Blog

Kharif pik e panchnama गुरू गुरनुले मूल – मुल तालुक्यात झालेल्या संतत अतिवृष्टीमुळे नगरातील व मुल तालुक्यातील घराची पडझड झालेल्या ९४० क्षतिग्रस्तांना शासनाच्या तात्काळ अर्थसहाय्य योजनेंतर्गत त्यांच्या वयक्तिक बँक खात्यात ४७ लाखाचे अर्थसहाय्य २६ जुलै २०२४ रोजी जमा करण्यासाठी पाठविण्यात असल्याचे मुलच्या तहसीलदार मृदुला मोरे मॅडम यांनी सांगितले. तसेच मुल तालुक्यातील हजारो हेक्टर क्षेत्रातील खरीप पिकांचे मोठ्या प्रमाणात नूकसान झाले होते. पीडित शेतकऱ्यांना नूकसान भरपाई मिळण्यासाठी ई पंचनामा करण्याचे निर्देश मूलचे तहसीलदार मृदुला मोरे मॅडम यांनी दिले आहेत.

तो नरभक्षक वाघ अडकला वनविभागाच्या जाळ्यात

Kharif pik e panchnama तालुक्यातील विविध भागांत मागील २१ ते २६ जुलै दरम्यान मोठ्या प्रमाणात अतिवृष्टी झाली होती. अतीवृष्टीने तालुक्यातील विविध गांवातील नदी,नाले व ओढ्यांसह शेतशीवारात मोठ्या प्रमाणात पावसाचे पाणी जमा झाले होते. तर काही भागात नाल्याला आलेले पुराचे पाणी शेतशिवरातील लागवड केलेल्या धान, कापूस, तूर खरीप पिकात मोठ्या प्रमाणात पाणी शिरल्याने हजारो हेक्टर खरीप धान पिके पाण्याखाली बुडाली होती. त्याचे ४-५ दिवसांपासून शेतात पिके पाण्यात बुडाल्याने पंचनामे करून शासनाकडून नूकसानभरपाईची मागणी सर्वस्तरातून जोर धरली होती.

गेल्या सहा दिवसांहून अधिक अवधीपर्यंत चौरस भागातील हजारो हेक्टर क्षेत्रातील खरीप पिके पाण्याखाली बुडालेली आहेत. शेतकऱ्यांकडून नुकसान भरपाईच्या सर्वेक्षणाची मागणी होत आहे. अनेक शेतकऱ्यांचे अपरिमीत नुकसान झाले असून यंदा धानाची फसल हातची जाणारच अशी मागणी शेतकऱ्यांकडून व्यक्त होत आहे.
मूल तालुक्यात सर्वाधिक ७६८ मिमी पावसाची नोंद झाली, तर पडलेला पाऊस (मिमी,२६ जुलैपर्यंत)
मूल तालुक्यातील चौरास भागात मोठ्या प्रमाणात कृषी वीज पंप सिंचन सुविधेअंतर्गत विविध पिकांची लागवड केली जाते, परंतु पूर्ण पिके पुराच्या पाण्याने बुडाले. शेतकऱ्यांचे अवजारे, पाईप,खते,साहित्य पूर्ण वाहून गेले.

मूल तालुक्यातील दाबगाव येथील मामा तलाव फुटल्याने ८० एकर शेतात रेती पसरली. शेतात २० फुटांचे खड्डे पडले. ५० शेतकऱ्यांना नुकसानीची झळ बसली. इंग्रज काळातील या तलाव परिसरात ८० एकर शेती येते. काहींनी रोवणी केली, तर काही तयारीत आहेत. तलावाची पाळ फुटल्याने मोठे नुकसान झाले.तलावात काहीच पणीच शिल्लक नाही. शेतात खड्डे व रेतीचा ढीग जमा झाला. शासनाने पंचनामे करून भरण्याची देण्याची मागणी दाबगावचे शेतकरी महादेव थेरकर यांनी केली. मूल तालुक्यात एक हजार ७५८ हेक्टर बाधित क्षेत्रातील पंचनामे पूर्ण झाले. अतृिष्टीने ३३२ घरे व ३५ गोठ्यांची पडझड झाली. १ हजार ४१५ घरांत पाणी घुसल्याने नुकसान झाले. १ हजार ७५८ हेक्टर क्षेत्राचे पंचनामे पूर्ण झाले. यामध्ये २ हजार ८९३ शेतकरी पात्र असून पूर्ण पंचनामे करण्याचे काम सुरूच असल्याचीही माहिती तहसीलदार मृदुला मोरे यांनी दिली.

