forest department गुरू गुरनुले मुल – मुल तालुक्यातील वनपारिक्षेत्र चिचपल्ली (प्रादेशिक) उपक्षेत्र मूल नियतक्षेत्र मूल मधे मुनीम रतिराम गोलावार वय (41) वर्ष रा. चिचाला ता. मूल जिल्हा चंद्रपुर हे दिनांक 18/8/24 रोजी कक्ष क्रमांक 752 मधे बकरी चरावयास गेला सायंकाली घरी परत न आल्याने सदरची माहिती वनविभागास दिली.
Forest department दिनांक 19/8/24 रोजी श्री प्रशांत खाड़े विभागीय वनअधिकारी चंद्रपुर वनविभाग व प्रियंका वेलमे वनपरिक्षेत्र अधिकारी(प्रादेशिक) चीच्पल्ली यांचे आदेशानव्ये एम. जे.मस्के क्षेत्र साहयक मूल, वनरक्षक सुधीर ठाकुर, राकेश गुरनुले संजीवनी पर्यावरण संस्थाचे उमेशसिंह झिरे व सदस्य rru टीम चंद्रपुर यांनी सकाळी 6.00 वाजता शोध घेतला असता सदर इसमाचा मृत शव आढ़ळून आला मोकयावर पोलिस कर्मचारी पंचनामा करुन शवविच्छेदन करीता उपजिल्हा रुग्णालय येथे नेण्यात आले व आज दिनांक 24/8/25 रोजी ना. सुधीर मूंनगटीवार मंत्री, वने महारास्ट् राज्य यांचे हस्ते मृतकाची पत्नी श्रीमती चंदा मुनीम गोलावार याना 10 लक्ष रू.रकमेचे धनादेश देण्यात आले.
यावेळी उपस्थित मा. श्री झुरमुरे साहेब अप्पर प्रधान मुख्य वन सरक्षक नागपुर, श्री प्रशांत खाड़े विभागीय वनाधिकारी चंद्रपुर वनविभाग, प्रियंका वेलमे वनपारिक्षेत्र अधिकारी (प्रादेशिक) चिचपल्ली, माजी न.प. उपाध्यक्ष नंदूभाऊ रणदिवे, श्री एम. जे. मस्के क्षेत्र साहयक मूल वनरक्षक, सुधीर ठाकुर, राकेश गुरनुले उपस्थित होते.
मूल तालुक्यात या वर्षी मानव-वन्यजीव संघर्षाच्या घटनेत वाढ झाली असून आतापर्यंत अनेकांनी आपला जीव गमावला आहे.
mahavikas aghadi कलकत्ता, बदलापूर व नागभीड येथे झालेल्या अत्याचार प्रकरणविरोधात आज चंद्रपूर महाविकास आघाडीच्या वतीने तोंडाला काळी फित लावत गांधी चौकात निषेध आंदोलन करण्यात आले.
महाविकास आघाडीच्या वतीने आज 24 ऑगस्टला बंद पुकारण्यात आला होता मात्र मुंबई उच्च न्यायालयाने महाराष्ट्र बंद हा नियमबाह्य असल्याचे सांगितले.
देशात व राज्यात महिला अत्याचाराच्या घटनेत सतत वाढ होत आहे, यावर राज्यातील मुख्यमंत्री व गृहमंत्री पूर्णतः अपयशी ठरले आहे, त्यांनी तात्काळ राजीनामा द्यावा अशी मागणी महाविकास आघाडीच्या वतीने आज करण्यात आली.
Mahavikas Aghadi आयोजित निषेध आंदोलनात खासदार प्रतिभा धानोरकर, कांग्रेस जिल्हाध्यक्ष आमदार सुभाष धोटे, कांग्रेस महानगर अध्यक्ष रामू तिवारी, राष्ट्रवादी कांग्रेस अध्यक्ष शरद पवार गट दीपक जयस्वाल, महिला जिल्हाध्यक्ष बेबीताई उईके, महिला कांग्रेस अध्यक्ष नम्रता ठेमस्कर, शहर अध्यक्ष चंदा वैरागडे, शिवसेनेचे प्रमोद पाटील, कुसुमताई उदार, सुनीता लोढिया, संगीता अमृतकर उपस्थित होते.
खासदार प्रतिभा धानोरकर यांनी प्रतिक्रिया दिली की देशात व राज्यात महिला अत्याचार सतत वाढत आहे याबाबत मविआ ने बंद पुकारला होता मात्र न्यायालयाने बंद नियमबाह्य असल्याचे म्हटले होते, शरद पवार यांनी संविधानाचा आदर करीत तोंडाला काळ्या फिति लावत निषेध आंदोलन करण्याचे सांगितले, त्यामुळे आम्ही संविधानाचा आदर करीत आंदोलन करीत आहो. राज्यात घडलेल्या या घटना संतापजनक आहे, मुख्यमंत्री व गृहमंत्री यांनी तात्काळ राजीनामा द्यायला हवा.
