My Blog

Tag: MH34

  • Protect Yourself : मुलींनो राखीच्या भरवश्यावर राहू नका

    Protect Yourself : मुलींनो राखीच्या भरवश्यावर राहू नका

    protect yourself गडचांदूर – कलकत्ता येथील आरजी कर मेडिकल कॉलेजमध्ये ९ ऑगस्टच्या मध्यरात्री डॉक्टर तरुणीचा बलात्कार करुन हत्या झाली.या क्रूर घटनेने देशभरात संतापाची लाट उसळली आहे.डॉक्टर संघटना रस्त्यावर उतरल्या आहेत.

    राजकारण – पालकमंत्री सुधीर मुनगंटीवार यांच्यावर जोरदार टीका


    Protect yourself चंद्रपूरतील एका महिला डॉक्टरने कलकत्ता येथील घटनेचा निषेध नोंदवितानाच केवळ राखीच्या भरवश्यावर राहू नका,स्वताची सुरक्षा स्वतः करा अश्या शुभेच्छा दिल्या आहेत. संदेश फलक हातात घेऊन मुख्य मार्गाच्या मध्यभागी उभ्या झालेल्या या महिला डॉक्टरने शहरवासियांचे लक्ष वेधले होते.हिना झाडे असे या डॉक्टर महिलेचे नाव आहे. गडचांदूर शहरात त्याचे खाजगी क्लिनिक आहे.त्यांचे फोटो, विडिओ समाज माध्यमात वायरलं झाले आहेत.

    रक्षाबंधन : दिव्यांग बहिणींनी आमदार जोरगेवार यांना बांधला राखीचा रेशमाचा धागा

    आज रक्षाबंधनाच्या सणनिमित्त आपल्या लाडक्या भावाला ओवाळणी करण्यात बहीण व्यस्त असताना चंद्रपूर जिल्हातील गडचांदुर येथील डॉक्टर बहीण मात्र अत्याचाराची बळी ठरलेल्या आपल्या बहिणीला न्याय मिळावा यासाठी संदेश फलक हातात घेऊन मुख्य मार्गावर उभी होती. रक्षाबंधन हा भाऊ बहिणीसाठी पवित्र सण. संकटात सापडलेल्या बहिणीची रक्षा करायला भाऊ धावून येईल अशी आशा प्रत्येकच बहिणीला असते. मात्र या डॉक्टर महिलेने केवळ राखीच्या भरोशावर राहू नका, स्वतःची सुरक्षा स्वतः करा असा संदेश दिला आहे.

    संदेश फलकावर काय लिहिलं…

    रक्षाबंधनाच्या हार्दिक शुभेच्छा…
    निव्वळ राखीच्या भरोशावर नका राहू, माता बहिणींनो. स्वतःची रक्षा स्वतः करा. कारण जेव्हा तुमच्यावर वाईट वेळ येईल ना तेव्हा गुन्हेगार बाहेर फिरणार आणि दोषी तुम्हाला ठरवल्या जाणार.

    कलकत्ता बलात्कार घटनेनंतर देशात संताप व्यक्त होत आहे, आज पाल्यांनी चांगलं शिक्षण घ्यावं अशी आई-वडिलांची इच्छा असते मात्र अश्या घटना उजेडात आल्यावर मुलांना शिक्षणासाठी बाहेर कस पाठविणार असा प्रश्न पालकांच्या डोळ्यासमक्ष उभा झाला आहे.

    लाडकी बहीण : जिल्ह्यातील लाडकी बहीण अडकली केवायसी च्या फेऱ्यात

    आता पालकांनी शिक्षणासहित आत्मरक्षणाचे धडे द्यायला हवे, असा प्रसंग ज्यावेळी ओढवितो तेव्हा आपण काय करायला हवं? याबाबत आई-वडिलांनी मुलांना समजावून सांगणे आवश्यक आहे, आता या क्रूर वृत्तीला ठेचंण्याची वेळ आली आहे, जिल्ह्यातील डॉ.हिना झाडे देवाळकर यांनी आजच्या कृतीमागून मोठा संदेश देण्याचा प्रयत्न केला आहे. आज देशातील प्रत्येक महिला व मुलींना जागरूक करण्याची वेळ आली आहे.

  • Raksha Bandhan : दिव्यांग बहिणींनी आमदार किशोर जोरगेवार यांना बांधला राखीचा रेशीम धागा

    Raksha Bandhan : दिव्यांग बहिणींनी आमदार किशोर जोरगेवार यांना बांधला राखीचा रेशीम धागा

    Raksha bandhan रक्षाबंधन हा आपल्या भारतीय संस्कृतीतील एक अत्यंत महत्त्वाचा सण आहे, जो केवळ बंधुत्वाच्या नात्याला साजरा करत नाही, तर प्रेम,  विश्वास,  आणि संरक्षणाची भावना जागृत करतो. आज दिव्यांग बहिणींनी मला राखी बांधली. दिव्यांग भगिनींच्या संरक्षणाचे आमचे कर्तव्य आहे. त्यांना आत्मनिर्भर बनविण्यासाठी आपले प्रयत्न असणार आहेत. आजचा हा कार्यक्रम म्हणजे बंधुत्वाच्या धाग्यात दिव्यांग भगिनींचा सन्मान असल्याचे प्रतिपादन आमदार किशोर जोरगेवार यांनी केले.


    Raksha bandhan आज आमदार किशोर जोरगेवार यांच्या राजमाता निवासस्थानी शेकडो दिव्यांग बहिणींनी एकत्र येत आमदार किशोर जोरगेवार यांना राखी बांधून रक्षाबंधन सण साजरा केला. या प्रसंगी भावना व्यक्त करताना ते बोलत होते.


    “भगिनीला सन्मानाने वागवावे, तिच्या हक्कांचे रक्षण करावे, आणि तिच्या विकासासाठी आपले योगदान द्यावे, हे आपले कर्तव्य आहे. दिव्यांग महिलांच्या संघर्षाची कहाणी प्रत्येकासाठी प्रेरणादायक आहे. त्यांना जीवनात येणाऱ्या अडचणींवर मात करावी लागते, परंतु त्यांनी आपल्या मनाची आणि शरीराची ताकद दाखवून आपल्या ध्येयांच्या दिशेने यशस्वीपणे वाटचाल केली आहे. त्यांचे साहस, आत्मविश्वास, आणि अडचणींवर मात करण्याची इच्छाशक्ती ही उर्जा देणारी आहे. आपण एकमेकांच्या पाठीशी उभे राहिले पाहिजे, एकमेकांचे रक्षण केले पाहिजे, आणि एकमेकांप्रती प्रेम, आदर, आणि समर्पणाची भावना ठेवली पाहिजे,” हे आजचा सण आपल्याला आठवण करून देतो. यातून आपण त्यांच्यासाठी एक सुरक्षित, समर्थ, आणि स्नेहपूर्ण वातावरण निर्माण करणे गरजेचे असल्याचे या प्रसंगी आमदार किशोर जोरगेवार म्हणाले.

