My Blog

Tag: MH34

  • Anti corruption raid in Chandrapur । चंद्रपूरमध्ये लाचखोरीचा भंडाफोड; अभियंता, सहाय्यक आणि परिचर रंगेहात अटकेत

    Anti corruption raid in Chandrapur

    ४.२० लाखांची लाच घेताना अधिकारी रंगेहात पकडले

    Anti corruption raid in Chandrapur : १० एप्रिल रोजी चंद्रपूर लाचलुचपत प्रतिबंधक विभागाने मोठी कारवाई करीत जिल्हा परिषद मधील ग्रामीण पाणी पुरवठा विभागात कार्यरत कार्यकारी अभियंता, वरिष्ठ सहायक ग्रामीण पाणी पुरवठा विभाग व कंत्राटी परिचर यांना ४ लाख २० हजार रुपयांची लाच घेताना रंगेहात अटक करण्यात आली आहे, लाचलुचपत विभागाच्या या कारवाईने जिल्हा परिषद वर्तुळात चांगलीच खळबळ उडाली आहे. government officer caught taking bribe

    चंद्रपूर जिल्ह्यातील ४ मनसे पदाधिकाऱ्यांवर गुन्हे दाखल

    शासनाच्या जल जीवन मिशन कार्यक्रमांतर्गत जिवती आणि राजुरा तालुक्यातील २३ गावांमध्ये पाणी पुरवठा संबंधी कामे जिवती येथील कंत्राटदाराने केले होते. १० गावातील कामांचे बिले ग्रामीण पाणी पुरवठा विभाग जिल्हा परिषद चंद्रपूर येथे मंजुरीकरिता सादर केले होते, त्यापैकी ५ गावातील कामांचे ४३ लक्ष रुपयांचे बिले कंत्राटदार यांना मिळाले. उर्वरित बिले मंजूर करण्यासाठी ग्रामीण पाणी पुरवठा विभागाचे कार्यकारी अभियंता हर्ष यशोराम बोहरे यांनी ४ लक्ष रुपयांची लाच संबंधित कंत्राटदाराला मागितली. Jal Jeevan Mission corruption

    लाचेची रक्कम वरिष्ठ सहायक सुशील गुंडावार यांच्याकडे देण्यास सांगितले. वरिष्ठ अधिकाऱ्याला ४ लक्ष रुपये मिळणार हि बाब गुंडावार यांना समजताच त्यांनी सुद्धा स्वतःसाठी २० हजार रुपयांची लाच मागितली. दोन्ही अधिकाऱ्यांचे एकूण ४ लक्ष २० हजार रुपये द्यावे लागणार असे समजताच कंत्राटदार यांनी चंद्रपूर लाचलुचपत विभागाकडे याबाबत तक्रार दिली.

    तक्रार प्राप्त झाल्यावर ७ एप्रिल ते ९ एप्रिल रोजी तक्रारीची पडताळणी करण्यात आली. १० एप्रिल रोजी चंद्रपूर लाचलुचपत विभागाने सापळा रचला असता चंद्रपूर जिल्हा परिषद परिसरात वरिष्ठ सहायक सुशील गुंडावार यांनी ४ लक्ष २० हजार रुपये पंचासमक्ष स्वीकारत, लाचेच्या रकमेतील २० हजार रुपये स्वतःसाठी काढले आणि उर्वरित ४ लक्ष रुपये परिचर मतीन शेख यांच्याकडे देत साहेबांच्या घरी नेऊन द्या असे सांगितले. शेख यांनी सदर रक्कम कार्यकारी अभियंता हर्ष बोहरे यांच्या घरी नेऊन दिली असता त्यावेळी लाचलुचपत विभागाने हर्ष बोहरे, सुशील गुंडावार व मतीन शेख यांना रंगेहात अटक केली.

    ११ एप्रिल रोजी तिन्ही लोकसेवक विरोधात रामनगर पोलीस स्टेशन चंद्रपूर मध्ये तक्रार नोंदविण्यात आला आहे. काही दिवसांपूर्वी लाचलुचपत विभागाने तहसीलदार व तलाठी यांच्यावर कारवाई केली होती, महसूल नंतर मिनी मंत्रालयातील अधिकारी लाचखोरी मध्ये अडकल्याने चंद्रपूर जिल्हा प्रशासनात चांगलीच खळबळ उडाली आहे.

    सदरची यशस्वी कारवाई पोलीस अधीक्षक दिगंबर प्रधान, अप्पर पोलीस अधीक्षक संजय पुरंदरे यांच्या मार्गदर्शनाखाली पोलीस उपअधीक्षक मंजूषा भोसले यांच्या नेतृत्वात पोलीस निरीक्षक जितेंद्र गुरनुले, पोलीस कर्मचारी शिवराज नेवारे, नरेशकुमार नन्नावरे, रोशन चांदेकर, अमोल सिडाम, प्रवीण ताडाम, वैभव गाडगे, पुष्पा काचोळे, सतीश सिडाम व संदीप कौरासे यांनी केली.

    ब्रेकिंग अपडेट – लाचखोर अभियंता हर्ष बोहरे यांच्या निवासस्थानी चंद्रपूर लाचलुचपत विभागाला 7 लाख 99 हजार 510 रुपयांची रोख रक्कम आढळली आहे. तिन्ही आरोपीना 2 दिवसांची पोलीस कोठडी सुनावण्यात आली आहे.

  • Chandrapur thermal power plant news । खासदार प्रतिभा धानोरकरांचा संताप – “कामगारांवर अन्याय करणाऱ्या अधिकार्यांवर तात्काळ कारवाई करा!”

