My Blog

Category: गुन्हेगारी

गुन्हेगारी (Crime) क्षेत्रातील प्रत्येक महत्त्वाची बातमी वाचा news34.in वर. चंद्रपूर जिल्ह्यासह संपूर्ण महाराष्ट्रातील खून, चोरी, फसवणूक, सायबर गुन्हेगारी आणि आर्थिक घोटाळ्यांच्या ताज्या बातम्या येथे उपलब्ध आहेत. पोलीस दलाची कारवाई, न्यायप्रक्रियेतील घडामोडी आणि तपास कार्याचे सविस्तर अपडेट्स आम्ही देतो. गुन्हेगारी जगतातील सत्य आणि विश्वासार्ह माहितीसाठी आमच्याशी जोडलेले रहा.

  • बल्लारपुरात पोलिसांची धांय धांय कारवाई

    Illegal Arms Raid in Ballarpur : चंद्रपूर 6 डिसेंबर (News34) – चंद्रपूर जिल्ह्यातील बल्लारपूर तालुका गुन्हेगारीचे हब बनू पाहत आहे, काही महिन्यापूर्वी बल्लारपुरातील सूर्यवंशी टोळीने शस्त्रसाठा चंद्रपुरात आणत मोठा गुन्हा करण्याच्या तयारीत होते, पोलिसांनी त्या टोळीवर मकोका अंतर्गत कारवाई केली होती, मात्र त्यानंतर सुद्धा बल्लारपूर शहरात बंदुकीचा वापर काही थांबत नाही आहे. (हे वाचा : प्रेमसंबंधात अडसर ठरणाऱ्या पतीची पत्नी व प्रियकराकडून हत्या)

    चंद्रपूर स्थानिक गुन्हे शाखा व बल्लारपूर पोलिसांच्या कारवाईत २ कट्टे व जिवंत काडतूस सह २ आरोपीना अटक करण्यात आली.

    स्थानिक गुन्हे शाखेच्या पहिल्या कारवाईत

    ५ डिसेंबर रोजी स्थानिक गुन्हे शाखेचे पथक गस्तीवर असताना त्यांना माहिती मिळाली कि एक इसम स्वतःजवळ देशी कट्टा बाळगून फिरत आहे, माहितीच्या आधारे गुन्हे शाखेचे पथक पंडित दीनदयाल वॉर्ड येथे पोहोचले.

    दीनदयाळ वॉर्डातील पेपरमिल कॉलोनी पडित क्वार्टर परिसरात ३९ वर्षीय राहुल दिनेश डंगोरे ला ताब्यात घेत अंगझडती घेतली असता एक देशी बनावटीची जुनी वापरती देशी कट्टा आढळून आला. Illegal Arms Raid in Ballarpur

    आरोपी डंगोरे वर भारतीय हत्यार कायद्याअंतर्गत गुन्हा दाखल करण्यात आला, या कारवाईत ५ हजार रुपयांचा मुद्देमाल जप्त करण्यात आला. पुढील तपास बल्लारपूर पोलीस करीत आहे.

    या कारवाईत स्थानिक गुन्हे शाखा निरीक्षक अमोल काचोरे यांच्या नेतृत्वात सपोनि दीपक कांक्रेडवार, बलराम झाडोकार, पोलीस कर्मचारी स्वामीदास चालेकर, अजय बागेसर, किशोर वैरागडे, गोपीनाथ नरोटे, किशोर वाकाटे, शेखर माथनकर व रिषभ बारसिंगे यांनी केली.

    बल्लारपूर पोलिसांच्या कारवाईत

    रेल्वेनगर वॉर्डात एक इसम आपल्या घरी देशी बनावटीची पिस्टल बाळगून असल्याची माहिती बल्लारपूर पोलिसांना मिळाली, माहितीच्या आधारे पोलिसांनी त्या इसमाच्या घराची झडती घेतली असता ७ MM बोर देशी बनावटीची पिस्टल मॅगझीन सह दोन जिवंत काडतूस आढळून आले.

    देशी बनावटीची पिस्टल व २ जिवंत काडतुसे

    रेल्वे नगर वॉर्डातील ३० वर्षीय मोहम्मद इस्माईल उर्फ नवाब युसूफ शेख वर पोलिसांनी गुन्हा दाखल केला आहे. आरोपी हा ट्रान्सपोर्ट व्यवसायी आहे. भारतीय हत्यार कायद्यांतर्गत गुन्हा दाखल करीत आरोपी शेख ला अटक करण्यात आली.

    या कारवाईत देशी बनावटीची पिस्टल व जिवंत काडतुसे असा एकूण १२ हजार रुपयांचा मुद्देमाल जप्त करण्यात आला, पुढील तपास बल्लारपूर पोलीस करीत आहे.

