीची पडताळणी तीन वेळा करणे आवश्यक असून नोंदवहीत बाब निहाय खर्च रोज नमुद करावा, अशा सूचना श्री. हिंगोनिया यांनी दिल्या. Chandrapur Lok Sabha Constituency

     

    सादरीकरण करतांना जिल्हाधिकारी श्री. गौडा म्हणाले, संपूर्ण निवडणूक प्रक्रिया नि:ष्पक्ष आणि मुक्त वातावरणात पारदर्शकपणे पार पाडण्यासाठी सर्व राजकीय पक्ष, उमेदवारांचे सहकार्य आवश्यक आहे. आदर्श आचारसंहितेच्या काळात ‘काय करावे’ किंवा ‘काय करू नये’, यबाबतही त्यांनी माहिती दिली. सोबतच 27 मार्च रोजी अंतिम झालेली मतदार यादी, 85 वर्षावरील व दिव्यांग मतदारांना गृहमतदानाची सुविधा, टपाली मतदान, निवडणुकीसाठी पोलिस कर्मचा-यांची तैनाती व इतर मनुष्यबळ, जिल्हास्तरावर व विधानसभा मतदारसंघ स्तरावर मिळणा-या परवानग्या, ईव्हीएम व्हीव्हीपॅट सुरक्षा व्यवस्थापन, स्ट्राँग रुम, पेडन्यूज व जाहिरातींचे पूर्व प्रमाणीकरण, उमेदवारांच्या खर्चाचे योग्य व्यवस्थापन आदींबाबत उमेदवारांच्या प्रतिनिधींना अवगत केले. Chandrapur Lok Sabha Constituency

     

    असे आहेत संपर्क क्रमांक :

                1.मतदार मदत केंद्र / नियंत्रण कक्ष – 1950 (टोल फ्री)

                2.आदर्श आचार संहिता कक्ष – 8788510061

                3.एक खिडकी (सुविधा) कक्ष – 9673042690

                4.सी-व्हीजील / ई.एस.एम.एस – ॲपद्वारे

  • Strange manifesto of Lok Sabha candidate : आनंदाच्या शिधा सोबत व्हिस्की व बिअर देणार – वनिता राऊत, लोकसभा उमेदवार चंद्रपूर

    Strange manifesto of Lok Sabha candidate : आनंदाच्या शिधा सोबत व्हिस्की व बिअर देणार – वनिता राऊत, लोकसभा उमेदवार चंद्रपूर

    Strange manifesto of Lok Sabha candidate चंद्रपूर – सध्या चंद्रपूर-वणी-आर्णी लोकसभा क्षेत्रात 15 उमेदवार रिंगणात उतरले आहेत. प्रामुख्याने काँग्रेस, भाजप, वंचित अशा प्रमुख पक्षांमध्ये ही लढत आहे. अशात मात्र अखिल भारतीय मानवता पक्षाच्या उमेदवार वनिता जितेंद्र राऊत यांची चर्चा आहे. ती यासाठी की बरेच उमेदवार हे वीज, रस्ते, पाणी, विकास अशा अनेक गोष्टींचे आश्वासन घेऊन जनतेसमोर जातात. मात्र वनिता राऊत ह्या एक वेगळाच मुद्दा घेऊन जाणार आहेत.

     

    प्रत्येक व्यक्तीला दारू पिण्याचा अधिकार आहे. त्यामुळे रेशनच्या दुकानात स्वस्त दरात ही दारू मिळायला हवी. त्यातही दिवाळीच्या वेळी आनंदाच्या शिधासोबत उच्च दर्जाची व्हिस्की आणि बिअर शिधापत्रिकाधारकांना देण्यात यावी. अशी मागणी त्यांची आहे. जर लोकसभा निवडणुकीत आपण निवडून आलो तर खासदार निधीचा उपयोग करत आपण व्हिस्की, बिअर उपलब्ध करून देणार असे त्यांचे म्हणणे आहे. Strange manifesto of Lok Sabha candidate

     

    सिंदेवाही तालुक्यातील पेंढरी निवासी वनिता राऊत ह्या वर्ष 2019 मधून चिमूर विधानसभा निवडणुकीत उभ्या होत्या, त्यावेळी जिल्ह्यात दारूबंदी होती, राऊत यांनी मला निवडून दिल्यास मी सर्वप्रथम जिल्ह्याची दारूबंदी हटवित प्रत्येक बेरोजगारांना दारूचे परवाने व गाव तिथे बार असा जाहीरनामा त्यांनी निवडणुकीत मतदारांना आकर्षित करण्यासाठी जाहीर केला होता, मात्र तेव्हा त्यांना यश आले नाही. Strange manifesto of Lok Sabha candidate

