ग्रामीण वार्ता (Gramin Varta) विभागात वाचा news34.in वर चंद्रपूर जिल्ह्यातील ग्रामीण भागातील बातम्या आणि घडामोडी. शेतकरी योजना, ग्रामपंचायत राजकारण, स्थानिक विकास प्रकल्प, कृषी आणि ग्रामीण जीवनाशी संबंधित सर्व महत्त्वाचे अपडेट्स येथे उपलब्ध आहेत. चंद्रपूर ग्रामीण भागातील समस्या, यशोगाथा आणि सकारात्मक बदलांना आम्ही प्राधान्य देतो. ग्रामीण भागातील विश्वासार्ह माहितीसाठी नियमित भेट द्या.
चंद्रपूर – नवीन वर्षाच्या पूर्व संध्येला कसलीही अनुचित घटना घडू नये यासाठी चंद्रपूर पोलिसांचा तगडा बंदोबस्त लावण्यात आला होता, विशेष म्हणजे कुडकूडणाऱ्या थंडीत बंदोबस्तात असलेल्या पोलीस कर्मचाऱ्यांचा उत्साह वाढविण्यासाठी स्वतः पोलीस अधीक्षक परदेशी यांनी रात्री त्यांची भेट घेतली.
31 डिसेंम्बरला मद्यपी वाहनचालक बेजबाबदार पणे वाहने चालवून इतरांच्या जीविताला धोका निर्माण करण्याचे काम करतात, अश्या अनेक घटना जिल्ह्यात घडल्या होत्या, मात्र तशी पुनरावृत्ती 31 डिसेंम्बरला होऊ नये यासाठी पोलीस प्रशासन पूर्णतः सज्ज होते.
चंद्रपुरात पहाटे पर्यंत पोलीस कर्तव्यावर होते, चंद्रपुरात तब्बल 195 मद्यपी वर कारवाई करण्यात आली, यावेळी पोलीस अधीक्षक रवींद्र परदेशी व अप्पर पोलीस अधीक्षक रिना जनबंधु यांनी विविध ठिकाणी भेट देत पोलीस कर्मचाऱ्यांचा उत्साह वाढविला.
नवीन वर्षाचे स्वागत नागरिकांनी शांततेत केल्याने पोलीस अधीक्षक परदेशी यांनी सर्वांचे आभार मानले.
चंद्रपूर : भद्रावती येथील ऐतिहासिक विजासन लेणी येथे भगवान गौतम बुध्दाच्या प्राचीन मुर्ती आहेत. यापैकी वरील भागात असलेल्या एका मुर्तीला दि. 31 डिसेंबर 2023 चे रात्रीतून अज्ञातांनी भग्न करुन विटंबना केल्याचा प्रकार घडला आहे. या घटनेमुळे वरोरा-भद्रावती विधानसभा क्षेत्रात खळबळ उडाली आहे.
या प्रकरणी आमदार प्रतिभाताई धानोरकर यांनी चंद्रपूरचे जिल्हा पोलीस अधीक्षक रवींद्रसिंग परदेशी यांना पत्र लिहून तात्काळ कारवाई करण्याची मागणी केली आहे. पत्रात धानोरकर यांनी म्हटले आहे की, वरोरा-भद्रावती विधानसभा क्षेत्रातील नागरिक शांतताप्रिय, जातीय सलोखा तसेच कायदा व सुव्यवस्थेला सहकार्य करणारे आहेत. परंतु अशा प्रकारच्या घटनांमुळे जातीय तेढ निर्माण होण्याची शक्यता आहे. त्यामुळे या प्रकरणात त्वरित कारवाई करून दोषींना अटक करणे आवश्यक आहे.
आमदार प्रतिभाताई धानोरकर यांनी पोलिस प्रशासनाला तात्काळ दोषींना अटक करण्याची विनंती केली आहे. अन्यथा भद्रावती तालुका काँग्रेस रस्त्यावर उतरुन न्यायासाठी तीव्र आंदोलन करेल, असा इशारा त्यांनी दिला आहे.
घुग्घूस : केंद्र शासनाच्या नवीन चालक कायदा विरोधात आज घुग्घुस शहरातील सर्व चालकांनी आपले वाहन सोबत घेत सदर कायद्या विरोधात आंदोलनाला सुरुवात केली.
