My Blog

Blog

  • चंद्रपुरातील ही पोलीस चौकी अतिक्रमणाच्या विळख्यात

    News34

    चंद्रपूर : चंद्रपूर शहरातील वडगाव पोलीस चौकीच्या आवारात काही बाहेरील लोकांनी अवैध पद्धतीने अतिक्रमण केले आहे. यामुळे पोलीस चौकीच्या कामकाजास अडचणी निर्माण होत आहेत. नागरिकांनी याबाबत मनपाला तक्रार केली आहे. मनपाने यावर त्वरित कारवाई न केल्यास आंदोलन करण्यात येईल, असा अल्टिमेटम आम आदमी पक्षाने दिला आहे.

     

    वडगाव पोलीस चौकी ही मागील 25 ते 30 वर्षापासून नागरिकांच्या सेवेत आहे. या पोलीस चौकीच्या आवारात काही बाहेरील लोकांनी ठेले, शेड टाकून आपली दुकाने थाटून बसली आहेत. यामुळे पोलीस चौकीच्या आवारात गर्दी वाढते आणि नागरिकांना पोलीस चौकीत जाण्यासाठी अडचणी येतात. वडगाव पोलीस चौकीच्या आवारात काही बाहेरील लोकांनी अवैध पद्धतीने अतिक्रमण केले आहे. यामुळे नागरिकांना मोठ्या प्रमाणात त्रास होत आहे. याबाबत नागरिकांनी मनपाला तक्रार केली आहे.

     

    आम आदमी पक्षाचे जिल्हाध्यक्ष मयूर राईकवार यांनी याबाबत मनपा आयुक्तांना निवेदन दिले आहे. या निवेदनात त्यांनी म्हटले आहे की, “वडगाव पोलीस चौकी ही नागरिकांच्या हक्काची जागा आहे. या जागेवर कोणतेही अतिक्रमण होऊ देणार नाही.

     

    मनपाने त्वरित कारवाई करून अतिक्रमण हटवावे. “मनपाने यावर त्वरित कारवाई न केल्यास आंदोलन करण्यात येईल, असा अल्टिमेटम आम आदमी पक्षाने दिला आहे या वेळेस आप चे ज्येष्ठ नेते सुनिल मुसळे,जिल्हा सचिव संतोष डोरखंडे,महानगर अध्यक्ष योगेश गोखरे,सचिव राजू कुडे, महानगर युवा अध्यक्ष संतोष बोपचे, सहसंगठण मंत्री सिकंदर सागोरे,उपाध्यक्ष सुनिल सदभया, ऍड तबसुम शेख,सह सचिव सुधीर पाटील, कोषाध्यक्ष स्वप्नील घागरगुंडे, तुकूम प्रभाग 1 संघटन मंत्री भिमराज मेंढे,नागसेन लाभणे,सुजित चेटगुलवार,विजेंदर सिग गील सरदार,दिलीप तेलंग, जितेंद्र भाटिया, श्रेयस वैरागडे, शुभम बावणे व इत्यादी उपस्थित होते.

  • चंद्रपूर शहरात एकाचं दिवशी 3 अपघात, 3 मृत्यू तर 1 गंभीर जखमी

    News34 chandrapur city accident

    चंद्रपूर – चंद्रपूर शहरात 4 सप्टेंबर ला सकाळपासून अपघातांचे सत्र सुरू झाले, या अपघातामध्ये तिघांचा बळी गेला तर 1 गंभीर जखमी झाला आहे.

    शहरात सकाळी चंद्रपूर-नागपूर मार्गावरील रिलायन्स पेट्रोल पंप जवळ 49 वर्षीय शिक्षिका अनिता ठाकरे यांच्या दुचाकीला मागून भरधाव वेगात येणाऱ्या ट्रक ने धडक दिली, धडक बसल्यावर ती शिक्षिका खाली कोसळली आणि बघता बघता त्या शिक्षिकेचे डोके ट्रक च्या चाकात आले, या अपघातात शिक्षिका ठाकरे यांचा मृत्यू झाला.

    सायंकाळी साडेसात वाजता चंद्रपूर-मूल मार्गावरील आदर्श पेट्रोल पंप जवळ झालेल्या अपघातात 1 युवकाचा जागीच मृत्यू झाला तर दुसरा युवक गंभीर जखमी आहे.