    राजकारण : पालकमंत्री मुनगंटीवार यांच्यावर खासदार धानोरकरांची टीका, लोकसभे सारखं आता विधानसभा निवडणुकीतही तेच होणार


    यावेळी आमदार किशोर जोरगेवार यांना राखी बांधण्यासाठी शेकडो दिव्यांग महिला राजमाता निवासस्थानी एकत्र आल्या होत्या. या प्रसंगी या बहिणींनी आपल्या लाडक्या भावाचे औक्षण करून त्यांना राखीचा पवित्र धागा बांधला. आमदार किशोर जोरगेवार यांनीही भेटवस्तू देत आपल्या बहिणींचा आशीर्वाद घेतला.

    योगा ग्रुपच्या सदस्यांनी आमदार किशोर जोरगेवार यांना बांधली राखी

    जिव्हाळा परिवर्तन योगा फाउंडेशन ग्रुपच्या वतीने सकाळी सहा वाजता राजीव गांधी इंजिनिअरिंग कॉलेज समोरील बागेत रक्षाबंधन कार्यक्रम आयोजित केला होता. यावेळी त्यांनी आमदार किशोर जोरगेवार यांना राखी बांधली तर तुकूम येथील हनुमान मंदिर आणि स्वामी समर्थ महिला मंडळ योगा ग्रुपच्या वतीनेही कार्यक्रम आयोजित करून आमदार किशोर जोरगेवार यांना राखीचा धागा बांधला. यावेळी शेकडो महिलांची उपस्थिती होती.

  • Mp Pratibha Dhanorkar : खासदार धानोरकर यांची पालकमंत्री मुनगंटीवार यांच्यावर जोरदार टीका

    Mp Pratibha Dhanorkar : खासदार धानोरकर यांची पालकमंत्री मुनगंटीवार यांच्यावर जोरदार टीका

    mp pratibha dhanorkar गुरू गुरनुले मूल :- बल्लारपूर विधानसभा ही क्षेत्राचे आमदार राज्याचे वनमंत्री असताना सुदधा तालुक्यातील समस्या सुटलेल्या नाही. ठेकेदाराचे काम देताना सुद्धा भेदभाव करतात. म्हणूनच लोकसभेमध्ये त्यांना मतदारांनी नाकारले. आणि ही गर्दी पाहून आताही विधानसभेमध्ये मतदार नाकारतील. असे मत नवनिर्वाचित खासदार प्रतिभा बाळुभाऊ धानोरकर यांनी व्यक्त केले.

    गांधी चौक मुल येथे तालुका कॉंग्रेस पक्षातर्फे महिला कांग्रेस तर्फे त्यांचा शाल, श्रीफळ,सन्मानचिन्ह देवून सत्कार करण्यात आला यावेळी सत्काराला उत्तर देताना त्या बोलत हौत्या. वनांच्या संदर्भात अनेक समस्या उदभवल्या असताना वनमंत्री त्यावर कोणत्याच उपाय योजना आखताना दिसत नाही, अशी टिका त्यांनी यावेळी केली. वाघ व रान डुकरे यांच्या रोजच्या हल्ल्यामुळे शेतकरी , शेतमजूर आणि गुराख्यां मध्ये भितीचे निर्माण झाली आहे. शेतकरी शेती करणे सोडत आहेत ही भिती दूर करण्याची नैतिक जबाबदारी पालक मंत्र्यांची आहे. असा प्रश्न त्यांनी उपस्थित केला. त्याबाबत वरिष्ठ अधिका-यांची आढावा बैठक बोलावून यावर तोडगा काढला जाईल अशी ग्वाही त्यांनी दिली.जिल्हयात सुडबुदधीचे राजकारण केल्या जात असल्याने क्षेत्राच्या विकासासाठी आपल्या हक्काचा आमदार आवश्यक असल्याचे मत त्यांनी व्यक्त केले.

    राजकारण : हजारो युवकांचा कांग्रेस पक्षात प्रवेश

    लोकसभेचे क्षेत्र मोठे असल्याने या क्षेत्राच्या विकास कामांसाठी केंद्र शासनाने प्रत्येक खासदाराचा निधी तीस कोटी वाढवून दयावा ,अशी मागणी करणार असल्याचे सांगितले. सत्काराला उत्तर देताना त्यांनी मतदारांच्या विश्वासाला तडा जाणार नाही,असा शब्दही दिला.मतदारांनी आपल्या कडे हक्काने आपले प्रश्न मांडावेत असेही त्या म्हणाल्या.


    कार्यक्रमाच्या अध्यक्षस्थानी जिल्हा कांग्रेस अध्यक्ष आमदार सुभाष धोटे .प्रमूख पाहूणे म्हणून चंद्रपूर जिल्हा मध्यवर्ती सहकारी बॅंकेचे अध्यक्ष संतोषसिंह रावत, वी.परिषदेचे आ.अभिजीत वंजारी, माजी आ.देवराव भांडेकर, मा.न.प.अध्यक्ष घनश्याम मुलचंदानी,माजी जि.प.अध्यक्ष प्रकाश मारकवार, डॉ.अभिलाषा गावतूरे,सभापती राकेश रत्नावार, उपसभापती राजेंद्र कन्नमवार, जिल्हा कांग्रेस महासचिव घनश्याम येनुरकर,तालुका अध्यक्ष गुरु गुरनूले, राजू पाटील मारकवार, संचालक किशोर घडसे, महिला अध्यक्ष रूपाली संतोषवार, माजी.जीप.सदस्य मंगला आत्राम, लीना फुलझेले, उपस्थित होते.

