My Blog

Tag: News34 chandrapur

  • Chandrapur Road Project Corruption । साडेतीन कोटीच्या कामात ५० लाखांचे कमिशन?

    Chandrapur Road Project Corruption

    Chandrapur Road Project Corruption : चंद्रपूर: बागला चौक ते राजीव गांधी इंजीनियरिंग कॉलेज पर्यंत जीवघेणे खड्डे असलेला रस्ता सोडून साडेतीन कोटी रुपयांच्या रस्ता दुभाजकाचे काम करण्याचा प्रस्ताव चंद्रपूर महानगरपालिकेने केला. हा सर्व अट्टाहास मेसर्स सूर्यवंशी एंटरप्राइजेस साठी करण्यात आल्याचा तसेच ह्या कारणामुळे मनपाला एक कोटी रुपयांचे नुकसान झाल्याचा आरोप माजी नगरसेवक पप्पू देशमुख यांनी केला.
    खात्रीलायक सूत्रांकडून मिळालेल्या माहितीनुसार या कामांमध्ये तत्कालीन आयुक्त पालीवाल यांना कमिशन म्हणून 50 लक्ष रुपयाचे टोकन मिळाले असाही आरोप देशमुख यांनी केला. Chandrapur Paliwal road project commission allegations

    Also Read : चंद्रपूर जिल्ह्यात २ शेतकऱ्यांच्या आत्महत्या

    टोकाच्या स्पर्धेमुळे मनपात काम करणारे कंत्राटदार अंदाजपत्रकीय किमतीपेक्षा 25 ते 30 टक्के कमी दराने काम घेतात. इरई नदीच्या बाजूला तयार करण्यात आलेले विसर्जन कुंड,या ठिकाणी नूकताच नुकताच तयार करण्यात आलेला सिमेंट काँक्रीट प्लॅटफॉर्म, शहरातील अंतर्गत रस्ते दुरुस्तीचे काम या कामांच्या अंदाजपत्रकीय किंमती अनुक्रमे 5 कोटी,1.5 कोटी व 1 कोटी रूपये आहे.ही कामे कंत्राटदारांनी अंदाजपत्रकीय किंमतीपेक्षा अनुक्रमे 22% कमी म्हणजे 3 कोटी 90 लक्ष रुपये,34% कमी म्हणजे जवळपास 1 कोटी रूपये व 25 % कमी म्हणजे 75 लक्ष रुपयांमध्ये घेतले. Chandrapur Municipal Corporation Surya Enterprises contract

    इतकी गळेकापू स्पर्धा असताना 3.5 कोटी रुपयांचे रस्ता दुभाजकाचे काम मेसर्स सूर्यवंशी इंटरप्राईजेसला अंदाजपत्रकीय किमतीपेक्षा फक्त 0.01 टक्के कमी दराने म्हणजेच अंदाजपत्रकीय किमतीमध्ये कसे मिळाले ? हा प्रश्न आहे. कोणतेही ठोस कारण न देता या निविदा प्रक्रियेत पाच पैकी तीन एजन्सीला अपात्र करण्यात आले. मर्जीतल्या कंत्राटदारासाठी स्पर्धा संकुचित केल्याने मनपाचे जवळपास एक कोटी रुपयांचे नुकसान झाले व कंत्राटदाराला तेवढाच आर्थिक लाभ झाला. रस्ता दुभाजकाचे काम रद्द करण्यात यावे व विपिन पालीवाल यांची एसआयटी मार्फत चौकशी करून गुन्हे दाखल करण्यात यावे या मागणीसाठी लवकरच जनविकास सेनेतर्फे मोठे जन आंदोलन छेडण्यात येणार आहे अशी माहिती देशमुख यांनी प्रसिद्धपत्रकाद्वारे दिली.

    मर्जीतल्या कंत्राटदाराला काम देण्याचा ‘पालीवाल पॅटर्न’

    कामाची गरज असो की नसो करायला सोपे व जास्त नफा मिळवून देणारे काम कंत्राटदारासाठी काढायचे. कामाच्या ई-निविदेमध्ये हेतूपुरस्पर अपुरी माहिती टाकायची जेनेकरून कंत्राटदाराला माहितीसाठी मनपाच्या दारात यावे लागेल. कार्यालयात आलेल्या कंत्राटदारांना दलाली करणाऱ्या अधिकाऱ्यांमार्फत धमकावयचे.काम टाकू नका, ई-निविदा प्रक्रियेत सहभागी होऊ नका असे थेट सांगायचे. यानंतरही एखाद्या कंत्राटदाराने काम घेण्याचा प्रयत्न केल्यास त्याला नियम धाब्यावर बसवून निविदा प्रक्रियेत अपात्र करायचे. त्यासाठी आधीच निविदेत मर्जीतल्या कंत्राटदाराच्या हिताच्या अटी-शर्ट टाकून ठेवायच्या. या बेकायदेशीर अटी-शर्तींच्या आधारावर स्पर्धा संकुचित करायची. अशा प्रकार मर्जीतल्या कंत्राटदाराला काम द्यायचे व सुरुवातीलाच लाभ मिळवून द्यायचा. त्याच्या मोबदल्यात रोख स्वरूपात कमिशन घ्यायचे. हा चंद्रपूर मनपाचे आयुक्त असताना विपिन पालीवाल यांचा काम वाटण्याचा पॅटर्न होता.

