My Blog

Blog

  • चंद्रपुर जिल्ह्यातील व्हिडीओ गेम पार्लरच्या परवान्याची तपासणी होणार

    News34 impact

    चंद्रपूर – जिल्ह्यात सुरू असलेले नियमबाह्य व्हिडीओ गेम पार्लर विरोधात प्रशासनाने कठोर कारवाई करण्याचे संकेत दिले आहे.

     

    News34 च्या वृत्तानंतर पोलीस प्रशासनाने कारवाईचा धडाका सुरू केला, स्थानिक गुन्हे शाखा व रामनगर पोलिसांनी पोलीस अधीक्षकांच्या आदेशानंतर व्हिडीओ गेम पार्लरवर कारवाईचे धाडसत्र सुरू केले, पार्लर संचालक यांच्या परवान्यात अनेक त्रुट्या आढळल्याने पोलिसांनी मशीन जप्त केल्या.

     

    आता जिल्हाधिकारी विनय गौडा यांनी सुद्धा प्रशासनाला जिल्ह्यात सुरू असलेल्या व्हिडीओ गेम पार्लर चे परवाने तपासण्याचे आदेश पोलीस व तहसीलदार यांना दिले आहे, यासाठी त्यांनी पथक तयार केले असून 15 ऑक्टोबर च्या आता तपासणीचा संपूर्ण अहवाल प्रशासनाला सादर करण्याचे निर्देश जिल्हाधिकारी गौडा यांनी दिले आहे.

     

    हे असतील तपासणी पथकातील प्रमुख सदस्य

    पोलीस स्टेशन रामनगर हद्द – तहसीलदार व पोलीस निरीक्षक

    शहर पोलीस स्टेशन, दुर्गापूर, पडोली, बल्लारपूर व इतर तालुक्यात पोलीस निरीक्षक/सहायक पोलिस निरीक्षक व तहसीलदार हे या समितीचे प्रमुख सदस्य असतील.

    पथकाचे काम काय?

    व्हिडीओ गेम पार्लर च्या परवान्याच्या जागेत बदल झाला काय?

    परवण्यातील नमूद वेळ पाळतात काय?

    परवान्यात दर्शविलेल्या संख्ये इतकी मशीन पार्लर वर लावण्यात आली की अतिरिक्त मशीन लावण्यात आले?

    पार्लर मध्ये इतर काही अवैध व्यवसाय चालतात काय?

    परवान्याच्या अटी-शर्तीचे भंग होत आहे काय?

    हे सर्व रीतसर तपासून पथकातील सदस्यांनी मुद्देनिहाय तपासणी करीत संयुक्तरित्या अहवाल 15 ऑक्टोबर च्या आत जिल्हाधिकारी यांना सादर करावा असे लिखित आदेश जिल्हाधिकारी यांनी जारी केले आहे.

     

    विशेष म्हणजे मागील अनेक वर्षांपासून सदर व्हिडीओ गेम पार्लर सुरू आहे, पार्लर चालक हे राजकीय पक्षाशी जुळून असल्याने त्यांनी अनेक नियमबाह्य कामे करीत कोट्यवधी रुपयांची माया गोळा केली आहे.

    News34 च्या बातमीनंतर आता या नियमबाह्य कामाला काही प्रमाणात चाप बसणार हे निश्चित झाले आहे.

  • अवैध दारू व जुगार बंद करा

    News34 chandrapur

    (प्रशांत गेडाम)
    सिंदेवाही- पोलीस स्टेशन सिंदेवाही हद्दीत येत असलेल्या पेंढरी (कोको.) ग्रामपंचायत अंतर्गत पेंढरी, कोकेवाडा, मुरपार या तिन्ही गावात अवैध दारूविक्रीच्या अवैध धंद्याला ऊत आला असून गावातील महिला एकत्र येऊन महिला दारू बंदी समिती गठीत करण्यात आली. अवैध धंद्यावर आढा घालण्यासाठी तिन्ही गावातील महीला दारु, सट्टा, जुगार बंदीसाठी कंबर कसली आहे.

