Category: ग्रामीण वार्ता

Student news गुरू गुरनुले मुल – चालू शैक्षणिक सुरुवात होताच मुल येथील शाळा महाविद्यालय सुरु झाले. तालुक्याच्या ठिकाणी शैक्षणिक सुविधा असल्याने स्वामी विवेकानंद विद्यामंदिर, नवभारत विद्यालय मुल, कर्मवीर कनिष्ठ व वरिष्ठ महाविद्यालय मुल येथे विरई येथील जवळपास ३५ ते ४९ विद्यार्थी विद्यार्थिनी नियमित परिवहन महामंडळाच्या बसने जाणे येणे सुरु होते. विद्यार्थिनी पासेसही काढल्या होत्या. असे असताना मागील अनेक दिवसापासून नियमित येणारी एस. टी.बस काहीही अचानक बंद झाली. त्यामुळे विद्यार्थी व विद्यार्थिनींचे शैक्षणिक नुकसान होत होते.

महत्त्वाचे : कांग्रेस नेते मेंढे यांनी झोपडपट्टी वासीयांमध्ये ताडपत्री चे केले वाटप

या संदर्भात वीरई येथील १० विद्यार्थिनी ही अडचण कांग्रेस नेते, चंद्रपूर जिल्हा मध्यवर्ती बँकेचे अध्यक्ष व माजी जी.प.अध्यक्ष संतोषसिंह रावत यांना सांगितली असता रावत यांनी याची गंभीर दखल घेत मुल बस स्थानकचे वाहतूक नियंत्रक व जिल्हा आगार व्यवस्थापक यांचेकडे संतोषसिंह रावत यांचे नेतृत्वात मुल तालुका काँग्रेसच्या वतीने तात्काळ बस सुरु करावी असे लेखी निवेदन दिले. महामंडळाच्या वरिष्ठ अधिकाऱ्यांसोबत चर्चा केली. तेथील सरपंच, सदस्य,ग्रामस्थ यांचेही सहकार्य घेतले. असता परिवहन महामंडळ जागे झाले. आणि विद्यार्थ्यांची ही समस्या गंभीर असल्याने दिनांक १७/७/२०२४ पासून विद्यार्थ्यांनी केलेल्या मागणीला अखेर यश आले. व विद्यार्थ्यांसाठी नियमित बस सेवा सुरू करण्यात आली आहे.

Student news विद्यार्थ्यांच्या हितासाठी संतोषसिंह रावत यांचे नेतृत्वात काँग्रेसचे जिल्हा महासचिव घनश्याम येनुरकर, कांग्रेस पदाधिकारी राजू पाटील मारकवार, माजी सरपंच अनिल निकेसर,प्रदीप कामडे, वीरई सरपंच सौ.गेडामताई व इतर सदस्य यांचेही सहकार्य मिळाले. विद्यार्थ्यांची समस्या संतोष सिंह रावत यांचे पुढाकाराने पूर्ण झाल्याने विद्यार्थ्यांनी, पालकांनी व ग्रामस्थांनी श्री.रावत यांचे जाहीर आभार मानले आहे.

junglee ran dukkar

सावली – तालुक्यात वन्यप्राण्यांचा हैदोस सुरु असून आज 16 जुलै रोजी सकाळी 11 वाजताच्या सुमारास सावली कवठी गावाचे शाळकरी मुली शाळेत जात असतांना रान डुकराने त्या मुलीवर हल्ला केला, कसाबसा मुलींनी आपला जीव वाचविला, त्यांनतर त्या रान डुकराने शेतात जात शेतशिवारात काम करीत असलेल्या 3 शेतकऱ्यांवर हल्ला चढविला, यामध्ये एकाचा मृत्यू झाला तर इतर 5 जण जखमी झाले आहे.

junglee ran dukkar सावली विद्यालयात शिकणारे विद्यार्थिनी कु. तनु नायबनकर व 2 सहकारी विद्यार्थिनी हे सकाळी 10 वाजताच्या दरम्यान कवठीवरून निघाले असता तीन कवाडी जवळ जंगली डुकरांनी हल्ला चढवीला. त्यात अनुराधा गंभीर जखमी झाली व दोन सहकारी मुलींनाही दुखापत झाली. त्यानंतर तोच डुकर शेत परिसरातील शेतात काम करणारे आनंदराव चौधरी रा. सावली व सावली येथील अशोक आकुलवार त्यांचे घरामागे एका महिलेसह दोन इसमावर हल्ला चढवीला त्यात दोन गंभीर जखमी झाले होते त्यातील आनंदराव चौधरी हे मृत पावले.

गंभीर व्यक्ती सुरेश आकुलवार हे गडचिरोली सामान्य रुग्णालयात भरती असून तनु भास्कर नायबनकर, दुर्गा दहेलकर, केशवी लालाजी पाल या शाळकरी मुलींसह निर्मला आकुलवार, स्वप्नील आकुलवार यांचेवर सावली ग्रामीण रुग्णालयात उपचार सुरु आहे.

