My Blog

Tag: MH34

  • cmc chandrapur fire noc procedure । चंद्रपूर मनपाकडून 458 आस्थापनांना नोटीस! फायर सेफ्टी सर्टिफिकेट अनिवार्य

    cmc chandrapur fire noc procedure

    cmc chandrapur fire noc procedure : चंद्रपूर 15 जुलै –  शहरातील मोठ्या इमारती, मॉल, दवाखाने, हॉटेल यांना शासनाच्या अन्य परवानगीसह अग्निशमन ना हरकत प्रमाणपत्र घेणे बंधनकारक आहे. अग्निशमन यंत्रणेद्वारे मालमत्ता व जीवित हानी टाळता येते,मात्र शहरातील अनेक आस्थापना अश्या गंभीर बाबीकडे कानाडोळा करत असल्याने मनपाद्वारे अश्या आस्थापनांवर कारवाईची विशेष मोहीम राबविण्यात येणार आहे. building fire audit requirements

    चंद्रपूर शिवसेना ठाकरे गटाचे जिल्हाप्रमुख भाजपमध्ये

        महाराष्ट्र अग्निशमन प्रतिबंधक कायदा 2006 व 2009 तरतुदीनुसार आग लागू नये, यासाठीची उपाययोजना करण्याची जबाबदारी संबंधित आस्थापनेच्या  मालकाची आहे. दर 6 महिन्यांनी त्याने ‘फायर ऑडिट’ करणे सुद्धा आवश्यक आहे. फापर सेफ्टी अॅक्टनुसार ज्या इमारतींची उंची 15 मीटर अथवा त्याच्यापेक्षा जास्त उंच आहे तसेच ज्या व्यावसायिक प्रतिष्ठानाचे बांधकाम 150 चौ. मी. पेक्षा अधिक आहे अशा सर्व इमारतींना अग्निशमन विभागाचे ना हरकत प्रमाणपत्र असणे बंधनकारक आहे. यात मोठ्या संख्येने नागरिक जमा होण्याची शक्यता असलेले तारांकित हॉटेल्स, लॉजिंग व बोर्डिंग, सिनेमा हॉल, मंगल कार्यालय, नाट्यगृह, प्रदर्शन सभागृह, एलपीजी गोडावून, फटाका शॉप, बहुमजली इमारती, रुग्णालये इत्यादींचा समावेश आहे. fire safety for high rise buildings


       शहरात एप्रिल 2024 पासुन ते आतापर्यंत व्यावसायिक आस्थापनांना आग लागण्याच्या 25 घटना घडलेल्या आहेत. यात सुदैवाने जीवितहानी झालेली नाही. मात्र यापुढेही होवू नये यासाठी अग्निशमन यंत्रणा महत्वाची आहे. मागील वर्षी एकुण 33 आस्थापनांना ना हरकत प्रमाणपत्र देण्यात आले होते यापैकी 26 ऑनलाईन पद्धतीने देण्यात आले. तर 2025-26 या आर्थिक वर्षात 458 आस्थापनांना अग्निशमन यंत्रणा बसवुन पालिकेकडून प्रमाणपत्र घेण्यासंबंधी नोटीस बजावण्यात आल्या आहेत. तपासणीत अग्निशमन यंत्रणा आढळून न आल्यास त्यांच्यावर कारवाई केली जाणार आहे.    

    ऑनलाईन ना हरकत प्रमाणपत्र उपलब्ध –

    सदर प्रमाणपत्र हे ऑनलाईन घेता येणार असुन यासाठी rts.cmcchandrapur.com या वेबसाईट नोंदणी करून अर्ज करता येतो. नियमानुसार, ना हरकत प्रमाणपत्र अग्निशमन विभागातून त्याच अधिकृत एजन्सीद्वारे मिळते. online fire noc registration portal chandrapur

    आवश्यक कागदपत्रे –
    अर्ज ‘अ’ करीता
    1) अर्ज
    2) मालकी हक्काचे पुरावे
    3) बांधकाम नकाशा
    4) अग्नि सुरक्षा यंत्रणेचे तपशील
    5) बांधकाम परवानगी
    6) स्ट्रक्चर सेफ्टी सर्टिफिकेट
    7) एजन्सी धारकाचे समती पत्र
    8) घर टॅक्स पावती चालू वर्षाची
    9) नळ  टॅक्स पावती चालू वर्षाची


    अर्ज ‘ब’ करीता
    1) अर्ज
    2) मालकी हक्काचे पुरावे
    3) अग्नि सुरक्षा यंत्रणेचे तपशील
    4) स्ट्रक्चर सेफ्टी सर्टिफिकेट
    5) एजन्सी धारकाचे समती पत्र
    6) घर टॅक्स पावती चालू वर्षाची
    7) नळ  टॅक्स पावती चालू वर्षाची

