चंद्रपूर : चंद्रपूर शहरातील बाबुपेठ प्रभागातील अमृत योजनेचे काम तात्काळ पूर्ण करण्याची मागणी आम आदमी पार्टीने केली आहे. प्रभागातील डॉ. आंबेडकर नगर आणि बाबुपेठ या दोन भागातील नागरिकांना अजूनही पाणीपुरवठा होत नाही. यामुळे नागरिकांमध्ये प्रचंड रोष आहे.
आम आदमी पार्टीचे शहर सचिव राजू कुडे यांनी सांगितले की, “बाबुपेठ प्रभागातील अमृत योजनेचे काम 2017 मध्ये सुरू झाले होते. त्यानुसार 2019 पर्यंत काम पूर्ण करावे लागते होते. मात्र, 2023 हे वर्ष संपत असतानाही अद्यापही काम पूर्ण झालेले नाही.
यामुळे नागरिकांना पाणी टंचाईचा सामना करावा लागत आहे. कंत्राटदाराकडून कामात लापरवाई केली जात आहे. कामाची गुणवत्ताही चांगली नाही. अनेक ठिकाणी खोदकाम करून ठेवले आहे. यामुळे रस्ते खराब झाले आहेत. यामुळे वाहतुकीलाही अडथळा निर्माण होत आहे, असा आरोप आम आदमी पक्षाने केला आहे.
यासंदर्भात महानगरपालिकेला निवेदन देण्यात आले.
यावेळी आम आदमी पार्टीचे नेते सुनील मुसळे, जिल्हाध्यक्ष मयूर राईकवार, शहर अध्यक्ष योगेश गोखरे, युवा अध्यक्ष संतोष बोपचे, उपाध्यक्ष सुनील सतभय्या तब्बसुम शेख, सुधीर पाटील अनुप तेलतुंबडे, डॉ. देवेंद्र अहेर, जयदेव देवगडे, अजय बाथव, भिमराज बागेसर इत्यादी पदाधिकारी उपस्थित होते.
“आम्ही मनपा प्रशासनाला एक महिन्याचा अल्टिमेटम देत आहोत. जर एक महिन्यात काम पूर्ण झाले नाही तर आम आदमी पार्टीकडून तीव्र आंदोलन करण्यात येईल.”
– राजू कुडे, शहर सचिव
चंद्रपूर – 3 सप्टेंबर ला सकाळी 7 वाजताच्या सुमारास शहरातील गोलबाजार परिसरात 65 वर्षीय मधुकर मंदेवार यांचा मृतदेह मिळाल्याने एकच खळबळ उडाली.
विठ्ठल मंदिर भागात राहणारा मृतक मधुकर हा भिख मागायचा, गोल बाजार परिसरात त्याची ओळख नामदेव म्हणून होती.
शनिवारी रात्री तो गोलबाजार येथील भाजी मार्केट परिसरात झोपी गेला मध्यरात्री नंतर अज्ञात इसमाने त्याच्या गळ्यावर तीक्ष्ण हत्याराने वार करीत हत्या केली.
सकाळी रक्ताच्या थारोळ्यात मधुकर चा मृतदेह नागरिकांना आढळल्यावर पोलिसांना याबाबत माहिती देण्यात आली, चंद्रपूर शहर पोलीस स्टेशनचे पोलीस निरीक्षक सतीशसिंह राजपूत हे ताफा घेऊन घटनास्थळी दाखल झाले होते.
त्यानंतर अप्पर पोलीस अधीक्षक रिना जनबंधु, स्थानिक गुन्हे शाखेचे पोलीस निरीक्षक महेश कोंडावार आपल्या चमुसहित गोलबाजार परिसरात दाखल झाले.
एका भिखाऱ्याची हत्या कोण कशाला करणार? याबाबत अनेक प्रश्नचिन्ह उपस्थित झाले होते, पोलिसांनी परिसरातील सीसीटीव्ही फुटेज तपासले असता आरोपीची ओळख पटली.
स्थानिक गुन्हे शाखेच्या चमूने आरोपी 43 वर्षीय अजय शालीकराम याला अवघ्या 3 तासात अंचलेश्वर गेट परिसरातून अटक केली.