    दारुबंदीचे समितीचे अध्यक्ष व सचिव यांची निवड केल्या नंतर त्यांनी आपला मोर्चा पेंढरी तंटामुक्ती समिती व ग्रामपंचायत कडे वढवला. ग्रामपंचायत पदाधिकारी व तंटामुक्ती समितीचे अध्यक्ष यांना दारू, सट्टा, जुगार बंद करण्यासाठी महिलांना सहकार्य करावे लागेल असा आग्रह केला. तिन्ही गावातील महिलांचा आग्रह बघून सहकार्य करण्याचे आश्वासन दिले व एकोप्याने गाव दारू, सट्टा, जुगार मुक्त करण्याचे ठरविण्यात आले. महिलांनी गावात फेरी काढून अवैध गोरखधंदा बंदीवर ची जनजागृती केली.

     

    यावेळी पेंढरी (कोको.) गावचे सरपंच तारा अरविंद राऊत, उपसरपंच निशांत चंद्रकांत शिंदे, तंटामुक्ती समितीचे अध्यक्ष देवाजी गुरनुले, राजेंद्र भैसारे यांचा सहभाग होता.

  • युवक कांग्रेस अध्यक्षाने प्रशासनाला दिला आमरण उपोषणाचा इशारा

    News34 chandrapur गुरू गुरनुले

    मुल – जी.आर. क्रिष्णा येथील ठेकेदार (व्हिनस सर्व्हिसेस) हे नेहमीच काम करणाऱ्या आपरेटर व ड्रायव्हर यांना धमकी देत असून त्यांना मानसिक व आर्थिक त्रास देत असल्याने सर्व 20 से 22 ऑपरेटर व्हिनस सर्व्हिसेस यांचेवर उपासमारीची पाळी आली असून त्यांच्या त्रासापाई वैतागले आहेत.

     

    करीता त्यांचेवर त्वरित कारवाई करावी अन्यथा आमरण उपोषण करण्याचा इशारा भारतीय राष्ट्रीय काँग्रेसचे युवक शहर अध्यक्ष व्यंकटेश पुल्लकवार यांनी एका लेखी निवेदनाद्वारे तहसीलदार मुल यांचेकडे दिला आहे.

    कंपनीच्या काम करीत असताना वाहनांना काही वेळ आराम असताना त्याच वेळेस ऑपरेटर आराम करताना अशाच वेळी ठेकेदाराने त्यांचे फोटो काढून कंपनीच्या वरिष्ठ एच आर साहेबांना पाठउन ड्युटीमद्ये गैरहजरी लावतात कंपनीमध्ये राब – राब राबवून जरा तरी जगायचे कसे हा सर्व ऑपरेटर व ड्रायव्हर बांधवांना प्रश्न निर्माण झाला आहे.

     

    ते असे वागतात कि तुम्हाला आम्ही कंपनीमधुन काढुन टाकू असे एक ते दोन वेळा नसून वारंवार करतात आणि आम्हाला पक्या शिव्या देतात आम्हाला काही झाल्यास याला जबाबदार कोण असा प्रश्न उपस्थित केल्या जात आहे.

    याकरिता आपणास विनंती आहे की जी आर क्रिष्णा येथील ठेकेदार ( विनस सर्विसेस ) याध्यावर योग्य ती कारवाई करावी व ही समस्या दूर न झाल्यास आमरण उपोषणास करण्यात येईल व या मागणीसाठी आत्मदहन करण्याची परवानगी देण्यात यावी. असा इशारा भारतीय राष्ट्रीय युवक काँग्रेसचे शहर अध्यक्ष व्यंकटेश पुल्लकवार यांनी दिला आहे.

  • बाबूपेठ परिसरात मृतदेह मिळाल्याने खळबळ

    News34 chandrapur

    चंद्रपूर – शहरातील नार्मल स्कुल वॉर्ड बाबूपेठ परिसरात 18 सप्टेंबरला डीएड कॉलेजवळ राहणारे सुनील मिश्रा यांना परिसरात घाण वास येत असल्याने त्यांनी त्यादिशेने जाऊन बघितले असता घराजवळ त्यांना अज्ञात व्यक्तीचा मृतदेह आढळला.

    त्यांनी तात्काळ शहर पोलिसांना याबाबत सूचना दिली, त्यानंतर पोलीस उपनिरीक्षक विजय मुक्के हे बाबूपेठ भागात पोहचले, मिश्रा यांच्या घरापासून तब्बल 15 फूट अंतरावर खुल्या जागेतील खड्ड्यात झाडाच्या खाली अनोळखी इसमाचा मृतदेह आढळून आला.

