Tag: हंसराज अहिर

News34 chandrapur

चंद्रपूरः- भारतीय जनता पार्टी ओबीसी मोर्चा महाराष्ट्र प्रदेश च्या वतीने संपूर्ण महाराष्ट्रात ‘‘ओबीसी जागर यात्रा‘‘ म. गांधी यांच्या जयंतीदिनी दि. 02 ऑक्टोबर 2023 पासून प्रारंभ झाली असून ही यात्रा चंद्रपूर महानगरात दि 05 ऑक्टोबर ला पोहचत आहे.

या यात्रेचे नेतृत्व ओबीसी मोर्चाचे प्रदेश प्रभारी डाॅ आशिष देशमुख व भाजपा ओबीसी मोर्चाचे प्रदेशाध्यक्ष संजय गाते करीत असून या जागर यात्रेत ओबीसी मोर्चाचे प्रमुख पदाधिकारी सर्वश्री डी.डी. सोनटक्के, कमलाकर घटोड, रविंद्र चव्हाण, डाॅ रविंद्र यनुरकर, विनोद तुरक, वैभव लाड, विनोद बेहरे, विजय वासेकर, सौ अर्चना डेहनकर, राजेंद्र डांगे आदि मान्यवर सहभागी असून या यात्रेचे चंद्रपूर आगमनाप्रसंगी राष्ट्रीय मागासवर्गीय आयोगाचे अध्यक्ष तथा पूर्व केंद्रीय गृहराज्यमंत्री हंसराज अहीर, राज्याचे वने, सांस्कृतिक कार्य व मत्स्यपालन मंत्री सुधीर मुनगंटीवार यंाचे नेतृत्वात जिल्ह्यातील ओबीसी मोर्चाच्या व भाजपाच्या प्रमुख पदाधिकाÚयांद्वारे स्थानिक विश्रामगृहात जंगी स्वागत करण्यात येणार आहे.

प्रधानमंत्री नरेंद्र मोदी यांनी नुकतीच अंमलात आणलेली प्रधानमंत्री विश्वकर्मा योजना, वैद्यकीय शिक्षणामध्ये ओबीसींना 27 टक्के आरक्षण, ओबीसी आयोगाला बहाल केलेला संवैधानिक दर्जा, इतर मागासवर्गीय विद्याथ्र्यांसाठी वसतीगृह, ओबीसी विद्यार्थ्यांसाठी सुरु केलेली स्वाधार योजना व ओबीसी हिताच्या अनेक योजनांना घेवून ओबीसी बांधवांमध्ये जनजागृती करण्याच्या उद्देशाने या भाजपा ओबीसी जागर यात्रेचा मुळ उद्देश आहे. भाजपा हाच ओबीसींचा उध्दार व रक्षणकर्ता असल्याने या जागर यात्रेत ओबीसी बांधवांनी मोठ्या संख्येनी सहभागी होवून आपल्या एकजूटीचा परीचय द्यावा असे आवाहन भाजपा ओबीसी मोर्चा जिल्हा व महानगर पदाधिकारी यांनी केले आहे.

भाजपाची ही ओबीसी जागर यात्रा चंद्रपूरात पोहचल्यानंतर शहरातील विविध समाजातील मान्यवरांच्या भेटी घेवून प्रमुख पदाधिकारी त्यांचेशी केंद्र व राज्य सरकारच्या योजनांबाबत वार्तालाप करुन सदर जागर यात्रा वरोरा नाका येथील शासकीय विश्रामगृहातून बाईक रॅलीने सकाळी 10.30 वा आंबेडकर काॅलेज-संत कंवलराम चैक-जटपूरा गेट-प्रियदर्शनी चैक-बस स्टॅन्ड-तुकुम मार्गे-महेश भवन येथे विसर्जीत होवून सर्व मान्यवर नेते मंडळी व अतिथींचे प्रमुख उपस्थितीत दु. 12.00 वा होणाऱ्या ओबीसी जागर मेळाव्याला संबोधित करतील.

या मेळाव्यास सर्वश्री विजय राऊत, हरीष शर्मा, खुशाल बोंडे, राहुल पावडे, देवराव भोंगळे , प्रमोद कडू, श्रीमती संध्याताई गुरनुले, अनिल फुलझेले, अंजली ताई घोटेकर, डाॅ मंगेश गुलवाडे, रवी गुरनुले, अल्का आत्राम, रघुवीर अहीर, विशाल निंबाळकर, अविनाश पाल, विनोद शेरकी, प्रकाश बगमारे, विद्याताई देवाळकर, रत्नमाला भोयर, अहेतेशाम अली, अंकुश आगलावे, राजू घरोटे, सुभाष कासनगोट्टुवार, शिलाताई चव्हाण, मायाताई उईके, शितल गुरनुले आदिंची उपस्थिती लाभणार आहे.

तरी ओबीसी घटकातील सर्व बांधवांनी भाजपाच्या सर्व आघाड्यांच्या पदाधिकारी व कार्यकर्त्यांनी या मेळाव्याला हजारोच्या संख्येने उपस्थित रहावे असे आवाहन दिवाकर पुध्दटवार, रवी चहारे, वंदना संतोषवार, विठ्ठल डुकरे, दिनकर सोमलकर, रवी लोणकर, सचीन कोतपल्लीवार, संदीप आगलावे, शशीकांत मस्के, प्रदीप किरमे, शैलेश इंगोले, राम हरणे, मधुकर राऊत, शाम आदमने, मुग्धा खांडे, धनराज कोवे, धम्मप्रकाश भस्मे, अमिन शेख, रुद्रनारायण तिवारी, किरण बुटले, बंडू गहूकर, अरुणा चैधरी, शिला कन्नोजवार, सुदामा यादव, संजय मिसलवार, शाम बोबडे, सचिन संदुरकर, उत्कर्ष नागोसे, सुभाश ढवस आदिंनी केले आहे.