आरोपी आपल्याचं धुंदीत…
स्थानिक गुन्हे शाखेने चौकशी केल्यावर आरोपीला शहर पोलीस ठाण्यात आणले, त्यानंतर अधिक चौकशी केली असता आरोपी अजय ने पोलिसांसमोर गुन्हा कबूल करीत पैसे जवळ नसल्याने लुटमारी करण्याच्या उद्देशाने तो गोल बाजारातील भाजी मार्केट परिसरात गेला, तिथे कुणी न आढळल्याने मधुकर त्याठिकाणी झोपलेल्या अवस्थेत होता, अजय ने मधुकर ची झडती घेत पैसे लुटण्याचा प्रयत्न केला मात्र दोघांची यावेळी चांगलीच झटापट झाली, अखेर आरोपीने तीक्ष्ण हत्याराने मधुकर च्या गळ्यावर वार करत तिथून पळ काढला.
विशेष बाब म्हणजे आरोपीला ताब्यात घेतल्यावर तो पोलिसांसमोर रक्षाबंधनाच गाणं म्हणत होता.
आरोपी अजय शालीकराम कोण?
आरोपी अजय शालीकराम यांच्यावर दुचाकी वाहन चोरीचे तब्बल 5 गुन्हे दाखल आहे, 2 दिवसांपूर्वी तो कारागृहातून सुटून आला होता, सुटून आल्यावर दुसऱ्याच दिवशी त्याने हत्येसारखा गंभीर गुन्हा केला, त्यावेळी तो नशेत होता अशी माहिती आहे.
या संपूर्ण गुन्ह्याचा अतिशय जिकरीने तपास करीत गुन्हा उघडकीस आल्यानंतर अवघ्या 3 तासात पोलिसांनी आरोपीला अटक केली.
सदर हत्येच्या तपासात अप्पर पोलीस अधीक्षक रिना जनबंधु, स्थानिक गुन्हे शाखेचे पोलीस निरीक्षक महेश कोंडावार व शहर पोलीस स्टेशनचे पोलीस निरीक्षक सतीशसिंह राजपुत यांनी महत्वाची भूमिका बजावली.
चंद्रपूर – केंद्रातील मोदी सरकार आणि राज्यातील महायुती सरकारच्या धोरणांचा पदार्फाश करण्यासाठी चंद्रपूर शहर व जिल्हा काँग्रेस कमिटीने रविवारी, ३ सप्टेंबर २०२३ रोजी सकाळी ६ वाजता महाकाली माता मंदिर, चंद्रपूर येथून जनसंवाद यात्रा निघाली. News34
या यात्रेत चंद्रपूर जिल्हा काँग्रेस कमिटीचे अध्यक्ष, आमदार सुभाष धोटे, आमदार प्रतिभाताई धानोरकर, आमदार सुधाकर अडबाले, चंद्रपूर शहर (जिल्हा) काँग्रेस कमिटीचे अध्यक्ष रितेश (रामु) तिवारी, माजी अध्यक्ष विनायक बांगडे, माजी अध्यक्ष सुभाषसिंग गौर, विनोद दत्तात्रेय, के. के. सिंग, दिनेश चोखारे, माजी नगरसेवक संतोष लहामगे, माजी नगरसेवक गोपाल अमृतकर, चंद्रपूर ग्रामीण महिला काँग्रेसच्या जिल्हाध्यक्ष नम्रता ठेमस्कर, शहर महिला काँग्रेस अध्यक्ष चंदाताई वैरागडे, माजी महापौर संगीता अमृतकर, प्राचार्य नरेंद्र बोबडे, युवक काँग्रेस अध्यक्ष राजेश अडूर, काँग्रेस नेते महेश मेंढे, किसान सेलचे जिल्हाध्यक्ष भालचंद्र दानव, ओबीसी सेलचे जिल्हाध्यक्ष प्रशांत दानव, ओबीसी सेलचे शहर अध्यक्ष राहुल चौधरी, अल्पसंख्याक सेलचे अध्यक्ष ताजुद्दीन शेख, विजय नळे, प्रशांत भारती यांच्यासह असंख्य कार्यकर्ते उपस्थित होते. Jan samvad yatra
या यात्रेत उपस्थित मान्यवरांनी चंद्रपूरचे आराध्य दैवत माता महाकाली देवीचे पुजन केले. त्यानंतर माता महाकाली मंदिर येथून पदयात्रा निघाली. गांधी चौक येथे राष्ट्रपिता महात्मा गांधी यांच्या पुतळ्याला माल्यार्पण व अभिवादन करण्यात आले. गांधी चौक येथे सेवादल काँग्रेस चंद्रपूरद्वारा ध्वजारोहण कार्यक्रम झाला. त्यानंतर डॉ. बाबासाहेब आंबेडकर यांच्या पुतळ्याला माल्यार्पण करून अभिवादन करण्यात आले. पुढे शहराच्या प्रमुख मार्गाने ही जनसंवाद यात्रा निघाली. आझाद बगीचा येथे जनसंवाद साधण्यात आला. त्यानंतर पदयात्रा पुन्हा मार्गस्थ झाली. कामगार चौक, नेहरू स्कुल घुटकाला येथे सभेनंतर समारोप झाला. यावेळी मान्यवरांनी मार्गदर्शन केले. यावेळी चंद्रपूर जिल्हा काँग्रेस कमिटीचे अध्यक्ष सुभाषजी धोटे यांनी सांगितले की, चंद्रपूर जिल्ह्यातील जनतेचे प्रश्न सोडवण्यासाठी काँग्रेस पक्षाने जनसंवाद यात्रेचे आयोजन केले आहे. या यात्रेतून पक्षाच्या धोरणांविषयी जनतेला माहिती देण्यात येईल. तसेच, जनतेच्या समस्या जाणून घेऊन त्या सोडवण्यासाठी प्रयत्न केले जातील.