    सदर अनोळखी इसमाचे प्रेत हे सडलेल्या अवस्थेत होते, पोलिसांनी अकस्मात मृत्यूची नोंद करीत पुढील तपास सुरू केला.

    मृतक इसमाचे वर्णन

    मृतकाचे वय अंदाजे 45 वर्ष ,बांधा मजबूत उंची 5 फूट 4 इंच अंगात गुलाबी रंगाचा फुलशर्ट, काळ्या रंगाचा ,फुल पॅन्ट, लाल व काळया रंगाच्या पट्ट्याचा टी-शर्ट ज्यावर खिसा असलेला, काळया रंगाची अंडरवियर ज्यावर Lux Cozi कंपनी असे घातलेला मिळून आला.

    तरी सदर मृतकाची ओळख असल्यास व त्याचे बाबत काहीही माहिती असल्यास पोलीस स्टेशन चंद्रपूर शहर येथे ठाणेदार एस. आर. राजपूत मोबाईल 8087031261 तसेच psi विजय मुके मोबाईल क्रमांक 9923401065 यांना कळवावे असे आवाहन करण्यात आले आहे.

     

  • चंद्रपुरात शासन निर्णयाची होळी

    News34 chandrapur

    चंद्रपूर – मराठा समाजाला सरसकट ओबीसी मध्ये समाविष्ट करू नये या प्रमुख मागणीकरीता सोमवारपासून चंद्रपुरात जिल्हाधिकारी कार्यालयासमोर अन्नत्याग आंदोलन सुरू करण्यात आले. राष्ट्रीय ओबीसी विद्यार्थी महासंघाचे जिल्हाध्यक्ष रवींद्र टोंगे हे 11सप्टेंबर पासून आंदोलनाला बसले आहेत.

     

    राज्यात सुरू असलेल्या मराठा आरक्षणाच्या आंदोलनाची ठिणगी चंद्रपुरात पहायला मिळाली. मराठा समाजाच्या जालन्यात सुरू असलेल्या जरांगे पाटील यांच्या, मराठा समाजाला सरसकट कुणबी समाजात सामील करावे या मागणी विरोधात हे आंदोलन सुरू करण्यात आले आहे.

     

    मराठा समाजाच्या मागणीचा चंद्रपुरात राष्ट्रीय ओबीसी महासंघाने तीव्र विरोध केला आहे. ओबीसी (विजा, भज आणि विमाप्र, इत्यादी) समाजात तब्बल 423 च्या वर जाती आहे. त्यामध्ये आता मराठा समाज समाविष्ठ झाले तर आपल्याला समाजाला न्याय मिळणार नाही, मराठा समाज आर्थिक दृष्ट्या सक्षम आहे. आतापर्यंत मराठा समाजाने मोठमोठे मोर्चे काढून मागणी रेटून धरली आहे. मात्र आपल्याला एकत्रित येऊन लढा देण्याची वेळ आली आहे त्याकरिता राष्ट्रीय ओबीसी महासंघाचे महासचिव सचिन राजूरकर यांनी चंद्रपुरात पुढाकार घेत 17 सप्टेंबर ला हजारो ओबीसी बांधवांच्या महामोर्चातुन आक्रोश व्यक्त केला.

     

    त्याचा एक भाग म्हणून चंद्रपूरात आज गांधी चौक येथे कार्यालयासमोर राष्ट्रीय ओबीसी महिला महासंघाद्वारे गेल्या दहा दिवसापासून सूरू असलेल्या ओबीसी बंधू रवींद्र टोंगे यांच्या अन्नत्याग आंदोलनाच्या समर्थनार्थ महाराष्ट्र सरकारने मराठा समाजाचे ओबीसीकरन करण्याकरिता काढलेल्या शासना निर्णय क्रमांक मआसु 2023/प्र. क्र.03/16-क जिआर ची महाराष्ट्र शासन निर्णयाची होळी करून मनीषा बोबडे, गोमती पाचभाई, कुसुमताई उदार,मीनाक्षी गुजरकर, सरिता लोंढे, सुनीता काळे, प्रभा साळवे,सविता वैरागडे, ममता क्षीरसागर, सुलभा जक्कुलवार, रीना येरणे, कविता वैरागडे, सरला झाडे,रीना त्रिवेदी, रूपा जुमडे,सरोजिनी वैद्य,मनीषा यामावार,कल्पना यामावार,किरण पावसकर,माया चौधरी, रजनी गोखले,चंदाबाई सोरते,, स्नेहल चौधडे यांनी तीव्र निषेध व्यक्त केला.

