My Blog

Blog

  • Maharashtra Government Scholarship 2025 । “विद्यार्थ्यांनो, महाराष्ट्र शासन शिष्यवृत्ती 2025 ही तुमच्यासाठी सुवर्णसंधी!”

    Maharashtra Government Scholarship 2025

    Maharashtra Government Scholarship 2025 : (२४ ऑगस्ट २०२५) महाराष्ट्र शासनाच्या समाज न्याय व विशेष सहाय्य विभागा तर्फे विद्यार्थ्यांसाठी विविध शिष्यवृत्ती योजना राबवल्या जातात. या योजनांमुळे आर्थिकदृष्ट्या दुर्बल व वंचित घटकांतील विद्यार्थ्यांना उच्च शिक्षण घेण्यास मदत होते. या लेखात आपण पात्रता, अर्ज प्रक्रिया, आवश्यक कागदपत्रे व शिष्यवृत्तीचे फायदे याबाबत सविस्तर माहिती जाणून घेणार आहोत.

    ५० हजार ते ५ लाखांपर्यंत कर्ज व अनुदान, जाणून घ्या माहिती

    विभाग १ – शिष्यवृत्ती योजनांचे प्रकार

    • डॉ. बाबासाहेब आंबेडकर स्वावलंबन योजना
    • पोस्ट मॅट्रिक शिष्यवृत्ती (एससी, एसटी, ओबीसी, एसबीसी, व्ही.जे.एन.टी. विद्यार्थ्यांसाठी)
    • इतर विशेष सहाय्य योजना

    👉 या योजना महाडिबी (MahaDBT) Portal वर उपलब्ध आहेत.

    विभाग २ – पात्रता (Eligibility)

    • विद्यार्थी महाराष्ट्राचा रहिवासी असावा
    • निर्धारित जात, उपजाती किंवा आर्थिक घटकांतर्गत असावा
    • विद्यार्थी शासन मान्यताप्राप्त महाविद्यालय/विद्यापीठात शिक्षण घेत असावा
    • कुटुंबाचा वार्षिक उत्पन्न ठराविक मर्यादेपेक्षा कमी असावा

    विभाग ३ – आवश्यक कागदपत्रे (Documents Required)

    • जात प्रमाणपत्र / जात पडताळणी प्रमाणपत्र
    • उत्पन्न प्रमाणपत्र (ताजे)
    • रहिवासी प्रमाणपत्र
    • महाविद्यालय प्रवेशपत्र / बोनाफाईड सर्टिफिकेट
    • बँक पासबुक प्रती
    • मागील शैक्षणिक वर्षाचे गुणपत्रक

    अर्ज प्रक्रिया (How to Apply)

    1. महाडिबीटी पोर्टल वर लॉगिन करा
    2. नवीन वापरकर्ता असल्यास नोंदणी (Registration) करा
    3. “Apply Online” विभागात योग्य शिष्यवृत्ती योजना निवडा
    4. सर्व तपशील भरा व कागदपत्रे अपलोड करा
    5. अर्ज सबमिट करून acknowledgment slip घ्या MahaDBT Scholarship

    लाभ (Benefits)

    • शिक्षण शुल्क व परीक्षा शुल्क शासनामार्फत भरले जाते
    • होस्टेल भत्ता (असल्यास)
    • इतर शैक्षणिक खर्चासाठी आर्थिक सहाय्य
    • आर्थिक ताण कमी झाल्यामुळे विद्यार्थी उच्च शिक्षणावर लक्ष केंद्रित करू शकतो

    निष्कर्ष (Conclusion)

    समाज न्याय व विशेष सहाय्य विभागाच्या शिष्यवृत्ती योजना विद्यार्थ्यांसाठी मोठा आधार आहेत. आर्थिक परिस्थितीमुळे शिक्षण थांबवावे लागू नये म्हणून या योजना उपयुक्त ठरतात. विद्यार्थ्यांनी वेळेवर ऑनलाइन अर्ज करून या योजनेचा लाभ घ्यावा.

    १. महाराष्ट्र शासन शिष्यवृत्ती योजनेसाठी अर्ज कुठे करायचा?

    👉 सर्व अर्ज महाडिबीटी पोर्टल (MahaDBT) वरून ऑनलाइन करायचे असतात.

    २. अर्ज करण्याची शेवटची तारीख कोणती असते?

    👉 दरवर्षी साधारणपणे ऑगस्ट ते डिसेंबर दरम्यान अर्ज प्रक्रिया सुरू राहते. (तारीख बदलू शकते, म्हणून अधिकृत वेबसाइट तपासा.)

    ३. उत्पन्न प्रमाणपत्र किती जुनं चालतं?

