My Blog

Blog

  • चंद्रपुरात आमदार पडळकरांच्या प्रतिमेला मारले जोडे

    News34 chandrapur

    चंद्रपूर:- राज्याचे उपमुख्यमंत्री अजितदादा पवार यांच्या विरोधात आक्षेपार्ह विधाने करणाऱ्या बालिश व मतिमंद गोपीचंद पडळकर याच्या निषेधार्थ चंद्रपूर येथे जोडे मारो आंदोलन करण्यात आले.

     

    राष्ट्रवादी काँग्रेसचे नेते राज्याचे उपमुख्यमंत्री मा. अजित पवार यांच्यावर वारंवार अतिशय खालच्या पातळीवर टीका करणाऱ्या पडळकरांचा स्थानिक चौकात घोषणा देत निषेध करण्यात आला. मागे झालेल्या विधानसभेच्या निवडणुकीत अजित दादांच्या विरोधात लढलेल्या गोपीचंद पडळकर याची बारामतीकरांनी डिपॉजीट जप्त केली होती. त्या धक्क्यातून अजूनही न सावरलेल्या पडळकरांच्या डोक्यात फरक आलेला असुन वारंवार येत असलेल्या झटक्यामुळेच पडळकर निर्बुद्ध सारखे विधाने करीत फिरत असते. यामुळे यांच्यावर उपचाराची गरज असुन याकरिता लागणारा खर्च राष्ट्रवादी काँग्रेस उचलणार असल्याचे यावेळी जाहीर करण्यात आले.

     

    राजकारणात एकमेकांवर टीका या अपेक्षित असतात, मात्र वारंवार वैयक्तीत व अतिशय खालच्या पातळीवर टीका करने या असभ्यपणाचे लक्षण आहे. राज्याच्या राजकारणात अतिशय असभ्य नेते म्हणून कुप्रसिद्ध असणार्या पडाळकरांचा आज जोडे मारुन निषेध करण्यात आला.

     

    सदर आंदोलन राष्ट्रवादी काँग्रेस चे जिल्हाधक्ष नितीन भटारकर यांच्या नेतृत्वात करण्यात आले असुन शहर जिल्हाध्यक्ष राजीव कक्कड, विधानसभा अध्यक्ष सुनील काळे, राष्ट्रवादी विद्यार्थी काँग्रेस जिल्हाध्यक्ष सुजित उपरे, रायुकॉ शहर जिल्हाध्यक्ष अभिनव देशपांडे, अल्पसंख्यांक विभागाचे शहर जिल्हाध्यक्ष नौशाद भाई, ओबीसी सेलचे निलेश उपरे, माजी उपाध्यक्ष संजय खेवले, पंचायत समिती सदस्य पंकज ढेंगारे, माजी सरपंच अमोल ठाकरे, गणेश बावणे, संजय सेजूळ, रोशन फुलझेले, संदीप बिसेन, तिमोटी बंडावार, अनुकूल खन्नाडे, पवन बंदीवार, नितीन घुबडे, संजू बिश्वास, मनोज सोनी, राहुल वाघ, राहुल भगत, भोजराज शर्मा, अमर गोमासे, राकेश रप्पेलीवार, अंकित ढेंगारे, सौरभ घोरपडे, केतन जोरगेवार, विकी रायपूरे, निलेश टोंगे, भोला पवार, मुन्ना टेंभुरकर, साहिल शेख, फरहान शेख सहभागी होते.

  • आमदार किशोर जोरगेवार यांच्या घरी बाप्पाचे आगमन

    News34 chandrapur

    चंद्रपूर – दरवर्षी प्रमाणे यंदाही आमदार किशोर जोरगेवार यांच्या राजमाता निवासस्थानी गणराया विराजमान झाले. सकाळी ११ वाजताच्या दरम्यान त्यांनी गणेश मुर्तीची विधीवतरित्या स्थापना केले. यंदा हे त्यांचे ९३ वे वर्ष असुन जोरगेवार कुटुंबियांची दुसरी पिढी हि परंपरा चालवत आहे.