  • Chandrapur district farmer suicide report । 😢 चंद्रपूर जिल्ह्यात दोन शेतकऱ्यांच्या आत्महत्यांमुळे हळहळ

    Chandrapur district farmer suicide report

    Chandrapur district farmer suicide report : चंद्रपूर: चंद्रपूर जिल्ह्यात गुरुवारी (दि. ९) एकाच दिवशी वेगवेगळ्या घटनांमध्ये दोन शेतकऱ्यांनी गळफास घेऊन आत्महत्या केल्याची दुर्दैवी घटना उघडकीस आली. रेमाजी बाबाजी देशमुख (५५, रा. मोखाळा, ता. सावली) आणि अनिल शंकर देवतळे (४३, रा. माढेळी, ता. वरोरा) अशी आत्महत्या केलेल्या शेतकऱ्यांची नावे आहेत.

    Also Read : तहसीलदार विरुद्ध शेतकऱ्यांचा संताप

    शेतकरी रेमाजी देशमुख यांची आत्महत्या (मोखाळा)

    सावली तालुक्यातील मोखाळा येथील रहिवासी असलेले रेमाजी देशमुख यांच्याकडे दोन एकर शेती आहे. बुधवारी (दि. ८) त्यांचा मुलगा व सून हे दोघे सोयाबीन काढणीसाठी वाशिम जिल्ह्यात रवाना झाले होते, तर त्यांची पत्नी कांता देशमुख या गुरुवारी सकाळी दही विकण्यासाठी गडचिरोली येथे गेल्या होत्या. घरात केवळ नातवंडे असताना, त्यांची नजर चुकवून रेमाजी देशमुख यांनी घरातील एका खोलीत गळफास घेऊन आत्महत्या केली. पत्नी दही विकून घरी परतल्यावर ही धक्कादायक घटना उघडकीस आली. Two farmers suicide in Chandrapur

    या घटनेची माहिती पोलिस पाटील यांनी सावली पोलिसांना दिल्यावर ठाणेदार पुलूरवार हे आपल्या पथकासह घटनास्थळी दाखल झाले. पोलिसांनी पंचनामा करून मृतदेह शवविच्छेदनासाठी सावली ग्रामीण रुग्णालयात पाठविला आहे.

    शेतकरी अनिल देवतळे यांनी केली आत्महत्या (माढेळी)

    दुसऱ्या घटनेत, वरोरा तालुक्यातील माढेळी येथील शेतकरी अनिल शंकर देवतळे यांच्याकडे आठ एकर शेती आहे. त्यांच्यावर विविध कार्यकारी संस्थेचे २ लाख ३० हजार रुपयांचे कर्ज असल्याचे समजते. नेहमीप्रमाणे अनिल देवतळे हे गुरुवारी सकाळी ८ वाजता स्वतःच्या शेतात गेले. तिथे त्यांनी शेतातील घराच्या छताला गळफास घेऊन आत्महत्या केली.

    बराच वेळ झाला तरी अनिल देवतळे घरी परत न आल्याने त्यांचे वडील शंकर देवतळे हे शेतात गेले असता त्यांना ही घटना दिसली. त्यांनी तातडीने माढेळी पोलिसांना याबद्दल माहिती दिली. पोलिसांनी घटनास्थळी येऊन पंचनामा केला आहे. त्यांच्या पश्चात आई, वडील, पत्नी, एक मुलगा व एक मुलगी असा परिवार आहे.

    या दोनही घटनांमुळे सावली तालुक्यातील मोखाळा आणि वरोरा तालुक्यातील माढेळी या गावांमध्ये हळहळ व्यक्त होत आहे.

