My Blog

Tag: MH34

  • wife kills husband over domestic violence । आईनेच केली वडिलांची हत्या! पितृदिनी मुलं झाली पोरकी, सिंदेवाही तालुक्यातील घटना

    wife kills husband over domestic violence

    wife kills husband over domestic violence : सिंदेवाही – एकीकडे प्रेमाच्या लोभापायी लग्न झाल्यावर पतीचा खून केल्याची घटना सध्या देशात चर्चेचा विषय बनला आहे, तर राज्यात कौटुंबिक हिंसाचारातून काही महिला आत्महत्या करतानाचे प्रकरण उघडकीस येत आहे मात्र ग्रामीण भागात पतीचा व कौटुंबिक जाचाला कंटाळुन महिलेने थेट पतीला यमसदनी पाठविल्याची घटना चंद्रपूर जिल्ह्यातील सिंदेवाही तालुक्यात घडली आहे. मात्र या घटनेमुळे दोन मुले पोरकी झाली.

    राजुरा शहरात महिलेची हत्या

    मौजा सिंदेवाही तालुक्यातील नवीन जामसाळा येथील पत्नी वैशाली चौधरी ने पती दुर्वास चौधरीचा रुमालाच्या साहाय्याने गळा आवळून खून केल्याची घटना १४ जूनला रात्री घडली, मृतकाची आई सुनंदा चौधरी ने सिंदेवाही पोलिस स्टेशन येथे सुनेविरोधात तक्रार दाखल केली. आरोपी वैशाली चौधरी ला ताब्यात घेऊन गुन्हा दाखल करीत अटक करण्यात आली.

    नवीन जामसाळा येथे सदर घटना १५ जून ला रविवार सकाळी सहा वाजता उघडकीस आली. कौटुंबिक वादातून हि हत्या झाली अशी माहिती सिंदेवाही पोलिसांनी दिली आहे. domestic violence murder two kids orphaned

    कौटुंबिक वाद विकोपाला

    नवीन जामसाळा येथील चौधरी कुटुंबात नेहमी कौटुंबिक वाद होत होता, मृतक दुर्वास हा दारू पिऊन पत्नीला नेहमी त्रास देत होता, १४ जूनला मृतक दुर्वास व वैशाली या दोघांमध्ये कडाक्याचे भांडण झाले, पतीचा होणार सततच्या त्रासाला वैशाली कंटाळून गेली होती, आता त्रास सहन करायचा नाही, असा राग वैशालीच्या मनात घर करून बसला. शनिवारी झालेलं भांडणाचा बदला घेण्यासाठी वैशालीने रात्री पती दुर्वास झोपल्यावर त्याचा रुमालाने गळा आवळत त्याचा खून केला. सकाळी दुर्वास ला आईने हाक मारली मात्र तो काही प्रतिसाद देत नव्हता, आईने बघितले असता दुर्वास हा निपचित पडला होता, याबाबत पोलिसांना माहिती दिली.

    सिंदेवाही पोलिसांनी तात्काळ घटनास्थळ गाठलं दुर्वासच्या पत्नी व आईची चौकशी केली, यावर शनिवारी दोघांमध्ये कडाक्याचे भांडण झाले असल्याची माहिती आई सुनंदा चौधरी ने पोलिसांना दिली, पोलिसांनी पत्नी वैशालीची कसून चौकशी केली असता तिने गळा आवळून दुर्वासचा खून केल्याची कबुली दिली. सुनंदा चौधरी यांच्या तक्रारीवरून पोस्टे सिंदेवाही येथे अप.क. २१०/२०२५ कलम १०३(१), ११५ (२), ३५२ अन्वये गुन्हा दाखल करण्यात आला.

    सदर गुन्ह्याचा तपास उपविभागिय पोलीस अधिकारी दिनकर ठोसरे यांच्या मार्गदर्शनात पोलिस निरीक्षक विजय राठोड पो. स्टे सिन्देवाही करीत आहे.

    पितृदिनी आईने केली दोन मुले पोरकी

    सकाळी घटनेची माहिती उघडकीस होतास आईने आपल्या वडिलांचा गळा दाबून खून केला असल्याची पोलिसांना कबुली दिली. मृतक दुर्वास चौधरी याला दोन मुले आहेत. एकाचे वय 10 वर्ष, आणि दुसरा 12 वर्षाचा आहेत. या मुलांना वडिलांपासून पितृदीनी आईने पोरके केले आहे.

  • unidentified attackers killed woman Rajura । महिलेच्या हत्येने राजुरा हादरलं, रमाबाईनगरमध्ये भीतीचं वातावरण!

    unidentified attackers killed woman Rajura

    unidentified attackers killed woman Rajura : राजुरा – चंद्रपूर जिल्ह्यात गुन्हेगारी झपाट्याने वाढत असून जिल्ह्यातील राजुरा शहरात ५५ वर्षीय महिलेची अज्ञाताने धारदार शस्त्राने वार करीत हत्या केल्याची घटना उघडकीस आली आहे. राजुरा शहरातील रमाबाईनगर वार्डात राहणाऱ्या ५५ वर्षीय कविता रायपूरे असे मृतकाचे नाव आहे.