     

    गणेशोत्सवाची महती जोरगेवार कुटुंबीयांनी मनाच्या गाभार्यात समृद्ध धार्मिकतेने आणि भावपूर्ण श्रद्धेने जोपासली आहे. आज गणेश चर्तुथी निमित्त त्यांच्या घरी गणराया विराजमान झाले. त्यांच्या या उत्सवाला ९३ वर्षांची पंरपरा असुन स्वातंत्रपुर्व काळापासुन ते हा उत्सव सहकुटुंब साजरा करत आहे.

     

    चंद्रपूर जिल्ह्यातील जनप्रतिनिधी बाबतीत आमदार किशोर जोरगेवार यांच्या घरी बाप्पाचं आगमन सर्वात वर्ष 1930 पासून होत आहे.

  • News34 च्या बातमीनंतर पोलीस अधीक्षकांनी दिले हे निर्देश

    News34 impact

    चंद्रपूर – चंद्रपूर जिल्ह्यात नियमबाह्य पध्दतीने सुरू असलेल्या व्हिडीओ गेम पार्लरवर News34 च्या बातमीची जिल्हा पोलीस अधिक्षकाने दखल घेत कारवाई करण्याचे निर्देश दिले आहे.

     

    चंद्रपूर शहर व ग्रामीण भागात नियमबाह्य पध्दतीने अनेक वर्षांपासून सुरू असलेल्या व्हिडीओ गेम पार्लवर अखेर पोलीस प्रशासनाने कारवाईचा बडगा पुकारला आहे.

    विशेष म्हणजे चंद्रपूर शहरात मनपा च्या गाळ्यात ही दुकाने सुरू आहे, नियमानुसार अश्या दुकानांना परवानगी देता येत नाही, व्हिडीओ गेम पार्लर संचालकांनी मनपा गाळे घेताना कशाचा आधार घेत व्हिडीओ गेम पार्लर सुरू केले याची चौकशी मनपा प्रशासनाने केल्यास त्यामध्ये प्रचंड तफावत आढळणार.

    मनपाच्या गाळ्यात आज व्हिडीओ गेम पार्लर सुरू आहे, उद्या कुणी जुगार क्लब, बिअर बार साठी परवानगी मागितली तर त्यांना ती परवानगी मिळणार काय? हा मोठा प्रश्न आहे.

     

    एक व्हिडिओ गेम पार्लर पासून दुसरे व्हिडीओ गेम पार्लर सुरू करायचे असल्यास त्यामध्ये तब्बल 75 मीटर अंतर असावे लागते, मात्र शहरात राजकला टॉकीज क्षेत्रात असे कोणतेही नियम पाळण्यात आले नाही.

    व्हिडीओ गेम पार्लर पासून तब्बल 75 मीटर अंतरावर शाळा, धार्मिक स्थळ हे दूर असावे, या संदर्भात वर्ष 2015 मध्ये सामाजिक कार्यकर्ता हिमायू अली यांनी 4 दिवस आमरण उपोषण करीत व्हिडीओ गेम पार्लर च्या मनमानी कारभार विरोधात लढा दिला होता.

     

    व्हिडीओ गेम पार्लर परवान्यात किती मशीन ची परवानगी व सध्या किती मशीन लावण्यात आल्या? त्या मशीनमध्ये अशी काय सेटिंग केली की तिथे कुणीही पैसे जिंकत नाही, हा खेळ म्हणजे एक प्रकारचा जुगार आहे.

    News34 ची बातमी झळकताच जिल्हा पोलीस अधीक्षक रवींद्र परदेशी यांनी कारवाईचे निर्देश दिले.

    जिल्हा पोलीस अधीक्षक रविंद्र परदेशी यांच्याशी संपर्क साधला असता त्यांनी सांगितले की सदर व्हिडीओ गेम पार्लर मध्ये काही अवैधपणे व नियमांचे उल्लंघन आढळून आल्यास त्यावर कारवाईचे आदेश मी पोलिसांना दिले आहे.

    विशेष म्हणजे शहर पोलिसांनी राजकला टॉकीज परिसरातील काही पार्लर बंद केल्याची माहिती मिळाली आहे, पोलीस सध्या नियम तपासून त्यांच्यावर पुढील कारवाई करणार आहे.

    विशेष म्हणजे सदर व्हिडीओ गेम पार्लर वर राजकीय आशीर्वाद असल्याने हे धंदे सर्रासपणे सुरू आहे.

