My Blog

Tag: MH34

  • wild bear rescue from home in sindewahi । डोंगरगावात घरात घुसले अस्वल; वनविभागाची बचाव मोहीम यशस्वी

    wild bear rescue from home in sindewahi

    wild bear rescue from home in sindewahi : सिंदेवाही १८ नोव्हेम्बर (News३४) : चंद्रपूर जिल्ह्यात सध्या वन्यप्राण्यांचा हैदोस सुरु आहे, वन्यप्राण्यांच्या हल्ल्यात आतपर्यंत एकूण ३९ नागरिकांचा बळी गेला आहे, वन्यप्राण्यांना जंगल कमी पडत असल्याने आता गाव व शहराची वाट हे प्राणी धरू लागले आहे, जिल्ह्यातील ब्रह्मपुरी वनविभागाच्या सिंदेवाही वन परिक्षेत्रातील डोंगरगाव मध्ये १७ नोव्हेम्बर ला रात्रीच्या सुमारास अस्वल सुंदर जुमनाके यांच्या घरात शिरले, अनेक अथक परिश्रमानंतर वनविभागाने अस्वलाला सुखरूप बाहेर काढले.

    Read Also : शिक्षक पात्रता परीक्षा, चंद्रपुरातील संडे मार्केट राहणार बंद

    सदर अस्वल नर जातीचे असून ते रात्रीच्या सुमारास डोंगरगावातील आंब्याच्या झाडावर असलेले मधमाशांचे पोळ्यातील मध खाण्यासाठी गावात आला होता, पहाटे च्या सुमारास अस्वल गावात आल्याची माहिती वाऱ्यासारखी पसरली, गावकर्यांनी अस्वलाचा शोध घेणे सुरु केले, त्यावेळी सुंदर जुमनाके यांनीही घराबाहेर पडत शोध घेतला असता सदर अस्वल त्यांच्या घरापुढे उभा होता, अस्वल थेट जुमनाके यांच्या घरात शिरला, घराचे दार बंद करीत जुमनाके यांनी याबाबत बिटगार्ड सचिन चौधरी यांना संपर्क करीत माहिती दिली. wild bear rescue from home in sindewahi

    घरातील सदस्य बाहेर असल्याने कसलीही अनुचित घटना घडली नाही, माहिती मिळाल्यावर सिंदेवाहीचे वनपरिक्षेत्र अधिकारी अंजली सायकर सह डॉ रविकांत खोब्रागडे, शुटर अजय खोब्रागडे व बचाव पथक डोंगरगावात दाखल झाले. १८ नोव्हेम्बर रोजी सकाळी ११ वाजता अस्वलाला डार्ट मारत बेशुद्ध करीत त्याला घराबाहेर काढण्यात आले. अस्वलाला चंद्रपूर टीटीसी उपचार केंद्रात नेण्यात आले.

    सदरची यशस्वी कारवाई वनपरिक्षेत्र अधिकारी अंजली सायकर, क्षेत्रीय सहायक नितीन गडपायले, यांच्या नेतृत्वात वनविभागातील पथक व गावातील नागरिकांनी बचाव कार्यात सहकार्य केले.

  • Sunday market shutdown due to mahatet exam । MAHATET 2025 मुळे चंद्रपुरातील संडे मार्केटला ‘ब्रेक’; हजारो विद्यार्थ्यांची गर्दी अपेक्षित

    Sunday market shutdown due to mahatet exam

    Sunday market shutdown due to mahatet exam : चंद्रपूर १८ नोव्हेंबर (News३४) – येत्या २३ नोव्हेंबर रोजी संडे मार्केट भरणाऱ्या परिसरातील विविध शाळांमध्ये महाराष्ट्र राज्य शिक्षक पात्रता परीक्षा २०२५ होणार असल्याने दर रविवारला भरणारे संडे मार्केट या दिवशी बंद ठेवण्यात येणार असुन सदर निर्देशाची सर्व व्यावसायिकांनी नोंद घेण्याचे आवाहन चंद्रपूर मनपा प्रशासनाने केले आहे.  

    Read Also : चंद्रपुरातील रयतवारी मध्ये आमदार जोरगेवार व माजी नगरसेवक अडूर यांची शाब्दिक चकमक

    मनपा हद्दीतील जयंत टॉकीज चौक ते खिश्चन कॉलनीकडे जाणाऱ्या रस्त्यालगत दर रविवार ला संडे मार्केट या नांवाने बाजार भरत असून, त्यांत विविध तात्पुरत्या स्वरुपाची दुकाने, हातठेले, फेरीवाल्यांची दुकाने लावण्यांत येत असतात. येत्या रविवारी दिनांक २३ नोव्हेंबर रोजी महाराष्ट्र राज्य शिक्षक पात्रता परीक्षा २०२५ (MAHATET) होणार आहे.

      सदर परीक्षेची केंद्रे या परिसरातील न्यु इंग्लीश हायस्कुल, ज्युबली हायस्कुल व मराठी सिटी/हिंदी सिटी हायस्कुल येथे देण्यात आली असल्याने येथे मोठया प्रमाणात विद्यार्थी येणार आहे. तसेच सदरील परिसरात नागरिकांची प्रचंड गर्दी असण्याची शक्यता असतांना संडे मार्केट मधील गर्दीमुळे काही दुर्घटना होण्याची शक्यता नाकारली जाऊ शकत नाही. त्यामुळे सदर ठिकाणी दर रविवारला भरणारे संडे मार्केट बंद ठेवण्याचे निर्देश प्रशासनाने दिले आहेत. 