    Chandrapur thermal power plant news

    Chandrapur thermal power plant news : चंद्रपूर शहरालगत असलेल्या आशिया खंडातील सर्वात मोठा असलेल्या चंद्रपूर महाऔष्णीक विद्युत केंद्रात काही अधिकारी कंत्राटदाराचे हित साधण्यासाठी कर्मचाऱ्यांना सावत्र वागणूक देत असल्याचा आरोप खासदार प्रतिभा धानोरकर यांनी मुख्य अभियंता, चंद्रपूर महाऔष्णीक विद्युत केंद्र यांना पाठविलेल्या पत्राद्वारे केला आहे. Firefighting staff layoffs Chandrapur

    गडचांदूरात घडली धक्कादायक घटना

    चंद्रपूर महाऔष्णीक विद्युत केंद्रातील 28 कंत्राटी अग्निशमन कर्मचाऱ्यांना मागील 3 ते 4 महिन्यांपासून कामावरुन कमी केल्याने त्यासंदर्भात सदर कंत्राटी कर्मचाऱ्याने चंद्रपूर येथील खासदार धानोरकर यांच्या जनता दरबारात आपबीती मांडली. अग्निशमन सारख्या महत्त्वाच्या ठिकाणी सेवा देऊन देखील वर्षभरातून 4 महिने काम मिळत नसल्याची खंत देखील कामगारांनी व्यक्त केली.

    कामगारांचे नुतृत्व करणाऱ्यांना कामगारांना जाणीपुर्वक डावलेले जात असल्याचा आरोप देखील यावेळी करण्यात आला. या संदर्भात खासदार धानोरकर यांनी मुख्य अभियंता यांना पत्र पाठवून सर्व कर्मचाऱ्यांना तात्काळ कामावर घेण्यासंदर्भात सांगण्यात आले. त्यासोबतच, किमान वेतन व वर्षभर काम या संदर्भात देखील पत्र व्यवहार करण्यात आला.

    तसेच, वारंवार कंत्राटदाराचे हित जोपासून कामगारांवर अन्याय करणाऱ्या अधिकाऱ्यांवर तात्काळ कार्यवाही करण्याची मागणी खासदार धानोरकर यांनी पत्राद्वारे केली. या संदर्भात लवकरच मुख्य अभियंता तसेच, महाऔष्णीक विद्युत केंद्रातील विविध कामगार संघटनांच्या प्रतिनिधींसह बैठक घेणार असल्याचे खासदार धानोरकर यांनी पत्राद्वारे सांगितले.

  • Chandrapur breaking news । गडचांदूरमध्ये दोन तरुणांचे विषप्राशन? एकाचा मृत्यू, दुसरा गंभीर!

    Chandrapur breaking news

    घटनेचा धक्कादायक उलगडा – दोन तरुण बेशुद्ध अवस्थेत सापडले

    Chandrapur breaking news : गडचांदूर शहरातील सावित्रीबाई फुले महाविद्यालयाजवळ दोन तरुण बेशुद्ध अवस्थेत आढळून आल्याची घटना गुरुवारी समोर आली. या घटनेची माहिती मिळताच गडचांदूर पोलिसांनी तत्काळ घटनास्थळी धाव घेत दोघांनाही गडचांदूर ग्रामीण रुग्णालयात दाखल केले. Gadchandur news today

    चंद्रपूर जिल्ह्यात नरभक्षी वाघीण जेरबंद

    उपचारादरम्यान प्रज्वल नवले (वय 21) या तरुणाचा मृत्यू झाला, अशी माहिती डॉक्टरांनी दिली. तर दुसरा तरुण नागेश लांडगे बेशुद्ध अवस्थेत असल्याने त्याला पुढील उपचारासाठी चंद्रपूर जिल्हा रुग्णालयात हलवण्यात आले आहे. दोघेही एकमेकांचे घनिष्ट मित्र असल्याचे समजते.

    चंद्रपुरात मनसेला मोठा धक्का, ४ पदाधिकाऱ्यांवर खंडणीचे गुन्हे दाखल

    या घटनेचे नेमके कारण अद्याप स्पष्ट झालेले नाही. मात्र, प्राथमिक तपासात दोघांनी विष घेतल्याची माहिती पुढे येत आहे. गडचांदूर पोलीस पुढील तपास करत असून, नेमकी घटना घडली कशी याचा शोध सुरू आहे.

  • Tiger rescue operation​ । चंद्रपूरमध्ये मोठं रेस्क्यू ऑपरेशन यशस्वी; नरभक्षक वाघीण जेरबंद!

    Tiger rescue operation

    ​Tiger rescue operation​ : मूल: गेल्या काही दिवसांपासून मूल तालुक्यात धुमाकूळ घालणारी आणि तीन ते चार जणांचा बळी घेणारी नरभक्षक वाघीण अखेर वनविभागाच्या जाळ्यात सापडली आहे. वनविभागाच्या पथकाला बुधवारी रात्री ही महत्त्वपूर्ण यश मिळाले. मरेगाव गावाजवळील उमा नदीच्या परिसरात बेशुद्धीचे इंजेक्शन देऊन तिला जेरबंद करण्यात आले. Man-eater tigress captured

    चंद्रपुरातील ४ मनसे पदाधिकाऱ्यांवर खंडणी चे गुन्हे दाखल

    या वाघीणीने मरेगाव, आकापूर, चितेगाव आणि एमआयडीसी परिसरात दहशत निर्माण केली होती, ज्यामुळे परिसरातील शेतकरी वर्ग भयभीत होता. वनविभागाच्या अथक प्रयत्नानंतर वाघीण जेरबंद झाली असली, तरी तिची अंदाजे एक वर्षाची तीन पिल्ले अजूनही बेपत्ता आहेत. या पिल्लांना पकडण्यासाठी वनविभागाचे रेस्क्यू ऑपरेशन युद्धपातळीवर सुरू आहे. वृत्त लिहीपर्यंत पिल्लांना पकडण्यात यश आले नव्हते. Forest department success​