    मृतक कविता रायपुरे यांचा मुलगा सुरेश रायपुरे हा खाजगी संस्थेत सुरक्षारक्षक म्हणून काम करतो. तो रात्रौ आठ वाजता आपल्या कामावर गेला होता. कविता रायपूरे ही घरात एकटीच होती. सदर मृतक महिला हि किराणा दुकान चालविते. १४ जून रोजी रात्री मृतक महिला हि घर एकटीच होती, घरा समोरील गेटला कुलूप लावून होते, आज (दिनांक 15 जून ) ला सकाळी बाजूलाच राहणारी मुलगी ममता अलोणे हि दूध नेण्यासाठी घरी आली मात्र आईने प्रतिसाद दिला नाही, त्यामुळे गेटचे कुलूप काढून दार ठोठावले तर दार उघडत नव्हते. Kavita Raipure murder Rajura crime news

    चंद्रपुरात अल्पवयीन मुलीवर अत्याचार

    खिडकीतून ममता ने बघितले तर कविता रायपुरे या बेडवर झोपलेल्या अवस्थेत होत्या. ममता ने आईला हाक मारली मात्र आईने प्रतिसाद दिला नाही. ममता ने आपल्या पतीला याबाबत सांगितले, अथक प्रयत्न करूनही कविता प्रतिसाद देत नसल्याने तुझी आई गेली असे ममताचा पती म्हणाला, याबाबत राजुरा पोलिसांना माहिती देण्यात आली, पोलिसांनी दरवाजा उघडत आत प्रवेश केला असता कविता रायपुरे रक्तबंबाळ अवस्थेत होत्या, मृतकाच्या कपाळाच्या वरच्या बाजूस डोक्याला धारधार वस्तूने मारल्याचे दिसत होते. चेहऱ्यावर, कपाळावर आणि छातीवर मार असल्याचे पोलिसांच्या निदर्शनात आले.

    हल्लेखोर ओळखीचा कि अनोळखी?

    राजुरा पोलिसांनी घटनेचा पंचनामा करीत तपासाला सुरुवात केली आहे.महिला व तिचा मुलगा दोघेच घरात राहत होते. रात्रौ मुलगा कामावर गेल्याने ती महीला घरात एकटीच होती कुणीतरी अज्ञाताने हल्ला केला किंवा मृतक हल्लेखोराला ओळखत असल्याची शक्यता वर्तविण्यात आली आहे.

    कविता रायपूरे यांना दोन मुली आणि एक मुलगा आहे एक मुलगी राजुरा येथे रमाबाई नगर येथेच राहत असून दुसरी मुलगी पूजा फुसे ही यवतमाळ येथे राहते, राजुरा पोलिसांनी अज्ञात आरोपीवर कलम ३३२ (ब), १०३ (१) हत्येचा गुन्हा दाखल केला आहे.

  • Sudhakar Adbale teachers problem resolution । “समस्या तुमच्या, पुढाकार आमचा” – विजाभज आश्रमशाळेतील शिक्षकांच्‍या समस्‍यांबाबत सभा

    Sudhakar Adbale teachers problem resolution

    Sudhakar Adbale teachers problem resolution : चंद्रपूर : विदर्भ माध्यमिक शिक्षक संघाचा “समस्या तुमच्या, पुढाकार आमचा” या उपक्रमा अंतर्गत विदर्भ माध्यमिक शिक्षक संघाचे प्रांतीय सरकार्यवाह तथा शिक्षक आमदार सुधाकरराव अडबाले यांच्या मार्गदर्शनाखाली तथा म. रा.मा.शि. महामंडळ मुंबई सहकार्यवाह जगदीश जुनगरी यांचे प्रमुख उपस्थितीत इतर मागास बहुजन कल्याण विभागांतर्गत आश्रमशाळेतील शिक्षक-शिक्षकेत्तर कर्मचाऱ्यांच्या प्रलंबित समस्‍या निवारणार्थ सभा दि. १३ जून २०२५ रोजी इतर मागास बहुजन कल्‍याण विभाग चंद्रपूरच्या सहाय्यक संचालक श्रीमती आशा कवाडे यांचे कार्यालयात पार पडली. सभेकरिता प्रादेशिक उपसंचालक विजय वाकुलकर नागपूर हे सुद्धा उपस्थित होते. Vidarbha secondary teachers association meeting