आमदार सुभाष धोटे म्हणाले की 23 ऑगस्टला हिंदू समाजाच्या मोर्च्यात पालकमंत्री व स्थानिक आमदार उपस्थित होते त्यांनी बदलापूर अत्याचार प्रकरणी एक शब्द सुद्धा उच्चारला नाही, यावर आम्ही त्यांचा निषेध करतो. आयोजित निषेध आंदोलनात महाविकास आघाडीचे कार्यकर्ते व पदाधिकारी मोठ्या संख्येत उपस्थित होते.
security guards आमदार किशोर जोरगेवार यांनी सीएसटीपीएस येथील 103 सुरक्षा रक्षकांची मुंबई येथे कामगार मंत्री सुरेश खाडे यांच्यासोबत बैठक घडवून आणली होती. या बैठकीत सदर सुरक्षा रक्षकांची महानिर्मितीमध्ये होणाऱ्या भरती प्रक्रियेत सरळ भरती करण्याचे आदेश कामगार मंत्र्यांनी दिले होते. त्यामुळे लवकरच हे सर्व सुरक्षा रक्षक पुन्हा कामावर रुजू होणार असून, या सुरक्षा रक्षकांनी आज कार्यालयात आमदार किशोर जोरगेवार यांची भेट घेत सत्कार केला आहे.
security guards यावेळी कामगार संघटनेचे बाबु जावळे, समीर पठाण, राजेश गायकवाड, संजय नागपूरे, शरद मंचलवार, यंग चांदा ब्रिगेडच्या नेत्या सायली येरणे, बंगाली समाज महिला शहर प्रमुख सविता दंढारे, माया पटले, करण नायर आदींची प्रामुख्याने उपस्थिती होती.
2015 मध्ये चंद्रपूर-गडचिरोली जिल्हा सुरक्षा रक्षक मंडळ येथे 103 सुरक्षा रक्षकांची नोंदणी करण्यात आली होती. मात्र, सदर नोंदणी अवैध असल्याचे सुरक्षा रक्षकांना सांगण्यात आले. त्यानंतर 2016 मध्ये संबंधित विभागाचे वरिष्ठ अधिकारी आणि 103 सुरक्षा रक्षक यांच्यामध्ये बैठक घेण्यात आली. या बैठकीत नोंदित 103 सुरक्षा रक्षकांची नोंदणी वैध ठरविण्यात आली. त्यानंतर, जिल्हा क्रीडा अधिकारी कार्यालय, चंद्रपूर यांच्याकडून मैदानी आणि शारीरिक चाचणी घेण्याचे ठरविण्यात आले. परंतु, तांत्रिक कारणांमुळे चाचणी पुढे ढकलण्यात आली. पुढील चाचणीसाठी तारीख लवकर देण्यात येईल असे संबंधित विभागाकडून सुरक्षा रक्षकांना कळविण्यात आले, मात्र आदेश काढण्यात आलेला नव्हता. त्यामुळे सदर सुरक्षा रक्षक बेरोजगार झालेले होते.
आमदार किशोर जोरगेवार यांनी याचा गांभीर्याने विचार करून सदर सुरक्षा रक्षकांना कामावर घेण्याची मागणी केली होती. मागणीच्या पूर्ततेसाठी शासनस्तरावर सातत्याने पाठपुरावा सुरू केला होता. परिणामी मुंबई येथील मंत्रालयात कामगार मंत्री सुरेश खाडे यांनी संबंधित विभागाच्या अधिकार्यांची बैठक बोलावली. महानिर्मितीला 250 सुरक्षा रक्षकांची गरज आहे. या भरती प्रक्रिये दरम्यान नोंदणीकृत 103 सुरक्षा रक्षकांना प्राधान्य देत त्यांना सरळ सेवेत घेण्यात यावे, असे आदेश त्यांनी या बैठकीत दिले होते. आता लवकरच हे सर्व कामगार कामावर रुजू होणार आहेत. आमदार किशोर जोरगेवार यांच्या सततच्या प्रयत्नांमुळे जवळपास 9 वर्षांची कामगारांची बहु प्रतीक्षा संपली आहे. त्यामुळे या सर्व कामगारांनी शुक्रवारी कार्यालयात आमदार किशोर जोरगेवार यांची भेट घेत त्यांचा सत्कार केला.
यावेळी बोलताना आमदार जोरगेवार म्हणाले की, “हा विजय कामगार आणि कामगार संघटनेच्या जिद्दीचा आहे. आपण एकजुटीने राहिलो, त्यामुळे आपल्याला हे यश मिळाले आहे. आपण सदैव कामगारांसोबत आहोत. आपल्याला न्याय मिळवून देता आला याचा नक्कीच आनंद आहे. आता आपण लागणारी सर्व कागदपत्रे तयार ठेवावीत. जिथे गरज भासेल तिथे मी तुमच्यासोबत उभा राहील.” असे ते यावेळी बोलताना म्हणाले. या कार्यक्रमाला सुरक्षा रक्षकांची मोठ्या संख्येने उपस्थिती होती.
illegal construction ब्लू लाईन मधील अवैध बांधकामांना मनपाने दणका दिला असुन पूररेषेतील ३ चालुस्थितीतील बांधकामे जमीनदोस्त करण्यात आली आहे. अवैधरितीने उभारण्यात आलेले अर्धस्थितीतील पिलर व भिंतींचे बांधकाम तोडण्याची कारवाई मनपामार्फत करण्यात आली आहे.