    गोळीबार : गोळीबार प्रकरणी राजकीय पदाधिकाऱ्याला अटक

    मतदार संघाचा इतिहास प्रास्तविकामधून तालुका अध्यक्ष गुरू गुरनूले यांनी मांडला. यावेळी संतोषसिंह रावत यांनी निधी अभावी ग्रामपंचायत क्षेत्रातील विकास ठप्प आहे. अशा ग्रामपंचायतींना न्याय देण्याची मागणी केली.रोज होणारे मानव वन्यजीव संघर्ष,धनगरांचा चराईचा निस्तारहक्क, वन जमीन पटटे, रानडुक्करांमुळे होणारे शेतपीकांचे नुकसान याबाबत आपण न्याय मिळऊन देण्यासाठी प्रयत्न करावे. असे मत संतोष सिंह रावत यांनी खासदारांपुढे व्यक्त केले.

    Mp pratibha dhanorkar यावेळी आ.अभिजीत वंजारी यांनीही परखड शब्दात मनोगत व्यक्त केले. राज्यात मविआचे सरकार आल्यास लाडकी बहिण योजना आम्ही बंद करणार नाही.उलट तीन हजारांऐवजी पाच हजार रूपये प्रत्येकी देवू अशी ग्वाही आ.सुभाष धोटे यांनी अध्यक्षस्थानावरून बोलताना दिली. कार्यक्रमाचे संचालन शहराध्यक्ष सुनिल शेरकी यांनी ,तर आभार महिला शहर अध्यक्ष नलिनी आडेपवार यानी मानले. सभेला मविआ घटक पक्षाचे पदाधिकारी, यांचेसह हजारच्या वर नागरिक उपस्थित होते.

    युवक काँग्रेसचे संदीप मोहबे,प्रशांत उराडे,अतुल गोवर्धन,विष्णू सादमवर कैलाश चलाख, शामला बेलसरे,समता बंसोड,सीमा भसारकर, यांनी सहकार्य केले. सात युवकांचा कांग्रेस मध्ये प्रवेश काँग्रेसची पुढची वाटचाल पाहून संतोषसिंह रावत यांचे नेतृत्व मानून अनंत लेनगुरे, शेंडे, काळंबंधे, बावनथडे, यांचे सोबत अनेक युवकांनी गळ्यात कांग्रेस दूपट्टा टाकून प्रवेश केला नवनिर्वाचित खासदार प्रतिभाताई बाळुभाऊ धानोरकर यांचे ग्रामीण सरपंच,सोसायटी अध्यक्ष,संचालक,ग्राम काँग्रेसचे पदाधिकारी यांनी पुष्पगुच्छ देऊन स्वागत केले.

  • Join Congress : हजारो युवकांनी केला कांग्रेस पक्षात प्रवेश

    Join Congress : हजारो युवकांनी केला कांग्रेस पक्षात प्रवेश

    join congress सध्या देशभरासह राज्यात देखील महागाईने कळस गाठला असुन सर्वसामान्य जनता त्रस्त झाली आहे. सोबतच युवकांमध्ये प्रचंड मोठ्या प्रमाणात बेरोजगारी वाढली आहे. यासाठी केंद्र व राज्यातील भाजप सरकारचे चुकीचे धोरण कारणीभूत आहे. त्यामुळे युवकांचा कल आता काॅंग्रेसकडे वाढलेला दिसून येत आहे.

    Join congress महाराष्ट्र विधानसभेचे विरोधी पक्षनेते तथा ब्रम्हपूरी विधानसभा क्षेत्राचे विद्यमान आमदार विजय वडेट्टीवार यांच्या कार्यकाळात सुरु असलेला ब्रम्हपूरी विधानसभा क्षेत्रातील विकास बघता मोठ्या प्रमाणात ब्रम्हपूरी विधानसभा क्षेत्रातील नागरिक सुखावले असुन काॅंग्रेस पक्षाला समर्थन देत आहेत. ब्रम्हपूरी तालुक्यात मोठ्या प्रमाणात प्रशासकीय विभागांच्या सर्व सोयीसुविधा युक्त नवीन इमारती उभ्या झाल्या आहेत. तर अनेक विकासकामे निर्माणाधीन आहेत. या सर्व विकास कामांमुळे प्रभावित होऊन व विधानसभा विरोधी पक्षनेते तथा ब्रम्हपूरी विधानसभा क्षेत्राचे आमदार विजय वडेट्टीवार यांच्या नेतृत्वावर विश्वास ठेवून जिल्हा काॅंग्रेसचे सचिव तथा माजी न.प.सभापती विलास विखार व जिल्हा काॅंग्रेसचे उपाध्यक्ष मोंटु पिलारे यांच्या नेतृत्वाखाली ब्रम्हपूरी तालुक्यातील विविध गावांतील हजारो युवकांनी काॅंग्रेस पक्षात प्रवेश केला आहे.

    अवश्य वाचा : वाघाच्या हल्ल्यात गुराखी ठार

    ब्रम्हपूरी येथे आयोजित कार्यक्रमात महाराष्ट्र विधानसभेचे विरोधी पक्षनेते तथा ब्रम्हपूरी विधानसभा क्षेत्राचे आमदार विजय वडेट्टीवार यांच्या प्रमुख उपस्थितीत ब्रम्हपूरी तालुक्यातील विविध पक्षातील हजारो युवकांनी पक्षप्रवेश केला आहे. यामध्ये हळदा, मुडझा, चिचगाव, जुगनाळा, चिटकबोदरा, रुई, पाचगाव, वायगाव, पारडगाव, बोडधा या गावांचा व शहरातील विविध प्रभागातील युवकांचा समावेश आहे.

    गुन्हेगारी – हाजी हत्याकांड आणि राजकीय कनेक्शन

    यावेळी युवा व्याख्याते बेधुंदकार गोविंद पोलाड, तालुका काँग्रेस कमिटीचे अध्यक्ष खेमराज तिडके, माजी जिल्हा परिषद सदस्य डॉ राजेश कांबळे, जिल्हा काॅंग्रेसचे सचिव विलास विखार, शहर काँग्रेस कमिटीचे अध्यक्ष हितेंद्र राऊत, जिल्हा काॅग्रेस उपाध्यक्ष मोंटु पिलारे, सुमीत उनाडकर, युवा नेते निनाद गडे यांसह अन्य मान्यवर यावेळी मंचावर उपस्थित होते.
    कार्यक्रमाचे प्रास्ताविक व सूत्रसंचालन राहुल मैंद यांनी केले. तर आभारप्रदर्शन जिल्हा काॅंग्रेस उपाध्यक्ष मोंटु पिलारे यांनी केले.