    सिंदेवाही तालुक्यात हत्ती ने वृद्धाला चिरडले

    इतर मागास बहुजन कल्‍याण विभागाचा शासन निर्णय दिनांक ४ जून २०२५ नुसार विजाभज आश्रमशाळेतील पात्र शिक्षक-शिक्षकेत्तर कर्मचाऱ्यांना एकस्तर पदोन्नती लाभ मंजूर करून सन २०२० पासून बंद असलेला प्रोत्साहन भत्ता वेतनात सुरू करून प्रलंबित थकबाकी तात्काळ अदा करण्यात यावी, या प्रमुख मागणीसह आश्रमशाळा कर्मचाऱ्यांचे वेतन नियमित करणे, जिल्ह्याबाहेर झालेले प्राथमिक शिक्षकांचे समायोजन रद्द करून दिनांक १२ जुलै २०१९ च्या शासन परिपत्रकानुसार जिल्ह्यातच प्राथमिक/ माध्यमिक आश्रमशाळेतील रिक्त जागांवर करणे, प्रलंबित भ.नि.नि. / डिसीपीएस हिशोबचिठ्या तात्काळ वितरित करणे, कर्मचाऱ्यांचे वैद्यकीय प्रतिपूर्ती, वरिष्ठ/निवड श्रेणी, वैद्यकीय प्रतिपूर्ती प्रस्ताव, निवृत्ती वेतन प्रस्ताव सेवा हमी कायद्यानुसार ४५ दिवसांच्या आत मार्गी लावणे, Ashram school teacher pension allowance pending Maharashtra

    शिक्षकांच्या विविध समस्यांवर चर्चा

    जिल्ह्यातील सर्व कर्मचाऱ्यांची सेवापुस्तस्के अद्ययावत करून पडताळणी करून घेणे, माहे जानेवारी २५ पासून प्रलंबित १% घरभाडे भत्ता फरक तात्काळ अदा करणे, शासननिर्णय ३१ मे, २०२४ नुसार पुढील संचमान्यता करतांना सरल पोर्टलवरील आधार प्रमाणित विद्यार्थी ग्राह्य धरणे व खुल्या प्रवर्गातील शिक्षक रविंद्र ठमके यांचे आरक्षित जागेवर झालेले नियमबाह्य समायोजन तात्काळ रद्द करण्यात यावे, या प्रमुख मागण्यांसह अनेक विषयांवर सकारात्मक चर्चा झाली. बहुतांश उपस्थित समस्याग्रस्तांचे प्रस्ताव सभेच्या दिवशीच निकाली काढण्यात आले. सर्व प्रलंबित समस्‍या तात्‍काळ निकाली काढण्याचे निर्देश आमदार सुधाकर अडबाले यांनी सहाय्यक संचालकांना दिले आहे.

    सदर समस्या निवारण सभेकरिता विदर्भ माध्यमिक शिक्षक संघाचे जिल्हाध्यक्ष सुनील शेरकी, जिल्हा कार्यवाह दीपक धोपटे, महानगर कार्यवाह सुरेंद्र अडबाले, माजी कार्याध्यक्ष लक्ष्मणराव धोबे, उपाध्यक्ष आनंद चलाख, आश्रमशाळा विभागाचे जिल्हा कार्यवाह किशोर नगराळे, जिल्‍हाध्यक्ष दिनेश चौधरी, आदिवासी आश्रमशाळा जिल्हाध्यक्ष प्रमोद साळवे तथा संघटनेचे पदाधिकारी, केशवराव ठाकरे, पद्माकर वनकर, वसंत कोंडेकर, संतोष टोंगे, नवनाथ वरारकर, अनिल लांजेकर व इतर आश्रमशाळा पदाधिकारी, समस्याग्रस्‍त शिक्षक मोठ्या संख्येने उपस्थित होते.

  • two elephants kill 60 year old in Sindewahi । 🆘 थरारक! हत्तींच्या हल्ल्याने सिंदेवाही परिसरात खळबळ – वृद्धाला उचलून फेकलं, चिरडून मारलं

    two elephants kill 60 year old in Sindewahi

    two elephants kill 60 year old in Sindewahi : चंद्रपूर / सिंदेवाही – चंद्रपूर जिल्ह्यात गेल्या काही दिवसांपासून सैरावैरा फिरणाऱ्या दोन हत्तींनी अखेर एका वृद्धाचा बळी घेतला आहे. सिंदेवाही तालुक्यातील जाटलापूर गावालगत रविवारी (१५ जून) सकाळी साडेसहाच्या सुमारास ही थरारक घटना घडली. मारोती कवडू मसराम (वय ६०, रा. जाटलापूर) असे मृतकाचे नाव असून, पॅरालिसिसमुळे मसराम यांना पळता न आल्यामुळे हत्तींनी त्यांच्यावर हल्ला केला.