  • vikrant sahare demand for local employment । शासकीय वैद्यकीय महाविद्यालयात स्थानिकांना रोजगार द्या – युवासेना जिल्हाप्रमुख विक्रांत सहारे

    vikrant sahare demand for local employment

    vikrant sahare demand for local employment : चंद्रपूर १८ नोव्हेम्बर (News३४) – चंद्रपूर शहरात जानेवारी २०२६ मध्ये शासकीय वैद्यकीय महाविद्यालयाच्या नव्या इमारतीचे लोकार्पण होणार आहे, तत्पूर्वी डिसेम्बर महिन्यात भव्य अश्या कॅन्सर हॉस्पिटलचे सुद्धा लोकार्पण होणार असून या नव्या आरोग्यदायी विभागात अनेक बेरोजगार तरुण-तरुणींना रोजगार मिळणार आहे. चंद्रपुरातील सुशिक्षित बेरोजगारांना या शासनाच्या प्रकल्पात रोजगार मिळावा यासाठी युवासेना जिल्हाप्रमुख विक्रांत सहारे यांनी शासकीय वैद्यकीय महाविद्यालयाचे अधिष्ठाता यांची भेट घेऊन निवेदन सादर केले आहे.

    Read Also : चंद्रपुरात रस्त्यावर सुरु झाला राजकीय तमाशा

    चंद्रपूर शासकीय वैद्यकीय महाविद्यालयात मोठ्या प्रमाणात मनुष्यबळाची गरज आहे, त्यासाठी कंत्राटी पद्धतीने जागा भरण्यास सुरुवात झाली असून चंद्रपूर शहरातील बेरोजगार तरुण तरुणींना स्थानिकांना ८० टक्के रोजगार या नियमाच्या अधीन राहून बेरोजगारांना रोजगार द्यावा अशी मागणी युवासेना जिल्हाप्रमुख विक्रांत सहारे यांनी अधिष्ठाता यांच्याकडे केली आहे.

    १५ नोव्हेम्बर रोजी सहारे यांनी अधिष्ठाता यांची भेट घेत आपल्या मागण्यांचे निवेदन दिले, यावर त्यांनी सकारात्मता दर्शवित स्थानिकांना या रोजगार प्रक्रियेत सामील करणार असे आश्वासन दिले असून शासकीय वैद्यकीय महाविद्यालयात स्थानिकांना रोजगार मिळेल अशी आशा बेरोजगारांच्या मनात निर्माण झाली आहे. या मागणीवर बेरोजगारांनी विक्रांत सहारे यांचे आभार मानले आहे.

  • MLA vs ex corporator argument video । MLA विरुद्ध माजी नगरसेवक! रस्त्याच्या कामावरून रयतवारीत तुफान वाद

    MLA vs ex corporator argument video

    MLA vs ex corporator argument video : चंद्रपूर १८ नोव्हेम्बर (News३४) – चंद्रपूर शहरातील रयतवारी भागात रस्त्याच्या कामावरून आमदार जोरगेवार व कांग्रेसचे माजी नगरसेवक राजेश अडूर हे दोघे भिडल्याचा व्हिडीओ सध्या समाजमाध्यमात सर्वत्र व्हायरल झाला आहे. या व्हिडीओ मध्ये राजेश अडूर यांनी २०० युनिट बाबत विचारले असता आमदार जोरगेवार यांचा चांगलाच पारा चढला.

    Read Also : प्रेम प्रकरण चिघळले, प्रियकराने केली प्रेयसीच्या पतीची हत्या, चंद्रपूर हादरले

    महाविकास आघाडी सरकारच्या काळात रयतवारी भागातील रस्ता मंजूर करण्यात आला होता, मात्र कामात विलंब झाला, काही महिन्यांनी सरकार कोसळले, शिंदे सरकार सत्तेवर आली आणि महाविकास आघाडी सरकारमधील कामे थांबविण्यात आली, त्याबाबत अडूर यांनी पाठपुरावा करीत रस्त्याचे काम सुरु केले, मात्र रस्त्याचे काम पूर्णत्वास येत असताना आमदार जोरगेवार कार्यकर्त्यांसह त्याच रस्त्याच्या भूमिपूजनाच्या कामासाठी पोहचले.

    भूमिपूजन कार्यक्रम स्थळी जोरगेवार दाखल झाले असता अडूर आपल्या समर्थकांसह पोहोचले आणि भूमिपूजन होऊ देणार नाही अशी भूमिका घेतली, आधी जोरगेवार यांनी शांतपणे म्हणणे ऐकून घेतले. शासनाचे काम असल्याने व माझ्या विधानसभेतील विकासकाम असल्याने मी भूमिपूजन करण्यासाठी याठिकाणी आलो असे सांगितले. मात्र अडूर यांनी तटस्थ भूमिका घेत कार्यक्रम होऊ देणार नाही यावर ठाम राहिले. MLA vs ex corporator argument video

    वाद वाढत गेला आणि अडूर यांनी आमदार जोरगेवार यांच्या २०० युनिट बाबत प्रश्न उपस्थित करीत आधी ते आश्वासन पूर्ण करा असे म्हटले असता जोरगेवार यांचा पारा चढला, शाब्दिक चकमक वाढत गेली, २०० युनिट पाहिजे असेल तर न्यायालयात जाऊन केस कर मी माझे उत्तर देतो असे जोरगेवार म्हणाले. मी जाणार न्यायालयात आणि जाब विचारणार असे उत्तर अडूर यांनी दिले.

