Blog

net zero carbon emissions हवामान बदलावरील बैठकीत भारताने २०७० पर्यंत शून्य कार्बन उत्सर्जनाचे लक्ष्य गाठण्याचा संकल्प केला असुन यातील अंमलबजावणीच्या पहिल्या टप्यात महाराष्ट्रातील मुंबई,नवी मुंबई,पनवेल,ठाणे,अमरावती,नाशिक व चंद्रपूर शहराची निवड झाली आहे.

अवश्य वाचा : चंद्रपुरात वनविभागाच्या खड्ड्यात बुडून 15 वर्षीय मुलाचा मृत्यू

net zero carbon emissions  महाराष्ट्र हे देशातील तिसरे सर्वात शहरीकरण झालेले राज्य आहे, जिथे शहरांतील मानव निर्मित सोयी सुविधांमार्गे ऊर्जेची जास्त मागणी आहे ज्याचे कारण वातानुकुलीकरण, लाइटिंग आणि इतर उपकरणे हे आहेत. ऊर्जेच्या वापरामुळे हरितगृह वायू उत्सर्जनात इमारत क्षेत्राचा मोठा वाटा आहे. भारताचे हवामान उद्दिष्ट साध्य करण्यासाठी शून्य उत्सर्जनाचे लक्ष्य ठेवून उर्जेचा वापर कमी करणे आवश्यक आहे कारण कार्बन उत्सर्जन हे २०५० पर्यंत धोकादायक स्तरावर पोहचेल त्यामुळे आतापासूनच कार्य करणे गरजेचे आहे.

अवश्य वाचा : आता 10 वि पास होणार इंजिनिअर

सध्याच्या लोकसंख्येपैकी ३५ टक्के लोक शहरामध्ये राहतात. असा अंदाज आहे की, २०५० पर्यंत, भारताची शहरी लोकसंख्या दुप्पट झाली असेल येत्या पंधरा वर्षांत इमारत क्षेत्र हे देशातील सर्वात मोठे वीज वापरणारे क्षेत्र म्हणून उदयास येण्याची अपेक्षा आहे. रहिवासी आणि व्यावसायिक इमारतीचा वीज वापर ३१ टक्के आहे आणि तो दरवर्षी १०-१२ टक्क्यांनी वाढत आहे.भारताच्या शून्य कार्बन उत्सर्जन वचनबद्धतेचा विचार करताना शहरे महत्त्वाची भूमिका बजावणार आहेत.

net zero carbon emissions   यासंबधी चंद्रपूर शहरात उपाययोजना राबविण्यासाठी आढावा बैठक आयुक्त विपीन पालीवाल यांच्या अध्यक्षतेखाली आयोजीत करण्यात आली होती. यात कार्बन उत्सर्जन कमी करण्यास शहरातील पथदिवे बदलुन एलइडी लाइट्सचा वापर करणे, ऊर्जेचा वापर ५० टक्क्यांवर आणणे, सौर ऊर्जेसाठी रेंट अ रूफ धोरण राबविणे, बांधकामात इको फ्रेंडली विटांचा वापर करणे,खाजगी व शासकीय इमारतींवर सोलर पॅनेल बसविणे,विजेचा वापर कमी करून सौर ऊर्जेचा वापर वाढविणे, स्वयंपाकात लाकूड कोळसा या परंपरागत इंधनांचा वापर कमी करणे इत्यादी उपाययोजना राबविण्यासंबंधी चर्चा करण्यात आली.

Forest Department Chandrapur चंद्रपूर शहरातील लालपेठ भागात 15 वर्षीय मुलाचा वनविभागाच्या खड्ड्यात बुडून मृत्यू झाल्याची घटना 2 जून ला घडली. मृतक मुलाचे नाव 15 वर्षीय तनविर शेख रहमान असे असून तो मेजर गेट दुर्गापूर येथे राहणारा होता.

अवश्य वाचा : स्मार्ट वीज मीटर योजना काय आहे?

