Bear In Chandrapur City : चंद्रपुरात अस्वलीने ठोठावले चिकन सेंटरचे शटर

News34 chandrapur

चंद्रपूर- शहराच्या मध्यवर्ती भागात असलेल्या भिवापूर वार्डातील सुपर मार्केट जवळ अस्वलाच्या धुमाकूळामुळे नागरीकांमध्ये दहशत निर्माण झाली आहे. भिवापूर वार्डातील एका दुकानात नागरीक बचावासाठी गेले असता अस्वलीने त्या दुकानात शिरकाव करण्याचा प्रयत्न केल्याचा सीसीटीव्ही कॅमेरे व्दारे दिसून येत आहे. Bear in city

31 जानेवारीला मध्यरात्री 12.30 वाजता अचानक एक अस्वल नागरिकांच्या मागे लागली, त्यावेळी नागरिकांनी जवळील इंडियन चिकन सेंटरमध्ये धाव घेतली, वेळेवर नागरिक आत शिरल्याने तात्काळ शटर बंद केल्याने काही अनुचित घटना यावेळी घडली नाही. Wild animal सदर संपूर्ण घटना सीसीटीव्ही कॅमेऱ्यात कैद झाली आहे.

मागील महिन्यात अंचलेश्वर मंदिर व लालपेठ भागात अस्वलांचा मुक्तपणे संचार सुरू आहे, नागरिकांनी अनेकदा सदर बाब वनविभागाला सांगितली मात्र त्यांचा काही प्रतिसाद मिळत नाही आहे, त्यामुळे एकदिवस अनुचित घटना घडल्यावर वनविभाग जागा होणार जे निश्चित.

रात्रीच्या सुमारास जंगलातून अस्वल रस्ता भटकली असावी त्यामूळे ती वारंवार शहराकडे धाव घेत आहे.