  • Gondwana University mark sheet with percentage । 🏫 विद्यार्थ्यांना मोठा दिलासा – गोंडवाना विद्यापीठात CGPA सोबत टक्केवारीची थेट नोंद मार्कशीटवर

    Gondwana University mark sheet with percentage

    Gondwana University mark sheet with percentage : चंद्रपूर ९ ऑक्टोबर २०२५ (News ३४ वृत्तसेवा) – गोंडवाना विदयापीठ गडचिरोली येथे नुकतीच शिक्षक आमदार सुधाकर अडबाले सर यांच्या मार्गदर्शनाखाली झालेल्या बैठकीत युवासेना च्या वतीने युवासेना पूर्व विदर्भ सचिव तथा गोंडवाना विदयापीठ सिनेट सदस्य यांनी विद्यार्थी, शिक्षक यांचे विविध प्रश्न मांडले यामध्ये विद्यार्थ्याच्या मार्कशीट वर CGPA सोबतच टक्केवारी (Percentage) चा रकाना सुद्धा टाकण्यात यावा जेणेकरून ज्या विद्यार्थ्यांना बाहेर विदयापीठ मध्ये प्रवेश घेण्यासाठी टक्केवारी ची गरज असते त्यामुळे त्याकरिता आकारण्यात येणारा 200/- वेगळा आर्थिक भुदंड लागणार होता सोबतच वेळेवर conversion सर्टिफिकेट न मिळाल्यामुळे विलंब होऊन प्रवेशापासून वंचित राहावे लागतं होते. Gondwana University CGPA to percentage conversion

    Also Read : शेतकऱ्यांचा तहसीलदार यांच्यावर रोष

    युवासेना च्या वतीने हा मुद्दा बैठकीत ठेऊन यावर तोडगा म्हणून विद्यार्थ्यांना मिळणाऱ्या मार्कशीट वरच CGPA सोबतच टक्केवारी सुद्धा नोंद करावी अशी मागणी प्रा निलेश बेलखेडे यांनी केली व यावर निर्णय घेऊन येत्या हिवाळी किंवा उन्हाळी पारीक्षे पासून विदयार्थ्यांना अश्या पद्धतीची मार्कशीट उपलब्ध करून देण्यावर कुलगुरू यांनी सकारात्मकता दाखवून निर्णय घेतला.

    विविध विषयांवर चर्चा

    यावेळी गोंडवाना अंतर्गत मॉडेल कॉलेज येथील अभ्याँगत प्राध्यापक (Visiting Faculty) यांचे 2023 -24 चे थकीत वेतन देण्यात यावे, Ph.विद्यार्थ्याचे नोटिफिकेशन लवकरात लवकर काढावे तसेच
    त्त्यांचे सर्व प्रक्रिया पार पडलेल्या विद्यार्थ्यांच्या pending असलेल्या provsional degree लवकरात लवकर देण्यात यावी., विद्यापीठ अंतर्गत परीक्षा केंद्रात सुविधा आणि घेण्यात येणाऱ्या परीक्षा पद्धतीमध्ये केंद्रात सुधारणा करण्यात याव्यात, विद्यापीठ परीक्षा विभागात होणाऱ्या दिरंगाई मुळे विद्यार्थी -शिक्षकांना होणाऱ्या विविध अडचणी.अश्या विविध विषयाबद्दल सविस्तर चर्चा करण्यात आली.

    आमदार अडबाले यांनी विदयापीठ प्रशासनाला निर्देश देत समस्या निकाली काढण्यासंदर्भात सूचना केल्या यावर कुलगुरू तसेच इतर अधिकारी यांनी सकारात्मकता दाखविली व येत्या काही दिवसात सर्व विषय निकाली काढण्याचे आश्वासन दिले. सहकार्याबद्दल सिनेट सदस्य, विभागीय सचिव प्रा निलेश बेलखेडे यांनी आमदार आडबले सर यांचे तसेच कुलगुरू बोकारे, प्र.कुलगुरू कावळे आणि इतर अधिकारी यांचे आभार मानले.

  • Jivti taluka satbara cancellation controversy । ⚡ ॲड. दीपक चटप यांच्या नेतृत्वाखाली जिवतीत शेतकरी आक्रमक — “सातबारा बंद” कारवाई थांबवा!

    Jivti taluka satbara cancellation controversy

    Jivti taluka satbara cancellation controversy : जिवती: चंद्रपुर जिल्ह्यातील शेवटच्या टोकावर असलेल्या जिवती तालुक्यात पावसाने पिकांचे अतोनात नुकसान झाले आहे. या पार्श्वभूमीवर शेतकरी संघटना युवा आघाडी प्रदेशाध्यक्ष ॲड. दीपक चटप यांच्यासोबत तालुक्यातील शेकडो शेतकऱ्यांनी तालुका कार्यालयात धडक दिली. जिवती तालुक्यातील सातबारा अभिलेख शासनाने ऑनलाईन केले नाही.

