Tag: News34 chandrapur

Congress candidate list बलाढ्य उमेदवारासमोर कांग्रेस पक्षाने पुन्हा एकदा कमजोर उमेदवार देत विधानसभा निवडणुकीत आधीच आपला पराभव मानला अशी चिन्हे कांग्रेसची यादी जाहीर झाल्यावर पुढे आली आहे.

Congress candidate list चंद्रपूर विधानसभा क्षेत्रातून कांग्रेसचे प्रवीण पडवेकर, बल्लारपूर विधानसभा क्षेत्रातून संतोष रावत तर वरोरा विधानसभा क्षेत्रातून खासदार प्रतिभा धानोरकर यांचे बंधू प्रवीण काकडे यांना उमेदवारी देण्यात आली आहे.

विधानसभा पानिपत : देवराव भोंगळे यांच्या उमेदवारीला विरोध

बल्लारपूर विधानसभा क्षेत्रात सातव्यांदा विधानसभा निवडणुकीच्या महासंग्रामात उतरलेले भाजपचे दिग्गज नेते सुधीर मुनगंटीवार यांच्यासमोर सिडीसीसी बँकेचे माजी अध्यक्ष तथा कांग्रेस नेते संतोषसिंह रावत यांना उमेदवारी देण्यात आली आहे, संतोषसिंह रावत यांचा जनसंपर्क केवळ मूल व काही प्रमाणात पोम्भूर्णा इथपर्यंत आहे, त्यामुळे मुनगंटीवार यांच्यापुढे त्यांचं आव्हान संपुष्टात येईल हे नक्की. कांग्रेसच्या अभिलाषा गावतुरे ह्या मुनगंटीवार यांना चांगल्या प्रकारे निवडणुकीत आव्हान निर्माण करू शकल्या असत्या. Congress candidate list

चंद्रपूर मनपाची निवडणूक हरलेले माजी नगरसेवक प्रवीण पडवेकर यांचा जनसंपर्क विधानसभा क्षेत्रात अत्यंत कमी आहे, ते आजपर्यंत पूर्ण विधानसभा क्षेत्र पिंजून काढू शकलेले नाही, त्यामुळे कांग्रेस चंद्रपूर विधानसभा निवडणुकीत सहजतेने पराभूत होणार हे अटळ आहे.

वरोरा विधानसभा क्षेत्रात खासदार प्रतिभा धानोरकर यांचे बंधू प्रवीण काकडे यांना उमेदवारी जाहीर झाली आहे, त्यांचा कांग्रेस पक्षाशी काही एक संबंध नाही, ते साधे पदाधिकारी सुद्धा नाही त्यांची ओळख ही खासदार यांचे बंधू म्हणून आहे. वरोरा विधानसभा क्षेत्रात डॉ.चेतन खुटेमाटे किंवा अनिल धानोरकर यांना उमेदवारी दिली असती तर वरोरा कांग्रेसला पुन्हा काबीज करता आले असते. Congress candidate list

मागील अनेक वर्षांपासून विधानसभा निवडणुकीत साट्या लोट्याचे राजकारण सुरू आहे, नेत्यांसोबतचे हितसंबंध जोपासत त्यांच्यापुढे कमी ताकदीचा उमेदवार देण्याची प्रथा कांग्रेस पक्षाने सुरू केली आहे. मागील विधानसभा निवडणुकीत बल्लारपूर येथे दिवंगत खासदार धानोरकर यांनी सभा घेतली नव्हती तर भाजपच्या वरीष्ठ नेत्यांनी वरोरा विधानसभा क्षेत्रात सभा घेतली नव्हती.

चंद्रपूर विधानसभा क्षेत्रात बाहेरून आलेले सुधाकर अंभोरे, राजू झोडे यांनी आपल्याला उमेदवारी मिळावी यासाठी अनेक प्रयत्न केले होते, मात्र ते कांग्रेसच्या राजकारणाला समजू शकले नाही आणि स्वतःची राजकीय आत्महत्या करून बसले. आता त्यांनी थाटामाटात सुरू केलेले कार्यालय बंद करण्याची नामुष्की झोडे आणि अंभोरे यांच्यावर ओढावली आहे.

