My Blog

Blog

  • Shikshak bharti ghotala latest news । शिक्षक पदभरती घोटाळा प्रकरणी राज्यस्तरीय एसआयटी गठित

    Shikshak bharti ghotala latest news

    आमदार सुधाकर अडबाले यांच्‍या प्रश्नानंतर शिक्षण विभागाचा शासन निर्णय निर्गमित

    Shikshak bharti ghotala latest news : चंद्रपूर : नागपूर विभागातील शिक्षक पदभरती घोटाळा, शालार्थ आयडी घोटाळ्याने राज्यात खळबळ उडाली आहे. या घोटाळ्याची व्याप्ती नागपूर विभागासह संपूर्ण राज्यात आहे. त्यामुळे राज्यातील बोगस शिक्षक पदभरती / शालार्थ आयडी प्रकरणाचा तपास एसआयटीमार्फत करावा. यात गृह, शिक्षण विभागातील निवृत्त अधिकारी व उच्च न्यायालयातील निवृत्त न्यायाधीशांचा समावेश करण्याची मागणी आमदार सुधाकर अडबाले यांनी ४ जुलै २०२५ रोजी विधानपरिषदेत तारांकित प्रश्नाद्वारे केली होती. या प्रकरणाची व्याप्ती बघता राज्यस्तरीय एसआयटी नियुक्त करण्यात येणार असल्याचे शिक्षण राज्यमंत्री पंकज भोयर यांनी उत्तर देतांना सांगितले होते. त्‍यानुसार शालेय शिक्षण व क्रीडा विभागाकडून प्रधान सचिव यांनी  ‘एसआयटी’ची घोषणा करण्याबाबत शासन निर्णय निर्गमित केला. यामुळे आमदार सुधाकर अडबाले यांच्या सततच्या पाठपुराव्याला यश आले आहे. bogus Shalarth ID scam Maharashtra

    रस्ते खराब, गावकरी म्हणतात आम्हाला हेलिकॉप्टर द्या

    महाराष्ट्रातील शिक्षण क्षेत्रात अराजकता माजली आहे. शिक्षक पदभरती घोटाळा, शालार्थ आयडी घोटाळा नागपूर या उपराजधानीत उघडकीस आला आहे. या घोटाळ्याची पाळेमुळे राज्यभर पसरली आहेत. नागपूर, भंडारा या जिल्ह्यांमध्ये बोगस भरती, शालार्थ आयडी घोटाळा उघडकीस आला. या घोटाळ्याची व्याप्ती मोठी आहे. संपूर्ण महाराष्ट्रामध्ये अशा प्रकारच्या नियुक्तीस मान्यता व शालार्थ आयडी देण्यात आलेल्या आहेत. त्यामुळे राज्यस्तरावर तात्काळ एसआयटी नियुक्त करावी, अशी मागणी आमदार सुधाकर अडबाले यांनी विधानपरिषदेत केली होती.

    चौकशी समितीमध्ये गृह, शिक्षण विभागातील निवृत्त अधिकारी व उच्च न्यायालयातील निवृत्त न्यायाधीश

    यावर शिक्षण राज्यमंत्री पंकज भोयर यांनी उत्तरात नागपूर, भंडारा, नाशिक व जळगाव या जिल्ह्यांमध्ये बोगस भरती, शालार्थ आयडी घोटाळा उघडकीस आला आहे. या प्रकरणाची व्याप्ती बघता राज्यस्तरीय एसआयटी नियुक्त करून चौकशी करण्यात येणार असून, यात गृह, शिक्षण विभागातील निवृत्त अधिकारी व उच्च न्यायालयातील निवृत्त न्यायाधीशांचा समावेश करण्यात येणार असल्याचे मंत्री श्री. भोयर सांगितले होते. state level SIT for education scam

    त्‍यानुसार ७ ऑगस्‍ट २०२५ रोजी शालेय शिक्षण व क्रीडा विभागाकडून ‘एसआयटी’ची घोषणा करण्यात आली. पुण्याचे विभागीय आयुक्त चंद्रकांत पुलकुंडवार (पथक प्रमुख), पोलीस महानिरीक्षक (कायदा व सुव्यवस्था) मनोजकुमार शर्मा व शिक्षण आयुक्तालयातील सहसंचालक (प्रशासन, अंदाज व नियोजन) हारून आतार यांचा या ‘एसआयटी’मध्ये समावेश आहे. तीन सदस्यांच्या समितीकडून २०१२ पासून ते आजतागायत प्रकरणांची सखोल चौकशी करण्यात येणार आहे. विशेष चौकशी पथकाने आपला अहवाल चौकशी पथक गठित झाल्‍याच्या दिनांकापासून तीन महिन्‍यांच्या आत शासनास सादर करावा, अशा सूचना देण्यात आल्‍या आहेत. यामुळे आमदार सुधाकर अडबाले यांच्या सततच्या पाठपुराव्याला मोठे यश आले आहे. 

