My Blog

Tag: MH34

  • teacher beating students case । संतापजनक प्रकार, शिक्षकाने विद्यार्थ्यांना केली अमानुष मारहाण

    teacher beating students case

    teacher beating students case : ब्रह्मपुरी – तालुक्यातील मांगली गावात जिल्हा परिषद शाळेतील पहिल्या वर्गात शिकणाऱ्या विद्यार्थ्यांना School ची स्पेलिंग न सांगितल्याने शिक्षकाने छडीद्वारे अमानुष मारहाण केली, वर्गातील ७ ते ८ विद्यार्थ्यांच्या पाठीवर मारहाणीचे व्रण उमटले होते, १९ ऑगस्ट रोजी हा प्रकार घडला मात्र शिक्षकाच्या भीतीने मुलांनी पालकांना हा प्रकार सांगितला नाही. २० ऑगस्ट रोजी मुले शाळेत न गेल्याने पालकांनी त्यांना विचारणा केली असता त्यांनी शिक्षकाद्वारे केलेल्या मारहाणीची माहिती दिली.

    २६० रुपये रोजीचे शिक्षक घडविणार विद्यार्थ्यांचे भविष्य, आप चे झोपा काढा आंदोलन

    पालक संतापले

    मिळालेल्या माहितीनुसार १९ ऑगस्ट रोजी शिक्षक वर्गात आले आणि पहिलीच्या विद्यार्थ्यांना स्कुल ची स्पेलिंग विचारली मात्र त्यांना स्पेलिंग न आल्याने शिक्षकांचा राग अनावर झाला, त्यांनी मागे पुढे न बघता छडी द्वारे मुलांच्या पाठीवर मारण्यास सुरुवात केली. जर हि बाब घरी सांगितली तर शिक्षक पुन्हा मारतील अशी भीती विद्यार्थ्यांच्या मनात असल्याने त्यांनी सदर बाब घरी सांगितली नाही, मात्र दुसऱ्या दिवशी विद्यार्थी शाळेत गेले नसल्याने पालकांनी शाळेत का गेले नाही म्हणून विचारणा केली असता शिक्षकाने केलेल्या अमानुष मारहाणीची बाब मुलांनी पालकांना सांगितली व त्यांना पाठीवरील व्रण दाखविले. student beaten by teacher for spelling mistake

    मुलांच्या पाठीवरील व्रण बघून संतापलेल्या पालकांनी ब्रह्मपुरी पोलीस स्टेशन गाठले मात्र काही राजकीय नेत्यांच्या हस्तक्षेपामुळे पालकांनी याबाबत तक्रार दिली नाही. मात्र काही पालकांनी सदर घटनेची माहिती गटशिक्षणाधिकारी माणिक खुणे यांची भेट घेत सदर घटनेबाबत माहिती देत शिक्षकावर कारवाई करण्याची मागणी केली.

    चंद्रपूर जिल्हा परिषदेचे मुख्य कार्यकारी अधिकारी पुलकित सिंह यांनी सदर घटनेची दखल घेत सदर प्रकरणाची चौकशी करण्याचे आदेश शिक्षणाधिकारी यांना आदेश दिले, याबाबत शिक्षणाधिकारी अश्विनी सोनवणे यांनी माहिती दिली कि विद्यार्थ्यांना झालेल्या मारहाण प्रकरण बाबत चौकशीचे आदेश २१ ऑगस्ट रोजी दिले आहे मात्र अद्यापही अहवाल प्राप्त झाला नाही, या घटनेची चौकशी सुरू झाली असून, अहवाल लवकरच सादर केला जाईल. जर अहवालात शिक्षक दोषी आढळला तर कारवाई होणार हे निश्चित.

  • Shadu clay Ganapati workshop । 🌿 POP मूर्तींना पर्याय!, शाडू मातीपासून गणपती

    Shadu clay Ganapati workshop

    Shadu clay Ganapati workshop : चंद्रपूर 22 ऑगस्ट – चंद्रपूर महानगरपालिकेच्या अखत्यारीतील 26 शाळांमधील सुमारे 2000 विद्यार्थी या वर्षी आयोजित करण्यात आलेल्या पर्यावरणपूरक गणपती बनविण्याच्या कार्यशाळेत उत्स्फूर्तपणे सहभागी झाले. विद्यार्थ्यांमध्ये पर्यावरणाविषयी जागरूकता निर्माण करणे, पारंपरिक कला जोपासणे आणि सण हरित पद्धतीने साजरा करण्याचा संदेश देणे हा या कार्यशाळेचा मुख्य उद्देश होता.