    👉 साधारणपणे मागील आर्थिक वर्षातील (१ वर्ष जुने) उत्पन्न प्रमाणपत्र ग्राह्य धरले जाते.

    ४. मी नापास झाल्यास शिष्यवृत्ती मिळेल का?

    👉 बहुतेक योजनांमध्ये विद्यार्थी नापास झाल्यास पुढील वर्षाची शिष्यवृत्ती मंजूर होत नाही.

    ५. बँक खाते कोणत्या प्रकारचे असावे?

    👉 विद्यार्थ्याचे राष्ट्रीयकृत/शेड्यूल बँकेतील सेव्हिंग अकाउंट असणे आवश्यक आहे.

    ६. मी महाराष्ट्राबाहेर शिकत असेन तरी अर्ज करू शकतो का?

    👉 हो, पण संबंधित महाविद्यालय शासनमान्यताप्राप्त असावे.

    ७. शिष्यवृत्ती रक्कम थेट कुठे जमा होते?

    👉 शिष्यवृत्तीची रक्कम थेट विद्यार्थ्याच्या बँक खात्यात (Direct Benefit Transfer – DBT) जमा केली जाते.

    ८. शिष्यवृत्ती अर्ज मंजूर झाल्याचे कसे कळेल?

    👉 MahaDBT पोर्टलवर लॉगिन करून “Application Status” मध्ये अर्जाची स्थिती पाहू शकता.

  • bear attack Chandrapur forest video footage । 😨 “LIVE Video: अस्वलाच्या पंजात अडकलेले पिता-पुत्र – चंद्रपूर हादरले!”

    bear attack Chandrapur forest video footage

    bear attack Chandrapur forest video footage : चंद्रपूर: चंद्रपूरजवळील जुनोना गावात शनिवारी सकाळी एक थरारक घटना घडली. जंगलात पाने तोडण्यासाठी गेलेल्या वडील आणि मुलावर अचानक एका अस्वलाने हल्ला केला. या हल्ल्याचा एक व्हिडिओही समोर आला आहे, ज्यात अस्वल आपल्या पंजाने त्यांना पकडत सतत हल्ला करताना दिसत आहे.

    चंद्रपुरात पोलिसांची मोठी कारवाई, मेफेड्रोन पावडरसह एकाला अटक

    मिळालेल्या माहितीनुसार, जुनोना गावातील अरुण कुकसे हे त्यांचा मुलगा विजयसोबत जंगलात पाने गोळा करण्यासाठी गेले होते. अचानक झुडपातून आलेल्या अस्वलाने सर्वात आधी अरुण यांच्यावर हल्ला केला. वडिलांना वाचवण्यासाठी गेलेल्या विजयवरही अस्वलाने हल्ला करून त्याला गंभीर जखमी केले. विजयने सांगितले की, अस्वलाने वडिलांवर हल्ला करताच त्याने काठीने अस्वलावर वार केले, पण अस्वलाने त्याच्यावरही हल्ला केला आणि त्यानंतर काय झाले, ते त्याला आठवत नाही. bear-human conflict Chandrapur

    हल्ल्याचा व्हिडीओ

    या घटनेदरम्यान, तिथे उपस्थित असलेल्या गावकऱ्यांनी आरडाओरडा करत लाठी-काठी आणि दगडांनी अस्वलाला पळवून लावण्याचा प्रयत्न केला. मात्र, अस्वल आधी विजय व नंतर अरुणवर हल्ला करत राहिले. व्हिडिओमध्ये स्पष्ट दिसत आहे की, गावकऱ्यांनी पूर्ण ताकदीने अस्वलावर वार केले, तरीही अस्वल अरुण यांना आपल्या पंजात पकडून होते. अखेर गावकऱ्यांच्या अथक प्रयत्नांनंतर अस्वल अरुण यांना अर्धमेलेल्या अवस्थेत सोडून जंगलात पळून गेले.

    घटनेची माहिती मिळताच वनविभागाची टीम तात्काळ घटनास्थळी पोहोचली आणि जखमी पिता-पुत्राला चंद्रपूर जिल्हा रुग्णालयात दाखल केले. डॉक्टरांनी अरुण यांची गंभीर स्थिती पाहून त्यांना पुढील उपचारांसाठी नागपूर मेडिकल कॉलेजमध्ये पाठवले आहे, जिथे त्यांची प्रकृती चिंताजनक आहे. तर, मुलगा विजयची प्रकृती आता धोक्याबाहेर असल्याचे सांगितले जात आहे. या घटनेनंतर संपूर्ण गावात भीतीचे वातावरण पसरले आहे.

