My Blog

Tag: MH34

  • youth joining congress party । “शंतनू धोटेंच्या नेतृत्वावर विश्वास; चंद्रपूरातील कर्तृत्ववान युवकांचा युवक काँग्रेसमध्ये प्रवेश!”

    youth joining congress party

    “राजकीय अस्थैर्य, बेरोजगारी आणि वाढत्या जातीय तणावाच्या पार्श्वभूमीवर युवकांनी निवडली युवक काँग्रेसची वाट”

    youth joining congress party : चंद्रपूर :– चंद्रपूर जिल्हा युवक काँग्रेसचे जिल्हाध्यक्ष शंतनू अजय धोटे यांच्या नेतृत्वावर विश्वास व्यक्त करीत चंद्रपूर जिल्ह्य़ातील विविध गावातील अनेक कर्तृत्ववान युवकांनी युवक काँग्रेसमध्ये प्रवेश घेतला.

    चंद्रपूर जिल्ह्यात दारू दुकानाच्या परवाना वाटपात मोठा भ्रष्टाचार

    यावेळी युवक काँग्रेसचे जिल्हाध्यक्ष शंतनू धोटे व युवक कॉंग्रेस चे माजी सचिव राजीव खजांजी यांनी सर्वांना युवक काँग्रेसचे दुपट्टे देऊन सर्वांचे स्वागत केले. तसेच येणाऱ्या काळात विविध पक्षातील अनेक तरुण कार्यकर्ते हे युवक काँग्रेसमध्ये प्रवेश घेऊन काम करण्यास इच्छुक असल्याचेही त्यांनी सांगितले. यावेळी यावेळी चंद्रपूर जिल्हा युवक काँग्रेसचे माजी सचिव राजीव खाजांजी, यु. काँ. महासचिव हर्षल येलमुले यासह युवक काँग्रेसचे पदाधिकारी उपस्थित होते. Shantanu Dhote youth congress


    वाढती बेरोजगारी, महागाई तसेच सध्यास्थितीत वाढता जातीयवाद, अराजकता याला कंटाळून युवक काँग्रेसच्या मानवतावादी विचारधारेवर विश्वास व्यक्त करीत चंद्रपूर जिल्हातील विविध गावातील वेदांत प्रदीप देठे, आयुष बंडू सोनटक्के, श्रीनाथ लेटावार, चैतन्य पांडे, अमोल अड्बाले, तेजस देवगडे, नवीन एगुले, समशेर शाह, जय पेटला, शरद येड्लावार, जतीन पळ, क्रिष्णा तवारी, मोहम्मद अल्तमास शाह, पियुष गुडे, भारत कांबटकर, युगल मडावी, सिद्धार्थ कोंडागुरला यासह अनेक युवकांनी युवक काँग्रेसमध्ये पक्ष प्रवेश केला.

  • illegal liquor license Maharashtra । “दारू दुकानांच्या नावाखाली भ्रष्टाचार! आम आदमी पार्टीची SIT कडे कारवाईची मागणी”

    illegal liquor license Maharashtra

    illegal liquor license Maharashtra : चंद्रपूर जिल्ह्यात दारूबंदी उठवल्यानंतर उत्पादन शुल्क विभागाच्या तत्कालीन अधीक्षक संजय पाटील यांच्या कार्यकाळात मोठ्या प्रमाणावर नियमबाह्य देशी दारू व बिअर विक्री परवाने वितरित करण्यात आले. या परवान्यांचे वाटप करताना नियमानुसार आवश्यक असलेली कागदपत्रे, जागेची वैधता, पार्किंग व्यवस्था, धार्मिक स्थळांपासूनचे अंतर आदी बाबींकडे दुर्लक्ष करून केवळ आर्थिक व्यवहारांवर आधारित परवाने मंजूर करण्यात आले. illegal alcohol permits in Chandrapur

    भद्रावती तालुक्यात वाळू तस्करीला अभय

    बाबुपेठ परिसरात अशाच प्रकारे चार नवीन परवाने नियमबाह्य पद्धतीने देण्यात आले आहेत. अनेक बार चालकांकडे वाहन पार्कींगची कोणतीही व्यवस्था नसतानाही खोटे कागद तयार करून परवाने मिळविण्यात आले आहेत. काही मध्यविक्री दुकाने धार्मिक स्थळांच्या अगदी जवळ असूनही त्यांना नियम झुगारून परवाने देण्यात आले. ही गंभीर बाब असून त्यास जबाबदार असलेल्या तत्कालीन अधीक्षक संजय पाटील यांच्यावर कारवाई केली जावी, अशी मागणी आम आदमी पार्टीने केली आहे.