    रुग्णालये, मॉल, चित्रपटगृहे, बहुमजली इमारत आदी ठिकाणी अग्निशामक यंत्रणा असणे आवश्यक आहे. त्यामुळे प्राथमिक स्वरुपातील आगीवर नियंत्रण मिळवणे शक्य होते. लहान दवाखाने, दुकाने, कार्यालये यांनीही फायर सिलिंडर वापरणे गरजेचे आहे.प्रमाणपत्र घेण्यास मनपाकडून अर्ज करण्याची ऑनलाईन सुविधा सुद्धा उपलब्ध करून देण्यात आली आहे – राहुल पंचबुद्धे ,प्रभारी अग्निशमन विभाग प्रमुख, चंद्रपूर महानगरपालिका

  • ravindra shinde joins bjp । सहकार क्षेत्राचे चाणक्य भाजपमध्ये, ठाकरे गटाला चंद्रपुरात जबर धक्का

    ravindra shinde joins bjp

    ravindra shinde joins bjp : चंद्रपूर – शिवसेना ठाकरे गटाचे चंद्रपूर जिल्हाप्रमुख रविंद्र शिंदे यांनी आज मुंबई मध्ये भाजप प्रदेश अध्यक्ष रविंद्र चव्हाण यांच्या उपस्थितीमध्ये भाजप पक्षात प्रवेश घेतला, हा प्रवेश ठाकरे गटासाठी मोठा धक्का मानला जात आहे. नुकतीच चंद्रपूर जिल्हा मध्यवर्ती बँकेची निवडणूक पार पडली, रविंद्र शिंदे हे पुन्हा संचालक मंडळात निवडून गेले आहे. मध्यवर्ती बँकेचे माजी अध्यक्ष असलेले शिंदे यांना सहकार क्षेत्रातील चाणक्य म्हणून ओळखल्या जाते.

    चंद्रपूर जिल्हा परिषद निवडणूक, प्रभाग रचना जाहीर

    अनेक वर्षे मध्यवर्ती बँकेत कांग्रेस ची सत्ता होती मात्र यंदा या निवडणुकीत भाजपचे आमदार बंटी भांगडिया व किशोर जोरगेवार यांनी शक्ती पणाला लावत सत्ता स्थापनेसाठी मजबूत स्थिती निर्माण केली. एकीकडे कांग्रेस अध्यक्षपदासाठी दावा करीत असली तरी त्यांचा दावा हा फुसका बार ठरला आहे, रविंद्र शिंदे यांच्या भाजप पक्ष प्रवेशाने भाजपचा अध्यक्ष होणार अशी शक्यता निर्माण झाली आहे. chandrapur politics latest news

    शिवसेना ठाकरे गटाचे जिल्हाप्रमुख रविंद्र शिंदे यांच्या कडे राजुरा, वरोरा व चिमूर विधानसभा क्षेत्राची जबाबदारी होती, या काळात त्यांनी संघटना वाढीस अनेक प्रयत्न केले व असंख्य कार्यकर्त्यांची फळी निर्माण केली, त्यांच्या भाजप प्रवेशाने अनेक कार्यकर्ते नाराज झाले असून आधीच मोडकडीस आलेल्या शिवसेना ठाकरे गटाची अवस्था आता बिकट झाली आहे. शिंदे यांच्या बंटी भांगडिया व आमदार किशोर जोरगेवार हे आग्रही होते, शिंदे यांच्या प्रवेशाने भाजप जिल्हा मध्यवर्ती बँकेची अध्यक्षपदाची निवडणूक सहज जिंकणार अशी चिन्हे निर्माण झाली असून अध्यक्ष पदासाठी भाजपकडून रवींद्र शिंदे उमेदवार असतील अशी शक्यता वर्तवली जात आहे. shiv sena district head joins bjp

    ठाकरे गटाला खिंडार

    पक्ष प्रवेश कार्यक्रमात चंद्रपूर येथील उबाठाचे जिल्हाप्रमुख व चंद्रपूर जिल्हा सहकारी बँकेचे माजी अध्यक्ष रविंद्र शिंदे आणि उबाठाचे वरोरा कृषी उत्पन्न बाजार समितीचे सभापती वासुदेव ठाकरे तसेच निफाड तालुक्यातील अनेक कार्यकर्त्यांनी ही भाजपामध्ये प्रवेश केला. यावेळी आ. बंटी भांगडिया, किशोर जोरगेवार, करण देवतळे आदी उपस्थित होते.

  • mahila lokshahi din । 🧕 “महिला लोकशाही दिन”मध्ये तुमचा प्रश्न थेट अधिकार्‍यांपुढे!

    mahila lokshahi din

    mahila lokshahi din : चंद्रपूर, दि. १५ जुलै : समस्याग्रस्त व पीडित महिलांना त्यांचे प्रश्न मांडण्यासाठी सक्षम व्यासपीठ उपलब्ध व्हावे, तसेच त्यांच्या तक्रारी व अडचणींवर शासकीय यंत्रणेमार्फत प्रभावी मार्गाने कार्यवाही व्हावी, यासाठी महिला व बाल विकास विभागामार्फत दरमहा “महिला लोकशाही दिन” राबविण्यात येतो.