कामगार नेते सैय्यद अनवर यांच्या नेतृत्वाखाली चालकांनी घुग्घुस पोलीस स्टेशनला ठाणेदार आसिफ राजा यांना निवेदन देऊन छत्रपती शिवाजी महाराज चौकात दुपारी 12 : 30 वाजेपासून जोरदार निदर्शने केली.
यावेळी चालकांनी नारेबाजी करीत रद्द करा रद्द करा जुलमी कायदा रद्द करा, मोदी शासन मुर्दाबादच्या घोषणा देत चालकांनी आपला संताप व्यक्त केला.
केंद्र शासनाने नवीन चालक कायदा पारित करवून घेतला यानुसार चालकांच्या वाहनाने अपघात झाल्यास चालकाला अपघातग्रस्त व्यक्तीला दवाखान्यात घेऊन जाणे आवश्यक आहे.
चालक पळून गेला असता व दोषी आठळल्यास त्याला सात वर्षाची शिक्षा व सात लाखांचा दंड ठोठावण्यात येणार आहे.
चालकांच्या मते वाहनाने अपघात झाल्यानंतर चालक जर घटनास्थळी थांबला तर त्याला जमावाकडून जीवे मारण्याची शक्यता असते.
तसेच चालक हा आर्थिकदृष्ट्या गरीब असल्याने तो सात लाख दंड देऊ शकत नाही.
व सात वर्षाची शिक्षा झाल्यास त्याचा कुटुंब उध्वस्त होण्याची शक्यता आहे.
सदर आंदोलनात काँग्रेस नेते अनिरुद्ध आवळे, अलीम शेख,विशाल मादर,रफिक शेख,व चालक अनंता बिराडे, श्याम तिरगुटला,राजू आसपवार,संतोष भारती,शंहशह शेख,बालाजी पतंगे,विजय बेहेवार,जावेद शेख,नेतूराग,आरिफ खान,अकबर अली,राजेश श्रीवास,मुस्तुफा साहू,शहनवाज खान,हिफाज खान, सयाराम सर्वां,शाम कोंडागुर्ला,मोहरम अली,बुधराज कश्यप व मोठ्या संख्येने चालक उपस्थित होते.
विसापूर : बल्लारपूर तालुक्याच्या शेवटच्या टोकाला वर्धा नदीवर हडस्ति ते कढोली दरम्यान मोठा पूल आहे. या पुलाखाली चंद्रपूर येथील काही मुले खेळत होते. दरम्यान त्यांना वर्धा नदी पात्रात पोहण्याचे ठरविले.मात्र खोल पाण्याचा अंदाज न आल्याने जुन्या वर्षाला निरोप देताना एकाचा त्यात मृत्यू झाला.
अशोक जीवतोडे यांच्याकडून देशवासियांना नवीन वर्षाच्या हार्दिक शुभेच्छा..
ही घटना रविवारी सकाळी ११.30वाजता दरम्यान बल्लारपूर तालुक्यातील हडस्ति गावाजवळील पुला जवळ घडली. या घटनेत मृत्यू झालेल्या मुलाचे नाव जित रवींद्र गावतुरे (१५ ) रा.नगीना बाग चंद्रपूर असे आहे.
चंद्रपूर येथील काही मुले बल्लारपूर तालुक्यातील हडस्ति गावा जवळच्या पुला खाली व्हालिबाल खेळत होते. यावेळी त्यांच्या सोबत एक मोठा युवक देखील होता.
खेळ खेळल्यानंतर त्यातील चार जणांनी वर्धा नदीत पोहण्याच्या बेत केला.पोहत असताना त्यातील तिघे वर्धा नदीच्या पात्रातून बाहेर आले.मात्र जित्रू गावतुरे हा मुलगा खोल पाण्यात बुडाला. त्याला नदीच्या पात्रातील खोल पाण्याचा अंदाज आला नाही.त्यामुळे त्याचा वर्धा नदी पात्रात बुडून मृत्यू झाला.
या घटनेची माहिती बल्लारपूर तहसील प्रशासनाला देण्यात आली.त्यावेळी नायब तहसीदार ठाकरे व नांदगाव ( पोडे ) येथील तलाठी महादेव कन्नाके यांनी घटनास्थळी धाव घेऊन जिल्हा आपत्ती व्यवस्थापन विभागाला माहिती दिली. दरम्यान गावातील नावाडी व एन डी आर एफ च्या पथकाने त्याचा शोध घेऊन सायंकाळी जितृचा मृतदेह बाहेर काढल्याची माहिती ,बल्लारपूरच्या तहसीलदार कांचन जगताप यांनी दिली.या प्रकरणी चंद्रपूर शहर पोलीस अधिक तपास करत आहे.