    गणेश मूर्ती विसर्जनासाठी मनपाने तयार केले २५ कृत्रिम तलाव

    शाडू मातीच्या मूर्तींचे पर्यावरणपूरक फायदे

    विद्यार्थ्यांनी शाडू मातीपासून आकर्षक व कलात्मक गणेशमूर्ती तयार केल्या. या कार्यशाळेतून ‘प्लास्टर ऑफ पॅरिस (POP) मूर्तींच्या वापरामुळे होणारे दुष्परिणाम’ तसेच ‘शाडू मातीच्या मूर्तींचे पर्यावरणपूरक फायदे’ याबाबत माहिती देण्यात आली.

    हा उपक्रम महानगरपालिकेचे आयुक्त  विपिन पालीवाल यांच्या मार्गदर्शनाखाली आणि शिक्षणाधिकारी श्री. नागेश नीट यांच्या प्रत्यक्ष नियंत्रणात पार पडला. विद्यार्थ्यांचा उत्साह, शिक्षकवर्गाचा सहभाग आणि पालकांचे प्रोत्साहन यामुळे हा उपक्रम अत्यंत यशस्वी ठरला.

    महानगरपालिकेतर्फे भविष्यातही अशा प्रकारच्या शैक्षणिक व सामाजिक कार्यशाळांचे आयोजन करून विद्यार्थ्यांमध्ये पर्यावरण संवर्धनाबाबत जनजागृती घडवून आणली जाणार आहे.

  • where to immerse Ganesh idols in Chandrapur । 🌊 विसर्जन कुठे कराल? चंद्रपूर मनपा घेऊन आली २५ कृत्रिम तलावांची सुविधा

    where to immerse Ganesh idols in Chandrapur

    where to immerse Ganesh idols in Chandrapur : चंद्रपूर 22 ऑगस्ट – चंद्रपूर महानगरपालिकेतर्फे शहरात मूर्ती विसर्जनाच्या सोयीच्या दृष्टीने 25 कृत्रिम तलाव व 25 निर्माल्य कलशांची उभारणी करण्यात आली असुन सर्व घरगुती व लहान मूर्तींचे विसर्जन कृत्रिम कुंडातच करण्याचे आवाहन मनपातर्फे करण्यात येत आहे.

    डीजे लावताय तर हा आदेश वाचा, अन्यथा गुन्हा दाखल होणार

       शहरात मुख्यतः दीड दिवस,5 दिवस तसेच 10 दिवसाच्या गणपतीची स्थापना करण्यात येते. दीड दिवसाच्या गणपतीचीही स्थापना करण्यात येत असल्याने स्थापनेच्या दुसऱ्याच दिवशी विसर्जनाच्या व्यवस्थेची गरज भासते. त्यामुळे घरगुती गणेशाचे विसर्जन घरीच अथवा जवळच्या कृत्रिम तलावातच व्हावे यासाठी मनपातर्फे व्यवस्था करण्यात आली आहे.

    नागरिकांनी घरगुती श्रीगणेशाच्या मूर्ती या कमी उंचीच्या ठेवण्यासंबंधी काळजी घेण्याचे आवाहन मनपामार्फत आधीच करण्यात आले होते. मागील वर्षी   पीओपीच्या मुर्तींचा वापर न करून नागरिकांनी प्रशासनास सहकार्य केले होते यंदाही श्रीगणेशोत्सवाच्या सुनियोजित आयोजनासाठी चंद्रपूर मनपा दक्ष असून भाविकांनीही पर्यावरणपुरक श्रीगणेशोत्सव संपन्न व्हावा याकरीता सहकार्य करण्याचे आवाहन चंद्रपूर महानगरपालिकेतर्फे करण्यात येत आहे. Chandrapur municipality artificial immersion tanks locations

    3 फिरते विसर्जन कुंड –

     गणेश मूर्तींच्या विसर्जनासाठी झोननिहाय 3 ‘फिरत्या विसर्जन कुंडांची’ व्यवस्था करण्यात आली आहे. या फिरत्या विसर्जन कुंडांचे झोननिहाय मार्गक्रमण वेळापत्रक आणि संपर्क क्रमांक देखील महापालिकेद्वारे देण्यात आलेले आहेत.