    राज्य शासनाने स्थापन केलेल्या विशेष तपास पथकाने (SIT) याची गंभीर दखल घेऊन अशा सर्व नियमबाह्य परवाने रद्द करावेत, आणि संबंधित अधिकाऱ्यांवर कठोर कारवाई करावी, अशी आम आदमी पार्टीची जोरदार मागणी आहे.

    यावेळी आम आदमी पार्टीचे युवा जिल्हाध्यक्ष राजू कुडे, जिल्हा सचिव प्रशांत सिदूरकर, शहर संघटनमंत्री संतोष बोपचे, महिला शहराध्यक्षा ऍड. तब्बसूम शेख आणि इतर पदाधिकारी उपस्थित होते.

  • Bhadravati sand mining news । “खबरदार! खबऱ्याचा कारनामा उघड: रोजच्या रोज रेती तस्करी, प्रशासन गप्प का?”

    Bhadravati sand mining news

    Bhadravati sand mining news : भद्रावती तालुक्यातील काही घाटातून अवैधरित्या रेती तस्करी करणाऱ्या ट्रॅक्टर व टिप्पर ची माहिती प्रशासनाला येथील खबऱ्या देऊन त्या माध्यमातून त्या वाहनावर कारवाई केली जाते त्यानंतर हाच खबऱ्या या घाटातून दररोज मोठ्या प्रमाणात रेती तस्करी करत असल्याचा प्रकार सुरू आहे.

    चंद्रपुरात सुगंधित तंबाखूचा साठा जप्त, वसीम, जयसुख व गुप्ता अजूनही मोकाट


    चंद्रपूर, वरोरा , भद्रावती पोलिसांचे काही अधिकारी महसूल विभागाचे अधिकारी , वन विभागाचे काही अधिकारी यांच्यासोबत या खबऱ्याने आपली चांगलीच ओळख निर्माण केली आहे मी उच्चशिक्षित व उद्योजक आहे असे भासवून हा प्रशासकीय अधिकाऱ्यांशी जवळीक साधतो त्यानंतर हा सगळा प्रकार करतो. sand mafia in Maharashtra

    गेल्या कित्येक महिन्यापासून हा पिपरी घाटातून गवराळा मार्गे चारगाव घाटातून विजासन मार्गे रात्रंदिवस बिनधास्त ट्रॅक्टर व टिप्पर द्वारे रेती तस्करी करतो याच्यावर प्रशासनाने आतापर्यंत एकही कारवाई केली नाही तसेच या खबऱ्याशी जे रेती तस्कर जोडले आहे त्यांनाही प्रशासनाचे अभय आहे जे रेती तस्कर याची ऐकत नाहीत त्यांची खबर प्रशासनाला देऊन त्यांच्यावर कारवाई करण्यास भाग पाडत आहे.

    तालुक्यातील पिपरी व चारगाव घाट या रेती तस्करांनी पूर्णपणे शासनाच्या करोडोच्या महसूल बुडविल आहे, पिपरी घाट पोकळ करून ठेवला आहे मात्र प्रशासन छोट्या छोट्या कारवाया करताना दिसत आहे मात्र या प्रकारामुळे मोठ्या तस्करांना यांचा आशीर्वाद असल्याचे दिसून येत आहे.

  • Mukhyamantri Yuva Karya Prashikshan Yojana । “मुख्यमंत्री युवा कार्य प्रशिक्षण योजना आता 11 महिन्यांची – प्रशिक्षणार्थ्यांसाठी सुवर्णसंधी!”