  • तो शासन निर्णय रद्द करा – आमदार सुधाकर अडबाले

    News34 chandrapur

     

    चंद्रपूर : राज्यातील प्रशासनावरील खर्च आटोक्यात ठेवून विकासकामांसाठी पुरेसा निधी उपलब्ध होण्याच्या दृष्टीने विविध विभागातील कामे ही बाह्ययंत्रणेमार्फत करून घेण्यात येणार आहे. यात शाळा, कनिष्ठ महाविद्यालयातील शिक्षक व शिक्षकेत्तर कर्मचाऱ्यांची पदेही कंत्राटी तत्वावर भरण्याचा समावेश आहे. या शासन निर्णयाला विदर्भ माध्यमिक शिक्षक संघाचे सरकार्यवाह तथा शिक्षक आमदार सुधाकर अडबाले यांनी तीव्र विरोध दर्शविला आहे.

     

    राज्यात एकीकडे ‘पवित्र पोर्टल’च्या माध्यमातून शिक्षकभरती प्रक्रिया राबवण्यात येत असताना, दुसरीकडे शिक्षक आणि सहाय्यक शिक्षक बाह्ययंत्रणेद्वारे उपलब्ध करून दिले जाणार आहेत. शिक्षक हे समाजाचे आधारस्तंभ असतात. शिक्षकांच्या कंत्राटी तत्त्वावर नियुक्ती केल्यास विद्यार्थ्यांच्या शिक्षणावर परिणाम होईल. शिक्षकांना स्थिरता मिळणार नाही. त्यामुळे शिक्षकांमध्ये अस्थिरता निर्माण होईल. यामुळे विद्यार्थ्यांच्या शिक्षणावर विपरीत परिणाम होईल.

     

    प्रशासकीय खर्च आटोक्यात ठेवून विकासकामांना पुरेसा निधी उपलब्ध होण्यासाठी शक्य तिथे बाह्ययंत्रणेद्वारे काम करून घेण्याचे राज्य सरकारचे धोरण आहे. त्यानुसार नऊ खासगी सेवापुरवठादार कंपन्यांमार्फत मनुष्यबळ उपलब्ध करण्याबाबत उद्योग, ऊर्जा, कामगार आणि खनिकर्म विभागाने शासन निर्णय ६ सप्‍टेंबर २०२३ रोजी निर्गमित केला.

     

    आमदार अडबाले यांनी सरकारला आवाहन केले की, शिक्षकांच्या कंत्राटी तत्त्वावर नियुक्ती करण्याचा शासन निर्णय तात्‍काळ रद्द करावा. शिक्षकांना कायमस्वरूपी नियुक्ती द्यावी. शिक्षकांची बाह्ययंत्रणेद्वारे कंत्राटी तत्त्वावर नियुक्ती केल्यास शिक्षकांना विविध समस्यांना सामोरे जावे लागेल. शिक्षकांना नोकरीच्या सुरक्षिततेची हमी मिळणार नाही. त्यामुळे विद्यार्थ्यांच्या शिक्षणावर विपरीत परिणाम होईल. आमदार अडबाले यांनी सरकारला या शासन निर्णयावर पुनर्विचार करण्याचे आवाहन केले असून विदर्भ माध्यमिक शिक्षक संघाने विरोध दर्शविला आहे.

  • गोलबाजारातील तो संघर्ष अखेर आमदार धानोरकरांनी सोडविला

    News34 chandrapur

    चंद्रपूर : गोल बाजारातील महानगर पालिकेच्या मालकीच्या गाळेधारकांवर लादलेल्या अन्यायकारक कराच्या विरोधात ११६ गाळेधारकांनी न्यायालयात धाव घेतली होती. हि अन्यायकारक भाडेवाढ मागे घेण्यात यावी अशी मागणी केली होती.

     

    सदर याचिकेचा निकाल अद्यापही न आल्याने मनपाने लादलेल्या गाळेधारकाराच्या करात व करावरील व्याजात मोठ्या प्रमाणात वाढ होऊन गाळेधारकांवर लाखो रुपयाचा कर थकीत झाला. या विषयात आमदार प्रतिभाताई धानोरकर यांनी पुढाकार घेऊन मनपा व गाळेधारक यांच्यात समन्वय घडवून आणून सदर विषयाचा तिढा सोडविला.