    मिनी मंत्रालयाची प्रभाग रचना

    सदर उपक्रमांतर्गत, ज्या महिलांना व्यक्तिगत स्वरूपाच्या तक्रारी, अडचणी किंवा निवेदने आहेत, त्यांनी महिला लोकशाही दिनाच्या 15 दिवसांपूर्वी आपली तक्रार दोन प्रतींत जिल्हा महिला व बाल विकास अधिकारी, चंद्रपूर यांच्या कार्यालयात सादर करणे आवश्यक आहे. प्राप्त तक्रारी संबंधित विभागांकडे कार्यवाहीसाठी पाठवून त्याचा योग्य निपटारा करण्यात येतो. mahila lokshahi din application process

    २१ जुलै रोजी लोकशाही दिन

    त्यानुसार, जुलै 2025 महिन्यातील जिल्हास्तरीय महिला लोकशाही दिनाचा कार्यक्रम दिनांक 21 जुलै 2025 रोजी सोमवार, दुपारी 1.00 वाजता, मा. निवासी उपजिल्हाधिकारी तथा अपर जिल्हादंडाधिकारी, चंद्रपूर यांच्या दालनात, जिल्हाधिकारी कार्यालय, चंद्रपूर येथे आयोजित करण्यात आला आहे. तसेच तालुकास्तरावरील महिला लोकशाही दिनाचे आयोजन महिन्याच्या चौथ्या सोमवार रोजी करण्यात येणार आहे.

    सदर उपक्रमामार्फत महिलांना त्यांचे प्रश्न शासनदरबारी मांडण्याची संधी प्राप्त होत असून, समस्याग्रस्त व पीडित महिलांनी या उपक्रमाचा लाभ घ्यावा, असे आवाहन महिला व बाल विकास विभाग, चंद्रपूर यांच्या वतीने करण्यात येत आहे.

  • chandrapur zilla parishad draft notification । 🗳️ चंद्रपूर जिल्हा परिषद निवडणूक: प्रभागांची यादी झाली जाहीर – तुमचं नाव कुठे आहे?

    chandrapur zilla parishad draft notification

    chandrapur zilla parishad draft notification : चंद्रपूर, दि. १५ : चंद्रपूर जिल्हा परिषद क्षेत्रातील निवडणूक विभागाची व त्याअंतर्गत पंचायत समित्यांमधील निर्वाचक गणाच्या प्रारुप प्रभाग बाबतीत निवडावयाची सभासद संख्या निश्चित केलेली आहे. त्यानुसार जि.प. निवडणूक विभाग 56 व  पंचायत समिती निर्वाचक गणांची प्रभाग रचना 112 करण्यात आली आहे. ward wise zilla parishad seats chandrapur district

    सांडपाणी पाईपलाईन नंतर रस्त्यांची झपाट्याने दुरुस्ती

    वरीलप्रमाणे निश्चित केलेल्या निवडणूक विभाग व निर्वाचक गण रचनेचे प्रारूप परिशिष्ट 5 (अ) व 5 (ब) मधील अधिसूचना व अनुसूची तयार करून ती शासन राजपत्रात, 14 जुलै 2025 रोजी जिल्हाधिकारी कार्यालय, तहसिल कार्यालय, जिल्हा परिषद कार्यालय, पंचायत समिती कार्यालयील सूचना फलक / संकेतस्थळावर प्रसिध्द करण्यात आली आहे. सदर प्रारूप प्रभाग रचनेवरील हरकती व सूचना 21 जुलै 2025 पर्यंत जिल्हाधिकारी /संबंधित तहसीलदार यांच्या कार्यालयात स्वीकारण्यात येणार आहे, असे उपजिल्हाधिकारी तथा उपजिल्हा निवडणूक अधिकारी यांनी कळविले आहे. zilla parishad election ward structure chandrapur

    अशी आहे जिल्ह्यातील निवडायची सदस्य संख्या : 

    सन 2011 च्या जनगणनेनुसार ग्रामीण भागातील एकूण लोकसंख्या 14 लक्ष 23 हजार 349 आहे. अनुसूचित जातीची लोकसंख्या 1 लक्ष 98 हजार 28 असून अनुसूचित जमातीची लोकसंख्या 3 लक्ष 18 हजार 373 अशी आहे.  जिल्ह्यातील जिल्हा परिषद निवडणूक विभाग 56 व पंचायत समिती निर्वाचक गणांची प्रभाग रचना 112 निश्चित करण्यात आली आहे.

    यात चिमूर (जि.प. सदस्य संख्या -5, पंचायत समिती सदस्य संख्या – 10), नागभीड (जि.प. सदस्य संख्या -4, पंचायत समिती सदस्य संख्या – 8), ब्रम्हपुरी (जि.प. सदस्य संख्या -5, पंचायत समिती सदस्य संख्या – 10), सिंदेवाही (जि.प. सदस्य संख्या -4, पंचायत समिती सदस्य संख्या – 8), भद्रावती (जि.प. सदस्य संख्या -4, पंचायत समिती सदस्य संख्या – 8), वरोरा (जि.प. सदस्य संख्या -5, पंचायत समिती सदस्य संख्या – 10), चंद्रपूर (जि.प. सदस्य संख्या -5,

