My Blog

Tag: News34 chandrapur

  • चंद्रपूरमध्ये स्थानिक विरुद्ध राष्ट्रीय पक्ष! कोण होणार नगराध्यक्ष?

    Chandrapur political battle for municipal councils : चंद्रपूर २६ नोव्हेम्बर (News३४) – चंद्रपूर जिल्ह्यातील १० नगरपरिषद व १ नगरपंचायती करीत सुरु असलेल्या निवडणूक रिंगणात नगराध्यक्ष पदाकरिता चांगलीच चुरस निर्माण झाली असून राष्ट्रीय पक्षाला काही ठिकाणी नवखा उमेदवार आव्हान निर्माण करीत असल्याचे चित्र आहे. नगरपंचायत व नगरपरिषद निवडणुकीत चंद्रपूर जिल्ह्यात एकूण ७१ उमेदवार नगराध्यक्षपदासाठी उभे आहेत. विशेष बाब म्हणजे ज्या महिला नगराध्यक्ष पदासाठी निवडणुकीत उभ्या आहे त्यामध्ये काही उमेदवार यांचं राजकीय इतिहास आहे तर काहींचं वय झाल्यावर त्यांना सेवेची गरज असताना सुद्धा त्यांना नागरिकांची सेवा करायची आहे.

    हे हि वाचा : आमदाराला हवी भागीदारी नाहीतर दाखवणार दादागिरी

    बल्लारपूर नगरपरिषदेत नगराध्यक्ष पदाचे ८ उमेदवार व पक्ष

    • अय्यर मंजुषा श्रीराम (आम आदमी पार्टी)
    • रहिकवार पूजा अमर (बहुजन समाज पार्टी)
    • वाढई अलका अनिल (भारतीय राष्ट्रीय कांग्रेस)
    • दुधे रेणुका सुधाकर (भारतीय जनता पार्टी)
    • वाळके ज्योत्सना दीपक (वंचित बहुजन आघाडी)
    • तामगाडगे वंदना पंचशील (रिपब्लिकन ऑफ इंडिया)
    • मुलचंदानी चैताली दीपक (शिवसेना ठाकरे गट)
    • रोजिदा ताजुद्दीन शेख (नॅशलिस्ट कांग्रेस पार्टी)

    भद्रावती नगरपरिषद नगराध्यक्ष पद निवडणुकीत ६ उमेदवार रिंगणात

    • अनिल नारायण धानोरकर (भारतीय जनता पार्टी)
    • उमेश नानाजी काकडे (बहुजन समाज पार्टी)
    • सुनील विनायक नामोजवार (भारतीय राष्ट्रीय कांग्रेस)
    • विशाल नीलकंठ शिंदे (आम आदमी पार्टी)
    • नरेंद्र महादेव पढाल (शिवसेना ठाकरे)
    • प्रफुल रामदास चटकी (शिवसेना शिंदे)

    वरोरा नगरपरिषद निवडणुकीत ५ नगराध्यक्षपदाचे उमेदवार

    • राजूरकर माया रमेश (भारतीय जनता पार्टी)
    • ठाकरे अर्चना आशिष (भारतीय राष्ट्रीय कांग्रेस)
    • नाशिककर सोनम पंकज (शिवसेना ठाकरे)
    • पारशिवे रंजना मनोहर (नॅशनलिस्ट कांग्रेस पार्टी)
    • मत्ते ज्योती नितीन (शिवसेना शिंदे)

    ब्रह्मपुरी नगरपरिषद ४ उमेदवार

    • निहाल अंबर ढोरे (बहुजन समाज पार्टी)
    • सुयोगकुमार वामनराव बाळबुधे (भारतीय जनता पार्टी)
    • मिलिंद नानाजी भनारे (शिवसेना ठाकरे)
    • मिसार योगेश बालाजी (भारतीय राष्ट्रीय कांग्रेस)

    मूल नगरपरिषद ५ उमेदवार

    • गीतांजली शोन तांगडे (अपक्ष)
    • चैताली मल्हारी मद्रीवार (बहुजन समाज पार्टी)
    • किरण किशोर कापगते (भारतीय जनता पार्टी)
    • एकता प्रशांत समर्थ (भारतीय राष्ट्रीय कांग्रेस)
    • भारती सुनील राखुंडे (शिवसेना)

    राजुरा ५ उमेदवार

    • अडाणीया राधेश्याम लक्ष्मीनारायण (भारतीय जनता पार्टी)
    • डोहे राजेंद्र विठ्ठल (शिवसेना)
    • धोटे अरुण रामचंद्रराव (भारतीय राष्ट्रीय कांग्रेस)
    • भाके आदित्य विजय (नॅशनलिस्ट कांग्रेस पार्टी)
    • मस्के गजानन गोविंदराव (वंचित बहुजन आघाडी)