    या वाघीणीच्या हल्ल्यात मूल तालुक्यातील एमआयडीसी परिसरातील मेंढपाळ निलेश दुर्गा कोरेवार, चितेगाव येथील युवा शेतकरी शेषराज पांडूरंग नागोशे आणि मेंढपाळ मल्लाजी येग्गावार यांचा दुर्दैवी मृत्यू झाला होता. पाच एप्रिलपासून वनविभाग वाघीणीला जेरबंद करण्यासाठी मोठी मोहीम चालवत होता. अखेर उमा नदीच्या परिसरात शिकार करण्यासाठी आलेल्या वाघीणीला वनपरिक्षेत्राधिकारी घनश्याम नायगमकार यांनी अचूक वेध घेत बेशुद्ध केले. Wildlife rescue mission​

    रेस्क्यू ऑपरेशनसाठी वनविभागातील ७० कर्मचाऱ्यांची मोठी टीम कार्यरत होती. वाघीण आता पिंजऱ्यात सुरक्षित असून तिच्या पिल्लांचा शोध घेण्यासाठी वनविभाग सर्वतोपरी प्रयत्न करत आहे. पिल्लांना शोधण्यासाठी परिसरात ५० कॅमेरे लावण्यात आले आहेत, ज्यात तीन लाईव्ह कॅमेऱ्यांचा आणि एका ड्रोन कॅमेऱ्याचा समावेश आहे. Chandrapur wildlife news

    या वाघीणीने केवळ माणसांवरच नव्हे, तर परिसरातील जनावरांवरही हल्ले करून त्यांना जखमी केले होते. वाघीणीला जेरबंद केल्यानंतर तिला कोणत्या ठिकाणी हलवायचे, याबाबत अद्याप कोणताही निर्णय घेण्यात आलेला नाही. सध्या ज्या ठिकाणी वाघीणीला पकडले आहे, त्या परिसरात कडक पहारा ठेवण्यात आला आहे.

    ही यशस्वी कारवाई चंद्रपूर येथील मुख्य वनसंरक्षक डॉ. जितेंद्र रामगावकर आणि विभागीय वन अधिकारी प्रशांत खाडे यांच्या मार्गदर्शनाखाली सहाय्यक वनसंरक्षक विकास तरसे यांच्या नेतृत्वात सावली येथील वनपरिक्षेत्राधिकारी विनोद धुर्वे, वनरक्षक, क्षेत्रसहायक, कर्मचारी, पशुवैद्यकीय अधिकारी आणि शूटर यांच्या टीमने केली. Chandrapur wildlife news

    तीन निष्पाप बळी घेतल्यानंतर अखेर नरभक्षक वाघीण जेरबंद झाल्याने परिसरातील नागरिक आणि शेतकऱ्यांनी सुटकेचा निःश्वास सोडला आहे. आता वनविभागाचे लक्ष तिच्या बेपत्ता पिल्लांना शोधण्यावर केंद्रित झाले आहे.

  • MNS leaders Chandrapur । ट्रक चालकाला धमकी प्रकरणाने MNS ला धक्का – Chandrapur मधील 4 पदाधिकारी अडचणीत

    MNS leaders Chandrapur

    मनसे पदाधिकाऱ्यांवर वसुलीचा आरोप नेमका काय?

    MNS leaders Chandrapur : चंद्रपूर – चंद्रपूर जिल्ह्यातील ४ मनसे पदाधिकारी यांच्यावर एकाचवेळी ट्रक चालकाला पैसे व धमकवल्याप्रकरणी गुन्हा दाखल झाल्याने राजकीय वर्तुळात चांगलीच खळबळ उडाली आहे, मात्र यावर मनसे पदाधिकारी यांनी पोलिसांनी चुकीच्या पद्धतीने गुन्हे दाखल करीत आम्हाला फसविण्याचा प्रयत्न केल्याचा आरोप लावला आहे. याबाबत मनसे पदाधिकारी यांनी १० एप्रिल रोजी पत्रकार परिषद घेत पोलिसांवर गंभीर आरोप केले आहे.

    चंद्रपूर जिल्हा परिषद मधील ग्रामीण पाणी पुरवठा विभागातील कार्यकारी अभियंता व वरिष्ठ सहायक सहित परिचराला 4 लाख 20 हजार रुपयांची लाच घेताना अटक

    मनसेचे जिल्हा उपाध्यक्ष राजू कुकडे, कामगार सेना जिल्हाध्यक्ष अमन अन्देवार, वाहतूक सेना जिल्हाध्यक्ष महेश वासलवार व मनसे विधी कक्ष जिल्हाध्यक्ष सुनील गुडे यांच्यावर विविध कलमांतर्गत सावली पोलीस स्टेशनमध्ये गुन्हा दाखल करण्यात आला आहे. extortion case

    आपले सरकार पोर्टल ५ दिवस बंद

    प्रकरण काय?