  • Chandrapur police mafedrone seizure 57 grams । चंद्रपूरमध्ये पोलिसांची मोठी कारवाई! ५७ ग्रॅम मॅफेड्रॉन ड्रग्ज जप्त

    Chandrapur police mafedrone seizure 57 grams

    Chandrapur police mafedrone seizure 57 grams : चंद्रपूर: चंद्रपूर पोलिसांनी अवैध अंमली पदार्थांविरुद्ध सुरू केलेल्या मोहिमेअंतर्गत मोठी कारवाई केली आहे. स्थानिक गुन्हे शाखा आणि रामनगर पोलिसांनी संयुक्तपणे केलेल्या या कारवाईत रहमतनगर येथील एका कुख्यात गुन्हेगाराकडून ५७.२६० ग्रॅम मॅफेड्रॉन (एम.डी.) ड्रग्स पावडर जप्त करण्यात आली आहे. या ड्रग्जची किंमत ४ लाख १९ हजार १०० रुपये असून, आरोपीला अटक करण्यात आली आहे.

    वीरुगिरी आंदोलनाला यश

    मिळालेल्या माहितीनुसार, मोहम्मद शादाब अब्दुल रऊफ शेख (रा. रहमतनगर) नावाचा रेकॉर्डवरील गुन्हेगार आपल्या घरात मॅफेड्रॉन ड्रग्जची विक्री करत असल्याची गोपनीय माहिती स्थानिक गुन्हे शाखेला मिळाली होती. या माहितीच्या आधारे २२ ऑगस्ट रोजी पोलिसांनी सापळा रचून आरोपीच्या घरावर छापा टाकला. NDPS Act Chandrapur arrest

    ५७.२६० ग्रॅम एम.डी. ड्रग्ज पावडर

    छाप्यादरम्यान, पोलिसांना आरोपीकडे ५७.२६० ग्रॅम एम.डी. ड्रग्ज पावडर, दोन मोबाईल फोन आणि रोख रक्कम असा एकूण ४ लाख ९१ हजार १०० रुपयांचा मुद्देमाल सापडला. पोलिसांनी हा सर्व मुद्देमाल जप्त केला आहे.

    आरोपीविरुद्ध रामनगर पोलीस ठाण्यात एनडीपीएस ॲक्ट-१९८५ च्या कलम ८(क) आणि २१(क) अंतर्गत गुन्हा दाखल करण्यात आला असून, पुढील तपास स्थानिक गुन्हे शाखा करत आहे.

    ही कारवाई पोलीस अधीक्षक श्री. मुम्मका सुदर्शन आणि अपर पोलीस अधीक्षक श्री. ईश्वर कातकडे यांच्या मार्गदर्शनाखाली करण्यात आली. यामध्ये स्थानिक गुन्हे शाखेचे पोलीस निरीक्षक श्री. अमोल काचोरे, रामनगर पोलीस ठाण्याचे निरीक्षक श्री. आसिफराजा शेख यांच्यासह दोन्ही विभागांतील अनेक अधिकारी आणि कर्मचाऱ्यांनी सहभाग घेतला.

    या घटनेच्या पार्श्वभूमीवर पोलीस अधीक्षकांनी नागरिकांना अंमली पदार्थांच्या धोक्याबाबत सतर्क राहण्याचे आवाहन केले आहे. अंमली पदार्थांची विक्री आणि सेवन समाजासाठी अत्यंत घातक असून, अशा गैरकृत्यांची माहिती मिळाल्यास चंद्रपूर पोलिसांच्या 7887890100 या व्हॉट्सअॅप क्रमांकावर संपर्क साधण्याचे आवाहन त्यांनी केले आहे.

  • MLA Kishor Jorgewar on virugiri andolan । १०३ प्रकल्पग्रस्तांना नवी संजीवनी – MLA किशोर जोरगेवार यांच्या मध्यस्थीने रोजगाराची खात्री

    MLA Kishor Jorgewar on virugiri andolan

    MLA Kishor Jorgewar on virugiri andolan : चंद्रपूर – थकीत वेतन आणि रोजगाराच्या मागणीसाठी विदर्भ मिनरल्स अँड एनर्जी कंपनीच्या आवारातील १६५ मीटर उंच चिमणीवर चढून सुरू केलेले प्रकल्पग्रस्त कामगारांचे ‘वीरुगिरी’ आंदोलन अखेर मागे घेण्यात आले. आमदार किशोर जोरगेवार यांनी स्वतः आंदोलनस्थळी धाव घेतली आणि तब्बल चार तास ठिय्या मांडून कामगार व कंपनी व्यवस्थापन यांच्यात समन्वय साधत मागण्या मान्य करून घेतल्या आहे. त्यानंतर आंदोलांची यशस्वी सांगता झाली आहे.