    बल्लारपूर पोलिसांच्या कारवाईत पोलीस निरीक्षक बिपीन इंगळे यांच्या नेतृत्वात सपोनि मदन दिवटे, सपोनि शब्बीर पठाण, पोलीस कर्मचारी रणविजय ठाकूर, सुनील कामतकर, पुरुषोत्तम चिकाटे, सत्यवान कोटनाके, संतोष दंडेवार, विकास जुमनाके, शरदचंद्र कारुष, खंडेराव माने व गुरु शिंदे यांचा सहभाग होता.

    स्थानिक गुन्हे शाखा व बल्लारपूर पोलिसांनी या कारवाईत एकूण १७ हजार रुपयांचा मुद्देमाल जप्त केला.

  • पत्नी व प्रियकराने मिळून पतीची केली हत्या

    Meghwanshi murder : राजुरा (चंद्रपूर) ६ डिसेंबर (News३४) : पत्नीला नेण्यासाठी चंद्रपुरात आलेल्या पतीला पत्नी व तिच्या प्रियकराने ठार केल्याची घटना ५ डिसेंबर रोजी रात्री ८ वाजता राजुरा तालुक्यातील हरदोना गावात घडली, पोलिसांनी या प्रकरणी पत्नी व तिच्या प्रियकराला ताब्यात घेतले आहे. ३० वर्षीय राजेश नारायणलाल मेघवंशी राहणार भिलवाडा राजस्थान असे मृतकाचे नाव आहे.

    राजुरा तालुक्यातील हरदोना गावात ब्लास्टिंग च्या कामासाठी विविध राज्यातील अनेक कामगार या ठिकाणी राहतात. मागील वर्षी राजेश मेघवंशी व त्याची पत्नी दुर्गा उर्फ जिया काम करण्यासाठी हरदोना मध्ये आले होते. काही महिन्यांनी राजेश आपल्या पत्नीसह राजस्थान मध्ये आपल्या गावी परतले, हरदोना मध्ये काम करतेवेळी चंद्रप्रकाश मेघवंशी सोबत दुर्गाचे प्रेमसंबंध जुळले होते. विशेष म्हणजे चंद्रप्रकाश हा राजस्थान राज्यातील भिलवाडा गावात राहणारा असून तो मृतकाच्या पत्नीचा नात्यात भाऊ लागत होता. (हे हि वाचा : १३ ग्राम एमडी सह २ युवकांना अटक)

    प्रेमसंबधाचा खुनी शेवट

    प्रेमसंबंधात वेडसर झालेल्या चंद्रप्रकाश व दुर्गा ने सोबत जीवन मरणाच्या आणाभाका घेतल्या होत्या, ६ महिन्यापूर्वी चंद्रप्रकाश ने दुर्गा ला भिलवाडा मधून पळवीत राजुरा तालुक्यातील हरदोना मध्ये आणले. याबाबत राजेश ने भिलवाडा पोलीस स्टेशनमध्ये तक्रार दिली होती. Meghwanshi murder

    पोलीस तपासात दुर्गा हि चंद्रपूर जिल्ह्यातील हरदोना गावात असल्याची माहिती राजेशला मिळाली, २ मुली व एक मुलगा आईच्या प्रेमात पोरके व्हायला नको यासाठी राजेश व त्याचा मित्र जगदीश मेघवंशी यांनी हरदोन जायचे ठरविले.

    २९ नोव्हेम्बर रोजी राजेश व जगदीश राजस्थान वरून निघाले, आधी नागपूर, चंद्रपूर व नंतर गडचांदूरात त्यांनी पत्नीचा शोध घेतला, ५ डिसेंबर रोजी दुर्गा हि ब्लास्टिंग च्या कामासाठी राहत असलेल्या कामगारांच्या वसाहत परिसरात राहत असल्याची माहिती राजेश ला मिळाली.

    पत्नीने प्रियकराला दिली तलवार

    सायंकाळी ६.३० वाजता राजेश हरदोना आपल्या मित्रांसह पोहोचला, त्यावेळी चंद्रप्रकाश त्यांना दिसला, तू माझ्या पत्नीला का पळवून आणला असा जाब राजेश ने त्याला विचारला असता दोघांमध्ये यावरून वाद वाढला, वाद विकोपाला गेल्यावर चंद्रप्रकाश ने दुर्गा ला आवाज दिला, त्यावेळी दुर्गा ने चंद्रप्रकाश च्या दिशेने तलवार फेकली, त्या तलवारीने राजेश च्या डोक्यावर चंद्रप्रकाश ने जबर प्रहार केला.

