My Blog

Tag: MH34

  • Bhadrawati municipal council Election । भद्रावती नगरपरिषद; नगराध्यक्षपदासाठी तीन शिवसैनिक आमनेसामने

    Bhadrawati municipal council Election

    Bhadrawati municipal council Election : चंद्रपूर/भद्रावती २१ नोव्हेम्बर (News३४) – चंद्रपूर जिल्ह्यातील १० नगरपरिषद व एक नगरपंचायतीकरिता उमेदवारांनी अर्ज दाखल केले आहे, २५ नोव्हेम्बर नंतर उमेदवार प्रचारकार्याला सुरुवात करणार आहे. या रणधुमाळीत रंजक निवडणूक हि भद्रावती नगर परिषदेची होणार आहे, भद्रावती हा शिवसेनेचा बालेकिल्ला आहे, मात्र पक्ष विखुरल्यावर चित्र पालटले. आता नगराध्यक्ष पदाच्या निवडीत शिवसेनेचे उमेदवार आमनेसामने आले आहे.

    Read Also : जनता कॅरिअर लॉन्चर च्या वसतिगृहात विद्यार्थ्यांचा मानसिक छळ, विद्यार्थ्याने केली आत्महत्या

    दिवंगत खासदार बाळू धानोरकर यांनी भद्रावती नगर परिषदेत शिवसेनेची सत्ता अबाधित राखण्यास ताकद पणाला लावली होती. राज्यात सत्तांतर झाले, शिवसेना पक्षात बंड झाल्याने पक्षाची दोन भागात फाळणी झाली. भद्रावती नगर परिषदेच्या निवडणुकीत शिवसेना, कांग्रेस व भाजप पक्षातून नगराध्यक्ष पदाची उमेदवारी शिवसैनिकाला मिळाली. आता आजी-माजी शिवसैनिक एकमेकांच्या विरोधात या निवडणुकीत सामोरा जाणार आहे. निवडणुकीत जिंकणार तो शिवसैनिकचं. Bhadrawati municipal council Election

    अनेक वर्षे भद्रावती नगर पालिकेच्या अध्यक्षपदी विराजमान असलेले अनिल धानोरकर यांनी शिवसेना पक्षातून सत्ता मिळवली. दिवंगत खासदार धानोरकर कांग्रेस पक्षात सामील झाले, त्यांच्या निधनानंतर भद्रावती-वरोरा विधानसभेच्या उमेदवारीसाठी अनिल धानोरकर यांनी प्रयत्न केले मात्र त्यांना तिकीट नाकारण्यात आले. खासदार प्रतिभा धानोरकर यांनी आपल्या भावाला विधानसभेचे तिकीट दिले. प्रवीण काकडे यांचा पराभव झाला. आता नगरपालिकेच्या निवडणुकीत कांग्रेस पक्षाकडून उमेदवारी मिळेल अशी आशा त्यांना होती. मात्र त्या आशेवर पाणी फेरण्यात आले. अखेर अनिल धानोरकर भाजप पक्षात सामील झाले आणि नगराध्यक्ष पदाची उमेदवारी मिळवली. त्यांचा राजकीय कार्यकाळ शिवसेना व्हाया वंचित आघाडी व्हाया भाजप.

    अनिल धानोरकर भाजपात गेले आणि त्यांच्यामुळे भाजपात बंड झाले, भाजप शहराध्यक्ष सुनील नामोजवार यांनी कांग्रेस पक्षात प्रवेश करीत नगराध्यक्षपदाची उमेदवारी मिळवली. २ महिन्यापूर्वी भाजपात येत पक्षाने अनिल धानोरकर यांना नगराध्यक्ष पदाची उमेदवारी दिली. पक्षाने कार्यकर्त्यांच्या मेहनतीला मान दिला नाही. त्यामुळे नामोजवार कांग्रेस पक्षात सामील झाले. विशेष बाब म्हणजे सुनील नामोजवार हे शिवसैनिक, शिवसेनेत असताना ते भद्रावती नगरपालिकेचे अध्यक्ष होते. त्यांचा कार्यकाळ हा शिवसेना व्हाया भाजप व्हाया कांग्रेस असा आहे. Bhadrawati municipal council Election

    नगराध्यक्षपदाचे तिसरे दावेदार हे प्रफुल चटकी, तीनदा नगरसेवक, उपाध्यक्ष पद, प्रशासकीय कामाचा चांगला अनुभव असलेले प्रफुल चटकी शिवसेना शिंदे गटाकडून निवडणूक लढवीत आहे. शिवसेना शिवसेनेतून वेगळी झाल्यावर त्यांनी शिंदेसेनेसोबत जाण्याचे ठरविले. लोकसभा संघटक मुकेश जिवतोडे, नितीन मत्ते यांच्या नेतृत्वात चटकी माजी नगराध्यक्षाना कडवे आव्हान देत आहे. Bhadrawati municipal council Election

    सुनील नामोजवार, अनिल धानोरकर व प्रफुल चटकी तिघेही शिवसैनिक एकमेकांविरुद्ध नगराध्यक्षपदाची निवडणूक लढवीत आहे, तिघांनी आम्ही निवडून आल्यावर शहराचा चांगल्या विकासाचा दावा केला आहे. भद्रावती नगरपरिषदेला देशात स्वच्छतेत नंबर एक करणार अशी प्रतिक्रिया तिघांनी News३४ सोबत बोलताना दिली आहे. याशिवाय सुनील नामोजवार यांच्या पाठीशी खासदार प्रतिभा धानोरकर, अनिल धानोरकर यांच्या पाठीशी माजी खासदार हंसराजी, मध्यवर्ती बँकेचे अध्यक्ष रविंद्र शिंदे व प्रफुल चटकी यांच्यापाठीशी शिंदेसनेचे लोकसभा संघटक मुकेश जिवतोडे व जिल्हाप्रमुख नितीन मत्ते आहे. कुणाच्या नेतृत्वाला जनता कौल देणार हे २ डिसेम्बर रोजी कळेल. तूर्तास इतकेचं.