    १६५ मीटर उंचीवर कामगारांची वीरुगिरी

    आमदाराची यशस्वी मध्यस्ती

    आमदार जोरगेवार यांच्या मध्यस्थीनंतर १०३ प्रकल्पग्रस्तांना १० सप्टेंबरपासून सहा महिन्यांसाठी कंत्राटी पद्धतीवर कामावर घेण्याचे कंपनी व्यवस्थापनाने मान्य केले. तसेच सहा महिन्यांनंतर सर्व प्रकल्पग्रस्तांना स्थायी स्वरूपात सामावून घेण्याचेही मान्य करण्यात आले. आमदारांच्या उपस्थितीत कंपनी व्यवस्थापनाने याबाबत लिखित हमी दिल्याने आंदोलनकर्त्यांनी आपले आंदोलन मागे घेतले. कामगारांवर अन्याय होऊ देणार नाही, या ठाम भूमिकेसह आमदारांनी कंपनी व्यवस्थापनाला स्पष्ट शब्दांत सुनावले आणि तोडगा निघेपर्यंत आंदोलनस्थळ सोडले नाही हे विशेष. chimney protest workers permanent jobs guarantee

      या प्रसंगी महसूल विभागचे उपविभागीय अधिकारी संजय पवार, उपविभागीय पोलिस अधिकारी सुधाकर यादव, तहसीलदार ओमकार ठाकरे, घुग्घुस ठाणेदार राउत, कंपनी व्यवस्थापनाचे आशिष नरळ, दीपक गुप्ता, भाजप नेते नामदेव डाहुले, कामगार नेते प्रवीण लांडगे, महामंत्री मनोज पाल, घुग्घुस शहर अध्यक्ष संजय तिवारी, रवि गुरनुले, दशरथसिंह ठाकुर, प्रवीण गिलबिले, मुन्ना लाढे, देवानंद वाढई, उसगाव सरपंच निविदा ठाकरे, उपसरपंच मंगेश आसुटकर, मंडळ अध्यक्ष विनोद खेवले, धनंजय ठाकरे, इमरान खान, आशिष माशिरकर, संजय नूने, स्वप्निल वाढई, राजकुमार गोडसेलवार, महेश लढ्ढा, दत्तु जोगी आदींची उपस्थिती होती.

    २००८ साली गुप्ता एनर्जी कंपनीने उसगाव परिसरात प्रकल्प उभारणीसाठी १०३ शेतकऱ्यांची जमीन संपादित केली होती. बदल्यात त्यांना कंपनीत स्थायी रोजगार देण्यात आला. मात्र २०१५-१६ मध्ये कंपनी अचानक बंद पडली व २०१७ साली दिवाळखोर घोषित झाल्याने अनेकांचे वेतन थकीत राहिले. नंतर कंपनीचा कारभार विदर्भ मिनरल्स अँड एनर्जी कंपनीकडे गेला. कंपनी सुरू झाल्यावर प्रकल्पग्रस्तांना रोजगार देण्याचे आश्वासन दिले गेले होते. मात्र ते पाळले गेले नाही. उलट बाहेरील कामगारांना कामावर घेण्याची प्रक्रिया सुरू झाल्याने प्रकल्पग्रस्तांमध्ये संताप निर्माण झाला. contract jobs followed by permanent employment

    अखेर २३ ऑगस्ट रोजी विजयक्रांती कामगार संघटनेचे प्रवीण लांडगे यांच्या मार्गदर्शनात प्रकल्पग्रस्त महेंद्र वडस्कर, भारत खनके, सुधाकर काळे, सुरेंद्र विके, रमेश सोनेकर, अनिल निखाडे, सुनील जोगी व उमाकांत देठे या आठ जणांनी मध्यरात्री चिमणी वर चढून जीव धोक्यात घालून ‘वीरुगिरी’ आंदोलन छेडले. MLA Kishor Jorgewar on virugiri andolan

    परिस्थिती गंभीर होत असताना आमदार किशोर जोरगेवार आंदोलनस्थळी पोहोचले. त्यांनी आंदोलनकर्त्यांची भेट घेतली आणि कंपनी व्यवस्थापनालाही चर्चेसाठी बोलावले. ही भूमिपुत्रांची जमीन आहे. त्यांनी आपले घर, शेती देऊन प्रकल्प उभा केला आहे. आता त्यांच्याच मुलांना दारात उभे ठेवणे हा अन्याय आहे. कामगारांवर अन्याय होऊ देणार नाही, असे ठाम शब्दांत आमदार जोरगेवार यांनी कंपनी व्यवस्थापनाला बजावले. आमदारांच्या ठाम भूमिकेमुळे व मध्यस्थीमुळे चर्चा यशस्वी ठरली. चार तास ठिय्या मांडून त्यांनी मागण्या मान्य करून घेतल्यानंतर अखेर आंदोलनकर्त्यांनी आपले आंदोलन मागे घेतल्याची घोषणा केली आहे. त्यामुळे आंदोलनाची यशस्वी सांगता झाली आहे.  