    Mukhyamantri Yuva Karya Prashikshan Yojana

    Mukhyamantri Yuva Karya Prashikshan Yojana ​ : मुख्यमंत्री युवा कार्य प्रशिक्षण योजनेअंतर्गत प्रशिक्षणार्थीचा प्रशिक्षण कार्यकाळ 6 महिने ऐवजी 11 महिने करण्यात आला आहे. त्यामुळे ज्या उमेदवारांनी 10 मार्च 2025 किंवा त्यापूर्वी आपले सहा महिन्याचे प्रशिक्षण पूर्ण केले असेल, अशा प्रशिक्षणार्थींना उर्वरित पाच महिने कार्य प्रशिक्षण घेण्याची संधी उपलब्ध झाली आहे. या वाढीव 5महिन्यांच्या कालावधीसाठी कार्य प्रशिक्षण घेण्यास इच्छुक उमेदवार तसेच सद्यस्थितीत प्रशिक्षण घेत असलेले उमेदवार व योजनेचा नव्याने लाभ घेण्यास इच्छूक उमेदवारांची आधार पडताळणी व आवश्यक कागदपत्रे (उदा. आधार, शैक्षणिक पात्रता, क्य, अधिवास प्रमाणपत्र इ.) तपासणी करणे आवश्यक आहे. CMYKPY eligibility criteria

    अटल योजनेचा निधी अडकला, आमदार जोरगेवार पोहचले मुख्यमंत्री फडणवीसांच्या भेटीला

    त्याचप्रमाणे योजनेच्या https://www.cmkpy.mahaswayam.gov.in या वेबपोर्टलवरील प्रतिज्ञापत्राचा नमुना प्रशिक्षणार्थी व आस्थापना यांनी संबंधित सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, यांच्याकडे सादर करणे अनिवार्य आहे. यापुढे Aadhar Seeded DBT होऊ शकेल. त्यामुळे सर्व प्रशिक्षणार्थ्यांनी बैंक खाते Aadhar Seeding करून घ्यावी. तसेच ज्या आस्थापना या योजनेतंर्गत प्रशिक्षणार्थी घेण्यास इच्छूक आहेत, त्या आस्थापनांची शासन निर्णयानुसार कार्य प्रशिक्षणार्थी सामावून घेण्याची क्षमता आवश्यक कागदपत्रांची तपासणी/पडताळणी करूनच उमेदवारांना आस्थापनेवर रुजू करून घेण्याचा निर्णय घेण्यात आलेला आहे. CMYKPY stipend amount

    10 मार्च 2025 च्या शासन निर्णयानुसार आधार व कागदपत्र पडताळणी पूर्ण झाल्याशिवाय कोणत्याही प्रशिक्षणार्थीना रुजू करून घेण्यात येणार नाही. प्रत्येक प्रशिक्षणार्थ्यांची आधार पडताळणी अनिवार्य आहे, ज्या बैंक अकाऊंटला आधार लिंक आहे, तोच बैंक अकाऊंट नंबर योजनेच्या विद्यावेतन DBT साठी नमुद करणे आवश्यक आहे. Skill development programs in Maharashtra

    प्रशिक्षणार्थ्यांच्या आधार पडताळणीची प्रक्रिया खालीलप्रमाणे :

    योजनेच्या https://www.cmykpy.mahaswayam.gov.in या वेबपोर्टलवरील Intern Login Forgot password आधार नंबर, प्रविष्ट करणे. सेंड OTP Verify OTP The intern enters the received OTP Successful झाल्यानंतर password तयार करून आधारने Intern Login करून Profile अद्यावत करून घ्यावे.

    आधार पडताळणी झाल्याशिवाय पोर्टलवर हजेरी दर्शविता येणार नाही. प्रशिक्षणार्थी यांनी आधार पडताळणी करणे तसेच, आस्थापना/नियोक्ते यांनी कागदपत्रे तपासणीसाठी आपल्या जिल्ह्याचे सहायक आयुक्त, जिल्हा कौशल्य विकास रोजगार उद्योजकता मार्गदर्शन केंद्र चंद्रपूर यांच्याशी 30 एप्रिल 2025 पर्यंत संपर्क साधून आवश्यक ती तपासणी करून घ्यावी.

    याबाबत काही अडचण असल्यास जिल्हा कौशल्य विकास, रोजगार व उद्योजकता मार्गदर्शन केंद्र, चंद्रपूर या कार्यालयात संपर्क करावा, असे आवाहन सहायक आयुक्त भैयाजी येरमे यांनी केले आहे.