    एक खिडकी योजना – मनपाद्वारे गणेशोत्सव विविध परवानगीसाठी एक खिडकी प्रणाली सुद्धा सुरु करण्यात आली होती. पोलीस स्टेशन, ट्राफिक पोलीस स्टेशन,सार्वजनिक बांधकाम, अग्निशमन, महावितरण केंद्र, महानगरपालिका इत्यादी विभागाद्वारे संयुक्तरीत्या सार्वजनिक मंडळांना परवानगी देण्यात आली आहे. eco-friendly Ganesh visarjan in Chandrapur 

    कृत्रिम तलाव स्थळ – एकूण – २५

    • १) झोन क्र. १ (कार्यालय) संजय गांधी मार्केट – २
      २) साईबाबा मंदीर वडगाव – १
      ३)वडगाव पोलीस चौकी – १
      ४) दाताळा रोड,इरई नदी – २
      ५) तुकुम प्रा.शाळा(मनपा,चंद्रपूर) – २
      ६) तुकुम एस टी वर्कशॉप – २
      ७) रामाळा तलाव – ४
      ८) छत्रपती शिवाजी चौक – २
      ९) गांधी चौक – १
      १०) लोकमान्य टिळक प्रा.शाळा पठाणपुरा रोड – १  
      ११) विठोबा खिडकी विठ्ठल मंदीर वॉर्ड – १
      १२) महाकाली प्रा.शाळा – १
      १३) सावित्रीबाई फुले प्रा. शाळा बाबुपेठ – २
      १४) झोन क्र. ३ (कार्यालय)  – २
      १५) लालपेठ ( हनुमान मंदिर ) जुनी बस्ती

  • Jhopa Kadha Andolan । मजुरांची रोजी हजार तर शिक्षकांची २६०? आप चे झोपा काढा आंदोलन

    Jhopa Kadha Andolan

    Jhopa Kadha Andolan : चंद्रपूर – २१ ऑगस्ट रोजी आम आदमी पक्षातर्फे संपूर्ण राज्यात शासकीय शाळांची दयनीय अवस्था व शिक्षण क्षेत्राबाबत उदासीन असलेल्या सरकार विरोधात झोपा काढा आंदोलन करण्यात आले. चंद्रपुरात महानगरपालिका समोर आप ने हे अभिनव आंदोलन करीत मनपा, स्थानिक लोकप्रतिनिधी यांचा शिक्षण क्षेत्राकडे असलेल्या दुर्लक्षाबाबत निषेध केला.

    चंद्रपुरात डीजे च्या लेझर लाईटवर बंदी, पोलीस अधीक्षकांचा आदेश

    या अभिनव आंदोलनात आप चे पदाधिकारी स्थानिक आमदार जोरगेवार यांचे मुखवटे घालून सामील झाले होते, चंद्रपूर शहरात मनपाच्या शासकीय शाळांची दुरावस्था होत आहे मात्र याकडे मनपा लक्ष देत नसून इतर कामांकडे जास्त लक्ष देत असल्याचा आरोप केला आहे.

    २६० रु रोजीचे शिक्षक?

    शहरातील ६० ते ७० वर्षे जुन्या शाळा बंद करण्याचा फर्मान मनपा काढत आहे तर दुसरीकडे आयुक्तांनी अजब ठराव पास केला कि २६० रुपये रोजी ने चंद्रपुरातील मनपा शाळेत शिक्षकांची नियुक्ती केल्या जाणार आहे, यावर आप जिल्हाध्यक्ष मयूर राईकवार म्हणाले कि मजुरी करणाऱ्यांची रोजी हि ८०० रुपये ते हजार रुपये आहे मग शिक्षक इतक्या कमी पैश्यात मुलांचे भविष्य कसे घडविणार. AAP Jhopa protest against municipal neglect of schools