  • anganwadi centre new building inauguration । अंगणवाडी ही पायाभूत बालसंस्काराचे केंद्र – अपर्णा भांगडिया

    anganwadi centre new building inauguration

    anganwadi centre new building inauguration : चिमूर – बालवयात शिक्षणप्रती गोडी निर्माण होऊन भविष्यात उच्च शिक्षण घेऊन स्वतःच्या कुटुंबासह गाव व समाजाचा विकास साधावा या उदात्त हेतूने प्रशासनाने प्रत्येक ग्राम स्तरावर अंगणवाडी केंद्रे कार्यान्वीत केले. ही केंद्रे बालकांच्या आरोग्यासह त्यांच्या मनावर उच्च संस्कार करणारे केंद्र ठरत असून अंगणवाडी हे पायाभूत बालसंकाराचे केंद्र आहे असे प्रतिपादन चिमूर विधानसभा क्षेत्र आमदार कीर्तीकुमार (बंटी) भांगडिया यांच्या अर्धांगिनी अपर्णा भांगडिया यांनी केले. त्या चिमूर तालुक्यातील खडसंगी गट ग्राम पंचायत अंतर्गत येणाऱ्या बरडघाट येथील अंगणवाडीच्या नवीन इमारतीचे लोकार्पण सोहळ्या प्रसंगी प्रमुख पाहुण्या म्हणून बोलत होत्या.

    चंद्रपुरात प्रकल्पग्रस्त कामगारांचे वीरुगिरी आंदोलन

    ११.२५ लक्ष खर्चून उभारली नवी इमारत

    चिमूर विधानसभा क्षेत्र आमदार कीर्तीकुमार (बंटी) भांगडिया यांच्या विशेष प्रयत्नातून बरडघाट येथे अंगणवाडी नवीन इमारत बांधकामकरिता जिल्हा वार्षिक योजने अंतर्गत ११.२५ लक्ष खर्चून उभारण्यात आलेल्या इमारतीच्या आयोजित लोकार्पण सोहळ्या प्रसंगी प्रामुख्याने मेघाताई भांगडिया, मनिषाताई भांगडिया,चिमूर भाजप तालुका अध्यक्ष राजू पाटील झाडे, भाजप युवा मोर्चा महामंत्री रोशन बनसोड,खडसंगी सरपंच प्रियंका कोलते, संदीप बोरकर, अजहर शेख, प्रमोद श्रीरामे, सचिन मेश्राम, प्रभाकर दोडके,यांचेसह भाजप पदाधिकारी कार्यकर्ते व प्रतिष्ठित नागरिक उपस्थित होते. anganwadi infrastructure rural development

    यावेळी प्रास्ताविकातून क्षेत्र आमदार कीर्तीकुमार (बंटी) भांगडिया यांच्या विकासात्मक दूरदृष्टीकोण व कर्तृत्ववान नेतृत्वाची महती सरपंच प्रियंका कोलते यांनी उपस्थितांपुढे सांगितली. कार्यक्रमाचे संचालन संजय भोयर यांनी केले. आयोजित लोकार्पण सोहळ्यास मोठ्या संख्येने गावकरी उपस्थित होते.


  • Virugiri andolan of project affected workers । 💥 “८ कामगारांचे १६५ मीटर उंचावर आंदोलन – प्रकल्पग्रस्तांचा न्यायासाठी लढा”

    Virugiri andolan of project affected workers

    Virugiri andolan of project affected workers : घुग्गुस – २३ ऑगस्ट रोजी थकीत वेतन व कामावर परत रुजू करण्यासाठी ८ प्रकल्पग्रस्त कामगारांनी विदर्भ मिनरल्स एन्ड एनर्जी कंपनीच्या आवारातील चिमणी वर चढून वीरुगिरी आंदोलन सुरु केले, जर आमच्या मागण्या मान्य झाल्या नाहीतर आम्ही सर्व प्रकल्पग्रस्त कामगार सामूहिक या चिमणीवरून उडी मारत आत्महत्या करणार व याची सर्वस्वी जबाबदारी कामगार आयुक्त व कंपनी व्यवस्थापनाची राहणार असा इशारा कामगारांनी दिला आहे.