कायदा व सुव्यवस्था अबाधित रहावी यासाठी चंद्रपूर जिल्ह्यात कलम 36 लागू illegal construction अमृतसर हवेली हॉटेलमागे,आंबेडकर सभागृहाजवळ मौजा वडगाव सर्वे नंबर ८ व ९ असलेल्या भूखंडावर अनधिकृत बांधकाम केले असल्याचे मनपा पथकास पाहणीदरम्यान आढळले. सदर भूखंड हा ब्लू लाईन मध्ये असल्याने यावर कुठल्याही स्वरूपाची खरेदी विक्री करता येत नाही. यासंबंधी महाराष्ट्र प्रादेशिक व नगररचना अधिनियमाच्या कलम ५२अन्वये अनधिकृत बांधकाम करणाऱ्या या सर्व बांधकामदारांना नोटीस देण्यात आली होती. मात्र विहीत मुदतीत अतिक्रमण न हटविल्याने सदर कारवाई करण्यात आलेली आहे.
पुराचा संभाव्य धोका टाळण्यासाठी पूररेषेच्या आत कोणतेही बांधकाम व्हायला नको, नदी किनारी असलेली बांधकामे, अतिक्रमणे, नदीपात्रातील काँक्रीटीकरण यामुळेे पुराची पातळी वाढत जाण्याचे निरीक्षण नोंदविण्यात आले आहे. मा.हायकोर्टात दाखल झालेल्या जनहित याचिकेच्या अनुषंगाने पूररेषेतील अतिक्रमणे काढण्यात यावी असे निर्देश मा.न्यायालयाने दिलेले असल्याने सदर बांधकामांवर कारवाई करण्यात येत आहे.
सदर कारवाई आयुक्त विपीन पालीवाल यांच्या मार्गदर्शनात व उपायुक्त रवींद्र भेलावे यांच्या प्रत्यक्ष नियंत्रणात सहायक आयुक्त संतोष गर्गेलवार,सहायक नगररचनाकार सारिका शिरभाते,अतिक्रमण पथकाद्वारे करण्यात आली. झोन क्र. १ प्रभागातील पूरग्रस्त भागात येणाऱ्या राष्ट्रवादी नगर परिसर,तुळशी नगर,आंबेडकर सभागृह परिसर,वडगाव जुनी वस्ती,सोमय्या पॉलीटेक्नीक, हवेली गार्डन,जगन्नाथ बाबा नगर,अग्रेसन भवन मागील परिसर,वक्रतुंड चौक,सिस्टर कॉलोनी, रहमत नगर, शांतीधाम मागील परिसर इत्यादी भागात पूररेषेत बांधकाम करणाऱ्या नागरिकांना मनपातर्फे नोटीस देण्यात आल्या आहेत. सदर बांधकामे बांधकामदारांनी तात्काळ निष्कासित करण्याचे आवाहन चंद्रपूर महानगरपालिकेतर्फे करण्यात येत आहे.
त्याचप्रमाणे केवळ नोटरीच्या आधारे कुठल्याही स्वरूपाची खरेदी विक्रीची कारवाई करू नये भविष्यात यासंबंधी कुठल्याही संशय उद्भवल्यास याची जबाबदारी पुर्णपणे विक्री करून देणार व विक्री करून घेणार यांची राहील. दुय्यम निबंधक कार्यालयातून नोंदणी होत असलेल्या भूखंडाचीच खरेदी अथवा विक्री करण्याचे आवाहन चंद्रपूर महानगरपालिकेतर्फे करण्यात येत आहे.
पूर रेषा कश्या आखतात? ब्लू लाईन म्हणजे काय?
पूर रेषा कशा आखतात? धरणातून 30,000 क्युसेक पाणी सोडले तर त्या नदीपात्राची पाणीपातळी वाढते. पाणी पातळी जेथे पोहचते ती रेषा ‘व्हाईट लाईन‘ अथवा ‘पांढरी रेषा‘ म्हणून ओळखली जाते. धरणातून 60,000 क्युसेक वेगाने पाणी सोडल्यानंतर नदीपात्रातील पाणी पातळी जेथे पोहचेल ती रेषा ‘ब्लू लाईन‘ अथवा ‘निळी रेषा‘ म्हणून ओळखली जाते.
