चंद्रपुरात श्री रामाच्या नावाचा होणार विश्वविक्रम

News34 chandrapur

चंद्रपूर – पालकमंत्री सुधीर मुनगंटीवार यांच्या संकल्पनेतून 20 जानेवारीला चंद्रपुरात राम नामाचा विश्वविक्रम होणार आहे, यासाठी चांदा क्लब मैदानावर जय्यत तयारी सुरू आहे.

22 जानेवारीला अयोध्या येथील श्री राम जन्मभूमी मध्ये श्री रामाच्या मूर्तीची प्राणप्रतिष्ठा सोहळा होणार आहे, मात्र त्याआधी चंद्रपुरात श्री रामाचा गजर होणार असून त्याकडे आता देशाचे लक्ष लागले आहे.

सियावर रामचंद्र की जय हे 11 अक्षरी शब्द हजारो पणत्यांनी सजनार आहे, यासाठी महिलांना प्रशिक्षण देण्याचे काम सुरू आहे, भाजप नेते ब्रिजभूषण पाझारे यांच्या देखरेखीत ही तयारी सुरू आहे.

20 ते 22 जानेवारी दरम्यान चंद्रपुरात विविध सांस्कृतिक कार्यक्रमाचे देखील आयोजन करण्यात आले आहे, विशेष बाब म्हणजे सियावर रामचंद की जय या शब्दांना सजविणारे प्रथम मानकरी 18 पगड जातीचे नागरिक असणार.