     

    5 वर्षांनी राऊत ह्या आता लोकसभा निवडणुकीच्या रिंगणात आहे, प्रस्थापित पक्षांचे जाहीरनामे व आश्वासन अजून आले नसले तर राऊत यांनी आताच आपले मत जाहीरनामा रुपी व्यक्त केले आहे. Strange manifesto of Lok Sabha candidate

    त्या म्हणाल्या की मी जर खासदार म्हणून निवडून आली तर बेरोजगारांना बार चे परवाने मी आपल्या खासदार निधीतून काढून देणार, सरकारने अंत्योदय शिधा धारकांना साड्या वाटप केल्या होत्या, त्यानंतर आनंदाच्या शिधा म्हणून 5 वस्तू दिल्या मात्र मी अंत्योदय शिधा पत्रिका धारकांना धान्य सहित व्हिस्की व बिअर देणार अशी घोषणा राऊत यांनी केली आहे.
    लोकसभा क्षेत्रातील मतदार त्यांच्या या आश्वासनाला किती प्रतिसाद देणार हे मतदानानंतर कळेलचं.

  • 6 Deportation of criminals : चंद्रपूर जिल्ह्यातील 6 गुन्हेगार हद्दपार

    6 Deportation of criminals : चंद्रपूर जिल्ह्यातील 6 गुन्हेगार हद्दपार

    6 Deportation of criminals चंद्रपूर लोकसभा निवडणुकीच्या पार्श्वभूमीवर जिल्ह्यात शांतता व सुरक्षा अबाधित रहावी यासाठी पोलीस प्रशासन सक्रिय झाले आहे, पोलिसांनी एका महिन्यात तब्बल 6 जणांवर हद्दपारीची कारवाई केली आहे.

     

    शरीर व मालमत्ते विरुद्धचे सराईत गुन्हेगारांवर हद्दपारीची कारवाई चा आदेश पोलीस अधीक्षक मुमक्का सुदर्शन यांनी पारित केला असून पहिल्या आदेशात चंद्रपूर शहर हद्दीतील शुभम अमर समुद, नैनेश उर्फ लाला नितीन शहा व वरोरा येथील मोहशन केशव कुचनकर यांना कलम 56(१)(अ)(ब) महाराष्ट्र पोलीस कायदानव्ये 6 महिन्यासाठी हद्दपार करण्यात आले होते. 6 Deportation of criminals

    हे ही वाचा – चंद्रपूर लोकसभा क्षेत्रात आता 15 उमेदवार यांच्यात होणार लढत, चिन्हाचे वाटप

    या आठवड्यात बल्लारपूर येथील दर्शन उर्फ बापू अशोक तेलंग, नागभीड येथील मुनिर खान वहीद खान पठाण, ब्रह्मपुरी येथील शिवशांत उर्फ भिस्सु दामोदर भुर्ररे यांना 3 व 6 महिन्यासाठी हद्दपार करण्यात आले आहे. 6 Deportation of criminals

     

    सदरची कारवाई पोलीस अधीक्षक मुमक्का सुदर्शन, अप्पर पोलीस अधीक्षक रिना जनबंधु यांच्या मार्गदर्शनात नाओमी साटम उपविभागीय पोलीस अधिकारी, सुधाकर यादव चंद्रपूर पोउपवि अधिकारी, दीपक साखरे, दिनकर ठोसरे, पोलीस निरीक्षक महेश कोंडावार, आसिफ रजा, अनिल जित्तावार, विजय राठोड यांनी केली आहे.

  • Vanchit Bahujan Aghadi Candidate : वंचितचे उमेदवार राजेश बेले यांची पोलिसात तक्रार

    Vanchit Bahujan Aghadi Candidate : वंचितचे उमेदवार राजेश बेले यांची पोलिसात तक्रार

    Vanchit bahujan aghadi candidate चंद्रपूर लोकसभा निवडणुकीची रणधुमाळी सुरू झाली असून उमेदवार आता एकमेकांविरोधात टीका टिप्पणी करण्यात रमले आहे, मात्र वंचित बहुजन आघाडीचे उमेदवार राजेश बेले यांनी थेट भाजप विरोधात समाजमाध्यमावर बदनामी केली म्हणून पोलिसात तक्रार दिली आहे.