    ७ एप्रिलला हायवा वाहन चालक ३३ वर्षीय विनोद दिवाकर माधुरें हा वाहनात रेती भरून जात होता, त्यावेळी खेडी फाट्यासमोर एक चारचाकी वाहनातील काही व्यक्तींनी हायवा थांबविण्याचा इशारा केला, त्या वाहनातून ४ व्यक्ती बाहेर आले व अश्लील शब्दात शिवीगाळ करू लागले, त्या व्यक्तीने हायवा ट्रक ची चाबी काढली, त्यानंतर वाहनात काय आहे? त्यामध्ये रेती असल्याचे सांगताच रॉयल्टी आहे काय? वाहन ओव्हरलोड आहे, आम्हांला पैसे द्या नाहीतर प्रादेशिक परिवहन विभागाला तक्रार करण्याची धमकी देऊ लागले, पैसे नसल्याने वाहन चालक माधुरे यांनी असमर्थता दाखवली. काही वेळात त्या ४ व्यक्तींनी सावली पोलिसांना फोन करीत बोलावले. Political updates Maharashtra

    काही वेळात सावली पोलीस त्याठिकाणी आली हायवा ट्र्क चे कागदपत्रे तपासली, त्या ४ व्यक्तींनी अश्लील शब्दात शिवीगाळ करीत पैसे मागितले अशी तक्रार माधुरे यांनी सावली पोलीस स्टेशनमध्ये केली.

    यानंतर सावली पोलिसांनी मनसे कामगार सेना जिल्हाध्यक्ष अमन अन्देवार, वाहतूक सेना जिल्हाध्यक्ष महेश वासलवार, विधी कक्ष जिल्हाध्यक्ष सुनील गुडे आणि मनसे जिल्हा उपाध्यक्ष राजू कुकडे यांच्यावर बीएनएस कलम 115 (2), 126 (2), 296, 3(5), 308 (3), 351 (2) अंतर्गत गुन्हे दाखल केले. Maharashtra Navnirman Sena news

    मनसे पदाधिकारी म्हणतात आमच्यावर चुकीचा गुन्हा?

    १० एप्रिलला मनसे पदाधिकारी यांनी पत्रकार परिषद घेत या प्रकाराबद्दल स्पष्टीकरण दिले, ७ एप्रिलला आम्ही सर्व पदाधिकारी हिरापूर टोल नाक्याजवळ शाखा उदघाटन करण्यासाठी गेलो होतो, परत येत असताना खेडी फाट्याजवळ एक हायवा ट्रक सुसाट व अनियंत्रितपणे जात होता, पुढे काही अपघात होण्यापूर्वी आम्ही त्या हायवा ट्रक ला थांबवित, वाहन चालकाला याबाबत जाब विचारला त्यावेळी वाहन चालक हा दारू पिऊन होता, याबाबत आम्ही आरटीओ व सावली पोलिसांना माहिती दिली, हायवा ट्र्क चालक माधुरे वर आम्ही ड्रंक अँड ड्राइव्ह चा गुन्हा दाखल करू अशी बतावणी पोलिसानी केली, त्यांनतर आम्ही चारही पदाधिकारी तिथून परत चंद्रपूरला आलो.

    फिर्यादी म्हणतो पोलिसांनीच मला मारहाण केली

    मात्र दुसऱ्या दिवशी उलट आमच्यावर विविध कलम अंतर्गत गुन्हे दाखल झाले असल्याचे समजले, वाहन चालक माधुरे यांनी आमच्याशी संपर्क साधत मला पोलिसांनी मारहाण करीत दबाव टाकला व गुन्हा दाखल करण्यासाठी भाग पाडले असे सांगितले. विशेष बाब म्हणजे वाहनचालक विनोद दिवाकर माधुरे हे स्वतः पत्रकार परिषदेत उपस्थित होते, ते म्हणाले कि पोलिसांनी मला मारहाण करीत गुन्हा दाखल करण्यास भाग पाडले.

    पोलीस म्हणतात आम्ही नियमाप्रमाणे काम केले

    याबाबत सावली पोलीस स्टेशनचे पोलीस निरीक्षक प्रदीप पुरुलवार म्हणाले कि आम्ही कायद्याच्या अधीन राहून गुन्हे दाखल केले आहे, ७ एप्रिलला जो प्रकार घडला त्याबाबत वाहनचालक माधुरे यांनी दिलेल्या बयानावरून आम्ही गुन्हे दाखल केले आहे, राहिला प्रश्न वाहन चालकाने आमच्यावर जे मारहाणीचे आरोप केले तर आमच्या पोलीस स्टेशनमध्ये २४ तास सीसीटीव्ही सुरु असतात,वाहन चालक हा मद्यप्राशन करून होता त्याच्यावर ड्रंक अँड ड्राइव्ह चा गुन्हा दाखल करण्यात आला आहे. आज चालक आमच्यावर आरोप करीत असेल तर त्याच्यावर सुद्धा आरोपींनी दबाव आणला असेल. विशेष बाब म्हणजे मनसे पदाधिकाऱ्यांनी किती पैसे मागितले याबाबत काही उत्तर मिळाले नाही. तक्रारीत सुद्धा त्याबाबत उल्लेख नाही, त्यामुळे सदर कारवाई ही सूडबुद्धीने झाली असे म्हटल्यास वावगं ठरणार नाही.

    चंद्रपूर जिल्ह्यात एकीकडे गुन्हेगारीने राक्षसी रूप धारण केले आहे, मागील वर्ष भरात जिल्ह्यात गंभीर गुन्हे घडलेले आहे, त्यावर अजूनही पोलीस दलातर्फे ठोस पाऊले उचलली जात नसून केवळ कारवाईचा फास फेकण्याचे काम सुरु आहे. अश्यात मनसे पदाधिकारी यांच्यावर गुन्हे दाखल झाल्याने त्यांनी पोलिसांच्या कारवाईवर प्रश्नचिन्ह उपस्थित करीत गंभीर आरोप केले आहे. मनसे पदाधिकारी यांनी यावर मुख्यमंत्री देवेंद्र फडणवीस, मनसे अध्यक्ष राज ठाकरे व पोलीस महानिरीक्षक दिलीप भुजबळ यांच्याकडे तक्रार दाखल केली आहे.