Chandrapur district तळोधी बा :-ब्रह्मपुरी वन विभाग ब्रह्मपुरी अंतर्गत येणाऱ्या नागभीड व तळोधी या दोन्ही वनपरिक्षेत्रातील दोन लोकांना दोन दिवसांत मारणाऱ्या वाघाला जेरबंद करण्यात तळोदी विभागाला यश आले आहे.

Chandrapur district नागभीड वनपरिक्षेत्रातील दोडकू शेंदरे या इसमास व तळोधी बाळापूर वनपरिक्षेत्रातील देवपायली बिटातील जनाबाई बागडे या महिलेला ठार मारणाऱ्या वाघाला सापळा रचून पकडण्यात आले.
यावेळी याकरिता मुख्य वन संरक्षक रामगावकर यांनी परवानगी देत या वाघाला पकडण्याचे आदेश केले होते. त्यानंतर तळोधी वनपरिक्षेत्र अधिकारी अरुप कन्नमवार यांच्या मार्गदर्शनात घटनास्थळाच्या काही अंतरावरच या वाघाला बेशुद्ध करून पकडण्यात आले.

अवश्य वाचा : मुसळधार पाऊस आणि चंद्रपूर जिल्ह्यातील शाळा व महाविद्यालयांना सुट्टी

यावेळी डॉक्टर रमाकांत खोब्रागडे, शुटर अजय मराठे यांनी या वाघाला बेशुद्ध केले. यावेळी तळोदी बाळापुर वनपरिक्षेत्रातील संपूर्ण वनकर्मचारी, चिमूर येथील गस्तीपथक व स्वाब संस्थेचे बचाव पथकाचे यश कायरकर , जिवेश सयाम व इतर संपूर्ण सदस्य उपस्थित होते.
या वाघाला पकडण्याच्या कारवाईनंतर परिसरातील लोकांनी वनविभागाचे कौतुक करत सुटकेचा निःश्वास सोडला.

पाऊस सुरू झाल्याने शेतकरी आता पेरण्या करायला शेतात जाऊ लागले, याच दरम्यान वाघाला शिकार करणे सोपे होत व शेता नजीक दबा धरून वाघ शिकारीची वाट बघत असतो, शेत मजूर व शेतकरी अश्या वेळी या घटनेत बळी पडतात, ताडोबा अभयारण्य व बाहेरील भागात वाघांची संख्या जास्त असल्याने एक वाघ जरी वनविभागाच्या जाळ्यात अडकला तर दुसरा वाघ त्या क्षेत्रात येऊ शकतो याकरिता नागरिकांनी खबरदारी बाळगायला हवी.

Pik vima status विदर्भातील शेतकरी हा कधी आसमानी संकटांचा तर कधी सुलतानी संकटांचा सामना करीत आहे. सतत सुरू असलेली अतिवृष्टी व पिक विमा संबंधी कृषी विभाग व प्रशासनाची अनास्था हे बघून आसमानी आणि सुलतानी या दोन्ही संकटांनी शेतकऱ्यांना हवालदिल केलेलं दिसतं आहे. कृषी अधिकारी व कृषी विभागाकडे,प्रशासन यांना वारंवार याचना करून सुद्धा कृषी विभागाकडून इन्शुरन्स कंपनीला विचारणा करण्यात आलेली नाही व नेहमीच उडवाउडवीचे उत्तरे देऊन शेतकऱ्यांना प्रत्येकाच्या दारातून निरुत्तर परत जावे लागत आहे. अशाप्रसंगी किसान कांग्रेस सेल ने काही मागण्या घेऊन जिल्हाधिकाऱ्याकडे धाव घेतली.