    चंद्रपूरमध्ये अल्पवयीन मुलीवर अत्याचार

    मिळून हल्ला चढविला

    एकाने त्यांना पायाने चिरडले, तर दुसऱ्याने सोंडेने उचलून जमिनीवर आदळले, यात त्यांचा जागीच मृत्यू झाला.
    आज रविवारी जाटलापूर गावातील काही शेतकरी धान पेरणीसाठी शेताकडे जात असताना गावालगतच्या जंगलातून अचानक हे दोन्ही हत्ती बाहेर आले. त्यांनी शेतकऱ्यांचा पाठलाग करत हल्ला करण्याचा प्रयत्न केला. मात्र शेतकरी पळून गेले आणि त्यांचा जीव वाचला. याच दरम्यान मारोती मसराम हे शौचासाठी घराबाहेर पडले होते. अपंगत्वामुळे ते पळू शकले नाहीत. हत्तींनी त्यांच्याकडे धाव घेत एकाने चिरडले, तर दुसऱ्याने सोंडेत उचलून आदळले. ही दुर्दैवी घटना पाहून शेतकरी हादरले. wild elephant attack on disabled man Maharashtra

    हत्तीचा शोध सुरु

    घटनेनंतर काही शेतकऱ्यांनी गावात धाव घेत ही माहिती दिली. गावकरी घटनास्थळी पोहोचले. पोलिस पाटलांनी तत्काळ सिंदेवाही पोलिसांना कळवले. पोलीस निरीक्षक राठोड यांनी पथकासह घटनास्थळी धाव घेतली. यानंतर वनविभागाचे अधिकारीही दाखल झाले. मृतदेह ताब्यात घेऊन शवविच्छेदनासाठी सिंदेवाही येथे पाठवण्यात आला. मसराम यांच्या पश्चात पत्नी आणि पाच मुलांचा परिवार आहे. घटनेनंतर वन विभागाने दोन्ही हत्तींचा शोध घेणे सुरू केले आहे. हत्ती घटनास्थळावरून इतरत्र पळाले आहेत. वन विभागाचे अधिकारी त्यांच्या मागावर आहेत. वृत्तलिहीपर्यंत हत्तींच्या शोध लागलेला नव्हता. elephant herd enters farmland Chandrapur rural


    सदर दोन हत्ती गडचिरोली जिल्ह्यातून उमा नदी पार करत ताडोबा-अंधारी व्याघ्र प्रकल्पाच्या बफर क्षेत्रात आले आहेत. तेव्हापासून सिंदेवाही व सावली तालुक्यातील अनेक गावांमध्ये त्यांची सतत हालचाल सुरू आहे. काही गावांत ते शिरले असून,नागरिकांवर हल्ला करण्याचे प्रकारही घडले आहेत. त्यामुळे जाटलापूर परिसरात भीतीचे वातावरण निर्माण झाले आहे.


    या घटनेनंतर ग्रामस्थांत तीव्र संताप आणि भीती आहे. गावकऱ्यांनी वनविभागाकडून तत्काळ हत्ती नियंत्रणात घेण्याची आणि मानवहानी थांबवण्यासाठी उपाययोजना करण्याची मागणी केली आहे..

  • Bhadravati Rape Case । धक्कादायक! चंद्रपूरमध्ये १४ वर्षीय मुलीवर अत्याचार

    Bhadravati Rape Case

    Bhadravati Rape Case : चंद्रपूर : शहरातील एका बेघर वस्तीतील तरुणाने १४ वर्षीय अल्पवयीन मुलीला घरी बोलावून तिच्यावर बलात्कार केल्याची धक्कादायक घटना समोर आली आहे. ही संतापजनक घटना शुक्रवार, १३ जून रोजी दुपारी १ ते १:३० वाजण्याच्या सुमारास घडली. या प्रकरणी पोलिसांनी तात्काळ कारवाई करत जुना सुमठाणा येथील रहिवासी असलेल्या सलीम मुलखा सैय्यद (३०) या आरोपीला अटक केली आहे. त्याला आज न्यायालयात हजर केले असता, न्यायालयीन कोठडी सुनावण्यात आली आहे. Protect Children

    रात्री चोरी आणि सकाळी अटक, भद्रावती पोलिसांची जलद कारवाई

    मिळालेल्या माहितीनुसार, शुक्रवार, १३ जून रोजी दुपारी सुमारे १ ते १.३० वाजण्याच्या दरम्यान आरोपी सलीम सैय्यद पीडित मुलीच्या घरी गेला. त्याने मुलीला, “तुझ्या आईने तुला माझ्या घरी बोलावले आहे,” असे खोटे सांगितले आणि तिला आपल्या घरी घेऊन गेला. आरोपीने घरात प्रवेश करताच दरवाजा आतून बंद करून घेतला आणि अल्पवयीन मुलीवर जबरदस्तीने दुराचार केला.

    आरोपीला तात्काळ ठोकल्या बेड्या

    या धक्कादायक घटनेनंतर पीडित मुलीने तातडीने आपल्या पालकांना घडलेला प्रकार सांगितला. मुलीच्या आईने या प्रकरणी भद्रावती पोलीस ठाण्यात तक्रार दाखल केली. तक्रारीच्या आधारे पोलिसांनी वेगाने सूत्रे हलवत त्याच रात्री ९ वाजता आरोपी सलीम सैय्यदला बेड्या ठोकल्या. आरोपीला न्यायालयात हजर केले असता, न्यायालयाने त्याची न्यायालयीन कोठडीत रवानगी केली. या प्रकरणाचा पुढील तपास वरोरा येथील उपविभागीय पोलीस अधिकारी (SDPO) नयोमी साटम करत आहेत.