    स्पेलिंग न आल्याने शिक्षकाने विद्यार्थ्यांना केली अमानुष मारहाण

    घुग्गुस मधील उसेगाव मध्ये वर्ष २००८ रोजी गुप्ता एनर्जी प्रायव्हेट लिमिटेड कंपनी सुरु झाली होती, त्यापूर्वी कंपनीने प्रकल्प उभा करण्यासाठी परिसरातील गावातील जमिनीचे संपादन केले होते, यासाठी १०३ शेतकऱ्यांची जमीन प्रकल्पात गेल्याने त्यांना गुप्ता एनर्जी कंपनीमध्ये स्थायी रोजगार देण्यात आला होता. वर्ष २०१५ ते १६ दरम्यान कंपनीने कामगारांना विश्वासात न घेता कंपनी बंद केली, वर्ष २०१७ ला कंपनी दिवाळखोर घोषित झाली. कंपनी बंद झाल्याने अनेकांचे वेतन थकीत राहिले, प्रकल्पग्रस्तानी नोकरीसाठी आमरण उपोषण सुद्धा केले मात्र कामगारांना न्याय मिळाला नाही.

    कंपनीने आश्वासन पाळले नाही

    NCLT न्यायालयाच्या निर्देशानुसार गुप्ता एनर्जी व्यवस्थापनाचे परिचलनाचे सर्व अधिकार आता विदर्भ मिनरल्स एन्ड एनर्जी कंपनीला देण्यात आले. कामगारांनी प्रकल्पग्रस्तांना नोकरी द्यावी याकरिता पत्रव्यव्हार केला होता, त्यावेळी कंपनीने कामगारांना रोजगार मिळेल असे आश्वासित केले होते, मात्र २ महिन्यापूर्वी सुरु झालेल्या कंपनीने कामगारांना दिलेल्या आश्वासनाला डावलून नवीन कामगार रुजू करण्यास सुरुवात केली. १०३ प्रकल्पग्रस्त कामगारांपैकी ६० ते ६५ कामगारांना व्यवस्थापनाने स्थायी कामगार म्हणून रुजू करणे गरजेचे असताना त्यांनी असे केले नाही, याकरिता विजयक्रांती कामगार संघटनेद्वारे प्रकल्पग्रस्तांनी विदर्भ मिनरल्स कंपनी गेटसमोर धरणे आंदोलन सुरु केले. Vidarbha Minerals & Energy

    १७ ऑगस्ट पर्यंत प्रकल्पग्रस्तांना विदर्भ मिनरल्स एन्ड एनर्जी मध्ये स्थायी रोजगार द्यावा अन्यथा आंदोलन तीव्र करू असा इशारा कामगारांनी दिला होता, मात्र न्याय न मिळाल्याने प्रकल्पग्रस्त महेंद्र वडस्कर, भारत खनके, सुधाकर काळे, सुरेंद्र विके, रमेश सोनेकर, अनिल निखाडे, सुनील जोगी व उमाकांत देठे यांनी २३ ऑगस्ट ला मध्यरात्री २ वाजता कंपनी आवारातील १६५ मीटर उंच चिमणीवर चढत वीरुगिरी आंदोलन सुरु केले, सध्या कामगार ४५ मीटर उंचावर आहे. कामगारांनी प्रशासनाने आम्हाला आता तरी न्याय द्यावा अशी विनंती केली आहे, आम्ही भूमिपुत्र आपल्या रोजगारासाठी लढत आहो, खासदार व आमदार सह नागरिकांनी आम्हाला आमच्या आंदोलनाला सहकार्य करावे अशी विनंती केली आहे. Ghuggus project affected workers protest

    प्रकल्पग्रस्त कामगारांनी यावेळी कामगार आयुक्तांवर आरोप केला कि आयुक्त यांनी नेहमी कंपनीची बाजू घेतली मात्र कामगारांना न्याय मिळावा अशी कधी भूमिका घेतली नाही, जर आम्हाला न्याय मिळाला नाही तर आम्ही सर्व प्रकल्पग्रस्त कामगार या चिमणीवरून उद्या मारत सामूहिक आत्महत्या करू. प्रकल्पग्रस्तांच्या वीरुगिरी आंदोलनस्थळी अद्यापही पोलीस प्रशासन शिवाय कुणीही भेट दिली नाही.

  • Bail Pola festival Chandrapur । 🌾 चंद्रपूरमध्ये बैलपोळ्याचा जल्लोष! आमदार जोरगेवारांनी केली बैलजोडीची पूजा

    Bail Pola festival Chandrapur

    Bail Pola festival Chandrapur : चंद्रपूर : चंद्रपूर जिल्ह्यातील साखरवाही येथे दरवर्षीप्रमाणे यंदाही बैलपोळा उत्सव पारंपरिक पद्धतीने आणि मोठ्या उत्साहात साजरा करण्यात आला. या सोहळ्याला आमदार किशोर जोरगेवार उपस्थित राहून सहभागी झाले. यावेळी त्यांनी बैलजोडीची पूजा करून सन्मान केला तसेच शेतकऱ्यांशी संवाद साधला.