    इतर इव्हेन्ट मध्ये मनपा हजार रुपये रोजीने कामगारांना काम करायला लावतात मात्र मुलांचे भविष्य घडविणाऱ्या शिक्षकांना इतक्या कमी पैश्यात ठेवणे म्हणजे हा मुलांच्या भवितव्याशी चाललेला खेळ आहे. पालिकेने आपल्या वार्षिक बजेटमधून २५ टक्के शिक्षणावर खर्च करायला हवा, त्यानंतर शिक्षण प्रणाली चांगलीच सुधारेल, मात्र सरकार व मनपा प्रशासन याकडे दुर्लक्ष करीत आहे, म्हणून आम्ही या झोपलेल्या प्रशासनाचा निषेध करीत आंदोलन करीत आहो.

    आयोजित आंदोलनात आप चे प्रदेश सचिव सुनील मुसळे, जिल्हाध्यक्ष मयूर राईकवार, युवा जिल्हाध्यक्ष राजू कुडे, महिला अध्यक्ष तबस्सुम शेख व इतर पदाधिकाऱ्यांची उपस्थिती होती.

  • Mahatma Phule backward class loan schemes । 🚀 50 हजार ते 5 लाखापर्यंत कर्ज व अनुदान – महात्मा फुले मागासवर्ग विकास महामंडळाची मोठी घोषणा

    Mahatma Phule backward class loan schemes

    Mahatma Phule backward class loan schemes : चंद्रपूर, दि. 21 : महात्मा फुले मागासवर्ग विकास महामंडळ मर्या. चंद्रपूर मार्फत अनुसूचित जातीतील लोकांना स्वयंरोजगारासाठी अर्थसहाय्य उपलब्ध करून दिले जाते. चालू आर्थिक वर्ष 2025-26 करिता मुख्यालयाकडून अनुदान कर्ज योजनेअंतर्गत 80, बीज भांडवल कर्ज योजनेअंतर्गत 80, थेट कर्ज योजनेअंतर्गत 38 असे एकूण 198 लाभार्थ्यांना कर्ज व अनुदान वाटप करण्याचे उद्दिष्ट प्राप्त झाले आहे. या योजनांचा लाभ घेण्याचे आवाहन करण्यात आले आहे.

    आधार योजना, मोफत वसतिगृहाची संधी

    अनुदान योजना : 

    प्रकल्प मर्यादा 50 हजार रुपये पर्यंत, सदर योजनेत 25 हजार रुपयांपर्यंत कर्ज बँकेतर्फे दिले जाते व 25 हजार रुपये अनुदान महामंडळामार्फत देण्यात येते. बँक कर्जावर बँकेच्या नियमाप्रमाणे व्याज आकारण्यात येते. कर्जाची परतफेड सर्वसाधारणपणे 3 वर्षात करावयाची आहे. seed capital loan scheme MPBCDC

    बीज भांडवल योजना :

     प्रकल्प मर्यादा 5 लक्ष रुपयापर्यंत, प्रकल्प मर्यादेच्या 20 टक्के बीज भांडवल कर्ज महामंडळामार्फत 4 टक्क्यांनी व्याजदराने देण्यात येते. सदर राशीमध्ये महामंडळाच्या अनुदानाचा समावेश आहे. 75 टक्के पर्यंत कर्ज बँकेमार्फत दिले जाते व सदर कर्जावर बँकेच्या नियमाप्रमाणे व्याजदर आकारण्यात येतो. महामंडळाचे व बँकेच्या कर्जाची परतफेड एकाच वेळेस ठरवून दिलेल्या समान मासिक हप्त्यानुसार 3 ते 5 वर्षात करावी लागते व 5 टक्के लाभार्थ्यांचा सहभाग असतो

    थेट कर्ज योजना :

     प्रकल्प मर्यादा 1 लाख रुपये पर्यंत, प्रकल्प मर्यादेच्या 85 हजार रुपये कर्ज महामंडळामार्फत 4 टक्के व्याजदराने देण्यात येते. सदर राशीमध्ये 10 हजार रुपये महामंडळाच्या अनुदानाचा समावेश आहे. कर्जाची परतफेड एकाच वेळेस ठरवून दिलेल्या समान मासिक हप्त्यानुसार 3 वर्षात करावी लागते व 5 टक्के लाभार्थ्यांचा सहभाग असतो.