    घुग्गुस नगरपरिषद ६ उमेदवार

    • पाटील आरती स्नेहदीप (बहुजन समाज पार्टी)
    • सोनटक्के दीप्ती सुजित (भारतीय राष्ट्रीय कांग्रेस)
    • देशकर रिता फकरु (अपक्ष)
    • ढोके नैना धिरज (शिवसेना ठाकरे)
    • आगदारी रंजिता पवनकुमार (अपक्ष)
    • दुर्गम शारदा मोहन (भारतीय जनता पार्टी)

    गडचांदूर नगरपरिषद ८ उमेदवार

    • उमरे राहुल नारायण (अपक्ष)
    • छाजेड धनंजय सोहनलाल (शिवसेना)
    • जोगी शरद सुरेश (नॅशनलिस्ट कांग्रेस पार्टी)
    • डोहे अरविंद तुकाराम (भारतीय जनता पार्टी)
    • ताजने निलेश शंकरराव (अपक्ष)
    • निमजे अरुण केशवराव (राष्ट्रवादी शरद पवार)
    • भोयर सचिन पांडुरंग (भारतीय राष्ट्रीय कांग्रेस)
    • वाघमारे अरविंद ज्ञानोबा (प्रहार०

    नागभीड नगरपरिषद १० उमेदवार

    • कटोरे रोमी बाळकृष्ण (अपक्ष)
    • केशव सीताराम रामटेके (अपक्ष)
    • खापर्डे स्मिता प्रफुल (भारतीय राष्ट्रीय कांग्रेस)
    • खोब्रागडे आत्माराम अंतराम (राष्ट्रवादी कांग्रेस पार्टी)
    • दुधे लोमेश वामनराव (भारतीय जनता पार्टी)
    • मनोज चरणदास नागदेवते (बहुजन समाज पार्टी)
    • वृषभ सिद्धार्थ खापर्डे (अपक्ष)
    • शेंडे अनमोल तुळशीराम (अपक्ष)
    • श्रीकांत सुधाकर खापर्डे (शिवसेना)
    • सुनील देविदास मेश्राम (अपक्ष)

    चिमूर नगरपरिषद ८ उमेदवार

    • अंबादे सुरक्षा हरिदास (वंचित बहुजन आघाडी)
    • कटारे वैशाली राजू (अपक्ष)
    • गजभिये विशाखा हरिचंद्र (अपक्ष)
    • गेडाम बबिता रमेश (अपक्ष)
    • नंदेश्वर सारिका मनीष (भारतीय राष्ट्रीय कांग्रेस)
    • रंगारी वनिता जगन (नॅशनलिस्ट कांग्रेस पार्टी)
    • लिंगायत गीता बाबा (भारतीय जनता पार्टी)
    • शेंडे आयेशा छगनलाल (शिवसेना)

    भिसी नगरपंचायत ६ उमेदवार

    • कटारे विक्की अशोक (अपक्ष)
    • गायकवाड पंकज नरहरी (अपक्ष)
    • चहांदे सिद्धार्थ पंचम (वंचित बहुजन आघाडी)
    • पाटील आकाश विनोद (भारतीय राष्ट्रीय कांग्रेस)
    • पारवे अतुल वासुदेव (भारतीय जनता पार्टी)
    • मुन विक्की मनोहर (अपक्ष)

    नगरपरिषद व नगरपंचायत निवडणुकीत महायुती व महाविकास आघाडी वेगवेगळी लढत आहे, मात्र निवडणुकीनंतर सर्व नगरसेवक आपला आघाडी धर्म पाळतील. Chandrapur political battle for municipal councils

  • Chandrapur local news fatal accident : गतिरोधकामुळे चंद्रपुरात अपघात, महिलेचा मृत्यू

    Chandrapur local news fatal accident

    Chandrapur local news fatal accident : मूल: चंद्रपूर जिल्ह्यातील मूल शहरात मंगळवारी (दि. २५) सकाळी एक अत्यंत दुर्दैवी घटना घडली आहे. रेल्वे गेटजवळील गतिरोधक लक्षात न आल्याने स्कूटी उसळली आणि मागे बसलेल्या महिलेला आपला जीव गमवावा लागला.