     

    रवींद्र टोंगे यांच्या समर्थनार्थ युवकांचे सामूहिक मुंडण

    उपोषणकर्ते रवींद्र टोंगे यांच्या उपोषण स्थळी उद्या दिनांक 21 सप्टेंबर 2023 ला दुपारी 12वाजता ओबीसी समाजातील युवक राज्य सरकारच्या निषेधार्थ मुंडन करणार आहेत.

  • चंद्रपूर जिल्ह्यात वीज कोसळून महिलेचा मृत्यू

    News34 chandrapur

    प्रशांत गेडाम

    सिंदेवाही – सिंदेवाही तालुक्यातील वासेरा जवळील मौजा सिरकाडा येथील काही महिला प्रदीप यादव बोरकर रा. सिरकाडा यांच्या शेतात निंदन काढण्यासाठी गेले. मात्र निसर्गात अचानक बदल होऊन वीज कडकडाटा सहित पावसाने रौद्र रूप धारण केल्याने महिला घराकडे जाण्यासाठी निघाली असता वीज पडून 64 वर्षीय सौ. महानंदा मोतीराम अलोणे रा. सिरकाडा या जागीच ठार झाल्या.

     

    तर सौ. रोषणा प्रफुल गेडाम (जख्मी ) रा. सिरकाडा वय अंदाजे 35 वर्ष या गंभीर जख्मी झाल्याने त्यांना तात्काळ ग्रामीण रुग्णालय सिंदेवाही येथे हलवले असून त्यांची प्रकृती गंभीर असल्याचे समजते.

     

    20 सप्टेंबर बुधवारी दुपारी 1 वाजता शेतात निंदन झाल्यावर महिला घराकडे निघाल्या असत्या अचानक विजेचा गडगडाट होऊन पाऊस सुरू झाला, अचानक महानंदा यांच्यावर वीज कोसळली.

     

    घटनेची माहिती मिळताच पोलीस व महसूल प्रशासनातील अधिकारी घटनास्थळी पोहचत पंचनामा केला.

  • रामनगर पोलिसांची व्हिडीओ गेम पार्लरवर मोठी कारवाई

    News34 Impact

    चंद्रपूर – चंद्रपूर जिल्ह्यात सुरू असलेल्या नियमबाह्य व्हिडीओ गेम पार्लर बाबत News34 ने वृत्त प्रकाशित केल्यावर पोलीस व जिल्हा प्रशासनाने बातमीची दखल घेतली व व्हिडीओ गेम पार्लरवर कारवाईचा धडाका सुरू केला आहे.

     

    स्थानिक गुन्हे शाखेने पडोली येथील रॉबिन व्हिडीओ गेम पार्लरवर कारवाई केल्यानंतर रामनगर पोलिसांनी सुद्धा मोठी कारवाई करीत या प्रकरणी दोघांना अटक केली आहे.

     

    पेट्रोलिंग करीत असताना रामनगर पोलिसांना सराय मार्केट येथील मनपाच्या गाळ्यात सुरू असलेले राजविर व्हिडीओ गेम पार्लरवर जाऊन चौकशी केली असता त्या पार्लर च्या परवान्यात अनेक त्रुट्या आढळल्या, परवाना व्यतिरिक्त राजविर व्हिडीओ गेम पार्लरमध्ये अतिरिक्त 4 मशीन आढळल्या, पोलिसांनी त्या 4 अतिरिक्त मशीन जप्त केल्या.

     

    रामनगर पोलिसांनी दुकान चालक व कांग्रेस पक्षाचे असंघटित कामगार सेल चे शहराध्यक्ष विनोद संकत व दुकानात काम करणारे राहुल झाडे यांना अटक करण्यात आली.

    कारवाई झाली आता पुढे काय?

    चंद्रपूर शहर सहित जिल्ह्यात पोलीस विभागाच्या या मोहिमेमुळे नियमबाह्य व्हिडीओ गेम पार्लर चालकाचे धाबे दणाणून गेले आहे.