     

    वारसान साठी असलेले हस्तांतरण शुल्क सुद्धा कमी करण्यात यावे. दुकान गाळेधारकांसाठी भाडे व इतर शुल्काचा भरणा नियमित व्हावा या दृष्टीने मनपातर्फे NASH प्रणाली सुरु करण्यात आली असुन नियमित कर भरणा करणाऱ्या गाळेधारकांना रेंटमध्ये ५ टक्के सुट मिळणार आहे.सदर योजना चांगली असुन गाळेधारकांनी याचा फायदा घ्यावा व भाडे व इतर शुल्काचा भरणा नियमित करण्याच्या सुचना त्यांनी दिल्या. तसेच मनपाच्या उत्पन्नाचे स्रोत मर्यादीत असल्याने नागरीकांनीही कर नियमित भरावा. असे आवाहनही त्यांनी केले.

     

    मागील अनेक वर्षांपासून मनपाच्या अंतर्गत येणारे गोलबाजार येथील गाळे गाळेधारकांना देण्यात आले आहे. त्यावर नगरपरिषद अस्तित्वात असतांना कर आकारणी करण्यात आली होती. त्यानंतर २०१२ मध्ये चंद्रपूर मनपा अस्तित्वात आली. मनपा अस्तित्वात आल्यानंतर गोलबाजारातील गाळेधारकांवर २०० पटीपेक्षा अधिक करवाढ केली.

     

    या करवाढीविरोधात ११६ गाळेधारकांनी न्यायालयात धाव घेतली. परंतु सदर प्रकरणाच्या निकाल न लागल्याने गाळेधारकांचा कर वाढत गेला. मनपाने व्याजाच्या बोजा वाढविला. याप्रकरणी दिवंगत खासदार बाळूभाऊ धानोरकर व आमदार प्रतिभाताई धानोरकर यांनी मनपा आयुक्तांच्या दालनात बैठक घेऊन सदर प्रकरणी तिढा सोडविण्याचा प्रयत्न फ़ेब्रुवारी २०२३ मध्ये केला होता. परंतु त्यावेळी काही तांत्रिक अडचणीमुळे सदर प्रकरण मार्गी लागले नाही.

     

    या प्रकरणी आमदार प्रतिभाताई धानोरकर यांनी विधानसभेत देखील गाळेधारकांनी बाजू मांडली होती. त्यानंतर प्रधानसचिवाच्या दालनात आयुक्त व गाळेधारक प्रतिनिधी यांच्यात आमदार प्रतिभाताई धानोरकर यांच्या पुढाकाराने बैठक संपन्न झाली. त्यानंतर गाळेधारकांनी मनपा विरोधात दाखल केलेली याचिका मागे घेण्याची तयारी दर्शविली. त्यामुळे आज मनपा आयुक्तांच्या दालनात बैठकीचे आयोजन करून आमदार प्रतिभाताई धानोरकर यांच्या नेतृत्वात गाळेधारकांच्या प्रतिनिधींनी न्यायालयात दाखल असलेली याचिका मागे घेण्यासंदर्भातील पत्र आयुक्तांना दिले.

     

    आयुक्तांनीं विशेष बाब म्हणून सदर प्रकरणी ११६ गाळेधारकांवरील गाळ्यांच्या करावरील संपूर्ण १०० व्याज माफ करण्याचे पत्र गाळेधारकांना दिले. व उर्वरित गाळेधारकांच्या संदर्भात प्रश्न मार्गी लावण्यासाठी अतिरिक्त आयुक्तांच्या अध्यक्षतेखाली समिती गठीत करून १५ दिवसात गाळेधारकांना न्याय देण्याचे आश्वासन आयुक्त विपीन पालीवाल यांनी दिले.

    याप्रसंगी अतिरिक्त आयुक्त मंगेश खवले, शहर काँग्रेस जिल्हाध्यक्ष रामू तिवारी, कर विभाग प्रमुख अनिल घुले, उपायुक्त बोबाटे, कर विभागाचे आत्राम, कुचनकर, राहुल चौधरी तसेच गाळेधारकांचे प्रतिनिधी सुरेश खनके, प्रशांत येनूरकर, अब्दुल इजाज, मोंटू मानकर यांची उपस्थिती होती.