चंद्रपूर : गोंडपिपरी तालुक्यातील कुलथा रेती घाटावरून मोठ्या प्रमाणात वाळू तस्करी सुरू आहे. या वाळू तस्करीला तारडाचे सरपंच तरुण उमरे, तंमुस अध्यक्ष चंद्रशेखर लखमापुरे एका महिला ग्रा.पं.सदस्याने विरोध केल्याने वाळू तस्करांनी या तिघांवरही प्राणघातक हल्ला करून जखमी केले. या प्रकरणात शिवसेना (उबाठा) वाहतूक सेनेचा जिल्हाध्यक्ष स्वप्नील काशीकरसह काही जणांवर गुन्हे दाखल करण्यात आले आहे. मात्र, या प्रकरणाला गोंडपिपरीचे एसडीओ, तहसीलदार, अतिरिक्त जिल्हाधिकारी देशपांडे आणि खनिकर्म अधिकारी नैताम तेवढेच जबाबदार असून, या सर्व अधिकाऱ्यांना या हल्ल्याप्रकरणी जबाबदार ठरवून गुन्हा दाखल करण्याची मागणी रिपाइं (आठवले गट) महिला आघाडी जिल्हाध्यक्ष पुष्पा मोरे यांनी पत्रकार परिषदेत केली आहे.
गोंडपिपरी तालुक्यातील कुलथा घाटावरून शासनाचे नियम डावलून रेती उत्खनन सुरू आहे. रेतीघाटधारक अक्षय चांदेकर हे पोकलेन, जेसीबी मशीने रेतीघाट पोखरत आहेत. दररोज रेती तस्करीच्या वाहतुकीमुळे तारडा गाववासीयांची झोप उडाली असून, तारडाचे सरपंच तरुण गंगाराम उमरे, तंमुस अध्यक्ष चंद्रशेखर लखमापुरे आणि एका महिला ग्रामपंचायत सदस्यांने नदीपात्राकडे धाव धेत रेती उत्खननाला विरोध केला. यावेळी या तिघांवरही अक्षय चांदेकर आणि त्याच्या गुंडांनी प्राणघातक हल्ला केला. या हल्ल्याचा मास्टर माइंड शिवसेना वाहतूक सेनेचा जिल्हाध्यक्ष स्वप्नील काशीकर असून, आरोपींवर गुन्हा दाखल करण्यात आला आहे. काही जणांना अटक करण्यात आली तर काशीकर हा फरार असल्याचे पोलीस सांगत आहेत. परंतु, हा हल्ला पूर्वनियोजित असून, रेतीघाटधारक अक्षय चांदेकर यांनी महसूलचे अधिकारी, जिल्हा खनिकर्म अधिकारी आणि अतिरिक्त जिल्हाधिकारी देशपांडे यांना हाताशी धरून हा हल्ला केल्याचा आरोप पुष्पा मोरे यांनी केला आहे.
चांदेकर यांनी परवानगी मिळालेल्या क्षमतेपेक्षा दहा पट अधिक ब्रासरेतीचे उत्खनन केले आहे. रेती घाटावरील सीसीटीव्ही फूटेज आणि स्टॉक यार्ड, जीपीएस ट्रेकिंग याची चौकशी केल्यास या घाटावरील वाळूचोरीचे मोठे गौडबंगाल उजेडात येणार आहे.
परंतु, अनेक ठिकाणी सीसीटीव्ही कॅमेरेच लावण्यात आले नाही. त्यामुळे महसूल अधिकाऱ्यांच्या मूकसंमतीनेचे रेतीघाट धारकाकडून रेतीघाट पोकलेन आणि जेसीबीने पोखरला जात असल्याचा आरोप मोरे यांनी यावेळी केला. जिल्ह्यातील रेतीघाटांवरून मोठ्या प्रमाणात अवैधपणे रेतीचे उत्खनन सुरू असून, गुन्हेगारी वाढत आहे. अधिकाऱ्यांच्या पाठबळामुळेच कुलथा घाटावरील घटना घडली असून, या महसूल अधिकाऱ्यांवर ॲट्रोसिटी ॲक्टअन्वये गुन्हे दाखल करण्यात यावे, तसेच सरपंच आणि तंमुस अध्यक्षांवर प्राणघातक हल्ला प्रकरणातील फरार आरोपींना तत्काळ अटक करण्याची मागणी मोरे यांनी पत्रकार परिषदेत केली आहे.