    विविध पदांवर नियुक्ती

    यावेळी पक्षसंघटना मजबुत करणाऱ्यासाठी कार्य युवकांना युवकांची विविध पदांवर नियुक्ती करून नियुक्ती पत्र प्रदान करण्यात आले. यामध्ये युवक काँग्रेसच्या शहर उपाध्यक्षपदी शुभम कावळे व एन.एस.यु.आयच्या शहराध्यक्ष पदी हिमांशू नंदुरकर यांची नियुक्ती करण्यात आली.
    सोबतच यावेळी सुप्रसिद्ध युवा व्याख्याते बेधुंदकार गोविंद पोलाड यांचा प्रबोधन कार्यक्रम देखील पार पडला.

  • toll naka : टोल नाक्यावर धडकली मनसे

    toll naka : टोल नाक्यावर धडकली मनसे

    toll naka सावली:- मूल ते गडचिरोली या महामार्गावर हिरापूर जवळ टोलनाका उभारण्यात आला असून या टोल नाक्यावर दुचाकी वाहनाकरीता रस्ता नाहि तसेच टोलनाक्याजवळ ठिकठिकाणी मोठमोठे खड्डे पडले आहेत यामूळे अपघाताची शक्यता नाकारता येत नाही.

    Toll naka टोलनाका व्यवस्थापकाच्या हलगर्जी पनामुळे पंधरा दिवसाआधी एका व्यक्तीला अपघातात जीव गमवावा लागला होता, अशा विपरीत घटणा वारंवार घडु नयेत यासाठी टोलनाक्याजवळ पडलेले खड्डे तास्काळ दुरस्त करूण दुचाकी वाहनाकरीता बाजूने रस्ता उपलब्ध करून द्यावे आठ दिवसात सदर मागणी पूर्ण न झाल्यास मनसे स्टाईल तीव्र आंदोलन करण्यात येणार असून याला सर्वस्वी संबंधीत प्रशासन जबाबदार असेल या आशयाचे निवेदन मनसेचे जिल्हाध्यक्ष राहुल बालमवार यांच्या मार्गदर्शनात टोलनाका व्यवस्थापकाला देण्यात आले आहे.

    मानव वन्यजीव संघर्ष – मूल तालुक्यात वाघाने केली गुराख्याची शिकार

    यावेळी निवेदन देण्यार्या शिष्टमंडळात मनसेचे जिल्हासचिव किशोर मडगुलवार मनविसे जिल्हाउपाध्यक्ष कुलदिप चंदनखेडे मनसेचे मूल तालुका अध्यक्ष स्नेहल झाडे, शुभम वांढरे, मंगेश धोटे, निक्की यादव, प्रशांत रामटेके, शंकर भडके आणि मनसे तथा मनविसे कार्यकर्ते उपस्थित होते.

    टोलनाक्याचे नियम काय?

    राष्ट्रीय महामार्गावरून तुम्ही प्रवास करत असाल तर तुम्हाला टॅक्स भरावा लागतो. त्यासाठी टोलनाक्यांची निर्मिती करण्यात आली आहे. अशातच जर त्या टोल नाक्यावर तुम्हाला 10 सेकंदापेक्षा जास्त वेळ थांबायला लागू नये, असं नियम सांगतो. जर तुम्हाला 10 सेकंदापेक्षा जास्त वेळ थांबायला लागलं तर तुम्ही टोल ने देता तिथून जाऊ शकता. टोल नाक्यावर 100 मीटरहून अधिकची रांग असता कामा नये, असा नियम आहे.

    गोळीबार : कुख्यात गुन्हेगार हाजी हत्याकांड प्रकरणात राजकीय कनेक्शन?

    टोल नाक्यावर टोल घेण्यासाठी लेन केलेल्या असतात. या प्रत्येक लेनमध्ये सहापेक्षा अधिक वाहनं नसावीत. प्रत्येक टोल नाक्यापासून 100 मीटर अंतरावर पिवळ्या रंगाची पट्टी असावी. या शिवाय दोन टोलनाक्यांमध्ये 60 किलोमीटर अंतर असावं, असा नियम आहे. आता यात थोडा बदल करण्यात आला आहे. 60 किलोमीटर अंतराच्या परिघात एकच टोलनाका असावा.

    टोल टॅक्स ही देशात कुठेही एक्सप्रेसवे किंवा हायवे वापरण्यासाठी तुम्ही भरलेली रक्कम आहे. सरकार वेगवेगळ्या राज्यांमध्ये चांगली कनेक्टिव्हिटी निर्माण करण्यात गुंतले आहे, ज्यामध्ये खूप पैसा खर्च होतो. हा खर्च महामार्गांवरून टोल टॅक्स आकारून वसूल केला जातो. विविध शहरे किंवा राज्यांमध्ये प्रवास करताना महामार्ग किंवा एक्सप्रेसवे हा वापरण्यासाठी सोयीस्कर पर्याय आहे. टोलकर दर संपूर्ण भारतातील विविध महामार्ग आणि द्रुतगती मार्गांवर बदलते. रक्कम रस्त्याच्या अंतरावर आधारित आहे आणि प्रवासी म्हणून, तुम्हाला त्यासाठी जबाबदार राहावे लागेल.

  • Tiger Attack : वाघाने केली गुराख्याची शिकार

    Tiger Attack : वाघाने केली गुराख्याची शिकार

    tiger attack गुरू गुरनुले मुल – मुल तालुक्यातील मौजा चीचाळ! येथील गुराखी मुनिम रतीराम गोलावार वय (४१) हे काल दिनांक १८/८/२०२४ रोजी सकाळी नेहमीच्या वेळेला बकरी चराईसाठी नेले असता वनपरिक्षेत्र कक्ष क्रमांक ७५२ या जंगल परिसरात वाघाने हल्ला करुन गुराखी मुनिम रतीराम गोलावार यांना ठार केले.

    अवश्य वाचा : कुख्यात गुन्हेगार हाजी हत्याकांडात पुन्हा 7 आरोपीना अटक, राजकीय कनेक्शन पुढे येणार?