  • Kshatriya Mali Samaj । महात्मा फुले जयंतीची सामाजिक भेट : क्षत्रिय माळी समाज भवन नूतनीकरणासाठी ४० लाखांचा आमदार निधी

    Kshatriya Mali Samaj

    ४० लाखांचा आमदार निधी – सामाजिक बांधिलकीचा नमुना

    Kshatriya Mali Samaj : महात्मा फुले हे केवळ नाव नाही, तर सामाजिक परिवर्तनाची एक अखंड ज्वाळा आहेत. त्यांनी शिक्षण, समता आणि सामाजिक न्याय या तत्त्वांना समाजाच्या केंद्रस्थानी आणले. आज ४० लाख रुपये आमदार निधीतून क्षत्रिय माळी समाज भवनाच्या नूतनीकरणाचे भूमिपूजन होत आहे. ही जागा समाजाच्या भावी पिढ्यांसाठी मार्गदर्शन करणारी ठरेल, नव्या विचारांचे केंद्र बनेल, आणि सामाजिक ऐक्य वाढवणारी भूमी ठरेल. महात्मा ज्योतिबा फुले यांच्या जयंतीनिमित्त ही समाजाला विकासाची भेट असल्याचे प्रतिपादन आमदार किशोर जोरगेवार (mla kishor jorgewar) यांनी केले.

    हंसराज अहिर यांनी वेकोलि प्रशासनाला धरले धारेवर

    आमदार किशोर जोरगेवार यांनी उपलब्ध करून दिलेल्या ४० लाख रुपयांच्या स्थानिक आमदार निधीतून क्षत्रिय माळी समाज भवनाचे नूतनीकरण करण्यात येणार आहे. आज गुरुवारी  या कामाचे भूमिपूजन आमदार किशोर जोरगेवार यांच्या हस्ते करण्यात आले. यावेळी ते बोलत होते. या कार्यक्रमाला माजी नगरसेवक नंदू नागरकर, क्षत्रिय माळी सेवा मंडळाचे अध्यक्ष राजू बनकर, भारतीय जनता पक्षाचे माजी शहराध्यक्ष दशरथसिंह ठाकूर, अमोल शेंडे, क्षत्रिय माळी सेवा मंडळाचे उपाध्यक्ष धनंजय वासेकर, सागर वासेकर आदी मान्यवर मंचावर उपस्थित होते. Community hall renovation ideas

    यावेळी पुढे बोलताना आमदार जोरगेवार म्हणाले की, चंद्रपूर मतदारसंघाच्या विकासासाठी आपण सातत्याने प्रयत्नशील आहोत. शहराचा शैक्षणिक, सांस्कृतिक, धार्मिक आणि पर्यटनदृष्ट्या विकास करण्यावर आमचा भर आहे. हे विकासकार्य सुरू असताना प्रत्येक समाजाला सक्षम करण्याचे कामही आमच्या वतीने केले जात आहे. समाज बांधवांकडे स्वतःच्या हक्काचे भवन असावे यासाठी शहरी भागासह ग्रामीण भागातही समाज भवन निर्मितीवर भर दिला आहे. आता क्षत्रिय माळी समाज भवनाचे नूतनीकरण करण्यासाठी निधी देता आला याचा आनंद आहे.

    महात्मा फुले हे सामाजिक क्रांतीचे अग्रदूत होते. शोषित, वंचित आणि मागासलेल्या घटकांसाठी त्यांनी शिक्षणाचे दरवाजे खुले केले. आमदार निधी अंतर्गत ४० लाख रुपयांची तरतूद करून क्षत्रिय माळी समाज भवनाच्या नूतनीकरणाचे काम हाती घेण्यात आले आहे. समाजासाठी ही जागा एक महत्त्वाची सांस्कृतिक आणि सामाजिक ओळख आहे. येथून अनेक उपक्रम, एकत्र येणं, आणि भावी पिढ्यांसाठी मार्गदर्शन होणार आहे. या माध्यमातून प्रत्येक समाजघटकाला न्याय मिळावा, संधी मिळावी, आणि त्या संधींच्या माध्यमातून विकासाची वाट मोकळी व्हावी. असेही आमदार जोरगेवार यांनी यावेळी बोलताना सांगितले.

    यावेळी माळी समाज युवा मंचाचे अध्यक्ष सागर वानखेडे, सचिन निंबाळकर, अभिजीत मारोतकर, कार्तिक वानखेडे, भालचंद्र दानव, शैलेश इंगोले, आशुतोष वानखेडे यांच्यासह समाजबांधव मोठ्या संख्येने उपस्थित होते.

  • loktantra senani pension । माजी मंत्री सुधीर मुनगंटीवार – सेनानींच्या हक्कासाठी नवे पर्व सुरू

    loktantra senani pension

    लोकशाही सेनानींच्या हक्कांसाठी विधानसभेत बुलंद आवाज

    राज्याचे माजी मंत्री आ. श्री. सुधीर मुनगंटीवार यांचे लोकतंत्र सेनानी संघाकडून विशेष आभार

    loktantra senani pension : चंद्रपूर – आणीबाणीच्या काळात कुटुंबाचा आणि स्वतःचा जराही विचार न करता केवळ “राष्ट्र सर्वोपरी” म्हणून देशासाठी कारावास भोगून संघर्ष करणाऱ्या लोकतंत्र सेनानींचा आवाज विधानसभेत बुलंद केल्याबद्दल लोकतंत्र सेनानी संघाने राज्याचे माजी वने, सांस्कृतिक कार्य व मत्स्यव्यवसाय मंत्री आ. श्री. सुधीर मुनगंटीवार यांचे आभार मानले आहेत. sudhir mungantiwar news