    वाचा – चंद्रपूर-नागपूर महामार्गावरील खड्डे दुरुस्तीचे काम सुरु

    🛣️ अपघाताचा तपशील

    • मृत महिला: लता वांगलवार, रा. जटपुरा गेट हॉस्पिटल वॉर्ड, चंद्रपूर.
    • सोबत असलेले: त्यांचे पती प्रभाकर वांगलवार.
    • प्रवासाची दिशा: हे दाम्पत्य एमएच सीजी १२८० क्रमांकाच्या स्कूटीने सिंदेवाहीकडे जात होते.
    • अपघाताचे ठिकाण: मूल शहरातील रेल्वे गेटजवळ.
    • नेमकं काय घडलं?: चालकाला रस्त्यावरील गतिरोधक दिसला नाही. स्कूटी त्यावर वेगात आदळल्याने लता वांगलवार या उसळून थेट दहा फूट फरफटत गेल्या.
    • दुखापत: त्यांच्या डोक्याला गंभीर दुखापत झाली.

    💔 उपचारादरम्यान मृत्यू

    अपघातानंतर त्यांना तातडीने मूल उपजिल्हा रुग्णालयात दाखल करण्यात आले. डॉक्टरांनी उपचाराचे शर्थीचे प्रयत्न केले, मात्र उपचारादरम्यान त्यांचा दुर्दैवी मृत्यू झाला. या घटनेमुळे वांगलवार कुटुंबियांवर आणि चंद्रपूर परिसरात शोककळा पसरली आहे.

  • tadoba chital relocation project । Tadoba–Navegaon–Nagzira चितळ स्थानांतरण यशस्वी; 63 चितळ सुरक्षितपणे हलवले

    tadoba chital relocation project

    tadoba chital relocation project : चंद्रपूर २५ नोव्हेम्बर (News३४) – ताडोबा–अंधारी व्याघ्र प्रकल्प (टीएटीआर) येथून नवेंगाव–नागझिरा व्याघ्र प्रकल्प (एनएनटीआर) येथे चितळ स्थानांतराची दुसरी फेरी आज यशस्वीरीत्या पूर्ण झाली. कोणतीही जिवितहानी न होता एकूण 63 चितळ सुरक्षितपणे जामनी गवताळ परिसरातून एनएनटीआरमधील सॉफ्ट-रिलीज एनक्लोजरमध्ये हलविण्यात आले.

    हे सुद्धा वाचा – ५ वर्षे पोलिसांना चकवणारा चोर चंद्रपूर स्थानिक गुन्हे शाखेच्या जाळ्यात

    या प्रक्रियेत सर्वात महत्त्वाचा मुद्दा म्हणजे एकही मृत्यू न होणे. चितळ हा अतिशय संवेदनशील प्राणी असून पकडण्याच्या प्रक्रियेदरम्यान किंवा मानवी जवळीक, हाताळणी, वाहतूक यावेळी तीव्र ताणामुळे त्यांना मानसिक धक्का बसू शकतो. या ताणामुळे हृदयाचे विकार निर्माण होऊन अचानक मृत्यू होण्याची शक्यता असते, ज्याला ‘कॅप्चर मायोपथी’ असे म्हटले जाते. मात्र आजच्या स्थानांतरणात एकाही प्राण्याचा मृत्यू झालेला नाही, ही अत्यंत समाधानकारक बाब आहे.

    जामनी गवताळ परिसरात तयार करण्यात आलेल्या बोमा पद्धतीचा वापर करून चितळांना सुरक्षितरीत्या पकडण्यात आले. या परिसरातील योग्य अधिवास आणि चितळांची उपलब्धता या प्रक्रियेस पूरक ठरल्या. बोमामधून प्राण्यांना विशेष तयार केलेल्या ट्रान्सलोकेशन वाहनांतून हलविण्यात आले. या वाहनांची रचना प्राण्यांचा ताण कमी करण्याच्या आणि प्रवास सुरक्षित ठेवण्याच्या दृष्टीने करण्यात आलेली आहे.

    ही मोहीम पुढील अधिकाऱ्यांच्या उपस्थितीत पार पडली: श्री सचिन शिंदे, विभागीय वनअधिकारी, टीएटीआर; श्री अतुल देवकर, विभागीय वनअधिकारी, एनएनटीआर; श्री बापू येळे, विभागीय वनअधिकारी, सामाजिक वनीकरण, चंद्रपूर; श्री विवेक नातू, सहाय्यक वनसंरक्षक, टीएटीआर; श्री विशाल वैद्य, वनपरिक्षेत्र अधिकारी, कोलारा, टीएटीआर; तसेच कोलारा वनपरिक्षेत्रातील कर्मचारी.