    बल्लारपूर येथील बामणी प्रोटिन्स कंपनी चे प्रदूषण वाढल्याने राजेश बेले यांनी त्याविरोधात प्रदूषण नियंत्रण मंडळाकडे तक्रार दिली होती, प्रदूषण मंडळाने तात्काळ कारवाई करीत कंपनी बंद पाडली, त्याविरोधात भाजप प्रणित भारतीय मजदूर संघटनेने राजेश बेले यांची सोशल मीडियावर अपप्रचार करीत बदनामी केली. Vanchit bahujan aghadi candidate

     

    आरोपात काय?

    फेसबुकवर गोंदे नामक इसमाने तथाकथित पर्यावरणवादी, स्वतःला समाजसेवक समजणारे राजेश बेले यांनी बामणी प्रोटिन्स कंपनीविरुद्ध खोट्या तक्रारी दिल्या, प्रदूषण नियंत्रण मंडळाला तक्रार देत कंपनीला टाळे ठोकण्याचे काम बेले यांनी केले, कंपनी बंद पडल्याने 500 कामगारांवर उपासमारीची पाळी आली आहे, याला जबाबदार राजेश बेले आहे, त्यांच्या विरोधात कामगार कुटुंबामध्ये तीव्र आक्रोश निर्माण झाला आहे. Vanchit bahujan aghadi candidate

     

    प्रदूषणाच्या नावाखाली कंपनीला बेले यांनी ब्लॅकमेल केले, मात्र कंपनीने विरोध केल्यावर त्याविरुद्ध खोट्या तक्रारी करण्यात आल्या, यामुळे कामगारांचे मानसिक संतुलन बिघडले असून त्यामुळे भविष्यात त्यांच्या हातून चुकीच्या घटना घडू शकतात.

    हे ही वाचा : चंद्रपूर लोकसभेतील उमेदवारांना मिळाली ही पॉवर

    त्याविरोधात 30 मार्चला राजेश बेले यांनी पत्रकार परिषद घेत आम्ही अश्या अपप्रचाराला बळी पडणार नसल्याची माहिती दिली. Vanchit bahujan aghadi candidate

    ते म्हणाले की प्रस्थापित पक्षांनी फक्त भ्रष्टाचाराचे राजकारण केले आहे, छोटे पक्ष फोडन्याचे काम भाजपने केले आहे, जिल्ह्यात मोठ्या प्रमाणात प्रदूषण वाढत आहे, त्याचा बुरखा आम्ही फाडणार आहो, जंगलात महोत्सव कसे झाले? बांबू कसे जळाले, स्टेडियम व बस स्टॅण्ड कसे कोसळले, हे जनतेसमोर आम्ही मांडणार आहो अशी प्रतिक्रिया बेले यांनी दिली. Vanchit bahujan aghadi candidate

     

    बेले यांनी बदनामी व धमकी विरोधात रामनगर पोलीस स्टेशनमध्ये तक्रार दिली आहे.

  • Chandrapur loksabha election 2024 : चंद्रपूर लोकसभेतील उमेदवारांना मिळाली ही “पॉवर”

    Chandrapur loksabha election 2024 : चंद्रपूर लोकसभेतील उमेदवारांना मिळाली ही “पॉवर”

    Chandrapur loksabha election 2024 चंद्रपूर लोकसभा मतदारसंघातील 2 तगड्या उमेदवारांमध्ये लढत होत आहे, महाविकास आघाडीच्या प्रतिभा धानोरकर व महायुतीचे उमेदवार हे निवडणुकीच्या रिंगणात उतरले आहे.