    वरील दिलेल्या योजनांच्या अर्ज भरण्याकरिता महामंडळाच्या mahadisha.mpbcdc.in या पोर्टल वर जाऊन अर्ज भरावे= अधिक माहिती करिता महात्मा फुले मागासवर्ग विकास महामंडळ कार्यालय, डॉ.बाबासाहेब आंबेडकर सामाजिक न्याय भवन, चंद्रपूर येथे तसेच 07172-253549 या क्रमांकावर संपर्क करावा, असे आवाहन जिल्हा व्यवस्थापक यांनी केले आहे.

  • utkrusht mahila manch rajura । 🎉 उत्कृष्ट महिला मंच राजुरा शाखेचे उद्घाटन – महिलांच्या सर्वांगीण विकासाला नवे पंख!

    utkrusht mahila manch rajura

    utkrusht mahila manch rajura : राजुरा: महिलांच्या सर्वांगीण विकासासाठी कार्यरत असलेल्या उत्कृष्ट महिला मंच, चंद्रपूर यांच्या वतीने राजुरा येथे नवीन शाखेचे उद्घाटन मोठ्या उत्साहात झाले. साने गुरुजी सभागृह, देशपांडे वाडी येथे शेकडो महिलांच्या उपस्थितीत हा सोहळा पार पडला.

    गणेशोत्सव व ईद ए मिलाद च्या पार्श्वभूमीवर पोलीस अधीक्षकांनी जारी केला आदेश

    या कार्यक्रमाला उत्कृष्ट महिला मंचच्या अध्यक्षा, सौ. छबुताई वैरागडे, सौ. साक्षी कालेकर, आकाशवाणी उद्घोषिका सौ. प्रज्ञाताई जीवनकर, शिक्षिका सौ. वैशालीताई कन्नमवार, सौ. सरीता मंगरूळकर आणि संघटिका सौ. अर्चना मंगरूळकर आदी मान्यवर उपस्थित होते.

    बंद खजिन्याचे दालन

    अध्यक्षीय भाषणात सौ. छबुताई वैरागडे यांनी सांगितले की, या मंचाच्या माध्यमातून विविध शैक्षणिक, सांस्कृतिक आणि सामाजिक उपक्रम राबवून महिलांचा खरा विकास साधला जाईल. प्रमुख पाहुण्या म्हणून बोलताना सौ. प्रज्ञाताई जीवनकर यांनी प्रत्येक स्त्रीला “बंद खजिन्याचे दालन” म्हटले. त्या म्हणाल्या, “केवळ संधी देणाऱ्या व्यासपीठाची गरज असते आणि ती संधी उत्कृष्ट महिला मंचच्या माध्यमातून तुम्हाला मिळाली आहे. या संधीचा पुरेपूर उपयोग करून महिलांनी या स्पर्धेच्या युगात स्वतःला सिद्ध करावे.” female empowerment stage inauguration

    inauguration ceremony

    या सोहळ्यादरम्यान, वेशभूषा आणि उखाणे स्पर्धेचेही आयोजन करण्यात आले होते. उखाणे स्पर्धेत सौ. अलका गिरटकर (प्रथम), सौ. माधुरी खांडे (द्वितीय), आणि सौ. पूजा कवलकर (तृतीय) यांनी विजेतेपद पटकावले. प्रगती बुरले आणि प्रीती देवगिरकर यांना प्रोत्साहनपर पुरस्कार मिळाले.

    ग्रीन साडी वेशभूषा स्पर्धेत पूजा बांगडे (प्रथम), प्रीती येरणे (द्वितीय), आणि स्वाती जयपूरकर (तृतीय) विजेत्या ठरल्या. तर अलका गिरटकर आणि किरण चन्ने यांना प्रोत्साहन पुरस्कार देण्यात आला. सर्व विजेत्यांना भेटवस्तू देऊन सन्मानित करण्यात आले. inauguration ceremony

    कार्यक्रमाला उत्कृष्ट महिला मंच, राजुराच्या सर्व संघटिका सौ. शुभांगी खोंड, सौ. सरिता मंगरूळकर, वैशाली कुईटे, ललिता पिंपळकर, संगीता हुकम, नीता बनकर, सविता रागीट, निर्मला बांगडे, सुषमा चन्ने, माया रागीट, ज्योती नगराळे आणि सर्व नवीन सदस्यांनी मोठी उपस्थिती दर्शवली.