  • Minor student suicide due to hostel harassment । जनता करिअर लॉन्चर च्या वसतिगृहात विद्यार्थ्यांचा मानसिक छळ, विद्यार्थ्यांची आत्महत्या

    Minor student suicide due to hostel harassment

    Minor student suicide due to hostel harassment : चंद्रपूर – २० नोव्हेम्बर (News३४) – चंद्रपुरातील जनता कॅरिअर लॉन्चर मधील वसतिगृहात २० नोव्हेम्बरला सकाळी ७.३० ते ९ वाजेदरम्यान १७ वर्षीय मुलाने वसतिगृहातील व्यवस्थापनाला कंटाळून गळफास घेत आत्महत्या केली. सकाळी घडलेल्या या घटनेची माहिती देण्यास रामनगर पोलिसांनी कमालीची दिरंगाई दाखवली हे विशेष.

    Read Also : भद्रावती नगरपरिषद निवडणूक; नगराध्यक्ष पदाच्या उमेदवारांचे एकमेकांवर गंभीर आरोप

    मृतक १७ वर्षीय मुलगा हा जनता कॉलेज परिसरातील जनता कॅरिअर लॉन्चर मध्ये CET चे शिक्षण घेत होता, रामनगर स्थित जनता कॅरिअर लॉन्चर या वसतिगृहातील वरच्या मजल्यावर मृतक मुलगा राहत होता. सोबत त्याचे २ मित्र राहत होते, सकाळी मृतक रूम मध्ये होता, त्याचे २ मित्र सकाळी रूम च्या बाहेर गेले होते त्यावेळी काही कारणास्तव मुलाने दोघांसोबत जाण्याचे टाळले अशी माहिती आहे. Minor student suicide due to hostel harassment

    मृतक मुलाच्या वडिलाने रामनगर पोलीस स्टेशनमध्ये आत्महत्येला जबाबदार जनता कॅरिअर लॉन्चर मधील कर्मचाऱ्यांवर गंभीर आरोप केला आहे. गुलाब सुदरी यांच्या तक्रारीत त्यांच्या मुलाला वसतिगृहाचे वार्ड बॉय, व्यवस्थापनातील कर्मचारी त्याला मानसिक त्रास देत होते, घटनेच्या काही दिवसांपूर्वी मुलाने याबाबत वडिलांना माहिती दिली होती. मात्र वडिलांनी त्याला उलट समजवून परत वसतिगृहात पाठविले.

    वसतिगृहातील कर्मचाऱ्यांचा त्रास मुलगा मनावर घेणार अशी साधी कल्पनाही वडिलांना नव्हती. गुलाब सुदरी यांच्या तक्रारीनंतर पोलिसांनी वसतिगृह वॉर्डन लक्ष्मण रमाजी चौधरी, व्यवस्थापक प्रेमा झोटिंग, सल्लागार विष्णुदास शरद ठाकरे व प्राचार्य आशिष क्रिष्णाजी महातळे यांच्यावर कलम १०७, ३(५) भारतीय न्याय दंड संहिता अन्व्ये गुन्हा दाखल केला आहे. या प्रकरणात रामनगर पोलिसांनी जनता कॅरिअर लॉन्चर मधील व्यवस्थापकांवर गुन्हा दाखल करायला पाहिजे, कारण मृतक मुलगा हा त्या शिक्षण संस्थेच्या जबाबदारीवर होता. वसतिगृहात काय सुरु आहे, कुणाची तक्रार आहे का? याबाबत त्यांनी माहिती घ्यायला हवी होती. Minor student suicide due to hostel harassment

    वसतिगृहातील कर्मचारी त्या अल्पवयीन मुलाच्या आत्महत्येला जबाबदार आहे तितकेच जनता कॅरिअर लॉन्चर चे व्यवस्थापन हि जबाबदार आहे.

    सदर घटना हि सकाळी घडली होती, पोलिसांना सदर घटनेची माहिती मिळाली आणि घटनास्थळाचा पंचनामा केला मात्र रात्रीचे ८३० वाजल्यानंतर सुद्धा पोलिसांनी या सर्व घटनाक्रमाची माहिती पत्रकारांना देण्याचे टाळले. गुन्हा दाखल होत आहे, फिर्याद अजून मिळाली नाही, चर्चा सुरु आहे. बस इतकीच माहिती पोलीस देत होते. आत्महत्येच्या या घटनेची माहिती द्यायला पोलिसांनी १२ तासाचा वेळ लावला. विशेष बाब म्हणजे जनता कॅरिअर लॉन्चर चे संचालक भाजप नेते अशोक जीवतोडे आहे.

  • Sunil Namojwar vs Anil Dhanorkar । भद्रावती पालिकेच्या निवडणुकीवरून धानोरकर-नामोजवार आमनेसामने; एकमेकांविरुद्ध केले हे आरोप

    Sunil Namojwar vs Anil Dhanorkar

    Sunil Namojwar vs Anil Dhanorkar : चंद्रपूर/भद्रावती – २० नोव्हेम्बर (News३४) – भद्रावती नगरपरिषद निवडणुकीत नगराध्यक्ष पदाचे उमेदवार सुनील नामोजवार विरुद्ध अनिल धानोरकर यांच्यात गंभीर आरोपांचा सामना रंगला आहे. भद्रावती नगरपरिषदेचे दोन माजी नगराध्यक्ष एकमेकांविरुद्ध निवडणुकीच्या रिंगणात उभे असून दोघांनी एकमेकांवर आयात उमेदवार असल्याचा आरोप यावेळी लावला.

    भद्रावती नगरपरिषद निवडणुकीत नगराध्यक्ष पदासाठीचे काँग्रेस पक्षाचे उमेदवार सुनील नामोजवार आणि भाजपचे उमेदवार अनिल धानोरकर यांच्यात गंभीर आरोपांचा सामना रंगला आहे. News34 शी बोलताना त्यांनी एकमेकांविरोधात गंभीर आरोप केले आहेत.