    हे 2 युवक चंद्रपूरच्या दिशेने भरधाव वेगात येत होते, आदर्श पेट्रोल पंप जवळ येताच युवकांचा दुचाकीवरून नियंत्रण सुटले असता दुचाकी रस्त्यावर स्लिप झाली.

    या अपघातात एका युवकाचा जागीच मृत्यू झाला तर दुसऱ्या युवकाच्या डोक्याला जबर मार लागला आहे.

    या अपघातातनंतर काही वेळात पुन्हा चंद्रपूर-मूल मार्गावर अपघात झाला या अपघातात एकाचा मृत्यू झाला.

    भास्कर सातपुते राहणार कोंढाळा-घुग्गुस असे मृतकाचे नाव आहे.
    पोलिसांनी दिलेल्या माहितीनुसार भास्कर पायी जात असताना त्याला मागून येणाऱ्या एका ऑटोने एसपायर अकॅडमी नेहरू नगर मूल रोड येथे जोरदार धडक दिली. यात भास्करचा जागीच मृत्यू झाला. धडक देऊन आटो पसार झाला असून रामनगर पोलीस त्याचा शोध घेत आहे.

    चंद्रपूर शहरात 4 सप्टेंबर रोजी घडलेल्या अपघात सत्रामध्ये भरधाव वाहनांमुळे तिघांना आपला जीव गमवावा लागला, चंद्रपूर वाहतूक नियंत्रण शाखेत 2 पोलीस निरीक्षक असताना सुद्धा शहरातील वाहतूक अनियंत्रित कशी? हा मोठा प्रश्न आहे.

    शाळा सुटल्यावर शहरात अल्पवयीन बाईक रायडर्स चा धुमाकूळ सुरू होतो, सायंकाळी दारू पिऊन वाहन चालविणार्याची संख्या सुद्धा मोठी आहे.

    भरधाव वेगात वाहन चालविणारे चंद्रपूर वाहतूक शाखेला दिसत नाही काय? कागदपत्रांची चौकशी करण्यासाठी वाहतूक पोलीस सज्ज असतात मग भरधाव वेगात धावणाऱ्या वाहनांवर कारवाई का होत नाही? वाहतूक शाखेच्या कर्मचारी व अधिकाऱ्यांवर कुणाचं नियंत्रण नाही का?

    जर वाहतूक पोलीस असेच कार्य करीत राहली तर भरधाव वेगात धावणारे वाहन व होणारे अपघात हे कधीच थांबणार नाही हे विशेष.

     

  • चंद्रपुर शहरात पुन्हा अपघात 1 मृत्यू 1 गंभीर

    News34 accident chandrapur

    चंद्रपूर – चंद्रपूर शहर आज भीषण अपघाताने हादरुन गेले, सकाळी शाळेत निघालेल्या शिक्षिकेच्या दुचाकीला भरधाव वेगात असलेल्या ट्रक ने धडक दिली, यामध्ये शिक्षिकेचा मृत्यू झाला तर सायंकाळी 7 साडेसात वाजता चंद्रपूर मूल मार्गावरील आदर्श पेट्रोल पंप जवळ दुचाकी स्लिप झाल्याने एक युवक जागीच ठार झाला.

    सकाळी 10 वाजता जिल्हा परिषद शाळा लखमापूर येथे निघालेल्या शिक्षिका अनिता ठाकरे यांच्या दुचाकी वाहनाला ट्रक ने जोरदार धडक देत त्यांना फरफटत नेले, या धडकेत शिक्षिकेचा मृत्यू झाला.

    सायंकाळी साडे सात वाजता शहरातील आदर्श पेट्रोल पंप जवळ 2 युवक दुचाकी क्रमांक MH34BA9595 ने चंद्रपूर शहराच्या दिशेने भरधाव वेगात येत असताना दुचाकीवरील नियंत्रण सुटल्याने स्लिप झाली, यामधील एक युवक रस्त्यावर घासत गेला, त्या युवकाचा जागीच मृत्यू झाला तर 1 युवक गंभीर जखमी झाला.

    चंद्रपूर शहरात आज अपघाताच्या रुपात मृत्यूचे तांडव घडले, मात्र यामध्ये दोष कुणाचा? हा प्रश्न सर्वाना पडला असेलचं, कारण शहरात अनियंत्रित झालेल्या वाहतुकीवर नियंत्रण कुणाचे राहिले नाही.