    वाद व शाब्दिक चकमकीत भूमिपूजन पार पडले मात्र रयतवारी मधील नागरिकांना रस्त्याच्या कामासाठी आमदार जोरगेवार व माजी नगरसेवक अडूर रस्त्यावर भिडल्याचे दृश्य मनोरंजक दृश्य म्हणून आनंद घेऊ लागले, शाब्दिक चकमकीचा हा व्हिडीओ समाज माध्यमावर चांगलाच व्हायरल झाला आहे.

    ही राजकीय स्टंटबाजी – आमदार जोरगेवार

    सदर कार्यक्रम हा शासकीय प्रोटोकॉल प्रमाणे होता, जेव्हा शासन काही कार्यक्रमाचे आयोजन करते त्यावेळी सर्व जनप्रतिनिधींना नियमाप्रमाणे आमंत्रण दिले जाते, माझ्या विधानसभा क्षेत्रातील कार्यक्रम असल्याने मला जावे लागले, मनपा निवडणूक असल्याने अडुर यांनी राजकीय स्टंटबाजी केली.

  • Nagpur graduate constituency voter list update । नागपूर विभाग पदवीधर मतदारसंघ; मतदार यादीचा सुधारीत पुनरिक्षण कार्यक्रम जाहीर

    Nagpur graduate constituency voter list update

    Nagpur graduate constituency voter list update : चंद्रपूर,  दि. १८ (News३४) : भारत निवडणूक आयोगाने 1 नोव्हेंबर 2025 या अर्हता दिनांकावर आधारित नागपूर विभागातील पदवीधर मतदारसंघासाठी नव्याने मतदार याद्या तयार करण्याकरीता सुधारीत कार्यक्रम घोषित केला आहे. सदर पुनरिक्षण कार्यक्रम पुढीलप्रमाणे आहे.

    Read Also : लाडकी बहीण योजना, केवायसी साठी मुदतवाढ द्या – आमदार मुनगंटीवार

    1) मतदार नोंदणी अधिनियम, 1960 चे कलम 31 (3) अन्वये जाहीर सुचना प्रसिध्द करण्याचा दिनांक 30 सप्टेंबर 2025, 2) कलम 31 (4) अन्वये वर्तमानपत्रातील नोटीसीची प्रथम पुर्ण प्रसिध्दी 15 ऑक्टोबर 2025 रोजी, 3) वर्तमानपत्रातील नोटीसीची द्वितीय पुर्नप्रसिध्दी 25 ऑक्टोबर 2025 रोजी, 4) प्रकरणपरत्वे नमुना 18 द्वारे दावे व हरकती स्वीकारण्याचा दिनांक 6 नोव्हेंबर 2025, 5) हस्तलिखिते तयार करणे व प्रारुप मतदार याद्यांची छपाई 28 नोव्हेंबर,

    6) प्रारुप मतदार याद्यांची प्रसिध्दी 3 ‍डिसेंबर रोजी, 7) दावे व हरकती स्वीकारण्याचा कालावधी (मतदार नोंदणी अधिनियम 1960 चे कलम 12 अंतर्गत) 3 ते 18 डिसेंबर 2025 पर्यंत, 8) दावे व हरकती निकाली काढण्याचा दिनांक व पुरवणी यादी तयार करणे व छपाई करणे 5 जानेवारी 2026 रोजी आणि 9) मतदार यादीची अंतिम प्रसिध्दी 12 जानेवारी 2026 रोजी करण्यात येईल. Nagpur graduate constituency voter list update

    नागपूर विभाग पदवीधर मतदारसंघाच्या मतदार यादीमध्ये नाव समाविष्ट करण्याबाबत दावे व हरकती 3 ते 12 डिसेंबर 2025 या कालावधीत स्वीकरण्यात येणार आहे. आपले नाव पदवीधर मतदारसंघाच्या मतदार यादीत समाविष्ट करण्याकरीता पात्र असलेल्या पदवीधर मतदारांनी विहित नमुन्यात अर्ज सादर करण्याचे आवाहन सहायक मतदार नोंदणी अधिकारी, नागपूर विभाग पदवीधर मतदारसंघ तथा जिल्हाधिकारी विनय गौडा जी.सी. यांनी केले आहे.

  • husband murdered by wife lover । पत्नीच्या प्रियकराचा भयावह बदला; पतीची हत्या, ९ वर्षांची मुलगी पोरकी

    husband murdered by wife lover

    husband murdered by wife lover : कोरपना १८ नोव्हेम्बर (News३४) – प्रेम संबंधात अडचण ठरणाऱ्या पतीची पत्नीच्या प्रियकरानी हत्या केल्याची घटना रविवार दिनांक १६ रोजी कोरपना तालुक्यातील नारंडा येथिल एका नाल्याजवळ सायंकाळच्या सुमारास घडली. नितेश रामदास वाटेकर रा. नारडा असे मृतकाचे आहे. नितेशचे वनसडी येथे हेअर सलून चे दुकान चालवीत होता. तो आपल्या दुचाकीने आपल्या स्वगावी नारंडा येथे अपडाऊन करायचा. रात्रीचे नऊ वाजून ही तो परतला नव्हता.