    हे ही वाचा : आदर्श आचारसंहितेचे उल्लंघन

    आमदार धानोरकर ह्या पहिल्यांदाच लोकसभा निवडणूक लढवीत आहे तर सुधीर मुनगंटीवार हे तिसऱ्यांदा लोकसभा निवडणुकीच्या रिंगणात उतरले आहे, मुनगंटीवार यांचा दोनदा लोकसभा निवडणुकीत पराभव झाला आहे. Chandrapur loksabha election 2024

    हे ही वाचा – कांग्रेस पक्षाने माझ्यावर अन्याय केला, म्हणत भाजप पक्षात प्रवेश

    सध्या या अटीतटीच्या निवडणुकीत दोघांचे एकमेकांवर टीकास्त्र सुरू झाले आहे, मात्र या टीकेच्या वातावरणात दोन्ही उमेदवारांना विशेष पॉवर मिळाली आहे. Chandrapur loksabha election 2024

     

    महाविकास आघाडीच्या उमेदवार प्रतिभा धानोरकर यांना जय विदर्भ पार्टी व पॉवर फ्रंट कंत्राटी संघटनेने जाहीर पाठिंबा दिला तर दुसरीकडे महायुती उमेदवार सुधीर मुनगंटीवार यांनी कांग्रेसच्या माजी जिल्हाध्यक्ष व तेली समाजाचे नेते प्रकाश देवतळे यांचा भाजपात प्रवेश केला. Chandrapur loksabha election 2024

     

    देवतळे यांच्या भाजप प्रवेशाने कांग्रेसचे काही कार्यकर्ते व तेली समाज भाजप कडे वळणार अशी चिन्हे आहे तर हुकूमशाही विरुद्ध सुरू असलेल्या लढ्यात पॉवर फ्रंट कंत्राटी कामगार संघटना व जय विदर्भ पार्टीच्या पाठिंब्याने धानोरकर यांना सुद्धा बळ मिळाले आहे. Chandrapur loksabha election 2024

     

    सध्या समाजमाध्यमावर चंद्रपूर जिल्ह्याचा सर्वाधिक विकास कुणी केला? कोण उमेदवार सर्वात जास्त शिक्षित आहे? जिंकणार कोण? असे ट्रेंड सुरू आहे, काहींमध्ये धानोरकर तर दुसरीकडे मुनगंटीवार या ट्रेडन मध्ये पुढे आहे. Chandrapur loksabha election 2024

     

    कोरोना काळात कुणी जास्त काम केले? यावर सुद्धा दोन्ही उमेदवारांची जुंपली आहे, मात्र विजयी शिक्का हा 19 एप्रिल रोजी मतदार राजा नक्कीच मारणार.

     

    जिल्ह्यातील प्रमुख मुद्दे काय? ज्यांचं निराकरण अजून झालेले नाही?

    बेरोजगारी, चंद्रपुरात येणारा पूर, जिल्ह्यातील रस्त्यांची दुर्दशा, बाबूपेठ रेल्वे उड्डाणपूल, प्रदूषणाची वाढत असलेली समस्या, शहरात होणारी वाहतूक कोंडी, कोलमडलेली आरोग्य व्यवस्था, मानव-वन्यजीव संघर्ष, भ्रष्टाचार, महाकाली यात्रेत सहभागी होणाऱ्या यात्रेकरूंची होणारी दुरव्यवस्था, पिण्याच्या पाण्याची समस्या अश्या विविध समस्येने चंद्रपूर जिल्हा ग्रासलेला आहे. या सर्व समस्येवर 5 वेळा मंत्री राहिलेले सुधीर मुनगंटीवार व पहिल्यांदा आमदारकी भूषविलेल्या प्रतिभा धानोरकर यांनी काय केलं व पुढे काय करणार हे बघून मतदार नक्कीच निर्णय घेणार.

  • Election Code Of Conduct : चंद्रपुरात आचारसंहितेचे उल्लंघन

    Election Code Of Conduct : चंद्रपुरात आचारसंहितेचे उल्लंघन

    Election Code Of Conduct 16 मार्चला लोकसभेच्या सार्वत्रिक निवडणुकीची आचारसंहिता लागू झाली. आदर्श आचारसंहिता लागू झाल्यानंतर चंद्रपूर महानगरपालिकेने दिनांक 18 मार्च रोजी शहरातील रामाळा तलावाच्या पुनर्जीवनाची 24 कोटी रुपये किमत असलेल्या नविन कामाची निविदा प्रसिद्ध केली. या प्रकरणात चंद्रपूर मनपाचे माजी नगरसेवक जनविकास सेनेचे संस्थापक अध्यक्ष पप्पू देशमुख यांनी जिल्हा निवडणूक अधिकारी विनय गौडा तसेच राज्याचे मुख्य निवडणूक अधिकारी यांच्याकडे आदर्श आचारसंहितेचा भंग झाल्याची लेखी तक्रार केली. या तक्रारीनंतर 26 मार्च रोजी मनपाने वादग्रस्त निविदा प्रक्रिया रद्द केली.