  • megablock on SECR Nagbhid Brahmpuri track । नागभीड-ब्रम्हपुरी रेल्वेमार्गावर ८ तासांचा मेगाब्लॉक; ७ मेमू गाड्या रद्द, मालगाड्या वळवल्या

    megablock on SECR Nagbhid Brahmpuri track

    megablock on SECR Nagbhid Brahmpuri track : चंद्रपूर: दक्षिण पूर्व मध्य रेल्वेने (SECR) नागभीड-ब्रम्हपुरी दरम्यान रेल्वे रुळाखाली गोसीखुर्द कालव्याचे काम आज, १५ जून रोजी हाती घेतले आहे. यामुळे बल्लारशाह-नागभीड-गोंदिया रेल्वेमार्गावर सकाळी ७ ते दुपारी ३ वाजेपर्यंत, म्हणजेच ८ तासांचा मेगाब्लॉक जाहीर करण्यात आला आहे. या मेगाब्लॉकमुळे एकूण ७ मेमू पॅसेंजर गाड्यांच्या फेऱ्या रद्द करण्यात आल्या आहेत, तर या मार्गावरून धावणाऱ्या मालगाड्या बल्लारशाह-सेवाग्राम-नागपूर मार्गाने वळवण्यात आल्या आहेत. SECR mega block Gosekhurd canal widening June 2025

    रात्री चोरी सकाळी अटक, भद्रावती मध्ये नेमकं काय घडलं?

    दक्षिण पूर्व मध्य रेल्वेचा बल्लारशाह-गोंदिया हा अत्यंत व्यस्त रेल्वेमार्ग आहे. या मार्गावर मेमू पॅसेंजर गाड्या, मालगाड्या आणि सुपरफास्ट गाड्या धावतात. मात्र, रेल्वेने आज, १५ जून रोजी सकाळी ७ ते दुपारी ३ वाजेपर्यंत ८ तासांच्या मेगाब्लॉकची घोषणा करून या मार्गावरील सर्व प्रवासी गाड्या रद्द केल्या आहेत. याचा परिणाम मालगाड्यांच्या वाहतुकीवरही होणार आहे. freight trains diverted Nagpur Sevagram route during track closure

    रद्द झालेल्या मेमू पॅसेंजर गाड्यांमध्ये खालील गाड्यांचा समावेश आहे:

    • ट्रेन क्रमांक ६८८०३ बल्लारशाह-गोंदिया
    • ट्रेन क्रमांक ६८८०५ चांदाफोर्ट-गोंदिया
    • ट्रेन क्रमांक ६८८०१ बल्लारशाह-गोंदिया
    • ट्रेन क्रमांक ६८८१५ बल्लारशाह-गोंदिया
    • ट्रेन क्रमांक ६८८१६ गोंदिया-बल्लारशाह
    • ट्रेन क्रमांक ६८८०८ वडसा-चांदाफोर्ट
    • ट्रेन क्रमांक ६८८०२ गोंदिया-बल्लारशाह

    याचप्रमाणे, दक्षिण पूर्व मध्य रेल्वेमार्गावरून धावणाऱ्या मालगाड्यांचे मार्ग बदलण्यात आले आहेत. या कालावधीत सर्व मालगाड्या बल्लारशाह येथून सेवाग्राम-नागपूर मार्गे गोंदियाकडे रवाना होतील.

    भद्रावतीमध्ये १४ वर्षीय मुलीवर अत्याचार

    गोसीखुर्द कालवा विस्तारीकरण आणि मेगाब्लॉकचे कारण:

    चंद्रपूर जिल्ह्यातील ब्रम्हपुरी, नागभीड तसेच इतर तालुक्यांमधील शेतकऱ्यांना सिंचनाची सुविधा उपलब्ध करून देण्यासाठी गोसीखुर्द कालव्याचे विस्तारीकरण सुरू आहे. आज, १५ जून रोजी नागभीड-ब्रम्हपुरी रेल्वेमार्गाखालील रुळांमधून हा कालवा जाणार आहे. यासाठी रुळांवरील जुने बांधकाम वेगळे करून युद्धपातळीवर कालव्याचे काम केले जाणार आहे. म्हणूनच दक्षिण पूर्व मध्य रेल्वेने या मार्गावर मेगाब्लॉक जाहीर केला आहे. रेल्वेने प्रवाशांना होणारी गैरसोय टाळण्यासाठी या मार्गावर आज प्रवास करणे टाळावे किंवा पर्यायी मार्गांचा अवलंब करावा, असे आवाहन केले आहे.