News34 chandrapur

चंद्रपूर – अमृतजल नळ पाणी पुरवठा योजना ही मा. प्रधानमंत्री नरेंद्र मोदीजी यांच्या स्वप्नातील महत्वाकांक्षी योजना असतांनाही चंद्रपूर महानगरपालिका व महाराष्ट्र जीवन प्राधिकरण अधिकाऱ्यांच्या बेजबाबदार व नियोजनशुन्यतेमुळे 2021 पर्यंत पुर्णत्वास जाणारी ही योजना अजुनही भरकटत असून लोकांना या योजनेच्या लाभापासून वंचित राहावे लागत असल्याने संबंधित दोषी कन्सट्रक्शन कंपनी व मालकाला संपूर्ण महाराष्ट्रातून काळ्या यादीत टाकण्याचा प्रस्ताव शासनाकडे सादर करण्याचे निर्देश राष्ट्रीय मागासवर्गीय आयोगाचे अध्यक्ष तथा पुर्व केंद्रीय गृह राज्यमंत्री हंसराज अहीर यांनी या संदर्भात घेतलेल्या समिक्षा बैठकीत उपस्थित अधिकाऱ्यांना दिलेत.

सदर योजनेबाबत महानगरातील मागासवर्गीय, दलित नागरीकांच्या तसेच भाजप पदाधिकारी खुशाल बोन्डे , विनोद शेरकी यांचेकडून तक्रारी प्राप्त झाल्या होत्या.

या तक्रारींची दखल घेवून हंसराज अहीर यांनी दि. 15 सप्टें. 2023 रोजी शासकीय विश्रामगृहात मनपा व महाराष्ट्र जीवन प्राधिकरण अधिकाऱ्यांची याप्रश्नी समिक्षा बैठक घेतली. बैठकीस मनपा आयुक्त विपीन पालीवाल, मजीप्रा चे कार्यकारी अभियंता संजय अष्टगी, मुख्य अभियंता महेश बारई, उपअभियंता बोरीकर, भाजप नेते खुशाल बोंडे, माजी महापौर अंजली घोटेकर, माजी उपमहापौर अनिल फुलझेले, राजु घरोटे, रविंद्र गुरनुले उपस्थित होते.

अमृतचे कार्य करणाऱ्या संतोष कन्सट्रक्शन कंपनीने या कामात प्रचंड घोळ करीत कामे पुर्ण न करता पैसे घेवून पळ काढल्याने या योजनेवर 240 करोड खर्ची घालुनही लोकांना पाणी मिळत नाही ही अत्यंत गंभीर बाब असून या महा. जीवन प्राधिकरणाच्या अधिकाऱ्यांची अक्षम्य चूक व हलगर्जीपणा कारणीभूत असल्याचे अहीर यांनी म्हटले. कामाची प्रगती, गुणवत्ता तपासणी न करता मजीप्राच्या शिफारसीने तत्कालीन मनपा आयुक्तांनी अपूर्ण काम व योजना पुर्णत्वास न गेली असतांना कंत्राटदाराला अपूर्ण कामाचे व आगावू रक्कम दिल्याची बाब उघडकीस आली असून हा प्रकार अक्षम्य आहे. त्यामुळे सदर कंत्राटदारास त्वरीत काळ्या यादीत टाकण्याची कारवाई करावी. या विषयी पुढील महिण्यात या योजनेसंदर्भात जनसुनावणी घेण्यात येणार असल्याचेही हंसराज अहीर यांनी सांगीतले.

सुरूवातीला सदर योजना 2019 पर्यंत पुर्णत्वास जाण्याचा करार होता. मात्र शासनाने या करारास 2 वर्षे मुदतवाढ दिल्याने ही योजना 2021 पर्यंत पुर्णत्वास जाणे अपेक्षीत असतांना हे काम वेळेत पुर्ण करून घेण्यास असमर्थ ठरल्याचे अधिकाऱ्यांनी समिक्षा बैठकीत मान्य केले. त्यावेळी अहीर यांनी नाराजी व्यक्त करतांनाच अधिकाऱ्यांनी कंपनीला अप्रत्यक्षपणे सहकार्यच केल्याचे अहीर यांनी अधिकाऱ्यांवर ठपका ठेवला. त्यांनी योजनेविषयी गंभीर स्वरूपाच्या अनेक बाबींवर भाष्य करीत सदर कंपनीला तातडीने बोलावून काम पूर्ण करण्याच्या सुचना कराव्या अन्यथा पोलिस तक्रार करावी, अतिरिक्त दंडाची आकारणी करावी, आगावू अदा केलेली रक्कम वसूल करण्याची कार्यवाही करावी असे निर्देश दिले. संतोष कन्सट्रक्शन कंपनीच्या विषयात अडकून न पडता सदर योजना कशी मार्गी लावता येईल याविषयी नियोजन करण्याची सुचनाही अहीर यांनी उपस्थित अधिकाऱ्यांना केली.

उपस्थित नगरसेवकांनीही यावेळी त्यांच्या भागातील तक्रारींचा पाढा वाचला. बैठकिस नगरसेवक राजेंद्र अडपेवार, जयश्रीताई जुमडे, शाम कनकम, मायाताई उईके, प्रदिप किरमे, संजय कंचर्लावार, शितल आत्राम, रवी आसवाणी, कल्पनाताई बगुलकर, विठ्ठल डुकरे, रवी लोणकर, पूनम तिवारी, महेंद्र जुमडे, सुभाष आदमने, नकुल आचार्य उपस्थित होते.