My Blog

Tag: MH34

  • Kishor Jorgewar Charitable initiative । किशोर जोरगेवार यांच्या सेवाभावी उपक्रमातून 35 रुग्णांना नवी दृष्टी 👓✨

    Kishor Jorgewar Charitable initiative

    Kishor Jorgewar Charitable initiative : चंद्रपूर – आमदार किशोर जोरगेवार यांच्या पुढाकारातून आयोजित देवाभाऊ जनकल्याण सेवा सप्ताहात घेण्यात आलेल्या आरोग्य शिबिराच्या माध्यमातून सेवाग्राम येथील कस्तुरबा रुग्णालयात ३५ रुग्णांवर मोतीबिंदूची यशस्वी शस्त्रक्रिया करण्यात आली. आज या सर्व रुग्णांना आमदार किशोर जोरगेवार यांच्या जनसंपर्क कार्यालयात नि:शुल्क चष्म्यांचे वाटप करण्यात आले. यावेळी आमदार जोरगेवार यांनी सर्व रुग्णांची भेट घेऊन त्यांच्या प्रकृतीची व तेथील व्यवस्थेबाबत विचारपूस केली. Devabhau Janakalyan Seva Saptah free eye checkup camp

    चंद्रपूर मनपाने जप्त केले २८० किलो प्लास्टिक

    राज्याचे मुख्यमंत्री देवेंद्र फडणवीस यांच्या वाढदिवसानिमित्त आमदार किशोर जोरगेवार यांच्या पुढाकारातून देवाभाऊ जनकल्याण सेवा सप्ताहच्या माध्यमातून विविध सेवाभावी उपक्रम राबविण्यात आले. समाजातील सर्वसामान्य घटकांना मदतीचा हात देण्यासाठी हाती घेतलेल्या या उपक्रमांना नागरिकांकडून उत्स्फूर्त प्रतिसाद लाभला.

    ३५ रुग्णांवर मोतीबिंदूची यशस्वी शस्त्रक्रिया

    या सेवा सप्ताहात आरोग्य हा महत्त्वाचा घटक मानून भव्य आरोग्य शिबिराचे आयोजन करण्यात आले होते. शिबिरादरम्यान मोठ्या संख्येने नागरिकांनी तपासणी करून घेतली. विशेषतः डोळ्यांच्या तपासणीत अनेक ज्येष्ठ नागरिकांना मोतीबिंदूची समस्या असल्याचे निदर्शनास आले. त्यानुसार या रुग्णांच्या मोफत शस्त्रक्रियेसाठी सेवाग्राम येथील कस्तुरबा रुग्णालयात तातडीने व्यवस्था करण्यात आली. या अंतर्गत ३५ रुग्णांवर मोतीबिंदूची यशस्वी शस्त्रक्रिया पार पडली. Free spectacles distribution Devabhau Janakalyan Seva Saptah

    बुधवारी या सर्व रुग्णांना आमदार किशोर जोरगेवार यांच्या जनसंपर्क कार्यालयात चष्म्यांचे मोफत वितरण करण्यात आले. यावेळी आमदार जोरगेवार यांनी स्वतः रुग्णांची भेट घेऊन त्यांच्या प्रकृतीची विचारपूस केली.

    मोतीबिंदूच्या आजारामुळे अनेक ज्येष्ठ नागरिकांना दैनंदिन जीवनात अडचणींना सामोरे जावे लागते. योग्य वेळी उपचार न झाल्यास दृष्टी गमावण्याची वेळ येते. मात्र, अशा शिबिरांमुळे आर्थिकदृष्ट्या दुर्बल घटकांना नवी दृष्टी मिळते. सेवाभावी कार्यातून समाजातील दुर्बल घटकांना आधार मिळवून देणे हेच खरे जनसेवेचे आणि मानवसेवेचे ध्येय असल्याचे यावेळी आमदार किशोर जोरगेवार म्हणाले. यावेळी भारतीय जनता पार्टीचे नेते प्रकाश देवतळे, युवा मोर्चा अध्यक्ष मयूर हेपट, मंडळ अध्यक्ष सुभाष आदमाने, देवा कुंटा यांच्यासह भारतीय जनता पार्टीच्या पदाधिकाऱ्यांची उपस्थिती होती. 