    Tiger attack ही घटना सायंकाळी ५-३० च्या दरम्यान घडली असावी असा अंदाज व्यक्त केल्या जात आहे. या घटनेची माहिती प्राप्त होताच विभागीय वन अधिकारी प्रशांत खाडे, व वनविभागाचे वन परिक्षेत्र अधिकारी चीचपल्ली(प्रादेशिक) प्रियंका वेलमे यांना मिळताच त्यांनी दिलेल्या आदेशान्वये क्षेत्र सहाय्यक एम.जे. मस्के व वनरक्षक सुधीर ठाकूर, राकेश गुरनुले, संजीवनी पर्यावरण संस्थेचे उमेशसिंह झीरे व त्यांची टीम सकाळी ६-०० वाजता यांना तात्काळ घटनास्थळी जाऊन शोध घेतला असता सदर इसमाचा मृतदेह सापडला.

    घटना स्थळाचा पंचनामा करून मृतदेह शविच्छेदनासाठी उपजिल्हा रुग्णालयात पाठविल्याचे सांगितले. गुराखी मुनिम गोलावार याला पत्नी दोन लहान मेले असा परिवार असून कमवता व्यक्ती गेल्याने कुटुंब निराधार झाला. पुढील तपास मुल पोलिस व वनविभाग करीत आहे.

    मूल तालुक्यात मानव वन्यजीव संघर्ष शिगेला पोहचला आहे, वाघाचे हल्ले या भागात आता नियमित वाढत आहे, काही दिवसांपूर्वी वनविभागाने नागरिकांना मानव वन्यजीव संघर्षाबाबत जनजागृती करण्याचे काम केले होते, मात्र त्यानंतर सुद्धा असे हल्ले वाढणे ही चिंताजनक बाब आहे.

    कसा उदभवतो हा संघर्ष?

    • अधिवासाचे नुकसान:   मानवी लोकसंख्या वाढत असताना आणि शहरी भागांचा विस्तार होत असताना, नैसर्गिक अधिवास अभूतपूर्व दराने नष्ट होत आहेत. अधिवासाची ही हानी प्राण्यांना अन्न आणि पाण्याच्या शोधात मानवी वसाहतींमध्ये जाण्यास भाग पाडत आहे, ज्यामुळे अनेकदा मानवांशी संघर्ष होतो.
    • हवामान बदल:  जसजसे तापमान वाढते, पाण्याचे स्त्रोत कोरडे होतात आणि अन्न कमी होते, प्राण्यांना संसाधनांच्या शोधात त्यांच्या नैसर्गिक अधिवासातून पुढे जाण्यास भाग पाडले जाते. हे त्यांना मानवांच्या जवळच्या संपर्कात आणते, संघर्षाची शक्यता वाढवते. 
    • मानवी अतिक्रमण: लोक पूर्वीच्या अविकसित भागात जात असताना, ते पर्यावरणातील नैसर्गिक समतोल बिघडवतात, अनेकदा प्राण्यांना स्थलांतर करण्यास किंवा नवीन परिस्थितीशी जुळवून घेण्यास भाग पाडतात. शेती, जंगलतोड, अत्याधिक चराई, शिकार इत्यादीमुळे मानवी हस्तक्षेप वाढला आहे. प्राणी त्यांच्या बदलत्या वातावरणाशी जुळवून घेण्यासाठी संघर्ष करत असल्याने यामुळे संघर्ष होऊ शकतो. 
  • chandrapur firing case : हाजी हत्याकांड, पुन्हा 7 आरोपी अटकेत, राजकीय कनेक्शन?

    chandrapur firing case : हाजी हत्याकांड, पुन्हा 7 आरोपी अटकेत, राजकीय कनेक्शन?

    chandrapur firing case 12 ऑगस्टला चंद्रपुरातील हॉटेल शाही दरबार येथे कुख्यात गुन्हेगार हाजी सरवर शेख यांची गोळ्या झाडून हाती करण्यात आली होती, या प्रकरणी पुन्हा 7 आरोपीना अटक करण्यात आली आहे.
    छोटे मोठे गुन्हे करीत राजकीय आश्रय घेत गुन्हेगारी विश्वात आपलं वट जमविणारे हाजी यांचा क्रूर अंत झाला. सदर हत्याकांडात अनेकांनी दबक्या आवाजात एकच प्रतिक्रिया दिली “बरं झालं’.


    Chandrapur firing case 18 ऑगस्टला पोलिसांनी नकोडा येथील अक्षय मारोती रत्ने, सय्यद अबरार इंतसार अहमद, मोहसीन नसीर शेख चंद्रपूर, अभिजित उर्फ पवन मोरेश्वर कटारे, शेख नसिफ शेख रशीद, अखिल जमील कुरेशी, नूर अहमद अब्दुल वहाब कुरेशी यांना एक दिवसांपूर्वी अटक करीत आज न्यायालयात सादर केले असता न्यायालयाने 7 आरोपीना 20 ऑगस्ट पर्यंत पोलीस कोठडी सुनावली आहे.

    योजना : 27 लाख लाडक्या बहिणी पहिल्या हफत्याच्या प्रतीक्षेत

    नेमकं प्रकरण काय?

    12 ऑगस्ट रोजी कुख्यात गुन्हेगार हाजी सरवर शेख हे आपल्या सहकाऱ्यासोबत चंद्रपुरातील हॉटेल शाही दरबार येथे बिर्याणीचा आस्वाद घेण्यासाठी आले होते, काही वेळाने 5 युवकांच्या टोळक्याने हाजी सरवर यांच्यावर गोळ्या झाडत चाकू हल्ला केला, यामध्ये हाजी यांचा मृत्यू झाला, आरोपीनी तात्काळ स्थानिक गुन्हे शाखा गाठत आत्मसमर्पण केले.

    गुन्ह्यानंतर पोलिसांवर अनेकांनी प्रश्नचिन्ह उपस्थित केले, जिल्ह्यात गोळीबार आता काही नवा नाही, 40 दिवसात गोळीबार व बॉम्ब च्या घटनेने जिल्हा आधीच हादरून गेला आहे, जिल्ह्यात कायदा व सुव्यवस्थे प्रश्न उपस्थित झाला आहे, पोलिसांची गुप्तचर यंत्रणा ढेपाळली की काय असा प्रश्न जनसामान्य उपस्थित करू लागले होते.

    7 आरोपीना पोलिसांनी अटक केली ज्यामध्ये 2 आरोपी घुग्गुस तर 5 जण चंद्रपुरातील आहे, यांनी हाजी च्या मारेकऱ्यांना शरण, हाजी चे लोकेशन व या कटात सामायिक असल्याचा संशय आहे.