    शहरात आज अल्पवयीन मुलांचं टोळकं भरधाव वेगात वाहन चालविताना सहज आढळतो, महामार्गावरील ट्रक चा सुसाट वेग अपघाताचा अंदाज आपल्या दर्शवितो मग हे वाहतूक विभागाला का दिसत नाही?

    वाहनांची संख्या दिवसेंदिवस वाढत असून शहरात वाहतूक व्यवस्था पूर्णपणे अनियंत्रित झाल्याचे चित्र आज सर्वत्र दिसत आहे, आजचे 2 अपघात अनियंत्रित वाहतुकीचे उदाहरण असल्याची चर्चा नागरिकांमध्ये होती.

  • भारत मातेला वाचविण्यासाठी काँग्रेस कार्यकर्त्यांनी पुढे यावे – नाना पटोले

    News34

    चंद्रपूर : स्वातंत्र्याची लढाई काँग्रेस कार्यकर्ते लढले आहे,आता भारत मातेला वाचविण्यासाठी काँग्रेस कार्यकर्त्याला लढावं लागेल. देशातील लोकशाही वाचविण्यासाठीची ही लढाई आहे, आणि काँग्रेस कार्यकर्त्याची जास्त जबाबदारी आहे असे प्रतिपादन महाराष्ट्र प्रदेश काँग्रेस चे अध्यक्ष नाना पटोले यांनी केले.

    चंद्रपूर जिल्ह्यातील वरोरा शहरात ते सोमवारी महाराष्ट्र प्रदेश काँग्रेस कमिटीचे अध्यक्ष नानाभाऊ पटोले यांच्या प्रमुख उपस्थितीत जनसंवाद यात्रेत बोलत होते.

    आनंदवन चौकातून सकाळी सहा वाजता ही पदयात्रा निघाली. पदयात्रेत महाराष्ट्र प्रदेश काँग्रेस कमिटीचे अध्यक्ष नानाभाऊ पटोले, चंद्रपूर जिल्हा काँग्रेस कमिटीचे अध्यक्ष आमदार सुभाष धोटे, आमदार प्रतिभाताई धानोरकर, आमदार अभिजित वंजारी, आमदार सुधाकर अडबाले, काँग्रेस पक्षाचे चंद्रपूर जिल्हा निरीक्षक मुजीब पठाण, भद्रावतीचे नगराध्यक्ष अनिल धानोरकर, जनसंवाद यात्रेचे नागपूर विभाग समन्वयक नाना गावंडे, महिला काँग्रेस जिल्हाध्यक्ष नम्रता ठेमसकर, चंद्रपूर शहर अध्यक्ष रामू तिवारी, युवक काँग्रेस जिल्हाध्यक्ष शंतनू धोटे, माजी महापौर संगीता अमृतकर, कामगार नेते केके सिंग, विनोदजी अहिरकर, तानाजी सावंत, संजय महाकाळकर, माजी सभापती दिनेश चोखारे, पत्रकार बाळ कुळकर्णी, चंद्रपूर शहर महीला अध्यक्षा चंदाताई वैरागडे,प्रशांत भारती आदींसह शेकडो काँग्रेस पदाधिकारी आणि शेकडो नागरिकांनी सहभाग घेतला.

    पदयात्रा रेल्वे स्टेशन रोड, डॉक्टर जाजू हॉस्पिटल, सद्भावना चौक, डाॅ.आंबेडकर चौक, मेन रोड वरोरा, मिलन चौक येथून पुढे शगुन हाॅल येथे समारोप झाला.

    यावेळी नानाभाऊ पटोले यांनी भाषणात केंद्र सरकारवर जोरदार टीका केली. त्यांनी सांगितले की, केंद्र सरकारने जनतेच्या मुलभूत प्रश्नांकडे दुर्लक्ष केले आहे. महागाई, बेरोजगारी, भ्रष्टाचार यासारख्या समस्यांचा सामना जनतेला करावा लागत आहे.

    पटोले म्हणाले की, काँग्रेस पक्ष जनतेच्या प्रश्नांवर लढणार आहे. पक्ष आगामी विधानसभा निवडणुकीसाठी सज्ज आहे.

    यावेळी आमदार सुभाष धोटे, आमदार प्रतिभाताई धानोरकर, आमदार अभिजित वंजारी, आमदार सुधाकर अडबाले यांनीही मार्गदर्शन केले.