बल्लारपूर विधानसभा क्षेत्रात मुनगंटीवार यांना आव्हान देण्यासाठी डॉ.अभिलाषा गावतुरे व ठाकरे गट शिवसेना जिल्हाप्रमुख संदीप गिर्हे यांनी जनसंपर्क सुरू करीत विधानसभा क्षेत्र पिंजून काढले मात्र लोकसभा निवडणुकीत कांग्रेसला मिळालेले यश आणि अति आत्मविश्वास मुळे त्यांनी चंद्रपूर जिल्ह्यातील 6 जागेवर दावा केला. विशेष बाब म्हणजे घटक पक्षाला एकही जागा कांग्रेसने सोडली नाही.

आता या विधानसभा निवडणुकीच्या पानिपत मध्ये महाविकास आघाडी मधील पक्ष एकमेकांना साहाय्य करतात की मुकदर्शकाची भूमिका बजावतात हे निवडणूक काळात बघायला मिळेल.

Kishor Jorgewar Candidature Application चंद्रपूरचे अपक्ष आमदार किशोर जोरगेवार यांनी वने व सांस्कृतिक कार्य मंत्री सुधीर मुनगंटीवार आणि राष्ट्रीय मागासवर्गीय आयोगाचे अध्यक्ष हंसराज अहिर यांच्या प्रमुख उपस्थितीत भारतीय जनता पक्षात प्रवेश केला आहे.

राजुरा विधानसभा : देवराव भोंगळे यांच्या उमेदवारीला माजी आमदारांचा विरोध

Kishor Jorgewar Candidature Application सोमवारी ते भाजप महायुतीचे उमेदवार म्हणून नामांकन अर्ज दाखल करणार आहेत. यावेळी भाजप प्रदेशाध्यक्ष चंद्रशेखर बावनकुळे, ना. सुधीर मुनगंटीवार, आणि राष्ट्रीय मागासवर्गीय आयोगाचे अध्यक्ष हंसराज अहिर यांची प्रमुखतेने उपस्थिती राहणार आहे.

चंद्रपूर विधानसभा : किशोर जोरगेवार भाजपवासी

आमदार किशोर जोरगेवार यांनी शेकडो कार्यकर्त्यांसह आज भाजपमध्ये प्रवेश केला आहे. त्यानंतर त्यांना भाजप तर्फे महायुतीची उमेदवारी देण्यात आली असून आता ते भाजपच्या कमळ चिन्हावर निवडणुकीला समोर जाणार आहेत. “जनतेचा आशीर्वाद माझ्या पाठीशी आहेच, आता भाजपची साथ मिळाल्याने चंद्रपूरातील विकासकामे आणखी गतीशील करण्यात मदत होईल,” असे आमदार किशोर जोरगेवार यांनी यावेळी म्हटले आहे.

 सोमवारी 28 ऑक्टोबर दुपारी १२ वाजता आमदार किशोर जोरगेवार यांच्या गांधी चौक येथील कार्यालयाजवळून भव्य रॅली काढण्यात येणार आहे. ही रॅली जिल्हाधिकारी कार्यालयाजवळ पोहोचल्यानंतर आमदार किशोर जोरगेवार नामांकन अर्ज दाखल करतील. यावेळी नागरिकांनी मोठ्या संख्येने उपस्थित राहावे, असे आवाहन आमदार किशोर जोरगेवार यांनी केले आहे.

Rajura Assembly Constituency 26 ऑक्टोबर रोजी भाजपने उमेदवारांची यादी जाहीर केली यामध्ये चंद्रपूर जिल्ह्यातील वरोरा, ब्रह्मपुरी व राजुरा विधानसभा क्षेत्राचा समावेश होता, ब्रह्मपुरी मधून कृष्णा सहारे, वरोरा करन देवतळे व राजुरा विधानसभा क्षेत्रातून देवराव भोंगळे यांना उमेदवारी जाहीर झाली होती.