    मी भाजपची 8 वर्षे सेवा केली आणि मिळाले काय? : सुनील नामोजवार

    मागील ८ वर्षांपासून मी भाजपात प्रामाणिकपणे काम केले, भद्रावती शहरात भाजपचे अस्तित्व नसताना पक्षवाढ आणि संघटना मजबूत करण्यासाठी रात्रंदिवस एक केले नगर परिषद निवडणूक जवळ आल्यावर पक्षाने मला काम करा उमेदवारी तुम्हाला मिळणार असे आश्वासन दिले होते. मात्र दोन महिन्यापूर्वी भाजपात सामील झालेले अनिल धानोरकर यांना पक्षाने नगराध्यक्षपदाची उमेदवारी दिली. पक्षाने माझ्यावर अन्याय केला, त्या अन्यायाला कंटाळून मी कांग्रेस पक्षात प्रवेश केला. अनिल धानोरकर यांची प्रतिमा जनमानसात चांगली नाही, ते निष्क्रिय आहेत. भाजपने त्यांना उमेदवारी दिल्याने ते हरणारचं आहेत. अनेक वर्षांपासून नगराध्यक्ष असलेले धानोरकर यांनी काय काम केले ते सांगावे. माझ्या अडीच वर्षाच्या नगराध्यक्ष पदाच्या कार्यकाळात अनेक विकासकामे झाली आहे त्यामुळे जनता माझ्या पाठीशी आहे.

    Read Also : ब्रह्मपुरीत इथेनॉल कंपनीत स्फोट

    मी दिवसरात्र एक करीत पक्षाचे काम करीत राहिलो आणि २ महिन्यापूर्वी भाजपात सामील झालेले अनिल धानोरकर यांना पक्षाने नगराध्यक्षपदाची उमेदवारी दिली. पक्षाने माझ्यावर अन्याय केला, त्या अन्यायाला कंटाळून मी कांग्रेस पक्षात प्रवेश केला. अनिल धानोरकर यांची प्रतिमा जनमानसात चांगली नाही, भाजपने त्यांना उमेदवारी दिल्याने ते हरणारचं आहे. अनेक वर्षांपासून नगराध्यक्ष असलेले धानोरकर यांनी काय काम केले ते सांगावे. माझ्या अडीच वर्षाच्या भद्रावती नगराध्यक्ष पदाच्या कार्यकाळात अनेक विकासकामे झाली आहे त्यामुळे जनता माझ्या पाठीशी आहे. Sunil Namojwar vs Anil Dhanorkar

    माझ्या घरच्या लोकांनी मला साथ दिली नाही : अनिल धानोरकर

    मला भाजप पक्षाने उमेदवारी दिली, तर ती माझ्या क्षमतेनुसार मिळाली आहे, राहिला निष्ठावंतांवर अन्याय वर्ष २०१८ मध्ये नामोजवार यांनी शिवसेना सोडून भाजपात प्रवेश केला आणि नगराध्यक्षपदाची निवडणूक माझ्याविरोधात लढले, त्यावेळी त्यांच्या उमेदवारीमुळे भाजपच्या निष्ठावंतांवर अन्याय झाला नव्हता काय? त्यांनी हे आधी सांगावं. भद्रावती मध्ये मी आणि माझे भाऊ दिवंगत खासदार बाळू धानोरकर मिळून शिवसेना पक्ष मोठा केला, भद्रावती नगरपरिषदेची सत्ता अनेक वर्षे आमच्या हातात होती. राज्यात सत्तांतर झाले पक्ष विखुरले. विधानसभा निवडणुकीत मी कांग्रेस पक्षाकडून उमेदवारी मागितली मात्र खासदार प्रतिभा धानोरकर यांनी माझ्यावर अन्याय करीत विधानसभेचे तिकीट आपल्या भावाला दिले. Sunil Namojwar vs Anil Dhanorkar

    लोकसभा निवडणुकीत मी खासदार प्रतिभा धानोरकरांचा खूप प्रचार केला होता, प्रामाणिक कार्य करण्याचे फळ मला अन्याय स्वरूपात मिळाले. नामोजवार यांनी जो आरोप लावला आहे, त्यावर मी इतकंच बोलणार ज्यावेळी. मी भाजपात प्रवेश केला होता तेव्हा नगरपरिषदेचे आरक्षण व निवडणूक घोषित झाली नव्हती. मला उमेदवारी मिळाली ती पक्षाने केलेल्या सर्व्हेत मी आघाडीवर असल्याने मिळाली. माझ्या कार्यकाळात मी नगरपरिषदेला स्वच्छ भद्रावती मध्ये केंद्रात स्थान मिळवून दिले. असे अनेक काम मी माझ्या कार्यकाळात केली आहे, त्या कामावर जनता माझ्या सोबत आहे. असे ते news34 शी बोलताना म्हणाले.

  • Chandrapur photo video expo 2025 event । चंद्रपूर फोटो-व्हिडिओ एक्स्पो 2025 : क्रिएटिव्हिटी आणि टेक्नॉलॉजीचा भव्य मेळावा

    Chandrapur photo video expo 2025 event

    Chandrapur photo video expo 2025 event : चंद्रपूर २० नोव्हेम्बर (News३४) : टी.डी.यु.सी. फोटोग्राफर असोसिएशन, चंद्रपूर आणि कॅवोक सर्विस, पुणे यांच्या संयुक्त विद्यमाने चंद्रपूरात पहिल्यांदाच ‘भव्य ‘फोटो-व्हिडिओ एक्स्पो २०२५’ चा भव्य सोहळा मंगळवार १८ डिसेंबर रोजी पोलीस वेल्फेअर कन्वेंशन हॉल, तुकूम, येथे आयोजित करण्यात आला असून मुंबई, दिल्ली व पुणे यासारख्या महानगरातील भव्य एक्स्पोचा अनुभव आता चंद्रपूरकरांनाही अनुभवता येणार आहे.अशी माहिती संघटनेच्या वतीने पत्रपरिषदेत देण्यात आली.