    Read Also : मुनगंटीवार यांची मागणी पूर्ण, लाडक्या बहिणींना दिलासा

    याच दरम्यान गावातील काहींनी व्यक्तींनी नारंडा येथील खडकया नाल्याजवळ दुचाकीसह नितेश पडून असल्याचे सांगितले. यावरून त्याचा भाऊ सतीश यांनी जाऊन पाहिले असता. त्याच्या डोक्याला गंभीर मारहाण झाल्याचे दिसून आले. त्यांनी लागलीच ग्रामीण रुग्णालय कोरपना येथे नेले असता डॉक्टरांनी मृत झाल्याचं सांगितले. सन २०२२ पासून नितेश हा गडचांदूर येथे आपल्या पत्नी व मुलीसह किरायाणे राहत होता.याच दरम्यान बादल सोनी नामक व्यक्तीशी नितेशच्या पत्नीचे प्रेम संबंध जुळले होते. husband murdered by wife lover

    गणपती उत्सव दरम्यान यामुळेच नितेश आणि बादल यांच्यात वाद सुद्धा झाला होता. त्यावेळी बादल ने नितेश ला जीवे मारण्याची धमकी दिली होती. नितेशची पत्नी साधना ही गडचांदूर पोलीस ठाण्यात तक्रार देण्यास गेली होती. त्यावेळी बादल नी माफी मागितल्याने व पुढे त्रास देऊ नको असे साधनाच्या भावाने समजवल्यानंतर वादावर पडदा पडला होता. कुटुंब उध्वस्त होऊ नये म्हणून साधनाने तक्रार मागे घेतली होती.

    १६ नोव्हेम्बर रोजी काय घडलं?

    १० वर्षांपूर्वी नितेशचे लग्न झाले होते, साधना व नितेश यांना ९ वर्षाची मुलगी आहे, या सुखी संसाराला ३ वर्षांपूर्वी बादल सोनी ची वक्रदृष्टी लागली, बादल व साधना चे प्रेमसंबंध जुळले, याची चाहूल नितेश ला लागली तो दोघांपासून वैतागला होता, त्याने गडचांदूर सोडत नारंडा मध्ये रहायला आला, वनसडी जवळ त्याने लहान सलून चे दुकान लावत कूटुंबाचा गाडा चालवू लागला. मात्र बादल हा साधना च्या प्रेमात वेडसर झाला होता. तो साधना ला भेटायला यायचा. तुझ्या पतीचा काटा काढावा लागेल कारण त्याच्यामुळे आपण भेटू शकत नाही, असे बादल साधना जवळ नेहमी म्हणत होता. husband murdered by wife lover

    १६ नोव्हेम्बर रोजी बादल व त्याचा मित्र दुचाकीने चौकात येऊन नितेश ची वाट बघत होते, नितेश घरून निघतो कधी व घरी परत कधी येतो याची पूर्ण माहिती बादल ला होती. चौकात दुचाकी लावून दोघे खडक्या नाल्याजवळील मार्गावर नितेश ची वाट बघत होते, नितेश त्यांना दुचाकीने येताना दिसला, धावत्या दुचाकीवर अंधारात बादल ने नितेशच्या डोक्यावर लहान हातोडी ने वार केला, अचानक झालेल्या वाराने नितेश दुचाकीसह कोसळला. नितेश ला बादल ने साधना व त्याचे फोटो दाखवीत आम्ही एकमेकांवर खूप प्रेम करतो, तुझ्यामुळे आम्ही एक होऊ शकत नाही.

    नितेश जखमी अवस्थेत बादल ला म्हणाला कि उद्या कुटुंबासह चर्चा करीत मी साधना ला सोडचिठ्ठी देतो, त्यानंतर तुम्ही काय ते करा, मात्र नितेश हा जखमी असल्याने बादल ला वाटलं कि हा पोलिसात तक्रार देणार, त्यामुळे बादल ने नितेश चा गळा आवळला, गळ्यातील हड्डी मोडल्याने नितेश गतप्राण झाला. मात्र आरोपी इतक्यावर थांबले नाही त्यांनी नितेश ला खांद्यावर घेत नाल्याजवळ येऊन टाकले. सदर घटना अपघात वाटावी यासाठी आरोपींनी पूर्ण प्रयत्न केला. husband murdered by wife lover

    रात्री हि घटना गावात पसरली, सर्वाना हि घटना अपघात आहे असं वाटलं, कोरपना पोलीस निरीक्षक लता वाडीवे व त्यांच्या पोलीस चमूने घटनास्थळाची सखोल पाहणी केली, मोबाईल जवळ व मार्गावर काही ठिकाणी रक्ताचे डाग आढळून आले. पोलिसांनी पुरावे गोळा केले आणि डॉक्टरांनी दिलेल्या अहवालात मृतकाचा गळा आवळला असल्याची माहिती प्राप्त होताच कोरपना पोलिसांनी बादल सोनी व त्याचा मित्र तुषार येनगंटीवार ला अटक केली असून पोलिसांनी मृतकाचे पत्नी साधना वाटेकर ला सुद्धा ताब्यात घेतले आहे, साधना चा सुद्धा या प्रकरणी सहभाग असल्याचे आढळून आले आहे. साधना व बादल च्या प्रेम प्रकरणात पती नितेश चा बळी गेला मात्र यामध्ये ९ वर्षाची मुलगी पोरकी झाली. husband murdered by wife lover

    आरोपीवर भारतीय न्याय संहिता ( बी एन एस ) २०२३ कलम १०३(१),३(५) अन्वये गुन्हा दाखल करण्यात आला आहे. सदर घटनेचा पुढील तपास पोलीस निरीक्षक लता वाडीवे यांच्या मार्गदर्शनाखाली पोलिस उपनिरीक्षक देवानंद केकन व कोरपना पोलीस करीत आहे.