Rajura Assembly Constituency देवराव भोंगळे यांच्या उमेदवारीला माजी आमदार संजय धोटे, सुदर्शन निमकर व खुशाल बोन्डे यांनी तीव्र नाराजी जाहीर करीत आम्हाला आयात उमेदवार नको अशी प्रतिक्रिया पत्रकार परिषद द्वारा दिली.

राजकीय : आमदार किशोर जोरगेवार झाले भाजपवासी

देवराव भोंगळे हे मूळचे घुग्गुस येथील निवासी असून मागील वर्षभरापासून ते राजुरा विधानसभा क्षेत्रात घिरट्या घालत आहे, राजुरा क्षेत्रात ते जेष्ठ कार्यकर्ते व पदाधिकारी यांचा सन्मान करीत नाही, एकाही कार्यकर्त्यांना ते कार्यक्रमाचे निमंत्रण देत नाही, अश्या घमंडी लोकांना भाजपने उमेदवारी दिली असून त्याला आमचा विरोध आहे.
देवराव भोंगळे यांची उमेदवारी जाहीर होताच राजुरा क्षेत्रात हजारो कार्यकर्ते बैचेन झाले, आम्ही पक्षातून दुसऱ्या पक्षात जाणार अशी तीव्र प्रतिक्रिया कार्यकर्त्यांनी दिली. Rajura Assembly Constituency

पक्ष श्रेष्ठीने राजुरा येथील स्थानिक पदाधिकारी किंवा एका गरीब कुटुंबातील शेतकऱ्यांना उमेदवारी द्यावी आम्ही त्यांचे काम करू व विधानसभा निवडणूक जिंकू मात्र भोंगळे यांच्यासोबत आम्ही काम करणार नसल्याचा इशारा माजी आमदार संजय धोटे यांनी पत्रकार परिषद मार्फत दिला.
पक्ष श्रेष्ठीने यावर निर्णय घ्यावा अन्यथा आम्ही वेगळा मार्ग स्वीकारू असा इशारा देण्यात आला.

धोटे पुढे म्हणाले की भोंगळे यांनी लोकसभा निवडणुकीत अति आत्मविश्वास दाखविला त्यामुळे राजुऱ्यातून भाजपला सर्वात कमी मतदान मिळाले होते, असले आयात केलेले उमेदवार आम्हाला नको आहे. याठिकाणी दादा चा वादा चालणार नाही.
आयोजित पत्रकार परिषदेत भाजप कार्यकर्त्यांची उपस्थिती होती.

Shiv Sena candidate Sandip Girhe जिल्ह्यातील बल्लारपूर विधानसभा क्षेत्रात मोठा ट्विस्ट निर्माण झाला असून शिवसेना ठाकरे गटाचे जिल्हाप्रमुख संदीप गिर्हे उमेदवारी अर्ज दाखल करणार आहे.

Shiv Sena candidate Sandip Girhe चंद्रपूर जिल्ह्यातील 6 विधानसभा जागेवर कांग्रेसने दावा केला असून सर्व जग कांग्रेस लढणार अशी शड्डू ठोकला होता मात्र मित्रपक्षाने काही जागेवर दावा केला आहे, त्यामुळे जिल्ह्यातील काही जागेवरील उमेदवारांच्या नावावर शिक्कामोर्तब अजूनही झाले नाही.

मात्र एकीकडे कांग्रेसची यादी जाहीर होण्यापूर्वी वरोरा विधानसभा क्षेत्रातून प्रवीण काकडे तर बल्लारपूर विधानसभा क्षेत्रातून संतोष रावत यांनी उमेदवारी अर्ज दाखल केला आहे, बल्लारपूर विधानसभा क्षेत्रावर शिवसेना ठाकरे गटाने दावा केला होता, विशेष म्हणजे जिल्हाप्रमुख संदीप गिर्हे यांनी वर्षभरापासून विधानसभा क्षेत्रात संघटन बांधणी सुरू केली होती.