    अचानक झालेल्या या हल्ल्यात राजेश खाली कोसळला, रक्तबंबाळ अवस्थेत पडलेल्या राजेश चा काही क्षणात मृत्यू झाला, जगदीश ने स्वतःचा जीव वाचवीत, घटनस्थळावरून पळ काढत पोलीस स्टेशन गाठले. राजुरा पोलिसांना याबाबत माहिती मिळताच त्यांनी घटनास्थळ गाठले. काही तासात पोलिसांनी दुर्गा उर्फ जिया व चंद्रप्रकाश मेघवंशी ला ताब्यात घेतले.

    प्रेमसंबंधात पती अडसर

    जगदीश मेघवंशी ने पोलिसांना माहिती दिली कि चंद्रप्रकाश व दुर्गा यांच्या प्रेमसंबंधात राजेश अडसर ठरत होता, त्यामुळे त्याचा काटा काढण्यासाठी दुर्गा ने चंद्रप्रकाश ला उकसवत त्याची हत्या केली.

    काही दिवसांपूर्वी कोरपना तालुक्यात पत्नीच्या प्रियकराने पतीची हत्या केल्याचे प्रकरण उघडकीस आले होते. प्रेमात अडसर ठरत असलेल्या पतीची प्रियकराने हत्या करीत अपघाताचा बनाव केला होता.

  • चंद्रपुरात १३.५० ग्रॅम एमडीसह २ तरुणांना अटक

    Police raid MD drugs : चंद्रपूर ५ डिसेंबर (News३४) – चंद्रपूर स्थानिक गुन्हे शाखेने अंमली पदार्थ (एमडी) मेफेड्रोन ची विक्री करणाऱ्या २ तरुणांना अटक करीत त्यांचेजवळून १३.५० ग्राम एमडी सह २ लक्ष २३० रुपयांचा मुद्देमाल जप्त केला.

    चंद्रपूर जिल्ह्यात सुरु असलेल्या अवैध धंद्यांविरोधात गुन्हे शाखा मोहीम राबवित कारवाई करीत आहे. जुगार असो कि अंमली पदार्थाची विक्री यावर प्रतिबंधात्मक कारवाई पोलिसांकडून सुरु आहे. (हे वाचा – स्थानिक गुन्हे शाखेची वाळू तस्करावर कारवाई)

    एमडी तस्करी वाढली

    चंद्रपुरात काही वर्षांपासून गांजा व एमडी पावडरची तस्करी मोठ्या प्रमाणात वाढली आहे, यावर नियंत्रण यावे यासाठी पोलीस यंत्रणा प्रयत्न करीत असली तरी छुप्या मार्गाने हे पदार्थ जिल्ह्यात यदाखल होत आहे.

    म्हाडा कॉलोनी मध्ये राहणारे २४ वर्षीय प्रांजल राकेश तिवारी व २४ वर्षीय अदनान जाकीर शेख राहणार म्हाडा कॉलोनी हे दोघे एमडी पावडरची विक्रीसाठी नागपूर रोडवरील ढाब्याजवळ आले होते. Police raid MD drugs

    गोपनीय माहितीच्या आधारे कारवाई

    गुन्हे शाखेला याबाबत गोपनीय माहिती प्राप्त होताच दोघांना ढाब्याजवळून अटक केली, आरोपी प्रांजल तिवारी व अदनान शेख कडून १३.५० ग्राम एमडी पावडर, रोख रक्कम सह दोन मोबाईल असा २ लक्ष २३० रुपयांचा मुद्देमाल जप्त केला. दोघांवर रामनगर पोलीस स्टेशनमध्ये NDPS अधिनियम अन्व्ये गुन्हा दाखल करण्यात आला. या प्रकरणी आरोपी वाढण्याची शक्यता आहे.

    यशस्वी कारवाई पथक

    सदरची यशस्वी कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे यांच्या मार्गदर्शनाखाली पोलीस निरीक्षक अमोल काचोरे यांच्या नेतृत्वात पोउपनि विनोद भुरले, सुनील गौरकार, पोलीस कर्मचारी सुभाष गोहोकार, सतीश अवथरे, रजनीकांत पुठ्ठावार, दीपक डोंगरे, इम्रान खान, किशोर वाकाटे, शशांक बदामवार, हिरालाल गुप्ता यांनी केली. प्रकरणाचा पुढील तपास सपोनि निलेश वाघमारे करीत आहे.

  • local crime branch sand seizure । गुन्हे शाखेची वाळू तस्करावर कारवाई

    local crime branch sand seizure : राजुरा ४ डिसेंबर (News३४) – राजुरा पोलीस स्टेशन हद्दीत वाळू तस्करी करणाऱ्यावर स्थानिक गुन्हे शाखेने धाड मारत तिघांना अटक केली आहे. या कारवाईत ३ ब्रास रेती सह एकूण १५ लक्ष १५ हजारांचा मुद्देमाल जप्त करण्यात आला.