  • वाघाचा गुराख्यावर हल्ला, आणि गुराख्याने वाघाच्या दिशेला भिरकावली काडी आणि…

    News34 chandrapur

    चिमूर – सोमवारी चैती बिट कोलारा कोअर वनक्षेत्राजवळ दबा धरून बसलेल्या वाघाने गुराख्यावर हल्ला करीत जखमी केल्याची घटना घडली.

     

    नेहमीप्रमाणे कोलारा निवासी गुराखी 57 वर्षीय शंकर दोने हे गुरांना चारासाठी जंगल परिसरात गेले होते, कोलारा गेट परिसरातून शंकर जात असताना त्याठिकाणी झुडपात वाघ दबा धरून बसला होता, संधी मिळताच वाघाने शंकर वर हल्ला केला.

     

    अचानक झालेल्या या हल्ल्यात शंकर घाबरला मात्र हिंमत न हरता शंकर ने जवळ असलेल्या काडीने वाघावर प्रहार केला, काडीचा मार बसल्यावर वाघाने जंगलात धूम ठोकली.

     

    मात्र या हल्ल्यात शंकरच्या शरीरावर जखमा झाल्या, काही वेळात परिसरातील गुराख्यानी शंकर च्या दिशेने धाव घेत त्याला तात्काळ उपजिल्हा रुग्णालयात दाखल केले.

     

    घटनास्थळी वनपरिक्षेत्र अधिकारी एस एस डुबे यांनी भेट दिली. महिला वनरक्षक बी बी सोयाम , गेट व्यवस्थापक अविनाश गणवीर व गावकर्यांनी दवाखान्यात भेट दिली वन्यजीव कोलारा कोअर यांनी तातडीची मदत जखमीला दिली. जखमीला पूढील उपचारासाठी चंद्रपूर येथे रेफर करन्यात आले.

  • चंद्रपुरातील ओबीसी आमरण उपोषण आंदोलनाला पालकमंत्री मुनगंटीवार यांची भेट आणि घडलं असं..

    News34 chandrapur

    चंद्रपूर – राज्यात सुरू असलेल्या ओबीसी विरुद्ध मराठा संघर्षांने आता कळस गाठला असून एकीकडे जरांगे पाटील तर दुसरीकडे टोंगे असे आंदोलन रंगले आहे.

    ओबीसी प्रवर्गातून आरक्षण देण्याची मागणी मराठा समाजाने केली तर दुसरीकडे मराठा समाजाच्या या मागणीला ओबीसी समाजाने तीव्र आक्षेप नोंदविला आहे.

     

    मराठा समाजाच्या मागणीविरोधात राज्यभरात व चंद्रपुरात ओबीसी महासंघाचे विद्यार्थी जिल्हाध्यक्ष रविंद्र टोंगे हे 11 सप्टेंबर पासून आमरण उपोषणाला बसले आहे, आज आठवडा लोटल्यावर राज्याचे वनमंत्री व जिल्ह्याचे पालकमंत्री सुधीर मुनगंटीवार यांनी उपोषणस्थळी भेट दिली.

     

    मुनगंटीवार यांनी आंदोलकांच्या मागण्या जाणून घेत त्यांच्या मागण्यासंदर्भात मंत्रिमंडळात चर्चा करीत बैठक लावू असे आश्वासन आंदोलकांना दिले.

     

    ओबीसी समाजाच्या मागणीनुसार राज्यात ओबीसी विद्यार्थ्यांसाठी वस्तीगृहाबाबत जी घोषणा झाली त्याची तात्काळ अंमलबजावणी करण्यात यावी, जातनिहाय जनगणना करावी, स्वाधार योजना लागू करावी अश्या विविध मागण्या घेऊन टोंगे यांनी आमरण उपोषणाला बसले आहे.

     

    सुधीर मुनगंटीवार यांनी आंदोलकांना उपोषण मागे घेण्याची विनंती केली, वस्तीगृहाबाबत चंद्रपुरात वसतिगृह सूरु करू व स्वाधार योजनेचा लाभ इतर ओबीसी विद्यार्थ्यांना देणार असे आश्वस्त केले मात्र आंदोलकांनी मुनगंटीवार यांना हा प्रश्न जिल्ह्याचा नसून राज्याचा आहे, वस्तीगृह चंद्रपूर सहित राज्यात सुरू करावे असे आंदोलकांनी म्हटले.