    हे ही वाचा : दुपारी कांग्रेसचा राजीनामा तर सायंकाळी लगेच भाजपात प्रवेश, प्रकाश देवतळे यांना पक्ष बदलाची घाई

    आचारसंहिता लागू झाल्यानंतर नवीन कामासाठी ई-निविदा प्रक्रिया सुरू केल्यास आदर्श आचारसंहितेचा भंग होत असल्याची पूर्ण माहिती आयुक्त विपिन पालीवाल यांना आहे. या कामासाठी 540 दिवसांचा कालावधी असतानांही केवळ 8 दिवसांच्या कालावधीत निविदा प्रक्रिया पूर्ण करून मर्जीतील कंत्राटदाराची नेमणूक करण्याचा प्रयत्न मनपा आयुक्त विपिन पालीवाल यांनी केल्याचा आरोप देशमुख यांनी केला. Election Code Of Conduct

    निवडणूक निरीक्षक लोकेश कुमार जाटव यांच्याकडे तक्रार,गरज पडल्यास न्यायालयात जाणार

    आदर्श आचारसंहितेचा भंग केल्याची तक्रार जिल्हा निवडणूक अधिकाऱ्यांकडे केल्यानंतर मनपा प्रशासनाने 24 कोटी रुपये किमतीची वादग्रस्त निविदा प्रक्रिया दिनांक 26 मार्च रोजी रद्द केली. मात्र हेतुपुरस्पर आदर्श आचारसंहितेचा भंग करणारे मनपा आयुक्त यांचे विरूध्द आजपर्यंत कोणतीही कठोर कारवाई निवडणूक विभागाने केली नाही. आयुक्त पालीवाल सात वर्षांपासून जिल्ह्यात कार्यरत असून त्यांची कारकीर्द वादग्रस्त असल्याची माहिती निवडणूक विभागाला देण्यात आली. Election Code Of Conduct

    हे ही वाचा : आम्हाला लोकशाही वाचवायची आहे, म्हणून धानोरकर यांना पाठिंबा

    गंभीर तक्रारीनंतरही आयुक्त पालीवाल यांचे विरुद्ध निवडणूक विभागाने तातडीने कारवाई का केली नाही ? निवडणूक विभाग मनपा आयुक्त विपिन पालीवाल यांना कारवाई पासून सूट देत आहे का ?असा प्रश्न आहे. याबाबत वन अकादमी येथे आलेले चंद्रपूर-वणी-आर्णी लोकसभा क्षेत्राचे सामान्य निरीक्षक लोकेश कुमार जाटव यांच्या कार्यालयात 29 मार्चला लेखी तक्रार नोंदवली. निवडणूक विभागाने आयुक्त पालीवाल यांचे विरुद्ध कठोर कारवाई न केल्यास न्यायालयात दाद मागणार अशी प्रतिक्रिया देशमुख यांनी एका प्रसिद्धी पत्रकाद्वारे दिली. Election Code Of Conduct

  • Resignation of Prakash Devtale : कांग्रेसला प्रकाश देवतळे यांची सोडचिठ्ठी

    Resignation of Prakash Devtale : कांग्रेसला प्रकाश देवतळे यांची सोडचिठ्ठी

    Resignation of Prakash Devtale चंद्रपूर – जिल्हा कांग्रेस कमिटी ग्रामीण चे माजी जिल्हाध्यक्ष प्रकाश देवतळे यांनी ऐन लोकसभा निवडणुकीच्या तोंडावर पक्षाच्या प्राथमिक सदस्यत्वाचा राजीनामा दिला आहे.