आमदार प्रतिभाताई धानोरकर यांनी सांगितले की, काँग्रेस पक्ष नेहमीच जनतेच्या सोबत आहे. जनतेच्या समस्या सोडवण्यासाठी पक्षाने कोणतीही कसर सोडणार नाही. आमदार सुधाकर अडबाले म्हणाले की, काँग्रेस पक्ष जनतेचा पक्ष आहे. पक्षाच्या धोरणांमुळे देशात विकास झाला आहे. सध्याच्या मोदी सरकारच्या धोरणाचा विरोध करण्यासाठी ही पदयात्रा आहे.
या यात्रेच्या माध्यमातून जनतेशी कांग्रेसचा थेट संपर्क – रामू तिवारी
चंद्रपूर शहर (जिल्हा) काँग्रेस कमिटीचे अध्यक्ष रितेश (रामु) तिवारी यांनीही यावेळी उपस्थितांना मार्गदर्शन केले. या यात्रेमुळे चंद्रपूरच्या जनतेशी पक्षाचा जवळचा संपर्क निर्माण होईल. आपण सर्वांनी एकत्रित येऊन चंद्रपूर जिल्ह्यात काँग्रेस पक्षाचे पुनरुज्जीवन करायचे आहे. यासाठी आपण सर्वांनी एकत्रितपणे काम करायला हवे, असे आवाहन केले.
या जनसंवाद यात्रेत महिला काँग्रेस, युथ काँग्रेस, एनएसयुआय, ओबीसी विभाग, अनुसूचित विभाग, अल्पसंख्यांक विभाग, इंटक, प्रोफेशनल काँग्रेस, पर्यावरण विभाग व इतर सर्व विभागाचे पदाधिकारी, चंद्रपूर शहरातील पदाधिकारी, कार्यकर्ते आणि नागरिक मोठ्या संख्येने सहभागी झाले होते.
५ सप्टेंबरला गांधी चौकात जाहीर सभा
आजपासून सुरू झालेली ही यात्रा १२ सप्टेंबरपर्यंत राहणार आहे. ५ सप्टेंबरला सकाळी ६ वाजता तुकुम प्रभागातील मातोश्री विद्यालय येथून सुरू होणाऱ्या यात्रेत प्रदेशाध्यक्ष नाना पटोले सहभागी होणार आहेत. यावेळी ते चंद्रपुरातील जनतेशी संवाद साधणार आहेत. त्यानंतर सायंकाळी ७ वाजता गांधी चौकात जाहीर सभा होणार आहे. यावेळी काँग्रेसच्या सर्व फ्रंटल आर्गनायझेशनच्या पदाधिकारी, कार्यकर्त्यांनी मोठ्या संख्येने सहभागी व्हावे, असे आवाहन जिल्हाध्यक्ष रितेश (रामू) तिवारी यांनी केले आहे.
चंद्रपूर – 3 सप्टेंबर ला पहाटेच्या सुमारास शहरातील गोल बाजार परिसरात भिख मांगणाऱ्या एका व्यक्तीची गळा चिरून हत्या करण्यात आली.