    Also Read : भीषण अपघातात बाप लेकासह तिघांचा मृत्यू

    शासनाकडे तालुक्यातील दस्त अद्यावत नसताना कागदपत्रांच्या त्रुटी असणाऱ्या अनेक शेतकऱ्यांचे सातबारा रद्द करण्याचे आदेश देण्यास तहसीलदार रुपाली मोगरकर यांनी सुरू केली आहे. ऐन संकटात हे आदेश निघत असल्याने तालुक्यातील हजारो शेतकरी मदतीपासून वंचित होतील. त्यामुळे शेतकऱ्यांत तहसीलदार यांच्याविरोधात रोष निर्माण झाला आहे. एकंदरीत जिल्ह्यात ६ पैकी ५ सत्ताधारी आमदार असताना शेतकऱ्यांच्या जखमेवर मिठ चोळण्याचे काम होताना दिसणे दुर्दैवी असून प्रशासन देखील शेतकऱ्यांसोबत असंवेदनशीलपणे वागत असल्याचा आरोप शेतकरी संघटना युवा आघाडी प्रदेशाध्यक्ष ॲड. दीपक चटप यांनी केला. Jivti taluka tehsildar order satbara closure

    नुकसान झालेच नाही

    शेतकऱ्यांचे नुकसान झाले असून बांधावर सरसकट पंचनामे झाले नाही ही आपबीती तहसीलदार यांच्यासमोर मांडली. यावर तहसीलदार यांनी तालुक्यात शेतकऱ्यांचे ओला दुष्काळाने सरसकट नुकसान झालेच नाही असे असंवेदनशील वक्तव्य केले. संपुर्ण शेतांचे पंचनामे करण्याआधीच नुकसान न झाल्याचा निष्कर्ष प्रशासनाने काढल्याने उपस्थित शेतकऱ्यांनी निषेध नोंदविला.

    अधिकारी पंचनामा करायला आलेच नाही

    दरम्यान पल्लेझरी येथील शेतकरी बालाजी कांबळे यांनी माझ्या शेतत अजून एकही अधिकारी पंचनामे करायला आला नसून माझे खरिपाचे पिक पूर्ण वाया गेले असल्याचे मांडले. धोंडाअर्जुनी येथील गोविंद पवार यांनी माझ्याकडे शेतीचा जुना पट्टा असताना सातबारा बंद करण्याची कार्यवाही तहसीलदार यांनी सुरू केली आहे. माझ्या शेतात नुकसान झाले असताना अद्याप तलाठी, मंडळ अधिकारी अथवा तहसीलदार मोक्यावर आलेले नाही असे सांगितले. Jivti farmers land records update demand

    शेणगाव येथील शब्बीर जहागीरदार यांनी संपूर्ण पंचनामे न झाल्याने जिवती तालुका मदतीपासून वंचित राहिल आणि या अडचणीच्या काळात सातबारा बंद करण्याची कार्यवाही न थांबविणे यातून प्रशासनाची असंवेदनशीलता दिसते असे मत मांडले. मागील तीन पिढ्यांपासून ज्या शेतीवर उपजीविका त्याच शेतीचा सातबारा बंद करून टाकला. आता पिककर्ज कसे काढावे, शासकीय अनुदान कसे मिळवावे असे प्रश्न तयार झाल्याचे नंदप्पा येथील शेतकरी गणेश कदम यांनी मांडले.

    जिवती तालुक्यातील हजारो शेतकऱ्यांची शेतजमीन धोक्यात आली आहे. पिकांचे अतोनात नुकसान झाले असताना अद्याप पंचनामे न होणे, नुकसान मदतीपासून वंचित ठेवणे आणि सातबारा बंद करणे हे असंवेदनशील प्रकार थांबले पाहिजे; अन्यथा तीव्र आंदोलन करण्यात येईल असा इशारा शेतकऱ्यांनी दिला आहे. यावेळी शेतकरी संघटना तालुकाध्यक्ष सुदाम राठोड, देविदास वारे, उद्धव गोतावळे, सूरज गव्हाणे, सौरभ मादासवार यांसह शेकडो शेतकरी उपस्थित होते.

  • Fatal motorcycle crash Chandrapur । भीषण अपघात! दुचाकींची समोरासमोर धडक; चंद्रपुरात बाप-लेकासह तिघांचा जागीच मृत्यू

    Fatal motorcycle crash Chandrapur

    Fatal motorcycle crash Chandrapur : चंद्रपूर: मूल-मारोडा मार्गावरील बल्की देवाजवळ बुधवारी (दि. ८) दुपारी १.१५ वाजेच्या सुमारास झालेल्या दोन दुचाकींच्या समोरासमोरच्या भीषण धडकेत बाप-लेकासह एकूण तीन जण ठार झाल्याची अत्यंत दुर्दैवी घटना घडली आहे. धडक इतकी जोरदार होती की, तिघांनाही आपले प्राण गमवावे लागले.