  • Villagers demand helicopter । रस्ता नसेल तर हवेतून जायचं!, गावकऱ्यांनी मागितले थेट हेलिकॉप्टर

    Villagers demand helicopter

    Villagers demand helicopter : भद्रावती, (जि. चंद्रपूर): भद्रावती तालुक्यातील पिंपरी (दे) येथील ग्रामस्थांनी गावातील रस्ते खराब झाल्याच्या आणि त्यामुळे होणाऱ्या त्रासाच्या निषेधार्थ एक अनोखी मागणी केली आहे. त्यांनी तहसिलदार साहेबांना दिलेल्या निवेदनात, शाळकरी विद्यार्थी, शेतकरी, मजूर आणि नागरिकांना ये-जा करण्यासाठी तात्काळ हेलिकॉप्टरची व्यवस्था करण्याची मागणी केली आहे. illegal sand mining

    आई रागावली, मुलगी घर सोडून गेली आणि ६ वर्षांनी ती…

    या मागणीमागे एक गंभीर समस्या आहे. या निवेदनानुसार, गावात बेकायदेशीर रेती उत्खनन (अवैध रेती उपसा) सुरू आहे. 10 जून 2025 पासून रेती घाट बंद असतानाही पोकलेन आणि हायवा यांसारख्या अवजड वाहनांद्वारे रेतीची वाहतूक मोठ्या प्रमाणात सुरू आहे. यामुळे पिंपरी ते रेती घाट आणि पिंपरी ते भद्रावती या रस्त्यांची अत्यंत दयनीय अवस्था झाली आहे. रस्त्यावर मोठमोठे खड्डे पडले असून दुचाकी वाहनांना ये-जा करणेही अवघड झाले आहे.

    या रस्त्यांवरून प्रवास करताना दररोज अपघात होत आहेत, ज्यामुळे नागरिकांचे मोठे नुकसान होत आहे आणि जीवितहानी होण्याचीही शक्यता आहे. या स्थितीमुळे अनेक पालक आपल्या मुलांना शाळेत पाठवण्यास घाबरत आहेत, परिणामी विद्यार्थ्यांचे शैक्षणिक नुकसान होत आहे. तसेच, शेतकऱ्यांनाही शेतीत बियाणे आणि इतर साहित्य घेऊन जाण्यासाठी मोठी कसरत करावी लागत आहे.

    अवजड वाहतुकीला कुणाची परवानगी

    ग्रामस्थांनी या अवैध रेती उपसा आणि वाहतुकीला तलाठी आणि मंडळ अधिकारी यांचा पाठिंबा असल्याचा आरोप केला आहे. सार्वजनिक बांधकाम विभाग आणि जिल्हा परिषद अंतर्गत येणाऱ्या रस्त्यांवर अवजड वाहनांच्या वाहतुकीला परवानगी कशी दिली जाते, याचीही चौकशी करण्याची मागणी त्यांनी केली आहे. PWD road damage due to sand trucks

    ग्रामस्थांनी तहसिलदार साहेबांना या गंभीर परिस्थितीची दखल घेऊन, विद्यार्थ्यांच्या आणि नागरिकांच्या सुरक्षिततेसाठी तात्काळ हेलिकॉप्टरची सुविधा उपलब्ध करून देण्याची विनंती केली आहे. तसेच, अवैध रेती वाहतुकीला मदत करणाऱ्या संबंधित अधिकाऱ्यांवर कठोर कारवाई करून त्यांना निलंबित करण्याची मागणीही केली आहे. या मागणीमुळे या गंभीर प्रश्नाकडे शासनाचे लक्ष वेधण्याचा प्रयत्न करण्यात आला आहे.

    अन्नदाता एकता मंचचे संस्थापक अनुप कुटेमाटे यांच्या नेतृत्वात निवेदन देण्यात आले.
    यावेळी रवींद्र कुटेमाटे,सुमित मडकाम,संदीप कुटेमाटे,महेश अस्कर,रुचिता कुटेमाटे ,सीमा कुटेमाटे,मदन कुटेमाटे, निकेश मत्ते,सुभाष कडुकर,शंकर नगराळे,राजेंद्र कुटेमाटे,निखिल धुळे,राहुल देऊलकर,दुर्वास उपरे,कार्तिक कुटेमाटे,पंकज डोंगे,संस्कार येवले ,अमित डोंगे तसेच शाळेतील विद्यार्थी – विद्यार्थिनी मोठ्या संख्येने उपस्थित होते

  • Bhadravati APMC chairman no confidence motion । 15 संचालकांची एकजूट – भद्रावती बाजार समितीतून ताजने हटले!

    Bhadravati APMC chairman no confidence motion

    Bhadravati APMC chairman no confidence motion : भद्रावती : स्थानीक कृषी उत्पन्न बाजार समितीत गेल्या काही दिवसांपासून अविश्वास प्रस्तावाच्या हालचाली सुरु असताना अखेर आज (दि.७ ऑगस्ट) ला पंधरा संचालकांनी एकमताने सभापती भास्कर ताजने यांच्यावर अविश्वास प्रस्ताव पारित केला व ताजने यांना सभापती पदावरून पायउतार केले. आज दिनांक ७ ऑगस्ट ला स्थानिक बाजार समितीच्या सभागृहात पार पडलेल्या विशेष सभेत सदर प्रक्रिया पार पडली.