    Read Also : इथेनॉल कंपनीमध्ये स्फोट, २ किलोमीटर पर्यंत हादरे

    हा कार्यक्रम केवळ प्रदर्शन नाही. तर फोटोग्राफी, व्हिडिओग्राफी आणि फिल्म क्षेत्रातील एका नव्या क्रांतीचा प्रारंभ आहे. एक्स्पोची वैशिष्ट्ये तंत्रज्ञान, कला आणि सिनेमॅटिकतेचा संगम या भव्य एवस्पोमध्ये उघडले जाणार आहेत.या एक्स्पोमध्ये अत्याधुनिक कॅमेरे, लेन्सेस, ड्रोन आणि गॅझेट्सचे थेट प्रात्यक्षिके, लाईटिंग इक्विपमेंट्स, स्टुडिओ सेटअप आणि एडिटिंग सॉफ्टवेअर्सवरील वर्कशॉप्स, राष्ट्रीय आणि सिने-इंडस्ट्रीतील तज्ञांकडून मार्गदर्शन, फिल्म, ड्रामा आणि डिजिटल कंटेंटवरील चर्चासत्रे, नेटवर्किंग आणि अनुभव शेअरिंगची सुवर्णसंधी, क्रिएटिव्ह आणि टेक्नॉलॉजिकल इनोव्हेशनचे व्यासपीठ, फिल्म आणि सिने इंडस्ट्रीसाठी सुवर्णसंधीफिल्ममेकर, शॉर्ट फिल्म डायरेक्टर, थिएटर आर्टिस्ट, सोशल मीडिया इन्फ्लुएंसर आणि ड्रामा क्षेत्रातील नवोदित कलाकारांसाठी हा एक्स्पो प्रेरणादायी ठरणार असल्याची माहिती यावेळी देण्यात आली. Chandrapur photo video expo 2025 event


    तसेच सिनेमॅटिक शूटिंग तंत्रांचे मार्गदर्शनफिल्म एडिटिंग व साउंड डिझाईनवरील वर्कशॉप्स, प्रॉडक्शन हाउसेस व कॅमेरा ब्रँड्सशी थेट संवाद, ओटीटी व डिजिटल प्लॅटफॉर्मसाठी कंटेंट क्रिएशनच्या नव्या दिशा, एक्स्पोचा मुख्य उद्देश फोटोग्राफर, व्हिडिओग्राफर, पत्रकार, पोर्टल न्यूज प्रतिनिधी, कलाकार आणि फिल्म इंडस्ट्रीशी जोडलेल्या प्रत्येक व्यावसायिकाला ज्ञान, तंत्रज्ञान आणि सर्जनशीलतेचा एकत्र संगम उपलब्ध करून देणे हाच या एक्स्पोचा खरा ठेतू आहे.आज फोटोग्राफी आणि व्हिडिओग्राफी हे फक्त छंद नाहीत, तर त्या प्रोफेशनल आणि सिनेमॅटिक इंडस्ट्रीज बनल्या आहेत. Chandrapur photo video expo 2025 event

    या एक्स्पोमधून आधुनिक उपकरणांचा अनुभव मिळणार असून तज्ज्ञांचे व्यावसायिक मार्गदर्शन, उद्योगातील नव्या संपर्काची संधी, नवीन पिढीच्या क्रिएटिव्ह जमात आपले स्थान निर्माण करण्याची प्रेरणा मिळणार आहे. त्यामुळे या ‘भव्य ‘फोटो-व्हिडिओ एक्स्पो २०२५’ ला चंद्रपूरकरांना मोठ्या संख्येने उपस्थिती दर्शवावी अशी विनंती टी.डी.यु.सी. फोटोग्राफर असोसिएशन, चंद्रपूरतर्फे करण्यात आली आहे. यावेळी संस्थेचे संस्थेचे संस्थापक प्रितम खोब्रागडे, विनोद झोडे, अध्यक्ष गणेश साळवे, राकेश मस्के, उपाध्यक्ष रमेश तांडी, राजेश नाकाडे, देवा बुरडकर, आकाश सिंग, अमूल कोत्रिवार, सूर्यकांत मोरे व नितेश कुमणे यांची उपस्थिती होती.

  • Brahmapuri ethanol factory fire incident details । स्फोटाचे २ किलोमीटर पर्यंत हादरे, चंद्रपुरात इथेनॉल फॅक्टरी मध्ये अग्नितांडव

    Brahmapuri ethanol factory fire incident details

    Brahmapuri ethanol factory fire incident details : ब्रह्मपुरी, ता. १९ (News34) : चंद्रपूर जिल्ह्यातील ब्रह्मपुरी तालुक्यात स्थित बोरगाव मध्ये रामदेव बाबा सॉल्व्हन्ट कंपनीमध्ये १९ नोव्हेम्बर रोजी भीषण स्फोट होऊन आग लागली, सदर कंपनी हि इथेनॉल ची असून या ठिकाणी जवळपास १ लाख २५ हजार लिटर इथेनॉल चा साठा होता. सुदैवाने याठिकाणी कसलीही जीवितहानी झाली नाही. प्रशासनाने आगीवर नियंत्रण मिळविल्याने मोठी घटना टळली.

    शहरापासून एक किलोमीटर अंतरावरील बोरगाव रस्त्यावरील रामदेव बाबा सॉलवेंट या इथेनॉल कंपनीमधील प्लांटमध्ये अचानक मोठा स्फोट होऊन भीषण आग लागली. सुदैवाने या घटनेत कोणतीही जिवीतहानी झाली नाही. ही घटना बुधवार (ता. १९) सायंकाळी पाच वाजताच्या सुमारास घडली. या स्फोटाच्या आवाजाने परिसरातील बोरगाव, उदापूर, झिलबोडी, पेठवॉर्ड परिसर हादरला. मात्र, या घटनेने नागरिकांमध्ये भीतीचे वातावरण पसरले आहे.