  • Collector inspected flood-affected areas । 🌊 वर्धा नदीच्या पूरस्थितीवर Collector यांची तातडीची पाहणी – प्रशासन सज्ज

    Collector inspected flood-affected areas

    Collector inspected flood-affected areas : चंद्रपूर, दि. 20 : जिल्ह्यात गत दोन – तीन दिवसांपासून सुरू असलेल्या पावसाच्या संततधारेमुळे जिल्ह्यातील नदी-नाले दुधडी भरून वाहत आहे. त्यातच इसापूर, पूस आणि लोअर वर्धा प्रकल्पातून मोठ्या प्रमाणात पाण्याचा विसर्ग सोडण्यात आल्यामुळे वर्धा नदीला पूर आला आहे. त्याचा फटका चंद्रपूर जिल्ह्यातील नदीकाठच्या गावांना बसला असून या पूरग्रस्त भागाची पाहणी करण्याकरीता जिल्हाधिकारी विनय गौडा जी.सी. यांनी आज (दि.20) बामणी – राजूरा पुलाची तसेच शिवनी चोर (ता. चंद्रपूर) येथील पूरग्रस्त भागाला भेट देऊन पाहणी केली.

    व्हायरल व्हिडीओवरून कांग्रेसचा संताप

    बामणी – राजूरा पुलावरील वाहतूक मंगळवार मध्यरात्रीपासून बंद करण्यात आली होती. बुधवारी सकाळपासून पाण्याची पातळी पुलाच्या खाली गेली असली तरी मोठ्या वाहनांना वाहतुकीसाठी प्रतिबंध करावा. पुलाच्या दोन्ही बाजुला पोलिस बंदोबस्त तैनात ठेवावा. पाणी पातळी कमी झाल्यावरच वाहतूक सुरू करावी. कोणतीही अप्रिय घटना घडणार नाही, याची यंत्रणेने काळजी घ्यावी, अशा सुचना जिल्हाधिकारी विनय गौडा यांनी दिल्या. Vinay Gauda flood inspection villages Chandrapur

    यावेळी जिल्हा पोलिस अधिक्षक मुम्मका सुदर्शन, बल्लारपूरचे नायब तहसीलदार श्री. साळवे, सार्वजनिक बांधकाम विभागाचे उपअभियंता वैभव जोशी, पोलिस निरीक्षक विपीन इंगळे आदी उपस्थित होते.

    शिवनी चोर परिसराला भेट : 

    जिल्हाधिकारी विनय गौडा यांनी चंद्रपूर तालुक्यातील शिवनी चोर परिसरातील पूरग्रस्त भागाला भेट दिली. वर्धा नदीच्या बॅक वॉटरमुळे येथील परिसरातील पिके मोठ्या प्रमाणात पाण्याखाली आली आहेत. पूर ओसरल्यावर नुकसानग्रस्त शेतमालाचे पंचनामे अचूक पध्दतीने करावे. त्यासाठी उपविभागीय अधिका-यांनी योग्य नियोजन करावे. पंचनामे करण्यात आलेल्या शेतीची व शेतक-यांची यादी ग्रामपंचायतीमध्ये लावावी. तसेच पंचनामे करतांना संबंधित मालकाचे नाव व त्यांचा मोबाईल क्रमांक नोंदवावा, जेणेकरून नुकसान भरपाई देताना कोणतीही अडचण येणार नाही.

    यावेळी उपविभागीय अधिकारी संजय पवार, नायब तहसीलदार ओंकार ठाकरे, मंडळ अधिकारी प्रवीण वरभे, तलाठी दिनेश काकडे, शिवनी चोरचे सरपंच रविंद्र पहानपट्टे आदी उपस्थित होते.

  • Congress leader Balasaheb Thorat threatened |😡 “गोडसे व्हावं लागेल” – चंद्रपूरमध्ये व्हायरल व्हिडिओवरून काँग्रेस नेत्यांचा संताप

    Congress leader Balasaheb Thorat threatened

    Congress leader Balasaheb Thorat threatened : चंद्रपूर : संगमनेर तालुक्यातील घुलेवाडी येथे झालेल्या कीर्तन कार्यक्रमात कीर्तनकार संग्राम भंडारे यांनी “आम्हाला नथुराम गोडसे व्हावे लागेल” असे विधान करून बाळासाहेब थोरात यांच्यावर उघडपणे जीवे मारण्याची धमकी दिली. या वक्तव्याचा व्हिडिओ सोशल मीडियावर व्हायरल होत असून त्यामुळे समाजात तणावाचे वातावरण निर्माण झाले आहे. शहर जिल्हा काँग्रेस कमिटीने काँग्रेसचे ज्येष्ठ नेते बाळासाहेब थोरात यांना देण्यात आलेल्या जीवे मारण्याच्या धमकीप्रकरणी कठोर कारवाईची मागणी केली आहे.