     

    त्यांच्या राजीनाम्याने सध्या कांग्रेस पक्षात खळबळ उडवून दिली आहे, 29 मार्चला त्यांनी आपला राजीनामा प्रदेशाध्यक्ष नाना पटोले यांच्याकडे पाठविला आहे. Resignation of Prakash Devtale

    हे ही वाचा : चंद्रपुरात लोकसभा निवडणुकीच्या पार्श्वभूमीवर जय विदर्भ पार्टीचा मोठा निर्णय

    मागील 15 ते 20 वर्षांपासून प्रकाश देवतळे कांग्रेस पक्षात सक्रिय होते, 10 वते 12 वर्षे कांग्रेस पक्षाचे जिल्हाध्यक्ष पद त्यांनी भूषविले होते, मात्र कृषी बाजार समितीच्या निवडणुकीत त्यांनी भाजप पक्षासोबत युती करीत निवडणूक जिंकली होती, इतकेच नव्हे तर निवडणूक जिंकल्यावर देवतळे ह्यांनी भाजप जिल्हाध्यक्ष सोबत आनंदोत्सव सुद्धा साजरा केला, त्याबाबत प्रसार माध्यमावर वृत्त प्रकाशीत झाल्यावर प्रदेश अध्यक्ष पटोले यांनी त्यांना पदावरून पायउतार केले होते. Resignation of Prakash Devtale

     

    नंतर ते तेली समाजाच्या महाराष्ट्र प्रदेश उपाध्यक्ष पदी काम करू लागले, नुकतेच त्यांनी कांग्रेस पक्षाने लोकसभा निवडणुकीत चंद्रपुरात तेली समाजाला प्रतिनिधित्व द्यावे अशी मागणी केली होती, मात्र लोकसभेची उमेदवारी प्रतिभा धानोरकर यांना दिल्याने ते नाराज झाले, काही दिवसांपासून ते अस्वस्थ होते व अखेर त्यांनी 29 मार्चला कांग्रेस पक्षाच्या प्राथमिक सदस्यत्वाचा राजीनामा दिला, पुढील 2 दिवसात मी राजकीय भूमिका स्पष्ट करणार अशी माहिती त्यांनी दिली होती मात्र आजच राजीनामा आणि आजच त्यांनी भाजप पक्षात प्रवेश केला, म्हणजेच त्यांचा राजीनामा आणि पक्षप्रवेश हे सर्व आधीच ठरलं होतं. Resignation of Prakash Devtale

    Prakash devtale in bjp

    देवतळे म्हणाले की मी अनेक वर्षे पक्षात काम केलं मात्र नेहमी माझ्यावर अन्याय करण्यात आला, कांग्रेसने माझे राजकीय आयुष्य उध्वस्त करण्याचा प्रयत्न केला, मी अनेक निवडणुकीत पक्षाला विजयश्री मिळवून दिला त्यानंतर सुद्धा पक्षाने माझ्यावर अन्याय केला, याकरिता मी पक्षाचा राजीनामा देत आहे असे त्यांनी स्पष्ट केले. Resignation of Prakash Devtale

     

    प्रकाश देवतळे हे विरोधीपक्ष नेते विजय वडेट्टीवार यांचे खंदे समर्थक आहे, देवतळे यांच्या राजीनाम्यावर सध्यातरी वडेट्टीवार यांनी काही प्रतिक्रिया दिली नाही.

    ऐन लोकसभा निवडणुकीच्या तोंडावर देवतळे यांच्या राजीनाम्याने पक्षाला काही फरक पडणार नाही अशी स्थिती सध्या कांग्रेस गोटात आहे.

  • Jai Vidarbha Party : प्रतिभा धानोरकर यांना पाठिंबा

    Jai Vidarbha Party : प्रतिभा धानोरकर यांना पाठिंबा

    Jai vidarbha party महाविकास आघाडीच्या चंद्रपूर-वणी-आर्णी लोकसभा मतदार संघाच्या उमेदवार प्रतिभाताई धानोरकर यांना मतदार संघातून मोठा पाठिंबा मिळत आहे. विविध सामाजिक संघटना प्रतिभाताई धानोरकर यांच्या समर्थनार्थ उभ्या झाल्या आहेत. आता जय विदर्भ पार्टीने एकमताने प्रतिभाताई धानोरकर यांना पूर्ण पाठिंबा दिला आहे.