     पंचायत समिती सदस्य संख्या – 10), मूल (जि.प. सदस्य संख्या -3, पंचायत समिती सदस्य संख्या – 6), सावली (जि.प. सदस्य संख्या -4, पंचायत समिती सदस्य संख्या – 8), पोंभुर्णा (जि.प. सदस्य संख्या -2, पंचायत समिती सदस्य संख्या – 4), गोंडपिपरी (जि.प. सदस्य संख्या -3, पंचायत समिती सदस्य संख्या – 6), बल्लारपूर (जि.प. सदस्य संख्या -2, पंचायत समिती सदस्य संख्या – 4), कोरपना (जि.प. सदस्य संख्या -4, पंचायत समिती सदस्य संख्या – 8), जिवती (जि.प. सदस्य संख्या -2, पंचायत समिती सदस्य संख्या – 4) आणि राजूरा (जि.प. सदस्य संख्या -4, पंचायत समिती सदस्य संख्या – 8) अशी आहे.

  • Burglary accused arrested in Chandrapur । 🔍 घरात कुणी नसल्याचं पाहून केली घरफोडी – पण पोलिसांच्या नेटक्या तपासाने ‘खेळ’ संपला!

    Burglary accused arrested in Chandrapur

    Burglary accused arrested in Chandrapur : चंद्रपूर – ११ जुलै रोजी देवाला येथील ४० वर्षीय कल्पना वामन उपरे ह्या कॅटरिंग च्या कामावर गेली होती, घरी कुणी नसल्याचे बघून अज्ञात इसमाने उपरे यांच्या घरी प्रवेश करीत आलमारीतील सोन्याचे दागिने चोरून नेले. उपरे घरी आल्यावर त्यांना घरातील घराचे लॉक व सामान अस्तव्यस्त दिसून आल्याने घरी चोरी झाल्याचे लक्षात येताच त्यांनी १२ जुलै रोजी पडोली पोलीस स्टेशनमध्ये तक्रार दाखल केली.

    चंद्रपुरात बोगस पोलिसांना अटक

    ३७ ग्राम सोन जप्त

    सदर गुन्ह्याचे गांभीर्य बघता स्थानिकी गुन्हे शाखेच्या पथकाने तपासातील सूत्रे हाती घेत आरोपीचा शोध सुरू केला, तांत्रिक व कौशल्यपूर्ण तपास करीत स्थानिक गुन्हे शाखेने देवाला येथील २५ वर्षीय क्रिष्णा रामप्रसाद ठाकरे याला ताब्यात घेत विचारपूस केली असता त्याने सदरचा गुन्हा केला असल्याची कबुली दिली. आरोपीकडून ३७ ग्राम सोन्याचे दागिने किंमत ३ लाख ५४ हजार ५०० रुपयांचा मुद्देमाल जप्त केला.

    सदरची कारवाई स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात पोउपनि विनोद भुरले, सुनील गौरकार, सुभाष गोहोकार, सतीश अवथरे, रजनीकांत पुठ्ठावार, दीपक डोंगरे, इम्रान खान, किशोर वाकाटे, शशांक बदामवार व हिरालाल गुप्ता यांनी केली.

  • record criminal arrested during patrolling । 🔥 शुटर अखेर सापडला! ७ ते ९ जुलै दरम्यानच्या घरफोडीचा उलगडा!, रामनगर पोलिसांची कारवाई

    record criminal arrested during patrolling

    record criminal arrested during patrolling : चंद्रपूर – पोलीस स्टेशन रामनगर च्या हद्दीत घरफोडी करणारा शुटर गुन्हे शोध पथकाच्या जाळ्यात सापडला, १३ जुलै रोजी पेट्रोलिंग करीत असताना गुन्हे शोध पथकाला माहिती मिळाली कि रेकॉर्डवरील गुन्हेगार हा रयतवारी कॉलरी परिसरात फिरत आहे, माहितीच्या आधारावर रामनगर पोलिसांनी त्या गुन्हेगाराला अटक केली.

    चंद्रपुरात गुन्हेगारीचा डबल रोल, बोगस पत्रकार ते पोलीस

    १ लाख ५४ हजारांचा मुद्देमाल जप्त

    रेकॉर्डवरील गुन्हेगार २४ वर्षीय मो. सरफोराज सागीर शहा उर्फ शुटर रा. आमटे ले-आउट रयतवारी कॉलरी, याला गुन्हे शोध पथकाने ताब्यात घेत विचारपूस केली असता त्याने माहिती दिली कि ७ जुलै ते ९ जुलै दरम्यान रामनगर पोलीस स्टेशनच्या हद्दीत घरफोडी केली. सदर गुन्ह्यातील १ लाख ५४ हजार रुपयांचे सोन्या-चांदीचे दागिने पोलिसांनी आरोपीकडून जप्त केले.

    सदरची कारवाई पोलीस निरीक्षक आसिफरजा शेख यांच्या नेतृत्वात सपोनि देवाजी नरोटे, हनुमान उगले, निलेश वाघमारे, पोलीस कर्मचारी शरद कुडे, आनंद खरात, लालू यादव, पेत्रस सिडाम, प्रशांत शेंद्रे, जितेंद्र आकरे, बाबा नैताम, मनीषा मोरे, रवीकुमार ढेंगळे, संदीप कामडी, पंकज ठोंबरे, प्रफुल्ल पुप्पलवार, सुरेश कोरेवार व ब्ल्यूल्टी साखरे यांनी केली.