  • police action on tobacco । चंद्रपुरात “सुगंधित तंबाखूचा साठा उध्वस्त, जयसुख-गुप्ता-वसीम अजूनही मोकाट!”

    Chandrapur police action on tobacco

    चंद्रपूरमध्ये पोलिसांच्या डोळ्यादेखत सुरू तंबाखूचा ‘मौत का व्यापार’!

    police action on tobacco : चंद्रपूर ८ एप्रिल – विदर्भात मोठ्या प्रमाणावर सेवन केला जाणारा खर्रा हा सुगंधित तंबाखू मिसळून तयार केला जातो. या तंबाखूचा अवैध व्यापार चंद्रपूर जिल्ह्यात जयसुख, वसीम आणि गुप्ता या तिघांनी पोलिसांच्या नाकावर टिच्चून सुरु ठेवला आहे. कोरोना काळानंतर या तिघांनी जिल्ह्यात आपल्या अवैध धंद्याचं वर्चस्व निर्माण केलं असून, पोलिसांच्या कारवाईलाही हे तिघे भीक घालत नाहीत. विशेष म्हणजे, अजूनही यांच्यावर कोणतीही ठोस कारवाई करण्यात आलेली नसल्याने यांची हिंमत दिवसेंदिवस वाढत चालली आहे. illegal tobacco warehouse raid

    महावितरणच्या विजेत्यांची नावे जाहीर

    या पार्श्वभूमीवर चंद्रपूर पोलिसांकडून सुगंधित तंबाखूच्या तस्करीवर नियंत्रण ठेवण्यासाठी विशेष मोहिम राबवली जात आहे. ८ एप्रिल रोजी बल्लारपूर तालुक्यातील मानोरा येथे स्थानिक गुन्हे शाखेने किरायाच्या गोडावूनवर छापा टाकून ईगल हुक्का, होला हुक्का आणि मजा १०८ ब्रँडच्या तंबाखूचा ५ लाख ६ हजार ९१० रुपयांचा साठा जप्त केला.

    सदर तंबाखूचा साठा हरीश अंबाराम ठक्कर याचा असल्याचे तपासात निष्पन्न झाले असून, त्याच्याविरुद्ध अन्न सुरक्षा आणि मानके अधिनियमांतर्गत गुन्हा दाखल करण्यात आला आहे. tobacco smuggling network busted in Chandrapur

    ही कारवाई पोलीस अधीक्षक मुमक्का सुदर्शन व अप्पर पोलीस अधीक्षक रीना जनबंधू यांच्या मार्गदर्शनाखाली पोलीस निरीक्षक अमोल काचोरे यांच्या नेतृत्वात पोउपनि विनोद भुरले, मधुकर सामलवार, तसेच पो. का. धनराज करकाडे, सुरेंद्र महतो, चेतन गज्जलवार, प्रफुल गारघाटे व मिलिंद टेकाम यांनी केली.

    सद्यस्थितीत चंद्रपूर जिल्ह्यात सुगंधित तंबाखूचा अवैध व्यापार जयसुख, वसीम व गुप्ता यांच्या माध्यमातून बेधडक सुरू आहे. पोलिसांनी जर या मुख्य सूत्रधारांवर निर्णायक कारवाई केली, तर युवकांना कॅन्सरसारख्या जीवघेण्या आजाराकडे नेणारा सुगंधित तंबाखू जिल्ह्यातून नामशेष होऊ शकतो.

  • Caste Validity Certificate Chandrapur । डॉ. बाबासाहेब आंबेडकर जयंतीनिमित्त चंद्रपुरात विशेष अभियान!

    Caste Validity Certificate Chandrapur

    Caste Validity Certificate Chandrapur : ७ एप्रिल २०२५ चंद्रपूर – भारतरत्न डॉ. बाबासाहेब आंबेडकर यांच्या जयंतीचे औचित्य साधून 11 एप्रिल ते 1 मे या कालावधीत सामाजिक न्याय पर्व अभियान अंतर्गत जिल्हा जात प्रमाणपत्र पडताळणी समिती, चंद्रपुर मार्फत विशेष मोहिमेव्दारे जात वैधता प्रमाणपत्र वाटप करण्यात येणार आहे. तसेच त्रुटीपूर्तता व अर्ज सुध्दा स्वीकारण्यात येईल.