chandrapur police 26 ते २७ ऑगस्ट दरम्यान श्रीकृष्ण जन्माष्टमी व गोपाळकाला (दहीहांडी) हा सण मोठया उत्साहाने साजरा करण्यात येणार असल्याने जिल्हयात कायदा व सुव्यवस्था अबाधित राखण्याच्या दृष्टीने 17 ऑगस्ट पासून 27 ऑगस्टच्या मध्यरात्री 12 वाजेपर्यंत महाराष्ट्र पोलिस अधिनियम 1951 चे कलम कलम 36 चे पोटकलम अ ते फ लागू करण्यात आले आहे. या अंतर्गत सार्वजनिक ठिकाणी वागणुकीबाबत, वाद्य वाजविणे बाबत, सभेचे आयोजन व मिरवणुक काढण्याबबात, मिरवणूकीचे मार्ग निश्चित करण्याबाबत, लाऊडस्पिकर वापरण्याबाबत योग्य निर्बंध व निर्देश देण्याचे अधिकार चंद्रपूर जिल्हयातील सर्व पोलीस ठाणे प्रभारी अधिकारी यांना प्रदान करण्यात आले आहे.
Chandrapur police अ) मिरवणुक व सभेच्या ठिकाणी त्यातील लोकांचे वागणुकीबाबत योग्य निर्देश देण्याचे अधिकार, आ) मिरवणुकीचा रस्ता व वेळ निर्धारित करणे तसेच धार्मिक पुजा स्थानाचे जवळ लोकांचे वागणुकीचे निर्बंध घालण्याचे अधिकार, इ) मिरवणुकीस बाधा होणार नाही, याबाबतचे आदेश तसेच धार्मिक पुजा स्थानाच्या जवळ लोकांचे वागणुकीवर निर्बंध घालण्याचे अधिकार, ई) सार्वजनिक रस्त्यावर तसेच सार्वजनिक ठिकाणी वाद्य वाजविणे, गाणी गाणे, ढोल ताशे वाजविणे इत्यादिचे निर्बंध घालण्याचे अधिकार, उ) रस्ते व इतर सर्व सार्वजनिक ठिकाणी सुव्यवस्था ठेवण्यासाठी निर्देश देण्याचे अधिकार, ऊ) सार्वजनिक ठिकाणी/ रस्त्यावर लाउडस्पिकर वाजविण्यावर निर्बंध तसेच मर्यादा घालण्याचे अधिकार ऋ) कलम 33, 35, 37, ते 40, 42, 43, व 45 मुंबई पोलिस अधिनियमान्वये काढण्यात आलेल्या आदेशाची अंमलबजावणी करण्याचे व सुचना देण्याचे अधिकार.
सदर आदेश लागू असताना सभा, मिरवणुकीत वाद्य वाजविणे, लाऊडस्पिकर वाजविणे, मिरवणुकीत नारे लावणे, मिरवणुकीचा रस्ता व वेळ निर्धारित करण्यासाठी संबंधित ठाणे अंमलदार यांची परवानगी घेण्यात यावी. सर्व बाबतीत पोलीस ठाणे प्रभारी अधिकारी तसेच त्यांच्यापेक्षा कनिष्ठ दर्जाचे सर्व पोलीस अधिकारी यांनी दिलेल्या निर्देशाचे पालन करावे, जिल्हा पोलिस अधिक्षक मुम्मका सुदर्शन यांच्या आदेशात नमूद आहे.
Hindu Samaj चंद्रपूर येथील सकल हिंदू समाजाच्यावतीने 23 ऑगस्टला चंद्रपूर बंद चे आवाहन केले होते, त्यांच्या आवाहनाला साथ देत चंद्रपूर शहरातील व्यापाऱ्यांनी 100 टक्के बंद पाळला. बांगलादेशातील हिंदूंवरील अत्याचाराच्या निषेधार्थ हा मोर्चा शिवाजी चौक ते जिल्हाधिकारी कार्यालयपर्यंत काढण्यात आला.
Hindu samaj बंगलादेशातील जनता पेटल्यानंतर पंतप्रधान शेख हसीना यांनी भारतात शरण घेतली.असे असतांना बांगलादेशात मोठ्या प्रमाणात अत्याचार सुरू झाले आहेत. हिंदूंची घरे जाळली जात असून त्यांना शासकीय नोकरी सोडण्यास भाग पाडले जात आहे. मानवतेला काळिमा फसण्याचा हा प्रकार असल्याचे सकल हिंदू समाजाचे संयोजक शैलेश बागला यांनी यावेळी प्रतिक्रिया व्यक्त केली. यावेळी पालकमंत्री मुनगंटीवार म्हणाले की जर बांगला देशात हिंदूंवर अत्याचार करणार तर त्याचे दुष्परिणाम तुम्हाला भोगावे लागतील.
आयोजित सकल हिंदू समाजाच्या चंद्रपूर आक्रोश मोर्च्यात पालकमंत्री सुधीर मुनगंटीवार, आमदार किशोर जोरगेवार व शहरातील प्रतिष्ठित नागरिक सामील झाले होते.