    अटक करण्यात आलेल्या आरोपीमध्ये एक राजकीय पदाधिकारी असल्याची माहिती पुढे आली आहे, तो पुढारी राजकीय पक्षाचा पदाधिकारी आहे, अवैध वाळू तस्करी मध्ये त्याचा सहभाग असून त्याचे अनेक राजकीय पुढाऱ्यांशी जवळचे संबंध असून तसे फोटो सुद्धा पुढे आले आहे.

    जर पोलिसांनी या प्रकरणात सखोल तपास केला तर काही राजकीय क्षेत्रातील वाळू तस्करांचे नाव व त्यांचा सहभाग यामध्ये समोर येईल. सध्या तो आरोपी आमचा राजकीय पदाधिकारी नव्हे अशी बोंब वर्तमान पदाधिकारी करू लागले आहे, पोलिसांनी आरोपी तस्करांचे कुणाबरोबर संबंध आहे, त्यांचा तर या प्रकरणाशी संबंध तर नाही? याकडे तपास केल्यास खुनी तस्करांचे नाव पुढे येईल.

    मृतक हाजी चे अनेक राजकीय पदाधिकारी यांच्यासोबत चांगले संबंध होते, हे त्यांच्या अंतिम समयी जवळ आले होते, आता आरोपी या कटात राजकिय आरोपीची एंट्री झाल्याने अजून कुणाचे नाव समोर येणार ही तर येणारी वेळच सांगेल.

  • hansraj ahir : 2 महिन्यात प्रकरणे निकाली काढा – आयोग अध्यक्ष हंसराज अहिर

    hansraj ahir : 2 महिन्यात प्रकरणे निकाली काढा – आयोग अध्यक्ष हंसराज अहिर

    hansraj ahir चंद्रपूर :- भोगवटदार वर्ग-2 चे भोगवटदार वर्ग-1 मध्ये वर्गीकरण करून भूधारकाला भूमिस्वामी बनविण्यात संदर्भातील प्रलंबित व कार्यवाहीकरीता दाखल केलेली ओबीसी व अन्य प्रवर्गातील शेतकऱ्यांशी संबंधित सर्व प्रकरणे येत्या 2 महिन्यांच्या आत निकाली काढण्याचे निर्देश राष्ट्रीय मागासवर्ग आयोगाचे अध्यक्ष हंसराज अहीर यांनी आयोगाद्वारे राजुरा येथे घेण्यात आलेल्या सुनावणीमध्ये दिले.

    अवश्य वाचा : चंद्रपूर वन प्रबोधिनीला राष्ट्रीय थ्री स्टार मानांकन


    Hansraj ahir दि. 17 ऑगस्ट 2024 रोजी राजुरा उपविभागीय कार्यालयात आयोगाचे अध्यक्ष हंसराज अहीर यांच्या अध्यक्षतेखाली पार पडलेल्या या सुनावणीला श्रीकांत देशपांडे, अप्पर उपजिल्हाधिकारी चंद्रपूर, रविंद्रकुमार माने, उपविभागीय अधिकारी राजुरा, डॉ. ओमप्रकाश गौंड तहसिलदार राजुरा, प्रकाश वटकर तहसिलदार कोरपना, अविनाश शेंबटवाड तहसिलदार जिवती, राजुराचे माजी आमदारद्वय अॅड. संजय धोटे, सुदर्शन निमकर, भाजपा नेते खुशाल बोंडे, अनिल फुलझेले, राजु घरोटे, अरूण मस्की, वाघूजी गेडाम, सुरेश रागीट, मधूकर नरड, शिवाजी सेलोकर, अॅड. प्रशांत घरोटे, सचिन डोहे, दिलीप वांढरे, निलेश ताजने, महादेव तपासे, रामसेवक मोरे, सचिन शेंडे, जनार्धन निकोडे, संदिप शेरकी, किशोर बावने, रमेश मालेकर, संतोष भोसकर, संदिप पारखी, संजय पावडे, रवी गायकवाड, हरीदास झाडे, राहुल सूर्यवंशी, संजय जयपुरकर, सुयोग कोंगरे, कुणाल पारखी, अजूम शेख, राजू गगशेट्टीवार यांचेसह राजुरा, कोरपना, जिवती तालुक्यातील शेतकरी बांधव बहुसंख्येनी उपस्थित होते.

    अवश्य वाचा : लाडकी बहीण अडकली केवायसी च्या फेऱ्यात


    राजुरा विधानसभेचे माजी आमदार अॅड. संजय धोटे यांनी ओबीसी आयोगाकडे याप्रश्नी सातत्याने पाठपुरावा करून आयोगाकडे जनसुनावणी घेण्याची मागणी केली होती. त्यानुसार ओबीसी व अन्य शेतकऱ्यांच्या न्यायासाठी सदर जनसुनावणी घेण्यात आली. या सुनावणी दरम्यान राजुरा उपविभागीय कार्यालया अंतर्गत भो. वर्ग 1ची 176 प्रकरणे तर कोरपना तालुक्यातील 168 प्रकरणे प्रलंबित असल्याची माहिती अधिकाऱ्यांनी आयोगाचे अध्यक्ष हंसराज अहीर यांना दिली. तलाठी अहवाल, दुय्यम निबंधकांचे मुल्यांकन अहवाल अप्राप्त असल्याने तसेच शासकीय त्रुटींमुळे ही प्रकरणे प्रलंबित असल्याबद्दल आयोगाने तीव्र नापसंती व्यक्त करीत तातडीने प्रलंबित प्रकरणांचा निपटारा करण्याचे निर्देश दिले.


    राजुरा तालुका 1274, कोरपना तालुका 832 व जिवती तालुक्यासह 2106 प्रकरणे सुरूवातीला दाखल असून अन्य शेतकऱ्यांची प्रकरणे नोंदणीकृत करण्यात येत आहेत. जनसुनावणीमध्ये सुमारे 3000 च्या आसपास अर्ज प्राप्त झाले. ही सर्व प्रकरणे महिनाभरात आवश्यक दस्तावेजांची छाननी करीत त्रुट्यांची पुर्तता करवून अर्जदारांच्या नावासह यादी जाहीर करून ही सर्व प्रकरणे 2 महिन्याच्या आत मार्गी लावण्याचे निर्देश हंसराज अहीर यांनी महसुल विभागाच्या अधिकाऱ्यांना दिले. दाखल झालेली काही प्रकरणे संगणकीय चुकीमुळे भो. वर्ग 1ची 2 मध्ये नोंद झाल्याची, निरंक ऐवजी वर्ग 2 झालेली तर काही पट्टे वाटप व कुळ कायद्यात मिळालेली असल्याची माहिती अतिरीक्त जिल्हाधिकाऱ्यांनी आयोगासमोर दिली.