    महावितरण लकी ड्रॉ योजनेचे विजेते जाहीर, पहा यादी

                सत्र 2024-25 मध्ये प्रवेशित इयत्ता 12 वी विज्ञान शाखेतील (12th Science Caste Certificate Verification) ज्या विद्यार्थ्यांनी अद्यापपावेतो जात प्रमाणपत्र पडताळणी करीता अर्ज दाखल केलेला नाही. तसेच व्यावसायीक अभ्यासक्रमास सीईटी देऊन 2025-26 मध्ये प्रवेश घेऊ इच्छीत असणा-या (तंत्रशिक्षण पदविका अभ्यासक्रमाचे अंतिम वर्षाला प्रवेशीत असणारे ज्यांना अभियांत्रिकी अभ्यासक्रमाचे थेट व्दितीय वर्षाला प्रवेश घ्यावयाचे आहे) विद्यार्थ्यांनी सामाजिक न्याय पर्वाच्य विशेष मोहिमेत सहभागी व्हावे व जात प्रमाणपत्राची पडताळणी करुन घ्यावी.

               15 ते 17 एप्रिल व 21 ते 25 एप्रिल 2025 दरम्यान त्रुटीपुर्तता शिबिराचे आयोजन करण्यात आले आहे. ज्यांनी जात प्रमाणपत्र पडताळणीकरीता अर्ज दाखल केले आहे, परंतु अपुर्ण पुराव्याअभावी ज्यांची प्रकरणे त्रुटीमध्ये आहेत, त्यांनी वरील दिनांकास किंवा त्यापुर्वी सादर केलेल्या अर्जाची सद्यस्थिती जाणून घ्यावी, असे समितीचे उपायुक्त डॉ. सिध्दार्थ गायकवाड यांनी कळविले आहे.

  • Mahavitaran lucky draw winners list । महावितरणचा लकी ड्रॉ: विजेत्यांची नावे जाहीर!

    Mahavitaran lucky draw winners list

    Mahavitaran lucky draw winners list : चंद्रपूर:- महावितरणच्या लकी डिजिटल ग्राहक योजनेचा पहिला लकी ड्रा ऑनलाईन पध्दतीने दि. ७ एप्रिल २०२५ रोजी काढण्यात आला. या लकी ड्रॉतून पहिल्या क्रमांकाचे 29 तर दुसऱ्या क्रमांकासाठी 58 व तिसऱ्या क्रमांकासाठी 58 विजेते जाहिर करण्यात आले. विजेत्या ग्राहकांची यादी महावितरणच्या संकेतस्थळावर उपलब्ध करून देण्यात आली आहे. Mahavitaran lucky draw first prize winners

    चंद्रपुरात भारतीय जनता पार्टीच्या भवनासाठी एक एकर जागा देणार, आमदार जोरगेवार यांची घोषणा


    प्रत्येक उपविभाग स्तरावर एक या प्रमाणे पहिल्या क्रमांकाकरिता 29 विजेत्या ग्राहकांना स्मार्ट फोन बक्षिस म्हणून दिले जात आहे. तर प्रत्येक उपविभागात प्रत्येकी दोन प्रमाणे दुसऱ्या क्रमांकासाठी 58 विजेत्या ग्राहकांना स्मार्ट फोन व प्रत्येकी दोन प्रमाणे तिसऱ्या क्रमांकासाठी 58 विजेत्या ग्राहकांना स्मार्ट वॉच बक्षिस म्हणून दिले जात आहे. यापुढील लकी ड्रॉ मे व जून २०२५ या महिन्यात काढण्यात येईल.


    महावितरणने ऑनलाईन वीज बिल भरणाऱ्या ग्राहकांचा टक्का वाढविण्याच्या हेतूने लकी डिजिटल ग्राहक योजना सुरू केली आहे. या योजनेसाठी ऑनलाईन पध्दतीने वीज बिल भरणा करणारे सर्व लघुदाब वीज ग्राहक पात्र ठरणार आहेत. १ जानेवारी ते ३१ मे २०२५ या कालावधीत सलग तीन वा तीन पेक्षा अधिक वीज बिले ऑनलाईन पध्दतीने भरून योजनेच्या लाभाची संधी ग्राहकांना उपलब्ध करण्यात आली आहे.