65 वर्षीय मधुकर मंदेवार रा. विठ्ठल मंदिर वार्ड चंद्रपूर असे मृतकाचे नाव आहे, गोल बाजार परिसरात मधुकर हा भिक मांगत होता.
सदर घटना ही सकाळी 7 ते 7.30 च्या दरम्यान उघडकीस आली, पोलिसांनी तात्काळ घटनास्थळी दाखल होत तपास सुरू केला आहे, मृतक मधुकर वर तीक्ष्ण हत्याराने वार केल्याची माहिती आहे.
गोल बाजार परिसरातील दुकानदार मधुकर ला नामदेव म्हणून हाक मारीत होते, मात्र आता या घटनेनंतर बाजार परिसरात भीतीचे वातावरण पसरले आहे.
शहर पोलिसांनी परिसरातील दुकानांचे सीसीटीव्ही फुटेज तपासण्याचे काम सुरू केले आहे, घटनास्थळी अप्पर पोलीस अधीक्षक रिना जनबंधु, स्थानिक गुन्हे शाखेचे पोलीस निरीक्षक महेश कोंडावार व शहर पोलीस स्टेशनचे पोलीस निरीक्षक राजपूत आदि दाखल झाले होते.
चंद्रपूर :- सार्वजनिक गणेश उत्सवमंडळांनी सवलतीच्या माफक वीजदराने तात्पुरती व अधिकृत वीजजोडणी घ्यावी तसेच गणेशोत्सवासाठी वीजसुरक्षेबाबत गांभीर्याने उपाययोजना कराव्यात, असे आवाहन महावितरणकडून करण्यात आले आहे.
तात्पुरत्या वीजजोडणीच्या बिलींगची प्रक्रिया पूर्ण झाल्यानंतर वीजमीटरसाठी घेतलेल्या रक्कमेतील उर्वरित रक्कम गणेश मंडळांना त्वरीत परत करण्याचे निर्देश क्षेत्रिय कार्यालयांना देण्यात आलेले आहेत.
धार्मिक उत्सवांसाठी अधिकृतच वीजपुरवठा घ्यावा आणि त्यायोगे सार्वजनिक सुरक्षेला महत्व द्यावे, यासाठी तात्पुरत्या वीज जोडणीचा वीजदर कमी ठेवण्यात आलेला आहे.
सार्वजनिक गणेशोत्सवासाठी मंडप किंवा रोषणाई, देखाव्यांसाठी लागणारी वीजयंत्रणा ही अधिकृत वीज कंत्राटदारांकडूनच करून घेण्यात यावी व अर्थिंग चीही खबरदारी घेण्यात यावी. वायरिंगसाठी वापरण्यात येणारे वायर्स हे वीजभारासाठी सक्षम नसल्यास शार्टसर्किटचा धोका निर्माण होतो. याशिवाय सध्या पावसाळी दिवस असल्याने तसेच मंडपासाठी टिनपत्र्यांचा वापर होत असल्याने वायर्स लूज किंवा अनेक ठिकाणी तुटलेले पण टेपने जोडलेले असल्यास वीजपुरवठा खंडित होण्यासह अपघाताची मोठी शक्यता असते. Mahavitran
गणेशोत्सवात वीजपुरवठा आणि जनरेटरसाठी स्वतंत्र न्यूट्रल घेणे अत्यावश्यक आहे. वीजपुरवठा बंद असताना जनरेटर सुरु केल्यास एकाच न्यूट्रलमूळे जनरेटरमधील वीज ही लघुदाब वाहिनीत प्रवाहित होते आणि त्यातून जीवघेणे अपघात घडतात.विजेच्या लघुदाब, उच्चदाब वाहिन्या आणि रोहित्रांचा गणेशोत्सवातील आणि मिरवणुकीतील देखाव्यांना स्पर्श होणार नाही, अशा सुरक्षित अंतरावर देखावेतयार करावेत.
त्यामुळे हजारो भाविकांच्या सुरक्षिततेच्या दृष्टीने सार्वजनिक गणेश मंडळांनी वीजसुरक्षेबाबत उपाययोजनांमध्येत तडजोड करू नये, असे आवाहन महावितरणने केले आहे.