    शिक्षणाच्या उजेडावर राजकारणाचा अंधार, अम्मा कि पढाई उपक्रम स्थगित

    १५ मतांनी प्रस्ताव पारित

    कृषी उत्पन्न बाजार समितीत विविध गटांचे मिळून एकूण अठरा संचालक आहेत. भास्कर ताजने हे सभापती होते. मात्र संचालकांना विश्वासात न घेणे, नियमबाह्य कामकाज करणे व कारभारात पारदर्शकता नसल्याचे कारण पुढे करीत सर्व संचालकांनी मिळून एकमताने ताजने यांच्यावर अविश्वास प्रस्ताव आणण्याचे प्रयत्न चालविले होते. व पंधरा मतांनी सदर प्रस्ताव पारित झाला तर दोन सभासद अनुपस्थित होते.

    अविश्वास प्रस्ताव यशस्वी होईल या भीतीने ताजने यांनी आधीच राजीनामा दिला होता, हे विशेष.

    कोणत्याही पक्षात प्रवेश घेण्यासंदर्भात कोणत्याही संचालकांवर अथवा सभापतीवर दबाव नव्हता. किंबहुना हा विषयच कधी कुणामार्फत बोलल्या गेला नाही. भास्कर ताजने यांनी सदर विषयाला घेऊन भाजपात प्रवेश घेण्यास नकार दिल्याने अविश्वास ठराव आणला असल्याचे बोलून स्वतःवरील दोषावर पांघरून घालण्यासाठी बनाव केला आहे. सदर अविश्वास कुणाच्या सांगण्यावरून झाला नसुन सर्व संचालकांच्या एकमताने पारित झाला आहे. यावेळी राजकीय पक्ष, गट आदी न बघता केवळ कृषी उत्पन्न बाजार समितीच्या उन्नतीकरिता हा निर्णय घेण्यात आला. ताजने यांच्या बाजूने एकही संचालक नाही, यातूनच त्यांच्या विषयीची नाराजी उघड होते.
    -गजानन उताणे, संचालक, कृषी उत्पन्न बाजार समिती, भद्रावती]

    मी बांधकाम सभापती असुन सुद्धा या अविश्वास प्रस्तावात सहभागी आहो, यात कोणताही पक्षपात नाही. ताजने यांच्या कारभारावरील नाराजीमुळेच सदर अविश्वास प्रस्ताव आणला. पुढील सभापतीची निवड रीतसर सर्व संचालक एकत्र बसून निर्णय घेऊ.

    • राजु डोंगे, संचालक, कृषी उत्पन्न बाजार समिती, भद्रावती]

  • dnyanjyoti savitribai phule aadhaar yojana । 🏠 मोफत वसतीगृहाची संधी! ‘सावित्रीबाई फुले आधार योजना’ मध्ये अर्ज सुरू

    dnyanjyoti savitribai phule aadhaar yojana

    dnyanjyoti savitribai phule aadhaar yojana : चंद्रपूर, दि. 7 :  इतर मागासवर्गीय प्रवर्गातील मुले / मुलींना उच्च शिक्षण घेता यावे, तसेच वाढत्या स्पर्धेत टिकुन राहता यावे, यासाठी वसतीगृह सुरू करण्या्त आले आहे. सन 2025-26 या आर्थिक वर्षासाठी व्यवसायिक तसेच बिगर व्यवसायिक अभ्यासक्रमासाठी पदवी प्रथम वर्षात व पदवी नंतरचे पदव्यूत्तर अभ्यासक्रम (व्यावसायिक अभ्यासक्रम वगळून) यासाठी प्रवेश घेतलेल्या विद्यार्थ्यांकडून वसतीगृहासाठी ज्ञानज्योती सावित्रीबाई फुले आधार योजना व पंडित दिनदयाल उपाध्याय स्वयंम योजनेसाठी ऑनलाईन अर्ज मागविण्यात येत आहे. Pandit Dindayal Swayam Yojana

    महिलांच्या नावे मिळणार घर, आजच करा अर्ज

    विद्यार्थ्यांनी https://hmas.mahait.org या संकेतस्थळावर जावून ऑनलाईन अर्ज सादर करावा. सदर विद्यार्थी 12 वी किमान 60 टक्के गुणांनी उत्तीर्ण असावा. अर्ज करण्याची शेवटची तारीख 17 ऑगस्ट 2025 आहे. वसतीगृहामध्ये ज्या विद्यार्थ्यांना प्रवेश मिळाला नाही, अशा विद्यार्थ्यांना आधार व स्वयंम योजनेचा लाभ देण्यात येणार आहे. त्यामुळे विद्यार्थ्यांनी मोठया संख्येने अर्ज गृहपाल आम्रपाली टेंभुर्णे व मुलांचे गृहपाल धीरज डोंगरे यांच्याकडे वसतिगृहात सादर करावेत, असे आवाहन इतर मागास बहुजन कल्याण विभागाच्या सहायक संचालक आशा कवाडे यांनी केले आहे.