मध्यंतरी सर्व जागा कांग्रेस लढविणार अशी बातमी बाहेर आल्यावर संदीप गिर्हे यांनी पक्ष जो आदेश देतील त्यावर आम्ही काम करू अशी भूमिका घेतली होती, मात्र 25 ऑक्टोबर रोजी संदीप गिर्हे यांना मातोश्री मधून बोलावण्यात आल्याने त्यांनी तात्काळ मुंबई गाठली व त्यांना उमेदवारी अर्ज दाखल करा असे म्हटले आहे. Shiv Sena candidate Sandip Girhe

राजकीय : 28 ऑक्टोबर रोजी सुधीर मुनगंटीवार दाखल करणार उमेदवारी अर्ज

29 ऑक्टोबर रोजी अर्ज भरण्याच्या शेवटच्या दिवशी भव्य शक्तिप्रदर्शन करीत संदीप गिर्हे उमेदवारी अर्ज दाखल करणार आहे, यामुळे आता बल्लारपूर विधानसभा क्षेत्रात मोठा ट्विस्ट निर्माण झाला आहे.

बल्लारपूर विधानसभा क्षेत्रात सलग 3 वेळा भाजपचे दिग्गज नेते सुधीर मुनगंटीवार यांनी विजय मिळविला आहे, त्यांच्यासमोर युवा नेते संदीप गिर्हे यांचं कडवे आव्हान असू शकते हे 30 ऑक्टोबर नंतर स्पष्ट होणार.

25 ऑक्टोबर रोजी किती अर्ज दाखल?

महाराष्ट्र विधानसभा सार्वत्रिक  निवडणुकीसाठी शुक्रवारी चंद्रपूर जिल्ह्यातील सहा विधानसभा मतदारसंघात एकूण पाच उमेदवारांनी नामांकन अर्ज दाखल केले.

यात 70 – राजुरा विधानसभा मतदारसंघात सुभाष रामचंद्र धोटे (भारतीय राष्ट्रीय काँग्रेस), 71 – चंद्रपूर विधानसभा मतदारसंघात नभा संदीप वाघमारे (पिपल्स पार्टी ऑफ इंडिया), 72 – बल्लारपूर विधानसभा मतदारसंघात संतोषसिंह चंदनसिंह रावत (भारतीय राष्ट्रीय काँग्रेस), 73 – ब्रम्हपुरी विधानसभा मतदारसंघात सुधीर महादेव टोंगे (अपक्ष), 74 – चिमूर विधानसभा मतदारसंघात निरंक आणि 75 – वरोरा विधानसभा मतदारसंघात विनोद कवडूजी खोब्रागडे (अपक्ष) यांनी नामांकन अर्ज दाखल केले.

तर आज 70-राजुरा विधानसभा मतदारसंघात 7 अर्ज, 71-चंद्रपूर विधानसभा मतदारसंघात 11 अर्ज, 72-बल्लारपूर विधानसभा मतदारसंघात 22 अर्ज, 73-ब्रम्हपुरी विधानसभा मतदारसंघात 23 अर्ज, 74-चिमूर मतदारसंघात 10 अर्ज आणि 75-वरोरा विधानसभा मतदारसंघात 7 अर्ज असे एकुण सहा विधानसभा मतदारसंघात इच्छुकांकडून 80 अर्जांची उचल करण्यात आली आहे.