    अपघाताचा तपशील:

    मूल तालुक्यातील मारोडा येथील रहिवासी असलेले देवीदास कवडू शेंडे (४५) आणि त्यांचा मुलगा यश देवीदास शेंडे (२२) हे दोघे शेती संबंधित ऑनलाइनचे काम पूर्ण करण्यासाठी मूल येथे दुचाकीने (क्र. एमएच ३४ बीएक्स ८८६३) गेले होते. काम आटोपून ते दोघे गावाकडे परतत असताना, भादुर्णी येथील वासुदेव कुसन सहारे (५४) हे त्यांच्या दुचाकीने विरुद्ध दिशेने मूलकडे येत होते.

    Also Read : चंद्रपूर मनपाच्या प्रांगणात गिट्टी फेकणार, खासदार धानोरकरांचा इशारा

    भयावह अपघात:

    मूल-मारोडा मार्गावरील बल्की देवाजवळ या दोन्ही दुचाकींची समोरासमोर अत्यंत जोरदार धडक झाली. हा अपघात इतका भयावह होता की, यश शेंडे आणि त्यांचे वडील देवीदास शेंडे या बाप-लेकाचा जागीच करुण अंत झाला.

    दुसऱ्या दुचाकीवरील वासुदेव सहारे गंभीर जखमी झाले. त्यांना तातडीने उपचारासाठी उपजिल्हा रुग्णालयात नेले जात असताना, वाटेतच त्यांचाही मृत्यू झाला. एका क्षणात तीन कुटुंबीयांवर दुःखाचा डोंगर कोसळला आहे. Mul-Maroda Road Accident 2025

    अपघाताची माहिती मिळताच मूल पोलिसांनी घटनास्थळी धाव घेतली. पंचनामा करून पोलिसांनी तिन्ही मृतदेह शवविच्छेदनासाठी उपजिल्हा रुग्णालयात पाठवले आहेत. पोलीस निरीक्षक विजय राठोड यांच्या मार्गदर्शनाखाली व्यंकटेश दोनोडे पुढील तपास करत आहेत.

  • Hatloni village farmer death । कर्ज व अतिवृष्टीमुळे संकटात सापडलेल्या शेतकऱ्याने उचलले टोकाचे पाऊल

    Hatloni village farmer death

    Hatloni village farmer death : चंद्रपूर – अतिवृष्टीमुळे शेतीचे झालेले नुकसान व कर्जाला त्रासून कोरपना तालुक्यातील हातलोणी येथील तरुण शेतकऱ्यांनी विषारी औषध प्राशन केल्याची घटना ७ ऑक्टोबर रोजी घडली. गजानन पुनम मालेकर 38 रा.हातलोणी असे मृतक शेतकऱ्याचे नाव आहे.

    Also Read : अंमली पदार्थ रोका चंद्रपूर वाचवा, भाजपचे पोलीस प्रशासनाला निवेदन

    उपचारादरम्यान मृत्यू

    सतत येणाऱ्या अति पावसामुळे शेतीचे होणारे नुकसान व कर्ज असल्याने तो चिंताग्रस्त असल्याचे समजते. मंगळवारी रात्री विष प्राशन केल्यानंतर त्याला ग्रामीण रुग्णालय कोरपना येथे आणण्यात आले.त्यानंतर त्याला चंद्रपूर येथील रुग्णालयात रेफर करण्यात आले. उपचारादरम्यानच त्याचा मध्यरात्री एक वाजताच्या सुमारास रुग्णालयातच मृत्यू झाला. त्याच्या पार्थिवाचे बुधवारी शव विच्छेदन करण्यात आले.

    त्याची कुकुडबोडी येथील शेत शिवारात एक हेक्टर शेत जमीन आहे. त्याच्यावर जिल्हा बँकेचे कर्ज होते. त्यांच्या मागे आई वडील , पत्नी , एक मुलगा ,एक मुलगी व बराच मोठा परिवार आहे. या घटनेने सर्वत्र हळहळ व्यक्त होत आहे.