    ऑनलाईन गेम्सवर बंदी येणार, खासदार धानोरकर यांच्या मागणीला यश

    कांग्रेसची तक्रार

    याप्रकरणी जिल्हाध्यक्ष रितेश (रामू) तिवारी यांच्या नेतृत्वाखालील शिष्टमंडळाने चंद्रपूर शहर पोलीस ठाण्यात निवेदन दिले. या निवेदनात संबंधित व्यक्तीवर कठोर कायदेशीर कारवाई करून तातडीने अटक करण्याची मागणी करण्यात आली. यावेळी मनीष तिवारी, भालचंद्र दानव, राहुल चौधरी, नौशाद शेख, अख्तर सिद्धिकी, प्रसन्ना सिरवार, काशिफ अली आदी कार्यकर्ते उपस्थित होते. political controversy in Maharashtra

    काँग्रेसतर्फे करण्यात आलेल्या निवेदनात म्हटले आहे की, वारकरी संप्रदाय हे महाराष्ट्राचे भूषण असून या संप्रदायाने नेहमीच समाजाला एकतेचा आणि कल्याणाचा संदेश दिला आहे.

    मात्र काही समाजविघातक प्रवृत्ती राजकीय फायद्यासाठी या संप्रदायाचा वापर करत आहेत. अशा प्रवृत्तींना सरकारने आळा घालणे अत्यावश्यक आहे. काँग्रेसने पोलिस प्रशासनाला तातडीने गुन्हा नोंदवून कठोर कारवाई करण्याची मागणी केली आहे.

  • Outrageous incident in Chandrapur । संतापजनक, विकृतीचा कळस, ती घरी एकटी होती आणि नराधमाने…

    Outrageous incident in Chandrapur

    Outrageous incident in Chandrapur : भद्रावती – महाराष्ट्रातील चंद्रपूर जिल्ह्यातल्या भद्रावती तालुक्यात अत्यंत निंदनीय घटना घडली आहे. एका 42 वर्षीय व्यक्तीने 11 वर्षांच्या अल्पवयीन मुलीवर लैंगिक अत्याचार केला आहे. ही घटना समाजातील विकृती दर्शवते, जिथे असुरक्षितता आणि गैरकृत्यांनी क्रूर रूप धारण केले आहे.

    मोकाट गाईच्या हल्ल्यात महिलेचा मृत्यू

    घटनेचा तपशील

    ही घटना मुधोली गावात घडली, जिथे पीडित मुलगी घरात एकटी होती. तिचे आई-वडील शेतामध्ये कामासाठी गेले असताना, आरोपी गोपीचंद आत्रामने (वय 42) तिच्या घरात घुसून तिच्यावर अत्याचार केला. संध्याकाळी आई-वडील घरी परतल्यानंतर, मुलीने त्यांना ही भयावह घटना सांगितली. त्यानंतर त्यांनी तात्काळ भद्रावती पोलिसांकडे तक्रार नोंदवली. पोलिसांनी त्वरीत कारवाई करत आरोपीला अटक केली.

    समाजातील विकृती आणि पुढील कारवाई

    अशा प्रकारच्या घटना समाजाला विचार करायला भाग पाडतात की आपल्या समाजात विकृती किती खोलवर रुजली आहे. एक निरागस आणि अल्पवयीन मुलगी घरातही सुरक्षित नाही, ही बाब अत्यंत गंभीर आहे. या विकृतीमुळे बालकांचे भविष्य आणि मनोधैर्य धोक्यात येते. Chandrapur crime news today

    या घटनेचा तपास भद्रावती पोलिस स्टेशनचे ठाणेदार योगेश्वर पारधी यांच्या मार्गदर्शनाखाली एपीआय केदारे आणि पीएसआय मुळे करत आहेत. अशा प्रकरणांमध्ये कठोर आणि जलद कारवाई होणे आवश्यक आहे जेणेकरून भविष्यात असे गुन्हे पुन्हा घडणार नाहीत. समाजानेही अशा घटनांबद्दल अधिक जागरूक राहणे आणि बालकांच्या सुरक्षिततेसाठी सामूहिक प्रयत्न करणे गरजेचे आहे.