  • fake cops extortion case । 🧠 चंद्रपुरात बोगस पत्रकार ते बनावट पोलीस – टोळीचा गुन्हेगारीचा डबल रोल उघड!

    fake cops extortion case

    fake cops extortion case : चंद्रपूर – चंद्रपूर जिल्हा खनिज संपत्तीने संपन्न जिल्हा आहे, मात्र याठिकाणी संपन्न संपत्तीवर अनेकांच्या नजरा जडलेल्या आहे, त्या वक्रदृष्टीवर नजर टाकणाऱ्यांच्या मुसक्या आवळण्यात काम चंद्रपूर पोलीस पोलीस अधीक्षक मुमक्का सुदर्शन यांच्या नेतृत्वात यशस्वीपणे करीत आहे.

    अल्युमिनियम तार चोरणाऱ्या टोळक्याला स्थानिक गुन्हे शाखेने केली अटक

    पोलिसांचे भरारी पथक असल्याचे भासवीत लोकांकडून खंडणी वसूल करणाऱ्या टोळक्याला मूल पोलिसांनी अटक केली आहे विशेष म्हणजे कधी पोलीस तर कधी पत्रकार बनत हा खंडणीचा खेळ हे टोळकं खेळत होत मात्र पोलिसांनी आपला डाव साधत त्या टोळक्याला जेरबंद केले.

    ३ जुलै रोजी चिरोली गावातील ३६ वर्षीय सुरेश लक्ष्मण गनमेनवार यांच्या घरी पांढऱ्या रंगाची अर्टिगा वाहन क्रमांक MH३४ CJ५८२४ येऊन धडकली व आम्ही पोलीस भरारी पथक चंद्रपूर आहो असे म्हणत त्यांच्या घरी मिळून आलेल्या विना परवाना दारूवर कारवाई करण्याचा धाक दाखवीत १५ हजार रुपयांची मागणी केली तडजोडीअंती १० हजार रुपये देण्यात आले.

    मौजा डोंगरगाव येथील एजाज शेख इब्राहिम शेख यांच्या अंडा आम्लेट दुकानात काही व्यक्ती हे दारू पीत होते, त्याठिकाणी हे पोलीस भरारी पथक धडकले व कारवाई करण्याचा धाक दाखवीत १० हजार रुपये द्या अन्यथा आत टाकू अशी धमकी दिली. तडजोडीअंती त्या भरारी पथकाला ५ हजार रुपये देण्यात आले. याबाबत १३ जुलै रोजी मूल पोलीस स्टेशनमध्ये गुन्हा त्या पोलीस पाठकविरोधात दाखल करण्यात आला. Criminals arrested and assets seized in extortion case

    यापूर्वी मूल तालुक्यात गुन्हे शाखेच्या पथकाच्या नावाने काही युवकांनी खंडणी वसूल केली होती, पुन्हा असा प्रकार घडत असल्याने पोलिसांनी सदर प्रकरणाची सखोल चौकशी सुरु केली, पोलिसांनी याबाबत कसून तपास करीत या प्रकरणात ३६ वर्षीय बादल दुर्गाप्रसाद दुबे, २७ वर्षीय संगीता बादल दुबे दोन्ही राहणार साकोली जिल्हा भंडारा हल्ली मुक्काम भिवापूर वार्ड चंद्रपूर, ३१ वर्षीय अजय विजय उईके राहणार गजानन मंदिर रॉड शीतला माता मंदिरच्या मागे चंद्रपूर, ३० वर्षीय देवेंद्र चरणदास सोनवणे राहणार साकोली जिल्हा भंडारा हल्ली मुक्काम भिवापूर वॉर्ड चंद्रपूर यांना अटक केली असून आरोपीजवळून ३ मोबाईल, व गुन्ह्यात वापरलेले वाहन असा एकूण १३ लाख १० हजार रुपयांचा मुद्देमाल जप्त केला. fake reporters threatening locals for money

    विशेष बाब म्हणजे बादल व संगीता हे दोघे पती-पत्नी आहे, काही महिन्यापूर्वी चंद्रपुरातील कहाणी बोगस पत्रकार भंडारा जिल्ह्यात रेती व्यावसायिकाकडून खंडणी मागायला गेले होते त्यावेळी स्थानिकांनी त्यांचा व्हिडीओ शूट केला होता, त्याठिकाणी बादल दुबे तिथे होता.

    चंद्रपुरात ज्यांना वाचता, लिहता विशेष म्हणजे बरोबर बोलता येत नाही ते अडाणी लोक आज पत्रकार बनले आहे, पत्रकारितेचे नियम व कायदे काय याबाबत कसलंही ज्ञान या लोकांना नाही निव्वळ पत्रकार सांगून खंडणी वसूल करायची हा प्रकार सध्या जिल्ह्यात विविध ठिकाणी सुरु आहे. Criminal background of fake journalists,

    कसं काम करत हे बोगस नेटवर्क?