    Read Also : चंद्रपूर जिल्हा नगरपरिषद निवडणूक, तब्बल २०० अर्ज बाद

    प्राप्त माहितीनुसार, इथेनॉल कंपनीतील प्लांटमध्ये आज नेहमीप्रमाणे काम सुरू होते. सायंकाळी ५ वाजताच्या सुमारास इथेनॉल टँकला अचानक आग लागली. टॅंकमध्ये सुमारे १.२५ लाख लिटर इथेनॉल असल्याने आगीच्या ज्वाळांनी क्षणातच रौद्ररूप धारण केले. आग आटोक्यात येत नसल्याने आग विझवण्यासाठी ब्रह्मपुरी, नागभीड, सिंदेवाही, चिमूर, आरमोरी, देसाईगंज आणि चंद्रपूर येथील अग्निशमन दलाचे जवान तातडीने दाखल झाले. Brahmapuri ethanol factory fire incident details

    या जवानांनी आग विझविणे सुरू केले. मात्र, आग आटोक्यात न आल्याने मोठ्या प्रमाणावर वाळूचा वापर करण्यात आला. तसेच नायट्रोजन वायूचा पर्यायी वापर करून आग विझविण्याचे प्रयत्न झाले. घटनेची माहिती मिळताच शेकडो नागरिक आग बघण्यासाठी घटनास्थळी दाखल झाले. लोकांना पांगवण्यासाठी ब्रह्मपुरीचे पोलिस निरीक्षक प्रमोद बानबले हे आपल्या सुमारे ५० कर्मचाऱ्यांसह घटनास्थळी दाखल झाले. मिलर्स असोसिएशन, धान्य व्यापारी तसेच ब्रह्मपुरीचे तहसीलदार सतीश मासाळ यांनीही घटनास्थळी भेट देऊन परिस्थितीचा आढावा घेतला. वृत्त लिहिस्तोवर आग पूर्णपणे आटोक्यात आली नव्हती. अधिकारी व अग्निशमन दलाचे प्रयत्न सुरू असून नुकसानाचे प्रमाण अद्याप स्पष्ट झालेले नाही.

  • Nagar Parishad election candidature scrutiny । चंद्रपूर जिल्हा नगरपरिषद निवडणूक : तब्बल २०० अर्ज अवैध; कोण राहणार रिंगणात?

    Nagar Parishad election candidature scrutiny

    Nagar Parishad election candidature scrutiny : चंद्रपूर १९ नोव्हेम्बर (News३४) – चंद्रपूर जिल्ह्यातील 10 नगरपरिषद व एक नगरपंचायतीसाठी उमेदवारी अर्ज दाखल करण्याच्या शेवटच्या दिवशी राजकीय पक्षांनी शक्तिप्रदर्शन करीत आपली ताकद दाखवली. १८ नोव्हेम्बर रोजी उमेदवारी अर्ज दाखल केलेल्या उमेदवारांच्या अर्जाची छाननी झाली यामध्ये तब्बल २०० जणांचे अर्ज अवैध ठरले आहे.

    Read Also : चंद्रपुरात राजशिष्टाचाराची खिल्ली, खासदार धानोरकरांनी विचारला जाब

    अर्ज परत घेण्याची तारीख 21 नोव्हेंबर तर अर्ज माघारी घेण्याची अंतिम मुदत 25 नोव्हेंबर त्यानंतर 26 नोव्हेंबर रोजी निवडणूक चिन्ह वाटपसह, उमेदवारांची अंतिम यादी प्रसिद्ध होणार. जिल्ह्यातील नगरपरिषद व नगरपंचायत निवडणुकीत अनेक बंड झाले, काही ठिकाणी राष्ट्रीय पक्षाला उमेदवार मिळेनासे झाल्याने चांगलीच नामुष्की ओढवली होती.

    सदस्यपदासाठी १० नगरपरिषद व नगरपंचायतीच्या निवडणुकीत एकूण १ हजार ५४७ अर्ज तर अध्यक्षपदासाठी एकूण १२१ अर्ज दाखल झाले होते. अध्यक्षपदासाठी आलेल्या अर्जाची छानणी झाल्यावर ९१ अर्ज वैद्य ठरले तर ३० अर्ज हे अवैध ठरले. सदस्यपदासाठी १ हजार ३४७ अर्ज वैद्य ठरले तर २०० अर्ज अवैध ठरले आहे. २१ ते २५ नोव्हेम्बर पर्यंत अर्ज मागे घेण्याचा कालावधी आहे, त्यानंतर निवडणुकीच्या रिंगणात किती उमेदवार आहे ते ठरेल. Nagar Parishad election candidature scrutiny

    कुठे किती अर्ज बाद?

    बल्लारपूर नगरपरिषद अध्यक्षपदासाठी एकूण ११ अर्ज दाखल, वैद्य अर्ज ११, सदस्य अर्ज २१० , वैद्य अर्ज १९९ तर अवैध अर्ज ११, भद्रावती नगरपरिषद – नगराध्यक्ष एकूण अर्ज १०, वैद्य ७, अवैध अर्ज ३, सदस्य अर्ज १८१ वैद्य अर्ज १४८ तर अवैध अर्ज ३३, वरोरा नगरपरिषद – नगराध्यक्ष पदासाठी एकूण अर्ज ९, वैद्य अर्ज ७, अवैध अर्ज ३, सदस्यपदासाठी एकूण अर्ज १७१, वैद्य अर्ज १५८, अवैध अर्ज १३, ब्रह्मपुरी नगरपरिषद – अध्यक्षपदासाठी एकूण अर्ज ५, वैद्य अर्ज ४, अवैध अर्ज १, सदस्यपदासाठी एकूण अर्ज १०५ तर वैद्य अर्ज १००, ५ अर्ज बाद, मूल नगरपरिषद अध्यक्षपदासाठी दाखल एकूण अर्ज ९, अर्ज वैद्य ६ , बाद झालेल्या अर्जाची संख्या ३, सदस्यपदासाठी दाखल झालेले अर्ज ११२, वैद्य अर्ज ९५, बाद झालेले एकूण १७ अर्ज.

    राजुरा नगरपरिषद नगराध्यक्ष अर्ज – ९, वैद्य अर्ज ९, सदस्यपदासाठी एकूण अर्ज ८८, १ अर्ज बाद, घुग्गुस नगरपरिषद एकूण नगराध्यक्ष अर्ज दाखल १३, वैद्य अर्ज ६, बाद झालेले अर्ज ७, सदस्यपदासाठी दाखल अर्ज १५९, वैद्य अर्ज १३६, २३ अर्ज बाद. गडचांदूर नगरपरिषद नगराध्यक्ष अर्ज दाखल – ११, वैद्य अर्ज १० बाद झालेला अर्ज १, सदस्यपदासाठी दाखल अर्जाची संख्या १३७, वैद्य अर्ज १२६, एकूण बाद अर्ज ११.