    याबाबत पोलीस अधीक्षक परदेशी यांच्याशी संपर्क साधला असता त्यांनी सांगितले की जिल्ह्यात सुरू असलेली ही मोहीमेत नियमबाह्य पार्लर धारकांच्या कागदपत्रे व परवान्याची पडताळणी केल्यावर त्याचा अहवाल जिल्हाधिकारी कार्यालयात पाठविण्यात येणार असून परवाना बाबत पुढील कारवाई आता जिल्हाधिकारी महोदय करतील.

     

    जुगार कायदा अंतर्गत गुन्हे दाखल करीत विनोद संकत व राहुल झाडे यांना जामिनावर सोडण्यात आले, सदरची कारवाई पोलीस अधीक्षक रवींद्र परदेशी, अप्पर पोलीस अधीक्षक रिना जनबंधु, पोलीस उपविभागीय अधिकारी सुधीर नंदनवार यांच्या मार्गदर्शनाखाली पोलीस निरीक्षक राजेश मुळे व रामनगर गुन्हे शोध पथकाचे सपोनि हर्षल एकरे यांच्या नेतृत्वाखाली करण्यात आली.

     

  • भाग 2 चंद्रपुरातील या भागात सुरू आहे विना परवाना अवैध बार

    News34 chandrapur भाग 2

    चंद्रपूर – दुर्गापुरात चालतो अवैध सट्टा या पहिल्या सत्रानंतर आता आपण या बातमीत बघणार आहो की दुर्गापुरात कसे खुलेआम विना परवाना अवैध बार सुरू आहे.

     

    विशेष म्हणजे या बार मध्ये कमी किमतीत आपल्याला दारू प्यायला मिळते, महत्वाची बाब म्हणजे दुर्गापुरात 1 नाही तर 2 विना परवाना अवैध बार सुरू आहे. चंद्रपूर जिल्ह्यात 1 कोटी 11 लाखांचा प्रतिबंधित पान मसाला जप्त

     

    मागील अनेक वर्षांपासून हा अवैध दारूचा गोरखधंदा नित्याने सुरू आहे, चंद्रपूर जिल्हा हा औद्योगिक जिल्हा म्हणून ओळखल्या जातो, कामगार वर्गाची संख्या याठिकाणी असंख्य आहे.

     

    त्याचा फायदा घेत काही 2 नंबरी चालकांनी थेट दुर्गापूर पोलीस ठाण्याच्या अवघ्या 500 मीटर अंतरावर हे विना परवाना अवैध बार सुरू आहे, पोलिसांना हे माहिती नसेल असे मुळीच नाही.

     

    या विना परवाना बार मध्ये आपल्याला हॉटेल सारखी व्यवस्था केली जाते, विशेष करून चकना सुद्धा मोफत मिळतो.

     

    पण हे सगळं अवैध व छुप्या पद्धतिने सुरू आहे, विना परवाना अवैध बार धारक काही अंतरावर दारूच्या बॉटल्स लपवून ठेवतात, उर्जानगर येथील कोयना गेट च्या बाजूला तर शक्तीनगर गेट च्या आधी हे दारूचे दुकान थाटण्यात आले आहे.

     

    दुर्गापुरात अनेक ठिकाणी असंख्य घरी दारू मिळते, याबाबत दुर्गापूर पोलीस व उत्पादन शुल्क विभागाला पुरेपूर माहिती असून सुद्धा यावर कारवाई करण्यास हे दोन्ही विभाग टाळाटाळ करतात.

     

    या अवैध बार मुळे शासनाचा महसूल तर बुडतंच आहे सोबत परवाना धारक बार धारकांकडे आता या कमी किमतीच्या दारूमुळे आता व्यसनाधीन नागरिकांनी पाठ फिरविणे सुरू केले आहे.