    दुर्दैवी : युवकाने स्वतःला पेटविले

    चंद्रपूर जिल्ह्यातील ग्रामीण भागात मोठ्या प्रमाणात वाळू तस्करी सुरु आहे. महसूल प्रशासन या तस्करीवर झोपेचं सोंग घेऊन आहे. या दरम्यान स्थानिक गुन्हे शाखेच्या चमूने राजुरा हद्दीत सापळा रचत रेतीचा उपसा करीत वाहतूक करणाऱ्यांना वर धरपकड कारवाई केली.

    या कारवाईत ३ ट्रॅक्टर ट्रॉली सह ३ ब्रास गौण खनिज किंमत १५ हजार व ट्रॅक्टर ट्रॉली किंमत १५ लक्ष असा एकूण १५ लक्ष १५ हजारांचा मुद्देमाल जप्त करण्यात आला. या कारवाईत राजेश्वर श्रीधर मालेकर, शुभम नामदेव मुसळे व सचिन भीमराव मडावी राहणार आर्वी तालुका राजुरा यांना ताब्यात घेण्यात आले. घटनेचा पुढील तपास राजुरा पोलीस करीत आहे. local crime branch sand seizure

    सदरची यशस्वी कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे यांच्या मार्गदर्शनात पोलीस निरीक्षक अमोल काचोरे यांच्या नेतृत्वात सपोनि दीपक कांक्रेडवार, पोलीस कर्मचारी स्वामीदास चालेकर, अजय बागेसर व गोपीनाथ नरोटे यांनी केली.

    राजुरा तालुक्यात विविध ठिकाणी वाळू माफिया सक्रिय झाला असून ग्रामीण भागात मोठ्या प्रमाणात वाळूचा उपसा सुरु आहे, मात्र महसूल प्रशासन यावर डोळेझाक करताना दिसत असल्याचे चित्र निर्माण झाले आहे.

  • illegal tobacco supply chain in Chandrapur । चंद्रपुरात १२ लक्ष रुपयांचा सुगंधित तंबाखू पकडला

    illegal tobacco supply chain in Chandrapur : चंद्रपूर ४ डिसेंबर (News३४) – राज्यात प्रतिबंधित असलेल्या सुगंधित तंबाखूची मोठी खेप शिंदेसनेच्या लोकसभा संघटक मुकेश जीवतोडे यांनी वरोरा शहरात पकडली, नगरपरिषदेचे मतदान झाल्यावर तंबाखू माफिया पुन्हा सक्रिय झाला मात्र राजकीय पुढाऱ्यांनी प्रतिबंधित तंबाखू वाहतूक एकूण मुद्देमाल १७ लक्ष ४० हजार २६० रुपयांचा पकडत प्रशासनाच्या हवाली केल्याने माफियांचे चांगलेच धाबे दणाणले.

    २ महिन्यापूर्वी शिवसेना लोकसभा संघटक मुकेश जीवतोडे यांच्याकडे महिलांनी सुगंधित तंबाखू विक्री वरोरा शहरात थांबवावी असे निवेदन दिले होते, मात्र निवडणुकीच्या काळात यावर कारवाई झाली नाही, निवडणूका संपताच जिवतोडे यांनी महिलांच्या निवेदनावर लक्ष देत ३ डिसेंबर रोजी रात्री १०.३० वाजताच्या सुमारास एकार्जुना तालुका वरोरा येथे अशोक लेलँड कंपनीचा मालवाहू वाहन क्रमांक MH३४ BG १००९ उभी होती, जिवतोडे यांनी आपल्या सहकाऱ्यासमक्ष वाहनांची झडती घेतली त्यामध्ये मोठ्या प्रमाणात इगल हुक्का तंबाखू, शिशा, ईगल झेन, विमल, पान पराग पान मसाला असा एकूण १२ लक्ष ४० हजार २६० रुपयांचा मुद्देमाल आढळून आला. illegal tobacco supply chain in Chandrapur

    गुन्हेगारी – मकोका गुन्ह्यातील आरोपीला अटक

    याबाबत मुकेश जिवतोडे यांनी तात्काळ पोलीस व अन्न व औषध प्रशासनाला याबाबत सूचित केले, वरोरा पोलीस पथक एकार्जुना मध्ये दाखल होते वाहन चालक ५२ वर्षीय मिथुन लहानू घोटेकर राहणार चंद्रपूर याला ताब्यात घेत विचारपूस केली असता त्याने सांगितले कि सदर माल हा वरोरा शहरातील अनिल बोधे यांच्याकडे पोहचविण्यात येत होता.

    वरोरा पोलिसांनी वाहन चालक घोटेकर व बोधे यांच्यावर कलम १२३, २२३, २७४, २७५ भारतीय न्याय संहिता २०२३ सहकलम ५९ अन्न सुरक्षा मानदे २००६ अनव्ये गुन्हा दाखल करण्यात आला. गुन्हा दाखल झाल्याचे कळताच अनिल बोधे पसार झाले.