  • Chandrapur municipal corporation plastic raid । 🚨 चंद्रपूर महानगरपालिकेची धडक कारवाई! 280 किलो प्लास्टिक जप्त – 5 हजार दंड वसूल

    Chandrapur municipal corporation plastic raid

    Chandrapur municipal corporation plastic raid : चंद्रपूर 20 ऑगस्ट  – रयतवारी कॉलरी येथील अमरजित गुप्ता यांच्या मालकीच्या गुप्ता ट्रेडींग या दुकानावर चंद्रपूर महानगरपालिका उपद्रव शोध पथकाने कारवाई करून 280 किलो प्लास्टीक जप्त केले आहे शिवाय प्लास्टीकचा साठा करणाऱ्या दुकानदाराकडुन 5 हजार रुपये दंड वसुल करण्यात आला आहे.

    खासदार प्रतिभा धानोरकर यांच्या मागणीची थेट लोकसभेत चर्चा

    चंद्रपूर महानगरपालिका मनपा उपद्रव शोध पथकास मिळालेल्या गुप्त माहीतीच्या आधारे सदर कारवाई करण्यात आली असुन सदर व्यावसायिकास सक्त ताकीद देण्यात आली आहे. पुन्हा सदर गुन्हा केल्यास फौजदारी कारवाई करण्याचे मनपा प्रशासनातर्फे स्पष्ट करण्यात आले आहे.

    तर नागरिकांना मिळणार ५ हजाराचे बक्षीस

    मनपा हद्दीत प्लास्टीक पिशव्यांच्या वापरावर प्रतिबंध घालण्यास सातत्याने कारवाई केली जात असुन प्लास्टीक पिशव्यांच्या साठयाबाबत गुप्त माहीती देणाऱ्यास 5 हजारांचे बक्षिस सुद्धा जाहीर करण्यात आले आहे.यास मोठा प्रतिसाद मिळुन मनपापर्यंत प्लास्टीक साठ्याची गुप्त माहीती पोचविण्यात येत आहे. Chandrapur plastic seizure reward informer 

       एकदाच वापरल्या जाणाऱ्या प्लास्टिकच्या वस्तूंचे उत्पादन, आयात, साठवणूक, वाहतूक, वितरण, विक्री व वापरावर राज्यात 1 जुलै 2022 पासून पूर्णपणे बंदी घालण्यात आली असुन महाराष्ट्र प्लास्टिक आणि थर्माकोल अधिसूचना 2018 नुसार दंड आणि 3 महिन्यांच्या कारावासाची शिक्षा आहे.

    सदर कारवाई आयुक्त तथा प्रशासक विपीन पालीवाल यांच्या मार्गदर्शनात सहायक आयुक्त अनिलकुमार घुले यांच्या प्रत्यक्ष नियंत्रणात डॉ. अमोल शेळके,भुपेश गोठे,मनीष शुक्ला,राज हजारे, शुभम खोटे,शुभम चिंचेकर,राहुल गगपल्लिवर,पूनम समुद्रे यांच्याद्वारे करण्यात आली. 


     

       

     

  • online gaming regulation bill India । ऑनलाइन मनी गेम्सवर बंदी, खासदार प्रतिभा धानोरकर यांच्या प्रयत्नांना मोठे यश