    वरोरा तालुका काँग्रेस कमिटीचे अध्यक्ष मिलिंद भोयर, वरोरा शहर अध्यक्ष विलास टिपले, भद्रावती तालुकाध्यक्ष प्रशांत काळे, शहराध्यक्ष सुरज गावंडे, बाजार समितीचे माजी सभापती राजू चिकटे, विशाल बदखल, माजी नगराध्यक्ष गजानन मेश्राम,डॉक्टर सेलचे जिल्हाध्यक्ष डाॅ. हेमंत खापणे,माजी सभापती छोटुभाई शेख,विधानसभा युवक अध्यक्ष शुभम चिमूरकर ,माजी उपनगराध्यक्ष अनिल झोटिंग, प्रविण काकडे,माजी नगरसेवक राजू महाजन,सन्नी गुप्ता, राहुल देवडे, महिला काँग्रेस अध्यक्ष ऐश्वर्या खामकर, शहराध्यक्ष दिपाली माटे,रत्ना अहिरकर, भद्रावती तालुकाध्यक्ष वर्षा ठाकरे, शहराध्यक्ष सरिता सूर,मनोज दानव,निलेश भालेराव, सुभाष दांदडे,फिरोज पठाण,काँग्रेस पदाधिकारी सुधीर मुळेवार, रवींद्र धोपटे, हरीश जाधव ,चंदू दानव, ईस्तेखां पठाण,सुरेश टेकाम,अमर गोंडाणे, पुरुषोत्तम पावडे, सुनंदा जीवतोडे, धम्मकन्या भालेराव, चेतना शेट्ये,देवानंद मोरे,अनिल चौधरी, पद्माकर कडूकर, मनोहर स्वामी,किशोर डुकरे,उमेश देशमुख, अमोल सेलकर, सलिम पटेल, अरुण बर्डे, सुजीत कष्टी, प्रकाश शेळकी, योगेश खामनकर,गिरीधर कष्टी,दिवाकर निखाडे ,पुरुषोत्तम निखाडे, ग्यानिवंत गेडाम, सारिका धाबेकर, देवानंद मोरे ,रुपेश तेलंग, अनिरुद्ध देठे,मयुर विरूटकर, सुरज बावणे, विलास गावंडे, महादेवाचे आसेकर, पुरुषोत्तम कुडे, गणेश मडावी,गणेश काळे यांच्यासह शेकडो पदाधीकारी सहभागी झाले होते.

  • चंद्रपूर शहरातील रिलायन्स पेट्रोलपंप जवळ अपघात शिक्षिका ठार

    News34

    चंद्रपूर – 4 सप्टेंबर ला सकाळी 10 वाजताच्या सुमारास चंद्रपूर-नागपूर महामार्गावर भरधाव वेगात असलेल्या ट्रक ने दुचाकीला धडक दिली, या धडकेत दुचाकीवरील महिलेचा जागीच मृत्यू झाला.

    मृतक 48 वर्षीय अनिता किशोर ठाकरे श्रीकृपा कॉलोनी, जगन्नाथ बाबा नगर चंद्रपूर येथे राहणाऱ्या होत्या, त्या जिल्हा परिषद शाळा लखमापूर येथे शिक्षिका म्हणून कार्यरत होत्या.

    4 सप्टेंबर ला सकाळी 10 वाजता शिक्षिका ठाकरे ह्या शाळेत जाण्यासाठी निघाल्या होत्या, चंद्रपूर-नागपूर मार्गावरील रिलायन्स पेट्रोल पंप जवळ अचानक भरधाव वेगात येणाऱ्या ट्रक क्रमांक RJ11GC-0824 ने ठाकरे यांच्या दुचाकी वाहन क्रमांक mh34bs4977 ला धडक दिली.

    या धडकेत शिक्षिका ठाकरे यांचा जागीच मृत्यू झाला, धडक दिल्यावर ट्रक चालक वाहन सोडून घटनास्थळावरून पसार झाला.

    सदर घटनेचा पुढील तपास रामनगर पोलीस करीत आहे.

  • चंद्रपूर पोलिसांच्या माणुसकीचे उदाहरण

    News34

    चंद्रपूर – खाकी चं नाव ऐकलं की भल्या-भल्याना घाम फुटतो, मात्र आज पोलिसांचा प्रामाणिकपणा व कर्तव्यावरील संघर्ष काय असतो हे फक्त पोलीस कर्मचाऱ्यांना माहीत असते.