     

    सुधीर मुनगंटीवार यांनी यावेळी आंदोलकांसोबत बहुजन कल्याण मंत्री अतुल सावे यांच्याशी दूरध्वनी द्वारे संवाद साधून दिला.

    चंद्रपुरात वस्तीगृह सुरू करावे याबाबत तात्काळ काम सुरू करण्यात येतील असे सावे यांनी आश्वाशीत केले.

    मात्र आंदोलकांनी सरळ सांगितले की मुख्यमंत्री एकनाथ शिंदे-उपमुख्यमंत्री व प्रशासकीय अधिकारी यांच्याशी ओबीसी नेत्यांसोबत बैठक लावून आमच्या मागणीवर चर्चा करावी, चर्चेतून काही निष्पन्न झाले तर ठीक अन्यथा आम्ही आंदोलन मागे घेणार नाही.

     

    जरांगे पाटील यांच्या आंदोलनाला अर्धे मंत्रिमंडळ गेले, उपोषण सोडविण्याआधी त्यांना सरकारने काय आश्वासन दिले हे अजूनही बाहेर आले नाही, मात्र आमच्या आंदोलनाकडे सरकारने पाठ फिरवली असे चित्र सध्या दिसत आहे, आमच्या मागणीवर सकारात्मक चर्चा करीत ओबीसी शिष्टमंडळाला शासनाने आश्वाशीत करावे अन्यथा आमचे आंदोलन सुरू राहणार असे राष्ट्रीय ओबीसी महासंघाचे महासचिव सचिन राजूरकर यांनी सांगितले.

  • शरद पवार व अजित पवार यांच्या वादात चंद्रपुरातील या नेत्याने घेतला हा निर्णय

    News34 chandrapur

    चंद्रपूर : राष्ट्रवादी काँग्रेस पक्षाचे चे उपाध्यक्ष त्रीलोचनसिंग अरोरा (शंकर सरदार) यांनी आज आम आदमी पार्टीत प्रवेश केला. शरद पवार आणि अजित पवार यांच्यातील वादाला कंटाळून त्यांनी हा निर्णय घेतला.

     

    आम आदमी पार्टीचे राज्य संगठन सचिव भूषणजी ढाकुलकर, जिल्हाध्यक्ष मयूर राईकवार यांच्या उपस्थितीत सरदार यांनी आम आदमी पार्टीत प्रवेश केला. यावेळी ढाकुलकर यांनी सरदार यांच्या पक्ष प्रवेशाचे स्वागत केले.

     

    सरदार यांनी पक्ष प्रवेशानंतर सांगितले की, राष्ट्रवादी काँग्रेस पक्षात राहून त्यांना आता पुढे जाणे शक्य नव्हते. आम आदमी पार्टीची विचारसरणी त्यांना आवडते आणि त्यांना पक्षाच्या माध्यमातून लोकांसाठी काम करण्याची संधी मिळेल अशी त्यांना आशा आहे.त्रीलोचनसिंग अरोरा (शंकर सरदार) यांचे पक्ष प्रवेशामुळे जिल्हातील राजकीय समीकरणात बदल होण्याची शक्यता आहे.

     

    राष्ट्रवादी काँग्रेस पक्षाचे चे उपाध्यक्ष त्रीलोचनसिंग अरोरा (शंकर सरदार) यांनी आम आदमी पार्टीचे प्रदेश संघटन सचिव भूषणजी ढाकूलकर तथा जिल्हाध्यक्ष मयूर राईकवार यांच्या उपस्थितीत सरदार यांनी आम आदमी पार्टीचे सदस्यत्व स्वीकारले.

     

    सरदार यांनी आपल्या प्रवेशाच्या भाषणात सांगितले की, ते शरद पवार-अजित पवार यांच्यातील वादाला कंटाळून राष्ट्रवादी काँग्रेस पक्ष सोडत आहेत. त्यांनी सांगितले की, आम आदमी पार्टी एक नवीन आणि आशादायी पर्याय आहे.

    सरदार यांच्या प्रवेशाने आम आदमी पार्टीला मोठा दिलासा मिळाला आहे.