    झोपलेल्या प्रशासनाला आली जाग

    शिवसेनेच्या पदाधिकाऱ्यांनी अवैध सुगंधित तंबाखू पकडल्यानंतर वरोरा पोलीस व अन्न व औषध प्रशासन खळबळून जागे झाले, ४ डिसेंबर रोजी वरोरा शहरात ठिकठिकाणी अनिल फुलचंद शर्मा यांनी साठवून ठेवलेला सुगंधित तंबाखू किंमत ६ लक्ष ४९ हजार १७० रुपये जप्त करण्यात आला.

    चंद्रपूर जिल्हा तंबाखू माफियासांठी अत्यंत सेफ झोन आहे, चंद्रपुरात ठिकठिकाणी खुलेआम सुगंधित तंबाखूची विक्री होते मात्र यावर अन्न व औषध प्रशासन सह पोलीस विभाग डोळेझाक करीत असतात. महिन्याकाठी कोट्यवधी रुपयांची प्रतिबंधित सुगंधित तंबाखूची उलाढाल होत असते. चंद्रपूर जिल्ह्यात प्रतिबंधित तंबाखूचा व्यवसाय कोण करत? हे प्रशासनाला चांगल्या पद्धतीने माहिती आहे. पण प्रशासन यावर निद्रावस्थेत असल्याची भूमिका घेते.

  • Chandrapur MCOCA arrest case update । MCOCA आरोपी आकाश उर्फ मोनू बहुरियाला अटक

    Chandrapur MCOCA arrest case update : चंद्रपूर: शहर पोलीस स्टेशनमध्ये दाखल असलेल्या महाराष्ट्र संघटित गुन्हेगारी नियंत्रण कायदा, १९९९ (MCOCA) अंतर्गत गंभीर गुन्ह्यात घटनास्थळावरून फरार झालेल्या एका सराईत आरोपीला अखेर चंद्रपूर पोलिसांनी अटक केली आहे. उपविभागीय पोलीस अधिकारी, चंद्रपूर यांच्या विशेष तपास पथकाने ही महत्त्वपूर्ण कारवाई करत आरोपीला वर्ध्यातील सावंगी येथून अटक केली.

    गुन्ह्याची पार्श्वभूमी:

    चंद्रपूर शहर पोलीस स्टेशन येथे अप. क्र. ७५८/२०२५ भारतीय न्याय संहिता (BNS) च्या कलम $३१०(४) नुसार, तसेच भारतीय हत्यार कायदा (Arms Act) च्या कलम ३, ४/२५ सह महाराष्ट्र संघटीत गुन्हेगारी नियंत्रण कायदा (MCOCA), १९९९ च्या कलम ३ (१) (ii), ३(२), ३(४)$ अन्वये गुन्हा दाखल करण्यात आला होता. सदर गुन्ह्यात सहभागी असलेला आणि घटनेनंतर लगेचच पोलिसांना चकमा देऊन फरार झालेला प्रमुख आरोपी नामे आकाश उर्फ मोनू बिरजू बहुरिया, वय ३४ वर्ष, रा. सातनल चौक, आंबेडकर वार्ड, बल्लारपूर, हा पोलिसांच्या हिटलिस्टवर होता.

    खंडणी : वाळू घाट बंद पाडण्याची धमकी, कांग्रेस नेत्यावर खंडणीचा गुन्हा दाखल

    गेल्या काही दिवसांपासून चंद्रपूर पोलीस या फरार आरोपीच्या मागावर होते. त्याचे संभाव्य ठिकाणे आणि हालचालींची माहिती गोळा करण्यासाठी विशेष तपास पथक कार्यरत होते. आरोपी हा संघटित गुन्हेगारी टोळीचा सदस्य असल्याने, तो सतत आपले ठिकाण बदलत होता आणि पोलिसांच्या हाती लागणार नाही याची काळजी घेत होता.

    विशेष पथकाची यशस्वी कामगिरी:

    आरोपी आकाश उर्फ मोनू बहुरिया हा वर्धा जिल्ह्यातील सावंगी परिसरात लपून बसल्याची खात्रीशीर माहिती उपविभागीय पोलीस अधिकारी, चंद्रपूर यांच्या विशेष तपास पथकाला मिळाली. माहिती मिळताच, क्षणाचाही विलंब न लावता, पथकाने तातडीने सावंगीकडे कूच केले आणि अत्यंत गुप्तपणे सापळा रचला. पोलिसांची चाहूल लागण्यापूर्वीच, आरोपीला नियोजनबद्ध पद्धतीने ताब्यात घेण्यात आले. कोणताही प्रतिकार न करता आरोपीला अटक करण्यास पोलिसांना यश आले.