तातडीच्या मदतीसाठी संपर्क करा
तातडीच्या मदतीची संभाव्य गरज पाहता मंडळाच्या पदाधिकाऱ्यांनी, कार्यकर्त्यानी २४ तास सुरु असणारे टोल फ्री क्रमांक१९१२०, १९१२,१८००२१२३४३५ किंवा१८००२३३३४३५ या क्रमांकावर संपर्क साधावा. तसेच चंद्रपूर मंडळातील ग्राहकांनी ७८७५७६११९५ व गडचिरोली मंडळातील ग्राहकांना ७८७५००९३३८ क्रमांकावर मदत मिळेल. याशिवाय संबंधित क्षेत्रातील महावितरणचे अभियंता यांचे मोबाईलक्रमांक नोंदवून ठेवावेत, असेही आवाहन महावितरणने केले आहे.
मुल – महाराष्ट्र प्रदेश काँग्रेस कमिटीचे प्रांताध्यक्ष मा.नानाभाऊ पटोले यांच्या निर्देशानुसार राज्यातील सर्व जिल्ह्यात ३ ते १२ सप्टेंबर २०२३ या कालावधीत देशाचे जन नायक खासदार राहुलजी गांधी यांच्या भारत जोडो पदयात्रेच्या धर्तीवर जनसंवाद यात्रा काढण्याच्या सूचना केल्या आहेत. Congress news
त्या अनुषंगाने विधान सभेचे विरोधी पक्षनेते व माजी मंत्री आमदार विजय वडेट्टीवार यांच्या मार्गदर्शनात व काँग्रेसचे जिल्हाध्यक्ष आमदार सुभाष धोटे यांनी दिलेल्या आदेशानुसार मुल तालुका काँग्रेस कमिटीतर्फे पदयात्रेचा शुभारंभ काँग्रेस नेते सी. डी.सी.सी.बँकेचे अध्यक्ष तथा माजी जी.प. अध्यक्ष संतोषसिंह रावत यांचे नेतृत्वात व शुभहस्ते राष्ट्रपिता महात्मा गांधी यांच्या पदस्पर्शाने पावन झालेल्या नाग विदर्भ चरखासंघ मुल येथून ३ सप्टेंबर २०२३ रोजी सकाळी ६-०० वाजता निघणार आहे. Bharat jodo
पदयात्रेच्या माध्यमातून मुल तालुक्यातील जनतेमध्ये केंद्र व राज्य सरकारच्या अन्यायाविरुद्ध जनजागृती करण्याचा काँग्रेसचा संकल्प असून महागाई, बेरोजगारी, भ्रष्टाचार, महिलांवरील अन्याय, अत्याचार व शेतकऱ्यांचा दुष्काळ, लोकशाहीची हत्या अशा अन्य समस्यांवर प्रत्यक्ष जनतेशी संवाद साधून जनभावना जाणून घेणे या पदयात्रेचा उद्देश आहे.
ही पदयात्रा तालुक्यातील सर्व गावांना यात्रेच्या माध्यमातून भेटी देऊन संवाद साधणार आहे.करीता तालुक्यातील काँग्रेसच्या युवक काँग्रेस, शहर युवक काँग्रेस, शहर काँग्रेस,महिला काँग्रेस,महिला शहर कांग्रेस, ओबीसी सेल काँग्रेस, किसान सेल काँग्रेस, एन. टी .काँग्रेस सेल, सेवादल काँग्रेसच्या पदाधिकारी यांनी आपल्या कार्यकर्त्यांसह उपस्थित राहावे.
तसेच कृषी उत्पन्न बाजार समितीचे सभापती, उपसभापती व समस्त संचालक, सहकारी सोसायटीचे अध्यक्ष,संचालक, आदर्श खरेदी विक्री सह.सोसायटीचे पदाधिकारी व संचालक, विविध कार्यकारी सेवा सहकारी सोसायटीचे अध्यक्ष,उपाध्यक्ष व सर्व संचालक आणि काँग्रेस समर्पित ग्राम पंचायत सरपंच,उपसरपंच,सदस्य यांनीही बहु संख्येनी यात्रेत आवर्जून सहभागी व्हावे. अशी विनंती तालुका कांग्रेस कमिटी मधील सर्व फ्रंटल सेलच्या सर्व पदाधिकाऱ्यांनी केली आहे.
चंद्रपूर – राष्ट्रवादी कांग्रेसचे अध्यक्ष शरद पवार यांच्या गटातून बाहेर पडत अजित पवार यांनी भाजप व शिंदे गटासोबत हातमिळवणी करीत सत्तेत सहभागी झाले, अजित पवार यांच्या निर्णयाने अनेक बडे नेते शरद पवार गटाला रामराम करीत निघून गेले.