ही माहिती सावली नगर पंचायतचे उपनगराध्यक्ष संदीप पुण्यपवार यांना कळताच रुग्णांना गडचिरोली दवाखान्यात जाऊन मदत केली. याबाबत सावलीचे वनपरीक्षेत्र अधिकारी विनोद धुर्वे सह वन कर्मचारी व सावली पोलीस तपास करीत आहेत.

Kharif Hangam गुरू गुरनुले मुल – यावर्षीच्या २०२४ च्या चालू खरीप हंगामाची पूर्ण तयारी शेतकऱ्यांनी केली असून मागील पंधरा दिवसांपूर्वीच पावसाळा सुरू होताच रोवण्यासाठी असंख्य शेतकऱ्यांनी धानाचे पऱ्हे टाकले तर सर्वसाधारण शेतकरी धान आवत्या टाकले आहेत.

परंतु हंगाम सुरु झाल्यापासून तर आजपर्यंत मुल सावली, काही गावे पोभूर्णा तालुक्यातील खरीप धान पिकाची पेरणी केली तेव्हा पासून पाऊस नसल्याने पऱ्हे व आवत्या वाळून जात असल्याने पीक कसे होणार या विवंचनेत शेतकरी होता. यावर उपाय म्हणून तलावाचे पाणी सोडायला लावा यासाठी शेतकऱ्यांनी संतोष रावत यांचेकडे मागणी लाऊन धरली.

राजकीय बातमी : चंद्रपूर विधानसभेतून अश्विनी खोब्रागडे यांची दावेदारी

तालुक्यातील अनेक शेतकऱ्यांची पाण्याची बोंब लक्षात घेऊन आंदोलन करण्याचे ठरवुन दिनांक १६ जुलै २०२४ रोजी गोसेखुर्द आसोलामेंढा प्रकल्पाचे कार्यकारी अभियंता श्री.पिदुरकर साहेब यांना सावली येथे जाऊन अनेक शेतकऱ्यांच्या उपस्थितीत चर्चा केली व निवेदन दिले.

चर्चेत जूनसुरला, वीरई, फिस्कूटी नहराचे काम, गोवर्धन नांदगाव रखडलेले काम, खेडी साजातील शेतकऱ्यांना पाईपलाईन व व्हालचे काम ठेकेदारांकडून तात्काळ करुन द्यावे, ठेकेदार काम करण्यास असमर्थ असेल तर त्याचे कॉन्ट्रॅक्ट रद्द करून दुसऱ्याला काम देण्याची व कारवाई करण्याची आणि शेतकऱ्यांच्या शेतीला पाणी देण्याची सर्वस्वी जबाबदारी आपली आहे, याची जाणीव सुद्धा संतोष सिंहरावत यांनी कार्यकारी अभियंता पिदूरकर यांना करुन देत, पाणी नाही दिले तर हजोरो शेतकऱ्यांनाआणून तुमच्याकार्यालयासमोर बसल्या शिवाय राहणार नाही, असा इशारा देखील शेतकऱ्यांसमोर दिला.

Kharif Hangam तालुका काँग्रेसच्या मुलच्या वतीने कार्यकारी अभियंता यांना संतोष सिंह रावत यांच्या नेतृत्वात निवेदन देताना सी.डी.सी.सी.बँकेचे अध्यक्ष व माजी जी.प.अध्यक्ष संतोष सिंह रावत, कृषी उत्पन्न बाजार समिती सभापती राकेश रत्नावार,कांग्रेस तालुका अध्यक्ष गुरु गुरनूले,माजी सभापती व संचालक घनश्याम येनुरकर, राजू पाटील मारकवार, विविध कार्यकारी सोसायटीचे अध्यक्ष संदीप कारमवार, माजी उपसभापती दशरथ वाकुडकर, संचालक सुमित आरेकर, गणेश खोब्रागडे, योगेश शेरकी, जालिंदर बांगरे, युवक काँग्रेस अध्यक्ष पवन नीलमवार, अनिल निकेसर, प्रदीप कामडे, संजय गिरडकर, मस्के, यांचेसह राजगड, फिस्कुटी, वीरई, चांदापुर, जूनासुरला, गडीसुरला, नवेगाव (भूज), बेंबाळ, नांदगाव, गोवर्धन, बोंडाळा,चक दुगाळा , येरगाव, चक् बेंबाळ, बोरचांदली, चीचाला,हळदी, येरगाव, खेडी, येथील अनेक शेतकरी बांधव उपस्थित होते.

आजच गोसेखुर्द धरणाचे पाणी सोडले. कार्यकारी अभियंता पिदुरकर. खरीप धान पिकांना मिळत नसल्याची तक्रार निवेदणासह शेतकऱ्यांचे प्रतिनिधी व अनेक शेतकरी बांधवांनी केले असता आजच गोसेखुर्द धरणाचे पाणी सोडले. कारण आसोला मेंढा तलावात फक्त २८ टक्के पाणी शिल्लक असल्याने गोसेखुर्दचे पाणी सोडल्याचे सांगितले.परंतु टेल पर्यांतच्या गावांना पाणी पोहचण्यासाठी तीन दिवस लागणार असेही पिदूरकर यांनी निवेदन कर्त्यांना सांगितले.

