Sudhir mungantiwar महिलांच्या आर्थिक स्वातंत्र्यकरिता सुरू करण्यात आलेली मुख्यमंत्री लाडकी बहीण योजनेला महिलांचा उदंड प्रतिसाद मिळाला, विशेष म्हणजे लाभार्थी महिलांना 14 ऑगस्ट पासून योजनेचा पहिला हफ्ता त्यांच्या खात्यात जमा करण्यात आला.
आज चंद्रपूर जिल्हा प्रशासनातर्फे मुख्यमंत्री माझी लाडकी बहीण योजनेच्या लाभार्थ्यांना लाभ वितरण कार्यक्रमाचे आयोजन करण्यात आले होते.
अवश्य वाचा : शिवसेना ठाकरे गटाचे जिल्हाप्रमुख संदीप गिर्हे यांनी शब्द दिला आणि लगेच केला पूर्ण
Sudhir mungantiwar प्रियदर्शिनी सभागृहात 17 ऑगस्टला पालकमंत्री सुधीर मुनगंटीवार व आमदार किशोर जोरगेवार यांच्या प्रमुख उपस्थिती मध्ये महिलांना योजनेच्या प्रतिकात्मक धनादेशाचे वाटप करण्यात आले.
पालकमंत्री सुधीर मुनगंटीवार यावेळी म्हणाले की महायुती सरकारने महिलांना या योजनेद्वारे मोठा आधार दिला आहे, आधी महिलांना पैश्यांची गरज भासली की त्यांना पती ची वाट बघावी लागत होती पण आता तसे होणार नाही, आज महिलांना आर्थिक स्वातंत्र्य मिळाले आहे.
आयोजित कार्यक्रमात सहभागी झालेल्या अंगणवाडी ताई व सामाजिक कार्यकर्त्यांनी राज्याचे मुख्यमंत्री शिंदे, उपमुख्यमंत्री अजित पवार व देवेंद्र फडणवीस सह जिल्ह्याचे पालकमंत्री मुनगंटीवार यांचे लाडकी बहीण योजना सुरू केल्याबद्दल आभार मानले.
योजना : लाडक्या बहीण योजनेचे वेबपोर्टल सुरू
1 जुलै पासून मुख्यमंत्री माझी लाडकी बहीण योजनेची नोंदणी प्रक्रिया सुरू झाली होती, या योजनेला महिलांनी भरभरून प्रतिसाद दिला, 14 ऑगस्टला महिला लाभार्थ्यांच्या खात्यात पैसे जमा व्हायला सुरू झाले, चंद्रपूर जिल्ह्यात हजारो महिलांच्या खात्यात पैसे जमा झाल्यावर महिलांनी मुख्यमंत्री एकनाथ शिंदे व जिल्ह्याचे पालकमंत्री सुधीर मुनगंटीवार यांचे आभार मानले.
लाभार्थी महिला म्हणतात की आधी सदर योजनेत नोंदणी करण्यासाठी त्रास झाला, अनेक समस्या उदभवल्या मात्र पालकमंत्री मुनगंटीवार यांनी बहिणींची अडचण लक्षात घेत विविध ठिकाणी आपल्या माध्यमातून मोफत अर्ज नोंदणी केंद्र सुरू केले, त्यातून आम्हाला दिलासा मिळाला व आमची नोंदणी लवकर झाली.
पालकमंत्री मुनगंटीवार यांनी बहिणींना दिलेला शब्द पाळल्यामुळे आज आम्ही सर्व महिला त्यांचे आभार मानण्यासाठी या कार्यक्रमात सामील झालेलो आहे. अशी प्रतिक्रिया आज महिलांनी चंद्रपुरात आयोजित लाभ वितरण कार्यक्रमानंतर दिली.
Leave a Reply