  • Ghugghus BJP Nomination Rally । भव्य शक्ती प्रदर्शनासह आमदार किशोर जोरगेवार यांच्या उपस्थितीत उमेदवारांनी दाखल केले नामांकन अर्ज

    Ghugghus BJP Nomination Rally

    Ghugghus BJP Nomination Rally : घुग्घूस १७ नोव्हेम्बर (News३४) : घुग्घूस नगरपरिषद निवडणुकीसाठी अर्ज दाखल करण्याचा शेवटच्या दिवशी भारतीय जनता पक्षातर्फे आमदार किशोर जोरगेवार यांच्या उपस्थितीत भाजपाच्या सर्व उमेदवारांनी भव्य शक्ती प्रदर्शन करत मिरवणूक काढली त्यानंतर  नगरपरिषद कार्यालयात पोहोचून सर्व उमेदवारांनी नामांकन अर्ज दाखल केले. यावेळी नगराध्यक्ष पदासाठी शारदा दुर्गम यांनी अधिकृतरीत्या भारतीय जनता पक्षा तर्फे अर्ज सादर केला.

    Read Also : ब्रह्मपुरीत कांग्रेस-वंचित आघाडीचे शक्तिप्रदर्शन, २४ उमेदवारांनी दाखल केला उमेदवारी अर्ज

    सोमवारी दुपारी छत्रपती शिवाजी महाराज चौकातून सुरुवात झालेल्या या मिरवणुकीने संपूर्ण घुग्घूस शहरात निवडणुकीचा रंग आणला. बँक ऑफ इंडिया चौक, गांधी चौक आणि पंचशील चौक मार्गे जात ही रॅली थेट नगरपरिषद कार्यालयात दाखल झाली. ढोल-ताशांचा दणदणाट, घोषणाबाजी आणि भारतीय जनता पक्षाच्या विकासाभिमुख भूमिकेचा जयघोष यामुळे परिसरातील वातावरण उत्साहपूर्ण झाले होते. पक्षाचे पदाधिकारी, महिला, युवक आणि विविध समाजघटकांतील नागरिक मोठ्या संख्येने उपस्थित होते. नगरपरिषद कार्यालयात पोहोचल्यानंतर सर्व उमेदवारांनी नामांकन अर्ज दाखल करण्याची प्रक्रिया पूर्ण केली. Ghugghus BJP Nomination Rally

    यावेळी कार्यकर्त्यांना संबोधित करताना आमदार किशोर जोरगेवार म्हणाले, घुग्घूसची ही निवडणूक केवळ स्थानिक स्वराज्य संस्थेची निवडणूक नसून शहराच्या भविष्याचा निर्णायक टप्पा आहे. घुग्घूसचा सर्वांगीण विकास, नागरिकांच्या मूलभूत सुविधा, रस्ते, पाणीपुरवठा, स्वच्छता, आरोग्य व रोजगारनिर्मिती या सर्व क्षेत्रांतील प्रगती हीच भारतीय जनता पक्षाची प्राथमिकता आहे.

    ते पुढे म्हणाले, घुग्घूसमध्ये आजवर झालेल्या कामांची यादी मोठी आहे. नागरिकांनी दाखविलेला विश्वास हा आमच्या विकासकार्यासाठी महत्त्वाचा प्रेरणास्रोत आहे. भाजपाच्या उमेदवारांमध्ये प्रामाणिकपणा, काम करण्याची क्षमता आणि जनतेशी असलेला आत्मीय संवाद हीच आमची ताकद आहे.

    शारदा दुर्गम या अभ्यासू, समर्पित आणि सर्व समाजमन जिंकणाऱ्या नेत्या आहेत. त्यांच्या नेतृत्वात घुग्घूस शहर सर्वसमावेशक विकासाची नवीन उंची गाठेल, असा विश्वास आमदार जोरगेवार यांनी व्यक्त केला.

    यावेळी महानगर अध्यक्ष सुभाष कासनगोट्टूवार, घुग्घूस शहर अध्यक्ष संजय तिवारी, विवेक बोढे, घुग्घूस निवडणूक प्रमुख प्रकाश देवतळे यांच्यासह भाजपाचे पदाधिकारी, विविध आघाड्यांचे प्रतिनिधी, महिला मोर्चा व युवा मोर्चा पदाधिकारी, कार्यकर्ते तसेच नागरिक मोठ्या संख्येने उपस्थित होते. Ghugghus BJP Nomination Rally