अशी होते वाळू तस्करी…
चंद्रपूर जिल्ह्यात आज असंख्य वाळू तस्कर सक्रिय आहे, नियमाप्रमाणे वाळू घाट घेतल्यावर 1 हजार ब्रास च्या ऐवजी हे तस्कर 10 हजार ब्रास वाळू उत्खनन करतात, प्रशासन द्वारा वाळू घाटावर नियंत्रण ठेवण्यासाठी सीसीटीव्ही कॅमरे व वाळू वाहतूक करणाऱ्या वाहनांवर जीपीएस सिस्टम बसविल्या जातो, मात्र वाळू तस्कर ज्या वाहनांवर जीपीएस सिस्टम लावला असतो ते वाहन शट डाऊन दाखविण्यात येते आणि दुसऱ्या वाहनाने वाळूची अवैधरित्या वाहतूक करण्यात येते.
प्रशासनाची अर्थपूर्ण भूमिका…
खनिज संपत्तीने नटलेल्या या जिल्ह्यात वाळू तस्कर तलाठी, तहसीलदार, उपविभागीय अधिकारी, खणीकर्म अधिकारी व स्थानिक यांच्याशी ओळखी करीत सलोख्याचे संबंध स्थापित करतात आणि मग सर्वांशी अर्थपूर्ण व्यवहार सुरू करीत हा गोरखधंदा सुरू करण्यात येतो.
दरवर्षी शासनाला यामुळे कोट्यवधी रुपयांचा चुना लागतो विशेष बाब म्हणजे प्रशासनातील अधिकारी महसूल विभागाला चुना लावण्याचे काम करीत असतो, त्यामुळे वाळू तस्कर कुणाच्याही नियंत्रणात नसतात, त्यामुळे मुजोरी व प्रशासनातील अधिकाऱ्यांशी असलेल्या संबंधामुळे हे काहीही करायला तयार असतात हे विशेष.
या वाळू तस्करीला जबाबदार तस्कर नसून तर त्यांच्याशी हातमिळवणी करणारे प्रशासनातील अधिकारी आहे, ज्यादिवशी या अधिकाऱ्यांवर कारवाई करण्यास प्रारंभ होणार त्यादिवशी हे अवैध धंदे पूर्णतः बंद होणार.
अशोक जीवतोडे यांच्याकडून देशवासियांना नवीन वर्षाच्या हार्दिक शुभेच्छा..
मुल – 31 डिसेंबरच्या रात्री नवीन वर्षांच्या स्वागताचा उत्साह सर्वत्र पाहायला मिळते. या उत्साहाच्या वातावरणात कायदा व सुव्यवस्थेला तडा जाऊ नये, मुल पोलीस स्टेशन सज्ज झाले आहे. व यासाठी दिनांक 29/12/23 पासूनच विशेष मोहीम सुरू करण्यात आली आहे. मुल पोलीस स्टेशन कडून नियोजनबद्ध बंदोबस्ताची संपूर्ण तयारी केली आहे.
पोलिस स्टेशन हद्दीत ठीकठिकाणी फिक्स पाईन्ट व बॅरिगेड लावून नाकाबंदी करण्यात येणार असून, ड्रन्क ॲन्ड ड्राईव्हवर लगाम लावण्यासाठी पोलिसांचा तडगा बंदोबस्त लावण्यात येणार आहे. बहुतांश पोलीस रस्त्यावर उतरून बंदोबस्त ठेवणार आहे. हद्दीत फिक्स पाईन्ट लावून वाहनांची तपासणी केली जाईल.
मुख्यतः चंद्रपूर गडचिरोली महामार्गावर पोलिसांची विशेष नजर राहणार आहे नववर्षाच्या स्वागतावेळी दारू पिऊन वाहने चालविणारे अपघात घडवितात. त्याचेवर ड्रंक अँड ड्राईव्ह ची कारवाई करून त्यांचे वाहन सुद्धा जप्त करण्यात येणार आहे.