    नागभीड नगरपरिषद अध्यक्ष अर्ज १६, वैद्य अर्ज १२, बाद अर्ज ४, सदस्यपदासाठी अर्ज १२३, वैद्य अर्ज ९५, बाद अर्ज २८, चिमूर नगरपरिषद अध्यक्ष अर्ज – १३, वैद्य अर्ज ८, बाद अर्ज ५, सदस्यपदासाठी अर्ज – २००, वैद्य अर्ज १४८, बाद अर्ज ५२, भिसी नगरपंचायत अध्यक्ष अर्ज – १५, वैद्य अर्ज ११, बाद अर्ज ४, सदस्यपदासाठी दाखल एकूण अर्ज – ६१, वैद्य अर्ज ५५, बाद अर्ज ६. Nagar Parishad election candidature scrutiny


    नगरपरिषद व नगरपंचायत मध्ये एकूण 133 प्रभाग असून निवडून द्यायच्या सदस्यांची संख्या 253 आहे. एकूण मतदार 3 लक्ष 71 हजार 537 असून पुरुष मतदार 1 लक्ष 87 हजार 139 व स्त्री मतदार 1 लक्ष 84 हजार 387 सह अन्य मतदारांची संख्या 11 आहे.

  • Youth For Jobs Training Impact । ₹1.80 लाखांचे पॅकेज! दृष्टी गमावलेल्या चंद्रपूरच्या राजश्रीची संघर्षगाथा

    Youth For Jobs Training Impact

    Youth For Jobs Training Impact : चंद्रपूर, दि. १९ (News३४) : ‘युथ फॉर जॉब’ ही संस्था दिव्यांग व्यक्तिचे सक्षमीकरण आणि आर्थिक स्वावलंबनासाठी काम करणारी दक्षिण आशियातील सर्वात मोठी संस्था आहे. राज्याचे मुख्यमंत्री देवेंद्र फडणवीस यांनी दिव्यांग युवक – युवतीच्या जीवनात सकारात्मक बदल घडविण्यासाठी ‘युथ फॉर जॉब’ या संस्थेच्या माध्यमातून एक नवीन मॉडेल उभारण्याची संकल्पना मांडली आहे. या संस्थेच्या माध्यमातून दिव्यांगांना रोजगारक्षम करणे, युडीआयडी (स्वावलंबन कार्ड) करीता दिव्यांगांची 100 टक्के नोंदणी, लक्षित कौशल्य विकास आणि दिव्यांग व्यक्तिंसाठी शाश्वत उपजिविका निर्माण करणे, हा मुख्य उद्देश असून त्याचा फायदा दिव्यांग नागरिकांना होत आहे. अशाच प्रशिक्षणामुळे सावंगा विठोबा (ता. चंद्रपूर) येथील राजश्री पुरुषोत्तम खोडके (वय 30) या दिव्यांग तरुणीचा प्रवास अंधारातून प्रकाशाकडे झाला असून ती आज आर्थिक स्वावलंबी झाली आहे. Youth For Jobs Training Impact

    Read Also : स्थानिक बेरोजगारांना चंद्रपूर मेडिकल कॉलेज मध्ये रोजगार द्या – विक्रांत सहारे

    राजश्री ही 40 टक्के अंशत: अंध (दिव्यांग) असून तीने वस्त्र विज्ञान (बॅचरल ऑफ टेक्साईल सायन्स) मध्ये शिक्षण घेतले आहे.  राजश्रीच्या कुटुंबात आई –वडील, एक धाकटा भाऊ आणि तिला तीन मोठ्या बहिणी आहेत. वडील पुरुषोत्तम खोडके पूर्वी बल्लारपूर येथील पेपर मिलमध्ये काम करत होते आणि आता निवृत झाले आहेत, तर आई गृहिणी आहेत. राजश्रीचा जन्म अमरावती येथे झाला, परंतु वडिलाच्या नोकरीमुळे कुटुंब बल्लारपूर येथे स्थलांतरित झाले.              

               लहाणपणीच राजश्रीला त्वचाविकारामुळे दृष्टिदोष  झाला. ज्यामुळे तिची दृष्टी मोठ्या प्रमाणात कमी झाली.  या परिस्थितीमुळे शालेय आणि महाविद्यालयीन शिक्षण काळात तिला मोठ्या अडचणींचा सामना करावा लागला. शैक्षणिक मर्यादांसह सामाजिक परिणामाला सुध्दा तिला सामोरे जावे लागले. मात्र अतिशय आत्मविश्वासाने तिने वस्त्र विज्ञान शाखेची पदवी पूर्ण केल्यांनतर रोजगाराच्या संधी शोधायला सुरवात केली. परंतु योग्य मार्गदर्शन आणि आवश्यक कौशल्यांच्या अभावामुळे नोकरी मिळवणे कठीण गेले. Youth For Jobs Training Impact

    जेव्हा तिला ‘युथ फॉर जॉब’ बद्दल मित्र महेश मेश्राम यांनी माहिती दिली, तेव्हापासून तिच्या आयुष्यात निर्णायक क्षण आला. राजश्रीने आत्मविश्वासाने एक महिन्याच्या कौशल विकास प्रशिक्षण कार्यक्रमात प्रवेश घेतला आणि स्वत:ला सक्षम आणि स्वावलंबी बनवण्याच्या दृढ निश्चय केला. प्रशिक्षणादरम्यान राजश्रीने सर्व उपक्रमांमध्ये सक्रिय सहभाग घेतला. तसेच आपल्या सहकाऱ्यांना प्रोत्साहन दिले, मदत केली आणि नेतृत्वाचे गुण दाखवले. प्रशिक्षणादरम्यान संवादकौशल्य, वेळेचे व्यवस्थापन, समस्या सोडवण्याचे तंत्र, कार्यस्थळी  शिष्टाचार आणि मुलाखत तयारी यासारखी महत्वाची कौशल्ये तिने आत्मसात केली. या कौशल्यांनी तिचा आत्मविश्वास आणि रोजगारक्षमता वाढण्यास मदत झाली.