अवश्य वाचा : 27 जुलैला चंद्रपूर जिल्ह्यातील शाळा, महाविद्यालय बंद

Pik vima status शेतकऱ्यांना महाराष्ट्रात तेलंगणाच्या धर्तीवर कर्जमाफी देण्यात यावी, पीक विमा 2023-24 तातडीने मिळावा, अतिवृष्टी अवकाळी पावसामुळे झालेल्या नुकसानीचे त्वरित नुकसान भरपाई देण्यात यावी, CIBIL कक्षेतून शेतकऱ्यांना वगळण्यात यावं ,नियमित कर्ज फेडणाऱ्या शेतकऱ्यांना 50 हजार रुपये देण्याचा सरकारच्या घोषणेप्रमाणे त्वरित पैसे वितरित करण्यात यावे, कृषी उद्योगाचा दर्जा देण्यात यावा, शेतमालाला हमीभाव देण्यात यावा ,कापूस 15 हजार ,सोयाबीन 10 हजार, धान 5 हजार रुपये असा हमीभाव द्यावा, स्वामीनाथन आयोगाची अंमलबजावणी करण्यात यावी, शेतकऱ्यांना डोळ्यासमोर ठेवून आयात – निर्यात धोरण ठरविण्यात यावे या मुद्यावर जिल्हाधिकाऱ्यांशी भेट घेऊन या सर्व प्रश्नांवर महाराष्ट्र शासनाने गांभीर्याने विचार करावा व येथील बळीराज्याला न्याय द्यावा अशी संवाद पूर्ण मागणी काँग्रेस किसान सेलच्या सर्व पदाधिकाऱ्यांनी केली.

अवश्य वाचा : मूल बस स्थानकावर महिला प्रसाधनगृहात घाणीचे साम्राज्य

याप्रसंगी काँग्रेसच्या कार्यकर्त्या डॉ.अभिलाषा गावतुरे किसान काँग्रेस सेलचे जिल्हाध्यक्ष दीपक जी वाढई ,पोंभुर्णा किसान सेलचे तालुकाध्यक्ष विनायक जी बुरांडे ,मुल किसान सेलचे तालुकाध्यक्ष विक्रम गुरुनुले, भोजेश्वरजी मोहुरले ,काँग्रेस चंद्रपूर शहर च्या उपाध्यक्ष सौ छाया सोनुले , डॉ समीर कदम, शुभम कावळे, तसेच इतर कार्यकर्ते उपस्थित होते.

Ladies toilet गुरु गुरनुले मूल : प्रवासी आणि बसेसच्या गर्दीने भरून राहणा-या येथील बस स्थानकाच्या भिंतीची रंगरंगोटी करून प्रवाश्यांना आकर्षित करण्याचा प्रयत्न होत असतांना दुसरीकडे मात्र येथील प्रसाधन गृहाची दुरावस्था बघून महामंडळाच्या अधिका-यांच्या प्रयत्नावर पाणी फेरल्या जात असल्याचा प्रकार येथील बस स्थानकामध्ये दिसुन येत आहे.

अवश्य वाचा : मूल शहरात शिवसेनेचा भव्य रोजगार मेळावा

Ladies toilet चंद्रपूर जिल्हयाच्या मध्यवर्ती ठिकाणी असलेले येथील बस स्थानक सदैव प्रवाशी आणि बसेसच्या गर्दीने भरलेले असते. दररोज हजारो प्रवाशी येथून ये-जा करतात. त्यामूळे येथील बस स्थानकावर पुरेश्या प्रमाणात शौचालयाची व्यवस्था असावी. या मागणीची दखल घेवून महामंडळ प्रशासनाने शौचालयात पुरेश्या प्रमाणांत मुता-या निर्माण केल्या. निर्माण केलेल्या शौचालयात स्वच्छता आणि दुर्गधी येवू नये म्हणून पाण्याच्या व्यवस्थेसह देखरेख ठेवण्यासाठी महामंडळाने येथील शौचालयाचा कंत्राट नागपूर येथील राजकुमार नामक व्यक्तीला देण्यात आला. कंत्राट आदेशातील अटी आणि शर्ती नुसार कंत्राटदाराने प्रारंभीच्या काळात शौचालयाची निगा आणि देखरेख ठेवण्याचा प्रयत्न केला.

कालांतराने मात्र कंत्राटदाराचे शौचालयाच्या स्वच्छता आणि व्यवस्थेकडे दुर्लक्ष होवू लागल्याने मागील कित्येक महिण्यांपासून येथील महिला शौचालयात पाण्याची व्यवस्था नसल्याने घाणीचे साम्राज्य पसरले आहे. नियमित स्वच्छता होत नसल्याने शौचालयात दुर्गधी पसरली असून तोंड आणि नाकावर कापड ठेवून महिला प्रवाश्यांना अडचण भागवावी लागत आहे. महिलांकरीता निर्माण केलेले हिरकणी कक्ष महिला शौचालयाला लागून असल्याने शौचालयातील अस्वच्छता आणि दुर्गंधीमूळे हिरकणी कक्ष असुन नसल्या सारखे झाले आहे. मागील पाच दिवसांपासून सुरू असलेल्या अतिवृष्टीमूळे स्थानकातील महिला प्रसाधन गृहात घाणीचे साम्राज्य पसरले असून मोठया प्रमाणांत दुर्गधी येत असली तरी नाईलाजाने प्रसाधनगृहाचा वापर करावा लागत आहे. त्यामूळे महिला प्रवाश्यांमध्यें येथील प्रसाधन गृहाच्या दुरावस्थे विषयी प्रचंड असंतोष पसरला आहे. संबंधीत विभागाने महिलांच्या समस्येकडे तातडीने लक्ष पुरवावे अशी मागणी केल्या जात आहे.