Forest Department Chandrapur आज दुपारी 1.30 वाजताच्या सुमारास मृतक तनविर शेख हा आपल्या मित्रांसोबत 16 वर्षीय आर्यन साईनाथ यलगमवार रा. दादमहल, 16 वर्षीय कृष्णा जितेंद्रकुमार साहू रा.भिवापूर व 20 वर्षीय सकलेन हमीद खान पठाण, भिवापूर हे चौघे आपल्या 2 दुचाकीने शासकीय अभियांत्रिकी महाविद्यालय समोरील लालपेठ जाणाऱ्या मार्गावरील असलेल्या बंकर जवळ गाडी धुण्यासाठी गेले.

त्यानंतर जवळ असलेल्या वनविभागाच्या खड्ड्यात तनविर पोहण्यासाठी गेला, तनविर सोबत आर्यन व कृष्णा हे दोघे त्या खड्ड्यात उतरले, मात्र सकलेन ने त्यांना खड्ड्यात जाऊ नका असे सांगितले होते.

मात्र तिघांनी सकलेन चे म्हणणे ऐकले नाही, काही वेळात आर्यन व कृष्णा दोघे परत आले मात्र तनविर बाहेर आला नसल्याने तिघांची घाबरगुंडी उडाली, त्यांनी मदतीसाठी अनेकांना बोलाविले.

अवश्य वाचा : चंद्रपूर लोकसभा एक्जिट पोल

Forest Department Chandrapur लालपेठ परिसरातील नागरिक काही वेळात त्याठिकाणी जमा झाले, पोलिसांना याबाबत सूचना देण्यात आली असता शहर पोलीस त्याठिकाणी दाखल झाले, तनविर चा शोध घेण्यासाठी पोलिसांच्या बचाव पथकाला पाचारण करण्यात आले, पथक प्रमुख अशोक गरगेलवार यांनी बोटीच्या साहाय्याने तनविर चा शोध केला, तब्बल 2 तासांनी पोलिसांच्या बचाव पथकाला यश मिळाले. तनविर चा मृतदेह बाहेर काढण्यात आला.

मृतदेह बाहेर काढल्यावर तनविर च्या कुटुंबाने टाहो फोडला, तनविर हा आपल्या आई-वडिलांचा एकुलता एक मुलगा होता.

Forest Department Chandrapur याबाबत वनपरिक्षेत्र अधिकारी घनश्याम नायगामकर यांच्याशी सम्पर्क साधला असता त्यांनी त्या खड्ड्याबाबत माहिती दिली की त्याठिकाणी गवत विकास केंद्र सुरू होणार होते मात्र काही दिवसांपूर्वी तो प्रकल्प रखडला, त्या प्रकल्पासाठी वनविभागाच्या जागेवर आम्ही काम केले, आता त्याच ठिकाणी भारत माता प्रकल्प सुरू होत आहे, ज्या खड्ड्यात तनविर चा मृत्यू झाला, त्यामध्ये वेकोलीच्या खाणी चे पाणी आम्ही खड्ड्यात सोडले.

जंगलाला तो भाग लागून असल्याने पाण्याच्या शोधात असलेले जनावरे त्याठिकाणी पाणी प्यायला यायचे, मात्र काही दिवसांपासून काही टवाळखोर वनविभागाच्या त्या खड्ड्याजवळ पोहण्यासाठी येत होते, आम्ही अनेकदा त्यांना हाकलून लावले, नंतर सुरक्षिततेसाठी आम्ही त्या परिसरात फेंसिंग लावली, मात्र 2 दिवसात फेंसिंग चोरीला गेली.

आता भारत माता हा प्रकल्प त्याठिकाणी सुरू होत आहे, खड्ड्यात साचलेलं पाणी आम्ही तिथे लावण्यात येणाऱ्या वृक्षांना देणार होतो.
सदर घडलेली घटना ही दुःखद आहे, त्या ठिकाणी बाहेरचे कुणी यायला नको यासाठी ठोस उपाययोजना काही दिवसात करण्यात येईल. अशी प्रतिक्रिया वनपरिक्षेत्र अधिकारी नायगामकर यांनी दिली.

Young chanda brigade सीबीएससी व महाराष्ट्र राज्य माध्यमिक व उच्च माध्यमिक शिक्षण मंडळ अंतर्गत इयत्ता १० वी आणि १२ वी चा  निकाल नुकताच जाहीर झाला असून यात प्राविण्य प्राप्त करणाऱ्या विद्यार्थ्यांचा यंग चांदा ब्रिगेडच्या वतीने 9 जुन २०२4 रोजी प्रियदर्शनी इंदिरा गांधी सांस्कृतिक सभागृह, चंद्रपूर येथे सायंकाळी 5 वाजता सत्कार कार्यक्रमाचे आयोजन आले आहे.