                प्रशिक्षणानंतर राजश्रीने भूपेंद्र गौड टीएम पोषणतज्ज्ञ यांच्याकडे मुलाखत दिली आणि ग्राहक सहाय्यक (कस्टमर सपोर्ट एक्झिक्युटीव्ह) या पदासाठी  तिची निवड  झाली. आता ती वार्षिक 1 लक्ष 80 हजार रुपये   इतके  स्थिर उत्पन्न कमवत आहे, ज्यामुळे तिचे आणि तिच्या कुटुंबाचे जीवनमान सुधारले आहे. आज राजश्री आत्मविश्वासाने आपली  जबाबदारी पार पाडत असून सहकाऱ्यांशी मोकळेपणाने संवाद साधते. एकेकाळी ज्या कमी दृष्टिक्षमतेमुळे ती आत्मविश्वास गमावून बसली होती, त्या बाबींवर यशस्वीरित्या मात करत ‘युथ फॉर जॉब’ च्या प्रशिक्षणामुळे ती आज पुन्हा आत्मविश्वासाने उभी आहे. Youth For Jobs Training Impact

  • Warora Latest Crime News । बँकेतून पैसे काढले अन्… वरोरा चिकन मार्केटजवळील चोरीचा थरार

    Warora Latest Crime News

    Warora Latest Crime News : वरोरा १९ नोव्हेम्बर (News३४) – वरोरा पोलीस स्टेशनच्या हद्दीत १७ नोव्हेम्बर रोजी बँकेतून काढलेले १ लक्ष ४० हजार रुपये दुचाकी वाहनाच्या डिक्कीतून अज्ञाताने लांबवीले, मात्र पोलिसांच्या तपासचक्राने अवघ्या ३ तासात आरोपीला अटक करण्यात आली.

    Also Read : रक्तरंजित प्रेमकहाणी, विवाहित महिलेच्या पतीची प्रियकराने केली हत्या

    १७ नोव्हेम्बरला फिर्यादी ४५ वर्षीय सुनील वासुदेवराव घाटे राहणार हनुमान वार्ड यांनी चिकन मार्केट जवळील बँकेतून १ लक्ष ४० हजार रुपये काढत ते मोपेड वाहनाच्या डिक्कीत ठेवले, त्यानंतर यात्रा वार्डातील हॉटेल मध्ये घाटे गेले, काही वेळाने ते परत आले असता कुणीतरी अज्ञात चोरट्याने डिक्कीत ठेवलेली रक्कम लांबवली.

    याबाबत घाटे यांनी वरोरा पोलीस स्टेशन गाठत तक्रार दिली, तक्रार प्राप्त होताच पोलिसांनी अज्ञातांविरोधात गुन्हा दाखल करीत तपास सुरु केला, पोलिसांनी तात्काळ घटनास्थळ गाठले, परिसरातील सीसीटीव्ही तपासत इतर तांत्रिक पद्धतीने अवघ्या ३ तासाच्या आता आरोपी राजू लिंगन्ना इंद्रपवार राहणार यात्रा वार्ड याचा शोध घेत त्याला अटक केली, चोरी गेलेली रोख रक्कम आरोपी कडून जप्त करण्यात आली. Warora Latest Crime News

    सदरची यशस्वी कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे व पोलीस उपविभागीय अधिकारी संतोष बाकल यांच्या मार्गदर्शनात पोलीस निरीक्षक अजिंक्य तांबडे यांच्या नेतृत्वात सपोनि शरद भस्मे, पोलीस कर्मचारी संदीप मुळे, महेश गावतुरे, विशाल राजूरकर व व्यापारी संजय शेंडे, अनिकेत पुरी, प्रमोद लोंडे व जयंत ठमके यांच्या मदतीने केली.

  • Pending Leave Encashment for Tribal School Staff । SUCCESS! आमदार अडबाले यांचा यशस्वी पाठपुरावा: सेवानिवृत्त आदिवासी कर्मचाऱ्यांना ‘रजा रोखीकरण’ लाभ अनुज्ञेय!

    Pending Leave Encashment for Tribal School Staff

    Pending Leave Encashment for Tribal School Staff : चंद्रपूर १८ नोव्हेम्बर (News३४) : आदिवासी विकास विभागाच्या अधिनस्त असलेल्या शासकीय आश्रमशाळांवरील दीर्घ सुटी विभागातील कर्मचाऱ्यांना अर्जित रजा रोखीकरण लाभ अनुज्ञेय करण्याबाबतचा आदिवासी विभागाचा शासन परिपत्रक १२ नोव्हेंबर २०२५ रोजी निर्गमित झाल्‍याने सेवानिवृत्त झालेल्‍या कर्मचाऱ्यांना दिलासा मिळाला आहे. यासाठी आमदार सुधाकर अडबाले यांनी सचिवांपासून मंत्र्यांपर्यंत सतत पाठपुरावा करून लाभ मिळवून दिल्‍याने कर्मचाऱ्यांनी आमदार अडबाले यांचे आभार मानले आहे. Pending Leave Encashment for Tribal School Staff

    Read Also : राजशिष्टाचाराची खिल्ली, खासदार धानोरकरांनी विचारला जाब

    दिनांक २५ मार्च २०२५ रोजी आदिवासी विकासाच्या समस्या सोडविण्यासाठी आमदार सुधाकर अडबाले यांच्या पुढाकाराने सदर निवेदनाच्या अनुषंगाने मा. आदिवासी विकास मंत्री डॉ अशोकजी उईके यांच्यासोबत मुंबई येथे झालेल्‍या बैठकीत दीर्घकालीन सुट्ट्या असलेल्या कर्मचाऱ्यांना रजा रोखीकरण अनुज्ञय आहे, याबाबत चर्चा करण्यात आली होती.