अजित पवार गटाने चंद्रपुर जिल्ह्यात जोरदार मुसंडी मारली असून राष्ट्रवादी युवक कांग्रेसचे प्रदेश कार्याध्यक्ष नितीन भटारकर, चंद्रपूर शहर राष्ट्रवादी कांग्रेसचे अध्यक्ष राजीव कक्कड सहित शहर राष्ट्रवादी कांग्रेसचे पदाधिकारी, चंद्रपूर जिल्ह्यातील 12 तालुक्यातील पदाधिकारी नगरसेवक व कार्यकर्त्यांनी अजित पवार गटात जाण्याचा निर्णय घेत नागपुरातील कार्यक्रमात रीतसर अजित पवार गटात प्रवेश घेतला.
अजित पवार गटाचे प्रदेश अध्यक्ष सुनील तटकरे यांनी नितीन भटारकर यांना चंद्रपूर जिल्हा ग्रामीण अध्यक्ष पदी तर राजीव कक्कड याची शहर जिल्हा अध्यक्ष पदी नियुक्ती केली.
मागील अनेक वर्षांपासून चंद्रपूर राष्ट्रवादी कांग्रेस पक्षात गटबाजी सुरू होती, अजित पवार यांनी शरद पवारांची साथ सोडत भाजप-सेना सरकारमध्ये उपमुख्यमंत्री झाले, त्यामुळे जिल्ह्यातील समस्यांचे निराकरण होणार तरी कसे याबाबत अनेक पदाधिकारी चिंतेत होते, व मागील अनेक वर्षांपासून चंद्रपूर राष्ट्रवादी कांग्रेस च्या जिल्हाध्यक्ष पदाची सूत्रे राजेंद्र वैद्य यांच्याकडे असल्याने नव्या नेतृत्वाला संधी मिळत नव्हती म्हणून चंद्रपूर जिल्ह्यातील राष्ट्रवादी कांग्रेसचे पदाधिकारी व कार्यकर्ते यांनी अजित पवार गटात जाण्याचा निर्णय घेतला.
शरद पवार गटाचे चंद्रपूर जिल्हा ग्रामीण अध्यक्ष राजेंद्र वैद्य यांनी राष्ट्वादी युवक कांग्रेस प्रदेश अध्यक्ष नितीन भटारकर व शहर अध्यक्ष राजीव कक्कड यांच्या अजित पवार गटात गेलेल्या वृत्ताला दुजोरा दिला आहे, मात्र त्यांच्यासोबत किती तालुक्याचे पदाधिकारी गेले हे त्यांनी जाहीर करायला हवं, आज शरद पवार गटाचे जिल्ह्यातील असंख्य पदाधिकारी आमच्या सोबत आहे, बोटावर मोजण्याइतके पदाधिकारी पक्षाला सोडून गेले तरी आम्हाला काही फरक पडणार नाही, उलट आम्ही चांगल्या काम करणाऱ्या कार्यकर्त्याला संधी देऊ.
त्यांचा पक्षप्रवेश हा फुसका बार ठरला आहे, जिल्ह्यातील राष्ट्रवादी कांग्रेसचे कार्यकर्ते शरद पवार यांची साथ सोडणार नाही, सर्व पक्षासोबत एकनिष्ठ पदाधिकारी आहे, चंद्रपुरात राष्ट्रवादी कांग्रेस शरद पवार गटाला आता चांगले दिवस येणार हे निश्चित आहे.
राष्ट्रवादी कांग्रेस अजित पवार गटाचे नवे जिल्हाध्यक्ष नितीन भटारकर यांनी दावा केला की आमच्यासोबत चंद्रपूर जिल्ह्यातील 12 तालुक्याचे पदाधिकारी आहे, मात्र त्यांचा दावा हा फुसका असल्याचे मत शरद पवार गट राष्ट्रवादी कांग्रेस जिल्हाध्यक्ष राजेंद्र वैद्य यांनी मांडले आहे.
जर त्यांच्यासोबत 12 तालुक्याचे पदाधिकारी असे तर त्यांनी नाव जाहीर करावे, आमच्यासोबत असलेल्या एकही पदाधिकारी हा अजित पवार गटात गेला नाही.