    भाड्याने चारचाकी वाहन करायचं व सोबत एक दोन जोडीदार, त्यांना पोलीस किंवा सहज उपलब्ध असलेले पत्रकाराचे ओळखपत्र देत पुढचा प्रवास वाळू घाट, सट्टा व इतर व्यावसायिकांकडे जात त्यांना कायद्याचा धाक दाखवीत खंडणी वसूल करायची. हे महान कार्य चंद्रपुरातील काही बोगस पत्रकार सतत करीत आहे.

    प्रामाणिक पत्रकारांच्या या क्षेत्रात आता गुन्हेगारी पार्श्वभूमीचे गुंड शिरल्याने प्रामाणिक पत्रकारिता काही प्रमाणात मागे पडत असल्याचे चित्र आहे, या खंडणी बहाद्दरांवर मूल पोलिसांची कारवाई म्हणजे आता बोगस पत्रकारांच्या मुसक्या आवळणार या दिशेची आहे. extortion gang pretending to be police busted by local cops

    पोलिसांचे आवाहन

    याबाबत पोलीस विभागातर्फे खंडणी बाज पत्रकार व तोतया पोलिसांच्या धमकी ला बळी न पडता, तात्काळ जवळच्या पोलीस स्टेशन किंवा नियंत्रण कक्ष चंद्रपूर क्रमांक ११२ वर संपर्क करण्याचे आवाहन केले आहे. fake cops extortion case

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे, प्रभारी उपविभागीय पोलीस अधिकारी सुधाकर यादव यांच्या मार्गदर्शनात पोलीस निरीक्षक विजय राठोड यांच्या नेतृत्वात सपोनि सुबोध वंजारी, पोलीस कर्मचारी जमीर खान पठाण, भोजराज मुंडरे, चिमाजी देवकते, नरेश कोडापे, शंकर बोरसरे व संदीप चुधरी यांनी केली.

  • aluminium wire theft gang arrested । 🧠 गोलू, पवन आणि विष्णुदेवची ‘तार’कट, स्थानिक गुन्हे शाखेची धडक कारवाई

    aluminium wire theft gang arrested

    aluminium wire theft gang arrested : चंद्रपूर – जिल्ह्यात विविध ठिकाणी अल्युमिनियम तयार चोरणाऱ्या टोळक्याला स्थानिक गुन्हे शाखेने अटक केली आहे, या आरोपींची ५ पोलीस स्टेशन हद्दीत अल्युमिनियम तार चोरी केला होता, चोरी केलेला मुद्देमाल आरोपी विक्रीसाठी नेत असताना स्थानिक गुन्हे शाखेने कारवाई करीत ५ लाख ३३ लाख ६० रुपयांचा मुद्देमाल जप्त केला.

    ३८ तोळे सोन्याची चोरी, स्थानिक गुन्हे शाखेने लावला छडा

    १४ जुलै रोजी स्थानिक गुन्हे शाखेने पडोली मध्ये सापळा रचत २५ वर्षीय देवेंद्र उर्फ गोलू महादेव गेडाम राहणार दुर्गापूर, २९ वर्षीय पवन कांग्रेस दुर्गे राहणार कोयना गेट चिनाळा व २२ वर्षीय विष्णुदेव भीमराव नैताम राहणार डोणी तालुका मूल या तिघांना अटक केली.

    ५ ठिकाणी चोरी चे गुन्हे दाखल

    आरोपीवर पोलीस स्टेशन पडोली, कोठारी २ गुन्हे व मूल पोलीस स्टेशनमध्ये २ गुन्हे असे एकूण ५ गुन्हे दाखल आहे. आरोपींनी ५ ठिकाणाहून अल्युमिनियम तार चोरी केला असल्याची कबुली दिली. local crime branch action against theft gang

    आरोपीना पडोली पोलिसांच्या ताब्यात देण्यात आले असून प्रकरनाचा पुढील तपास पडोली पोलीस करीत आहे. सदरची यशस्वी कारवाई गुन्हे शाखेचे पोलीस निरीक्षक अमोल काचोरे यांच्या नेतृत्वात सपोनि बलराम झाडोकर, पोउपनि विनोद भुरले, संतोष निंभोरकर, सुनील गौरकार, पोलीस कर्मचारी धनराज करकाडे, नितीन कुरेकर, नितीन साळवे, इम्रान खान, किशोर वाकाटे व मिलिंद टेकाम यांनी केली.