    ताडोबा आणि नवेगाव–नागझिरा या दोन्ही व्याघ्र प्रकल्पांदरम्यानच्या उत्कृष्ट समन्वयामुळे ही स्थानांतर प्रक्रिया सुरळीत, सुरक्षित आणि यशस्वीरीत्या पूर्ण झाली. या संपूर्ण मोहिमेला डॉ. प्रभू नाथ शुक्ला, क्षेत्र संचालक, टीएटीआर आणि श्री आनंद रेड्डी, उपसंचालक (कोअर), टीएटीआर यांचे मार्गदर्शन लाभले.

  • Chandrapur habitual thief arrested । पोलिसांना पाच वर्षे चकवणारा चोर चंद्रपूर स्थानिक गुन्हे शाखेला सापडला

    Chandrapur habitual thief arrested

    Chandrapur habitual thief arrested : चंद्रपूर, २५ नोव्हेंबर (News34) – तो तब्बल पाच वर्षांपासून चोरी आणि घरफोडीच्या गुन्ह्यांतून पोलिसांना हवा होता. मात्र तो सतत हातातून निसटत होता. दरम्यान, या काळात त्याने मंदिर, चर्च आणि दीक्षाभूमीतील बौद्ध विहारातील दानपेट्या फोडल्या. परंतु मोटारसायकल चोरीच्या गुन्ह्याचा छडा लावत असताना स्थानिक गुन्हे शाखेच्या पथकाला हा अट्टल चोर अखेर गवसला.

    स्थानिक गुन्हे शाखेने शहरातील वाढत्या मोटारसायकल चोरीच्या गुन्ह्यांचा छडा लावण्यासाठी मोहीम सुरू केली. यादरम्यान, पोलिसांनी महाकाली कॉलरी, चंद्रपूर येथील रहिवासी ३५ वर्षीय प्रतीक उर्फ राहुल वनराज झाडे (हल्ली मुक्काम – छोटा नागपूर) याला ताब्यात घेतले. चौकशीदरम्यान त्याने नागपूर आणि रामनगर पोलीस स्टेशनच्या हद्दीत विविध चोरीचे गुन्हे केल्याची कबुली दिली.

    हे ही वाचा : चंद्रपुरातील शिक्षकाचं नराधमी कृत्य

    तपासात पुढे आले की, आरोपीवर अनेक गुन्हे दाखल असून तो पाच वर्षांपासून फरार होता. या दरम्यान, त्याने दादमहलमधील हनुमान मंदिर, जयंत टॉकीजजवळील चर्च, दीक्षाभूमीतील बौद्ध विहार आणि लक्ष्मीनारायण मंदिर येथील नगदी चोरी केली.

    यासोबतच, नागपूर जिल्ह्यातील इमामवाडा आणि चंद्रपूर रामनगर पोलीस स्टेशनच्या हद्दीतून चार मोटारसायकली—होंडा ऍक्टिव्हा (MH34 AS 8353), होंडा शाईन (MH27 CK 7050), MH31 AS EX 2471, MH49 B 0358—आणि तीन मोबाईल असा एकूण ५ लाख ३० हजारांचा मुद्देमाल जप्त करण्यात आला.

    ही कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे यांच्या मार्गदर्शनाखाली करण्यात आली. स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात पोउपनि विनोद भुरले, सुनील गौरकार, सुभाष गोहोकर, सतीश अवथरे, रजनीकांत पुठ्ठावार, दीपक डोंगरे, इम्रान खान, हिरालाल गुप्ता, किशोर वाकाटे आणि शशांक बदामवार यांनी ही यशस्वी कारवाई केली.

  • Ghughus Congress leaders join BJP । आमदार जोरगेवार यांचा राजकीय धक्का, कांग्रेस सेनेचे पदाधिकारी भाजपात

    Ghughus Congress leaders join BJP

    Ghughus Congress leaders join BJP : चंद्रपूर २५ नोव्हेम्बर (News३४) – घुग्घुसच्या कॉंग्रेसच्या माजी शहराध्यक्ष विजया बंडेवार तसेच उबाठाचे उपतालुका प्रमुख गणेश शेंडे यांनी आज मंगळवारी कार्यकर्त्यांसह आमदार किशोर जोरगेवार यांच्या उपस्थितीत घुग्घुस येथे भारतीय जनता पक्षात जाहीर प्रवेश केला. या प्रवेशामुळे भाजपाला स्थानिक पातळीवर अधिक बळकटी मिळणार आहे. आमदार किशोर जोरगेवार यांनी या दोन्ही नवनियुक्त सदस्यांचे पक्षात स्वागत केले. यावेळी भारतीय जनता पक्षाच्या पदाधिकारी यांची उपस्थिती होती.