चंद्रपूर – राष्ट्रवादी कांग्रेसचे अध्यक्ष शरद पवार यांच्या गटातून बाहेर पडत अजित पवार यांनी भाजप व शिंदे गटासोबत हातमिळवणी करीत सत्तेत सहभागी झाले, अजित पवार यांच्या निर्णयाने अनेक बडे नेते शरद पवार गटाला रामराम करीत निघून गेले.
अजित पवार गटाने चंद्रपुर जिल्ह्यात जोरदार मुसंडी मारली असून राष्ट्रवादी युवक कांग्रेसचे प्रदेश कार्याध्यक्ष नितीन भटारकर, चंद्रपूर शहर राष्ट्रवादी कांग्रेसचे अध्यक्ष राजीव कक्कड सहित शहर राष्ट्रवादी कांग्रेसचे पदाधिकारी, चंद्रपूर जिल्ह्यातील 12 तालुक्यातील पदाधिकारी नगरसेवक व कार्यकर्त्यांनी अजित पवार गटात जाण्याचा निर्णय घेतला आहे.
मागील अनेक वर्षांपासून चंद्रपूर राष्ट्रवादी कांग्रेस पक्षात कुजबुज सुरू होती, अजित पवार यांनी शरद पवारांची साथ सोडली व भाजप-सेना सरकारमध्ये उपमुख्यमंत्री झाले, त्यामुळे जिल्ह्यातील समस्यांचे निराकरण होणार तरी कसे याबाबत अनेक पदाधिकारी चिंतेत होते, व मागील अनेक वर्षांपासून चंद्रपूर राष्ट्रवादी कांग्रेस च्या जिल्हाध्यक्ष पदाची सूत्रे राजेंद्र वैद्य यांच्याकडे असल्याने नव्या नेतृत्वाला संधी मिळत नव्हती म्हणून चंद्रपूर जिल्ह्यातील राष्ट्रवादी कांग्रेसचे पदाधिकारी व कार्यकर्ते यांनी अजित पवार गटात जाण्याचा निर्णय घेतला आहे.
यासाठी सर्व पदाधिकारी, तालुकाप्रमुख व कार्यकर्ते अजित पवार गटाच्याया बैठकीसाठी नागपूरला रवाना झाले आहे.
मोठ्या संख्येतून चंद्रपूर जिल्ह्यातील राष्ट्रवादी कांग्रेसचे पदाधिकारी अजित पवार गटात जात असल्याने शरद पवार गटाला हा मोठा हादरा मानला जात आहे, राष्ट्रवादी अध्यक्ष शरद पवार आता चंद्रपुरातील राष्ट्रवादी कांग्रेसला नवसंजीवनी देणार काय? याकडे सर्वांचे लक्ष लागले आहे.
नागपूर/ चंद्रपूर : चंद्रपूर शहरालगतच्या ‘नवीन चंद्रपूर’ या भागातील प्रलंबित विकासकामांना गती देण्याकरिता या भागातील बसस्थानक, पोलिस स्टेशन, पोस्ट ऑफिस,रस्त्यांची दुरुस्ती, वीजपुरवठा यासारख्या पायाभूत सुविधांचे नियोजन करून त्याच्या अंमलबजावणीची गरज आहे. सर्व सोयीसुविधायुक्त एक आदर्श शहर कसे उभे करता येईल, याकडे जिल्हा प्रशासन व विशेष नियोजन प्राधिकरण असलेल्या महाराष्ट्र गृहनिर्माण क्षेत्रविकास प्राधिकरणाने (म्हाडा) विशेषत्वाने लक्ष द्यावे, असे निर्देश वने व सांस्कृतिक कार्य मंत्री तथा चंद्रपूर जिल्ह्याचे पालकमंत्री सुधीर मुनगंटीवार यांनी शुक्रवार दिले.
नवीन चंद्रपूर भागात जिल्हा प्रशासन तसेच म्हाडातर्फे करण्यात येत असलेल्या विविध विकासकामांचा तसेच प्रलंबित विषयांचा आढावा पालकमंत्री सुधीर मुनगंटीवार यांनी घेतला. त्यांच्या अध्यक्षतेत सेमिनरी हिल्स येथील हरीसिंग नाईक सभागृहात या आढावा बैठक घेण्यात आली.