    या यशस्वी कारवाईमुळे संघटित गुन्हेगारीला मोठा धक्का बसला आहे आणि परिसरात पोलिसांनी कठोर भूमिका घेतल्याचे स्पष्ट झाले आहे. MCOCA सारख्या कठोर कायद्यांतर्गत गुन्हे दाखल झाल्यावरही आरोपी फरार झाल्यास, पोलीस त्याचा पाठपुरावा करत त्याला कायद्याच्या चौकटीत आणतात, हे या कारवाईतून सिद्ध झाले आहे.

    वरिष्ठ अधिकाऱ्यांचे मार्गदर्शन:

    सदरची मोलाची आणि यशस्वी कार्यवाही पोलीस दलातील वरिष्ठ अधिकाऱ्यांच्या कुशल मार्गदर्शनाखाली पार पडली. पोलीस अधीक्षक श्री मुम्मका सुदर्शन, अपर पोलीस अधीक्षक श्री ईश्वर कातकडे आणि उपविभागीय पोलीस अधिकारी, चंद्रपूर श्री प्रमोद चौगुले यांच्या अचूक नियोजनामुळे ही कारवाई शक्य झाली.

    अटक करणारे पथक:

    या कारवाईत पोलीस उपनिरीक्षक श्री दत्तात्रय कोलाटे, पोलीस अंमलदार रुपेश पराते, शेखर माथनकर, सुरज शेडमाके, योगेश पिदूरकर आणि रामकांत गाव्हणे यांचा समावेश असलेल्या मोक्का पथकाने विशेष परिश्रम घेतले. आरोपीला न्यायालयात हजर करण्यात आले असून पुढील तपास चंद्रपूर शहर पोलीस करत आहेत. या कारवाईमुळे चंद्रपूर जिल्ह्यातील गुन्हेगारीवर नियंत्रण मिळवण्यासाठी पोलिसांचे प्रयत्न अधिक तीव्र झाल्याचे दिसून येत आहे.

  • Vaibhav Pimpalshende extortion case update । वाळूघाट बंद करण्याच्या धमक्या, २.४३ लाखांची खंडणी, वैभव पिंपळशेंडे वर खंडणीचा गुन्हा

    Vaibhav Pimpalshende extortion case update : चंद्रपूर ३ डिसेंबर (News३४) – वाळूचा उपसा, वाहतुकीच्या कामात अडथळा निर्माण करून खंडणी मागितल्याच्या तक्रारीवरून काँग्रेसचे नेते वैभव पिंपळशेंडे याच्यावर गुन्हा दाखल करण्यात आला. चंद्रपुरातील रामनगर पोलिसांनी त्याला अटक केली आहे.

    निवडणूक : गडचांदूरात मतदाराने फोडली ईव्हीएम मशीन

    दोन दिवसांपूर्वी वैभव पिंपळशेंडे व शिवा कोरेवार यांच्यामधील संभाषणाची क्लिप चंद्रपूर जिल्ह्यात व्हायरल झाली होती, कोरेवार यांनी जीवे मारण्याची धमकी दिली या आशयावर सदर क्लिप व्हायरल करण्यात आली मात्र खंडणी प्रकरणामुळे त्या संभाषणावर पडदा पडला आहे, वैभव पिंपळशेंडे यांना रामनगर पोलिसांनी ताब्यात घेतले आहे.

    वाळूघाट बंद पाडण्याच्या धमक्या

    तालुक्यातील चेकवेळवाचा वाळूघाट लिलावात चंद्रपुरातील शिवकुमार शंकर कोरेवार यांना मिळाला होता. गेल्या काही दिवसांपासून वैभव पिंपळशेंडे याने घाटातून वाळूचा उपसा, वाहतुकीच्या कामात अडथळे निर्माण करणे सुरू केले होते. घाट बंद पाडण्याच्या धमक्या त्याने शिवकुमार कोरेवार यांना दिल्या होत्या. पिंपळशेंडे यांच्या त्रासाला कंटाळून शिवकुमार कोरेवार यांनी ऑनलाइन पद्धतीने विविध तारखांना एकूण १ लाख ४३ हजार रुपये इतकी रक्कम दिली. Vaibhav Pimpalshende extortion case update

    याशिवाय वाळूघाटावर असलेल्या सुपरवायझरकडून एक लाख रुपये पिंपळशेंडे यांनी घेतल्याचे कोरेवार यांनी तक्रारीत म्हटले. आतापर्यंत वैभव पिंपळशेंडे याने २ लाख ४३ हजार रुपयाची खंडणी घेतल्याची माहिती फिर्यादीने रामनगर पोलिसांना आपल्या तक्रारीत दिली. तक्रार मिळताच चंद्रपूर रामनगर पोलिसांनी तत्काळ गुन्हा नोंदवून आरोपीला ताब्यात घेतले.याप्रकरणाचा पुढील तपास रामनगर पोलिसांकडून सुरू आहे. संपूर्ण आर्थिक व्यवहाराची शहानिशा करण्यात येत आहे. या प्रकरणाची पोंभूर्णा तालुक्यात मोठी चर्चा रंगली आहे.