  • road repair after sewage pipeline work । 🚧 सांडपाणी पाइपलाइन नंतर रस्त्यांची झपाट्याने दुरुस्ती – चंद्रपूर मनपाने 7 कि.मी. काम पूर्ण केले!

    road repair after sewage pipeline work

    road repair after sewage pipeline work : चंद्रपूर 14 जुलै – चंद्रपूर शहरात मलनिःसारण योजना राबविण्यात येत असून, त्याअंतर्गत विविध भागांमध्ये सांडपाणी वाहिन्यांचे जाळे टाकण्यात आले आहे. या कामासाठी एकूण 13 किलोमीटर लांबीचे सिमेंट व डांबरी रस्ते खोदण्यात आले होते. सदर कामांमुळे निर्माण झालेल्या अडचणी लक्षात घेता, महानगरपालिकेने तात्काळ रस्ते दुरुस्तीला प्राधान्य दिले असून आतापर्यंत 7 किलोमीटर रस्त्यांचे दुरुस्तीकरण पूर्ण करण्यात आले आहे. government sewage pipeline construction under AMRUT 2.0

    बंद घर बघून घरात शिरले कोब्रा व बादशाह आणि…घडलं असं

      यासंबंधी नुकतीच मा. आमदार किशोर जोरगेवार यांनी सदर कामाला भेट दिली होती. तसेच इतरही लोकप्रतिनिधींनी रस्ते खोदण्यासंबंधी तक्रारी दिल्या होत्या त्यानुषंगाने आयुक्त विपीन पालीवाल यांनी उर्वरीत कामे त्वरीत पूर्ण करण्याचे तसेच पावसाळा संपेपर्यंत कुठलेही नवीन काम हाती न घेण्याचे निर्देश कंत्राटदाराला दिले आहे. नागरिकांना त्रास होईल अश्या स्वरूपाचे काम निदर्शनास आल्यास दंडात्मक कारवाई करण्याचेही आदेश त्यांनी दिले आहेत.    

       नागरिकांना पुन्हा एकदा पूर्ववत सुविधा उपलब्ध व्हाव्यात, यासाठी महानगरपालिका प्रयत्नशील आहे. स्वच्छता व पर्यावरणपूरक उपाययोजनांना चालना.शहरातील पायाभूत सुविधा अधिक सक्षम करण्याच्या दृष्टीने केंद्र शासन पुरस्कृत अमृत 2.0 (Atal Mission for Rejuvenation and Urban Transformation) योजनेअंतर्गत महत्त्वाचे प्रकल्प मनपातर्फे हाती घेण्यात आले आहेत. या योजनेअंतर्गत वाढीव पाणीपुरवठा यंत्रणा तसेच मलनिःस्सारण योजनेच्या कामासाठी शहरातील विविध भागांमध्ये अनेक रस्त्यांवर खोदकाम करावे लागले होते. या रस्त्यांचे पुनर्बांधकाम, मजबुतीकरण व डांबरीकरणाचे काम टप्प्याटप्प्याने करण्यात येत आहे.

    दीर्घकालीन नियोजनाचे पाऊल

        मलनिःस्सारण योजनेअंतर्गत 32 किलोमीटर पाईपलाईन टाकण्यात आली असुन बालाजी वॉर्ड,ठक्कर कॉलनी, समाधी वॉर्ड,लालपेठ,बाबुपेठ येथील रस्त्यांचे काम पुर्ण करण्यात आले आहे. शहराची वाढती लोकसंख्या बघता मलनिःस्सारणाची योग्य व्यवस्था हे दीर्घकालीन नियोजनाचे पाऊल आहे.

    शहरात दुर्गंधी आणि घाणीचे प्रमाण कमी होणार

       यामुळे मोकळ्या नाल्यांमध्ये सांडपाणी जाण्याऐवजी ते प्रक्रिया केंद्रात गेल्याने शहरात दुर्गंधी आणि घाणीचे प्रमाण कमी होणार आहे. पुनर्वापर केलेले सांडपाणी बागायती,सिमेंट उद्योग,औद्योगिक वापर,वाटर स्प्रे बांधकामासाठी वापरता येईल. खुल्या नाल्यांमुळे रोगकारक जंतु व जी दुर्गंधी पसरते त्यावर मलनिःस्सारण प्रकल्पामुळे आळा घालता येऊ शकतो. तसेच यामुळे सुदृढ आरोग्य पातळीत वाढ होऊन मच्छरांचा त्रासही कमी होतो. benefits of closed sewage system    

            सदर कामांमुळे काही भागांतील नागरिकांना तात्पुरती गैरसोय झाली असली, तरी या दीर्घकालीन प्रकल्पांमुळे शहराला भक्कम व टिकाऊ पायाभूत सुविधा प्राप्त होणार आहेत. चंद्रपूर महानगरपालिकेच्या वतीने नागरिकांना सहकार्य करण्याचे आवाहन करण्यात येत आहे.

  • dengue prevention awareness in schools । 📚 शाळांमध्ये डेंग्यूविषयी थेट जनजागृती – डॉक्टर, शिक्षक आणि विद्यार्थी एकत्र!

    dengue prevention awareness in schools

    dengue prevention awareness in schools : चंद्रपूर 14 जुलै –  चंद्रपूर महानगरपालिकेतर्फे राष्ट्रीय कीटकजन्य रोग नियंत्रण कार्यक्रमांतर्गत डेंग्यू प्रतिरोधक मोहीम पुर्ण क्षमतेने राबविली जात असुन शासकीय तसेच खाजगी शाळांमध्ये मनपा वैद्यकीय आरोग्य अधिकाऱ्यांमार्फत डेंग्यू विषयी जनजागृती केली जात आहे.  