    प्रवेशाचे निकष व नियमावली खालीलप्रमाणे : 

    विद्यार्थी महाराष्ट्र राज्याचा रहिवासी असावा. विद्यार्थी हा चंद्रपूर येथील स्थानिक रहिवासी नसावा.  फक्त पदवी प्रथम वर्षातच (Bacherlor Degree) शिक्षण घेणारा असावा. पदवी नंतरचे पदव्यूत्तर अभ्यासक्रम (व्यावसायिक अभ्यासक्रम वगळून) यांना प्रवेश देण्यात येणार आहे. वार्षिक उत्पन्न 2.50 लाखांच्या आत असावे. विद्यार्थ्याचे वय 30 वर्षांपेक्षा जास्त  नसावे. व्यावसायिक शिक्षण घेणाऱ्या विद्यार्थ्यांनी नॉन – क्रिमीलेअर तसेच कास्ट व्हॅलिडीटी जोडणे बंधनकारक आहे. सर्व विद्यार्थ्यांनी उत्पान्ना्चा दाखला, बोनाफाईड व वैद्यकिय तपासणी प्रमाणपत्र ओरीजनल जोडावे. अर्ज भरल्यानंतर संपूर्ण कागदपत्रे जोडून सदर अर्ज इतर मागासवर्गीय मुलां / मुलींचे शासकीय वसतीगृहात जमा करावा.

  • police trace missing girl after six year । आई रागावली, मुलगी घरातून निघून गेली आणि तब्बल ६ वर्षांनी ती….

    police trace missing girl after six year

    police trace missing girl after six year : चंद्रपूर – आई रागावली आणि अल्पवयीन मुलीने रागाच्या भरात घर सोडले, आई ला वाटलं मुलगी सायंकाळी राग शांत झाल्यावर घरी येणार मात्र ती आलीच नाही, अखेर ६ वर्षांनी पोलिसांनी त्या मुलीला शोधून काढले. हि कुण्या चित्रपटाची कहाणी नसून चंद्रपुरातील सत्य घटना आहे.

    अम्मा कि पढाई उपक्रमावर राजकारण, २८४ विद्यार्थ्यांचे भवितव्य अंधारात

    २३ ऑगस्ट २०१९ मध्ये रामनगर पोलीस स्टेशनच्या हद्दीत १६ वर्षीय अल्पवयीन मुलगी आईने रागावल्याने घरी कुणालाही न सांगता घरून निघून गेली होती. मुलगी घरी न आल्याने आई-वडिलांनी सर्वत्र शोध घेतला मात्र मुलगी कुठे आढळून आली नाही

    अखेर आई-वडिलांनी याबाबत रामनगर पोलिसात तक्रार नोंदविली. पोलिसांनी कलम ३६३ अंतर्गत गुन्हा दाखल करीत मुलीचा शोध सुरु केला. सातत्याने पोलिसांनी प्रयत्न करीत तब्बल ६ वर्षांनी त्या मुलीला शोधून काढले. ती मुलगी आता २२ वर्षाची झाली असून तिने सांगितले कि मी फिरण्याकरिता पुण्यात गेली होती मात्र नंतर लॉकडाऊन लागल्याने मी तिथेच अडकली होती. त्यानंतर ती मुलगी पुण्यात वास्तव्यास राहली. Chandrapur police missing girl 6 years later reunited

    विशेष बाब म्हणजे रामनगर पोलिसांनी कसोशीने मुलीचा शोध घेत तिला आई-वडिलांकडे सोपविण्यात आले, मुलगी ६ वर्षांनी भेटल्याचा आनंद पालकांच्या चेहऱ्यावर होता त्यांनी रामनगर पोलिसांचे आभार मानले. सदरची यशस्वी कामगिरी पोलीस निरीक्षक असिफ रजा शेख यांच्या नेतृत्वात सपोनि प्रज्ञा वाडेकर, पोलीस कर्मचारी पवन डाखरे, सीमा पोरेते, सुमेध मानकर व प्राजक्ता रांजणकर यांनी केली.

    मिसिंग सेलचे यश

    अपहरण झालेले व घरून निघून गेलेल्या व्यक्तीचा शोध घेण्यासाठी राज्यात स्वतंत्रपणे मिसिंग सेल स्थापन करण्यात आला आहे. चंद्रपूर जिल्हा पोलीस अधीक्षक मुमक्का सुदर्शन यांनी उपविभाग व जिल्हा स्तरावर एकूण ८ मिसिंग सेल स्थापन केले, जिल्हा स्तरीय मिसिंग सेलचे नियंत्रण अप्पर पोलीस अधीक्षक ईश्वर कातकडे यांच्याकडे आहे. २७ जुलै ते ६ ऑगस्ट या १० दिवसांच्या कालावधीत चंद्रपूर पोलिसांनी ६० मुले, मुली, महिला व पुरुषांचा शोध लावला. Chandrapur missing person cell success story

    यामध्ये जिल्ह्यातील विविध पोलीस स्टेशन हद्दीतील घरून निघून गेलेले, हरवलेले, मिसिंग झालेले २४ पुरुष, २७ महिला तर अपहरण व पळविलेल्या २ अल्पवयीन मुले व ७ अल्पवयीन मुलींचा शोध घेण्यात पोलिसांना यश मिळाले.मिसिंग सेल मार्फत जिल्ह्यात राबविण्यात आलेल्या ऑपरेशन शोध मुळे कुटुंबापासून विभक्त झालेल्याना त्यांच्या प्रियजनांकडे सोपविण्यात आल्याने पालकांच्या चेहऱ्यावर आनंद होता.