    Read Also : आदर्श शिक्षकाचा प्रताप, अल्पवयीन मुलीसोबत नराधमी कृत्य

    देशाचे पंतप्रधान नरेंद्रजी मोदी यांच्या सक्षम नेतृत्व आणि राज्याचे नेतृत्व मुख्यमंत्री देवेंद्र फडणवीस यांच्या कार्यकुशल, पारदर्शक व जनहितैषी कामकाजावर विश्वास ठेवून कॉंग्रेसच्या माजी शहराध्यक्ष विजया बंडेवार, कॉंग्रेस नेते अशोक बंडेवार आणि गणेश शेंडे यांनी भाजपाचा विचार स्वीकारला आहे. Ghughus Congress leaders join BJP

    यावेळी नवनियुक्त सदस्यांचे पक्षात स्वागत करताना आमदार किशोर जोरगेवार म्हणाले की, भारतीय जनता पक्ष हा राष्ट्रहित, विकास आणि सर्वसमावेशक प्रगतीचा मार्ग स्वीकारणारा पक्ष आहे. आज विजया बंडेवार आणि गणेश शेंडे यांनी आमच्या पक्षावर ठेवलेला विश्वास हा आमच्यासाठी अभिमानाची बाब आहे. त्यांच्या अनुभवामुळे आणि नेतृत्वामुळे संघटना अधिक बळकट होईल आणि घुग्घूसमध्ये विकासाची नवी ऊर्जा निर्माण होईल, असा विश्वास आहे. पक्षात येणाऱ्या प्रत्येक कार्यकर्त्याचे योगदान मौल्यवान असून त्यांच्या सन्मानाचे रक्षण करणे ही आमची जबाबदारी आहे. विकासाच्या प्रवासात आम्ही एकजुटीने काम करत राहू आणि जनतेच्या अपेक्षा पूर्ण करण्यासाठी कटिबद्ध राहू, असे यावेळी ते म्हणाले.

  • खड्डेमुक्त महामार्ग! खासदार धानोरकर यांच्या हस्तक्षेपानंतर दुरुस्तीला सुरूवात

    Nagpur Chandrapur highway repair latest update : चंद्रपूर २५ नोव्हेम्बर (News३४) – चंद्रपूर-नागपूर महामार्गावरील खड्ड्यांमुळे त्रस्त झालेल्या नागरिकांसाठी दिलासा मिळाला आहे. खासदार प्रतिभा धानोरकर यांनी सार्वजनिक बांधकाम मंडळ आणि महामार्ग प्राधिकरणाला खडसावल्यानंतर, अखेर प्रशासकीय यंत्रणा कामाला लागली असून, महामार्गाच्या दुरुस्तीचे काम युद्धपातळीवर सुरू झाले आहे. 

    Read Also : जनता कॅरिअर लॉन्चर विद्यार्थी आत्महत्या, संस्थाचालकावर गुन्हा दाखल करा – युवासेना

    खासदार प्रतिभा धानोरकर यांनी सार्वजनिक बांधकाम मंडळ, चंद्रपूर येथीलअधीक्षक अभियंता यांना पत्र लिहून चंद्रपूर-नागपूर महामार्गाची तात्काळ दुरुस्ती करण्याची मागणी केली होती. या पत्रात त्यांनी स्पष्ट केले होते की, महामार्गावर अनेक ठिकाणी मोठे खड्डे पडले असून, पावसाळ्यामुळे ही समस्या अधिकच गंभीर झाली होती. या खड्ड्यांमुळे वाहनचालकांना आणि नागरिकांना मोठ्या अडचणींचा सामना करावा लागतो, तसेच यामुळे भविष्यात मोठे अपघात होऊन जीवतहानी होण्याची शक्यता नाकारता येत नाही.

    खासदार प्रतिभा धानोरकर यांच्या या आक्रमक भूमिकेमुळे प्रशासनाने अखेर महामार्गाच्या दुरुस्तीसाठी तातडीने पाऊले उचलली आहेत. दुरुस्तीचे काम सुरू झाल्याने वाहनचालकांना आणि नागरिकांना मोठा दिलासा मिळाला आहे. खासदार प्रतिभा धानोरकर यांच्याकडून या कामाचा सातत्याने पाठपुरावा सुरू राहणार असून, जोपर्यंत रस्त्याची गुणवत्ता सुधारत नाही आणि महामार्ग पूर्णपणे सुस्थितीत येत नाही, तोपर्यंत प्रशासनावर दबाव कायम ठेवला जाईल, अशी माहिती खासदार प्रतिभा धानोरकर यांच्या वतीने देण्यात आली आहे. जनतेच्या हितासाठी खासदार प्रतिभा धानोरकर कटिबद्ध असून, लवकरच हा महामार्ग अपघातमुक्त आणि सुस्थितीत दिसेल, असा विश्वास त्यांनी व्यक्त केला आहे.