  • Bhadravati house burglary । रात्री चोरी, सकाळी अटक! भद्रावती पोलिसांच्या जलद कारवाईने चोर गजाआड

    Bhadravati house burglary

    Bhadravati house burglary : भद्रावती – भद्रावती शहरातील तांडा परिसरात राहणारे एक कुटुंब बाहेरगावी गेले होते, याचा फायदा घेत अज्ञाताने घरी प्रवेश करीत घरातील सोन्याचे दागिने व रोख रक्कम लंपास केली मात्र भद्रावती पोलिसांच्या तत्परतेने अवघ्या १२ तासात तो चोर पोलिसांच्या जाळ्यात अडकला.

    चंद्रपुरात तोंड दाबून हिसकावले ५० हजार

    शहरातील तांडा भागात राहणारे ३० वर्षीय अजय विजय माडोत हे १२ जून रोजी कुटुंबासहित बाहेरगावी गेले होते. मात्र त्याच रात्री अज्ञाताने घरात प्रवेश करीत सोन्याचे दागिने व रोख रक्कम असा एकूण १ लक्ष ३५ हजार रुपयांच्या मुद्देमालावर हात लंपास केला. quick police arrest after burglary Bhadravati

    १२ तासात आरोपीला अटक

    याबाबत भद्रावती पोलिसांना तक्रार प्राप्त होताच त्यांनी कमळ ३३१ (३), (४), ३०५ (अ) अंतर्गत गुन्हा दाखल करीत तपास सुरु केला. भद्रावती पोलिसांच्या गुन्हे शोध पथकाने घटनास्थळी जात पंचनामा करीत सखोल माहिती घेत तांत्रिकदृष्ट्या तपास करीत व गोपनीय माहितीच्या आधारे आरोपी ४० वर्षीय सोनू रामदास धारावत राहणार बरांज मोकासा, तांडा याला अवघ्या १२ तासात अटक करीत चोरी गेलेला मुद्देमाल जप्त केला. culprit caught in 12 hours

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू, उपविभागीय पोलीस अधिकारी नयोमी साटम यांच्या मार्गदर्शनात पोलीस निरीक्षक लता वाडिवे यांच्या नेतृत्वात गुन्हे शोध पथक प्रमुख पोउपनि गजानन तुपकर, पोलीस कर्मचारी महेंद्र बेसरकर, अनुप आस्टूनकर, जगदीश झाडे, विश्वनाथ चुदरी, खुशाल कावळे व योगेश घाटोळे यांनी केली.

  • Sankalp te Siddhi event BJP Chandrapur । मोदी सरकारच्या योजनेचा मेगा रोडमॅप, चंद्रपूरमध्ये ‘संकल्प ते सिद्धी’ कार्यक्रम

    Sankalp te Siddhi event BJP Chandrapur

    Sankalp te Siddhi event BJP Chandrapur : चंद्रपूर – चंद्रपूर : देशाचे पंतप्रधान नरेंद्र मोदी यांच्या नेतृत्वाखालील केंद्र सरकारच्या अकरा वर्षांच्या यशस्वी कारभारानिमित्त ‘संकल्प ते सिद्धी’ या उपक्रमांतर्गत आमदार किशोर जोरगेवार यांच्या सुचणे नुसार भारतीय  जनता पक्षाच्या वतीने चंद्रपूर येथे विशेष कार्यशाळेचे आयोजन करण्यात आले. ही कार्यशाळा आमदार किशोर जोरगेवार यांच्या जनसंपर्क कार्यालयात पार पडली.

    चंद्रपूर शहरात जबरी चोरी

    या कार्यशाळेमध्ये केंद्र सरकारच्या विविध जनकल्याणकारी योजनांचा सविस्तर आढावा घेण्यात आला. तसेच पक्षाच्या संघटनात्मक बांधणीबाबत मार्गदर्शन करण्यात आले. आगामी निवडणुकीच्या पार्श्वभूमीवर निवडणुकीची रणनीती ठरवण्यासाठीही या कार्यशाळेत महत्त्वपूर्ण चर्चा झाली. BJP election planning meeting Chandrapur under Modi

    कार्यशाळेचे उद्घाटन भाजप महानगर अध्यक्ष सुभाष कासनगोट्टूवार यांच्या हस्ते करण्यात आले. यावेळी प्रमुख पाहुणे म्हणून माजी शहर अध्यक्ष दशरथसिंह ठाकूर, प्रदेश कार्यकारिणीचे विशेष निमंत्रित सदस्य तुषार सोम,माजी नगरसेवक संजय कचर्लावार, रवि आसवानी, अॅड. सुरेश तालेवार, मंडळ अध्यक्ष दिनकर सोमलकर, रवी लोणकर, संदीप आगलावे, पुरुषोत्तम सहारे, सचिन कोतपल्लीवार, अरुण तिखे, माजी नगरसेवक प्रदीप किरमे, बंटी चौधरी, माजी नगरसेविका पुष्पा उराडे, शीतल कुळमेथे, रवी गुरनूले, संगीता खांडेकर, 