  • Politics on Amma Ki Padhai । शिक्षणाच्या उजेडावर राजकारणाचा अंधार, Amma Ki Padhai बंद?

    Politics on Amma Ki Padhai

    Politics on Amma Ki Padhai : चंद्रपूर – आज अनेक युवा डोळ्यात अधिकारी बनण्याचं स्वप्न बाळगून असतात , मात्र आर्थिक परिस्थिती, योग्य मार्गदर्शनाचा अभाव यामुळे अनेक युवा वर्गाचे स्वप्न भंग होतात, मात्र हि अडचण युवा वर्गापुढे येऊ नये यासाठी आमदार किशोर जोरगेवार यांनी आपल्या आईच्या नावाने अम्मा कि पढाई हा उपक्रम सुरु केला मात्र गोरगरीब युवकांच्या अधिकारी बनण्याच्या मार्गावर काही राजकीय पक्षांनी अडथळा आणला. आणि आज हा उपक्रम काही काळासाठी स्थगित करण्यात आला. Politics on Amma Ki Padhai

    वनात वनरक्षकाने केला अत्याचार, चंद्रपूर हादरलं

    महामानव डॉ बाबासाहेब आंबेडकर यांनी युवा वर्गाला शिका व संघटित व्हा, असा मोलाचा संदेश दिला होता, त्यांच्या या संदेशावर आमदार जोरगेवार यांनी एक पाऊल पुढे टाकत अम्मा कि पढाई उपक्रमाचा शुभारंभ केला, या माध्यमातून पूर्व तयारी परीक्षा घेण्यात आली ज्यामध्ये तब्बल ३ हजार युवक वर्गाने परीक्षा दिली व त्यामधून एकूण २८४ विद्यार्थ्यांची निवड झाली. जून महिन्यात शहरातील डॉ. बाबासाहेब आंबेडकर महाविद्यालयात अम्मा कि पढाई केंद्र सुरु करण्यात आले. सर्व सुरळीत सुरु होते मात्र जोरगेवार हे दीक्षाभूमी परिसरात अतिक्रमण करीत आहे असा आरोप करीत काही राजकीय पक्षांनी अम्मा कि पढाई केंद्र बंद करा अशी मागणी केली. Amma Ki Padhai free coaching

    यावर आमदार किशोर जोरगेवार यांनी या उपक्रमाच्या माध्यमातून नवा वाद निर्माण न व्हावा यासाठी सदर केंद्र आंबेडकर महाविद्यालयातून बंद करण्यात आला. याबाबत त्यांनी संदेश प्रसारित केला आहे.

    काय आहे आमदार जोरगेवार यांचा भावनिक संदेश?

    महामानव डॉ. बाबासाहेब आंबेडकर यांनी चंद्रपूरच्या पवित्र भूमीत आपल्या करुणामयी स्पर्शाने धम्मदीक्षेचा दीप प्रज्वलित केला. ही दीक्षा केवळ धर्मग्रहण नव्हे, तर आत्मोद्धार, समता, आणि शिक्षणाच्या क्रांतीची ग्वाही होती. त्याच प्रेरणेतून शिक्षणाची नवी ज्योत प्रज्वलित करण्यासाठी. ‘अम्मा की पढाई’ हा उपक्रम आपण डॉ. बाबासाहेब आंबेडकर महाविद्यालयात सुरू केला. MPSC exam coaching for poor youth

      या उपक्रमात 284 गरीव व गरजू विद्यार्थ्यांना स्पर्धा परीक्षेसाठी मोफत मार्गदर्शन दिले जात होते. महाराष्ट्र गट क सेवा पूर्व परीक्षा 2024 चा निकाल महाराष्ट्र लोकसेवा आयोगाने (MPSC) नुकताच दिनांक ६ ऑगस्ट रोजी जाहीर केला. यामध्ये अम्मा की पढाई शिक्षा केंद्रातील 27 विद्यार्थी उत्तीर्ण झाले. याचे समाधान आहे. ही केवळ शैक्षणिक यशाची गोष्ट नव्हे, तर त्या मुलांच्या स्वप्नांना हात देणाऱ्या धम्मकार्याची साक्ष आहे. मात्र, या कार्याला काही राजकीय पक्षांचा विरोध उभा राहिला. त्यांच्या भावना आम्ही समजून घेतो, त्यांचाही आम्ही मन:पूर्वक आदर करतो.