    online gaming regulation bill India

    online gaming regulation bill India : चंद्रपूर : भारताच्या डिजिटल अर्थव्यवस्थेतील एक महत्त्वाचे आणि वेगाने वाढणारे क्षेत्र असलेल्या ऑनलाइन गेमिंगमुळे निर्माण झालेल्या गंभीर समस्यांवर प्रभावी उपाययोजना करण्यासाठी कर्तव्यदक्ष खासदार प्रतिभा धानोरकर यांनी सातत्याने पाठपुरावा केला होता. संबंधित आमदार असताना देखील विधानसभेत याबाबतच्या आवाज उठवला होता. सत्यासोबतच विद्यमान मंत्र्यांना याबाबत पत्र व्यवहार करण्यात आला होता. त्यासोबत कठोर कारवाई करण्यासाठी केंद्रीय गृहमंत्री अमित शाह यांना पत्र व्यवहार केला होता. त्यांच्या या कठोर परिश्रमामुळे आणि सातत्यपूर्ण पाठपुराव्यामुळे मोठे यश मिळाले आहे. या गंभीर समस्येची दखल घेत, आज लोकसभेत माहिती तंत्रज्ञान आणि इलेक्ट्रॉनिक्स मंत्रालयाचे मंत्री अश्विनी वैष्णव यांनी ‘ऑनलाइन गेमिंगचे नियमन आणि प्रोत्साहन विधेयक, २०२५’  सादर केले आहे. legislation banning real money gaming India

    नालीच्या चेंबरमध्ये कोसळला युवक, व्हिडीओ व्हायरल

    हे विधेयक अनेक महत्त्वपूर्ण उद्दिष्टांसह आणले गेले आहे. ऑनलाइन मनी गेम्समुळे अनेक लोक कर्जबाजारी झाले असून, काही ठिकाणी व्यसनाधीनतेमुळे आत्महत्या करण्यासारख्या गंभीर घटना घडल्या आहेत. हे विधेयक अशा ऑनलाइन मनी गेम्सवर पूर्णपणे बंदी घालण्याची तरतूद करण्यात आली आहे, जे वापरकर्त्यांकडून आर्थिक लाभाच्या अपेक्षेने खेळले जातात. याचा मुख्य उद्देश, विशेषतः तरुण आणि आर्थिकदृष्ट्या दुर्बळ व्यक्तींना व्यसनाधीनतेपासून आणि सामाजिक, आर्थिक व मानसिक हानीपासून संरक्षण देण्यात आले आहे. तसेच, या विधेयकात ऑनलाइन मनी गेम्सशी संबंधित आर्थिक फसवणूक, मनी-लॉण्ड्रिंग आणि करचोरी यांसारख्या बेकायदेशीर कृत्यांना प्रतिबंध घालण्यात येणार आहे. 

    ऑनलाइन मनी गेमिंग सेवांचा वापर दहशतवादाला निधी पुरवण्यासाठी

    या विधेयकात ई-स्पोर्ट्स, शैक्षणिक आणि सामाजिक खेळांना प्रोत्साहन देण्याची तरतूद आहे. यासाठी एक स्वतंत्र ‘ऑनलाइन गेमिंग प्राधिकरण’ स्थापन केले जाईल, जे या खेळांना मान्यता देईल आणि त्यांचे नियमन करण्यात येणार आहे. ऑनलाइन मनी गेमिंग सेवांचा वापर दहशतवादाला निधी पुरवण्यासाठी केला जात असल्याच्या अहवालांच्या पार्श्वभूमीवर, हे विधेयक राष्ट्रीय सुरक्षेसाठी एक महत्त्वपूर्ण पाऊल आहे. सध्या या क्षेत्रासाठी कोणतीही समर्पित संस्था किंवा कायदेशीर चौकट नाही. हे विधेयक एकसमान आणि राष्ट्रीय स्तरावरील कायदेशीर चौकट तयार करेल, ज्यामुळे या उद्योगाची रचनाबद्ध वाढ होईल. ban on money games India bill

    खासदार प्रतिभा धानोरकर यांनी संसदेत आणि संसदेबाहेर ऑनलाइन मनी गेम्सच्या धोक्याबद्दल सातत्याने आवाज उठवला होता. त्यांनी या खेळांमुळे कुटुंबांमध्ये निर्माण झालेल्या समस्या, युवकांवर होणारे नकारात्मक परिणाम आणि आर्थिक नुकसानीकडे सरकारचे लक्ष वेधले होते. त्यांच्या या योगदानामुळेच केंद्र सरकारने या विषयाची गंभीर दखल घेतली आणि आज हे महत्त्वाचे विधेयक संसदेत सादर झाले. हे विधेयक ऑनलाइन गेमिंग क्षेत्राला सुरक्षित, जबाबदार आणि प्रगतीशील बनवण्यासाठी एक मैलाचा दगड ठरणार आहे.