    या कार्यक्रमाचे सूत्रसंचालन नीता बनकर यांनी केले, तर आभारप्रदर्शन ललिता पिंपळकर यांनी केले. अल्पोपहाराने कार्यक्रमाची सांगता झाली.

  • Order issued prohibiting the Dj laser light । 🙏 गणेशोत्सव व ईद मिरवणुकीसाठी महत्त्वाचा आदेश

    Order issued prohibiting the Dj laser light

    Order issued prohibiting the Dj laser light : चंद्रपूर, दि. 21 : आगामी काळात जिल्ह्यात गणेशोत्सव व ईद-ए-मिलाद हे सण साजरे केले जाणार आहे. या उत्सवाच्या मिरवणुकीमध्ये लेझर लाईटचा वापर मोठ्या प्रमाणात होत असल्याने मानवी जिवीताला धोका, आरोग्याला, सुरक्षिततेला धोका तसेच जनतेमध्ये गोंधळ निर्माण होणे, तसेच भांडण निर्माण होऊन कायदा व सुव्यवस्थेचा प्रश्न उद्भवण्याची शक्यता आहे. त्यामुळे मिरवणुकीमध्ये लेझर लाईट वापरास प्रतिबंध करण्यात आला आहे. तसे आदेश जिल्हा पोलिस अधिक्षक मुम्मका सुदर्शन यांनी निर्गमित केले आहेत.

    चंद्रपुरात देहव्यापार, गुन्हे शाखेची धाड

    ईद ए मिलाद व गणेशोत्सवाच्या पार्श्वभूमीवर निर्णय

    चंद्रपूर जिल्ह्यात 27 ऑगस्ट ते 9 सप्टेंबर या कालावधीत गणेशोत्सव तसेच यादरम्यान ईद-ए-मिलाद हा उत्सव मोठ्या प्रमाणात साजरा केला जातो. जिल्ह्यात सार्वजनिक गणेश मंडळाकडून वेगवेगळ्या तारखेला मुर्ती विसर्जन मिरवणुकीचे आयोजन करण्यात येणार आहे. तसेच ईद-ए-मिलादनिमित्त सुध्दा मिरवणूक काढली जाते. या मिरवणुकीमध्ये लेझर लाईटचा वापर मोठ्या प्रमाणात होण्याची शक्यता आहे. Chandrapur procession laser safety order police

    लेझर लाईटमुळे अंधत्व येणे, डोळे निकामी होणे, आरोग्याला धोका आणि गोंधळाची स्थिती निर्माण होऊन कायदा व सुव्यवस्थेचा प्रश्न उद्भवू शकतो. त्यामुळे भारतीय नागरिक सुरक्षा संहिता 2023 चे कलम 163 (1) अन्वये 27 ऑगस्ट ते 9 सप्टेंबर 2025 या कालावधीत गणेशोत्सव व ईद – ए- मिलाद मिरवणुकीमध्ये लेझर लाईटच्या वापरास प्रतिबंध करण्यात येत असल्याचे पोलिस अधिक्षकांच्या आदेशात नमुद आहे.

  • inspection Mahakali temple development । चंद्रपूर महाकाली मंदिरात नवरात्रीपूर्वी विकासकामांचा धडाका, आमदार जोरगेवार यांनी केली पाहणी

    inspection Mahakali temple development

    inspection Mahakali temple development : चंद्रपूर – चंद्रपूरचे आराध्य दैवत माता महाकाली मंदिरपरिसरात भाविकांच्या सोयीसुविधा वाढविण्यासाठी आमदार किशोर जोरगेवार यांनी एक कोटी रुपयांचा निधी उपलब्ध करून दिला होता. या निधीतून येथील विविध विकासकामे सुरू असून, त्यांची आमदार किशोर जोरगेवार यांनी प्रत्यक्ष पाहणी करून कामांच्या गुणवत्तेची माहिती घेतली. यावेळी नवरात्रीपूर्वी सर्व कामे पूर्ण करण्याच्या सूचनाही त्यांनी संबंधित अधिकाऱ्यांना दिल्या.

