Category: ग्रामीण वार्ता

News34 chandrapur

चंद्रपूर : चंद्रपूर जिल्ह्यात राष्ट्रीय शालेय मैदानी क्रीडा स्पर्धेचा ज्वर आता जोमाने चढत असून विविध राज्यांमधून खेळाडू येण्यास सुरवात झाली आहे. या स्पर्धेच्या निमित्ताने चंद्रपुर येथे दाखल झालेल्या खेळाडूंचे जिल्हा प्रशासन, क्रीडा संघटना, पदाधिकारी व स्वागत समितीच्या वतीने जल्लोशात स्वागत करण्यात आले. विशेष म्हणजे प्रशासनाचे उत्कृष्ट नियोजन आणि स्वागताने क्रीडा स्पर्धेसाठी आलेले खेळाडू भारावून गेले आहेत.

राज्याचे वने, सांस्कृतिक कार्य, मत्स्यव्यवसाय मंत्री तथा चंद्रपूर जिल्ह्याचे पालकमंत्री सुधीर मुनगंटीवार यांच्या विशेष पुढाकाराने 26 ते 31 डिसेंबर या कालावधीत बल्लारपूर (विसापूर) तालुका क्रीडा संकुल येथे 67 व्या राष्ट्रीय शालेय मैदानी क्रीडा स्पर्धांचे आयोजन होत आहे. त्यासाठी जिल्हा प्रशासन, क्रीडा संघटना व त्यांचे प्रतिनिधी, लोकप्रतिनिधी आदींचा समावेश असलेल्या विविध समित्यांचे गठन करण्यात आले आहे. यात स्वागत समिती, निवास समिती, भोजन समिती, उद्घाटन समिती, वाहतूक व्यवस्था समिती आदींचा समावेश आहे.
राष्ट्रीय क्रीडा स्पर्धेच्या निमित्ताने आजपासून खेळाडू येण्यास सुरवात झाली आहे.

चंद्रपुरात खेळाडू घेऊन येणा-या विविध राज्यांच्या प्रतिनिधींशी स्वागत समितीच्या सदस्यांनी सुरवातीपासूनच संपर्क केला असून, त्यांची ट्रेनची येण्याची वेळ लक्षात घेता नियोजन केले आहे. त्यासाठी रेल्वे स्थानकावर बसेसची व्यवस्था करण्यात आली आहे. रविवारी झारखंड, उत्तराखंड, जम्मु काश्मिर, ओडीसा, पंजाब या राज्याातील खेळाडूंचे त्यांच्या प्रशिक्षकांसह चंद्रपूर व बल्लारपूर येथे आगमन झाले आहे. पुढील दोन दिवसांत सर्व राज्यातील खेळाडू चंद्रपूरात दाखल होतील, असे क्रीडा विभागाने कळविले आहे.

News34 chandrapur

चिमूर – चिमूर तालुक्यात शुक्रवार दिवस हा अपघात दिवस ठरला असून आज चक्क 13 व्यक्ती विविध अपघातात जख्मी झाले असून एकाचा मृत्यू तर 12 व्यक्तीवर चिमूर उपजील्हा रुग्णालयात उपचार सुरू असून दोन रुग्णांना नागपूर येथे उपचाराकरिता रवाना केले आहे. नानाजी शिवराम जीवतोड वय 65 वर्ष यांचा मृत्यू झाला.

चिमूर तालुक्यात अपघाताचे प्रमाण वाढले असून राष्ट्रीय महामार्गावरील शहरालगतच्या लोखंडया पुलाजवळ मिनझरी बसने दुचाकीला दिलेल्या धडकेत दोन दुचांकीस्वर गंभीर जख्मी झाले. राज्य परिवहन महामंडळाची बस क्रमांक एम एच 31 FC 3690 मिंनझरी वरून चिमूर कडे विद्यार्थी व प्रवासी घेऊन राष्ट्रीय महामार्गाने येत असताना लोखंडी पुलाजवळ दुचाकी क्रमांक एम एच 34 व्हि 4146 ला धडकली त्यामुळे झालेल्या अपघातात दोन्ही दुचाकीस्वर शरद शंकर आदे वय 25. सोमेश्वर लक्ष्मण पंचवटे वय 49 दोघेही राहणार हिरापूर् गंभीर जखमी झाले आहेत.

त्यांना नागपूर येथे उपचाराकरिता रवाना केले आहे. तर शेगाव येथून मयतिच्या कार्यक्रमाकरिता जात असताना चिमूर नेरी मार्गावर पोल्ट्रीफार्म जवळ टाटासुमो MH -26 L 1667 या गाडीचा राळ तुटल्याने टाटा सुमो गाडी पलटी झाल्याने ड्रायव्हर सोबत अकरा व्यक्ती जख्मी झाले. घटनेची माहिती चिमूर पोलिसांना कळताच घटनास्थळावर सहायक पोलिस निरीक्षक निलेश चवरे पोलिस कर्मचाऱ्यांसाठी घटनस्थलवर पोहचून पंचनामा केला. जखमींना उपजिल्हा रुग्णालय चिमूर येथे दाखल करण्यात आले.

उपस्थित वैधकिय अधिकाऱ्यांनी प्राथमिक उपचार करून हिरापूर येथील दोन रुग्णांना पुढील उपचाराकरिता नागपूर येथे रेफर करण्यात आले. व अकरा रुग्ण चिमूर येथील उपजिल्हा रुग्णालयात उपचार सुरू आहे. पुढील कार्यवाही पोलिस निरीक्षक मनोज गभने यांचे मार्गदर्शनात सहायक पोलिस निरीक्षक निलेश चवरे करीत आहेत.