  • Chandrapur municipal warning water disruption । ⚠️ मोठी बातमी! ईरई धरण दुरुस्तीमुळे चंद्रपूरच्या या भागात पाणीपुरवठा खंडित

    Chandrapur municipal warning water disruption

    Chandrapur municipal warning water disruption : चंद्रपूर, 19 ऑगस्ट – ईरई धरणावर अचानक उद्भवलेल्या विद्युत कामकाजामुळे उद्या दिनांक 20 ऑगस्ट 2025 (बुधवार) रोजी चंद्रपूर शहरातील काही भागांमध्ये पाणीपुरवठा विस्कळीत किंवा पूर्णपणे बंद राहणार आहे. चंद्रपूर महानगरपालिकेतर्फे नागरिकांना याची पूर्वसूचना देण्यात येत असून, पाणीपुरवठा शक्य तितक्या लवकर सुरळीत करण्यासाठी सर्वतोपरी प्रयत्न करण्यात येतील, असे स्पष्ट करण्यात आले आहे.

    मोकाट जनावराचा हल्ला, महिलेचा मृत्यू

    बाधित भाग पुढीलप्रमाणे –

    • 1) बाबूपेठ परिसर :
      लालपेठ, संविधान नगर, किरमे प्लॉट, बाबा नगर, नेताजी चौक, मराठा चौक, गुरुदेव चौक, बुरड मोहल्ला, मोटघरे प्लॉट, आंबेडकर चौक, पंचशील चौक, महादेव मंदिर, राधाकृष्ण चौक, विकास नगर.
      2) हिंगलाज भवानी टाकी परिसर :
      मा.सर, हिंगलाज भवानी टाकीतून होणारा संपूर्ण पाणीपुरवठा विस्कळीत किंवा बंद राहील.


    3) रयतवारी टाकी परिसर :
    रयतवारी टाकीवरून होणारा संपूर्ण पाणीपुरवठा विस्कळीत राहील.
    श्याम नगर, इंदिरा नगर, राजीव गांधी नगर आदी परिसर बाधित होतील.


  • NSUI demands action for stray cow attack । चंद्रपुरात मोकाट गाईच्या हल्ल्यात महिलेचा मृत्यू, २ महिला गंभीर

    NSUI demands action for stray cow attack

    NSUI demands action for stray cow attack – चंद्रपूर : चंद्रपूर शहरानजीकच्या पडोली येथील इंदिरा नगर, वार्ड क्रमांक १ मध्ये मंगळवारी (१८ ऑगस्ट, २०२५) पहाटे ४ ते ५ वाजेदरम्यान एका मोकाट गायीच्या हल्ल्यात एका ६० वर्षीय बेबीबाई बाबुराव भगत या महिलेचा दुर्दैवी मृत्यू झाला, तर अन्य दोन महिला गंभीर जखमी झाल्या. या घटनेमुळे परिसरात संताप आणि भीतीचे वातावरण पसरले आहे. प्रशासनाच्या निष्काळजीपणावरही पुन्हा एकदा प्रश्नचिन्ह निर्माण झाले आहे.

    धक्कादायक, अचानक चेम्बर कोसळले, चंद्रपुरातील व्हिडीओ व्हायरल

    स्थानिक नागरिकांनी दिलेल्या माहितीनुसार, ही दुर्दैवी घटना गायीच्या मालकाच्या निष्काळजीपणामुळे घडली. मोकाट जनावरांमुळे होणाऱ्या अपघातांची वाढती संख्या लक्षात घेता, प्रशासनाने यावर ठोस उपाययोजना करणे गरजेचे असतानाही याकडे पूर्णपणे दुर्लक्ष केले जात असल्याचा आरोप नागरिकांनी केला आहे.

    घटनेची माहिती मिळताच, NSUI (National Students’ Union of India) च्या पदाधिकाऱ्यांनी तात्काळ पडोली पोलीस ठाण्यात धाव घेतली आणि या प्रकरणी एक निवेदन सादर केले. NSUI चे जिल्हाध्यक्ष शफक शेख, तालुकाध्यक्ष संजू कुमार ग्वालवंशी आणि तालुकासचिव प्रमोद शेंडे यावेळी उपस्थित होते. stray cow attack Padoli Chandrapur woman killed

    NSUI ने या निवेदनात प्रशासनाकडे तीन प्रमुख मागण्या केल्या आहेत:

    • १. कठोर कारवाई: संबंधित मोकाट गायीच्या मालकावर निष्काळजीपणाच्या आरोपाखाली तात्काळ फौजदारी गुन्हा दाखल करून कठोर कारवाई करावी.
    • २. आर्थिक मदत: मृत महिलेच्या कुटुंबियांना व गंभीर जखमी झालेल्या महिलांना तातडीने आर्थिक मदत जाहीर करावी.
    • ३. कायमस्वरूपी उपाययोजना: शहरात मोकाट जनावरांचा सुळसुळाट वाढला असून, यावर नियंत्रण मिळवण्यासाठी महापालिकेने किंवा संबंधित प्रशासकीय विभागाने कायमस्वरूपी उपाययोजना करावी.

    या घटनेने चंद्रपूर शहरातील मोकाट जनावरांच्या समस्येकडे प्रशासनाचे दुर्लक्ष किती गंभीर आहे, हे पुन्हा एकदा सिद्ध झाले आहे. भविष्यात अशा घटना टाळण्यासाठी प्रशासनाने तातडीने पावले उचलणे गरजेचे आहे, अशी मागणी आता जोर धरू लागली आहे.

  • Pratibha Dhanorkar on human-wildlife conflict । ‘फक्त कागदी योजना नकोत!’ मानव-वन्यजीव संघर्षावर प्रतिभा धानोरकरांचा प्रश्न

    Pratibha Dhanorkar on human-wildlife conflict

    Pratibha Dhanorkar on human-wildlife conflict : चंद्रपूर : चंद्रपूर जिल्ह्यातील मानव-वन्यजीव संघर्ष गंभीर स्वरूप धारण करत असून, गेल्या सात महिन्यांत २५ लोकांचा मृत्यू झाला आहे, तर १०८ लोक जखमी झाले आहेत. खासदार प्रतिभा धानोरकर यांनी लोकसभेत विचारलेल्या प्रश्नावर पर्यावरण, वन आणि हवामान बदल मंत्रालयाने दिलेल्या उत्तरातून ही धक्कादायक माहिती समोर आली आहे.

    बघता बघता तो थेट नालीत कोसळला, व्हिडीओ व्हायरल

    केंद्र सरकारने दिलेल्या माहितीनुसार, या गंभीर परिस्थितीवर नियंत्रण मिळवण्यासाठी महाराष्ट्र सरकारने विविध उपाययोजना केल्याचा दावा केला आहे. यात मानव-वन्यजीव संघर्ष रोखण्यासाठी एआय (AI) युक्त कॅमेरे बसवणे, ताडोबा-अंधारी व्याघ्र प्रकल्पाच्या सीमेवरील गावांमध्ये तातडीच्या मदतीसाठी प्राथमिक प्रतिसाद गट (Quick Response Teams) तयार करणे, तसेच जंगली जनावरांच्या हल्ल्यातील पीडितांना वेळेवर आर्थिक सहाय्य देणे यांचा समावेश आहे. मात्र, या उपाययोजना सुरू असतानाही मृतांचा आणि जखमींचा वाढता आकडा पाहता, या उपाययोजना किती प्रभावी ठरत आहेत, असा प्रश्न निर्माण झाला आहे.

    केवळ कागदोपत्री उपाययोजनांची माहिती

    या गंभीर समस्येवर केंद्र सरकार आणि राज्य सरकार दोघांनीही ठोस आणि परिणामकारक पाऊले उचलणे अपेक्षित असताना, केवळ कागदोपत्री उपाययोजनांची माहिती देऊन प्रश्न सोडवण्याचा प्रयत्न होत असल्याचा सूर उमटत आहे. वन्यजीव (संरक्षण) अधिनियम, १९७२ अंतर्गत, मानवी जीवनासाठी धोकादायक ठरलेल्या वन्य प्राण्यांच्या शिकारीची परवानगी देण्याचा अधिकार राज्याच्या मुख्य वन्यजीव रक्षकांना असला, तरी या अधिकाराचा वापर करून नागरिकांचे जीव वाचवण्यासाठी तातडीने कठोर निर्णय घेतले जात नसल्याचे दिसून येत आहे.