    हे आहेत भाजपचे उमेदवार…

    नगराध्यक्ष पदासाठी उमेदवार – शारदा मोहन दुर्गम, प्रभाग क्रमांक १ शास्त्रीनगर-आंबेडकर नगर प्रभाग – अ – प्रेमा तगरपवार, ब – विशाल दामेर, प्रभाग क्रमांक २ रामनगर – अ – राजकुमार गोडशेलवार, ब – सरिता इसारप, प्रभाग क्रमांक ३ अ – सुचिता लुटे, ब – शिवराजन गोहणे, प्रभाग क्रमांक ४ अ – विवेक बोढे, ब – चैताली सातपुते, प्रभाग क्रमांक ५ अ – रुपेश कोहळे, ब – पल्लवी सोदारी, प्रभाग क्रमांक ६ अ – कविता तकल्ला, ब – संतोष नुने, प्रभाग क्रमांक ७ अ – गणेश पिंपळकर, ब – मधू तिवारी, प्रभाग क्रमांक ८ अ – शीतल आत्राम, ब – प्रकाश बोबडे, प्रभाग क्रमांक ९ अ – मीना मोरपाका, ब – वैशाली ढवस, प्रभाग क्रमांक १० अ – हेमंत पाझारे, ब – नितु चौधरी, प्रभाग क्रमांक ११ अ – आशिष मासिरकर, ब – सुनीता पाटील.

  • Congress Vanchit alliance municipal elections । वडेट्टीवार यांच्या नेतृत्वाखाली ब्रम्हपुरीत शक्तीप्रदर्शन; नगराध्यक्ष व २४ उमेदवारांचे नामांकन दाखल

    Congress Vanchit alliance municipal elections

    Congress Vanchit alliance municipal elections : ब्रह्मपुरी १७ नोव्हेम्बर (News३४) – संपूर्ण राज्यात निवडणुकीची धामधूम सुरू असताना आज नामांकन दाखल करण्याच्या अंतिम दिनी राज्याचे माजी विरोधी पक्षनेते तथा विधिमंडळ पक्षनेते आ. विजय वडेट्टीवार यांच्या प्रमुख उपस्थितीत हजारों कार्यकर्त्यांच्या साक्षीने ब्रम्हपुरी नगरपरिषदेच्या सार्वत्रिक निवडणुकीकरिता काँग्रेस व वंचित बहुजन आघाडी प्रणित पॅनलचे नगराध्यक्ष पदासह एकूण २४ उमेदवारांचे नामांकन दाखल करण्यात आले.

    Read Also : माझी लाडकी बहीण योजनेच्या ई-केवायसी ला मुदतवाढ द्या – आमदार मुनगंटीवार

    आज सकाळपासूनच संपूर्ण ब्रह्मपुरी शहरांमध्ये नामांकन दाखल करण्याची उत्सुकता शिगेला पोहोचली होती.तर आज नामांकन दाखल करण्याच्या अंतिम दिनी विधिमंडळ पक्षनेते आ. विजय वडेट्टीवार यांच्या ब्रह्मपुरी येथील जनसंपर्क कार्यालय ते नगरपरिषद कार्यालय पर्यंत हजारोंच्या संख्येने उपस्थितीत विधिमंडळ पक्षनेते आ. विजय वडेट्टीवार यांच्या नेतृत्वाखाली स्थानिक नेते, तालुका पदाधिकारी व कार्यकर्त्यांच्या प्रमुख उपस्थितीत ढोल ताशांच्या गजरात पदयात्रा काढून नगराध्यक्ष व नगरसेवक पदाकरिता नामांकन दाखल करण्यात आले. ब्रह्मपुरी शहरात स्थानिक पातळीवर काँग्रेस आणि वंचित बहुजन आघाडी पक्षाची आघाडी झाल्याने आज वंचित बहुजन आघाडीचे उमेदवार यांनी देखील नामांकन अर्ज सोबतच दाखल केले. Congress Vanchit alliance municipal elections

    public rally during municipal nomination

    यात नगराध्यक्ष पदासाठी काँग्रेस व वंचित बहुजन आघाडीचे उमेदवार म्हणून योगेश मिसार यांनी नामांकन दाखल केले. तर नगर सेवक पदाकरीता प्रभाग १ (अ)सौ. काजल राजेश तलमले, (ब)चंद्रकांत ज्ञानेश्वर बावनकुळे, प्रभाग २ (अ)सौ. बबीता किशोर आमले,(ब)प्रकाश शामराव खोब्रागडे, प्रभाग ३ (अ)मनोज प्रभाकर कावळे (ब) सौ. रेणुताई राहुल ठेंगरी, प्रभाग ४ (अ) डॉ.प्रेमलाल मेश्राम (ब) सौ. जयश्री दिलीप कुथे,

    प्रभाग ५ (अ)सतिश ज्ञानेश्वर हुमने,(ब)सौ. रंजना नंदू पिसे, प्रभाग ६ (अ) हेमलता सिंहगडे (ब) जगदिश नंदूजी पिलारे, प्रभाग ७ (अ) गिता मेश्राम (ब)सचिन केवळराम राऊत, प्रभाग ८ (अ) पुष्पलता सुधाकर पोपटे,(ब)नितीन जनार्धन उराडे, प्रभाग ९ (अ)अनिल श्रीराम दोनाडकर, (ब)सौ. सपना संजय बल्लारपूरे, प्रभाग १० (अ) राकेश रामचंद्र पडोळे, (ब)सौ. ज्योती मुकुंदा राऊत, प्रभाग ११ (अ) सौ. माधुरी सोमेश्वर उपासे, (ब) सौ. रंजना गिरीश बुराडे, (क) सारंग रमेश बनपुरकर या उमेदवारांच्या समावेश आहे. Congress Vanchit alliance municipal elections