    चंद्रपुरात आज पोलीस कर्तव्यावर काय संघर्ष करतात याचं उदाहरण पुढं आलं आहे, बाबूपेठ ते बल्लारपूर रेल्वे रुळावर अज्ञात इसम रेल्वेतून खाली पडला असावा, आणि त्याचा मृत्यू झाला.

    सदर माहिती रेल्वे कर्मचारी यांनी चंद्रपूर शहर व महाकाली पोलीस चौकीचे पोलीस उपनिरीक्षक विजय मुक्के यांना दिली, मुक्के आपल्या सोबत पोलीस चमू नेत घटनास्थळी दाखल झाले.

    मृतदेहाची अंगझडती घेतली असता त्याच्या खिशात आधार कार्ड व पॅन कार्ड आढळून आले त्यामध्ये सदर इसमाचे नाव प्रेमलाल बाबूलाल पंचतीलक राहणार सालटेकरी बालाघाट, मध्यप्रदेश असे निष्पन्न झाले.

    पोलिसांनी या घटनेची माहिती मृतक पंचतीलक यांच्या नातेवाईकांना दिली, मृतदेह बाबूपेठ व बल्लारपूर च्या मध्यभागात होता, त्याठिकाणी पोलिसांचे वाहन पोहचू शकले नाही, पोलिसांपुढे मृतदेह पुढे न्यायचा कसा असा प्रश्न उपस्थित झाला.

    मात्र कर्तव्य निष्ठा मनात असली की पोलीस नेहमी चांगले काम करतात पोउपनी विजय मुक्के यांनी मृतदेह पायी नेण्याचे ठरविले, पोलिसांनी मृतदेह नाल्यातून व खडतर भागातून मार्ग काढत तब्बल अडीच किलोमीटर पायी आणला.

    सदर कर्तव्यनिष्ठ कामगिरी पोउपनी विजय मुक्के यांच्या नेतृत्वात संजय धोटे व रेल्वे कर्मचारी व विसापूर गावातील अशोक तुराणकर यांनी केली.

  • Harish Salve, Veteran Indian Lawyer, Ties the Knot for the Third Time

    Harish Salve, one of India’s most renowned lawyers and former Solicitor General, has once again taken the plunge and married for the third time. At the age of 68, Salve recently exchanged vows with Trina in a lavish wedding ceremony held in London. The event was graced by the presence of several high-profile celebrities, including Nita Ambani and Lalit Modi.

    This is not Salve’s first experience with marriage. In 2020, he tied the knot with Caroline Brossard, an artist by profession. However, this union did not stand the test of time. Despite the end of his previous marriage, Salve remains optimistic about love and the possibility of finding happiness once again.

    Notably, Salve’s recent nuptials have also marked a significant spiritual transformation in his life. He has converted to Christianity, embracing a new faith and finding solace in its teachings. This personal journey towards spirituality has undoubtedly played a role in shaping Salve’s perspective on relationships and his decision to embark on a new marital journey with Trina.

    Looking back at Salve’s first marriage, he was legally separated from his former wife, Meenakshi Salve, at the beginning of 2020. The couple shares two daughters, Sakshi and Sania. As Salve begins this new chapter in his life, it is evident that he values love and companionship, seeking happiness and fulfillment despite past challenges.

    The wedding of Harish Salve and Trina in London has captured the attention of many, sparking public curiosity and intrigue. While some may question the decision to marry for the third time, it is important to remember that love knows no boundaries and can manifest itself at any age or stage in life.

  • महाजनकोच्या सहाय्यक अभियंता पदाच्या परीक्षेत चंद्रपूरचा अभिजित राज्यात दुसरा

    News34

    चंद्रपूर –  महाराष्ट्र राज्य वीज निर्मिती कंपनी द्वारा घेण्यात आलेल्या कनिष्ठ अभियंता व सहाय्यक अभियंता परीक्षेचा निकाल नुकताच जाहीर करण्यात आला असून या परीक्षेत चंद्रपूरच्या अभिजित बाळकृष्ण धांडे याने दोन्ही पदाची परीक्षा पास होत सहाय्यक अभियंता पदाचे यादीत 180 पैकी 151 गुण घेऊन २ रा तर कनिष्ठ अभियंता पदाचे निवड यादीत 180 पैकी 149 गुण घेऊन ९ वा क्रमांक मिळविला आहे. या दुकानात मिळेल महागड्या वस्तू अगदी स्वस्त दरात

     

    यानिमित्ताने प्रदेश काँग्रेस कमिटीच्या ओबीसी विभागाचे उपाध्यक्ष उमाकांत धांडे, किसान काँग्रेसचे शहर अध्यक्ष भालचंद्र दानव, साई सेवा संकल्प समितीचे विनोद गोवारदिपे यांनी त्याचे जुनोना रोड स्थित घरी जाऊन अभिनंदन केले.