    परंतु हे केंद्र नेमकं काय आहे, त्याचा उद्देश काय आहे, हे समजवण्यात कदाचित आम्ही कमी पडलो असू शकतो. किंवा, हा एक विधायक सामाजिक उपक्रम राजकारणाच्या आणि त्यातून निर्माण झालेल्या गैरसमजाच्या भोवऱ्यात सापडून बळी गेला असेल — हे सुद्धा चिंतन करण्यासारखे आहे. उद्घाटनाच्या दिवशी विद्यार्थ्यांच्या डोळ्यांत जे तेज होतं, त्याच डोळ्यांत आज अश्रू आहेत – ही बाब अस्वस्थ करणारी आहे. Chandrapur youth free exam preparation centre


    स्वतःच्या जिद्दीवर आणि शिक्षणावर विश्वास ठेवणाऱ्या या विद्यार्थ्यांनी प्रामाणिकपणे शिक्षण घेतलं… आज त्यांच्या अपेक्षांना तात्पुरता विराम मिळतो आहे, ही गोष्ट मनाला चटका लावून जाते. हा उपक्रम काही काळासाठी स्थगित करत आहोत. नवीन जागेची शोधाशोध व पुनर्रचना करण्यासाठी आम्हाला थोडा कालावधी लागणार आहे.

    या निर्णयामुळे काही विद्यार्थ्यांच्या स्वप्नांना तात्पुरता थांबा लागेल, याचे दुःख आहे. आम्ही त्यांची आशा पूर्ण करू शकलो नाही, याचे मनस्वी वाईटही वाटते. पण हे कार्य इथे थांबणार नाही. कारण शिक्षण ही बाबासाहेबांची खरी दीक्षा आहे, आणि ही आमची धम्मसेवा आहे. या प्रवासात आमच्यासोबत उभं राहिलेल्या प्रत्येकाचा आम्ही ऋणी आहोत

       ज्योत विझलेली नाही — ती पुन्हा पेटणार आहे. अधिक तेजस्वीपणे.

     –  तुमचा किशोर जोरगेवार 

    राजकारणाचा बळी अम्मा कि पढाई

    ज्या राजकीय पक्षांनी अम्मा कि पढाई या केंद्राला विरोध केला त्यांनी कदाचित आयुष्यात एकही गोरगरीब मुलांच्या शिक्षणाची जबाबदारी घेतली नसेल, शिक्षणाचं महत्व काय हे बाबासाहेब आंबेडकर यांनी उपेक्षित वर्गाला पटवून दिले होते मात्र आज राजकीय पक्ष बाबासाहेबांच्या धोरणावर टीका करताना दिसत आहे. राजकीय पक्षांनी या विरोधाच्या माध्यमातून गोरगरीब मुलांचे भविष्य उध्वस्त केले आहे.

  • Ramchandra Hindi primary school । चंद्रपुरातील रामचंद्र हिंदी प्राथमिक शाळा होणार स्मार्ट व डिजिटल

    Ramchandra Hindi primary school

    Ramchandra Hindi primary school : चंद्रपूर – चंद्रपूर महानगरपालिका क्षेत्रातील जटपूरा गेट परिसरात स्थित रामचंद्र हिंदी प्राथमिक शाळेला मॉडेल स्कूल म्हणून विकसित करण्यासाठी  ५ कोटींच्या निधीची मागणी आमदार किशोर जोरगेवार यांनी शालेय शिक्षण मंत्री ना. दादाजी भुसे यांच्याकडे केली आहे. ना. दादाजी भुसे चंद्रपूर दौऱ्यावर असताना, विश्रामगृह येथे आमदार जोरगेवार यांनी त्यांची भेट घेऊन या संदर्भातील निवेदन सादर केले. Model school funding 5 crore

    चंद्रपूर हादरलं, वनरक्षकाने वनात केला अत्याचार

    यावेळी भारतीय जनता पक्षाचे महानगर अध्यक्ष सुभाष कासनगोट्टूवार, महिला आघाडी अध्यक्षा छबू वैरागडे, भाजप नेते अशोक जिवतोडे, विधानसभा महिला प्रमुख वंदना हातगावकर, प्रकाश देवतळे, युवा मोर्चा अध्यक्ष मयूर हेपट, नामदेव डाहुले, महामंत्री मनोज पाल, रवि गुरुनुरे, सविता दंढारे, मंडळ अध्यक्ष प्रदीप किरमे, स्वप्नील डुकरे, सुभाष अदमाने, रवि जोगी, ॲड. सारिका संदुरकर, देवनंद वाढई, वंदना तिखे, सायली येरणे, मंजुश्री कासनगोट्टूवार, प्रज्ञा बोरगमवार यांची उपस्थिती होती.

    शाळेची इमारत जीर्ण अवस्थेत

    रामचंद्र हिंदी प्राथमिक शाळा प्रभाग क्र. ७ मध्ये असून, ही शाळा गेल्या अनेक वर्षांपासून अल्पसाधनांमध्ये विद्यार्थ्यांना शिक्षण देत आहे. शाळेतील बहुतांश विद्यार्थी आर्थिकदृष्ट्या कमकुवत आहेत. सध्या शाळेची इमारत अत्यंत जीर्ण अवस्थेत असून पायाभूत सुविधांचा मोठा अभाव आहे. वर्गखोल्या अपुऱ्या आहेत, शौचालयांची संख्या कमी आहे, तसेच डिजिटल शिक्षणासाठी कोणतीही व्यवस्था उपलब्ध नाही. Chandrapur Jatpura Gate model school funding

    या पार्श्वभूमीवर, सदर शाळेला मॉडेल स्कूलचा दर्जा देत नव्याने सुसज्ज इमारत, स्मार्ट क्लासरूम, संगणक कक्ष, प्रयोगशाळा, वाचनालय, शौचालय, शुद्ध पिण्याचे पाणी आणि खेळाचे मैदान उभारण्याचा प्रस्ताव तयार करण्यात आला आहे. यासाठी अंदाजे  ५ कोटी निधीची आवश्यकता असुन हा निधी मंजूर करण्यात यावा अशी मागणी यावेळी आमदार किशोर जोरगेवार यांनी शिक्षणमंत्री दादाजी भुसे यांना केली आहे.