    काँग्रेस व वंचित आघाडीच्या उमेदवारांची नामांकन दाखल करतेवेळी प्रामुख्याने काँग्रेसचे ज्येष्ठ नेते प्राचार्य देविदास जगनाडे, तालुका काँग्रेस कमिटी अध्यक्ष खेमराज तिडके, शहराध्यक्ष हितेंद्र राऊत, माजी जिल्हा परिषद सदस्य डॉ. राजेश कांबळे, प्रमोद चिमूरकर, कृषी उत्पन्न बाजार समिती सभापती प्रभाकर सेलोकर , प्रदेश सचिव डॉ. थानेश्वर कायरकर, जिल्हा बँक संचालक दामोदर मिसार, जिल्हा काँग्रेस सचिव वासु सोंदरकर, ऋषींजी राऊत, फाल्गुन राऊत, सोनू नाकतोडे, गाजी पटेल, इकबाल जेसानी, माजी नगराध्यक्ष वनिता ठाकूर, बालू पिसे, संजय ठाकूर, अण्णा ठाकरे,महिला काँग्रेस शहराध्यक्ष योगिता आमले, कृऊबा उपसभापती सुनीता तिडके वंचित बहुजन आघाडीचे नेते लिलाधर वंजारी, तथा तालुका काँग्रेस व वंचित बहुजन आघाडीचे सर्व पदाधिकारी कार्यकर्ते प्रामुख्याने उपस्थित होते.

  • Mazi Ladki Bahin Yojana eKYC latest update । ‘माझी लाडकी बहिण’ योजनेच्या eKYC ला ३० दिवसांची मुदतवाढ द्या – आमदार मुनगंटीवार यांची मुख्यमंत्र्यांकडे मागणी

    Mazi Ladki Bahin Yojana eKYC latest update

    Mazi Ladki Bahin Yojana eKYC latest update : चंद्रपूर १७ नोव्हेम्बर (News३४) : महाराष्ट्रातील कोट्यवधी बहिणींना आर्थिक स्थैर्य आणि सुरक्षिततेचा आधार ठरलेली ‘माझी लाडकी बहिण’ योजनेअंतर्गत लाभ मिळविण्यासाठी आवश्यक असलेली ई-केवायसी प्रक्रिया पूर्ण करण्याची अंतिम मुदत १८ नोव्हेंबर २०२५ आहे. मात्र विविध तांत्रिक अडचणींमुळे मोठ्या प्रमाणावर लाभार्थींना ही प्रक्रिया वेळेत पूर्ण करता येत नसल्याने ई-केवायसीसाठी किमान ३० दिवसांची मुदतवाढ देणे अत्यावश्यक असल्याची मागणी राज्याचे माजी वने व सांस्कृतिक कार्य मंत्री आमदार सुधीर मुनगंटीवार यांनी मुख्यमंत्री देवेंद्रजी फडणवीस यांच्याकडे केली आहे.

    Read Also : घुग्गुस नगर परिषद निवडणूक, शारदा दुर्गम यांना नगराध्यक्षपदाची उमेदवारी

    या संदर्भात आमदार सुधीर मुनगंटीवार यांनी मुख्यमंत्री देवेंद्रजी फडणवीस तसेच महिला व बालविकास विभागाचे सचिव अनुपकुमार यादव यांच्याशी दूरध्वनीवरून चर्चा केली असून, या चर्चेला सकारात्मक प्रतिसाद मिळाला आहे. तसेच महिला व बालकल्याण मंत्री आदितीताई तटकरे यांना पत्राद्वारे तातडीने निर्णय घेण्याची विनंती करण्यात आली आहे. Mazi Ladki Bahin Yojana eKYC latest update

    राज्यभरातून मोठ्या प्रमाणावर लाभार्थी बहिणी ई-केवायसी प्रक्रिया पूर्ण करत असताना मोबाईलवर आधार ओटीपी येण्यात सातत्याने होणारा विलंब, ग्रामीण भागातील इंटरनेट समस्या, सेवा केंद्रांवरील वाढती गर्दी आणि तांत्रिक अडचणींमुळे नोंदणी वारंवार अयशस्वी होत असल्यामुळे हजारो महिलांची ई-केवायसी प्रक्रिया अद्याप प्रलंबित आहे.ई-केवायसी वेळेत पूर्ण न झाल्यास ‘माझी लाडकी बहिण’ योजनेचा लाभ थांबेल का, या भीतीने लाभार्थी महिलांमध्ये प्रचंड चिंतेचे वातावरण निर्माण झाले आहे. या परिस्थितीची माहिती मिळताच आमदार सुधीर मुनगंटीवार यांनी तातडीने राज्याचे मुख्यमंत्री देवेंद्रजी फडणवीस यांच्याकडे मुदतवाढ देण्याची मागणी केली आहे. यासंदर्भात मुख्यमंत्री देवेंद्रजी फडणवीस यांनी सकारात्मक प्रतिसाद दिला आहे.