    कल्पना बबूलकर, पुरुषोत्तम राऊत, विनोद शेरकी, प्रमोद शास्त्रकार, प्रलय सरकार, चंदन पाल, राकेश बोमनवार, शीतल ईटनकर, मंजुष्री कासनगोट्टूवार, प्रज्ञा बोरगमवार, मधुकर राउत, शालू कंनोजवार, धनराज कोवे, अमीन शेख, युवा मोर्चाचे यश बांगळे, अ‍ॅड. हरीश मंचलावार, सुभाष अदमाने यांच्यासह पक्षाचे अनेक पदाधिकारी आणि कार्यकर्ते मोठ्या संख्येने उपस्थित होते. Sankalp te Siddhi social welfare scheme discussion event

    ११ वर्षातील यशस्वी योजना

    कार्यशाळेत मोदी सरकारच्या गेल्या अकरा वर्षांतील यशस्वी योजनांचा उल्लेख करण्यात आल्या. विशेषतः गरीब कल्याण अन्न योजना, पंतप्रधान आवास योजना, उज्ज्वला योजना, जल जीवन मिशन, प्रधानमंत्री जनधन योजना आणि आयुष्मान भारत योजना या योजना प्रभावीपणे राबवून जनतेच्या जीवनात आमूलाग्र बदल घडवून आणल्याचे यावेळी नमूद करण्यात आले.या कार्यशाळेत चंद्रपूर शहरातील कार्यकर्त्यांनी उत्स्फूर्त सहभाग नोंदवला. सर्व उपस्थित पदाधिकारी आणि कार्यकर्त्यांनी जनतेपर्यंत केंद्र सरकारच्या कामगिरीची माहिती पोहोचवण्याचा आणि आगामी निवडणुकांसाठी सज्ज राहण्याचा निर्धार व्यक्त केला.

  • Police Swift Action । पाणी बॉटल घ्यायला गेला अन् ५० हजार गमावले! पण चंद्रपूर पोलिसांनी केलं अचूक ऑपरेशन

    Police Swift Action

    Police Swift Action : चंद्रपूर – पाणी बॉटल घ्यायला गेला पण मागून कुणीतरी तोंड दाबून खिशातील ५० हजार रुपये जबरी हिसकावून नेले, हि घटना इतरत्र जिल्ह्यात नाही तर चंद्रपूर शहरात घडली आहे. पोलिसांच्या तत्पर तपासाने आरोपी पोलिसांच्या तावडीत २४ तासाच्या आत सापडला.

    १३ जून रोजी कांकेर जिल्हा राज्य छत्तीसगड येथे राहणार ३४ वर्षीय मधुराम तुलसींग कोल्हा हा तामिळनाडू राज्यातून मजुरीचे काम करीत ११ जून ला तिरपुर रेल्वे स्टेशन येथून १२ जूनला सकाळी १० वाजता चंद्रपूर रेल्वे स्टेशन येथे पोहचला. forced pocket robbery Chandrapur city

    शेतीच्या वादात शेतकऱ्याला मारहाण

    मधुराम च्या गावाकडे जाणारी बस हि १३ जून ला सकाळी ५ वाजता असल्याने मधुराम १२ जून रोजी रात्री ८ वाजता जलनगर वॉर्ड सपना टॉकीज येथे पाणी बॉटल घेण्यासाठी गेला असता एका अज्ञात इसमाने मधुराम च्या मागे येऊन त्याच्या तोंडाला दाबून खिशातील ५० हजार रुपये हिसकावून नेले.

    याबाबत मधुराम ने तात्काळ रामनगर पोलीस ठाणे गाठत आपल्यासोबत घडलेला प्रकार सांगितला, पोलिसांनी कलम ३०९ (६) अंतर्गत गुन्हा दाखल करीत तपास सुरु केला. roadside robbery 50000 rupees Chandrapur

    २४ तासांच्या आत कारवाई

    घडलेल्या गुन्ह्याचा तपास गुन्हे शोध पथकाने सुरु केला, पथकाने तात्काळ घटनास्थळ गाठत तांत्रिकदृष्ट्या व गोपनीय माहितीच्या आधारे ३३ वर्षीय शेख जुबेर शेख कादर राहणार रहेमतनगर याला अटक केली. आरोपी जुबेर जवळून चोरीस गेलेली रोख रक्कम ५० हजार रुपये जप्त करण्यात आले.