    घरफोडी प्रकरणी बादशाह व कोब्रा चंद्रपूर स्थानिक गुन्हे शाखेच्या जाळ्यात

       या जनजागृतीमध्ये शाळेचे मुख्याध्यापक,शिक्षक, शालेय विद्यार्थी व पर्यायाने सर्व घरी कीटकजन्य आजारांविषयी जनजागृती करण्यात येत असुन गप्पी मासे हे डेंग्यूवर कसे प्रभावी ठरतात याचे प्रात्यक्षिक आरोग्य बहुउद्देशीय कर्मचाऱ्यांमार्फत दाखविण्यात येत आहे. विद्यार्थ्यांना डेंग्यू कसा पसरतो, त्याची लक्षणे कोणती, आणि त्यापासून बचाव कसा करायचा याबद्दल माहिती दिली जाते. तसेच, शाळांमध्ये डासांची उत्पत्ती थांबवण्यासाठी काय उपाययोजना करायच्या, याबाबत मार्गदर्शन केले जाते.आठवड्यातुन एक दिवस पालकांच्या मदतीने पाणी साठवलेली भांडी तपासणे, कुलर, फ्रिज, फिश पॉट, पाण्याची टाकी तपासणे, डासअळी आढळल्यास पालकांच्या मदतीने भांडे कोरडे करणे व कापडाने पुसुन घेणे इत्यादी कार्यांद्वारे डासोत्पत्ती स्थाने नष्ट करणे ही सर्व कार्ये पालकांच्या उपस्थितीत करण्याचे आवाहन केले जात आहे. weekly dry day mosquito control initiative

       28 ब्रिडींग चेकर्स,32 एएनएम, 22 एमपीडब्लु व 170 आशा वर्कर तसेच स्वच्छता निरीक्षक यांच्याद्वारे डासोत्पत्ती स्थाने तपासणी मोहीम सुरु मोकळे भूखंड, बंद घराची छते, चालु बांधकामाची ठिकाणे, घरी वापर नसलेली ठिकाणे,घरातील कूलर,टायर,कुंड्या खालील प्लेट,फ्रीज खालील ट्रे,पाण्याचे ड्रम, फिश टँक, एसीचे पाणी पडणारे कंटेनर, भंगारातील वस्तु,डबे इत्यादी डासांच्या उगमस्थानांची तपासणी केली जात आहे. स्वच्छता विभागामार्फत आठवड्यातुन एकदा शहरात प्रत्येक जागी धुरळणी व फवारणी करण्यात येत आहे. गप्पी मासे प्रजनन केंद्रांची निर्मिती करण्यात येऊन पाणी साचलेल्या जागी गप्पी मासे सोडणे अथवा प्रतिबंधात्मक द्रावण सोडण्यात येत आहे. guppy fish to control mosquito larvae डासांमुळे निर्माण होणारे रोग हे धोकादायक ठरू शकत असल्याने आवश्यक ती काळजी घेण्याचे तसेच मनपास सहकार्य करण्याचे आवाहन चंद्रपूर महानगरपालिकेतर्फे करण्यात येत आहे.  

    डासांची उगमस्थाने –

    पावसात मोकळे भूखंड, बंद घराची छते, चालु बांधकामाची ठिकाणे, घरी वापर नसलेली ठिकाणे, कूलर,टायर, फ्रिज, फिश पॉट,भंगारातील वस्तु,डबे,स्वच्छ परंतु अनेक दिवसांपासुन जमा असलेले पाणी इत्यादी ठिकाणे डासांची उगमस्थाने आहेत.

    डेंग्युची लक्षणे –

    डासांमुळे पसरणाऱ्या आजारांमध्ये डेंग्यूताप व डेंग्यू रक्तस्रावी ताप हे मुख्य आजार आहेत. ताप येणे, अंगावर पुरळ येणे, डोळ्याच्या खोबणीमधे दुखणे, पाठदुखी, डोकेदुखी, स्नायूमध्ये वेदना, सांधेदुखी ही डेंग्यूची प्रमुख लक्षणे आहेत. वस्तुतः डेंग्यू हा सामान्य आजार आहे परंतु या रोगाबाबत माहिती नसल्याने किंवा अपुरी माहिती असल्याने काही वेळा तो जीवघेणा ठरू शकतो. म्हणून प्रत्येकाने काळजी घेणे आवश्यक आहे.

    डेंग्यु टाळण्यास उपाययोजना –

    डेंग्यु डास हा स्वच्छ व साचलेल्या पाण्यात आढळतो त्यामुळे आपल्या घराची तपासणी करावी . पाणी साठवण्याची भांडी कोरडी करणे,डासअळी आढळल्यास अबेट द्रावण टाकणे, पाणी साठा मोठा असले तर त्यात गप्पी मासे टाकणे आवश्यक आहे. गप्पी मासे पाण्यातील डासांची अंडी संपवितात ज्याने डासांचा प्रादुर्भाव कमी होतो. आठवड्यातून एक दिवस हा कोरडा दिवस पाळावा. dengue mosquito control measures

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by