    हे ही वाचा – चंद्रपुरात अवैध धंद्यावर लगाम तर गुन्हेगारी झाली बे लगाम

    आपण प्रतिभाताई यांना पाठिंबा देत असल्याचे पत्र जय विदर्भ पार्टीने पाठविले आहे. हुकूमशाही विरोधातील लढ्यात आपण खंबीरपणे ताईंच्या सोबत असल्याचे पार्टीने म्हटले आहे. Jai vidarbha party

     चंद्रपूर-आर्णी-वणी लोकसभा मतदार संघाच्या महाविकास आघाडीच्या उमेदवार प्रतिभाताई धानोरकर यांना मतदार संघातून मोठा पाठिंबा मिळत आहे. चंद्रपूर शहरात निघालेल्या रॅली आणि सभेला अलोट गर्दी उसळली होती. रखरखत्या उन्हाची पर्वा न करता प्रतिभाताई यांना समर्थन देण्यासाठी मतदार संघाच्या कानाकोपऱ्यातून जनता आली होती. हुकूमशाही विरोधातील लोकशाहीच्या या लढ्यात आता जय विदर्भ पार्टीने एकमताने प्रतिभाताई धानोरकर यांना समर्थन दिले आहे. Jai vidarbha party

     

    ताईंच्या पाठीशी आम्ही खंबीरपणे उभे राहण्याचा निर्णय घेतला आहे, असे पार्टीच्या पदाधिकाऱ्यांनी म्हटले आहे. पार्टीचे संस्थापक व अध्यक्ष रमेशभाऊ बिसेन यांनी चंद्रपूर, गडचिरोली, गोंदीया व यवतमाळ ह्या चारही जिल्हयांचे जिल्हाध्यक्ष, तालुकाध्यक्ष व चंद्रपूर जिल्हयाचे कार्यकर्ते यांनी गजानन सभागृह चंद्रपूर येथे मिटींग घेतली. या मिटींगमध्ये चंद्रपूर लोकसभा निवडणुकीतील कोणत्या उमेदवाराला पाठिंबा द्यायचे यावर चर्चा झाली. प्रतिभाताई धानोरकर यांना पाठिंबा देण्याचे सर्वानुमते ठरविण्यात आले. Jai vidarbha party

     

    पार्टीने केवळ चंद्रपूर जिल्हयात प्रतिभाताई धानोरकर यांनाच पाठींबा द्यायचे ठरविले आहे. प्रतिभाताईंना लहानमोठ्या कार्यकर्त्यांची जाणीव आहे. त्यामुळे हा निर्णय घेताना पार्टीच्या कार्यकर्त्यांमध्ये कुठलाही मतभेद दिसलेला नाही. जय विदर्भ पार्टीचे जिल्हाध्यक्ष, तालुकाध्यक्ष व कार्यकर्ते प्रामाणिकपणे काम करतील, याची हमी पार्टीने दिली आहे. चार जिल्हयातून जय विदर्भ पार्टीची सभासद संख्या व विदर्भ प्रेमीची संख्या मोठी आहे. जय विदर्भ पार्टीने दिलेल्या पाठिंब्यामुळे प्रतिभाताई धानोरकर यांची ताकद वाढली आहे. Jai vidarbha party

     

    जय विदर्भ पार्टीचे चंद्रपूर जिल्हाध्यक्ष सौ. विजयाताई बच्छाव, गडचिरोली जिल्हाध्यक्ष राजीवभाऊ विश्वास, यवतमाळ (वणी) जिल्हाध्यक्ष श्री. रामभाऊ राठोड, गोंदीया जिल्हाध्यक्ष रामप्रसाद उईके, चंद्रपूर तालुकाध्यक्ष गुलशन पठाडे,भद्रावती तालुका प्रमुख विनय कोंडावार, वरोरा तालुकाध्यक्ष भारतीताई कामडी, बल्लारपूर, मुल तालुकाध्यक्ष शिलालाई टाकडे, कोरपना तालुकाध्यक्ष सुजाताताई रंगारी, राजुरा तालुकाध्यक्ष स्मिताताई रायपुरे, गोरेगाव तालुकाध्यक्ष बंडूभाऊ येडे, तिरोडा तालुकाध्यक्ष विनोदभाऊ पारधी मिटिंग मध्ये उपस्थित होते.

  • Chandrapur Lok Sabha Constituency : 15 उमेदवार यांचे अर्ज ठरले वैद्य

    Chandrapur Lok Sabha Constituency : 15 उमेदवार यांचे अर्ज ठरले वैद्य

    Chandrapur Lok Sabha Constituency लोकसभा निवडणुकीच्या पहिल्या टप्प्यात पूर्व विदर्भातील 5 जिल्ह्यात निवडणुका होणार आहे, यामध्ये चंद्रपूर जिल्ह्याचा समावेश आहे.

     

    27 मार्च रोजी चंद्रपुरात विविध राजकीय पक्षांनी जोरदार शक्तिप्रदर्शन करीत आपले उमेदवारी अर्ज दाखल केले होते त्यामधून 15 उमेदवार वैद्य ठरले.