    स्पेलिंग चुकली, विद्यार्थ्यांना अमानुष मारहाण

    भावनिक संदेश

    यावेळी बोलताना आमदार जोरगेवार म्हणाले, “बैलपोळा हा केवळ धार्मिक वा पारंपरिक सण नसून शेती संस्कृतीचा आत्मा आहे. शेतकरी आणि बैल यांची जोडी ही अन्नधान्य निर्मितीमागील खरी ताकद आहे. त्यांच्या श्रमांचा सन्मान करून आपण कृतज्ञतेची भावना व्यक्त करतो. महाराष्ट्राची ही परंपरा बैलांप्रती असलेले प्रेम, आपुलकी, निष्ठा आणि निसर्गाशी असलेले घट्ट नाते अधोरेखित करते.”

    तसेच त्यांनी पुढे सांगितले की, बैलांचा सन्मान करणे म्हणजे शेतकऱ्यांच्या जीवनातील त्यांच्या महत्त्वाची कबुली देणे होय. त्यांच्या श्रमांशिवाय शेती अपूर्ण आहे, म्हणूनच बैलपोळा हा सण म्हणजे त्यांच्या त्याग, श्रम आणि निष्ठेला मानाचा मुजरा अर्पण करण्याचा सोहळा असल्याचे ते म्हणाले.



  • employment generation 135 percent success । 🏆 2024 मध्ये चंद्रपूरची अभूतपूर्व झेप – CMEGP अंतर्गत रोजगार निर्मितीत रेकॉर्डब्रेक 135% यश

    employment generation 135 percent success

    employment generation 135 percent success : चंद्रपूर, दि. 22 : राज्यातील युवक-युवतींना उद्योजकतेसाठी प्रोत्साहन देऊन स्थानिक पातळीवर रोजगार निर्मिती व्हावी, या उद्देशाने शासनाने 1 ऑगस्ट 2019 पासून मुख्यमंत्री रोजगार निर्मिती कार्यक्रम (CMEGP) सुरू केला. या योजनेत सन 2024-25 मध्ये चंद्रपूर जिल्ह्याने जिल्हाधिकारी विनय गौडा जी.सी. यांच्या नेतृत्वात उल्लेखनीय कामगिरी करत 135.38 टक्के उद्दिष्टपूर्ती केली आहे.

    गणेश मूर्ती विसर्जनासाठी चंद्रपुरात २५ कृत्रिम विसर्जन तलाव

    उद्योग विभागाचे विकास आयुक्त दीपेन्द्र सिंह कुशवाह यांनी दिलेल्या अभिनंदन पत्रानुसार, चंद्रपूर जिल्ह्याची ही उद्दिष्टपूर्ती जिल्हा प्रशासनाचे सक्षम नेतृत्व जिल्हाधिकारी विनय गौडा जी.सी. यांच्या नेतृत्वात, यंत्रणेमधील प्रभावी समन्वय आणि अधिकाऱ्यांच्या सातत्यपूर्ण प्रयत्नांमुळे शक्य झाली आहे. जिल्ह्यातील युवक-युवतींना स्वयंरोजगाराच्या संधी उपलब्ध करून देण्यासाठी हा उपक्रम मोलाची भूमिका बजावत असल्याचे त्यांनी सांगितले.

    या उत्कृष्ट कामगिरीबद्दल जिल्हा प्रशासनातील सर्व अधिकारी व कर्मचारी यांचे कौतुक करण्यात आले असून 2025-26 मध्ये देखील या योजनेद्वारे अधिकाधिक युवक-युवतींना उद्योजकतेसाठी प्रेरणा मिळेल, असा विश्वास व्यक्त करण्यात आला आहे.

  • teacher beating students case । संतापजनक प्रकार, शिक्षकाने विद्यार्थ्यांना केली अमानुष मारहाण

    teacher beating students case

    teacher beating students case : ब्रह्मपुरी – तालुक्यातील मांगली गावात जिल्हा परिषद शाळेतील पहिल्या वर्गात शिकणाऱ्या विद्यार्थ्यांना School ची स्पेलिंग न सांगितल्याने शिक्षकाने छडीद्वारे अमानुष मारहाण केली, वर्गातील ७ ते ८ विद्यार्थ्यांच्या पाठीवर मारहाणीचे व्रण उमटले होते, १९ ऑगस्ट रोजी हा प्रकार घडला मात्र शिक्षकाच्या भीतीने मुलांनी पालकांना हा प्रकार सांगितला नाही. २० ऑगस्ट रोजी मुले शाळेत न गेल्याने पालकांनी त्यांना विचारणा केली असता त्यांनी शिक्षकाद्वारे केलेल्या मारहाणीची माहिती दिली.