    ही योजना महावितरणच्या अशा लघुदाब चालू (एल टी- लाईव्ह) वीजग्राहकांसाठी लागू असून, ज्यांनी ०१ एप्रिल २०२४ पूर्वी मागील एक वर्ष म्हणजे ०१.०४.२०२३ ते ३१.०३.२०२४ या कालावधीत ऑनलाईन वीज देयक भरणा पर्याय वापरलेला नाही. अधिक माहितीसाठी महावितरणच्या अधिकृत संकेतस्थळास www.mahadiscom.in भेट द्यावी. (How to check Mahavitaran lucky draw results)
    ग्राहक रांगेत उभे राहण्यापेक्षा वेळ, श्रम व पैशांची बचत करीत डिजिटल पध्दतीने वीज बिल भरणा करण्यास प्राधान्य देत आहेत. ग्राहकांना डिजिटल पध्दतीने वीज बिलाचा भरणा करता यावा, यासाठी महावितरणकडून संकेतस्थळ, महावितरण मोबाईल ॲपची सुविधा ग्राहकांना उपलब्ध करून दिलेली आहे. Mahavitaran lucky draw prizes

    ग्राहकांना देय रक्कमेवर ०.२५ टक्के डिजिटल वीज बिल भरणा सूट दिली जाते. परिणामी सध्या राज्यात ७० टक्के हून अधिक वीज ग्राहक ऑनलाईन पध्दतीने वीज बिलाचा भरणा करीत आहेत. हे प्रमाण वाढविण्यासाठी ग्राहकांना प्रोत्साहन देण्यासाठी लकी डिजिटल ग्राहक योजना राबविण्यात येत आहे.


    या योजनेच्या कालावधीत ग्राहकाने नेट बँकिंग, डेबिट कार्ड, क्रेडिट कार्ड, यूपीआय, वॉलेट, कॅश कार्ड, एनएसीएच, क्यूआर कोड, एनईएफटी, आरटीजीएस इ. ऑनलाईन वीज बिल भरणा पर्याय वापरून लकी ड्रॉ महिन्याच्या अगोदर दरमहा एकप्रमाणे सलग तीन किंवा तीन पेक्षा जास्त महिने वीज बिल भरणे आवश्यक राहील. अधिक माहितीसाठी महावितरणच्या अधिकृत संकेतस्थळास www.mahadiscom.in भेट द्यावी. जनसंपर्कअधिकारी, महावितरण, चंद्रपूर

  • Maharashtra public service rights । विनय गौडा यांचे निर्देश – 90% तक्रारींचे निवारण अनिवार्य

    Maharashtra public service rights

    Maharashtra public service rights : महाराष्ट्र लोकसेवा हक्क अधिनियम 2015 अंतर्गत नागरिकांना विहित मुदतीत व कालमर्यादेत सेवा देणे आवश्यक आहे. त्यामुळे सर्व शासकीय विभागांनी लोकसेवा हक्क कायद्याची प्रभावी अंमलबजावणी करावी, असे निर्देश जिल्हाधिकारी विनय गौडा जी.सी. यांनी दिले. Maharashtra citizen services act

    संसदेतून थेट जनतेच्या दरबारात

    नियोजन भवन येथे आज (दि.7) आयोजित बैठकीत ते बोलत होते. जिल्हाधिकारी श्री. गौडा म्हणाले, शासकीय कार्यालयांनी त्यांच्याकडे प्रलं‍बित असलेल्या तक्रारी निकाली काढून त्याचा अहवाल सादर करावा. लोकसेवा हक्क आयोगाद्वारे विहित केलेल्या नमुन्यात सुचना फलक सर्व कार्यालयांनी दर्शनी भागात प्रकाशित करावे. या कायद्याविषयी नागरिकांना माहिती होण्यासाठी व्यापक प्रचार आणि प्रसार मोहीम राबवावी.