    अतिशय प्रतिकूल परिस्थितीत आधी बजाज पॉलिटेक्निक चंद्रपूर येथे इलेक्ट्रिकल इंजिनिअरींग मध्ये पदविका व त्यानंतर अमरावती येथील शासकीय अभियांत्रिकी महाविद्यालयातून पदवी चे शिक्षण घेणारा अभिजित बालपणापासून अभ्यासात हुशार आहे. पदविका परीक्षा देखील त्याने मेरिट मध्ये उत्तीर्ण केली होती. अभिजित चे आई, वडीलांनी खाजगी नोकरी करून मुलांना शिकविले.

  • शहरातील राजकीय पुढाऱ्याच्या थोबाडीत पडली तेव्हा

    News34

    चंद्रपूर – शहरातील वर्दळीच्या ठिकाणी राजकिय पुढाऱ्याच्या थोबाडीत हाणल्याची चर्चा 2 सप्टेंबर पासून शहरात चांगलीच रंगली आहे.

    चंद्रपूर शहरात हाणामारी तुन गुन्हेगारीच्या घटना मोठ्या प्रमाणात वाढत आहे, असो जर आपण कुणाच्या फाटक्यात पाय टाकणार नाही तर आपल्या वाटेला कुणी जाणार नाही, मात्र शहरातील या अतिउत्साही राजकीय पुढाऱ्याला नेहमीच चर्चेत राहायची जणू छंद जडला आहे.

    राजकारणात वरचढ असलेल्या पक्षातील पदाधिकारीला शनिवार 2 सप्टेंबर ला चंद्रपूर शहरातील वर्दळीच्या ठिकाणी थोबाडीत खावी लागली, कारण सुद्धा तसेच होते.

    पैश्याचा वाद मागील काही दिवसांपासून सुरू होता, शनिवारी तो वाद पुन्हा उफाळला, पुढच्या व्यक्तीला झोडपायचा विचार त्या पुढाऱ्याने केला, मात्र पुढचा व्यक्ती हा शून्यातून जग निर्माण करणारा होता.

    पुढच्या व्यक्तीने मै झुकेगा नही साला अशी भूमिका घेतली, आणि वाद जास्त वाढला, तू तू मै मै करीत सरळ अंगावर हातवारे सुरू झाले, मग काय पुढाऱ्याला पुष्पा फेम हिरोने चांगलंच धुवून काढले.

    आधी प्रकरण बाचाबाची चे वाटले मात्र प्रत्यक्षदर्शीला विचारणा केल्यावर सदर प्रकरण मारामारी चे निघाले, पुढाऱ्याने मार खाल्ला म्हणून आता शेअर बाजारातील मार्केट मध्ये बदनामी होणार म्हणून प्रकरण दाबण्याचा प्रयत्न केला.

    प्रकरण दाबण्याचा प्रयत्न काही प्रमाणात यशस्वी सुद्धा झाला, मात्र पत्रकारांच्या कानावर माहिती आली की ती सरळ बातमी बनते ही बाब तो पुढारी विसरला.

    राजकारणात पद मिळालं की मी मोठा असा गैरसमज नेहमी असणारा हा पुढारी आपल्या अतिउत्साही स्वभावाने एकदिवस मार खाणार ही कल्पना सर्वाना होती, मात्र तो मार पदावर गेल्यावर खाणार याची कल्पना मात्र कुणालाच नव्हती.

    मार खाल्ल्यावर बदनामी झाली आता बाब शहरात पसरली तर कुणाला काय उत्तर द्यावे लागेल हा विचार करून तो पुढारी आज गप्प बसला असला तरी ज्याने त्याची वरात भर चौकात काढली त्याच्यावर राजकीय वजन वापरून काही उलट करू नये म्हणजे झालं.