  • crime branch action against cattle smugglers । चंद्रपूर स्थानिक गुन्हे शाखेची मोठी कारवाई

    crime branch action against cattle smugglers : चंद्रपूर १ डिसेम्बर (News३४) – चंद्रपूर स्थानिक गुन्हे शाखेने गोवंश तस्करीच्या २ कारवाईमध्ये ९ गोवंश, ४ म्हैस व १ वगार यांची सुटका करीत ७ आरोपींवर गुन्हा दाखल करून एकूण ३७ लक्ष ४० हजारांचा मुद्देमाल जप्त करण्यात आला.

    पहिल्या कारवाईत ३० नोव्हेम्बर ला गुन्हे शाखेला मिळालेल्या गोपनीय माहितीच्या आधारे बल्लारपूर अंतर्गत मौजा मानोरा रोडवर नाकाबंदी करीत तीन पिकअप वाहन क्रमांक MH३३ T०४५२, MH३४ BZ ५०८३ व MH ३४ BG ३९५६ यांना थांबवित झडती घेतली असता त्यामध्ये ९ गोवंश जनावरे आढळून आले. सदर जनावरे हे कत्तलीकरिता कोंबून नेत होते. crime branch action against cattle smugglers

    कारवाई : चंद्रपूर पोलिसांनी ३६३ जणांवर केली हद्दपारीची कारवाई

    गुन्हे शाखेने या प्रकरणात २७ वर्षीय राहुल दशरथ नाकाडे, २५ वर्षीय अनिल नारायण सहारे, ३८ वर्षीय रामेश्वर अरुण करंबे तिन्ही राहणार ब्रह्मपुरी, ४३ वर्षीय रणजित पुंजाराम ढोंगे, व पाहिजे असलेला आरोपी पिंटू सय्यद राहणार ब्रह्मपुरी यांच्यावर भारतीय न्याय संहिता कलम ४९ अंतर्गत महाराष्ट्र प्राणी संरक्षण अधिनियम गुन्हे दाखल करण्यात आले. या कारवाईत एकूण २९ लक्ष ७० हजारांचा मुद्देमाल जप्त करण्यात आला. crime branch action against cattle smugglers

    चंद्रपूर स्थानिक गुन्हे शाखेची मोठी कारवाई

    दुसऱ्या कारवाईत रामनगर पोलीस स्टेशनच्या हद्दीतील जुनोना फाटा परिसरात नाकाबंदी करीत गोवंश तस्करांचे वाहन क्रमांक MH २६ CH ३६०१ ला पोलिसांनी थांबवित झडती घेतली असता त्यामध्ये ४ मग म्हैस व एक नग वगार कोंबलेल्या अवस्थेत होते. सदर जनावरे कत्तलीकरिता नेत होते, या प्रकरणी २४ वर्षीय पांडुरंग विठ्ठल तडेकोट व २८ वर्षीय तिरुपती तुळशीराम सादगिरे दोघेही राहणार नांदेड यांच्यावर गुन्हा दाखल करण्यात आला. या कारवाईत ७ लक्ष ७० हजारांचा मुद्देमाल जप्त करण्यात आला.

    दोन्ही कारवाईत पोलिसांनी ३७ लक्ष ४० हजारांचा मुद्देमाल जप्त केला. सदरची यशस्वी कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे यांच्या मार्गदर्शनाखाली स्थानिक गुन्हे शाखा पोलीस निरीक्षक अमोल काचोरे यांच्या नेतृत्वात सपोनि दीपक कांक्रेडवार, बलराम झाडोकर, पोउपनि विनोद भुरले, संतोष निंभोरकर, पोलीस पथक कर्मचारी धनराज करकाडे, सुरेंद्र महतो, जयंत चुनारकर, प्रदीप मडावी, अजित शेंडे, सुमित बरडे, प्रफुल गार्गात , नितेश महात्मे व मिलिंद टेकाम यांनी केली.

  • 363 offenders externed by Chandrapur police । चंद्रपूर पोलिसांची मोठी कारवाई

    मतदानाचा हक्क शाबूत

    363 offenders externed by Chandrapur police : चंद्रपूर १ डिसेम्बर (News३४) – २ डिसेम्बर रोजी जिल्ह्यातील नगरपरिषद व नगरपंचायतीचे मतदान आहे, या काळात काही अनुचित घटना घडू नये व कायदा व सुव्यवस्थेचा प्रश्न निर्माण न व्हावा याकरिता चंद्रपूर जिल्हा पोलीस दलाने मोठी कारवाई करीत शांतता भंग करणाऱ्या तब्बल ३६३ इसमांविरुद्ध हद्दपारीची कारवाई करण्यात आली आहे.