    केंद्र सरकारकडून दिल्या जाणाऱ्या आर्थिक मदतीचा उपयोग सौर कुंपणे आणि भौतिक अडथळे उभारण्यासाठी होत असल्याचे सांगितले जात असले, तरी प्रत्यक्ष परिस्थितीत हे अडथळे वन्यप्राण्यांना रोखण्यात अपयशी ठरत असल्याचे आकडेवारीवरून स्पष्ट होत आहे.

  • poor quality drain chamber collapsed । Viral Video, चंद्रपूरात निकृष्ट नाली चेंबर कोसळले – नागरिक थेट खड्ड्यात!

    poor quality drain chamber collapsed

    poor quality drain chamber collapsed : चंद्रपूर: चंद्रपुरात भ्रष्ट कारभाराची पोलखोल करणारी एक धक्कादायक घटना समोर आली आहे. शहरातील जनता कॉलेज चौकातील सेव्हन स्टार बेकरीसमोर नुकतेच नालीवर बांधलेले चेंबर निकृष्ट दर्जाच्या कामामुळे कोसळले. या दुर्घटनेत एका नागरिकाला गंभीर दुखापत झाली आहे.

    १०५ वर्षे जुनी इमारत जमीनदोस्त, चंद्रपूर मनपाची कारवाई

    भ्रष्ट कारभार

    मिळालेल्या माहितीनुसार, या भागात काही दिवसांपूर्वीच नालीवर चेंबरचे बांधकाम केले होते. मात्र, हे काम इतक्या निकृष्ट दर्जाचे होते की, मंगळवारी एका ग्राहकाला थेट खड्ड्यात पडून दुखापत झाली.

    नागरिकांनी दिलेल्या माहितीनुसार, या चेंबरच्या बांधकामात वापरले गेलेले साहित्य अत्यंत हलक्या दर्जाचे होते. त्यामुळे, एका व्यक्तीच्या वजनानेही ते चेंबर कोसळले. सामान्य नागरिकांच्या कराच्या पैशातून असे ‘कागदी बांधकाम’ करून त्यांच्या सुरक्षेशी खेळ केला जात आहे. municipal chamber collapse

    या घटनेमुळे चंद्रपूर शहरातील नागरिकांमध्ये तीव्र संतापाची लाट पसरली आहे. ‘या भ्रष्ट अधिकाऱ्यांना आणि ठेकेदारांना अजून कोणत्या पुराव्याची गरज आहे?’ असा सवाल नागरिक विचारत आहेत. या प्रकारच्या घटनांमुळे शहराच्या विकासाची दिशा आणि प्रशासनाची नैतिकता यावरच प्रश्नचिन्ह निर्माण झाले आहे. याप्रकरणी दोषींवर कठोर कारवाई करण्याची मागणी जोर धरू लागली आहे.

    चंद्रपूर मनपाचे स्पष्टीकरण काय?

    जनता कॉलेज चौकातील सेव्हन स्टार बेकरीसमोर बांधण्यात आलेले चेंबर अचानक कोसळल्याने एका पादचाऱ्याला अपघात झाला. या दुर्दैवी घटनेनंतर सोशल मीडियावर तसेच काही स्थानिक माध्यमांमध्ये “सदर चेंबर हे चंद्रपूर महानगरपालिकेच्या निकृष्ट दर्जाच्या बांधकामाचे उदाहरण” म्हणून सादर करण्यात आले आहे.


       मात्र, चंद्रपूर महानगरपालिकेतर्फे स्पष्ट करण्यात येते की, ही माहिती पूर्णपणे अपुरी व दिशाभूल करणारी आहे. सदर रास्ता हा राष्ट्रीय महामार्ग असुन रस्त्याची देखभाल,दुरुस्ती ही त्यांच्या मार्फतच करण्यात येते. सदरील चेंबरचे बांधकाम हे मनपाने केलेले नसुन कुणामार्फत करण्यात आले आहे याची मनपाकडे नोंद नाही. त्यामुळे या घटनेचा महापालिकेशी कोणताही थेट संबंध नाही.


       त्यामुळे घटनेची पूर्ण माहिती न घेता महानगरपालिकेला लक्ष्य करणे हा प्रकार चुकीचा असून नागरिकांनी अशा अफवांवर विश्वास ठेवू नये, तसेच नागरिकांनी सोशल मीडियावरील अपुरी व दिशाभूल करणारी माहिती तपासून न पाहता प्रसारित करू नये, असे आवाहन महापालिकेतर्फे करण्यात येत आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by