     

    नकली दारूमुळे असंख्य नागरिकांचा जीव जातो मात्र तश्या घटनेचा उद्रेक जेव्हा होणार त्यावेळी उत्पादन शुल्क विभाग व दुर्गापूर पोलीस नक्की जागे होतील हे निश्चित….क्रमशः… पुढील भागात नक्की भेटूया…नव्या माहितीसह

  • चंद्रपुरात सुरू असलेल्या ओबीसी आंदोलनाला गणेश मंडळाने दिले समर्थन

    News34 chandrapur

    चंद्रपूर – विविध मागण्यांसाठी आमरण उपोषणाला बसलेल्या राष्ट्रीय ओबीसी विद्यार्थी महासंघाचे जिल्हाध्यक्ष रवींद्र टोंगे यांच्या आंदोलनाचा आज नववा दिवस आहे. Obc vs Maratha

     

    19 सप्टेंबर पासून गणरायाच्या आगमनाला सुरुवात झाली असून वेंडली येथील न्यु यंग बाल गणेश मंडळाने सरकारला सदबुद्धि देण्याची मागणी करीत टोंगे यांच्या आंदोलनाला समर्थन दिले आहे.

     

    मराठा समाजाला ओबीसी प्रवर्गातून आरक्षण न द्यावे, स्वाधार योजना व प्रत्येक जिल्ह्यात ओबीसी विद्यार्थ्यांसाठी वस्तीगृह सुरू करावे अश्या विविध मागण्यांसाठी रवींद्र टोंगे 11 सप्टेंबर पासून चंद्रपूर जिल्हाधिकारी कार्यालयासमोर आमरण उपोषणाला बसले आहे.

     

    ओबीसी समाजाच्या मागण्या पूर्ण व्हाव्या यासाठी राज्यभरात ओबीसी समाजाचे आंदोलन सुरू आहे, मात्र अजूनही ओबीसी आंदोलनाची गंभीर दखल शासनाने न घेतल्याने आंदोलन आजही सुरूच आहे.

     

    चंद्रपुर तालुक्यातील वेंडली येथील गणेश मंडळाने अनोख्या पद्धतीने समर्थन दिल्याने सध्या या गणेश मंडळाची जिल्हाभरात चर्चा आहे.

    यावेळी गणेश मंडळाचे नंदू टोंगे, रणजित पिंपलशेंडे, राजू टोंगे, अमित टोंगे, प्रकाश चालूलकर, गजानन देवाळकर, अनुज नैताम, पंचफुला झाडे, रेखा गोरे, गिरीजा देवाळकर, मनाबाई देवाळकर आदींची उपस्थिती होती.

  • चंद्रपुरात व्हिडीओ गेम पार्लरवर कारवाई

    News34 chandrapur

    चंद्रपूर – चंद्रपुरात सुरू असलेल्या नियमबाह्य व्हिडीओ गेम पार्लर वर News34 च्या बातमी नंतर चंद्रपूर पोलिसांनी कारवाईचा धडाका सुरू केला आहे.

     

    चंद्रपूर शहरात मागील अनेक वर्षांपासून व्हिडीओ गेम पार्लर च्या नावाखाली जुगार सुरू असल्याची बातमी 18 सप्टेंबर ला News34 ने प्रकाशित केली होती.

    Local crime branch
    स्थानिक गुन्हे शाखा व पडोली पोलिसांची संयुक्त कारवाई

    बातमी प्रकाशित झाल्यावर पोलीस अधीक्षक रवींद्र परदेशी यांनी पोलीस दल व स्थानिक गुन्हे शाखेला याबाबत कारवाई करण्याचे निर्देश दिले होते.

     

    19 सप्टेंबरला स्थानिक गुन्हे शाखेचे पोलीस निरीक्षक महेश कोंडावार यांच्या नेतृत्वाखाली पडोली येथील हैदर कॉम्प्लेक्स येथे सुरू असलेले रॉबिन व्हिडीओ पार्लर च्या परवान्याची पडताळणी करण्यात आली असता त्या परवान्यात त्रुट्या आढळून आल्या असत्या स्थानिक गुन्हे शाखेने व्हिडीओ गेम पार्लर मधील एक मशीन जप्त केली आहे.

     

    परवान्यात असलेल्या त्रुट्या जोपर्यंत नियमात बसत नाही तो पर्यंत तात्पुरत्या स्वरूपात व्हिडीओ गेम पार्लर ला पोलीस प्रशासनाने सिल ठोकले असून याबाबतचा पुढील अहवाल जिल्हाधिकारी कार्यालयात पाठविण्यात येणार आहे.

     

    सदरची कारवाई स्थानिक गुन्हे शाखा पोलीस निरीक्षक महेश कोंडावार व पडोली पोलीस स्टेशनचे पोलीस निरीक्षक कदम यांनी संयुक्तपणे केली.

     

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by