    आमदार जोरगेवार यांच्या सेवाभावी उपक्रमातून ३५ रुग्णांना मिळाली नवी दृष्टी

    या पाहणी वेळी चंद्रपूर शहर महानगरपालिकेचे शहर अभियंता रवींद्र हजारे, अभियंता आशिष भारती, भारतीय जनता पार्टीचे महानगराध्यक्ष सुभाष कासनागोट्टूवार, भाजप नेते नामदेव डाहुले, महामंत्री रवि गुरुनुले, सविता दंढारे, मंडळाध्यक्ष अॅड. सारिका संदुरकर, स्वप्निल डुकरे, सुभाष अदमाने, माजी नगरसेविका कल्पना बबुलकर, मुग्धा खाडे, संजीव सिंग, विमल कातकर, नकुल वासमवार, कोमल दाणव आदींची उपस्थिती होती. Chandrapur Mahakali temple devotional amenities upgrade

    भाविकांना उत्तम सुविधा मिळाव्या

    सध्या मंदिर परिसरात सुरक्षा भिंतीचे बांधकाम, गुट्टू लावणे, परिसरातील स्वच्छता व सौंदर्यीकरणचे कामे सुरू आहेत. या कामांचा आढावा घेताना आमदार जोरगेवार म्हणाले कि, महाकाली माता ही चंद्रपूरची आराध्यदेवता असून, येथे दरवर्षी लाखो भाविक दर्शनासाठी येतात. भाविकांच्या संख्येत सातत्याने वाढ होत असल्याने त्यांना उत्तम सुविधा, सुरक्षित वातावरण आणि स्वच्छ परिसर मिळावा यासाठी आम्ही प्रयत्नशील आहोत. मंदिर परिसरात स्वच्छता आणि सोयीसुविधा केंद्रस्थानी ठेवून उत्तम व्यवस्था उभारली जात असल्याचे ते म्हणाले.

    आमदार जोरगेवार यांच्या पुढाकाराने मंदिर परिसरात सुरू असलेली कामे लवकरच पूर्ण होऊन भाविकांच्या सेवेत उपलब्ध होतील. यामुळे मंदिर परिसर अधिक आकर्षक, सुरक्षित आणि सोयीस्कर होणार असून भाविकांच्या समाधानात भर पडणार आहे. पाहणीदरम्यान स्थानिक नागरिक व संबंधित अधिकारी संख्येने उपस्थित होते.

  • HSRP high security number plate Maharashtra । 🚨 महाराष्ट्रात HSRP high security number plate साठी दुप्पट लूट? खासदारांचा मोठा आरोप

    HSRP high security number plate Maharashtra

    HSRP high security number plate Maharashtra : चंद्रपूर : उच्च सुरक्षा नोंदणी प्लेट्स (HSRP) च्या अंमलबजावणीच्या नावाखाली महाराष्ट्रातील जनतेची सर्रास लूट होत असल्याचा गंभीर आरोप खासदार प्रतिभा धानोरकर यांनी केला आहे. महाराष्ट्रात एचएसआरपीसाठी इतर राज्यांच्या तुलनेत दुप्पट शुल्क आकारले जात असताना , केंद्र सरकार याकडे हेतुपुरस्सर दुर्लक्ष करत असल्याचा दावा त्यांनी केला. या विषयावर त्यांनी लोकसभेत प्रश्न विचारून सरकारची पोलखोल केली आहे. मंत्रालयाने दिलेल्या उत्तरात, एचएसआरपीसह मोटार वाहन घटकांचे दर निश्चित करणे किंवा नियंत्रित करणे केंद्र सरकारच्या अखत्यारीत येत नाही, असे स्पष्ट केले आहे.