  • मूल कांग्रेसच्या जनसंवाद पदयात्रेला नागरिकांचा उत्स्फूर्त प्रतिसाद

    News34 गुरू गुरनुले

    मुल – महाराष्ट्र प्रदेश काँग्रेस कमिटीच्या निर्देशानव्ये जनसंवाद पदयात्रेचा शुभारंभ मुल येथील गांधीजींच्या पदस्पर्शाने पावन झालेल्या चारखासंघ पुण्यभूमीतून काँग्रेस नेते सी.डी.सी.डी बँकेचे अध्यक्ष व माजी जी.प.अध्यक्ष संतोषसिंह रावत यांचे हस्ते मोठ्या उत्साहात करण्यात आला.

    मुल येथून निघालेल्या पदयात्रेत काँग्रेसचे महिला,पुरुष पदाधिकारी,कार्यकर्ते, काँग्रेस प्रेमी बहुसंख्येने सहभागी झाले होते.

    लोकभावना जाणून घेण्यासाठी भारत जोडो यात्रेच्या धर्तीवर ह्या जनसंवाद पदयात्रेच्या माध्यमातून केंद्र व राज्य सरकारच्या हुकूमशाहीने सुरु असलेल्या महागाई, बेरोजगारी, महिलांवरील अत्याचार, शेतकरी दुष्काळ, वन्यप्राण्यांचे हल्ले, भ्रष्टाचार, लोकशाहीची हत्या संबंधित मुद्दे आणि स्थानिक पातळीवरील विविध मुद्यांबाबत मुल ,कोसंबी, मारोडा, आदर्श खेडा, उष्रळा, भादुर्णी लोकांशी संवाद साधला.भादूर्णी येथे पदयात्रेचे विक्रम गुरनुले यांचे नेतृत्वात ग्रामस्थांनी धूम धडाक्यात स्वागत करुन चौकात सभा घेण्यात आली. सभेला बहुसंख्य ग्रामस्थ उपस्थित होते. तालुका अध्यक्ष गुरु गुरनुले ,ओबीसी राज्य सरचिटणीस गुरुदास चौधरी,यांनी नागरिकांशी संवादात्मक मार्गदर्शन केले.

     

    मंगेश बत्तुलवार यांनी आभार मानले. पदयात्रेत काँग्रेस नेते संतोष सिंह रावत, कृ. ऊ.बा.स.सभापती राकेश रत्नावार, संचालक व माजी तालुका अध्यक्ष घनश्याम येनूरकर, सेवादलाचे ज्येष्ठ नामदेवराव गावतूरे, शशिकला गावतूरे, संचालक संदीप कारमवार, सरपंच संघटनेचे अध्यक्ष अखिल गांगरेड्डीवार, ग्रामीण काँग्रेसचे राजू पाटील मारकवार, माजी सभापती दशरथ वाकुडकर , युवक काँग्रेस अध्यक्ष पवन नीलमवार, दीपक पा. वाढई, सरपंच चांगदेव केमेकर, संचालक हसन वाढई, शहर अध्यक्ष सुनील शेरकी,संचालक किशोर घडसे, लहू कडस्कर, विनोद कांमडे, औद्योगिक काँग्रेसचे जिल्हा उपाध्यक्ष दत्तात्रय समर्थ, राजेंद्र वाढई, गुलाब पठाण, शहरउपाध्यक्ष संदीप मोहबे, सुरेश फुलझेले, शहर महासचिव कैलास चलाख, गंगाधर घुगरे, महिला तालुका अध्यक्षा रुपाली संतोषवार,शहर अध्यक्ष नलिनी आडपवार, माजी नगर सेविका लीना फुलझेले, सचिव शामला बेलसरे, कोषाध्यक्ष राधिका बुक्कावार, सदस्या फर्जणा शेख, नाजुका लाटकर,समता बनसोड, व इतर महिला,युवक शहर अध्यक्ष व्यंकटेश पल्लकवार व दहा युवकांची टीम,चीचाळा येथील मंकीवार व त्याची टीम, चंदू चटारे, रामदास गुरनुले,भाऊजी लेनगुरे,संदीप वाढई, छोटू रावत, राजेश गावतुरे, गुज्जनवार, विनोद कामडे, सरपंच रवी कामडे, उपसरपंच साहिल येनगनटीवार, शेख, संचालक जवादे, यांचेसह तालुका व शहर काँग्रेसचे पदाधिकारी,कार्यकर्ते, बहुसंख्येने उपस्थित होते. पदयात्रेची सांगता कोसंबी सरपंच रवींद्र कामडे यांनी दिलेल्या भोजनाने झाली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by