अवश्य वाचा : 29 गुन्हे दाखल असलेल्या गुन्हेगारांला चंद्रपूर पोलिसांची चपराक

येथील महिला प्रसाधन गृहातील दुरावस्था, अस्वच्छता आणि दुर्गंधी बाबत अनेक महिलांनी तक्रारी केल्या. त्याबाबत वरीष्ठांना कळविले सोबतचं शौचालयाच्या कंत्राटदारालाही सांगीतले. परंतू कोणीही प्रसाधन गृहाची दुरावस्था दुर करण्यासाठी सहकार्य करीत नाही. त्यामूळे आमचाही नाईलाज आहे.
वाहतुक नियंत्रक,
बस स्थानक मूल

नेहमीप्रमाणे बस स्थानकामधील मंदिरात दर्शना करीता गेलो असता महिला प्रसाधन गृहातील दुरावस्थेविषयी काही महिलांनी सांगीतले. ही बाब अत्यंत संतापजनक असून महिलांच्या भावनांशी खेळण्याचा आहे. तातडीने येथील महिला आणि पुरूष प्रसाधनगृहाची स्वच्छता आणि देखरेखीचा निर्णय घेण्यात यावा. अन्यथा काॅंग्रेसच्या वतीने महिलांच्या सोयीसाठी आंदोलन करावे लागेल.
संतोषसिंह रावत,
अध्यक्ष जि.म.स.बॅंक चंद्रपूर

Fatal journey वरोरा – मागील 3 दिवसापासून चंद्रपूर जिल्ह्यात पावसाने जोर पकडला असून नदी नाले उसांडून वाहत आहे, ग्रामीण भागात नागरिकांची दयनीय अवस्था या पावसामुळे झाली अशी बाब पुढे आली आहे, ही दयनीय अवस्था खासदार प्रतिभा धानोरकर यांच्या गृह तालुक्यातील आहे.

अवश्य वाचा : दोन विभागामुळे नागरिकांचे आरोग्य धोक्यात

Fatal journey पुरातून जीवघेणा प्रवास करीत असलेल्या विद्यार्थ्यांच्या व्हिडिओ पुढे आला आहे. एका हातात पायाची चप्पल, पाठीवर दप्तरं आणि दुसऱ्या हाताची साखळी करून विद्यार्थी पुरातून मार्ग काढीत आहे. हे विध्यार्थी वरोरा तालुक्यातील बोडखा मोकाशी गावातील आहेत. शिक्षणासाठी त्यांना वरोऱ्याला जावं लागतं. जिल्हातील कोसरसार ते बोडखा मार्गावरील नदीवर जुना पूल आहे.या पुलावरूनच मागील पंचवीस वर्षांपासून बोडखा ग्रामस्थ ये जा करतात.मात्र पुल लहान असल्याने मोठा पाऊस आला की काही तासातच पुलावरून पाणी वाहू लागतंय.

अवश्य वाचा : घाबरू नका मी तुमच्या सोबत आहे – सुधीर मुनगंटीवार

बोडखा मोकाशी गावाला ये जा करण्यासाठी हा एकमेव मार्ग असल्याने भर पुरातुन त्यांना मार्ग काढीत जावे लागते. येथील विद्यार्थी कोसरसार व वरोरा येथील शाळेत शिक्षण घेतात.पावसाळ्यात विध्यार्थ्यांना पुरातून जीवघेणा प्रवास करावा लागतो.या नदीवर नव्या पुलाची निर्माती करावी अशी मागणी वारंवार गावकर्यांना प्रशासन लोकप्रतिनिधी यांच्या जवळ केली मात्र त्यांचा मागणीकडे कुणीही गांभीर्याने बघितले नाही.चंद्रपूर जिल्ह्यात मागील चार दिवसापासून संततधार सुरू आहे. या पावसामुळे नदी नाले तुडुंब भरून वाहत आहेत. नदी नाल्यांना आलेल्या पुरामुळे शेकडो घरांची पडझड तर हजारो हेक्टर शेतीचे नुकसान झालेले आहे.