  • Congress membership drive Chandrapur । 🗳️ महानगरपालिका निवडणुकीच्या पार्श्वभूमीवर हनुमान नगरातील नागरिकांचा काँग्रेसमध्ये प्रवेश

    Congress membership drive Chandrapur

    Congress membership drive Chandrapur : चंद्रपूर : शहर काँग्रेस कार्यालयात आज मोठ्या उत्साहात प्रभाग क्रमांक १ हनुमान नगरातील शेकडो कार्यकर्त्यांनी काँग्रेस पक्षात प्रवेश केला. या पक्षप्रवेश सोहळ्याला खासदार प्रतिभा धानोरकर, राज्याचे माजी मंत्री, आमदार विजय वडेट्टीवार आणि काँग्रेस शहर कमिटीचे जिल्हाध्यक्ष रामू तिवारी यांच्या नेतृत्वात काँग्रेसचे वरिष्ठ कार्यकर्ता एजाज रिझवी यांच्या प्रमुख उपस्थितीत मोठ्या संख्येने कार्यकर्ते उपस्थित होते.

    Also Read : शिवसेनेचे महायुती सरकारविरुद्ध आंदोलन

    नागरिकांचा कांग्रेस पक्षावर विश्वास

    या प्रसंगी नवीन कार्यकर्त्यांचे हार्दिक स्वागत करून नेत्यांनी पक्ष संघटन मजबूत करण्याचे आवाहन केले. आगामी महानगरपालिका निवडणुकीच्या पार्श्वभूमीवर हनुमान नगर परिसरातील युवक, महिला व ज्येष्ठ नागरिकांनी काँग्रेसच्या जनआंदोलन व लोकाभिमुख धोरणांवर विश्वास व्यक्त करत पक्षात प्रवेश केला.

    यात प्रकाश केशवराव खुटेमटे, अरुण सेवकजी तुर्डे, सलीम खान तड़वी, सैय्यद अहमद, कमलेश देवगडे, सुरेश रागीत, बबन गणपतराव जेमकावडे, अरुण सोनकर, चंपतराव नंदे, विजय मसाडे, वसंत पांडुरंग गुंडो, मनहव डुक्से, प्रकाश टोंगे, बाबा जिवतोड़े, रउफ इब्राहिम शेख, मोहन राजेश्वर गंधारे, विजय वानखेड़े, सुनील धवस, मोतीराम वडाई यांचा समावेश आहे.

  • Save Chandrapur from drugs । 🚨 “अमली पदार्थ रोखा – चंद्रपूर वाचवा!” – भाजपचे पोलीस प्रशासनाला निवेदन

    Save Chandrapur from drugs

    Save Chandrapur from drugs : चंद्रपूर : चंद्रपूर शहरात नुकत्याच मुंबईहून आलेल्या एका  व्यक्तीकडून तब्बल ५२८ ग्रॅम एम.डी. अमली पदार्थ जप्त करण्यात आले, ही अत्यंत गंभीर आणि चिंताजनक बाब आहे. या घटनेमुळे शहरात अमली पदार्थांची विक्री व सेवनाचे प्रमाण वाढत असल्याचे स्पष्ट झाले आहे.

    युवकांच्या आयुष्याशी आणि त्यांच्या आरोग्याशी खेळणाऱ्या या अमली पदार्थांच्या वाढत्या साखळीवर अंकुश आणण्यासाठी भारतीय जनता पक्ष, चंद्रपूर जिल्हा तर्फे माजीं पालकमंत्री मा. आ. सुधीर मुनगंटीवार यांच्या सूचनेप्रमाणे आज जिल्हा पोलीस अधीक्षक मा. श्री. एम. सुदर्शन यांना निवेदन सादर करण्यात आले. Chandrapur BJP demands crackdown on narcotics

    Also Read : दुर्गापूर पोलिसांच्या कारवाईत ६० ग्राम एमडी पावडर जप्त

    या निवेदनात अमली पदार्थांच्या विक्री आणि वाहतुकीवर कठोर कारवाई करण्याची मागणी करण्यात आली असून खालील महत्त्वाच्या मागण्या करण्यात आल्या आहेत –

    संशयित ठिकाणी पोलिसांचे विशेष छापे आणि सतत गस्त.

    शाळा, महाविद्यालयांमध्ये जनजागृती मोहीम.

    पोलिस, अन्न व औषध प्रशासन आणि स्वयंसेवी संस्था यांच्या संयुक्त टास्क फोर्सची स्थापना.

    गुन्हेगारांवर कठोर शिक्षा आणि द्रुतगती न्यायप्रक्रिया.

    युवकांना क्रीडा आणि संस्कारवर्धन उपक्रमांकडे वळविण्याची मोहीम.