  • चंद्रपुरातील जिल्हा परिषद शाळेत कार्यरत शिक्षकाचं नराधमी कृत्य

    Minor girl abuse by teacher in Chandrapur : चंद्रपूर २५ नोव्हेम्बर (News३४) : नाशिकमधील मालेगाव येथे तीन वर्षीय चिमुरडीवर अत्याचार झाल्याची घटना गाजत असतानाच चंद्रपुरातही एका अल्पवयीन मुलीवर शिक्षकानेच अत्याचार केल्याची खळबळजनक घटना समोर आली. याप्रकरणी शहर पोलिसांनी नराधम शिक्षकावर पॉक्सोंतर्गत गुन्हा दाखल करून अटक केली. जिल्हा परिषद शाळेत कार्यरत दिलीप दादाजी मडावी (५३) असे अटकेतील नराधम शिक्षकाचे नाव आहे.

    Read Also : चंद्रपुरातील या शिक्षण संस्थेत विद्यार्थ्याला दिला मानसिक त्रास, विद्यार्थ्यांची आत्महत्या, संस्थाचालक यांच्यावर गुन्हा दाखल करा

    पीडित मुलगी राजुरा पोलिस ठाण्याच्या हद्दीतील एका शाळेत मागील पाच वर्षांपूर्वी इयत्ता सहावीत शिकत होती. शिक्षकसुद्धा तिथेच कार्यरत होता. पीडित मुलगी हुशार असल्याने तिचे प्राथमिक शिक्षण पूर्ण झाल्यानंतर उच्च प्राथमिक शिक्षणासाठी चंद्रपूरला पाठवण्याचा सल्ला मडावीने तिच्या आई-वडिलांना दिला. त्यामुळे मागील वर्षी ती मुलगी चंद्रपूर येथे शिक्षणासाठी आली. दरम्यान, त्या मुलीचे आई-वडील काही आवश्यक साहित्य त्या शिक्षकाकडे पाठवायचे.

    तेव्हा शिक्षक तिच्या रुमखाली जाऊन त्या मुलीला घरगुती सामान देण्याच्या बहाण्याने आपल्या गाडीत बसवून तिचे शोषण करायचा. मात्र, बदनामीच्या भीतीने त्या मुलीने याबाबत कुठेही वाच्यता केली नाही. २० तारखेला ही बाब कुटुंबीयांच्या लक्षात येताच त्यांनी पोलिस ठाण्यात धाव घेतली. पोलिस निरीक्षक निशिकांत रामटेके यांच्या मार्गदर्शनात पीएसआय तृप्ती खंडाईत यांनी पीडित मुलीचे बयान घेत शिक्षक दिलीप मडावी याच्यावर बीएनएस (७५ (१), ६४ (२), आयएमएफ ६५ १, ३५२, ४, ६, १२ पॉक्सो ६६ (ई) ६७ (ए) आयटी ॲक्ट अंतर्गत गुन्हा दाखल करून अटक केली. पुढील तपास पोलिस निरीक्षक निशिकांत रामटेके करत आहेत. Minor girl abuse by teacher in chandrapur

    …असे आले प्रकरण उघडकीस

    नराधम शिक्षक पीडित मुलीला रात्री बाथरुममध्ये जाऊन विवस्त्र होऊन व्हिडीओ कॉल करायला सांगायचा. या कॉलचे त्याने स्क्रिनशॉटसुद्धा काढले होते. २० नोव्हेंबर २०२५ रोजी चुकीने हा स्क्रिनशॉट व चॅटिंग पीडित मुलीच्या वडिलांच्या मोबाइलवर जाताच त्यांच्या पायाखालची वाळू सरकली. त्यांनी मुलीला याबाबत विचारणा केली, तिने आपबिती कथन केली. त्यानंतर पोलिस ठाण्यात तक्रार देण्यात आली. Minor girl abuse by teacher in chandrapur

    घुग्घुस केंद्रातही तक्रार

    दिलीप मडावी याची मागील काही दिवसांपूर्वी घुग्घुस केंद्रातील एका शाळेत बदली झाली. येथेही त्याने मुलींना बॅडटच केल्याच्या तक्रारी पालकांकडे गेल्या. त्यांनी शाळा गाठून त्या शिक्षकाला चांगलेच धारेवर धरले. पोलिस ठाण्यापर्यंतही विषय गेला होता. मात्र, तक्रार झाली नसल्याची माहिती आहे. शेवटी पालकांनी त्या शिक्षकाची बदली करण्याची मागणी केली.