मुल – १ जानेवारी १८४८ रोजी क्रांतीसुर्य महात्मा ज्योतिराव फुले व क्रांतीज्योती सावित्रीबाई फुले यांनी भिडेवाडा पुणे येथे मुलीचा पहिली शाळा सुरू केली. त्या सन्मानार्थ भिडेवाडा ते फुलेवाडा महारैली १ जानेवारी २०२४ रोजी माळी महासंघ व सकल माळी समाजाच्या वतीने आयोजित करण्यात आली आहे.
या रॅलीमध्ये समाज बांधवांनी सहभागी होण्याचे आवाहन माळी महासंघाचे राष्ट्रीय अध्यक्ष अविनाश ठाकरे, प्रदेशाध्यक्ष अरुण तीखे यांचे मार्गदर्शनाखाली माळी महासंघाच्या वतीने गत नऊ वर्षापासून या रॅलीचे आयोजन करण्यात येत आहे.
भिडेवाडा येथे राष्ट्रीय स्मारक व्हावे या मागणीसह भिडेवाडा ते फुलेवाडा सन्मानदिन महारॅली फुले दांपत्यांच्या सन्मानार्थ या रॅलीचे आयोजन करण्यात येते. विशेष म्हणजे भिडेवाडा येथे राष्ट्रीय स्मारकाच्या निर्माणाचे सर्व अडथळे दूर होवून येत्या काही दिवसात भिडेवाडा येथे राष्ट्रीय स्मारक निर्माणाचे कार्य सुरू होत आहे, माळी महासंघाच्या दृष्टीने ही मोठी उपलब्धता म्हणावी लागेल.
फुले दांपत्यांच्या सन्मानासाठी तसेच आलेल्या यशाचा जल्लोष करण्यासाठी माळी समाज बांधवांनी या महारॅलीमध्ये सहभागी व्हावे, असे आवाहन माळी महासंघाचे चंद्रकांत बोरकर, प्रदेश उपाध्यक्ष प्राचार्य डॉ.एन.एस.कोकोडे, महीला आघाडी कार्याध्यक्ष प्रमुख संध्याताई गुरनूले, डॉ. संजय घाटे, यांनी केले आहे.
नेरी वरून जवळ असलेल्या नवतळा येथील शेतात काम करीत असलेल्या महिलेवर रानटी डुकराने हमला करून जखमी केले सदर हल्ल्यात महिला गंभीर जखमी झाली असून चिमूर येथील उपजिल्हारुग्णालयात उपचार घेत आहे सुदैवाने आजूबाजूच्या शेतकऱ्यांनी धाव घेतल्याने जीवितहानी टळली.
नवतळा येथील शालिनी मारोती बारसागडे वय अंदाजे 60 वर्षे ही सकाळी 10 वाजता शेतातील काम करण्यासाठी शेतात गेली असता शेतात एकटीच होती ऐन दुपारी 12 वाजता दरम्यान ऐका रानटी डुकराने शेतात आगमन करीत सरळ शालिनी बाईवर हल्ला चढवला मात्र शालिनी ला या डुकराचा मागोवा सुद्धा लागला नाही ती तुरी च्या शेंगा तोडीत होती रानटी डुकराची धडक इतकी जोरदार होती की सरळ पाळीवरून खाली कोसळली यामध्ये तिला गंभीर मार लागला व ती जखमी झाली खाली पडताच ती जोरात ओरडल्याने आजूबाजूच्या शेतातील नागरिक तिच्या आवाजाच्या दिशेने धावले लोकांना पाहून रानटी डुकर पसार झाला.
त्यामुळे सुदैवाने तिचे प्राण वाचले सदर शेतकऱ्यांनी तिला उचलून घरी नेले व तात्काळ वाहन करून उपचारासाठी उपजिल्हा रुग्णालयात दाखल केले वृत्त लिहिपर्यत वनविभाग पोहचले की नाही याची माहिती मिळाली नाही सदर महिलेला वनविभागाने उपचारासाठी मदत द्यावी अशी मागणी गावकरी करीत आहेत.
चिमूर – चिमूर तालुक्यातील हिरापूर येथे दुचांकी वाहनाने चारचाकी वाहनाला समोरून धडक दिल्याने दुचाकी वाहक जखमी झाले असून जखमी युवक हीरापुर येथील रहिवासी आहेत. हिरापुर येथील ही दुसरी घटना आहे.