     

    सरदार हे जिल्ह्यातील एक प्रभावी नेते आहेत. त्यांच्या प्रवेशामुळे आम आदमी पार्टीला जिल्ह्यात यश मिळण्याची शक्यता आहे. त्रीलोचनसिंग अरोरा (शंकर सरदार) यांच्या पक्षप्रवेशा वेळेस महानगर अध्यक्ष योगेश गोखरे जिल्हा सचिव संतोष दोरखंडे जिल्हा शेतकरी आघाडी जिल्हाध्यक्ष दीपक बेरशेट्टीवार, महानगर सचिव राजू कुडे, महानगर उपाध्यक्ष सुनील सदभैय्या, महानगर सह संघटन मंत्री सिकंद सागोरे, महानगर युवा अध्यक्ष संतोष बोपचे, महानगर सहसचिव सुधीर पाटील, तब्बसूम शेख, पवन कुमार, जितेंद्र कुमार भाटिया व इतर पदाधिकारी व कार्यकर्ते उपस्थित होते.

  • Video Game : चंद्रपुर शहरात व्हिडीओ गेमच्या नावाने जुगार?

    Video game चंद्रपूर – तीन पत्ती जुगारानंतर आता व्हिडीओ गेम पार्लर चा नवा जुगार जिल्ह्यात सुरू झाला आहे, पण हा जुगार शासनाची नजर चुकवून होत आहे.

     

    अनेक वर्षांपूर्वी चंद्रपूर जिल्ह्यातील व्हिडीओ गेम पार्लर चे परवाने नूतनीकरण करण्यात आले नव्हते, त्यांनतर व्हिडीओ गेम पार्लर चालक न्यायालयात गेले, काही वर्षांनी हा मुद्दा राज्यातील गृह मंत्रालयात गेले त्यानंतर पार्लर संचालकांच्या बाजूने निर्णय लागला, परवाने नूतनीकरण करण्यात आले.

     

    सध्या चंद्रपूर व बल्लारपूर शहरात तब्बल 25 व्हिडीओ गेम पार्लर सुरू आहे, पण यावर नियंत्रण करण्याचे काम हे पोलिसांकडे आहे.

     

    व्हिडीओ गेम पार्लर अधिकृत आहे काय?

    अनेक नागरिक या गेम पार्लरवर पैसे हरल्यावर म्हणतात की मशीन मध्ये सेटिंग आहे, मात्र यामागे काय गुपित आहे हे याबाबत सविस्तर माहिती तुम्हाला मिळणार आहे.

    Video game याबाबत संबंधित अधिकाऱ्यांशी बोलणे केले असता त्यांनी सांगितले की काही वर्षांपूर्वी चंद्रपुरातील व्हिडीओ पार्लर च्या परवाना बाबत अडचणी पुढे आल्या होत्या मात्र त्यानंतर सदर प्रकरण गृह मंत्रालयात गेले, व निकाल व्हिडीओ पार्लर संचालकांच्या बाजूने लागला.

    सध्या बल्लारपूर व चंद्रपुरात 25 व्हिडीओ गेम पार्लर चे परवाने नूतनीकरण करण्यात आलेले आहे, परवान्यात कमीतकमी 10 मशीन ची परवानगी मिळते, यावर पाहिजे असेल तर तसा अर्ज करावा लागतो.

    Video game परवाना साठी अर्ज आला की त्याबाबत सर्व कागदपत्रांची पडताळणी करीत परवाना दिला जातो, परवान्यात नमूद असलेल्या मशीन पैकी आगाऊ मशीन पार्लर संचालकांने लावल्या तर त्यावर कारवाई करण्याचा अधिकार प्रशासनाला आहे.

    व्हिडीओ गेम पार्लर च्या मशीन मध्ये गडबड असते का?

    अनेक नागरिकांची ही तक्रार आहे, मशीन मध्ये सेट करून खेळणारा पैसे हरतो पण जिंकत नाही, याबाबत सत्य फक्त त्या मशीनची तंत्रज्ञान विशेषज्ञ सांगू शकतो.

    सध्या हा सुद्धा जुगाराचा प्रकार बनला आहे, चंद्रपुरातील अनेक युवक या जुगाराला बळी पडत आहे, शहरात अनेक राजकीय पुढाऱ्यांनी व्हिडीओ गेम पार्लर सुरू केले आहे, चंद्रपूर पोलिसांनी जर त्यांचा परवाना व मशीन मध्ये केलेली गडबडी शोधून काढली तर पार्लर घोटाळा बाहेर पडणार, मात्र यावर अजूनही पोलीस विभाग मार्फत ठोस कारवाई झाली नाही.