Sudhir mungantiwar Nomination सुधीर मुनगंटीवार २८ ऑक्टोबरला दाखल करणार उमेदवारी अर्ज, हजारोंची राहणार उपस्थिती ; कार्यकर्ते व पदाधिकाऱ्यांमध्ये उत्साह, मुल येथील उपविभागीय कार्यालय येथे दाखल करणार अर्ज

Sudhir mungantiwar Nomination मुल – मुल, पोंभुर्णा व बल्लारपूर विधानसभा मतदारसंघात विकासाचा झंझावात निर्माण करणारे राज्याचे वने, सांस्कृतिक कार्य व मत्स्यव्यवसाय मंत्री तसेच जिल्ह्याचे पालकमंत्री ना. श्री. सुधीर मुनगंटीवार येत्या सोमवारी, दि. २८ ऑक्टोबरला हजारोंच्या उपस्थितीत उमेदवारी अर्ज दाखल करणार आहेत. सलग सातव्या विजयासाठी सज्ज झालेले ना. श्री. मुनगंटीवार उमेदवारी अर्ज दाखल करण्यापूर्वीच चाहते, कार्यकर्ते व पदाधिकाऱ्यांमध्ये कमालीचा उत्साह आहे.

राजकीय : चंद्रपूर विधानसभेतुन महायुतीचे मेरिट उमेदवार किशोर जोरगेवार?

बल्लारपूर विधानसभा मतदारसंघाचे महायुतीचे अधिकृत उमेदवार ना. श्री. सुधीर मुनगंटीवार २८ ऑक्टोबरला (सोमवारी) सकाळी ११.०० वाजता मुल येथील उपविभागीय कार्यालयात आपला उमेदवारी अर्ज दाखल करतील. यावेळी उमेदवारी अर्ज भरण्यासाठी महायुती घटक पक्षातील नेते, पदाधिकारी, कार्यकर्ते व मतदारसंघातील नागरिकांनी हजारोंच्या संख्येने उपस्थित राहावे, असे आवाहन भाजपा जिल्हाध्यक्ष हरीश शर्मा यांनी केले आहे. Sudhir mungantiwar Nomination

यावेळी अर्ज भरण्यापूर्वी ना. श्री. मुनगंटीवार मतदारसंघातील नागरिकांचा आशीर्वाद घेऊन बाजार चौक मुल येथुन उपविभागीय कार्यालयाकडे अर्ज सादर करण्यासाठी निघणार आहे.विविध विकासकामांच्या माध्यमातून मुल, पोंभुर्णा व बल्लारपूर विधानसभा मतदारसंघाचा चेहरामोहरा ना. श्री. मुनगंटीवार यांनी बदलला आहे. बल्लारपूर मतदारसंघाचे नेतृत्व करताना संपूर्ण देशाचे लक्ष वेधून घेईल एवढी विकासकामे केली.

बल्लारपूर, मुल व पोंभूर्णा येथे संपूर्ण चंद्रपूर जिल्ह्यात सर्वांगिण विकासाचे धोरण राबविण्यावर ना. श्री. मुनगंटीवार यांचा भर राहिलेला आहे. अगदी विरोधकही त्यांचा विकासाचा झंझावात मान्य करतात. शेतकरी बांधव असोत, महिला असोत किंवा तरुणवर्ग असो प्रत्येकाच्या कल्याणासाठी व सक्षमीकरणासाठी ना. श्री. मुनगंटीवार सदैव अग्रेसर असतात. ना. श्री. सुधीर मुनगंटीवार यांनी सलग सहा विधानसभा निवडणुकांमध्ये विजयी झाले आहे . आता २०२४च्या निवडणुकीतही ते विजयासाठी सज्ज झाले आहेत.

Kishor Jorgewar Bjp Candidate विधानसभा निवडणुकीच्या रणधुमाळी मध्ये आता हळूहळू चुरस निर्माण होत आहे, महाविकास आघाडी व महायुती ने काही उमेदवारांची यादी जाहीर केली तर काही जागांवर एकमत नसल्याने जागा वाटपाचे घोड अजूनही अडलं आहे.

Kishor Jorgewar Bjp Candidate चंद्रपूर विधानसभा क्षेत्रातील विद्यमान आमदार किशोर जोरगेवार यांनी आधी राष्ट्रवादी कांग्रेस शरद पवार गटाकडे उमेदवारी मागितली मात्र कांग्रेसने जोरगेवार यांच्या उमेदवारीला विरोध दर्शविला त्यामुळे त्यांचा प्रवेशाचा मार्ग खडतर झाला.