शंकरपुर जवळील हिरापुर येथे शुक्रवारला सायंकाळी पाच वाजताच्या दरम्यान हिरापुर गावातून येणाऱ्या दुचांकीने भरधाव वेगात येऊन चारचाकी वाहन क्रमांक ला धडक दिल्याने दुचाकीवाहक समीर नानाजी रावडे वय 19 व सुमित प्रल्हाद मुनघाटे वय 18 वर्ष दोघेही राहणार हिरापुर गंभीर जख्मी झाले असून. या घटनेची माहिती शंकरपुर पोलिस चौकीला कळवताच पोलिस घटनास्थळी दाखल होऊन जखमींना उपचारासाठी शंकरपुर येथील ग्रामीण रुग्णालयात भरती करण्यात आले.
प्राथमिक उपचार करून सुमित मुनघाटे याला नागपूर येथील रुग्णालयात तर समीर रावडे याना ब्रम्हपुरी येथे रेफर करण्यात आले. हिरापूर् येथील याच आठवड्यातील हा दुसरा अपघात असून पहिल्या अपघातात एक गंभीर जख्मी तर एका व्यक्तीचा मृत्यू झाला होता. पुढील तपास पोलिस शिपाई परमेश्वर नागरगोजे करीत आहेत
चिमूर – (गुणवंत चटपकार)
चिमूर शहर व तालुक्याची जिवन वाहीनी असलेल्या उमा नदीचीचे पात्र रेती तस्करां करीता संजिवनी ठरली आहे. सोनेगाव सिरास गावा जवळील उमा नदीच्या घाटातुन मागील पंधरा दिवसा पासुन रात्रोच्या सुमारास रेतीचा उपसा करून रोज चिमूर व नेरी येथील पंचेविस ते तिस ट्रॅक्टर द्वारे तस्करी केल्या जात आहे.ज्यामुळे शासणाचा लाखो रूपयाचा महसुलास रेती तस्करांनी चुना लावलेला आहे.
चिमूर तालुक्यात सर्व पक्षीय रेती तस्करांकडून रेतीचा उपसा व वाहतुक करून बक्कळ पैसा कमविल्या जात आहे.या तस्करांना राजकिय व प्रशासकिय आधार मिळाल्याने त्यांची मुजोरी वाढली असुन सामान्य नागरीकांना कुणीही जुमानत नाही.
शेतकऱ्यांना,गावकऱ्यांना धमकावुन व प्रशासनाशी आर्थिक हितसंबध जोपासुन यांचा व्यवसाय बिनदिक्कतपणे सुरु आहे. चिमूर तालुक्यात उमा नदीच्या सोनेगाव सिरास जवळील पात्रात स्थळावर मोठ्या प्रमाणात रेती आहे.हे सर्व हेरून चिमूर नेरी येथील रेती तस्कर सामुहिक पणे या पात्रातुन अवैध रेती उत्खनन व वाहतुक करीत आहेत.ज्यामुळे पात्रात जवळपास पाच फुटावर खड्डे पडलेले आहेत.हि रेती तस्करी रोज रात्रो पहाटे पाच वाजे पर्यंत केल्या जाते.
अवैध रेती वाहतुक करणाऱ्या ट्रॅक्टर मुळे शेतकऱ्यांना त्यांच्या शेतात जाण्या साठी निर्माण करण्यात आलेल्या पांदण रस्त्यावर मोठ मोठे खड्डे पडले आहेत.ज्यामुळे शेतकऱ्यांना आपल्या शेतात दुचाकीने जाताना जिव मुठीत घेऊन जावे लागते. अनेक शेतकरी यावरून मार्गक्रमण करताना पडले आहेत.मोठ्या प्रमाणात होणाऱ्या या रेती तस्करीकडे महसुल विभाग जाणीव पुर्वक दुर्लक्ष करतात कि त्यांना माहीती नसते हा गंभीर प्रश्न आहे.या घाटातुन करण्यात आलेल्या रेती उपसा संबधी प्रभारी अप्पर जिल्हाधिकारी तथा उप विभागीय अधिकारी यांना माहीती देण्यात आली असुन या रेती तस्करावर कोणती कार्यवाही होईल याकडे नागरीकांचे लक्ष लागलेले आहे.