हसीना पळून गेल्यापासून 278 ठिकाणी हल्ले
मंगळवारी बांगलादेशातील हिंदूंच्या शीर्ष संस्थेने सांगितले की, पंतप्रधान शेख हसीना यांच्या पदावरून पळून जाण्यानंतर अल्पसंख्याक हिंदू समाजाला देशभरातील 48 जिल्ह्यांमधील 278 ठिकाणी हल्ले आणि धमक्यांना सामोरे जावे लागले आहे. विद्यार्थ्यांच्या हिंसाचारात हिंदूंच्या व्यवसायाचे आणि मालमत्तेचे नुकसान झाले आणि हिंदू मंदिरांचा विध्वंस झाला.
“हा केवळ व्यक्तींवरील हल्ला नाही तर हिंदू धर्मावरील हल्ला आहे,” असा आरोप करत अलायन्सचे प्रवक्ते आणि कार्यकारी सचिव पलाश कांती दे यांनी येथे पत्रकार परिषदेत सांगितले. “सोमवारपर्यंत, 48 जिल्ह्यांमधील 278 ठिकाणी हिंदू समाजावर हल्ले आणि धमक्या झाल्या आहेत. आम्ही गृह व्यवहार सल्लागार ब्रिगेडियर जनरल (निवृत्त) एम सखावत हुसैन यांच्याकडे आमच्या चिंता मांडल्या आहेत, ज्यांनी आम्हाला आश्वासन दिले आहे की पुढील मंत्रिमंडळ बैठकीत या मुद्द्यांवर चर्चा होईल,” असे ते ढाका ट्रिब्यून वृत्तपत्राने उद्धृत केले.
मुहम्मद युनूस हे अंतरिम सरकारचे मुख्य सल्लागार म्हणून 8 ऑगस्ट रोजी पदभार स्वीकारल्यानंतर त्यांनी आज प्रसिद्ध ढाकेश्वरी मंदिरात जाऊन त्रस्त हिंदू समाजातील सदस्यांशी संवाद साधला. त्यांनी लोकांना त्यांच्या सरकारची भूमिका ठरवण्यापूर्वी “संयम बाळगण्याचे” आवाहन केले.
“अधिकार सर्वांसाठी समान आहेत. आपण सर्व एक लोक आहोत आणि आपल्या सर्वांचा एकच अधिकार आहे. आपल्यात कोणताही भेदभाव करू नका. कृपया, आम्हाला मदत करा. संयम बाळगा आणि नंतर आम्ही काय करू शकलो आणि काय नाही हे ठरवा. जर आम्ही अपयशी ठरलो तर आमची टीका करा,” असे युनूस म्हणाले.
हिंदूंना का लक्ष्य केलं जातंय?
या घटनेनं धक्का बसला असला तरी फारसं आश्चर्य वाटलं नसल्याचं अविरूप सरकार यांनी सांगितलं.
ते म्हणाले, “बांगलादेशातील अल्पसंख्याक हिंदूंना सामान्यतः शेख हसीना यांचा पक्ष अवामी लीगचे समर्थक मानलं जातं आणि इस्लामिक देशातील विरोधकांकडून त्यांच्यावर अनेकदा हल्ले केले जातात.”
शेख हसीना यांनी देश सोडल्यानंतर सोशल मीडियावर हिंदूंच्या संपत्ती आणि मंदिरांवर झालेल्या हल्ल्यांशी संबंधित बातम्यांचा पूर आला.
52 जिल्ह्यांत हिंदूंवर झाले हल्ले, मोहम्मद युनूस यांच्याकडे मागितले संरक्षण
बांगलादेशची लोकसंख्या 17 कोटी आहे, त्यात हिंदूंची संख्या 7.95 टक्के (1.35 कोटी) आहे. हिंदू धर्म हा बांगलादेशातील दुसरा सर्वात मोठा धर्म आहे. देशातील 64 पैकी 61 जिल्ह्यांमध्ये हिंदूंची मोठी लोकसंख्या राहते. वृत्तानुसार बांगलादेशातील हिंदूंना हसीना यांच्या पक्ष अवामी लीगचे समर्थक मानले जाते. यामुळेच ते आता टार्गेट झाले आहेत. बांगलादेश हिंदू, बौद्ध, ख्रिश्चन एकता परिषदेनुसार, देशातील 64 पैकी 52 जिल्ह्यांमध्ये हिंदू आणि त्यांच्या मालमत्तांना लक्ष्य करण्यात आले. परिषदेने म्हटले आहे की, अल्पसंख्याकांना भीतीच्या वातावरणात जगावे लागत आहे. त्यांनी सरकार प्रमुख मोहम्मद युनूस यांच्याकडे सुरक्षा आणि संरक्षणाची मागणी केली आहे.
rojgar melava मुख्यमंत्री युवा कार्य प्रशिक्षण योजनेचा लाभ जिल्ह्यातील जास्तीत जास्त सुशिक्षित बेरोजगार युवक-युवतींना मिळावा, या उद्देशाने जिल्हा प्रशासनाच्या वतीने शुक्रवार दि. 23 ऑगस्ट रोजी नियोजन भवन येथे रोजगार मेळावा आयोजित करण्यात आला होता. मात्र जिल्ह्यात विविध कारणांनी होणा-या बंदच्या पार्श्वभुमीवर मेळाव्यासाठी येणा-या युवक-युवतींना नाहक त्रास होऊ नये, यासाठी 23 ऑगस्ट रोजी होणारा रोजगार मेळावा पुढे ढकलण्यात आला आहे, कृपया याची सर्वांनी नोंद घ्यावी. तसेच रोजगार मेळाव्याची पुढील तारीख लवकरच कळविण्यात येईल, असेही जिल्हा प्रशासनाने म्हटले आहे.