    या निवेदनादरम्यान डॉ. मंगेश गुलवाडे महामंत्री, भारतीय जनता पक्ष – जिल्हा चंद्रपूर यांच्यासह विशाल निंबाळकर, मनोज सिंघवी, यश बांगडे, गणेश रामगुंडेवार, उमेश आष्टणकर आणि अमित निरंजने, मनिष खापरे यांची प्रमुख उपस्थिती होती.

    भाजप शिष्टमंडळाने पोलीस प्रशासनाला आवाहन केले की, चंद्रपूरमधील युवकांचे भवितव्य सुरक्षित ठेवण्यासाठी आणि समाजातून अमली पदार्थांचे संपूर्ण उच्चाटन करण्यासाठी तात्काळ आणि प्रभावी कारवाई करण्यात यावी.

    “अमली पदार्थ रोखा – चंद्रपूर वाचवा!” हे फक्त घोषवाक्य नसून, ही संपूर्ण समाजाची जबाबदारी असल्याचे या वेळी डॉ. मंगेश गुलवाडे यांनी सांगितले.

  • Protest against the Mahayuti government । शेतकऱ्यांच्या हक्कासाठी शिवसैनिक आक्रमक; चंद्रपूरात धरणे आंदोलन!

    Protest against the Mahayuti government

    Protest against the Mahayuti government : चंद्रपूर: महायुती सरकारच्या शेतकरी विरोधी धोरणांविरोधात आणि त्यांच्या निष्क्रियतेविरोधात आवाज उठवण्यासाठी शिवसेना (उद्धव बाळासाहेब ठाकरे) पक्षाने चंद्रपूर जिल्हाधिकारी कार्यालयासमोर भव्य धरणे आंदोलन केले. जिल्हाप्रमुख संदीप गिऱ्हे यांच्या नेतृत्वाखाली झालेल्या या आंदोलनात जिल्ह्यातील शेतकरी आणि शिवसैनिक मोठ्या संख्येने सहभागी झाले होते.

    नुकसानग्रस्त शेतकऱ्यांसाठी सरकारची ३१ हजार ६२८ कोटीची मदत

    यावेळी बोलताना जिल्हाप्रमुख संदीप गिऱ्हे यांनी स्पष्ट केले की, “शेतकऱ्यांच्या न्यायहक्कासाठी शिवसेना (उद्धव बाळासाहेब ठाकरे) पक्ष रस्त्यावर उतरला आहे आणि जोपर्यंत जनतेच्या प्रश्नांना न्याय मिळत नाही, तोपर्यंत हा लढा सुरूच राहील.” अतिवृष्टी आणि पूर यामुळे झालेल्या अतोनात नुकसानीनंतरही शासनाकडून कोणतीही ठोस मदत न मिळाल्याने शेतकऱ्यांमध्ये तीव्र असंतोष पसरला आहे, तोच या आंदोलनातून व्यक्त करण्यात आला.

    प्रमुख मागण्या

    शेतकऱ्यांच्या हितासाठी पक्षाने शासनासमोर खालील प्रमुख सात मागण्या (Seven Key Demands) ठेवल्या आहेत:

    1. चंद्रपूर जिल्हा ओला दुष्काळ (Wet Drought) जाहीर करण्यात यावा.
    2. शेतकऱ्यांची सरसकट कर्जमुक्ती (Complete Loan Waiver) झाली पाहिजे.
    3. ज्या शेतकऱ्यांचे नुकसान झाले आहे, त्यांना प्रति हेक्टरी ५०,०००/- रु. तत्काळ मदत (Immediate Relief of ₹50,000 per Hectare) मिळावी.
    4. शेतकऱ्यांचा पीक विमा (Crop Insurance) सुरुवातीच्या नियमांनुसार शिथिल करून, नव्याने लागू केलेला ‘एकच ट्रिगर’ (Single Trigger) पद्धत बंद करावी आणि पहिल्याप्रमाणे पीक विमा योजना लागू करावी.
    5. राज्य सरकार सोबतच केंद्र सरकारने सुद्धा मोठा पॅकेज (Special Package from Central Government) जाहीर करून शेतकऱ्यांना दिलासा द्यावा.
    6. पावसाच्या अतिवृष्टी व पूर (Heavy Rain and Flood) यामुळे वाहून गेलेल्या शेतकरी बांधवांच्या गुरे-जनावरांचा मोबदला (Compensation for Livestock Loss) त्वरित देण्यात यावा.
    7. कापसाला ₹१५,०००/- प्रति क्विंटल आणि सोयाबीनला ₹१०,०००/- प्रति क्विंटल हमीभाव (Minimum Support Price – MSP) देण्यात यावा.