Farmers in trouble गुरू गुरनुले मुल – यावर्षीच्या २०२४ च्या चालू खरीप हंगामाची पूर्ण तयारी शेतकऱ्यांनी केली असून मागील पंधरा दिवसांपूर्वीच पावसाळा सुरू होताच रोवण्यासाठी असंख्य शेतकऱ्यांनी धानाचे पऱ्हे टाकले तर सर्वसाधारण व गरीब असलेल्या शेतकऱ्यांनी रोवणीला खर्च जास्त येते म्हणून अनेक शेतकऱ्यांनी धान आवत्या टाकले आहेत. परंतु हंगाम सुरु झाल्यापासून तर आजपर्यंत मुल सावली, पोभूर्णा तालुक्यात फक्त थोड्या प्रमाणात पाऊस थिरकला परंतु धान पिकाला लागणारा पाऊस अजूनही पडला नाही.

अवश्य वाचा : शिवसेनेच्या कार्यक्रमात महिलांचा जनसागर

आजच्या स्थितीत, खाजगी गाव तलाव, मामा तलाव, नदी, छोटे नाले, बोड्या, पूर्णतः कोरडे पडले आहे. तरी देखील पाऊसाचा पत्ताच नाही. त्यामुळे अती तीक्ष्ण व गर्मीच्या उकाड्यामुळे पेरणी केलेले धानाचे पऱ्हे, आवत्या सुकायला लागले असून पिवळसर पडत आहेत. याकरिता शेतकरी चिंतेत सापडला आहे.

महत्त्वाचे : पीकविमा नोंदणी प्रक्रियेला मुदतवाढ द्या – सुधीर मुनगंटीवार

जर येत्या चार पाच दिवसात पेरणीला पाणी दिले नाही तर मात्र हंगाम शेतकऱ्यांच्या हातून गेल्याशिवाय राहणार नाही. अशी वेळ शेतकरी बांधवांवर आलेली आहे. तसेच पऱ्हे रोवणी करीता आले असताना पाण्या अभावी अडून बसले आहेत. दोन्ही तालुक्यातील शेतकऱ्यांचे धान पिकाची आशा सोडली असल्याचे बोळून दाखविले आहे. त्यामुळे सावली – मुल दोन्ही तालुक्यातील शेतकऱ्यांना वाचवायचे असेल तर तात्काळ आसोला मेंढा तलावाचे पाणी सोडावे अशी मागणी सावली तालुक्यातील सावली, खेडिसह पूर्ण गावे व मुल तालुक्यातील राजगड, फिस्कुटी, वीरई, चांदापुर, जूनासुरला, गडीसुरला, नवेगाव (भूजला), बेंबाळ, नांदगाव, बोंडाळा,चक दुगाळा , येरगाव, चक् बेंबाळ, बोरचांदली, चीचाला, येरगाव, इत्यादी गावातील शेतकऱ्यांनी कांग्रेस नेते सी.डी.सी.सी बँकेचे अध्यक्ष व माजी.जी.प.अध्यक्ष संतोष सिंह रावत यांचे कडे केली आहे.

सावली तालुका पूर्ण, तर मुल तालुक्यातील काही गावे निस्तार हक्का प्रमाणे आसोला मेंढा तलाव प्रकल्प याचे लाभधारक आहेत. तलावातील पाणी सोडण्याची जबाबदारी आसोला मेंढा तलाव नूतनीकरण उपविभाग क्र.६ उपअभियंता) यांचेकडे आहे. मुल – तलाठी साजा क्रमांक १२ मंडळ खेडी मध्ये समाविष्ट असलेल्या शेतकऱ्यांच्या शेतजमिनी, खेडी ते गोंडपीपरी रस्त्याच्या दोन्ही बाजूला टेल पर्यंत शेतीला पाणी पुरवठा व्हायला खूप वेळ लागतो.करीता त्वरित तलावाचे पाणी सोडावे अशी मागणी शेतकरी बांधवांच्या वतीने संतोषसिंह रावत यांचेकडे केली. जर का येत्या दोन दिवसात तलावाचे पाणी सोडले नाही तर शेतकऱ्यांसह आंदोलन करण्याचा इशारा देखील रावत यांनी दिला आहे.

खेडी साजातील मुख्य हायवे रस्त्याच्या दोन्ही बाजूला असलेल्या अनेक शेतकऱ्यांना आसोला मेंढा प्रकल्प नूतनीकरण उपविभाग क्रमांक ६ उपअभियंता सावली यांनी पाईप लाईन टाकण्याचे व शेतात वाल लावण्याचे आश्वासन दिले होते.परंतु अधिकाऱ्यांनी तेही पूर्ण केले नाही. त्यामुळे या हंगामात अनेक शेतकऱ्यांना धान पीक घेता येणार नाही असे चिन्ह दिसून येत आहेत. करीता याही शेतकऱ्यांच्या शेतीला तलावाचे पाणी कसे देता येईल याचाही विचार करावा असे संतोषसिंह रावत यांनी म्हंटले आहे.