    गुन्हेगारी – ब्रह्मपुरीत लाखोंचा अवैध विदेशी दारूसाठा जप्त

    जिल्ह्यातील विविध नगरपरिषद व नगरपंचायतीच्या निवडणूक २ डिसेम्बर रोजी होणार असून दुसऱ्याच दिवशी म्हणजेच ३ डिसेम्बर रोजी निवडणुकीचा निकाल लागणार आहे, तत्पूर्वी चंद्रपूर जिल्हा पोलीस दलाने या दरम्यान शांतता कायम रहावी यासाठी विविध पोलीस स्टेशनच्या हद्दीतील ३६३ इसमांवर कलम १६३ (२) अन्व्ये हद्दपारीची कारवाई करण्यात आली, मात्र निवडणुकीच्या दिवशी या इसमांना सकाळी ८ ते १२ वाजेपर्यंत मतदान करता येणार आहे. 363 offenders externed by Chandrapur police

    पोलीस अधीक्षक मुमाक्का सुदर्शन व अपर पोलीस अधीक्षक ईश्वर कातकडे यांच्या मार्गदर्शनात जिल्ह्यातील पोलीस स्टेशन प्रभारी यांनी आपल्या हद्दीतील शांतता भंग करणाऱ्यांची यादी तयार करीत कारवाई साठी प्रस्ताव पाठविला, यावर अपर पोलीस अधीक्षक कातकडे यांनी २७८ तर उपविभागीय दंडाधिकाऱ्यानी ८५ असे जिल्ह्यातील ३६३ इसमांना ३ दिवसांकरिता पोलीस स्टेशन हद्दीत येण्यास मनाई करण्यात आली आहे. या कालावधीत ३६३ जणांना मतदान मात्र करता येणार आहे त्याकरिता ४ तासांचा वेळ देण्यात आला आहे. अशी माहिती चंद्रपूर पोलीस विभागाच्या वतीने देण्यात आली आहे.

  • चंद्रपूर स्थानिक गुन्हे शाखेची यशस्वी कारवाई; दुचाकी चोरीचा गुन्हा उघडकीस

    Stolen bike recovered : चंद्रपूर १६ डिसेंबर २०२५ (News३४): सिंदेवाही पोलीस स्टेशन हद्दीत झालेल्या मोटारसायकल चोरीचा गुन्हा चंद्रपूर स्थानिक गुन्हे शाखेच्या पथकाने उघडकीस आणला आहे. गोपनीय माहितीच्या आधारे कारवाई करत पोलिसांनी एका आरोपीला ताब्यात घेतले असून, त्याच्याकडून चोरीला गेलेली मोटारसायकल जप्त करण्यात आली आहे. (हे हि वाचा – मांजा विक्रेते स्थानिक गुन्हे शाखेच्या रडारवर)

    गुन्ह्याचा तपशील व जप्त मुद्देमाल

    दिनांक १३/१२/२०२५ रोजी स्थानिक गुन्हे शाखा, चंद्रपूर येथील पथकाने मिळालेल्या गुप्त माहितीच्या आधारे तपास केला. या तपासणीदरम्यान, पोलिसांनी विशवपाल गजानन नैताम (वय २९ वर्षे, रा. समता नगर, दुर्गापूर, जि. चंद्रपूर) या आरोपीला ताब्यात घेतले.

    आरोपीकडून होंडा एच एफ डिलक्स (Honda HF Deluxe) कंपनीची, एमएच ३४ बीक्यू ६६३५ (MH 34 BQ 6635) क्रमांकाची एक मोटारसायकल जप्त करण्यात आली आहे. जप्त केलेल्या या मोटारसायकलची किंमत सुमारे २०,०००/- रुपये इतकी आहे. Stolen bike recovered

    उघडकीस आलेला गुन्हा:

    ही चोरी सिंदेवाही पोलीस स्टेशनमध्ये दाखल होती. या गुन्ह्याचा तपशील खालीलप्रमाणे आहे:

    • पोलीस स्टेशन: सिंदेवाही
    • अपराध क्रमांक: ५०८/२५
    • कलम: ३०३(२) BNS (मोटारसायकल चोरीशी संबंधित)

    कार्यवाही करणारे पथक

    ही यशस्वी कारवाई स्थानिक गुन्हे शाखा, चंद्रपूर अंतर्गत उपविभाग चिमूर पथकाने केली. या कारवाईत पोउपनि संतोष निंभोरकर, पोउपनि सर्वेश बेलसरे, पोहवा नितीन साळवे, पोहवा नितीन कुरेकार, पोहवा गजानन मडावी, पो. अं. प्रसाद धुळगंडे, पो. अं. अमोल सावे यांचा सक्रिय सहभाग होता.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by