    आंदोलनात प्रमुख उपस्थिती:

    या आंदोलनात उपजिल्हा प्रमुख प्रा. शालिक फाले, बबन उरकुडे, माजी जिल्हाप्रमुख सतीश भिवगडे, माजी जिल्हा संघटिका कुसुम उदार ताई, महानगर प्रमुख सुरेश पचारे, युवासेना विभागीय सचिव निलेश बेलखेडे, उपजिल्हा प्रमुख बबन उरकुडे, माजी तालुका प्रमुख (चंद्रपूर) संतोष नरुले, मूल तालुका प्रमुख राजू ठाकरे, पोंभुर्णा तालुका प्रमुख आशिष कावटवार, चंद्रपूर तालुका प्रमुख विकास वीरूटकर, राजुरा तालुका प्रमुख रमेश झाडे, मूल शहर प्रमुख बादल करपे, युवासेना समन्वयक विनय धोबे, युवासेना शहर प्रमुख (पोंभुर्णा) महेश श्रीगिरवार, उपमहानगर प्रमुख सिकंदर खान, सोनू ठाकूर, प्रमोद कोलारकर, अरमान शेख, लोकेश कोटरंगे, वैभव काळे, सागर धनस्कर, रिझवान पठाण, रोहन आंबटकर, फैझान खान, सूरज शेंडे आदी शिवसैनिक मोठ्या संख्येने उपस्थित होते.

    या धरणे आंदोलनामुळे प्रशासनावर दबाव वाढला असून, शेतकऱ्यांच्या प्रश्नांवर महायुती सरकार काय भूमिका घेते याकडे आता सर्वांचे लक्ष लागले आहे.

  • MP Pratibha Dhanorkar ultimatum । ५ दिवसांची डेडलाइन; अन्यथा ‘गिट्टी फेक’ आंदोलन – प्रतिभा धानोरकरांचा मनपाला सज्जड इशारा

    MP Pratibha Dhanorkar ultimatum

    MP Pratibha Dhanorkar ultimatum : चंद्रपूर : शहरातील रस्त्यांच्या दयनीय आणि जीवघेण्या अवस्थेवरून चंद्रपूर शहर महानगरपालिका (मनपा) प्रशासनाला तीव्र शब्दांत इशारा दिला आहे. शहरातील रस्त्यांची तातडीने दुरुस्ती करण्यासाठी खासदार प्रतिभा धानोरकर यांनी मनपा आयुक्तांना थेट ५ (पाच) दिवसांचे ‘अल्टिमेटम’ दिले असून , या निर्धारित वेळेत काम न झाल्यास, मनपाच्या निष्क्रियतेविरोधात महानगरपालिकेच्या प्रांगणातच “गिट्टी फेक” आंदोलन सुरू करण्याचा इशारा दिला आहे.

    Also Read : चंद्रपूर अजब गजब, रस्ता खड्ड्यात गेला काम मात्र दुभाजकाचे

    खासदार प्रतिभा धानोरकर यांनी आयुक्तांना पाठवलेल्या पत्रामध्ये मध्ये रस्त्यांच्या दुरावस्थेवर प्रकाश टाकला आहे. चंद्रपूर शहरातील मुख्य रस्त्यांपासून अंतर्गत रस्त्यांची अवस्था अत्यंत दयनीय झाली आहे. जागोजागी पडलेले मोठमोठे खड्डे, उखडलेला डांबर आणि निकृष्ट दर्जाचे काम यामुळे सामान्य नागरिकांना मोठ्या अडचणींचा सामना करावा लागत आहे.

    जीवघेणी बाब

    रस्त्यांवरून ये-जा करणे आता नागरिकांसाठी मोठी अडचण आणि ‘जीवघेणी बाब’ बनली आहे. विद्यार्थ्यांपासून ते वयोवृद्धांपर्यंत सर्वांनाच याचा प्रचंड त्रास सहन करावा लागत असून, रस्त्यांवर अपघात झाले आहे. त्यामुळे नागरिकांच्या सुरक्षिततेसाठी आणि सोयीसाठी तात्काळ रस्त्यांची दुरुस्ती करणे आवश्यक आहे, असे मत त्यांनी व्यक्त केले आहे.

    खासदार प्रतिभा धानोरकर यांनी मनपा आयुक्तांना स्पष्टपणे कळवले आहे की, चंद्रपूर शहरातील रस्त्यांची दुरुस्ती ५ दिवसांच्या आत पूर्ण न झाल्यास, चंद्रपूर शहर महानगरपालिकेच्या निष्क्रियेतेचा तीव्र निषेध करण्यासाठी महानगरपालिकेच्या प्रांगणात ‘गिट्टी फेक’ आंदोलन सुरू करण्यात येईल.असा इशारा त्यांनी दिला आहे. 

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by