  • कांपा जंगलात मोठी कारवाई! पोलिसांनी मोहा हातभट्टी नष्ट करून २.१७ लाखांचा मुद्देमाल उद्ध्वस्त

    Action against illegal Moha Hat Bhatti liquor : नागभीड २४ नोव्हेम्बर (News३४) – नागभीड पोलीस स्टेशनच्या हद्दीत जंगल परिसरात सुरु असलेल्या अवैध मोहा हातभट्टी दारू अड्ड्याबाबत पोलिसांनी मोहीम राबवित मोहा नष्ट करण्यात आला, या मोहिमेत पोलिसांनी तब्बल २ लक्ष १७ हजार १०० रुपयांचा मुद्देमाल नष्ट केला.

    नागभीड पोलिसांना मिळालेल्या गोपनीय माहितीच्या आधारे तालुक्यातील कांपा जंगलात विविध ठिकाणी सुरु असलेल्या मोहा हातभट्टी दारू अड्ड्यावर कारवाई करण्यात आली. यामध्ये पहिल्या कारवाईत २५० लिटर मोहादारू व १ हजार ८०० लिटर मोहफूल सडवा व साहित्य जप्त करण्यात आले, या कारवाई दरम्यान २६ वर्षीय आदित्य प्रदीप उके हा पसार झाला.

    Read Also : रात्र गस्तीदरम्यान रामनगर पोलिसांनी पकडले बॅटरी चोर

    दुसऱ्या कारवाईत २०५ लिटर मोहदारू, मोहाफूल सडवा १ हजार ५०० किलो सह साहित्य जप्त केले, या कारवाई दरम्यान आरोपी २७ वर्षीय रोहित प्रकाश अलोणे हा सुद्धा पसार झाला. पोलिसांनी दोन्ही कारवाई मध्ये जप्त मुद्देमाल जागेवरच नष्ट केला.

    सदरची कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे, उपविभागीय पोलीस अधिकारी राकेश जाधव यांच्या मार्गदर्शनात पोलीस निरीक्षक रमाकांत कोकाटे यांच्या नेतृत्वात पोउपनि अजिंक्य गोविंदलवार, पोलीस कर्मचारी किशोर देशमुख, भरत घोळवे, ज्ञानेश्वर गिरडकर, विशाल पेंदाम, संदीप मडावी व दामोदर करंबे यांनी केली.

  • जनता कॅरिअर लॉन्चर आत्महत्या प्रकरण; संस्थाचालकावर गुन्हा दाखल करा – युवासेना

    Education institute student suicide updates : चंद्रपूर २४ नोव्हेम्बर (News३४) – चंद्रपूर जिल्ह्यातील चांदा शिक्षण प्रसारक मंडळ अंतर्गत चालणाऱ्या जनता करिअर लॉन्चर च्या वसतिगृहात २० नोव्हेम्बर रोजी प्रथमेश गुलाब सुदरी या १७ वर्षीय मुलाने वसतिगृह व जनता करिअर लॉन्चर मधील प्राचार्य द्वारा होणाऱ्या मानसिक छळापायी गळफास लावून आत्महत्या केली होती. पोलिसांनी या प्रकरणी चौघांवर गुन्हा दाखल केला असून एकाला अटकही झाली आहे. सदर आत्महत्या प्रकरणी जचांदा शिक्षण प्रसारक मंडळाच्या अध्यक्ष व सचिवावर गुन्हा दाखल करण्यात यावा अशी मागणी युवासेना जिल्हाप्रमुख विक्रांत सहारे यांनी जिल्हा व महिला बालविकास अधिकारी व जिल्हा पोलीस अधीक्षक यांच्याकडे निवेदनामार्फत केली आहे.

    Read Also : जनता कॅरिअर लॉन्चर च्या वसतिगृहात विद्यार्थ्यांची आत्महत्या

    चंद्रपूर तालुक्यातील लहान गावातून मोठी स्वप्ने बाळगत शेतकऱ्याने आपल्या मुलाला जनता करिअर लॉन्चर मध्ये शिकवणी साठी पाठवलं, मुलाने गावाच्या वातावरणापासून शहरात जनता करिअर लॉन्चर च्या वसतिगृहात राहत पुढील शिक्षण घ्यावं अशी कुटुंबाची इच्छा होती. मात्र शिक्षण क्षेत्रातील गुरु ने प्रथमेश चे स्वप्न धुळीस मिळवीत त्याला टोकाचं पाऊल उचलायला भाग पाडलं. Education institute student suicide updates

    प्रथमेश ने याबाबत वडिलांना तक्रार केली होती, यासह त्याला होणाऱ्या त्रासावर व्यवस्थापनाला सुद्धा तक्रार केली अशी माहिती सहारे यांनी दिली, मात्र प्रथमेश च्या तक्रारींवर संस्थाचालक व व्यवस्थापनाने कानाडोळा करीत कारवाई केली नाही, जर आधीच प्रथमेश च्या तक्रारींवर कारवाई झाली असती तर तो आज हयात असता.