    आ. सुधीर मुनगंटीवार यांनी नमूद केले की,माझी लाडकी बहिण’ ही योजना म्हणजे राज्यातील कोट्यवधी बहिणींसाठी केवळ आर्थिक मदत नसून त्यांच्या जीवनातील स्थैर्य, आत्मविश्वास आणि सुरक्षेची हमी आहे. तांत्रिक कारणांमुळे एकही पात्र महिला लाभापासून वंचित राहू नये. यासाठी ई-केवायसी प्रक्रियेस किमान ३० दिवसांची मुदतवाढ देणे अत्यंत आवश्यक आहे.लाखो महिलांचे हक्काचे आर्थिक सहाय्य थांबू नये, हा मुख्य उद्देश असून ई-केवायसीसाठीची अंतिम मुदत ३० दिवसांनी वाढविण्याचा निर्णय तातडीने घेण्यात यावा,अशी आग्रही मागणी आमदार मुनगंटीवार यांनी मुख्यमंत्री , महिला व बालकल्याण मंत्री आणि महिला व बालविकास विभागाचे सचिव यांच्याकडे केली आहे. Mazi Ladki Bahin Yojana eKYC latest update

    आ. सुधीर मुनगंटीवार हे नेहमी जनतेच्या समस्या समजून घेत त्यावर तात्काळ उपाययोजना करणारे संवेदनशील नेते म्हणून ओळखले जातात. कोणत्याही योजनेचा उद्देश पूर्ण व्हावा आणि पात्र लाभार्थ्यांना वेळेत मदत मिळावी, यासाठी ते सातत्याने प्रयत्नशील असतात. ‘माझी लाडकी बहिण’ योजनेतील महिलांना तांत्रिक समस्यांचा सामना करावा लागत असल्याची माहिती मिळताच त्यांनी कोणताही विलंब न करता थेट मुख्यमंत्री, मंत्री आणि विभागाचे सचिव यांच्याशी पत्र लिहून दूरध्वनीद्वारे संवाद साधला आणि लाखो महिलांना लाभाचा प्रवाह खंडित होऊ नये म्हणून ई-केवायसी प्रक्रियेस मुदतवाढ देण्याची ठाम भूमिका मांडली. जनतेच्या प्रश्नांवर संवेदनशीलतेने प्रतिसाद देऊन प्रभावीपणे पाठपुरावा करणे ही त्यांची कार्यशैली असून, हिच बाब यानिमित्ताने पुन्हा एकदा अधोरेखित झाली आहे, हे विशेष.

  • BJP candidate post of Municipal President । नगराध्यक्षपदाच्या उमेदवार; घुग्घूस नगराध्यक्षपदाकरिता शारदा दुर्गम मैदानात

    BJP candidate post of Municipal President

    BJP candidate post of Municipal President : घुग्घूस 17 नोव्हेम्बर (News34) : घुग्घूस नगरपरिषद निवडणुकांसाठी अर्ज दाखल करण्याचा आज शेवटचा दिवस असून, अंतिम टप्प्यात राजकीय घडामोडींना वेग आला आहे. भारतीय जनता पार्टीने नगराध्यक्ष पदासाठी आपल्या अधिकृत उमेदवार म्हणून शारदा उर्फ पूजा दुर्गम यांची निवड जाहीर केली आहे.

    Read Also : चंद्रपूर महानगरपालिका निवडणूक, भाजपकडे इच्छुकांची गर्दी

    आमदार किशोर जोरगेवार यांच्या प्रमुख उपस्थितीत ही घोषणा करण्यात आली. यावेळी महानगर अध्यक्ष सुभाष कासनगोट्टुवार, घुघूस शहर अध्यक्ष संजय तिवारी यांच्यासह पक्षाच्या कार्यकर्त्यांची उपस्थिती होती. उमेदवारी जाहीर होताच भाजप कार्यकर्त्यांमध्ये उत्साहाचे वातावरण निर्माण झाले. शारदा दुर्गम या गेल्या अनेक वर्षांपासून सामाजिक व स्थानिक प्रश्नांवर सक्रिय असून, स्थानिक महिलांमध्ये त्यांचा चांगला संपर्क व कार्याचा ठसा असल्याने पक्षाने त्यांच्यावर विश्वास दाखवला आहे. BJP candidate post of Municipal President

    घुघूस शहरातील पाणीपुरवठा, रस्ते-विकास, कचरा व्यवस्थापन, आरोग्य सुविधा, रोजगाराच्या संधी अशा विविध प्रलंबित प्रश्नांना गती देण्यासाठी सक्षम व पारदर्शक नेतृत्व आवश्यक असल्याचे आमदार जोरगेवार यांनी सांगितले. घुघूसच्या सर्वांगीण विकासासाठी शारदा दुर्गम यांना नगराध्यक्षपदासाठी आम्ही अधिकृत उमेदवार म्हणून पुढे केले आहे. लोकांना विश्वास देणारे नेतृत्व देणे हाच उद्देश आहे, असेही ते म्हणाले.

    उमेदवारी जाहीर झाल्यानंतर शारदा दुर्गम यांनी पक्ष नेतृत्वाचे आभार मानत, नागरिकांच्या विश्वासाला पात्र ठरण्यासाठी सर्वतोपरी प्रयत्न करणार असल्याचे सांगितले. घुघूस नगरपरिषद निवडणुकीत आता भाजपने उमेदवारी स्पष्ट केल्याने राजकीय वातावरण आणखी तापण्याची शक्यता आहे. इतर पक्ष आणि उमेदवारांकडून कोणती भूमिका घेतली जाते, याकडे स्थानिकांचे लक्ष लागले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by