    दारू दुकान वाटपात मोठा भ्रष्टाचार

    लोकतंत्र सेनानींना मानधन मिळण्यात व इतर प्रशासकीय बाबींमध्ये येत असलेल्या अडचणींचे निवेदन मुख्यमंत्री श्री. देवेंद्र फडणवीस यांना दिल्याबद्दल कृतज्ञता व्यक्त करण्यासाठी संघटनेच्या शिष्टमंडळाने आ. श्री. मुनगंटीवार यांची अलीकडेच प्रत्यक्ष भेट घेतली. लोकतंत्र सेनानी संघाचे (जालना, परतूर) कार्याध्यक्ष रघुनाथ दीक्षित, महासचिव विश्वास कुलकर्णी (जळगाव), प्रदीप ओगले (सांगली),  अरुण भिसे (यवतमाळ), पांडुरंग जिंजुर्डे (यवतमाळ) आणि यादवराव गहूकार (यवतमाळ) यांनी आ. श्री. मुनगंटीवार यांची भेट घेतली.

    लोकतंत्र सेनानींच्या सन्मान निधित भरीव वाढ करण्याची मागणी आ. श्री. सुधीर मुनगंटीवार यांनी मुख्यमंत्री श्री. देवेंद्र फडणवीस यांना निवेदनाद्वारे केली होती. आ. श्री. मुनगंटीवार यांनी निवेदनामध्ये राजस्थान सरकारच्या निर्णयाचा दाखला दिला आहे. आणीबाणीमुळे देशाच्या लोकशाहीचे महत्त्व लक्षात घेऊन लोकतंत्र सेनानी म्हणून ज्यांनी  करावास भोगला, त्या सर्व लोकतंत्र सेनानींचा सन्मान करणे ही शासनाची जबाबदारी आहे, असे निवेदनात म्हटले आहे.

    राजस्थान सरकारने लोकतंत्र सेनानी सन्मान म्हणून पेन्शन राशी 20 हजार रुपये केली आहे. तसेच आरोग्य चिकित्सा सहाय्य म्हणून 4 हजार रुपयांची राशी दर महिन्याला तेथे दिली जाते. महाराष्ट्रात सध्यस्थितीत 4 हजार 103 स्वातंत्र्य सेनानी सन्मान निधीस पात्र आहेत. राजस्थान सरकारची अधिसूचना लक्षात घेऊन महाराष्ट्रात देखील हा सन्मान निधी वाढविण्यासाठी मुख्यमंत्र्यांनी पुढाकार घ्यावा, अशी विनंती आ. श्री. मुनगंटीवार यांनी केली आहे.

    विधानसभेतील चर्चेत विविध मतदारसंघांच्या आमदारांनी सहभागी होणे तसेच हा मुद्दा सरकारच्या लक्षात आणून देणे, हे केवळ आ. श्री. मुनगंटीवार यांच्यामुळे शक्य झाले आहे. तसेच आ. श्री. मुनगंटीवार यांनी दिलेल्या निवेदनावर देखील कार्यवाही करण्याचे आदेश मुख्यमंत्र्यांनी दिले आहेत. आणीबाणीमध्ये लोकशाहीच्या रक्षणासाठी समर्पितपणे लढणाऱ्या सेनानींसाठी आ. श्री. मुनगंटीवार यांनी घेतलेल्या पुढाकाराबद्दल आम्ही कृतज्ञ आहोत, या शब्दांत लोकतंत्र सेनानी संघाने आभार व्यक्त केले आहेत.

    ताम्रपत्रासाठी प्रयत्न करण्याचा शब्द
    सर्व सेनानींना सरकारतर्फे ताम्रपत्र देण्याची विनंती संघटनेतर्फे करण्यात आली. यावर सरकारदरबारी नक्की प्रयत्न करणार, असा शब्द आ. श्री. मुनगंटीवार यांनी दिला. यासोबतच सेनानींच्या निधनानंतर त्यांच्या वारसदारांना मिळणारे मानधन बंद झाल्याचा मुद्दाही आ. श्री. मुनगंटीवार यांनी नोंदवून घेतला. त्यासाठी अधिकाऱ्यांशी चर्चा करून प्रश्न मार्गी लावणार असल्याचे त्यांनी सांगितले. tamrapatra for freedom fighters

  • Wcl Wani Area । नोकरी, पुनर्वसन आणि बेकायदा उत्खनन : अहीर यांनी वेकोलि प्रशासनाला धारेवर धरले!

    Wcl Wani Area

    अहीरांच्या अध्यक्षतेखाली वणीत महत्वपूर्ण बैठक; जमीन, रोजगार आणि कोळसा चोरीच्या प्रश्नांवर मंथन

    Wcl Wani Area चंद्रपूर: दि. ०८ एप्रिल रोजी वणी क्षेत्रीय महाप्रबंधक कार्यालय, उर्जाग्राम, ताडाली येथे राष्ट्रीय  मागासवर्ग आयोगाचे अध्यक्ष तथा पूर्व केंद्रीय गृह राज्यमंत्री हंसराज अहीर(Hansraj Ahir) यांचे द्वारे वणी क्षेत्राशी  संबंधित जमीन अधिग्रहण, रोजगार, ओव्हर बर्डन कंपनीमध्ये स्थानिक युवकांना शासन निर्णयानुसार ८० टक्के रोजगार, एचपीसी वेजेस व कामगारांचे इतर प्रश्न, गाडेगाव ओसीएम परियोजनेतून सेक्शन ७ नंतर सुटलेली जमीन अधिग्रहण, निलजई परियोजनेतून सुटलेली उकणी येथील जमीन अधिग्रहण व पुनर्वसन, खाण परिसरातील कोळसा चोरी व वाढती गुन्हेगारी यावर मर्यादा आणण्यासाठी ड्रोन सेवेचा वापर, नविन प्रस्तावित परियोजनांची विद्यमान स्थिती, गावांचे पुनर्वसन, ५ वर्ष मर्यादेसाठी प्रलंबित नोकरी प्रस्ताव, न्यायालय प्रलंबित नोकरी प्रस्ताव या व अन्य विषयांवर बैठक पार पडली.