    निवेदनामार्फत विक्रांत सहारे यांनी जिल्हा महिला व बालविकास अधिकारी आणि पोलीस अधीक्षक विद्यर्थ्यांच्या तक्रारींवर मानसिक छळ करणाऱ्या कर्मचाऱ्यांवर संस्थाचालकाद्वारे कसलीही कारवाई न करता त्यांना अभय देण्याचं काम अध्यक्ष व सचिव यांनी केल्याने सदर प्रकरणात दोघांवर चौकशी करून गुन्हा दाखल करीत मृतक प्रथमेश च्या पालकांना न्याय द्यावा अशी मागणी करण्यात आली आहे.

  • रात्रीची गस्त फायद्याची! २ बॅटरी चोर ताब्यात

    police action against battery thieves : चंद्रपूर २४ नोव्हेम्बर (News३४) – रस्त्याच्या कडेला उभ्या असलेल्या ट्र्क मधून बॅटरी चोरणाऱ्या दोघांना रामनगर पोलिसांनी अटक करून तब्बल ९८ हजारांचा मुद्देमाल जप्त केला आहे.

    २३ नोव्हेम्बर रोजी फिर्यादी करण झामरे यांनी तक्रार दिली कि त्यांच्या वाहनचालकाने नादुरुस्त असलेल्या ट्र्क ला रस्त्याच्या कडेला लावून घरी गेला होता दुसऱ्या दिवशी सकाळी कॅबीनच्या खिडक्या उघड्या होत्या, त्याठिकाणी बघितले असता ट्र्क क्रमांक MH ३४ M ८६७४ मधील लाल रंगाची बॅटरी, MH ३४ AB ३८५९ इनोव्हा कंपनीची लाल रंगाची बॅटरी व हायड्रॉलिक जॅक दिसून आला नाही. सदर माल हा अज्ञात चोराने चोरून नेला अशी तक्रार पोलीस ठाण्यात दाखल करण्यात आली.

    Read Also : कांग्रेसच्या माजी नगरसेवकाचा प्रताप, सुरु केला देहव्यापाराचा प्रताप

    तक्रार दाखल झाल्यावर गुन्ह्याचे गांभीर्य लक्षात घेता पोलिसांनी तपासाला सुरुवात केली, नाईट गस्ती दरम्यान २ युवक हे बॅटरी घेऊन जाताना पोलिसांना आढळले, दोघांना ताब्यात घेत त्यांची विचारपूस केली असता त्यांनी बॅटरी चोरी केल्याची कबुली दिली. police action against battery thieves

    आरोपी १९ वर्षीय सप्रेम लेमचंद दुर्गे राहणार MIDC हनुमान नगर चंद्रपूर व २० वर्षीय अखतर गुलाम हुसेन राहणार म्हाडा कॉलोनी दाताला यांच्याकडून दुचाकी, ५ बॅटऱ्या सह ४ हायड्रॉलिक जॅक असा एकूण ९८ हजारांचा मुद्देमाल जप्त करण्यात आला. आरोपींवर गुन्हा दाखल करण्यात आला असून पुढील तपास रामनगर पोलीस करीत आहे.

    सदरची यशस्वी कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे, उपविभागीय पोलीस अधिकारी प्रमोद चौगुले यांच्या मार्गदर्शनात पोलीस निरीक्षक आसिफरजा शेख यांच्या नेतृत्वात गुन्हे शोध पथकातील सपोनि देवाजी नरोटे, हनुमान उगले, निलेश वाघमारे, पोलीस कर्मचारी आनंद खरात, जितेंद्र आकरे, शरद कुडे, लालू यादव, बाबा नैताम, गजानन नागरे, रामप्रसाद नैताम, मनीषा मोरे, रवीकुमार ढेंगळे, पंकज ठोंबरे, प्रफुल पुप्पलवार, संदीप कामडी, सुरेश कोरवार, पंकज पोंदे व ब्ल्यूटी साखरे यांनी केली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by