    मार्च 2024 पुर्वीची प्रकरणे व त्यानंतरच्या प्रकरणात अनुक्रमे 50 % व 75% आकारणी शासन निर्णयानुसार करण्यात येत असल्याचे अधिकाऱ्यांनी सांगीतले. वर्ग 2 ते वर्ग 1 चे वर्गीकरण कार्यवाहीचे शुल्क दर कमी करण्यास प्रयत्न करण्याचे आश्वासन देत शेतकऱ्यांच्या न्यायासाठी कार्य करू असे अहीर यांनी सांगितले. राज्यशासनाच्या अध्यादेशानुसार 200 रूपयांच्या मुद्रांकावर वडीलोपार्जित शेतीचे वाटणीपत्र, बक्षिसपत्र व फेरफार प्रकरणे तातडीने मार्गी लावण्यासाठी तहसिलदारांनी कार्यवाही करावी असे निर्देशही आयोगाच्या वतिने या जनसुनावणीत देण्यात आले.
    या जनसुनावणीला राजुरा उपविभागीय क्षेत्रातील बहुसंखेने शेतकरी बांधव उपस्थित होते.

  • Chandrapur Van Prabodhini : चंद्रपूर वन प्रबोधिनीला नागरी सेवा प्रशिक्षणासाठी राष्ट्रीय थ्री स्टार मानांकन

    Chandrapur Van Prabodhini : चंद्रपूर वन प्रबोधिनीला नागरी सेवा प्रशिक्षणासाठी राष्ट्रीय थ्री स्टार मानांकन

    chandrapur van prabodhini राष्ट्रीय नागरी सेवा प्रशिक्षण संस्थांच्या (NSCSTI) मानकानुसार चंद्रपूर वन प्रबोधिनीला 19 डिसेंबर 2023 ते 18 डिसेंबर 2025 या कालावधीकरीता उत्कृष्ट थ्री स्टार मानांकन प्राप्त झाले आहे. चंद्रपूर वन प्रबोधिनीच्या नागरी सेवा प्रशिक्षणातील उत्कृष्टतेची दखल घेऊन क्षमता निर्माण आयोगाने ही मान्यता प्रदान केली आहे.  ज्यामुळे वन अधिकारी, पदाधिकारी यांच्या प्रशिक्षणाची गुणवत्ता आणि परिणामकारकता वाढविण्याच्या प्रक्रियेत एक महत्त्वाचा टप्पा गाठला गेला आहे.

    अवश्य वाचा : लाडकी बहीण अडकली केवायसी च्या फेऱ्यात

    ही मान्यता 12 ऑगस्ट 2024 रोजी विज्ञान भवन, नवी दिल्ली येथे झालेल्या नागरी सेवा प्रशिक्षण संस्था अधिवेशनादरम्यान केंद्रीय मंत्री डॉ. जितेंद्र सिंह यांच्या हस्ते सन्मानपत्र प्रदान करून या संस्थेस गौरविण्यात आले आहे. भारतीय वन सेवा (IFS) अधिकाऱ्यांना प्रशिक्षण देणाऱ्या डेहराडूनमधील इंदिरा गांधी राष्ट्रीय वन अकादमी (IGNFA) सोबतच  चंद्रपूर वन प्रबोधिनीला आता भारतातील 14 वन प्रशिक्षण संस्थांपैकी “उत्कृष्ट” श्रेणीमध्ये मान्यता मिळाली आहे. नागरिक सेवा प्रशिक्षण संस्थासाठी राष्ट्रीय मानकांचे एक महत्त्वाचे पाऊल आहे, जे भारतभर नागरिक सेवा प्रशिक्षणाची गुणवत्ता मानकीकरण आणि उन्नतीसाठी समर्पित आहे.

    Chandrapur Van Prabodhini हे मानक “मिशन कर्मयोगी” उपक्रमाचा एक भाग आहेत, ज्याचा उद्देश भविष्यातील नागरिक सेवेला योग्य मानसिकता, कौशल्य आणि ज्ञान विकसित करणे हे आहे. NSCSTI अंतर्गत मान्यता प्रक्रियेत अभ्यासक्रम डिझाइन, शिक्षक विकास,  डिजिटलायझेशन,  सहकार्य यासारख्या आठ मुख्य आधारांवर लक्ष केंद्रित केले जाते. कठोर मूल्यमापन प्रक्रियेमध्ये क्षमता निर्माण आयोग  आणि राष्ट्रीय मान्यता शिक्षण व प्रशिक्षण मंडळ कडून केलेले डेस्कटॉप मूल्यमापन आणि ऑन-साइट मूल्यांकन समाविष्ट आहे.

    या यशाबद्दल आभार व्यक्त करताना अपर प्रधान मुख्य वनसंरक्षक (संशोधन, शिक्षण व प्रशिक्षण) तथा चंद्रपूर वन प्रबोधिनीचे संचालक एम. श्रीनिवास रेड्डी यांनी महाराष्ट्र राज्याचे वन मंत्री सुधीर मुंगंटीवार यांच्या महत्त्वपूर्ण भूमिकेचा उल्लेख केला. वन प्रबोधिनीला या महत्त्वपुर्ण कामगिरीसाठी वेळोवेळी मार्गदर्शन करण्यात वनमंत्री श्री. मुनगंटीवार यांचे दूरदर्शी नेतृत्व आणि पाठिंबा महत्त्वपूर्ण ठरला आहे, असे ते म्हणाले.  