    काही दिवसांपूर्वी कोल्हापूर पोलिसांनी परवान्यात असलेल्या मशीन ची मंजुरी व पार्लर मध्ये असलेल्या मशीन ची पडताळणी केली असता आगाऊ मशीन पोलिसांना त्याठिकाणी दिसल्या पोलिसांनी तात्काळ आगाऊ मशिन जप्त करीत कारवाई केली.

    चंद्रपूर शहर पोलिसांच्या हद्दीत असलेल्या व्हिडीओ गेम पार्लर च्या बाबतीत पोलीस प्रशासनाने धडक मोहीम राबवली तर मशीनमध्ये काय गडबड केल्या गेली आहे हे पुढे येईलचं.

    आधी पैसे देत आपल्याला कॉइन दिल्या जात आहे, ते कॉइन टाकून खेळणारा पैसे हरत आहे, पार्लर च्या मशिनी सध्या पॉकेटमार सारखी काम करीत आहे, यावर पोलीस प्रशासनाने कारवाई करावी अशी अनेक नागरिकांची मागणी आहे.

    नियम काय सांगतात?

    दोन दुकानांमध्ये 75 मीटर अंतर असावे, परवानगी च्या अधीन राहून व्हिडीओ गेम मशीन लावाव्या लागतात, प्रत्येक दुकानात सीसीटीव्ही कॅमेरे अनिवार्य आहे. पोकर मशीन लावण्यास सक्त मनाई आहे.

    दर महिन्याला याबाबत संबंधित अधिकारी व पोलीस प्रशासनातील अधिकाऱ्यांना चौकशी करावी लागते. मात्र चंद्रपुरात तसे काही होताना दिसत नाही, नियमांना डावलून दुकाने सुरू आहे, यावर जिल्हा व पोलीस प्रशासनाने ठोस कारवाई करायला हवी.

  • चंद्रपुरात आम आदमी पक्षाला खिंडार

    News34 chandrapur

    चंद्रपूर – स्थानिक स्वराज्य संस्थेच्या निवडणुका आजही निवडणूक आयोगाने घोषित केल्या नसल्या तरी पुढची निवडणूक सर्व पक्षांना महत्वाची असल्याने सध्या पक्षबांधणीचे काम विविध पक्षांनी सुरू केले आहे.

    चंद्रपुरात आम आदमी पक्षाने अनेक ठिकाणी कार्यकर्ते जमविले असून आधीचा पक्ष व आताचा आम आदमी पक्ष यामध्ये मोठा फरक जाणवतो, मात्र आता आम आदमी पक्षाला सुद्धा चंद्रपुरात मोठं खिंडार पडलं आहे.

     

    चंद्रपूर आम आदमी महिला अध्यक्ष ऍड. सुनीता पाटील यांनी कार्यकर्त्यांसाहित कांग्रेस पक्षात प्रवेश केला.

    आप पक्षात महिलांच्या संघटन उभारणी मध्ये सुनीता पाटील यांचा मोठा वाटा होता.

     

    रविवारी विश्रामगृह चंद्रपूर येथे राज्याचे विरोधी पक्षनेते विजय वडेट्टीवार यांच्या प्रमुख उपस्थितीत सुनीता पाटील यांनी कांग्रेस पक्षात जाहीर प्रवेश घेतला.

     

    यावेळी आप च्या महिला उपाध्यक्ष जासमिन शेख, रूपा काटकर, मीना पोटफोडे, महिला सचिव वंदना कुंदावार, सहसचिव सुभद्रा मुन, शबनम शेख, स्वाती डोंगरे, सुहास रामटेके, स्नेहा महाकश्यप, पुष्पा बुधवारे, संतोषी यादव, भीमराव मेंढे, अभिजित संगेवार, सुशील वाहुले, लक्ष्मण पाटील, मुकेश पांडे, रज्जू भैया, अकीब शेख, अमजद खान, नंदकिशोर स्वान, प्रशांत रामटेके, कविता टिपले आदि कार्यकर्त्यांनी प्रवेश केला.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by