24 ऑक्टोबर रोजी रात्री दिल्ली मध्ये खलबत झालं आणि जोरगेवार हे भाजपचे उमेदवार असणार अशी माहिती बाहेर आली, त्यामुळे भाजप निष्ठावंत खवळून गेले, आता भाजपच्या निष्ठावंत कार्यकर्त्याला उमेदवारी द्यावी अशी मागणी कार्यकर्त्यांनी केली आहे, यासाठी भाजपचे पदाधिकारी नागपूर येथे देवेंद्र फडणवीस यांच्यासमोर आपली भूमिका मांडणार आहे.

जोरगेवार यांना उमेदवारी मिळू नये यासाठी भाजपचे दिग्गज नेते सुधीर मुनगंटीवार तातडीने दिल्ली ला रवाना झाले, आपल्या कार्यकर्त्यांची भूमिका काय? हे समजवून सांगण्यासाठी मुनगंटीवार दिल्ली येथे जात असल्याची प्रतिक्रिया प्रसार माध्यमांना दिली आहे. Kishor Jorgewar Bjp Candidate

महत्त्वाचे : चंद्रपूर पोलीस म्हणतात या पोलिसांपासून सावध रहा

विशेष बाब म्हणजे यंदा महायुती मेरिट नुसार तिकीट वाटप करणार आहे, महायुती च्या सर्व्हेमध्ये किशोर जोरगेवार हे आघाडीवर असल्याने भाजप पक्षाने त्यांना उमेदवारी देण्याचे कदाचित ठरविले असणार अशी शक्यता आहे.

वर्ष 2019 मध्ये आमदार जोरगेवार यांच्या उमेदवारीला कांग्रेस पक्षातून दिवंगत खासदार बाळू धानोरकर यांनी विरोध दर्शविला होता, आता वर्ष 2024 मध्ये पुन्हा कांग्रेस खासदार प्रतिभा धानोरकर यांनी जोरगेवार यांच्या महाविकास आघाडी मधून उमेदवारीला विरोध केला.

विशेष म्हणजे धानोरकर यांच्या विरोधामुळे किशोर जोरगेवार यांनी 72 हजार मतांची आघाडी घेत राष्ट्रीय पक्षांना धोबीपछाड दिली होती, मात्र त्यावेळी महाविकास आघाडी ने एका जागेचे नुकसान केले होते, आता सुद्धा तीच परिस्थिती निर्माण झाली आहे. Kishor Jorgewar Bjp Candidate

सत्तेसाठी सर्व पक्षांना एक-एक जागा महत्वाची आहे मात्र महाविकास आघाडी व महायुती आमदार जोरगेवार यांच्या उमेदवारीला विरोध करीत स्वतःच नुकसान करीत आहे.

चंद्रपूर विधानसभा ही जागा कांग्रेस पक्ष 1995 पासून सतत हरत आहे, वर्ष 2014 मध्ये तिसऱ्या क्रमांकावर तर वर्ष 2019 मध्ये कांग्रेस पक्ष चौथ्या क्रमांकावर होता त्यानंतर सुद्धा कांग्रेस पक्षाचा चंद्रपूर विधानसभेवरील दावा हास्यास्पद आहे असे जाणकारांचे मत आहे. लोकसभा निवडणुक व विधानसभा निवडणूक यामध्ये मोठा फरक असतो.

एकेकाळी आमदार मुनगंटीवार यांचे भाजप पक्षातील खंदे समर्थक म्हणून किशोर जोरगेवार यांची ओळख होती, मात्र राजकारणात वैर व मैत्री हे जास्त काळ टिकत नसते.

सध्या महाविकास आघाडी व महायुती मधील नेते आपापल्या सोयीनुसार उमेदवारी ठरवीत सेटिंग चे राजकारण करीत आहे. जोरगेवार यांनी अपक्ष निवडणूक लढल्यास तेचं जिंकणार असा कौल चंद्रपूर विधानसभा क्षेत्रातील मतदारांचा आहे.