    मानव वन्यजीव संघर्ष रोखण्यासाठी कागदोपत्री योजना नको – खासदार धानोरकर

    मंत्रालयाने दिलेल्या उत्तरात स्पष्ट झाले आहे की, एचएसआरपीसह मोटार वाहनांच्या घटकांचे दर निश्चित करणे किंवा नियंत्रित करणे केंद्र सरकारच्या अखत्यारीत येत नाही. तसेच, कायद्याची अंमलबजावणी करण्याची जबाबदारी राज्य सरकारची आहे. हाच धागा पकडत खासदार प्रतिभा धानोरकर यांनी सरकारवर निशाणा साधला. “केंद्र सरकार नियमावली बनवून आपली जबाबदारी झटकत आहे,” असे त्या म्हणाल्या. HSRP installation issues Maharashtra rural areas

    20 कोटी वाहन एचएसआरपी शिवाय रस्त्यावर

    त्या पुढे म्हणाल्या, “देशात एकूण 40 कोटींहून अधिक नोंदणीकृत वाहने असून, त्यापैकी जवळपास 20 कोटी वाहनांवर एचएसआरपी बसवलेल्या नाहीत. महाराष्ट्रात तर हे प्रमाण 53.95% इतके चिंताजनक आहे. ग्रामीण भागातील जनतेला एचएसआरपी मिळवण्यासाठी मोठ्या अडचणी येत आहेत. एकीकडे शुल्क दुप्पट आकारले जाते आणि दुसरीकडे वितरण व्यवस्थापनातही गोंधळ आहे. सरकार यावर कोणतीही ठोस उपाययोजना करताना दिसत नाही.”

    सक्षम अंमलबजावणी यंत्रणेअभावी ही संपूर्ण योजना फसली असून, सर्वसामान्य जनतेला केवळ त्रास सहन करावा लागत आहे. सरकारने या समस्येवर त्वरित लक्ष घालून महाराष्ट्रातील जनतेला दिलासा द्यावा, अशी मागणी खासदार प्रतिभा धानोरकर यांनी केली आहे.

  • illegal sex trade police action । चंद्रपूर शहरात घरातचं सुरु होता देहव्यापार, गुन्हे शाखेची धाड

    illegal sex trade police action

    illegal sex trade police action : चंद्रपूर – चंद्रपूर जिल्ह्यासह शहर आता गुन्हेगारीचे केंद्रबिंदू बनले आहे, अवैध दारू, बनावट दारू, गांजा, एमडी पावडर असे मादक पदार्थ जिल्ह्यात सहज उपलब्ध होत असून पोलीस विभागाच्या अटकेपासून अजूनही या गुन्हेगारी क्षेत्राचे मुख्य सूत्रधार लांब आहे. या पार्श्वभूमीवर स्थानिक गुन्हे शाखेने देह व्यापाराचा पर्दाफाश केला आहे.

    चंद्रपुरात संतापजनक घटना

    १९ ऑगस्ट रोजी स्थानिक गुन्हे शाखेला मिळालेल्या गोपनीय माहितीच्या आधारे शहरातील मुक्ती नगर मच्छीनाला भागात एका इसमाच्या घरी पोलिसांनी धाड मारली, यावेळी घराची पाहणी केली असता तिथे एक महिला पोलिसांना आढळून आली, महिलेची विचारपूस केली असता तिच्याकडून इसम देह व्यापार करवून घेत असल्याची माहिती पोलिसांना मिळाली. Chandrapur crime branch prostitution bust

    पिटा अनव्ये गुन्हा दाखल

    ३१ वर्षीय अमर शशिकांत द्विवेदी हा स्वतःच्या आर्थिक फायद्याकरिता महिलेकडून देह व्यापार करवून घेत होता, सदर महिलेची सुटका करीत आरोपी अमर द्विवेदी वर रामनगर पोलीस स्टेशनमध्ये कलम ३,४,५,७ महिला व मुलींचे अनैतिक व्यापार प्रतिबंध अधिनियम आणि पिटा अन्व्ये गुन्हा दाखल करण्यात आला असून पुढील तपास रामनगर पोलीस करीत आहे.

    सदरची कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे यांच्या मार्गदर्शनात स्थानिक गुन्हे शाखा पोलीस निरीक्षक अमोल काचोरे यांच्या नेतृत्वात सपोनि बलराम झाडोकार, पोउपनि संतोष निंभोरकर, पोउपनि सर्वेश बेलसरे, पोलीस कर्मचारी धनराज करकाडे, चेतन गज्जलवार, सुरेंद्र महतो, प्रफुल गारघाटे, सुमित बरडे, शशांक बदामवार, छाया निकोडे, अपर्णा मानकर, उषा लेडांगे, विजयमाला वाघमारे, निराशा तितरे व मिलिंद टेकाम यांनी केली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by