    महत्त्वाचे : चंद्रपूर झाले खड्डेमय, पालकमंत्री मुनगंटीवार यांनी अधिकाऱ्यांना धरले धारेवर

    वन प्रबोधिनी नवीनतम आव्हानांचा सामना करण्यासाठी सुसज्ज असलेल्या वन अधिकाऱ्यांचे प्रशिक्षण आणि विकास करण्याच्या आपल्या मिशनसाठी वचनबद्ध आहे. ही मान्यता अकादमीच्या प्रशिक्षण पद्धतींमध्ये सतत सुधारणा आणि नावीन्यपूर्ण करण्याच्या समर्पणाला अधोरेखित करते. हे सु-संरचित आणि उच्च-गुणवत्तेच्या प्रशिक्षण कार्यक्रमांद्वारे भारतातील प्रशासनाची कार्यक्षमता आणि परिणामकारकता वाढवण्याच्या व्यापक उद्दिष्टांशी देखील अधोरेखित करते. वन प्रबोधिनी यापुढे या मान्यतेचा उपयोग करून वनविभाग आणि देशाच्या नागरी सेवेत आणखी योगदान देत राहील, असा विश्वासही श्री रेड्डी यांनी व्यक्त केला.

  • Ladki Bahin bank Kyc : लाडकी बहीण अडकली केवायसी च्या फेऱ्यात

    Ladki Bahin bank Kyc : लाडकी बहीण अडकली केवायसी च्या फेऱ्यात

    ladki bahin bank kyc मुख्यमंत्री माझी लाडकी बहीण योजनेला महिलांनी उदंड प्रतिसाद दिला, जुलै व ऑगस्ट महिन्याचे 3 हजार रुपये महिपाच्या खात्यात जमा करण्यात आले मात्र अजूनही लाखो बहिणीला लाडकी बहीण योजनेचे पैसे मिळालेले नाही.

    अवश्य वाचा : मुख्यमंत्री माझी लाडकी बहीण योजनेचे अधिकृत वेबपोर्टल सुरू


    कारण महिलांचे बँक खाते आधार सोबत लिंक नाही, केवायसी झालेली नाही.
    त्यामुळे हजारो महिला रोज बँकेत जात केवायसी साठी रांगा लावत आहे.
    रक्षा बंधनाच्या पूर्वी खात्यात बहिणीच्या खात्यात पैसे जमा होणार असा शब्द सरकारने दिला मात्र ऐन रक्षाबंधनाला बहिणी बँकेच्या बाहेर उभ्या आहे.

    राजकारण : चंद्रपुरातील रस्ते खड्डेमुक्त करा – सुधीर मुनगंटीवार

    Ladki bahin bank kyc बँक खात्यात पैसे न आल्यामुळे लाडकी बहीण केवायसी च्या फेऱ्यात अडकली आहे. मोठ्या प्रमाणात माहिला बँकेत केवायसी करण्यासाठी येत असल्याने बँकेतील कर्मचारी सुद्धा हैराण झाले आहे.

    बँकेने मुख्यमंत्री शिंदे यांना केली सुरक्षेची मागणी

    माझी लाडकी बहीण योजनेअंतर्गत महिलांच्या खात्यात पैसे जमा होऊ लागले आहेत. मात्र ज्या महिलांच्या खात्यात अद्याप पैसै मिळाले नाहीत अशा महिला बँकेत गर्दी करत आहेत. सोबतच कागदपत्रांची पूर्तता करण्यासाठी, आधार लिंक स्टेटस पाहण्यासाठीही महिलांची बँकेत मोठ्या प्रमाणात गर्दी होत आहे. आपले काम लवकर पूर्ण व्हावे यासाठी अनेक महिला बँक कर्मचाऱ्यांशी भांडणही करत आहेत. याच कारणामुळे महिलांची बँकांत होणारी वाढती गर्दी लक्षात घेता बँक कर्मचारी संघटनांनी मुख्यमंत्र्यांना बँकेत सुरक्षा पुरविण्याची मागणी केली आहे.

    असा करा अर्ज

    शासनाने अर्ज करण्यासाठी ऑनलाईन तसेच ऑफलाईन या दोन्ही पद्धतीद्वारे लाभार्थी अर्ज करू शकतात, ज्या महिलांना ऑनलाईन अर्ज करणे शक्य नसल्यास त्या महिला ऑफलाईन अर्ज करू शकतात, ऑफलाईन अर्ज अंगणवाडी सेविका, ग्रामपंचायत, ग्रामसेवक, वार्ड अधिकारी यांच्याकडे करू शकतात. ऑनलाईन अर्ज करण्यासाठी शासनाने नारीशक्ती दूत हे अँप व ladakibahin.maharashtra.gov.in या पोर्टल द्वारे ऑनलाईन अर्ज करता येणार आहे. तसेच आपले सरकार सेवा केंद्र, महा ई सेवा केंद्र, सेतू सुविधा केंद्र याठिकाणी जावून लाभार्थी महिला आपला अर्ज ऑनलाईन भरू शकतात.

    आधार क्रमांक आणि बँक खाते एकमेकांशी लिंक नसल्याने साधारण 27 लाख पात्र महिलांना या योजनेचे पैसे मिळालेले नाहीत. याच पार्श्वभूमीवर घरबसल्या आधार क्रमांक बँक खात्याला कसे लिकं करायचे? हे जाणून घेऊ या…

    सर्वांत अगोदर माझी लाडकी बहीण योजनेचा अर्ज भरताना तुम्ही दिलेले बँक खाते आधार क्रमांकाशी लिंक आहे की नाही? हे कसे तपासावे ते पाहुया.  हे तपासण्यासाठी तुम्हाला आधार कार्डच्या https://uidai.gov.in    या संकेतस्थळावर जावे लागेल.   

    त्यासाठी गुगल वरती सर्च करा My Adhar 
    आता तुमच्यासमोर माय आधारची वेबसाईट आली असेल त्यावर क्लिक करा. 
    आता तुम्हाला तुमचा आधार नंबरने लॉगिन करायचं आहे. त्यासाठी आधार कार्ड नंबर आणि खाली दिलेल्या कॅपचा भरावा लागेल. 

    त्यानंतर तुमच्या रजिस्टर मोबाईल नंबरवर एक ओटीपी येणार तो टाका. 
    ओटीपी टाकल्यानंतर आता तुम्ही आधार कार्डच्या संकेतस्थळावर लॉगिन झाले आहात. 
    आता तुमच्यासमोर डॅशबोर्ड आला असेल.
    आता तुम्हाला खाली Bank seeding status हा ऑप्शन आला असेल त्यावर क्लिक करा. 
    आता तुम्हाला तुमचा आधार कार्ड नंबर, तुमच्या बँकेचे नाव, आणि तुमचा खाते अॅक्टिव्ह आहे की नाही याची संपूर्ण माहिती आली असेल.  

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by