बैठकीला म्हाडाचे उपाध्यक्ष तथा मुख्य कार्यकारी अधिकारी संजीव जयस्वाल, चंद्रपूरचे जिल्हाधिकारी विनय गौडा,चंद्रपूर महानगरपालिका आयुक्त विपीन पालिवाल, अतिरिक्त पोलिस अधीक्षक रिना जनबंधू, म्हाडाचे मुख्य अधिकारी महेशकुमार मेघपाळे, मुख्य अभियंता शिवकुमार आडे यांच्यासह चंद्रपूर जिल्ह्यातील विविध विभागांचे वरिष्ठ अधिकारी प्रामुख्याने उपस्थित होते.
नवीन चंद्रपूर भागात होणाऱ्या विविध विकासकामांचा आढावा घेण्यासाठी जिल्हाधिकाऱ्यांच्या अध्यक्षतेखाली एक समिती गठीत करण्यात यावी. दरमहा या समितीने विकासकामांचा आढावा घ्यावा. चंद्रपूर शहरालगत असलेल्या या भागात एक चांगल्या दर्जाचे सांस्कृतिक सभागृह, ॲम्फीथिएटर, ई-लायब्ररीचे (अभ्यासिका) नियोजन करीत आराखडा तयार करण्यात यावा. भूसंपादनाच्या प्रलंबित कामांना गती द्यावी. चंदीगढसारखे एक सुनियोजित व चांगल्या दर्जाचे शहर कसे उभे करता येईल, याकडे कार्यान्वयन यंत्रणेने लक्ष देण्याची गरज असल्याचे ना. मुनगंटीवार यावेळी म्हणाले.
‘म्हाडा’ने पाणी कर कमी करावा
महानगरपालिकेच्या तुलनेत म्हाडातर्फे आकारण्यात येणारा पाणी कर हा जास्त आहे. दरमहा 400 रुपये पाणीकर हा म्हाडातर्फे आकारण्यात येतो. वर्षाला हा कर 4800 रुपयांपर्यंत जातो. महानगरपालिकेच्या तुलनेत हा कर जास्त आहे. त्यामुळे म्हाडाने पाणी कर कमी करावा, अशी सुचनाही मंत्री श्री. मुनगंटीवार यांनी म्हाडा अधिका-यांना बैठकी दरम्यान केली.
म्हाडातर्फे प्रेझेंटेशन
महाराष्ट्र गृहनिर्माण क्षेत्रविकास प्राधिकरण (म्हाडा) हे नवीन चंद्रपूरसाठीचे विशेष नियोजन प्राधिकरण आहे. म्हाडातर्फे यावेळी या भागात सुरू असलेली विविध प्रकारची कामे व नियोजन याविषयीचे सादरीकरण ना. सुधीर मुनगंटीवार यांच्या समोर करण्यात आले. यातून विकासकामांची स्थिती आणि प्रगती दोन्हींची माहिती देण्यात आली.
बल्लारपूर – आगामी सण, सोहळा, उत्सव निमित्त शांतता समितीची बैठक बल्लारपूर पोलिस ठाण्यात शुक्रवार दि.०१ सप्टेंबर रोजी संपन्न झाली.
नियमाप्रमाणे या बैठकीत शहरातील व्यापारी,सामाजिक कार्यकर्ते, राजकीय नेते आणि पत्रकारांचा समावेश असतो. मात्र,यंदाच्या या शांतता समितीच्या बैठकीत
शहरातील व्यापारी, सामाजिक कार्यकर्ते आणि राजकीय नेत्यांची उपस्थिती होती. कॅमेरा, लॅपटॉप, मोबाईल व असंख्य वस्तूंचा खजिना, खरेदी करा अमेझॉन वरून
मात्र,यंदा प्रथमच या बैठकीत पत्रकारांना डावलण्यात आले. सन सोहळ्याच्या पार्श्वभूमीवर महत्त्वपूर्ण असणाऱ्या या बैठकीत स्थानिक पत्रकारांना डावल्यामुळे उपस्थित मंडळीही काही वेळासाठी अचंबित झाली.
डावण्याच नेमक कारण काय? हे बैठकीत उपस्थित असणाऱ्या अनेकांना पडला आहे.
वेळ प्रसंगी प्रशासनाला जाब विचाराने आणि गरज पडल्यास प्रशासनाला धारेवर धरून न्याय मिळवून देणाऱ्या पत्रकारानाचं या बैठकीत डावलने हा विसर असावा कि जाणीवपूर्वक केलेली कृती असा प्रश्न सध्या शहरात वर्तविला जात आहे.