उमेदवारांची पात्रता : 12 वी पास, विविध ट्रेडमधील आय.टी.आय., पदविधारक, पदवी आणि पदव्युत्तर. विना अनुभवी रोजगार इच्छुक पात्र उमेदवारांना आस्थापना/ उद्योग/महामंडळ यामध्ये प्रत्यक्ष कार्य प्रशिक्षण घेणे व कार्य प्रशिक्षणाचा कालावधी 6 महिने असेल. सहा महिन्याच्या कालावधीसाठी उमेदवारांना फक्त एकाच वेळेस या योजनेचा लाभ घेता येईल.
विद्यावेतन: 12 वी पास करीता प्रतिमाह 6 हजार रुपये, आय.टी.आय/पदविका करीता प्रतिमहा 8 हजार रुपये तर पदवीधर/पदव्युत्तर करीता प्रतिमहा 10 हजार रुपये याप्रमाणे पात्र लाभार्थ्यांच्या खात्यात दरमहा विद्यावेतन जमा करण्यात येईल.
अधिक माहिती करीता संपर्क : जिल्हा कौशल्य विकास, रोजगार व उद्योजकता मार्गदर्शन केंद्र, प्रशासकीय इमारत, पहिला माळा, चंद्रपूर येथे तसेच दूरध्वनी क्रमांक 07172- 252295 या क्रमांकावर संपर्क साधावा.
जिल्हाधिकारी विनय गौडा काय म्हणतात?
Rojgar Melava जिल्हाधिकारी पुढे म्हणाले, शासनाच्या महास्वयंम पोर्टलवर तांत्रिक अडचण आल्याने शासकीय तथा खाजगी आस्थापनांनी उमेदवारांची निवड करतांना शासन निर्णयातील अटी – शर्तीनुसार ऑफलाईन पध्दतीने थेट प्रक्षिणार्थी म्हणून नियुक्ती द्यावी. निवड झालेल्या उमेदवारास प्रशिक्षणाच्या कालावधीत उपस्थितीनुसार शासनामार्फत विद्यावेतन अदा करण्यात येणार आहे. त्यामुळे कोणत्याही कार्यालयास तसेच खाजगी आस्थापनांना प्रशिक्षणार्थीच्या विद्यावेतनांच्य निधीची आवश्यकता असणार नाही. या योजनेंतर्गत प्रशिक्षणार्थींना प्रत्यक्ष कामाचा अनुभव यावा व त्यांची कौशल्यवृध्दी व्हावी, त्यामुळे त्यांना विविध क्षेत्रात रोजगाराच्या संधी उपलब्ध व्हाव्यात, असा या योजनेचा प्रमुख उद्देश आहे.
पुढे ते म्हणाले, शासकीय कार्यालयाच्या विभाग प्रमुखांना एकुण मंजुर पदाच्या 5 टक्के इतक्या प्रमाणात प्रशिक्षणार्थी निवड करता येणार आहे. त्यामुळे संबंधित विभागांनी आपल्या कार्यालयाअंतर्गत प्रशिक्षणार्थी निवडीचे दिलेले उदिष्ट पूर्ण करावे. जेणेकरून जिल्ह्यातील सुशिक्षीत बेरोजगारांना या योजनांचा फायदा होईल. प्रशिक्षणार्थीना शैक्षणिक पात्रतेनुसार दैनंदिन कामकाज सोपवावे. कुठल्याही प्रकारे त्यांच्या मानसन्मानास धक्का पोहचणार नाही, याची दक्षता घ्यावी. तसेच प्रशिक्षणाचा कालावधी पूर्ण झाल्यानंतर संबंधित आस्थापनांमार्फत अनुभव प्रमाणपत्र देण्यात येणार असल्याचे जिल्हाधिकारी श्री. गौडा यांनी सांगितले.
raj thackeray 22 ऑगस्टला मनसे प्रमुख राज ठाकरे चंद्रपुरातील ND हॉटेलमध्ये दाखल झाले होते, राज्यातील विधानसभा निवडणुकीच्या पार्श्वभूमीवर त्यांनी उमेदवारांची बैठकीत चाचपणी केली व चंद्रपूर व राजुरा विधानसभा क्षेत्रातील उमेदवारांची घोषणा राज ठाकरे यांनी यावेळी केली. राजुरा विधानसभा क्षेत्रातून स्थानिक उमेदवाराला संधी न देता बाहेरच्या उमेदवारांचे नाव जाहीर होताच बोरकर विरुद्ध भोयर समर्थक आपसात भिडले. यामुळे पदाधिकाऱ्यांना हस्तक्षेप करावा लागला.