  • Ballarpur Forest Guard Assault Case । चंद्रपूर जिल्हा हादरला, वनरक्षकाने वनात केला अत्याचार

    Ballarpur Forest Guard Assault Case

    Ballarpur Forest Guard Assault Case : बल्लारपूर : बल्लारपूर पोलीस ठाण्याच्या हद्दीत एका अल्पवयीन मुलीवर ३० वर्षीय वनरक्षकाने अत्याचार केल्याची धक्कादायक घटना उघडकीस आली आहे. ही घटना ५ ऑगस्ट रोजी घडली असून, आरोपी वनरक्षक सध्या फरार आहे.

    अम्मा चौक वादावर आमदार जोरगेवार यांचं उत्तर

    पीडित मुलगी कॉलेज सुटल्यानंतर आपल्या मित्रासोबत चंद्रपूरहून गावाकडे दुचाकीने परत येत होती. रस्त्यात त्यांची दुचाकी बंद पडल्याने ते थांबले. याचवेळी चंद्रपूरहून कारवाकडे जाणारा वनरक्षक दुर्योधन तिथे थांबला. त्याने मुलीच्या मित्राला खोट्या केसमध्ये अडकवण्याची धमकी देत पैसे मागितले. त्यानंतर, ‘तुला पुढच्या गावापर्यंत सोडतो’ असे सांगून त्याने त्या अल्पवयीन मुलीला आपल्या गाडीत बसवले. forest guard assault case

    गुन्हे दाखल, आरोपी पसार

    आरोपीने तिला चंद्रपूर-जुनोना मार्गावरील जंगलात नेऊन तिच्यावर जबरदस्ती केली. यानंतर आरोपी घटनास्थळावरून फरार झाला. पीडितेने आपल्या मित्राला घडलेली घटना सांगितली. त्यानंतर तो तिला घरी घेऊन गेला. पीडितेने आपल्या पालकांसह बल्लारपूर पोलीस ठाण्यात तक्रार दाखल केली. Forest guard rape case Maharashtra

    पोलिसांनी आरोपी वनरक्षकाविरुद्ध अप.क्र. ५९२/२५ नुसार भादंवि कलम ३०८(२), १३७(२), ६४(१), ६५(१) बीएनएस अंतर्गत गुन्हा दाखल केला आहे. आरोपीची ओळख पटली असून, पोलीस त्याचा शोध घेत आहेत.

    पोलीस निरीक्षक बिपिन इंगळे यांच्या मार्गदर्शनाखाली महिला पोलीस उपनिरीक्षक करिष्मा मोरे, पोहवा यशवंत कुमरे आणि मपोअं खडसे या प्रकरणाचा तपास करत आहेत. या घटनेमुळे परिसरात संतापाचे वातावरण असून, आरोपीला तात्काळ अटक करण्याची मागणी नागरिकांकडून होत आहे.

  • NAKSHA project Ghugus Chandrapur district । 📍 मालकीचे वाद मिटणार? ‘घुग्घुस’मध्ये ऐतिहासिक डिजिटल भूमापन सुरू!

    NAKSHA project Ghugus Chandrapur district

    NAKSHA project Ghugus Chandrapur district : चंद्रपूर, दि. 6 : केंद्रीय ग्रामीण विकास मंत्रालयाच्या भूमी संसाधन विभागाच्या मार्गदर्शनाखाली देशातील 150 शहरी भागात “National Geospatial Knowledge Based Land Survey of Urban Habitations (नक्षा)” हा कार्यक्रम प्रायोगिक तत्वावर राबविण्यात येत आहे. महाराष्ट्रातील 10 स्थानिक स्वराज्य संस्थांपैकी चंद्रपूर जिल्ह्यातील घुग्घुस नगर परिषदेचा समावेश असून याठिकाणी प्रकल्पाचे काम अंतिम टप्प्यात आहे.

    वृक्ष लावा आणि जिंका २१ हजार रुपये

    सदर प्रकल्पाची यशस्वी अंमलबजावणी सुनिश्चित करण्यासाठी प्रभारी जिल्हाधिकारी डॉ. नितीन व्यवहारे यांच्या अध्यक्षतेखाली जिल्हास्तरीय समितीची बैठक वीस कलमी सभागृहात पार पडली. या बैठकीस जिल्हा अधीक्षक भूमि अभिलेख भुषण मोहिते, नगर रचना अधिकारी गणेश चिल्लाळ, घुग्घुस न.प. चे मुख्याधिकारी निलेश रांजणकर मनपाचे उपायुक्त संदीप चिदंबर पोलिस निरीक्षक दिनेश लबडे, उपअधिक्षक भुमी अभिलेख भूमरेड्डी गिज्जेवार आदी उपस्थित होते.