    २६० रुपये रोजीचे शिक्षक घडविणार विद्यार्थ्यांचे भविष्य, आप चे झोपा काढा आंदोलन

    पालक संतापले

    मिळालेल्या माहितीनुसार १९ ऑगस्ट रोजी शिक्षक वर्गात आले आणि पहिलीच्या विद्यार्थ्यांना स्कुल ची स्पेलिंग विचारली मात्र त्यांना स्पेलिंग न आल्याने शिक्षकांचा राग अनावर झाला, त्यांनी मागे पुढे न बघता छडी द्वारे मुलांच्या पाठीवर मारण्यास सुरुवात केली. जर हि बाब घरी सांगितली तर शिक्षक पुन्हा मारतील अशी भीती विद्यार्थ्यांच्या मनात असल्याने त्यांनी सदर बाब घरी सांगितली नाही, मात्र दुसऱ्या दिवशी विद्यार्थी शाळेत गेले नसल्याने पालकांनी शाळेत का गेले नाही म्हणून विचारणा केली असता शिक्षकाने केलेल्या अमानुष मारहाणीची बाब मुलांनी पालकांना सांगितली व त्यांना पाठीवरील व्रण दाखविले. student beaten by teacher for spelling mistake

    मुलांच्या पाठीवरील व्रण बघून संतापलेल्या पालकांनी ब्रह्मपुरी पोलीस स्टेशन गाठले मात्र काही राजकीय नेत्यांच्या हस्तक्षेपामुळे पालकांनी याबाबत तक्रार दिली नाही. मात्र काही पालकांनी सदर घटनेची माहिती गटशिक्षणाधिकारी माणिक खुणे यांची भेट घेत सदर घटनेबाबत माहिती देत शिक्षकावर कारवाई करण्याची मागणी केली.

    चंद्रपूर जिल्हा परिषदेचे मुख्य कार्यकारी अधिकारी पुलकित सिंह यांनी सदर घटनेची दखल घेत सदर प्रकरणाची चौकशी करण्याचे आदेश शिक्षणाधिकारी यांना आदेश दिले, याबाबत शिक्षणाधिकारी अश्विनी सोनवणे यांनी माहिती दिली कि विद्यार्थ्यांना झालेल्या मारहाण प्रकरण बाबत चौकशीचे आदेश २१ ऑगस्ट रोजी दिले आहे मात्र अद्यापही अहवाल प्राप्त झाला नाही, या घटनेची चौकशी सुरू झाली असून, अहवाल लवकरच सादर केला जाईल. जर अहवालात शिक्षक दोषी आढळला तर कारवाई होणार हे निश्चित.

  • Shadu clay Ganapati workshop । 🌿 POP मूर्तींना पर्याय!, शाडू मातीपासून गणपती

    Shadu clay Ganapati workshop

    Shadu clay Ganapati workshop : चंद्रपूर 22 ऑगस्ट – चंद्रपूर महानगरपालिकेच्या अखत्यारीतील 26 शाळांमधील सुमारे 2000 विद्यार्थी या वर्षी आयोजित करण्यात आलेल्या पर्यावरणपूरक गणपती बनविण्याच्या कार्यशाळेत उत्स्फूर्तपणे सहभागी झाले. विद्यार्थ्यांमध्ये पर्यावरणाविषयी जागरूकता निर्माण करणे, पारंपरिक कला जोपासणे आणि सण हरित पद्धतीने साजरा करण्याचा संदेश देणे हा या कार्यशाळेचा मुख्य उद्देश होता.

    गणेश मूर्ती विसर्जनासाठी मनपाने तयार केले २५ कृत्रिम तलाव

    शाडू मातीच्या मूर्तींचे पर्यावरणपूरक फायदे

    विद्यार्थ्यांनी शाडू मातीपासून आकर्षक व कलात्मक गणेशमूर्ती तयार केल्या. या कार्यशाळेतून ‘प्लास्टर ऑफ पॅरिस (POP) मूर्तींच्या वापरामुळे होणारे दुष्परिणाम’ तसेच ‘शाडू मातीच्या मूर्तींचे पर्यावरणपूरक फायदे’ याबाबत माहिती देण्यात आली.

    हा उपक्रम महानगरपालिकेचे आयुक्त  विपिन पालीवाल यांच्या मार्गदर्शनाखाली आणि शिक्षणाधिकारी श्री. नागेश नीट यांच्या प्रत्यक्ष नियंत्रणात पार पडला. विद्यार्थ्यांचा उत्साह, शिक्षकवर्गाचा सहभाग आणि पालकांचे प्रोत्साहन यामुळे हा उपक्रम अत्यंत यशस्वी ठरला.

    महानगरपालिकेतर्फे भविष्यातही अशा प्रकारच्या शैक्षणिक व सामाजिक कार्यशाळांचे आयोजन करून विद्यार्थ्यांमध्ये पर्यावरण संवर्धनाबाबत जनजागृती घडवून आणली जाणार आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by