राज्यातील विधानसभा निवडणुकीत 200 ते 225 जागा लढविणार अशी घोषणा मनसे प्रमुख ठाकरे यांनी केली होती, त्या पार्श्वभूमीवर राज ठाकरे महाराष्ट्र पिंजून काढत आहे, मराठवाडा दौरा आटोपल्यावर ठाकरे हे पूर्व विदर्भाच्या दौऱ्यावर आहे, आज राज ठाकरे चंद्रपुरात दाखल झाले होते, जिल्ह्यातील 6 विधानसभा पैकी चंद्रपूर व राजुरा विधानसभा मनसे लढविणार अशी घोषणा ठाकरे यांनी बैठकीत केली.
Raj thackeray चंद्रपूर विधानसभा क्षेत्रातून मनसे जिल्हाध्यक्ष मनदीप रोडे तर राजुरा विधानसभा क्षेत्रातून चंद्रपूर शहर मनसे अध्यक्ष सचिन भोयर यांना उमेदवारी घोषित करण्यात आली, बैठक आटोपताच राज ठाकरे बैठकीतून बाहेर पडताच भोयर समर्थक व बोरकर समर्थक आपसात भिडले.
राजुरा विधानसभा क्षेत्रातून चंद्रप्रकाश बोरकर इच्छुक होते मात्र ऐनवेळी सचिन भोयर यांनी बाजी मारली, बोरकर हे कोरपना तालुक्यातील नांदा ग्राम पंचायत चे सदस्य आहे, त्याठिकाणी बोरकर यांचे चांगले वर्चस्व आहे, त्यांनी मनसे पक्ष त्याठिकाणी वाढविला मात्र ऐनवेळी बाहेरच्या कार्यकर्त्याला उमेदवारी मिळाल्यावर कार्यकर्ते नाराज झाले.
प्रत्येक वेळी स्थानिकांचा मुद्दा राज ठाकरे उपस्थित करतात मात्र आज त्यांनी स्थानिकांना डावलून बाहेरच्याला उमेदवारी दिली ही बाब कार्यकर्त्यांच्या पचनी न पडल्यामुळे आज हा राडा झाला.
सध्या चंद्रपूर जिल्ह्यात मनसेची संघटनात्मक परिस्थिती बरोबर नसली तरी मनसे प्रमुखांनी विधानसभा निवडणुकीत या निमित्ताने मोठा डाव खेळला आहे, या पूर्वी चंद्रपूर विधानसभेत मनसे उमेदवाराची अनामत रक्कम जप्त झाली होती, राजुरा विधानसभेत सुद्धा तेच हाल झाले होते, मात्र यंदा च्या निवडणुकीत काय होणार ही येणारी वेळ सांगेल. विशेष बाब म्हणजे विधानसभा निवडणुकीत चुरस बघायला मिळणार हे नक्की.
Ganesh festival उत्सव काळात श्री गणेश मूर्ती दुकानांवर होणाऱ्या गर्दीमुळे वाहतूक कोंडी निर्माण होऊ नये व नागरिकांना सहजतेने मूर्ती खरेदी करून घरी नेता याव्या या दृष्टीने चंद्रपूर महानगरपालिकेतर्फे ०४ ते ०७ सप्टेंबर दरम्यान चांदा क्लब येथे श्री गणेश मूर्ती प्रदर्शनी व विक्रीचे आयोजन करण्यात आले आहे.
Ganesh festival येत्या ७ सप्टेंबर पासुन गणेशोत्वास सुरवात होत असुन मोठ्या प्रमाणात साजऱ्या होणाऱ्या या उत्सवात अधिकांश घरी गणेश मूर्तींची स्थापना केली जाते. मूर्ती विक्री करणारे अनेक मूर्तिविक्रेते हे शहरातील वर्दळीच्या ठिकाणी गणेशमूर्तीची विक्री करत असल्याने नागरिकांना मूर्ती खरेदीस गर्दीच्या ठिकाणी जाण्याशिवाय पर्याय नसतो.
यावेळी खरेदीस नागरिकांची गर्दी, वाहनांची गर्दी, खरेदीस पुरेसा वेळ न मिळणे, दुचाकी वाहन सोबत असेल तर वाहन उभे करायला जागेचा प्रश्न,चारचाकी वाहन असेल तर सुरक्षित जागी वाहन उभे करून खरेदीस दूर पायी चालत जावे लागते.सोबत परिवाराचे सदस्य असतील तर खरेदी करतांना होणारा प्रचंड त्रास नागरिकांना सहन करावा लागतो.