    जिल्ह्यातील पाच हजारपेक्षा जास्त लोकसंख्या असलेल्या ग्रामपंचायत कार्यालयात मॉडेल ‘आपले सरकार सेवा केंद्र’ उभारावेत. त्यात  सर्व प्रकारच्या अधिसूचित सेवा नागरिकांना एकाच ठिकाणी  मिळणे अपेक्षित आहे. ज्या सेवा ऑनलाईन आहेत, त्या ऑनलाईन पध्दतीनेच देण्यात याव्या. तसेच संबंधित विभागाने त्यांच्याकडे असलेल्या एकूण तक्रारींपैकी 90 टक्क्यांपेक्षा जास्त तक्रारी निकाली काढणे बंधनकारक आहे, याची सर्व विभाग प्रमुखांनी नोंद घ्यावी, असे निर्देशही जिल्हाधिकारी विनय गौडा जी.सी. यांनी दिले.

    बैठकीला मुख्य कार्यकारी अधिकारी विवेक जॉन्सन, मनपा आयुक्त विपीन पालीवाल, निवासी उपजिल्हाधिकारी दगडू कुंभार व इतर विभाग प्रमुख उपस्थित होते.

  • Pratibha Dhanorkar news । संसदेतून थेट जनतेच्या दरबारात: प्रतिभा धानोरकर यांची समस्या निवारणासाठी तत्परता!

    Pratibha Dhanorkar news

    Pratibha Dhanorkar news : लोकसभेचे अर्थसंकल्पीय अधिवेशन संपताच खासदार प्रतिभा धानोरकर या जनतेच्या समस्या सोडविण्यासाठी पुढे आल्या असून त्यांच्या माध्यमातून आज दि. 07 एप्रिल रोजी वरोरा येथे जनता दरबाराचे आयोजन करण्यात आले होते.

    चंद्रपूर बस स्थानकावर शिवाई बसने चिरडला ऑटो चालकाचा पाय

    खासदार प्रतिभा धानोरकर यांनी जनतेच्या प्रत्येक समस्या सोडविण्यासाठी कटिबध्द असल्याचे मत वरोरा येथील आयोजीत जनता दरबाराच्या वेळीस केले. अर्थ संकल्पीय अधिवेशनात आपल्या लोकसभेतील अनेक प्रश्नांचा पाढा केंद्र सरकार समोर वाचून आता त्या पुन्हा एकदा जनसेवेत रुजू झाल्या आहेत.

    वरोरा येथे आयोजित जनता दरबारात अनेक नागरिकांच्या समस्यासंदर्भात त्यांनी निराकरण केले. अनेक नागरिकांनी आज आयोजित जनता दरबारात लेखी निवेदनासह खासदार धानोरकर यांच्याकडे समस्या मांडल्या. या संदर्भात खासदार धानोरकर यांनी अनेक समस्यांच्या निराकरणासंदर्भात संबंधित अधिकाऱ्यांना फोन लावून नागरीकांच्या समस्या सोडविल्या.

    यावेळी, खासदार धानोरकरांनी प्रत्येक नागरीकांची समस्या ही माझ्याकडून सोडविण्यासाठी नेहमी प्रयत्न केले जाईल अशे आश्वासित मत व्यक्त केले. येणाऱ्या काळात प्रत्येक तालुक्यात तसेच, जिल्हा परिषद क्षेत्रात जनता दरबाराचे आयोजन करुन नागरीकांच्या समस्या सोडविण्यासाठी प्रयत्न करणार असल्याचे खासदार प्रतिभा धानोरकर यांनी सांगितले. 