    पी. के.भोंगाडे व इतर समस्याग्रस्त कर्मचाऱ्यांच्या दिनांक 11.9.25 च्या पत्राच्या अनुषंगाने नागपूर अप्पर आयुक्त मा. आयुषी सिंग मॅडम व उपआयुक्त श्री दिगंबर चव्हाण यांच्या उपस्थितीत दिनांक १६ सप्‍टेंबर २०२५ रोजी या विषयावर चर्चा करून शासनाला पत्र पाठवावे, मार्गदर्शन मागविण्यात यावे व तात्‍काळ कार्यवाही करण्यात यावी, असे आमदार अडबाले यांनी सुचवले व हा मुद्दा प्रकर्षाने लावून धरला. वरील सभेच्या अनुषंगाने अप्पर आयुक्त आदिवासी विभाग यांनी ३० ऑक्‍टोंबर २०२५ रोजी मा. सचिव, आदिवासी विकास विभाग मंत्रालय मुंबई यांना शासनाकडून मार्गदर्शन तथा उचित आदेश होण्यास विनंती केली व त्याची प्रतिलिपी आमदार सुधाकर अडबले सर यांना पाठविली. Pending Leave Encashment for Tribal School Staff

    वरील सर्व निवेदन सभा व चर्चेच्या अनुषंगाने आमदार सुधाकर अडबले यांनी मा. सचिव, आदिवासी विकास विभाग व मा. आयुक्त आदिवासी विभाग नाशिक यांना रजा रोखीकरण बाबत निवेदन दिलीत आणि तात्काळ अहवाल मागितला. वरील सर्व प्रयत्नांती मा. अजय साखरे कार्यासन अधिकारी महाराष्ट्र शासन यांनी ३१ ऑगस्ट २०२३ अखेर सेवानिवृत्त झालेल्या आदिवासी विकास विभाग अधिनस्त शासकीय आश्रम शाळेतील दीर्घ सुटी विभागातील संपूर्ण महाराष्ट्रातील कर्मचाऱ्यांना संचित अर्जित रजा रोखीकरण अनुज्ञेय करण्यात यावे, असे शासन परिपत्रक काढले.

    त्यामुळे २०१३ पासून प्रलंबित असलेली मागणी मार्गी लागली आणि सदर कर्मचाऱ्यांना दिलासा मिळाला. याबाबत आमदार सुधाकर अडबाले यांचेकडे हा विषय विदर्भ माध्यमिक शिक्षक संघाचे उपाध्यक्ष रमेश काकडे, सीटू संघटनेचे विभागीय अध्यक्ष आर. टी. खवशी, सेवानिवृत्त सहाय्यक प्रकल्प अधिकारी पी. के. भोंगाडे व सेवानिवृत्त मुख्याध्यापक के. एन. वालदे यांनी प्रयत्न केलेत. शासकीय आदिवासी विभाग आश्रम शाळा कर्मचाऱ्यांनी आमदार सुधाकर अडबाले यांचे आभार व्यक्त केले.

  • राजशिष्टाचाराची खिल्ली उडविणाऱ्या मनपा अधिकाऱ्यांना MP धानोरकरांनी दिला इशारा

    Chandrapur municipal funding discrimination

    Chandrapur municipal funding discrimination : चंद्रपूर १८ नोव्हेम्बर (News३४) : चंद्रपूर शहर महानगरपालिका प्रशासनाच्या मनमानी कारभाराला आणि जनप्रतिनिधींचा राजशिष्टाचार  पाळण्यात होत असलेल्या दुर्लक्षाला खासदार प्रतिभा धानोरकर यांनी आज थेट महानगरपालिका गाठून जाब विचारला. खासदार प्रतिभा धानोरकर यांनी यावेळी आपल्या समर्थकांसह महानगरपालिका आयुक्तांच्या दालनात धडक देत त्यांना घेराव घातला आणि प्रोटोकॉल भंगासह निधी वाटपातील भेदभावावर जाब विचारला.

    Read Also : शासकीय वैद्यकीय महाविद्यालयात स्थानिकांना रोजगार द्या – विक्रांत सहारे

    “प्रशासनाने तात्काळ राजशिष्टाचार पाळावा, लोकप्रतिनिधींना सन्मान द्यावा आणि निधी वाटप करताना कोणताही भेदभाव करू नये, अन्यथा याचे गंभीर परिणाम प्रशासकीय अधिकाऱ्यांनी भोगण्यास तयार राहावे,” असा थेट इशारा खासदार प्रतिभा धानोरकर यांनी यावेळी आयुक्तांना दिला.

    गेल्या काही दिवसांपासून मनपा प्रशासनातील अधिकारी लोकप्रतिनिधींशी योग्य समन्वय साधत नाहीत. शासकीय भूमिपूजन सोहळ्यात लोकप्रतिनिधींना डावलले जात होते. तसेच, शहराच्या काही भागांमध्ये निधी वाटप करताना हेतुपुरस्सर भेदभाव केला जात असून, आवश्यक कामे बाजूला ठेवली जात असल्याचा गंभीर आरोपही खासदार प्रतिभा धानोरकर यांनी केला.

    या गंभीर प्रकाराने संतप्त झालेल्या खासदार प्रतिभा धानोरकर यांनी आज चंद्रपूर शहर महानगर पालिका गाठले आणि आयुक्तांच्या दालनात पोहोचताच प्रशासनाच्या या कार्यपद्धतीवर तीव्र संताप व्यक्त केला.

    राजशिष्टचाराचा भंग करणे म्हणजे लोकशाही व्यवस्थेचा आणि जनतेच्या मताचा अपमान आहे. प्रशासकीय अधिकारी जाणूनबुजून लोकप्रतिनिधींना डावलत आहेत आणि त्यामुळे शहराच्या विकासाची कामे, रस्ते आणि पाणीपुरवठ्यासारख्या तातडीच्या समस्यांकडे दुर्लक्ष होत आहे, असे त्या म्हणाल्या.

    यावेळी महानगर पालिका आयुक्त विद्या गायकवाड, अतिरिक्त आयुक्त चंदन पाटील, उपयुक्त चिदलवार,शहर काँग्रेस अध्यक्ष संतोष लहामगे, शहर काँग्रेस माजी अध्यक्ष रामू तिवारी, अल्पसंख्याक जिल्हाध्यक्ष सोहेल रजा, ओबीसी जिल्हाध्यक्ष प्रशांत दानव, युवक काँग्रेस अध्यक्ष राजेश अडूर, इंटक युवा नेते प्रशांत भारती, भालचंद्र दानव, माजी नगरसेवक पिंटू शिरवार, काँग्रेस युवा नेते राहुल चौधरी, नौशाद शेख, गुंजन येरमे, सौरभ ठोंभरे यांची उपस्थिती होती.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by