    मनसेचे मनोज तांबेकर रुग्णांसाठी ठरले देवदूत

                    मुख्यमहाप्रबंधक वेकोलि, वणी क्षेत्र आभासचंद्र सिंग, क्षेत्रीय कार्मिक प्रबंधक बिनेज कुमार, सुजित कुमार पिशारेड्डी महाप्रबंधक संचालन, संजय जामगडे क्षेत्रीय नियोजन अधिकारी तसेच संजय तिवारी, मनोहर झाडे सरपंच गाडेगाव, शाम कनकम, यांचेसह गाडेगाव, विरूर, बोरगाव तसेच विविध परियोजनेतील प्रकल्पग्रस्तांची बैठकीत उपस्थिती होती.

                    निलजई प्रकल्पात उकणी येथील उर्वरित जमीन अधिग्रहणबाबत प्रस्ताव मुख्यालयाला पाठवण्यात आल्याची तसेच गावाच्या पुनर्वसनाच्या संदर्भात बेस लाईन सर्वे झालेला असल्याची माहिती प्रबंधनाद्वारे देण्यात आली. तसेच गाडेगाव एक्सपॉन्शन ओसीएम प्रकल्पात सेक्शन ७ साठी गेलेल्या ६६५ हेक्टर जमिनीपैकी सोनुर्ली १० हेक्टर, विरूर ४० हेक्टर, जमीन सेक्शन ९ च्या वेळेस कमी करण्यात आल्याचा विषय या दरम्यान चर्चेला आला. आणि या उर्वरित जमिनीच्या अधिग्रहणाचा प्रस्ताव सदर बैठकीचा संदर्भ देवून वेकोलि मुख्यालयाला पाठविण्यात यावा असे निर्देश मा. महोदयांनी दिले. hansraj ahir

                    विरूर गावाच्या पुनर्वसन संदर्भात उर्वरित ६५ परिवारांना मुख्यतः प्लॉट देण्यात यावे किंवा याबद्दल्यात मिळणारा मोबदला वाढीव स्वरूपात देण्यात यावा याबाबत प्रस्ताव तयार करून वेकोलि मुख्यालयाला पाठविण्याचे निर्देश अहीरांनी दिले. तसेच वणी क्षेत्रामध्ये प्रस्तावित प्रकल्प ज्यामध्ये, कोलगांव परियोजना सेक्शन ११ साठी, गाडेगाव एक्सपॉन्शन ओसीएम परियोजना सेक्शन ९ साठी, मुंगोली नॉर्थ एक्सटेन्शन सेक्शन ४ साठी प्रस्तावित तर निलजई डिप हा प्रकल्प सुध्दा भविष्यात होणार असल्याची माहिती क्षेत्रीय महाप्रबंधक यांनी दिली. wcl wani area

                    विविध प्रकल्पातील अर्थहिन न्यायीक दाव्यांमुळे प्रलंबित असलेल्या नोकरी प्रस्तावांची छानणी करून सातबारा धारकांच्या बाजुने गुणवत्ता प्राप्त दाव्यातील रोजगार प्रस्ताव क्षतीपुर्ती बंधपत्र दाखल करून मंजूर करण्यासाठी वेकोलि मुख्यालयाला प्रेषित करावे असेही हंसराज अहीर म्हणाले.

                    वेकोलि अधिनस्त कार्यरत असलेल्या ओव्हर बर्डन कंत्राटी कंपन्यांमध्ये रोजगार देतांना राज्यशासनाच्या ८०:२० प्रमाणात स्थानिक युवकांना प्राधान्य देण्याच्या शासन निर्णयाचे काटेकोर पालन करण्याबाबत प्रबंधनाने पावले उचलावित यासाठी ऑपरेटर ट्रेनिंग कार्यक्रम वेकोलि प्रबंधनाच्या माध्यमातून राबवण्यात यावा व स्थानिक युवकांना वॉल्वो/आयशर या कंपनीमध्ये कार्यरत गाड्यांवर ऑपरेटर म्हणून सक्षम करून रोजगाराची संधी द्यावी. तसेच सुपरवायझर, हेल्पर यामध्ये सुध्दा स्थानिक डिप्लोमा, आयटीआय धारक युवकांना प्राधान्य देण्याच्या तसेच कामगारांना एचपीसी वेजेस, नियमित तारखेला वेतन व वैद्यकीय सुविधा देण्याच्या सुचना आयोगाच्या माध्यमातून करण्यात आल्या.

                    बैठकीला मारोती पिंपळकर, रविदास करमनकर, संजय राव, सुनिल पाचभाई, निलेश राव, तासिंग चंदेल, विलास चौधरी, महादेव नभिलकर, प्रणय डंभारे, आशय चंदनखेडे यांचेसह अन्य प्रकल्पग्रस्त शेतकरी बांधव उपस्थित होते.