अवश्य वाचा : आता तुमचे वीज मीटर होणार स्मार्ट

सदर कार्यक्रमात आमदार किशोर जोरगेवार यांच्या हस्ते सर्व गुणवंत विद्यार्थ्यांचा सत्कार करण्यात येणार. या कार्यक्रमाचा विद्यार्थ्यांनी लाभ घ्यावा आवाहण यंग चांदा ब्रिगेडच्या शिक्षण विभागाच्या वतीने करण्यात आले आहे.

Young chanda brigade दरवर्षी प्रमाणे यावर्षी सुध्दा 10 वी आणि 12 वीच्या परिक्षेत यश संपादन करणा-या गुणवंत विद्यार्थ्यांचा सत्कार कार्यक्रमाचे आयोजन यंग चांदा ब्रिगेडच्या शिक्षण विभागाच्या वतीने करण्यात आले आहे. या सत्कार कार्यक्रमात 12 वी च्या परीक्षेत 75 टक्के च्या वर गुण प्राप्त करणाऱ्या आणि 10 वी च्या परिक्षेत 80 टक्के च्या वर गुण प्राप्त करणा-या विद्यार्थ्यांचा मान्यवरांच्या हस्ते सत्कार करण्यात येणार आहे. यावेळी आमदार किशोर जोरगेवार यांची प्रमुख उपस्थिती राहणार आहे.

महत्त्वाचे : चंद्रपुरात या मृतदेहाची ओळख पटेना

यासाठी सदर गुणवंत विद्यार्थ्यांना जैन भवन जवळील आमदार किशोर जोरगेवार यांच्या जनसंपर्क कार्यालयात दि. 8 जून २०२4 पर्यंत गुणपत्रिकेची प्रत जमा करावी किंव्हा  https://bit.ly/4bF3655 या संकेत स्थळावर नोंदणी करून घ्यावी असे आवाहण यंग चांदा ब्रिगेडच्या शिक्षण विभागाच्या वतीने करण्यात आले आहे.

Young chanda brigade सदर कार्यक्रमाला गुणवंत विद्यार्थी, पालक, शिक्षक वृंद, शाळा संस्थापक अध्यक्ष तसेच महानगरातील विविध क्षेत्रातील नागरिक व शिक्षण क्षेत्राशी निगडीत मान्यवर व नागरिकांनी बहुसंख्येने उपस्थित रहावे असे आवाहन यंग चांदा ब्रिगेडच्या वतीने करण्यात आले आहे.

Chandrapur city police चंद्रपूर शहरातील अंचलेश्वर गेट परिसरात 25 मे ला रात्री 9 वाजेदरम्यान एका अज्ञात इसमाचा मृतदेह पोलिसांना आढळून आला होता.

अवश्य वाचा : चंद्रपूर लोकसभा निवडणुकीत हा उमेदवार आघाडीवर, एक्जिट पोल आला समोर

मृतदेह ताब्यात घेत पोलिसांनी त्याची ओळख पटविणे सुरू केले मात्र त्याचा काही उपयोग झाला नाही.

6 दिवस लोटल्यावर सुद्धा त्या मृतदेहाची ओळख अजूनही पटलेली नाही.

Chandrapur city police मृतदेहाचे वर्णन – उंची 5 फूट, रंग – सावळा, अंगात गुलाबी कलरची टी-शर्ट त्यावर काळा पट्टा, दोरीने बांधलेला काळा पॅन्ट परिधान करून असलेला.

महत्त्वाचे : लोकसभा निवडणुकीच्या मतमोजणी साठी चंद्रपूर जिल्हा प्रशासन सज्ज

याबाबत शहर पोलीस स्टेशनच्या पोलीस निरीक्षक प्रभावती एकुरके यांच्या मार्गदर्शनाखाली सपोनि मंगेश मोहोड पुढील तपास करीत आहे.

सदर मृतदेहाबाबत कुणाला काही माहिती असल्यास शहर पोलीस स्टेशनमध्ये संपर्क साधण्याचे आवाहन करण्यात आले आहे.