यावर उपाय म्हणुन यावर्षी मनपाने चांदा क्लब येथील प्रशस्त मैदानावर मूर्तिकारांना मूर्तिविक्रीसाठी जागा उपलब्ध करून दिली असुन त्यामुळे नागरिकांना एकाच जागी मातीच्या गणेश मूर्तीची अनेक दुकाने उपलब्ध होणार आहे. येथे प्रत्येक विक्रेत्यासाठी १० बाय १२ आकाराच्या स्टॉल्सची उभारणी केली जाणार असुन विद्युत व्यवस्था,मंडप, फिरते शौचालय,प्रशस्त वाहन पार्कींग व्यवस्था व पूजा साहित्य व सजावट साहित्यांचीही दुकाने येथे उपलब्ध असणार आहेत. बचतगट व इतर मार्फत खाद्यपदार्थांचे स्टॉल्स उभारण्यात येणार असल्याने संपुर्ण प्रदर्शनीला आनंद मेळाव्याचे स्वरूप येणार आहे. त्यामुळे नागरिकांना इतरत्र कुठेही गर्दीच्या जागी न जाता मोकळ्या जागेत आपल्या परिवारासहित खरेदीचा आनंद घेता येणार आहे.
मूर्तिविक्रेत्यांना स्टॉल्ससाठी गुरुवार २६ ऑगस्ट पासुन नोंदणी करता येणार असुन राष्ट्रीय नागरी उपजीविका अभियान कार्यालय व झोन ३ कार्यालय येथे नोंदणी कार्यालय सुरु करण्यात येत आहे. ७३९१०४२४५१,७३९१०४२४५० या क्रमांकावर संपर्क करूनसुद्धा नोंदणी करता येणार आहे.गर्दीमुक्त मोकळ्या वातावरणात श्री गणेशाचे आगमन होण्याच्या दृष्टीने नागरिकांनी चांदा क्लब येथुन मूर्ती खरेदी करण्याचे आवाहन चंद्रपूर महानगरपालिकेतर्फे करण्यात येत आहे.
Ballarpur Assembly आगामी विधानसभा निवडणूक जवळ येताच विविध पक्षातील उमेदवारांनी नागरिकांच्या समस्या ऐकणे सुरू करीत विधानसभा क्षेत्रात दौरे सुरू केले आहे, लोकसभा निवडणुकीत कांग्रेसला चंद्रपूर जिल्ह्यात घवघवीत यश मिळाल्यावर आता पक्षातूनचं स्पर्धा वाढलेली दिसत आहे, सध्या जिल्ह्यातील चंद्रपूर व बल्लारपूर विधानसभा क्षेत्रात कांग्रेस मध्ये संभाव्य उमेदवारांची लाट उसळताना दिसत आहे.
Ballarpur Assembly अश्यातच अनेक वर्षापासून महाविद्यालय काळातून राजकारणात उतरलेले NSUI चे माजी राष्ट्रीय सचिव रोशन लाल यांनी कांग्रेस पक्षातर्फे बल्लारपूर विधानसभा क्षेत्रात दावेदारी सादर केली आहे. त्यांनी प्रदेश कांग्रेस कार्यालयात विधानसभेसाठी अर्ज सादर केला आहे.
कोण आहे रोशन लाल?
पूर्वी कांग्रेस पक्षात गटबाजी नव्हती त्या काळात रोशन लाल यांनी NSUI या विद्यार्थी संघटनेत आपली पकड मजबूत केली. NSUI चे जिल्हा अध्यक्ष बनल्यावर त्यांनी महाविद्यालयीन निवडणूक लढवीत अनेकदा यश प्राप्त केले. रोशन लाल जिल्ह्यातील राजकारणासह प्रदेश कार्यकारिणीत गेले व त्यानंतर थेट NSUI चे राष्ट्रीय सचिव पदावर अंतर्गत निवडणुकीत यशाचा झेंडा रोवत विराजमान झाले.
भारत जोडो यात्रा सुरू होण्यापूर्वी राहुल गांधी यांनी कन्याकुमारी ते जम्मू काश्मीर पर्यंत प्रवासात रोशन लाल यांची साथ घेतली. या दरम्यान कांग्रेस नेते व सध्याचे विरोधी पक्ष नेता राहुल गांधी यांचे ते निकटवर्तीय बनले. आज राष्ट्रीय कार्यक्रमात रोशन लाल हे राहुल गांधी यांच्या सोबत असतात.
बल्लारपूर विधानसभेसाठी उमेदवार देत असताना वडेट्टीवार व धानोरकर गटाचे द्वंद्व युद्ध बघायला मिळणार मात्र प्रदेश अध्यक्ष नाना पटोले यांनी आधीच जाहीर केले की उमेदवारी ही दिल्ली मधून घोषित होणार त्यामुळे रोशन लाल यांच्या नावावर कांग्रेस उमेदवारीचा शिक्का मोर्तब होण्याची पूर्ण शक्यता वर्तवली जात आहे. रोशन लाल यांच्या दावेदारी ने इच्छुक उमेदवारांच्या भुवया उंचावल्या आहे.
सध्या बल्लारपूर विधानसभा क्षेत्रात पालकमंत्री सुधीर मुनगंटीवार यांचे वर्चस्व आहे मात्र लोकसभा निवडणुकीत बल्लारपूर विधानसभा क्षेत्रात कांग्रेसला मोठे मताधिक्य मिळाल्याने येणारी निवडणूक ही अत्यंत चुरशीची असणार हे मात्र खरे.