    घुग्घुस नगर परिषदेचा भूमापन प्रकल्प यशस्वीरित्या पार पडण्यासाठी सर्वे ऑफ इंडिया व त्यांचे खाजगी भागीदार आर. व्ही. असोसिएट्स यांच्या माध्यमातून हेलिकॉप्टर आणि ड्रोनद्वारे मोजणी पूर्ण करण्यात आली आहे. तसेच नगर परिषदेमार्फत कर आकारणी नमुना 8 अ (पीटीआर डेटा) भूमि अभिलेख विभागास सादर करण्यात आला आहे. या अंतर्गत ग्राऊंड कंट्रोल पॉईंट्स, बेंचमार्क स्थापन करणे आणि सीमांकनासह ड्रोन इमेजवर आधारित प्रारूप नकाशे व जिओ टीआयएफएफ फायली प्राप्त होण्याची प्रक्रिया सुरू असून, त्यानंतर स्थानिक चौकशी केली जाईल. नागरीकांना यासंदर्भात पूर्वसूचना दिली जाणार असून चौकशीदरम्यान संबंधितांनी मालकी हक्काचे कागदपत्र सादर करण्याचे आवाहन करण्यात आले आहे. NAKSHA pilot project

    प्रकल्पाचे फायदे काय?

    प्रत्येक मालमत्तेचे जीआयएस प्रणालीवर आधारित रेखांकन आणि मूल्यांकन, शहरी नियोजनासाठी आवश्यक बेस मॅप उपलब्धता, प्रत्येक मिळकतीचा स्वतंत्र नकाशा आणि मालकी सनद, बहुमजली इमारतींतील प्रत्येक युनिटसाठी अधिकार अभिलेख, रस्ते, गल्ल्या, जलस्त्रोत, सरकारी मिळकतीचे जीआयएस आधारित नकाशे, मालमत्ता कर नोंदवही (PTR) अद्ययावत करणे,  शासन व स्थानिक संस्थांच्या मिळकतींचे रजिस्टर अद्ययावत करणे, नागरिकांना धारक हक्काचा अधिकृत अभिलेख देऊन आर्थिक सक्षमीकरण.

    प्रकल्पामुळे मालकीचे वाद कमी होणार असून नियोजनबद्ध शहरी विकासासाठी आधारभूत माहिती मिळणार आहे. प्रकल्पाच्या यशस्वीतेसाठी स्थानिक नागरिकांनी सहकार्य करावे, असे आवाहन प्रभारी जिल्हाधिकारी व इतर अधिकाऱ्यांनी केले आहे.

  • 12 year old boy drowned in Sindewahi । सिंदेवाहीत काळजाला हादरवणारी घटना, खेळता खेळता गेला खोल पाण्यात…

    12 year old boy drowned in Sindewahi

    12 year old boy drowned in Sindewahi : सिंदेवाही: सिंदेवाही तालुक्यातील खातगाव गावावर आज शोककळा पसरली आहे. गावात राहणारा १२ वर्षीय लोकेश उर्फ समीर मोहन वरखडवार याचा नदीच्या खोल पाण्यात बुडून दुर्दैवी मृत्यू झाला. ही हृदयद्रावक घटना बुधवारी सकाळी आठ वाजण्याच्या सुमारास घडली असून, यामुळे गावात हळहळ व्यक्त केली जात आहे. लोकेश सहावी इयत्तेत शिकत होता.

    अम्मा चौक वाद, काय म्हणाले आमदार जोरगेवार

    कपडे धुण्यासाठी गेलेल्या आईसोबत घडली दुर्दैवी घटना

    मिळालेल्या माहितीनुसार, लोकेश दररोजप्रमाणे आपल्या आईसोबत गावाजवळील नदीवर कपडे धुण्यासाठी गेला होता. आई कपडे धुण्यात व्यस्त असताना लोकेश नदीच्या उथळ पाण्यात खेळत होता. खेळता खेळता तो अचानक खोल पाण्यात गेला आणि पाण्याचा अंदाज न आल्याने बुडू लागला.

    आईच्या डोळ्यासमोरच ही दुर्दैवी घटना घडली. आपल्या मुलाला बुडताना पाहून आईने मदतीसाठी आरडाओरडा केला, परंतु काही क्षणातच लोकेश खोल पाण्यात बेपत्ता झाला. या घटनेमुळे आईवर मोठा मानसिक आघात झाला असून, तिची अवस्था पाहून गावातील प्रत्येकाच्या डोळ्यात अश्रू आले. mother witness drowning tragedy

    गावात शोककळा आणि हळहळ व्यक्त

    लोकेशच्या निधनाचे वृत्त समजताच संपूर्ण गावात शोककळा पसरली आहे. लोकेश हा मनमिळावू आणि हुशार मुलगा होता. त्याच्या अचानक जाण्याने वरखडवार कुटुंबावर दु:खाचा डोंगर कोसळला आहे. गावातील लोक कुटुंबाला धीर देत आहेत.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by