  • public hospital ambulance shortage । रुग्णाला रात्रभर रुग्णवाहिकेची प्रतीक्षा – मनसेच्या तत्परतेमुळे वाचला जीव!

    public hospital ambulance shortage

    “मनोज तांबेकर यांच्या तात्काळ प्रयत्नामुळे टळली जीवितहानी”

    public hospital ambulance shortage : चंद्रपूर: महाराष्ट्र नवनिर्माण सेनेचे (मनसे) चंद्रपूर रोजगार स्वयंरोजगार विभागाचे जिल्हाध्यक्ष मनोज भाऊ तांबेकर यांनी सार्वजनिक रुग्णालयातील रुग्णवाहिकांच्या अपुऱ्या संख्येवरून आवाज उठवला आहे. त्यांच्या तत्परतेमुळे एका गंभीर रुग्णाला वेळेत मदत मिळाली, तर दुसरीकडे रुग्णालयात अधिक रुग्णवाहिका उपलब्ध करून देण्याची मागणी मनसेने केली आहे.

    घटनेनुसार, दिनांक ५ एप्रिल २०२५ रोजी सार्वजनिक रुग्णालय चंद्रपूर येथील वार्ड क्रमांक ८ मध्ये दाखल असलेले बंडू सती बावणे या रुग्णाची तब्येत अचानक बिघडली. डॉक्टरांनी त्यांना तातडीने नागपूर येथे हलवण्याचा सल्ला दिला. रुग्णाच्या कुटुंबीयांनी रुग्णवाहिकेसाठी १०८ या टोल-फ्री क्रमांकावर संपर्क साधला, परंतु त्यांना रात्री १० वाजेपर्यंत रुग्णवाहिका उपलब्ध झाली नाही. ambulance availability in government hospitals

    चंद्रपूर जिल्ह्यातील दारू दुकान परवाना वाटपात कोट्यवधींचा घोटाळा

    या परिस्थितीत रुग्णाच्या कुटुंबीयांनी मनसेचे चंद्रपूर रोजगार स्वयंरोजगार विभागाचे जिल्हाध्यक्ष मनोज भाऊ तांबेकर यांच्याशी संपर्क साधला. तांबेकर यांनी तात्काळ रुग्णालयात धाव घेतली आणि रुग्णालयाचे डीन डॉ. कांबळे यांच्याशी संपर्क साधून त्वरित रुग्णवाहिकेची व्यवस्था केली. त्यामुळे रात्री १२ वाजता रुग्णाला नागपूर येथे हलवणे शक्य झाले.

    या घटनेच्या पार्श्वभूमीवर, आज दिनांक ९ एप्रिल २०२५ रोजी मनसे रोजगार स्वयंरोजगार जिल्हाध्यक्ष मनोज भाऊ तांबेकर यांच्या नेतृत्वात मनसे कार्यकर्त्यांनी सार्वजनिक रुग्णालयात जाऊन तेथील सी.एस. डॉ. महादेव चिंचोडे यांना भेटून रुग्णालयातील समस्या निदर्शनास आणून दिल्या. तसेच, रुग्णालयाला अधिक रुग्णवाहिका उपलब्ध करून देण्याची मागणी निवेदनाद्वारे करण्यात आली. emergency medical services shortage India

    यावेळी मनसेचे जिल्हा उपाध्यक्ष रोजगार स्वयंरोजगार विभाग राज वर्मा, शहर संघटक रोजगार स्वयंरोजगार विभाग संदीप पटेल, शहर अध्यक्षा महिला सेना वर्षाताई भोमले, शहर उपाध्यक्षा महिला सेना मंदाताई कऱ्हाडे यांच्यासह अनेक मनसैनिक उपस्थित होते. मनसेने रुग्णवाहिकांची संख्या वाढवण्याची मागणी करत प्रशासनाचे लक्ष वेधले आहे.

  • Aaple Sarkar portal downtime । आपले सरकार’ पोर्टल 5 दिवस बंद! 10 ते 14 एप्रिल दरम्यान ऑनलाईन सेवा होणार unavailable

    Aaple Sarkar portal downtime

    महाआयटीच्या देखभाल आणि अद्ययावत कामासाठी राज्यातील नागरिकांना मिळणाऱ्या शासकीय सेवा तात्पुरत्या बंद; ग्रामपंचायत, सेतू केंद्र, आणि पोर्टलवर अवलंबून नागरिकांनी ही महत्त्वाची पूर्वसूचना लक्षात घ्यावी.

    Aaple Sarkar portal downtime : चंद्रपूर, दि. 9 एप्रिल : राज्य शासनाच्या विविध विभागांच्या सेवा ‘आपले सरकार’ पोर्टलवरून प्रदान केल्या जातात. महाराष्ट्र माहिती तंत्रज्ञान महामंडळ मर्यादित (महाआयटी) यांनी हे पोर्टल विकसित केले आहे.

    असंख्य युवकांचा कांग्रेसमध्ये प्रवेश

    या पोर्टलची नियमित देखभाल आणि तांत्रिक अद्यतनासाठी दिनांक 10 एप्रिल  ते 14 एप्रिल 2025 असे पाच दिवस या पोर्टलची सेवा बंद राहील. या काळात  कार्यालयीन कामकाजाचा फक्त एक दिवस वगळता उर्वरित सर्व दिवस सार्वजनिक सुट्टीचे आहेत. Aaple Sarkar services unavailable

    राज्यातील सर्वसामान्य नागरिक, ग्रामीण आणि शहरी भागातील ‘आपले सरकार’ केंद्र चालक, ‘सेतू’ केंद्र चालक, संबंधित ग्रामपंचायती आणि शासकीय कर्मचारी यांनी या पूर्वसूचनेची नोंद घ्यावी. या कालावधीत ‘आपले सरकार’ सेवा पोर्टलमार्फत दिली जाणारी कोणतीही सेवा उपलब्ध असणार नाही, असे जिल्हा प्रशासनाने कळविले आहे.

    “Aaple Sarkar Portal to Remain Closed from April 10 to 14, 2025”

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by