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू, उपविभागीय पोलीस अधिकारी सुधाकर यादव यांच्या मार्गदर्शनाखाली वरिष्ठ पोलीस निरीक्षक आसिफ राजा शेख यांच्या नेतृत्वात गुन्हे शोध पथक प्रमुख सपोनि देवाजी नरोटे, सपोनि हनुमान उगले, सपोनि निलेश वाघमारे, पोलीस कर्मचारी पेत्रस सिडाम, शरद कुडे, सचिन गुरनुले, आनंद खरात, प्रशांत शेंद्रे, लालू यादव, जितेंद्र आकरे, मनीषा मोरे, हिरालाल गुप्ता, रवीकुमार ढेंगळे, प्रफुल पुप्पलवार, संदीप कामडी, पंकज ठोंबरे, सुरेश कोरेवार व ब्युलटी साखरे यांनी केली.

  • Aditya Mahotsav in Chandrapur । विद्यार्थ्यांचा सत्कार, रक्तदान, आरोग्य शिबीर… आदित्य ठाकरे यांच्या वाढदिवसाचा चंद्रपूरमध्ये उत्सवी थाट!

    Aditya Mahotsav in Chandrapur

    Aditya Mahotsav in Chandrapur : युवासेना प्रमुख आमदार आदित्य ठाकरे यांचा वाढदिवस १३ जून रोजी चंद्रपूर युवासेनेने विविध कार्यक्रमांचे आयोजन करीत आदित्य महोत्सव साजरा केला. आरोग्य शिबीर, रक्तदान, गुणवंत विद्यार्थ्यांचा सत्कार व करिअर मार्गदर्शन शिबिराचे आयोजन युवासेना जिल्हाप्रमुख विक्रांत सहारे यांच्या नेतृत्वात करण्यात आले. aditya thackeray birthday

    जुनी पेन्शन योजना लागू करा, खासदार धानोरकरांचं मुख्यमंत्री फडणवीसांना पत्र

    कार्यक्रमाच्या शृंखलेत सर्वप्रथम मूल रोड मार्गावरील संत जगनाडे महाराज सभागृहात गुणवंत विद्यार्थ्यांचा सत्कार व करिअर मार्गदर्शन कार्यक्रमाचे आयोजन करण्यात आले, या कार्यक्रमात करिअर मार्गदर्शक व प्रमुख वक्ता आकाश दादा कडुकर प्रमुख पाहून म्हणून सोमय्या पॉलिटेक्निकचे सहसंचालक पियुष आंबटकर, युवासेना जिल्हाप्रमुख विक्रांत सहारे उपस्थित होते. कार्यक्रमाच्या सुरुवातीला अहमदाबाद येथे झालेल्या विमान अपघात दुर्घटनेत मृत पावलेल्या निष्पाप नागरिकांना श्रद्धांजली देण्यात आली. कार्यक्रमाचे उदघाटन युवासेना सहसचिव व युवतीसेना जिल्हाधिकारी रोहिणीताई पाटील यांच्या हस्ते करण्यात आले.

    दहावी-बारावीनंतर काय?

    आकाश कडुकर यांनी आपल्या मार्गदर्शनात सांगितले कि, आजच्या स्पर्धेच्या युगात प्रत्येकाला आपले अव्वल स्थान गाजवायचं असेल तर या धावत्या युगाला आधी समजून घेणे गरजेचे आहे. दहावी-बारावीनंतर काय हा प्रश्न अनेकांना पडतो, आपली आवड ज्या क्षेत्रात आहे ते क्षेत्र आपण निवडलं तर त्यामध्ये आपण आपलं स्थान क्रमांक १ वर नक्कीच गाजवू शकतो.

    youth sena career guidance camp in chandrapur

    आयोजित कार्यक्रमात दहावी व बारावी च्या ८० गुणवंत विद्यार्थ्यांचा शिल्ड व प्रमाणपत्र देत सत्कार करण्यात आला.

    गंजवार्ड प्रभाग क्रमांक ११ मध्ये युवासेनेतर्फे भव्य रक्तदान व आरोग्य शिबिराचे आयोजन करण्यात आले होते. या शिबिरात ५१ नागरिकांनी रक्तदान केले व १०० च्या वर नागरिकांची आरोग्य तपासणी करण्यात आली. youth sena career guidance camp in chandrapur

    aditya thackeray birthday

    आयोजित कार्यक्रमात अधिवक्ता अजित पांडे, युवतीसेना उपजिल्हाधिकारी धनश्री हेडाऊ, उपजिल्हाप्रमुख यशपाल कमटम, युवासेना तालुकाप्रमुख सुरज शेंडे, युवासेना शहरप्रमुख शाहबाज शेख, शहर समन्वयक प्रज्वल आडे, उपशहर प्रमुख संघदीप रामटेके, उपतालुकाप्रमुख विवान रामटेके, उपशहर प्रमुख स्वप्नील पाटील, श्रीकांत दडमल, शहबाज सैय्यद, पिंटुदादा बलवीर, पृथ्वी ठाकूर, सलमान शेख, सुनील राजकुमार, युवराज शेख, सागर गभणे, अभिजित वागडे, अंकित काटकर, रितिक रायपुरे, पराग, विशाल सहारे, शुभम आले, आर्यन, उमेश मस्के आदींची उपस्थिती होती.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by