     

    हे ही वाचा – चंद्रपुरात आगीचे तांडव

    27 मार्चला उमेदवारी अर्ज भरण्याची शेवटची तारीख होती, चंद्रपूर-वणी-आर्णी लोकसभा मतदार संघात 36 उमेदवारांनी 48 नामनिर्देशन अर्ज दाखल केले होते, 28 मार्चला अर्जाच्या छानणीनंतर 36 पैकी 15 उमेदवारी अर्ज वैद्य ठरविण्यात आले असून 21 अर्ज बाद करण्यात आले आहे. Chandrapur Lok Sabha Constituency

    हे ही वाचा – वाहतुकीचा खोळंबा, चंद्रपुरात राजकीय त्सुनामी

    उमेदवारी अर्ज वैद्य ठरविण्यात आलेल्या उमेदवारांमध्ये कांग्रेस प्रतिभा धानोरकर, भाजप सुधीर मुनगंटीवार, बहुजण समाज पक्ष राजेंद्र रामटेके, जनसेवा गोंडवाना पार्टी अवचित सयाम, जय विदर्भ पार्टी अशोक राठोड, गोंडवाना गणतंत्र पार्टी नामदेव शेडमाके, बहुजन रिपब्लिकन सोशालिस्ट पार्टी पूर्णिमा घोनमोडे, वंचित बहुजन आघाडी राजेश बेले, अखिल भारतीय मानवता पक्ष वनिता राऊत, सन्मान राजकीय पक्ष विकास लसंते, भीम सेना विद्यासागर कासरलावार, पीपल्स पार्टी ऑफ इंडिया डेमोक्रॅटिक सेवकदास बरके, अपक्ष दिवाकर हरिजी उराडे, अपक्ष मिलिंद दहिवले, अपक्ष नीलकंठ गावंडे यांचा समावेश आहे. Chandrapur Lok Sabha Constituency

     

    वैद्य ठरलेले उमेदवारी अर्ज मागे घेण्याची 30 मार्चपर्यंत मुदत आहे, त्यानंतर प्रचाराला सुरुवात होणार.

    चंद्रपूर लोकसभा मतदारसंघात एकूण 6 विधानसभा क्षेत्रांचा समावेश आहे, ज्यामध्ये चंद्रपूर, बल्लारपूर, राजुरा, वरोरा तर यवतमाळ जिल्ह्यातील वणी व आर्णी विधानसभेचा समावेश आहे, या निवडणुकीत एकूण 18 लाख 36 हजार 31 मतदार मतदानाचा हक्क 19 रोजी बजावतील.

  • Fire at Hindustan Motors : चंद्रपुरात आगीचे तांडव

    Fire at Hindustan Motors : चंद्रपुरात आगीचे तांडव

    Fire at Hindustan Motors चंद्रपूर शहरातील रामनगर चौकात हिंदुस्थान मोटर्स गॅरेज ला आज सकाळच्या सुमारास भीषण आग लागली, या आगीत गॅरेज जळून खाक झाले.

    हे ही वाचा – चंद्रपुरात उसळला जनसागर

    28 मार्च ला सकाळी 7 वाजता गॅरेज जवळ असणाऱ्या कचऱ्याच्या ढिगाऱ्याला कुणीतरी जाळले ती आग हळूहळू वाढत हिंदुस्थान मोटर्स पर्यंत पोहचली, आणि त्या आगीत संपूर्ण गॅरेज जळून खाक झाले. Fire at Hindustan Motors

    हे ही वाचा – चंद्रपूर लोकसभेसाठी 36 उमेदवारांचे अर्ज दाखल

    सदर गॅरेज हे शब्बीर अहमद यांचे असून त्यांनी सांगितले की सकाळी मला काही नागरिकांचा कॉल आला होता त्यांनी सांगितले की तुमच्या दुकानात आग लागली आहे, जोपर्यंत मी पोहचलो तो पर्यंत संपूर्ण दुकान जळून खाक झाले होते. दुकानात बॅटरी, व दुचाकीने नवीन सामान दोन दिवसांपूर्वी आणले होते ते सर्व जळाले, या आगीत 7 ते 8 लाखांचे नुकसान झाल्याचा अंदाज आहे. Fire at Hindustan Motors

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by