  • sudhir mungantiwar on gharkul yojana sand । रेतीचा प्रश्न सोडवणार! मुनगंटीवारांचा पुढाकार; 3,528 घरकुलांची कामे मार्गी लागणार?

    sudhir mungantiwar on gharkul yojana sand

    sudhir mungantiwar on gharkul yojana sand : घरकुल योजना ही शासनाची महत्त्वाकांक्षी योजना असून, ग्रामीण व शहरी गरजू कुटुंबांना घराची सोय व्हावी यासाठी ही योजना राबवली जाते. मात्र, पोंभुर्णा तालुक्यातील अनेक घरकुल लाभार्थ्यांना रेती उपलब्ध न झाल्यामुळे घरबांधणीच्या कामात विलंब होत आहे. घरबांधणीसाठी आवश्यक असलेली रेतीची अडचण सोडविण्यासाठी मी कटिबद्ध आहे. Free sand for rural housing

    चंद्रपुरात भाजप भवनासाठी आमदार किशोर जोरगेवार देणार १ एकर जमीन

    राज्याचे महसूल मंत्री चंद्रशेखरजी बावनकुळे आणि जिल्हाधिकारी यांच्यासोबत बैठक घेऊन विस्तृत चर्चा करण्यात येईल. चर्चेतून लाभार्थ्यांना अधिक सुलभतेने रेती मिळण्याचा मार्ग मोकळा होईल आणि पोंभुर्णा तालुक्यातील रेती आणि घरकुलाचा प्रश्न लवकरच मार्गी लावण्यात येईल, अशी ग्वाही राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी व्यक्त केला. Sudhir Mungantiwar sand distribution

    पोंभूर्णा तालुक्यातील घरकुल योजनेच्या लाभार्थ्यांना रेती उपलब्ध करून देण्यासंदर्भात वनविश्रामगृह येथे बैठकीचे आयोजन करण्यात आले होते.यावेळी माजी खासदार अशोक नेते, तहसीलदार पोंभुर्णा रेखा वाणी, गट विकास अधिकारी पंचायत समिती पोंभुर्णा विवेक बेल्लारवार, भाजपा प्रदेश महामंत्री अल्काताई आत्राम, सुलभाताई पिपरे,हरिभाऊ ढवस, विनोद देशमुख,राहुल संतोषवार,रोशन ठेंगणे, रवी मरपल्लीवार,राहुल पाल,अजित मंगळगिरीवार, दर्शन गोरंटीवार, ऋषी कोटरंगे, रवी गेडाम, तुळशीराम रोहनकर, बंडु बुरांडे,विस्तार अधिकारी प्रणय गरमडे, उप अभियंता प्रदीप बाराहाते आदिंची उपस्थिती होती.

    आमदार श्री. सुधीर मुनगंटीवार म्हणाले, अर्ज केल्यानंतर 15 दिवसाच्या आत रेती उपलब्ध करून द्यायचा निर्णय केला आहे. मात्र, त्याची अंमलबजावणी वेळेत होत नाही. पोंभूर्णा तालुक्यातील 3,528 अपूर्ण घरकुल पूर्ण करण्याकरिता 17 हजार 640 ब्राॅस रेतीची आवश्यकता आहे. घरकुलांना रेती उपलब्ध करून देण्याच्या संदर्भात जिल्हाधिकाऱ्यांसमवेत चर्चा करण्यात आली असून काही अंशी रेती उपलब्ध करून देण्यात येणार आहे.

    घरकुल लाभार्थ्यांनी छोटे-छोटे घाट आरक्षित करून प्रत्येक गावातील घरकुलांना लागणारी रेती तहसीलदार आणि तलाठी यांच्या निरीक्षणात न्यायची. असा महाराष्ट्रातला पहिला प्रयोग करून आपण घरकुलांना मोफत रेती उपलब्ध करून द्यायची. रेती मिळण्यास येणाऱ्या अडचणी सोडविण्यासाठी राज्याचे महसूल मंत्री चंद्रशेखरजी बावनकुळे यांच्याशी बैठकीत सविस्तर चर्चा करण्यात येईल. पोंभुर्णा तालुक्यातील रेती आणि घरकुलाच्या प्रश्न मार्गी लावणार असल्याचेही ते म्हणाले.

    त्यासोबतच, पोंभुर्णा तालुक्यामध्ये पाणीपुरवठ्याच्या 32 योजना कार्यान्वित आहे. ज्या गावांमध्ये फ्लोराइड युक्त आणि दूषित पाणी आहे त्याची माहिती घ्यावी. पाणीटंचाईमध्ये ट्युबवेल, विहिरी, सोलर पंप लावून पाण्याच्या योजना आखण्यात येईल, असे आमदार श्री. सुधीर मुनगंटीवार म्हणाले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by